Blog

Ibi byagarutsweho ku itariki 3 Mutarama 2025 ubwo hatahwaga igikoni kigezweho cy'Ibitaro bya Kaminuza bya Kigali (CHUK) cyubatswe ku bufatanye n'Umuryango Solid'Africa. Ni igikoni gifite ubushobozi bwo gutekerwamo ibiryo bihagije abantu 8000 buri munsi.

Umunyamabanga Uhoraho muri Minisiteri y'Ubuzima, Iyakaremye Zachée yavuze ko u Rwanda rufite intego yo kubaka ibikoni mu bitaro byose hagamijwe ko abarwayi, abarwaza n'abandi bagana ibitaro babona ibiribwa byujuje ubuziranenge.

Ati 'Ubu tugiye gufata umwaka umwe mu cyo twakwita nk'igerageza tureba uko bizagenda indi imyaka nk'ibiri cyangwa itatu. Nitubona bigenda neza nta mbogamizi twahuye na zo cyangwa izo twabonye twabashije kuzibonera igisubizo, tuzahitamo kwihutisha kugira igikoni kuri buri bitaro. Ibyo kurya bihategurirwa bizagera ku bitaro byose dufite mu Rwanda noneho kugemura bihagarere'.

Iyakaremye yasobanuye ko ari urugendo rwatangiye, aho Leta y'u Rwanda iri kubifashwamo n'umuryango witwa Solid'Africa usanzwe utanga ibiribwa kwa muganga.

Uretse kuri CHUK, Minisiteri y'Ubuzima itangaza ko hari n'ibindi bikoni bigezweho byo gutekerwamo ibigaburirwa abarwayi, abarwaza n'abandi bakora kwa muganga ku bitaro bya Nyamata mu Bugesera, no ku bya Remera-Rukoma ku Kamonyi byombi bizatahwa muri uyu mwaka.

Ibyo kandi ngo biri kujyana na gahunda yo kwigisha abantu guhindura imyumvire kugira ngo bajye bagura ibiribwa byatekewe muri ibyo bikoni kuko bitegura amafunguro yujuje ubuziranenge kandi adahenze.

Uwo mushinga wo kubaka ibikoni bigezweho ku bitaro biteganyijwe ko uzagera mu bitaro 47 by'uturere hose gihugu.

Yverry wamamaye mu ndirimbo zubakiye ku rukundo, ari kumwe na Gauchi yabashije gukora ibihangano byakunzwe mu buryo bukomeye. Nibwo yasohoye indirimbo 'Njyenyine' yakoranye na Butera Knowless imaze kurebwa inshuro zirenga Miliyoni 4, ndetse yakoze n'izindi ndirimbo zirimo nka 'Over'. 

Gauchi kandi yamufashije kuririmbira ku nshuro ye ya mbere muri Canada, ndetse yahakoreye amashusho y'indirimbo yitwa 'Forever' iri mu zamutwaye amafaranga menshi, yakozwe mu buryo bw'amajwi na Producer Made Beats.

Mu kiganiro na InyaRwanda, Yverry yavuze ko amasezerano yari afitanye na Gauchi yageze ku musozo, kandi amushimira uruhare yagize mu gihe bari bamaze bakorana.

Yavuze ko amezi 18 yari ashize akorana na Gauchi nk'umujyanama we, kandi ko ibyari mu masezerano byubahirijwe, icyabaye ari ukubahiriza amasezerano nk'uko yavugaga.

Ati 'Nibyo twamaze gusoza amasezerano twari dufitanye, ubu igisigaye ni gukomeza ibikorwa byanjye by'umuziki, ndamushimira uko twakoranye n'uruhare yagize.'

Gauchi amaze igihe ari mu ruganda rw'umuziki, ndetse yagiye atera inkunga ibikorwa by'abahanzi benshi barimo n'abakomeye muri iki gihe, n'ubwo bitagiye bivugwa cyane mu itangazamakuru, ahanini bitewe n'uko abikora agamije gushyira itafari rye ku rugendo rw'umuziki w'abanyarwanda.

Uyu mugabo usanzwe ukora ibikorwa by'ubucuruzi byubakiye ku kubaka akagurisha amazu, muri iki gihe yatangiye uburyo bwo gutera inkunga cyangwa se gufasha abahanzi bafite izina, kurizamura ku buryo bamenyekana ku ruhando mpuzamahanga.

