Blog

Mu biganiro akunze gukora, Yampano yumvikanisha ko akunze gukora umuziki ari nayo mpamvu yifuza gukorana n’abantu bawukunze kandi bazi intumbero bafite muri uyu muziki nyarwanda.

Yumvikanisha kandi ko ari umunyempano mu kuririmba bityo aba yifuza umuntu umworohereza mu kazi ke ko kuririmba kugira ngo agaragaze ibyo ashoboye byose.

Ubaze umunsi ku wundi, hashize ibyumweru bitatu umuhanzi Uworizagwira Florien uzwi nka Yampano ashyize hanze indirimbo yise 'Ngo' yakoranye n'umuraperi Papa Cyangwe.

Ni indirimbo yakunzwe kuva ku munsi wa mbere giye hanze ariko ikomeza kwigwizaho igikundiro nyuma y'uko Yampano yari amaze gutaramira muri BK Arena aho yayiririmbiye abantu, bakagaragaza ko bayishimiye cyane.

Nyuma y'iminsi mike ataramiye muri iki gitaramo, indirimbo 'Ngo' yahise yuzuza Miliyoni y'abayirebye ku rubuga rwa YouTube ndetse ihita iba indirimbo ya kabiri ya Yampano yujuje Miliyoni kuri YouTube nyuma ya 'Ndi Kwikubita'.

Iyi ndirimbo iri kuzamura izina ry'uyu muhanzi Yampano, yakozwe n'umusore ukiri muto witwa Bertz Beat wo mu karere ka Rubavu akaba ari naho akorera umuziki we, iyo ataje gutera ibiraka mu mujyi wa Kigali.

Mu kiganiro na InyaRwanda.com, uyu musore yavuze ko bwa mbere ahura na Yampano yamucurangiraga Gitari hanyuma aza kumubwira ko ashoboye no gukora imiziki bityo ko bishoboka bakorana hanyuma batangira gupanga umushinga wo gukorana.

Aba basore bose bakizamuka mu ruganda rw'imyidagaduro, bashyize hamwe bamara amajoro badasinzira, bakora kuri iyi ndirimbo yaje no gutanga umusaruro ufatika dore ko iyi ndirimbo yabaye iya mbere yujuje Miliyoni kuri YouTube mu gihe gito kuva Yampano yatangira umuziki we.

Si Yampano gusa kuko umuhanzi Social Mula utaherukaga kwigaragaza mu muziki yagarukanye Album yashyizweho amaboko n'uyu musore wo mu karere ka Rubavu.

Indirimbo 'Amola' yakozweho n'uyu musore mu buryo bw'amajwi akaba ari nayo ya mbere Social Mulla yashimye ko yabanza gushyira hanze mu ndirimbo zigize album ye nshya.

Uyu musore uri kugaragaza ko hari ikintu kinini yakora ku muziki, yavuze ko mu karere ka Rubavu aho akorera umuziki hatari hamuha amahirwe menshi yo guhura n'ibyamamare bikomeye mu gihugu ariko azakomeza gutanga ibye byose kugira ngo n'abo bahuye bazajye bamwirahira, abahe ibye byose.

Producer Bertzbeat akomeza kugaragaza ko ari umwe mu basore bakiri bato bashoboye kandi bafite inyota yo gukora umuziki

Element ashinjwa na Yampano kudaha agaciro abahanzi bose ahubwo akagira bamwe atonesha bitewe n’ubucuti bafitanye

Yampano akunze kugaragaza ko abaye afite umuntu ufite ubushake bwo gukora umuziki bagerana ku bintu bikomeye

Reba indirimbo “Amola” ya Social Mulla yakozwe na Beartzbeat

“>

Reba indirimbo “Ngo” ya Yampano na Papa Cyangwe yakozwe na Beartzbeat

“>

K8 Kavuyo wakunze kwigarurira imitima ya benshi biganjemo igitsina gore cyane ko bishimangirwa n’umubano wihariye yigeze kugirana na Miss Rwanda 2009 kugeza 2011, Bahati Grace aho banabyaranye umwana w’umuhungu.

K8 Kavuyo ni umwe mu bahanzi bakoze amateka mu ndirimbo yaba izabo cyangwa izo bahuriyemo na bagenzi babo zikaza gukundwa  mu buryo butangaje.

