Blog

Iki cyemezo cyafatiwe mu nama ya SADC ya 24 yabaye ku wa 31 Mutarama 2025 ikabera i Harare muri Zimbabwe, kije nyuma y'aho bisabwe n'inama ya EAC yabaye ku wa 29 Mutarama 2025 na yo yahuje abakuru b'ibihugu na za guverinoma.

Inama ya SADC yabaye mu gihe ingabo zayo zoherejwe kurwana kuri RDC ziri gukubitanwa inshuro n'iza FARDC yifatanyije n'imitwe agahishyi irimo na FDLR yasize ikoze Jenoside yakorewe Abatutsi mu Rwanda.

Iyi nama ya SADC yafunguwe ku mugaragaro na Perezida wa Zimbabwe, akaba na Chairman wa SADC, Dr. Emmerson Dambudzo Mnangagwa,

Yitabiriwe n'abaperezida barimo Duma Gideon Boko wa Botswana, Félix Antoine Tshisekedi wa RDC, Andry Rajoelina wa Madagascar, Daniel Francisco Chapo wa Mozambique, Cyril Ramaphosa wa Afurika y'Epfo na Samia Suluhu Hassan wa Tanzania.

Yitabiriwe kandi na Perezida wa Zambia, Hakainde Hichilema na Minisitiri w'Intebe wa Lesotho, Samuel Ntsokoane.

Matekane, Minisitiri Wungirije wa Eswatini, Thulisile Dladla, Minisitiri w'Ububanyi n'Amahanga wa Angola, Téte António, Minisitiri w'Ububanyi n'Amahanga wa Malawi, Nancy Gladys Tembo na Minisitiri w'Ingabo wa Namibia Frans Kapofi bose bari bahari.

Hongeye kwibukwa ingabo za SADC zari muri ubwo butumwa zaguye mu mirwano cyane cyane iherutse kubera mu Mujyi wa Sake, zirimo izo muri Tanzania, Malawi na Afurika y'Epfo.

Muri iyo nama kandi hagaragajwe impungenge z'uburyo intambara iri kubera muri RDC ikomeje kuzambya ibintu, ndetse abiyitabiriye basaba ko hakwiriye kugira igikorwa byihuse kugira ngo haboneke ibya ngombwa nkenerwa birimo amazi, amashanyarazi, ibiribwa, uburyo bw'itumanaho n'ibindi.

Mu nyandiko SADC yashyize hanze yakomeje iti 'Abagize inama banenze ibitero byagabwe ku ngabo ziri mu butumwa bwa SAMIDRC bikozwe na M23. Ni ibikorwa byahungabanyije gahunda yo guhagarika imirwano yashyizweho n'amasezerano ya Luanda yabaye ku wa 30 Nyakanga 2024 ndetse bigahungabanya umutekano wa RDC n'Akarere ka SADC by'umwihariko.'

Abagize inama kandi bongeye gusuzuma imyanzuro yo muri Gicurasi 2023, ishingiye kuri SAMIDRC ariko hemezwa ko ibyari bigamijwe birimo 'kugarura amahoro n'umutekano muri RDC no kurinda ubusugire bwayo' bitagezweho.

Ibyo byatumye bemeza ko bashyigikiye inzira y'ibiganiro bya dipolomasi mu gukemura ibibazo byo mu Burasirazuba bwa RDC, hisunzwe amasezerano ya Luanda na Nairobi.

Abitabiriye inama ya SADC kandi bemeje ko abaminisitiri b'ingabo n'abagaba bazo mu bihugu bya SADC n'ibiri kugira uruhare muri SAMIDRC, bagomba gukora uko bashoboye kugira ngo ingabo ziri mu 'butumwa bw'amahoro' zikomeze gukora akazi kazo neza, bategeka ko hagomba no gutegura uburyo bwo gucyura imirambo y'abapfuye n'abakomeretse.

Abakuru b'ibihugu na za guverinoma bigize SADC kandi bategetse urwego rushinzwe umutekano muri uyu muryango gukora iyo bwabaga kugira ngo imirwano ihagarare, abasivili barindwe ndetse no gushaka uburyo bw'ubutabazi bwihuse ku bagizweho uruhare n'intambara.

Hagaragajwe ko impande zose zirebwa n'intambara zigomba kwisunga inzira y'ibiganiro hashingiwe ku masezerano ya Luanda, ku ngabo za Loni ziri mu butumwa bwo kugarura amahoro muri RDC, MONUSCO, n'ubundi buryo bushobora gufasha mu kugarura amahoro mu Burasirazuba bwa RDC.