Asanzwe ari n'umuhanzi, kuko afite ibihangano byinshi birimo n'indirimbo 'Madamu' yakoranye Bruce Melodie. Ndetse, agaragaza ko mu cyumweru kiri imbere azashyira hanze indirimbo, irimo ubutumwa bukangurira cyane cyane abakobwa kwita ku mahitamo bakora mu buzima bwabo.

Gauchi anafatanyije n'abarimo Fireman, Sean Brizzy n'abandi, baherutse gusohora indirimbo 'Amahitamo' bakoze mu gihe cy'amatora y'Umukuru w'Igihugu hagati ya Nyakanga na Kanama 2024. Uyu mugabo anafite ku isoko indirimbo zirimo ‘Oya’ yakoranye na Eesam, ‘Baramujyanye’, ‘Ikaze’, ‘Ceza’, ‘Ndagarutse’, ‘Free Day’ yakoranye na Aime Bluestone n’izindi.

Yverry yemeje ko yatandukanye na Gauchi nyuma y'amezi 18 ari umujyanama we

Yverry yavuze ko yakoranye neza na Gauchi, kandi ko ibiganiro bagiranye byatumye batongera igihe cy'amasezerano 

Yverry yamamaye cyane binyuze mu ndirimbo zirimo ‘Nduwawe’, ‘Amabanga’, ‘Mwijuru’, ‘Umutima’, ‘Uragiye’, ‘Nk’uko njya mbirota’ n’izindi 

Gauchi ari kwitegura gusohora indirimbo ye nshya, izafasha abakunzi be kwinjira neza mu mwaka mushya

KANDA HANO UREBE AMASHUSHO Y'INDIRIMBO 'AMAHITAMO'

 “>

KANDA HANO UREBE AMASHUSHO Y'INDIRIMBO 'FOREVER' YA YVERRY

  “>

KANDA HANO UREBE UBWO YVERRY YAJYAGA MURI CANADA ABIFASHIJWEMO NA GAUCHI

“>

Yabitangaje ku wa 1 Mutarama 2025, ubwo yitegura gushyira akadomo ku gitaramo 'The New Year Groove' yamurikiyemo Album ye ya Gatatu yise 'Plenty Love', ubwo yari imbere y'ibihumbi by'abantu bari biyemeje kumushyigikira. 

The Ben yumvikanishije ko ibihangano byose yagezeho byagizwemo uruhare n'abafana be, ariko kandi ubuzima yabanyemo muri Amerika na Meddy byagejeje ku bihangano byinshi na n'uyu munsi biri mu mitima y'abakunzi b'umuziki.

Uyu mugabo yavuze ko ubwo bageraga muri Amerika, bagowe cyane no kubona aba Producer babakorera indirimbo, bituma imyaka ibiri yarashize nta gihangano. 

Aho baboneye aba Producer nibwo yakoze indirimbo yise 'I'm in Love' yasamiwe hejuru, ubwo yasohokaga ku wa 27 Ukwakira 2012.

Yavuze ko iyi ndirimbo idasanzwe mu rugendo rwe rw'umuziki. Ati 'Hari indirimbo nshaka kubaririmbira n'ubwo turi kugana ku musozo […] Iyi ndirimbo tukigera mu Amerika, twari tumaze imyaka myinshi tutaririmba twarabuze aba Producer.'

Iyi ndirimbo yakozwe mu buryo bw'amajwi (Audio) na Producer Lick Lick, ndetse mu buryo bw'amashusho yakozwe na Cedru. Bigaragara ko yashowemo imari na Sosiyete y'umuziki ya Press One Rwanda, ari nayo The Ben yabagarizwamo nka 'Label' ye.

Ku rubuga rwa Youtube rwa Press One Rwanda niho iyi ndirimbo yashyizwe. Nyuma y’iyi ndirimbo, The Ben yahawe amahirwe yo kuririmba mu birori bya Rwanda Day byabereye mu Mujyi wa Boston, icyo gihe yataramanye na K8 Kavuyo ndetse na Meddy.

Nyuma ye, K8 Kavuyo wari muri Amerika yasohoye indirimbo ‘Imbonekarimwe’, akurikirwa na Meddy wasohoye indirimbo ‘Oya Ma’.

The Ben yakomeje gukora agera ubwo akora indirimbo ‘Give it to me’, aza no kigera ku ndirimbo ‘Ndi uw’i Kigali’ yahuriyemo na Meddy na K8 Kavuyo n’izindi.