Zimwe muri izo  ndirimbo zamugize ikimenyabose mu myaka yatambutse, harimo   Hood Inyumve, Afande ,Ivanjiri ,Gasopo ,Ndi uw’i Kigali yakoranye na TheBen ndetse na Meddy.

Nyuma y’igihe kirekire agenda biguru ntege mu muziki yongeye kugaragara afasha umuhanzi Bruce The first mu gusubiramo Bwe Bwe  yanahuriyemo na bagenzi be benshi, nyuma yagaragaye mu gitaramo The New Year Groove Album Lunch cya The Ben, aza guhabwa umwanya ngo aririmbe birangira  yibagiwe amwe mu maganbo yaririmbye (Lyrics) imbere  y’imbaga y’abafana batari bamuherutse..

K8 Kavuyo yongerewe ku rutonde rw'abaraperi bazasusurutsa imbaga y’abakunda injyana ya Hip Hop, aje asanga barimo Diplomate, P Fla, Riderman, Bull Dogg, Fireman, Jay C, Danny Nanone, Bushali, B Threy, Ish Kevin, Zeotrap, Green P na Logan Joe

K8 Kavuyo ni mwe mu banyabigwi umuziki nyarwanda wakoranye Indirimbo n’abahanzi bakomeye mu Rwanda kugeza ubwo agiye gutura no gukorera muri Leta Zunze ubumwe za Amerika.

Uyumuhanzi K8 Kavuyo ukunze kwitwa CB cyangwa  Chris Brown bigendeye ku buryo aba yambaye n’uburyo agaragara, bimenyerewe ko ariwe muraperi nyarwanda ukurura abakobwa kurusha abandi bose

Iki gitaramo cyagombaga kubera kuri Canal Olympia tariki 27 Ukuboza 2024 kirasubikwa, abari kugitegura  bavuze ko bitewe n'imvura yaguye yarimo umuyaga mwinshi wangije ibyuma by’amajwi n’ibindi byari kwifashishwa, banzuye ko gisubikwa kikimurirwa ahandi.

Nyuma yo gusubika iki gitaramo byaje kwanzurwa ko kizasubukurwa tariki 10 Mutarama 2025, kikazabera muri Camp Kigali ahasanzwe hasakaye mu rwego rwo kwirinda ko imvura n’umuyanga  byakongera kugihungabanya.

Ni umwe mu baraperi nyarwanda bakurura igitsina gore

Muri BK Arena  ntabwo  zamwereye 

Ni amakuru yatangajwe n'Umuvunyi Mukuru, Nirere Madeleine ubwo yari mu kiganiro na Komisiyo y'Imiyoborere, Uburinganire n'Ubwuzuzanye bw'Abagabo n'Abagore y'Inteko Ishinga Amategeko, kuri raporo y'Ibikorwa by'Urwego rw'Umuvunyi ya 2023/2024 na gahunda y'ibikorwa bya 2024/2025 nk'uko tubikesha The New Times.

Yavuze ko uyu munsi uburyo icyamunara gikorwamo harimo icyuho cy'uko umutungo ukomeje gutakaza agaciro ku buryo bukabije, bigahombya bikomeye ba nyirawo, ibintu yemeza ko bigomba guhinduka mu maguru mashya.

Yavuze ko nubwo imurikagurisha rikorwa hifashishijwe ikoranabuhanga ariko ibyo bibazo bikigaragara cyane cyane mu guha agaciro gake imitungo itandukanye iba igomba kugurishwa.

Yasabye ko hashyirwaho amategeko arengera ba nyir'imitungo hirindwa ko bahura n'ibihombo bikabije, hibandwa cyane ku gushyiraho igiciro cya nyuma kitagomba kugibwa munsi ku mutungo uri kugurishwa mu cyamunara.

Nirere yagaragaje ko rimwe na rimwe bitari nyir'umutungo uhura n'ibihombo gusa, ahubwo na banki yamuhaye inguzanyo na yo ihura na byo, agatanga urugero rw'inzu ya miliyoni 10 Frw ishobora kugurishwa miliyoni 1,5 Frw.

Yakomeje avuga ko 'ubundi mu cyamunara igiciro umutungo ugomba kugurishirizwaho kigomba kutajya munsi ya 75% by'agaciro kawo', akavuga ko igiciro kiri munsi kitagomba kwemerwa.

Agaragaza ko ari ikibazo cy'ingenzi Minisiteri y'Ubutabera igomba kwigaho ikareba uko yagikemura binyuze mu mategeko.

Itegeko rigaragaza ko icyamunara gikorwa ku ikoranabuhanga ndetse uwafashe umutungo agatanga igiciro binyuze mu buryo bw'ikoranabuhanga hashingiwe ku cyatanzwe mu igenagaciro ryakozwe n'inzobere.

Ushaka kugura uwo mutungo na we yinjira muri ubwo buryo bw'ikoranabuhanga akuzuzamo ibijyanye n'igiciro yifuza gutanga, imyirondoro ye n'igiciro yatanze bigakomeza kugirwa ibanga kugeza ku munsi wo gutangarizaho ibiciro byatanzwe byose.

Nyir'umutungo ugiye kugurishwa cyangwa ugiye uwatanze inguzanyo ntiyishyurwe, bafite uburenganzira bwo kwanga igiciro kinini cyawutanzweho mu gihe kitagejeje kuri 75% by'icyatanzwe mu igenagaciro, bigakorwa inshuro ebyiri.

Icyakora ku nshuro ya gatatu itegeko rivuga ko umutungo uhabwa uwatanze igiciro kinini muri izo nshuro zose.

Perezida wa Komisiyo y'Imiyoborere, Uburinganire n'Ubwuzuzanye bw'Abagore n'Abagabo, Depite Nabahire Anastase yavuze ko kuri icyo cyiciro cya gatatu ari ho ibyo bihombo bivukira, na cyane ko banki zitandukanye ziba zishishikajwe gusa no kugaruza amafaranga zatanze.

Agaragaza ko amategeko agomba kuvugururwa, Depite Nabahire yakomeje ati 'Ni ikibazo abagize Inteko Ishinga Ametegeko bagomba kuganiraho na Minisiteri y'Ubutabera hakarebwa uko hatangwa igisubizo.'

Uyu mudepite kandi yavuze ko abaturage bahawe inguzanyo batagomba gutegereza kwishyura ari uko imitungo yabo igurishijwe mu cyamunara, icyakora asaba ko mu gihe byanabaye hagomba kugira igikorwa mu kwirinda ibyo bihombo.

Umuvunyi Mukuru, Nirere Madeleine yagaragaje ko hari ibikwiriye gukorwa mu kugabanya ibihombo bigaragara mu cyamunara

Yabikomojeho mu kiganiro kuri Televiziyo y'u Rwanda, aho yagaragaje ko hari izindi raporo ziri gutegurwa kuri ubu bugenzuzi, ateguza ko zizasohoka hari andi mashuri yahagaritswe kubera kutaba ku rwego rw'akenewe mu Rwanda.

Yagize ati 'Aya mashuri 60 afunzwe muri raporo 375 gusa dusohoye. Ni ukuvuga ngo mu zindi raporo turi gukoraho harimo arenze ayo, ubona rwose atakorera ku butaka bw'u Rwanda.'

Boneza yemeje avuga ko NESA ikomeje ubugenzuzi ku bigo by'amashuri bitandukanye, ndetse ko ibigo bidatanga uburezi bufite ireme byose bizakomeza gufungwa.

Buri mwaka NESA isanzwe ikora ubugenzuzi bw'ibigo by'amashuri mu turere twose tw'igihugu, yasanga hari atujuje ibyangombwa, ikayasaba kubishaka.

Muri Nzeri 2024, byagaragaye ko hari ibigo by'amashuri 785 bitari bifite impushya zibyemerera gukora. Nyuma y'ubugenzuzi, bimwe byahawe impushya kuko byujuje ibisabwa, ibindi bisabwa kubyuzuza.

Muri byo, 60 byategetswe gufunga. Byiganjemo ibyo mu cyiciro cy'incuke biherereye hirya no hino mu gihugu mu turere 11.

Boneza Angelique yavuze ko bimwe mu bigo by 'amashuri byafunzwe bitari byujuje ibisabwa birimo kutagira amashuri n'ibikoresho bihagije, ndetse n'abarimu badafite impamyabumenyi zibemerera gutanga ubumenyi ku banyeshuri.

Yagize ati 'Hari ishuri tugeramo ugasanga nta mwarimu n'umwe ufite diplôme. Hari abarimu b'abanyamahanga batagira dipolome z'ibihugu bavuyemo cyangwa ibizisimbura. Abo bantu bamaze imyaka 10-15 mu Rwanda. Turi gusangayo 'abatetsi', abo nibo tureresha abana.'