The Ben yatangaje ko akigera muri Amerika yagowe no kubona aba Producer byatumye amara imyaka ibiri nta ndirimbo asohora

  

The Ben yavuze ko indirimbo ye 'I'm in Love' ayifiteho urwibutso rukomeye

KANDA HANO UREBE AMASHUSHO Y'INDIRIMBO 'I'M IN LOVE' YA THE BEN

“>

Ni nyuma y'uko mu gihe cyo kwinjira minsi mikuru, Polisi y'u Rwanda yari yatanze ubutumwa busaba buri wese kurangwa n'imyitwarire yimakaza ituze n'umudendezo rusange, birinda ibyaha n'ibindi bikorwa bihungabanya umutekano.

Umuvugizi wa Polisi y'u Rwanda; ACP Boniface Rutikanga, kuri uyu wa Gatanu tariki ya 3 Mutarama 2025, yavuze ko ingamba zashyizweho n'uru rwego zigamije guhangana n'ibihungabanya umutekano n'ubufatanye n'abaturage byagize uruhare runini mu gutuma ibihe bisoza umwaka bigenda neza.

Ati 'Mu mwaka wa 2024 umutekano wagenze neza muri rusange no mu bihe by'iminsi mikuru isoza umwaka by'umwihariko; ibikorwa byari biteganyijwe birimo ibitaramo, imyidagaduro n'amateraniro hirya no hino mu gihugu bikorwa mu ituze n'umutekano.'

'Mu mwaka dusoje; hari ibyaha bayagiye bigaragara kurusha ibindi nk'ubujura bw'insinga z'amashanyarazi cyane cyane mu Ntara y'Amajyepfo, mu ntara y'Iburasirazuba no mu bice bimwe na bimwe by'Umujyi wa Kigali, ubujura bw'amatungo n'ubucukuzi butemewe bw'amabuye y'agaciro aho bamwe mu babyihishe bagiye bafatwa bagashyikirizwa ubutabera.'

Yagaragaje ko ibi byaha kenshi bikorwa n'uruhererekane rw'abantu benshi kandi bigira ingaruka ziremereye ku baturage, aburira ababyishoramo ko ibikorwa byo kubirwanya byakajijwe kandi bizakomeza.

Ati 'Ubujura bw'insinga z'amashanyarazi bugira ingaruka zirimo guhagarika ibikorwa by'iterambere no guteza umwijima utuma n'ibindi bikorwa by'ubugizi bwa nabi bibona aho bimenera, ubujura bw'amatungo bugasubiza inyuma ubukungu n'iterambere by'abaturage n'igihugu muri rusange, kimwe n'ubucukuzi butemewe nabwo bwagiye busiga abantu mu manegeka bukangiza n'ibihingwa byabo.'

'Ibyo byose bikorwa n'abarenze umwe; barimo abiba, abatunda ibyibwe n'ababibagurira, ku bujura bw'amatungo by'umwihariko hakaba abayaranga, abayiba, abayabaga n'ucuruza inyama.'

ACP Rutikanga yavuze kandi ko hari abagiye bafatirwa no mu bujura bw'amatelefone n'ibindi bikoresho byagiye bifatwa ku bufatanye n'izindi nzego n'abaturage ababifatanwe bagashyikrizwa ubushinjacyaha kandi ibikorwa byo kubafata bizakomereza muri uwo mujyo.

Kuva mu ntangiriro z'Ukwezi k'Ukuboza kugeza ku bunani; ni ukuvuga itariki ya 1 Mutarama 2025, mu gihugu hose abantu 38 bafatiwe mu bikorwa by'urugomo birimo gukubita no gukomeretsanya biturutse ku businzi bukabije hirya no hino mu gihugu.

Umuvugizi wa Polisi y'u Rwanda yasabye abaturage gukomeza kugira uruhare mu kwicungira umutekano kugira ngo n'ibyuho byagiye bigaragara bibashe kuburizwamo no gutanga amakuru kugira ngo uyu mwaka uzarangire neza kurushaho.

Ati 'Ntabwo Polisi y'u Rwanda yasigasira umutekano w'Abanyarwanda batabigizemo uruhare. Kugira ngo umujura yibe ni uko haba hari icyuho cyabayeho cyo kubona aho yamenera. Mu gihe abona kwiba cyangwa n'ibindi bikorwa by'urugomo biri bumuhende cyangwa agafatwa aratinya akabireka. Turasaba buri wese kuba ijisho rya mugenzi we no gutangira amakuru ku gihe kugira ngo ibyaha n'ibindi bikurura urugomo nk'ubusinzi bigabanuke.'

Mu bihe abanyeshuri bagiye gusubira ku masomo; ACP Rutikanga yibukije abashoferi, abayobozi b'amashuri n'ababyeyi ko bigomba gukorwa neza hubahirizwa gahunda yashyizweho kugira ngo hatazagira ubura imodoka ngo hagire abarara muri sitade cyangwa ngo bajye gucumbikirwa hirindwa n'ibindi byaha byo kubahohotera no guca mu zindi nzira, bakazirikana ko ubuzima bwabo buri imbere bushingiye ku myigire yabo.

Agaruka ku mutekano wo mu muhanda; ACP Rutikanga yavuze ko wari wifashe neza yibutsa abakoresha umuhanda gukomerezaho kwirinda umuvuduko.

Ati 'Mu byumweru bibiri bisoza umwaka, umutekano wo mu muhanda wari wifashe neza uretse impanuka 3 zatwaye ubuzima bw'abantu babiri zagaragaye muri icyo gihe cy'umwaka usanga kirangwa n'ibikorwa bijyanye no kwishima. Ikindi twibutsa 'Umuvuduko urica', abatwara ibinyabiziga bagomba kubahiriza icyo ibyapa biteganya birinda gucungana n'abapolisi, bakirinda gutwara banyoye ibisindisha bubahiriza n'andi mategeko kandi batangamirana mu muhanda.'

Yibukije abagenzi ko bafite uruhare rukomeye mu kubuza ababatwaye kwirinda kugendera ku muvuduko mwinshi n'andi makosa yose yatuma habaho impanuka ikababuza ubuzima cyangwa ikabakomeretsa, yihanganisha n'imiryango y'ababuriye ababo mu mpanuka.

Iki cyumweru cya mbere cya 2025, cyaranzwe no gukora cyane ku ruhande rw'abahanzi nyarwanda, kuko bashyize hanze indirimbo nyinshi kandi zengetse cyane. 

Imikorere iri hejuru abahanzi Nyarwanda batangiranye umwaka mushya, iratanga icyizere kiri hejuru y'uko uyu mwaka uzaba udasanzwe mu ruganda rw'umuziki haba mu Rwanda ndetse no mu ruhando rw'amahanga.

Nk'uko bisanzwe bigenda mu mpera za buri Cyumweru, InyaRwanda ibagezaho urutonde rw'indirimbo nshya z'abahanzi barimo abamaze kugera ku rwego rukomeye n'abakizamuka.

Ikigamijwe ni ugutanga umusanzu mu iterambere ry'umuziki no gufasha abadukurikira kuruhuka no kunogerwa n'impera z'icyumweru. Kuri iyi nshuro, abahanzi batandukanye bakoze mu nganzo batanga ibihangano bishya.

Kuri ubu, abahanzi nyarwanda baba abakora umuziki usanzwe ndetse n'abakora uwo kuramya no guhimbaza Imana bose bakoze mu nganzo.

Mu bahanzi bakoze mu nganzo, harimo Yampano uri mu banyempano bashya bari kuzamuka neza muri iki gihe, Chiboo na we uri mu batanga icyizere, Yago, Nessa na Beat Killer biyemeje gukora ibidasanzwe muri Hip Hop muri uyu mwaka, Tonzi, Emmy Vox n'abandi.

Dore indirimbo 10 InyaRwanda yaguhitiyemo zagufasha kuryoherwa n'impera z'icyumweru cya mbere cy'umwaka wa 2025 umaze iminsi itatu gusa utangiye:

1.     Meterese — Yampano ft Bushali

“>

2.     Okipe – Chiboo

“>

3.     Merci – Tonzi

“>

4.     Kwa Mama — Yago Pon Dat

“>

5.     Cheers — Yugi Umukaraza ft Ish Kevin

“>

6.     Ntacyo bitwaye — Nessa ft Beat Killer

“>

7.     Warakoze — Emmy Vox ft Ben Muragizi

“>

8.     Umwaka Mushya — Inganzo Ngari

“>

9.     Ntakinanira – Promise Hope

“>

10. He Blessed my life — Maranatha Choir

“>

Ni icyemezo cyafashwe nyuma y'uko umwaka ushize wa 2024 muri aka Karere habaruwe imiryango 700 ibana mu makimbirane mu Karere kose. Imirenge iza ku isonga mu kugira imiryango myinshi iri mu makimbirane harimo Umurenge wa Rwimbogo, uwa Gitoki ndetse n'Umurenge wa Rugarama.