Mu rwego rwo gukomeza kurengera Abanyeshuri, NESA ivuga ko ikomeje ibikorwa byo gushakira amashuri mashya abigaga mu yahagaritswe, kugira ngo bakomeze amasomo yabo. Kugeza ubu abagera kuri 30% bamaze kubona aho biga.

Mu minsi ishize Umuyobozi Mukuru wa NESA, Dr Bahati Bernard, yatangaje ko hari amashuri yakoreraga muri lodge n’ahari utubari

Perezida Kagame yageze i Accra kuri uyu wa Kabiri 7 Mutarama 2024, umunsi n'ubundi Mahama na Visi Perezida Naana Jane Opoku-Agyemang bari burahireho.

Perezida Mahama watsinze amatora ku majwi 56.3%, agiye gusimbura ku butegetsi Nana Akufo-Addo.

Si ubwa mbere uyu mugabo ayoboye Ghana kuko yanabaye Perezida w'iki gihugu kuva mu 2012 kugeza mu 2017.

Ubwo Mahama yatangazwaga nk'uwatsinze amatora, Perezida Kagame ni umwe mu bamushimiye ndetse bamwizeza ubufatanye.

Umukuru w'Igihugu yaragize ati 'Shimirwa nshuti yanjye John Dramani Mahama ku bw'intsinzi wabonye mu matora ya Perezida. U Rwanda na Ghana bihuriye ku ntumbero ikomeye y'iterambere kandi twiteguye gukorana mu kongerera imbaraga ubufatanye bwacu, no kuganisha Afurika ku cyerekezo cy'iterambere.'

U Rwanda na Ghana bisanganywe umubano ushingiye ku bufatanye mu guteza imbere urwego rwo gutwara abantu n'ibintu mu kirere, igisirikare n'inzego z'umutekano.

Bifite kandi ubufatanye hagati y'inzego z'abikorera, ubukerarugendo, umuco, urwego rw'imari n'ubucuruzi.

U Rwanda rwafunguye Ambasade yarwo muri Ghana mu 2020. Ghana na yo yafunguye Ambasade yayo mu Rwanda mu 2024.

Mu mwaka ushize wa 2024, nibwo hacicikanye  amakuru avuga ko itorero Ibihame by’Imana ryacitsemo Kabiri nyuma y’ubwumvikane buke bwaranze abarigize ariko bigirwa ubwiru gusa bamwe muri bo baje kubihamiriza InyaRwanda bavuga ko mu byatumye ibi byose biba  harimo kurwanira ubuyobozi.

Ku isonga Ruti Joel yashyirwaga mu majwi n’abatari bake, bamushinja gusenya iri torero Ibihame by’Imana ryari rimaze kuba ubukombe.

Ku rundi  ruhande Cyogere wari uzwi cyane mu kunezeza  abakunzi b’iri torero, nawe yashyizwe mu majwi, avugwa mu barisenye  bidateye kabiri hamenyekana amakuru ko aba bombi bashinze iryabo  baryita Ishyaka  ry’Intore.

Kuri uyu wa Kabiri tariki 7 Mutarama 2025,  itorero Ishyaka ry’Intore bamaze guteguza igitaramo cyabo bwite kizagaragaramo byeruye abavuye mu Bihame by’Imana.

Iki gitaramo  cy’Ishyaka ry’Intore  ni ikimenyetso simusiga ko Itorero  Ibihame by’Imana ryacitsemo ibice.

Ni igitaramo kizaba tariki 25 Mutarama 2025, kibere  muri Camp Kigali aho  kugeza ubu n’amatike yacyo yashyizwe hanze.

Ruti Joel  asanzwe ari umuhanzi ufite izina rikomeye muri gakondo 

Cyogere 

Umukondo Gatore  mu bari ku ruhembe rw’itorero Ishyaka ry’Intore 

Iki cyemezo ni kimwe mu mavugurura ari gukorwa mu buryo bwo koroshya imitangire ya serivisi zireba ubucuruzi hagamijwe kwimakaza iterambere ry'ubukungu.

Izi mpushya zakuweho no ku byinjira mu gihugu, icyakora zikazajya zitangwa ku bicuruzwa bimwe na bimwe bishobora guteza ibibazo.

Impushya cyangwa ibyangombwa ku bicuruzwa byinjizwa mu gihugu zizajya zitangwa gusa ku bicuruzwa bishobora gutera ingaruka ku buzima.