Umuyobozi w'Akarere ka Gatsibo wungirije ushinzwe imibereho myiza y'abaturage, Mukamana Marcelline, yabwiye IGIHE ko iyi miryango 700 babaruye ibana mu makimbirane batangiye kuyifasha kuyavamo bifashishije inshuti z'umuryango zibaganiriza umunsi ku munsi ndetse n'ubundi buryo bushya batangije aho bifashisha icyumba cyashyizweho kuri buri Kagari.

Yagize ati 'Ingamba zihari ni ugukomeza kubasura mu miryango yabo hifashishijwe inshuti z'umuryango ziri muri buri mudugudu tugafatanya twese nk'ubuyobozi. Ikindi hari uburyo bahurizwa kuri buri kagari hariyo icyumba cy'umuryango mwiza tukagirana nabo ibiganiro, tukabaganiriza twifashishije imiryango yabanaga mu makimbirane mbere ikababwira uko bayavuyemo n'inyungu babonye ibyo byose biri kugenda bidufasha.'

Visi Meya Mukamana yakomeje avuga ko bizeye ko uyu mwaka uzarangira nibura imiryango myinshi yaravuye mu makimbirane, bikazanafasha mu gukemura ibindi bibazo bitandukanye biyaturukaho birimo abana bata amashuri, abana baterwa inda imburagihe, ubukene n'ibindi bibazo byinshi bikigaragara mu miryango bitewe n'amakimbirane.

Kuri ubu iyi miryango iri guhabwa inyigisho n'ubuyobozi bufatanyije n'inshuti z'umuryango, hanifashishwa kandi ubuhamya bw'imiryango iba yaravuye mu makimbimbirane kuri ubu ikaba ibanye neza.

Umuyobozi w'Akarere ka Gatsibo wungirije ushinzwe imibereho myiza y'abaturage, Mukamana Marcelline, yavuze ko biteze ko uyu mwaka uzarangira ingo zifitanye amakimbirane zibana neza

Iyi nkunga yashyikirijwe umuyobozi muri Minisiteri y'Uburezi kuri uyu wa 03 Mutarama 2025, mu busabane hagati y'Abanyarwanda baba mu mahanga bwabereye ku cyicaro cya Minisiteri y'Ububanyi n'Amahanga n'Ubutwererane, MINAFFET.

Muri Kamena 2024 ni bwo hatangijwe gahunda ya 'Dusangire Lunch', hagamijwe ko abana bose bagerwaho n'ifunguro rya Saa Sita, na cyane ko hari ababyeyi birengagizaga uruhare rwabo muri iyo gahunda.

Umuyobozi w'Umuryango w'Abanyarwanda baba muri Queensland, Renatus Mulindangabo, yavuze uko ibihe bizagenda biha ibindi ari ko umusanzu wabo uzagenda urushaho kwaguka.

Ati 'Ni igikorwa duteganya ko twazajya dukora buri mwaka uko tuje iwacu tukanafasha. Habaye ubukangurambaga, ubu ni intangiriro ariko twizera ko mu bihe bizaza n'abandi bazaba bamaze kubyumva neza, twaje turi benshi bigaragaza ko iyi gahunda ishyigikiwe bityo twizeye ko izakomeza.'

Iyi nkunga yatanzwe, yakusanyijwe binyuze mu Muryango Nyarwanda wo muri Australia, by'umwihariko muri gahunda batangije umwaka ushize muri Nzeri ya 'Coming Home' aho bifuje kuzajya baza gusabana n'Abanyarwanda buri mwaka ariko bakagira n'ibikorwa bizamura iterambere n'imibereho myiza bakora.

Umuyobozi Mukuru ushinzwe Politiki n'Igenamigambi muri Minisiteri y'Uburezi, Rose Baguma, washyikirijwe iyi nkunga, yashimiye uruhare rw'aba Banyarwanda mu guharanira ireme ry'uburezi mu Rwanda, aboneraho no guhamagarira buri wese gutanga umusanzu.