Ikindi ni uko MINICOM yatangaje ko ibirango n'ibyemezo by'ubuziranenge bitangwa n'lkigo cy'lgihugu Gitsura Ubuziranenge (RSB), Ikigo Gishinzwe kugenzura lbiribwa n'lmiti (Rwanda FDA), n'lkigo cy'lgihugu gishinzwe Ubugenzuzi, lhiganwa mu bucuruzi no kurengera Abaguzi (RICA); bizajya bimara imyaka itanu itanu aho kumara imyaka ibiri nk'uko byari bisanzwe.

Itangazo rivuga ko iyi myaka itanu ishobora kongerwa, mu gihe hamaze gusuzumwa ko ibikorwa by'ubucuruzi byujuje ibiteganywa n'amategeko n'amabwiriza y'ubuziranenge.

Icyakora ibikubiye muri ibi ntibireba impushya ndetse n'ibyangombwa byo kwinjiza mu gihugu ibigendanye n'imiti, inkingo ndetse n'ibikoresho bijyanye n'ubuvuzi.

Mu zindi mpinduka zabaye ni uko amafaranga yishyurwaga n'inganda nto n'iziciriritse kugira ngo zihabwe serivisi z'ubuziranenge zigamije kunoza imikorere yakuweho.

Igiciro cya serivisi ziganisha ku guhabwa ikirango cy'ubuziranenge ku nganda nini cyagizwe ibihumbi 100 Frw, azajya yishyurwa binyuze mu isanduku ya Leta kuri konti ya RSB.

Aya amavuvugurura agamije guteza imbere ubucuruzi, hanagabanywa ibyo gusiragira mu nzego zitandukanye zitanga serivisi zijyanye n'iby'ubuziranenge, aho umucuruzi yasabwaga kunyura mu bigo binyuranye akenshi ugasanga serivisi zirangwa ni zimwe.

Mu 2024 Minisitiri w'Ubucuruzi n'Inganda, Prudence Sebahizi yavuze ko buri kigo gikora ubugenzuzi bw'ibicuruzwa mu Rwanda, kigiye guhabwa inshingano zacyo zihariye hakaba n'izihurizwa hamwe ku buryo nta nshingano ibigo bibiri bizongera guhuriraho.

U Rwanda rwakuyeho iby’impushya zasabwaga ibigo byohereza ibicuruzwa mu mahanga

Aba bantu batawe muri yombi ku wa 5 Mutarama 2025 hagendewe ku makuru yatanzwe n'abaturage ariko ibyo bafatanywe bishyikirizwa ba nyirabyo bukeye ku wa Mbere tariki 6.

Abaturage baganiriye na BTN ni abo mu tugari dutandukanye twa Kinazi bazindukiye ku biro by'uwo murenge ku wa Mbere bakimenya ko abo bantu bafashwe na Polisi.

Bavuze ko bari bamaze iminsi bazengerejwe n'aba bantu kuko bwamaraga kwira bakabatera mu ngo bakiba amatungo n'ibindi bikoresho.

Bamwe babashije kubona amatungo n'ibikoresho byabo barabisubizwa, gusa hari n'abandi basanze mu byafashwe nta byabo birimo.

Umwe yagize ati 'Ati banyibye muri Nyakanga umwaka ushize ihene n'intama nsanze zaranabyabye'.

Undi na we ati 'Twasize mu rugo hakinze tugarutse dusanga bishe ingufuri barinjira batwara ihene ebyiri zahakaga batwara n'imyenda yacu n'iradiyo twasanze bikanze bayita mu rugo'.

Mu matungo yasubijwe abaturage harimo ihene 29, ingurube enye, inkoko eshanu, intama ebyiri ibikoresho birimo amagare ane matola imwe n'ibindi byo mu rugo bitandukanye.

Umuvugizi wa Polisi mu Ntara y'Amajyepfo, SP Habiyaremye Emmanuel yavuze ko abahungabanya umutekano wa rubanda batazihanganirwa ndetse asaba abaturage gukomeza gufatanya mu gutanga amakuru.

Ati 'Nta mahoro tuzaha umunyacyaha aho ava akagera yaba umujura cyangwa undi wese. Abaturage kandi bakomeze ubufatanye mu kuduha amakuru ajyanye n'icyahungabanya umutekano dukumire icyaha kitaraba'.

Aba bantu batawe muri yombi barimo abagore batatu hamwe n'abagabo batatu, bose bakaba bafungiwe kuri Sitasiyo ya Polisi ya Kinazi.