Minisitiri w'Ububanyi n'Amahanga n'Ubutwererane, Amb. Olivier Nduhungirehe, yashimye umusanzu Umuryango w'Abanyarwanda baba mu mahanga utanga mu guteza imbere ubukungu bw'u Rwanda binyuze mu bikorwa bitandukanye.

Ati “Umusanzu wanyu mu guteza imbere ubucuruzi, uburezi, umuco n'imibereho myiza y'abaturage bigaragarira buri wese mu bikorwa by'indashyikirwa. Twabonye ubwitange muri gahunda zitandukanye nka 'Dusangire Lunch' zagize uruhare rugaragara ku Banyarwanda ndetse n'igihugu muri rusange.”

Muri Nzeri umwaka ushize, Minisiteri y'Uburezi yatangaje ko imaze gukusanya miliyoni 143 Frw muri gahunda yo kugaburira abanyeshuri ya 'Dusangire Lunch'.

Aya mafaranga yariyongereye kubera ko ibigo n'abantu ku giti cyabo bakomeje gutanga umusanzu, aho nko mu Ukwakira mu 2024, MTN yatanze miliyoni 30 Frw yo kuzifashishwa n'ibigo by'amashuri mu kunganira Leta guha amafunguro abanyeshuri 10.000 mu mwaka w'amashuri wa 2024/25.

Abanyeshuri barenga miliyoni 3,9 ni bo bagaburirwa ku mashuri.

Umuyobozi w’Umuryango w’Abanyarwanda baba muri Queensland, Renatus Mulindangabo, yavuze uko ibihe bizagenda biha ibindi ari ko umusanzu wabo uzagenda urushaho kwaguka

Umuyobozi Mukuru ushinzwe Politiki n’Igenamigambi muri Minisiteri y’Uburezi, Rose Baguma, yashimiye uruhare rw'aba Banyarwanda mu guharanira ireme ry'uburezi mu Rwanda

Minisitiri Amb. Olivier Nduhungirehe yabashimiye gutanga umusanzu uharanira iterambere ry’u Rwanda

Umuryango w'Abanyarwanda baba muri Australia watanze inkunga ya miliyoni 4 Frw, azifashishwa mu kunganira Leta n'ababyeyi muri gahunda yo kugaburira abana ku mashuri izwi nka 'Dusangire Lunch'

Nibwo bwa mbere Amb. Olivier Nduhungirehe, yari aganiriye n'Abanyarwanda baba mu bihugu bitandukanye ku Isi nka Minisitiri w’Ububanyi n’Amahanga

Ubu busabane bwari bwitabiriwe n’Abanyarwanda barenga 138 batuye mu bihugu 40 hirya no hino ku isi

Mu 2023, Abanyarwanda baba mu mahanga barohereje mu gihugu miliyoni 504,7 z'amadolari ya Amerika mu gihugu

Amafoto: Kwizera Hervé

Ni ingingo yagarutseho ubwo yagezaga ijambo ku bari bitabiriye ubusabane hagati y'Abanyarwanda baba mu mahanga bwabaye ku wa 03 Mutarama 2025.

Ubu busabane bwari bwitabiriwe n'Abanyarwanda barenga 130 baba mu bihugu birenga 40 byo ku migabane yose y'Isi. Bwabereye ku cyicaro cya Minisiteri y'Ububanyi n'Amahanga n'Ubutwererane, MINAFFET.

Minisitiri Amb. Olivier Nduhungirehe yashimye umusanzu Umuryango w'Abanyarwanda baba mu mahanga utanga iwabo, ariko anabasigira umukoro muri ibi bihe byo gutangira umwaka mushya.

Yagize ati 'Icyo tubasaba ni ugukomeza kugendana u Rwanda aho bari, kuko ni bo ba ambasaderi ba mbere b'igihugu. Hari henshi hatari ambasade z'u Rwanda cyangwa abambasaderi cyangwa abadipolomate batagera ariko bo bari, kandi ari bo shusho ya mbere y'u Rwanda abo banyamahanga bahura na yo,'

'Turabasaba gukomeza kuvuganira u Rwanda, kururengera, gukomeza gukangurira abanyamahanga gusura u Rwanda, kurushoramo imari, kuko u Rwanda ni urwa bose yaba intara eshanu n'intara ya gatandatu ya diaspora.'

Minisitiri Amb. Olivier Nduhungirehe yashimiye Abanyarwanda baba mu mahanga bagize uruhare mu kuzamuka k'ubukungu bw'igihugu, aho bohereje miliyoni 504,7 z'amadorali ya Amerika mu Rwanda mu 2023, ku miryango n'incuti zabo ndetse no mu bikorwa by'ishoramari.

Ni amafaranga menshi ugereranyije n'ayavuye mu Rwanda yoherezwa hanze muri uwo mwaka kuko yari miliyoni 47,2 z'amadorali ya Amerika gusa.

Ati 'Ntabwo bihagararira aho gusa kuko umusanzu wabo ugaragarira mu bindi bikorwa birimo gusangiza ubumenyi, mu kwigisha urubyiruko umuco Nyarwanda n'ururimi kuko usanga akenshi bigoye ku bana bavukiye cyangwa bakuriye mu mahanga kumenya Ikinyarwanda. Bakora akazi gakomeye.'

Ku rundi ruhande ariko, n'ubwo aba Banyarwanda basabwe guharanira isura nziza y'u Rwanda imahanga, nabo biyemeje gukomeza guharanira iterambere ry'ubukungu mu gihugu cyabo.

Umushoramari w'Umunyarwanda utuye muri Leta Zunze Ubumwe za Amerika, Irene Basil Masevelio, yavuze ko mu myaka ine ishize atangiye gushora imari mu Rwanda amaze kugera kuri byinshi, kandi yiteguye gukomeza umurongo yihaye.

Ati 'Natangiye gushora imari mu Rwanda kuva mu 2020 kandi maze kugira ryinshi, ariko ibyo byose dukora harimo imfashanyo ya Leta.'

Munyejabo Steven, nawe ni Umunyarwanda, watangije ikigo cyita ku bageze mu zabukuru mu Rwanda, yise Iwacu 'Dignity Home Care'. Kugeza ubu iki kigo kimaze kunyuramo abantu 78 kikaba kibamo abandi 14 by'igihe kirekire.

Yabwiye IGIHE ko 'Mu bijyanye n'ubumenyi cyangwa ubushobozi, hari icyo diaspora ikora kuko ubona ko bamaze gutanga umusanzu ufatika. Bakomerezeho kandi urabona ko bafite gukorera hamwe kuko urabona ko aho baba hose ku Isi bafite ubushake, twavuze ko tugomba gutanga umusanzu.'

Muri gahunda ya NST2 byitezweho ko aba Banyarwanda baba mu mahanga nabo bazagira uruhare rukomeye mu kugeza igihugu ku iterambere cyifuza.

Minisitiri w'Ububanyi n'Amahanga n'Ubutwererane, Amb. Olivier Nduhungirehe, yasabye Abanyarwanda baba mu mahanga gusigasira isura nziza y'igihugu cyabo

Umushoramari w'Umunyarwanda utuye muri Leta Zunze Ubumwe za Amerika, Irene Basil Masevelio, yijeje gukomeza gushora imari mu Rwanda

Umuyobozi Mukuru wa Rwanda Stock Exchange, Pierre Celestin Rwabukumba, yakanguriye Abanyarwanda baba mu mahanga kuyoboka isoko ry’imari n’imigabane ry’u Rwanda anabagaragariza amahirwe arimo

Bashimiwe uruhare rwabo mu iterambere ry’u Rwanda

Ibigo bitandukanye byari bihagarariwe kugira ngo bisobanure serivisi zabyo kuri aba Banyarwanda baba mu mahanga

Ubu busabane bwabereye ku cyicaro cya Minisiteri y'Ububanyi n'Amahanga n'Ubutwererane, MINAFFET

Ubu busabane bwari bwitabiriwe n'Abanyarwanda barenga 130 baba mu bihugu birenga 40 byo ku migabane yose yo ku Isi

Bamwe mu bahawe umwanya bashimiye uburyo Minisiteri y’Ububanyi n’Amahanga iborohereza mu bikorwa byabo mu gihugu

Nibwo bwa mbere Amb. Olivier Nduhungirehe, yari aganiriye n'Abanyarwanda baba mu bihugu bitandukanye ku Isi nka Minisitiri w’Ububanyi n’Amahanga

Mu 2023, Abanyarwanda baba mu mahanga barohereje mu gihugu miliyoni 504,7 z'amadolari ya Amerika mu gihugu

Amafoto: Kwizera Hervé