Muri iyo nama idasanzwe Madagascar yasabye gutanga ubufasha mu by'ubuvuzi mu kuvura abaturage bakomerekeye mu ntambara imaze iminsi ifashe indi ntera mu Burasirazuba bwa RDC.

Ingabo za SADC ziri muri Kivu y'Amajyaruguru kuva mu Ukuboza 2023. Nyuma y'ubwumvikane na Leta ya RDC, zemeye kuyifasha guhashya umutwe wa M23, zikayambura ibice igenzura, nubwo byakomeje kuba inzozi.

Ku ikubitiro, hoherejwe ingabo 5000 zirimo 2900 za Afurika y'Epfo iyoboye ubu butumwa, n'izindi 2100 zirimo iza Tanzania na Malawi, ariko ntabwo zigeze zitanga umusaruro zari zitezweho na Leta ya RDC, kuko zitatsimbuye M23 mu bice yafashe, ahubwo byariyongereye.

Ku wa 26 Kamena 2024 byatangajwe ko mu rwego rwo gutegura bundi bushya urugamba rwo kurwanya M23, SADC yohereje izindi ngabo i Goma, ziva ku 5000 zari zisanzwe muri Kivu y'Amajyaruguru, zigerenga 9000.

Bivugwa ko Afurika y'Epfo yongereho ingabo 2600, Tanzania yongeraho 750, Malawi yongeraho 1000.

Gusa ntabwo ingabo za SADC zageze kuri iyi ntego, kuko M23 yakomeje kwagura ibirindiro muri iyi ntara, yinjira muri teritwari eshanu ziyigize ndetse mu minsi ishize uyu mutwe wigaruriye imijyi ya Sake na Goma, imwe mu mijyi ikomeye muri Kivu y'Amajyaruguru.

Mu Ugushyingo 2024, SADC yongereye manda y'ingabo zayo ziri mu butumwa bw'amahoro bwawo mu Burasirazuba bwa Repubulika Iharanira Demokarasi ya Congo, ishyiraho undi mwaka umwe, icyakora na n'ubu ziracyatsindwa uruhenu na M23 igaragaza ko irajwe ishinga no kurengera Abanye-Congo bahoraga bicwa umusubizo na leta yabo, biganjemo abavuga Ikinyarwanda.

Abakuru b'ibihugu na za guverinoma b'Umuryango wa Afurika y'Amajyepfo (SADC) bahuriye i Harare muri Zimbabwe biga mu mutekano wo mu Burasirazuba bwa RDC

Iyi nama ya SADC yafunguwe ku mugaragaro na Perezida wa Zimbabwe, akaba na Chairman wa SADC, Emmerson Dambudzo Mnangagwa

Abanyeshuri bigaga mu Ishuri Ryisumbuye rya Nyange, mu ijoro ryo ku wa 18 rishyira uwa 19 Werurwe 1997, bagabweho igitero n'abacengezi cyica benshi abandi barakomereka.

Agace ishuri riherereyemo kakorewemo Jenoside mu buryo bufite ubukana bwo hejuru, ndetse na nyuma interahamwe zakomeje kujya ziva muri Repubulika Iharanira Demokarasi ya Congo (Zaire) bakarasa abantu cyangwa bakabasahura.

Umunsi igitero kigabwa, Sindayiheba Phanuel yigaga mu mwaka wa gatandatu w'ayisumbuye mu Ishami ry'Inderabarezi. Abacengezi bateye ari mu masaha ya saa mbili z'ijoro, bari gusubiramo amasomo.

Icyo gihe yari arimo kwiga Psychologie kuko bagombaga gukora isuzumabumenyi ry'iryo somo ku munsi ukurikiraho.

Ati 'Abacengezi baza ku kigo cyacu,…muri ririya joro rero twabanje kugira ngo ni ikibazo cy'umutekano gisanzwe ariko dutangira kumva ari amasasu avugira hafi yacu y'urwungikane cyane, tuza kubona ko ikigo cyacu cyatewe. Mu gutangira ntabwo twabonaga ko ari twe tugenderewe ariko birangira ari ishuri ryacu ryari rigambiriwe guterwa.'

Abacengezi babanje kurasa amasasu mu birahure, abanyeshuri bose baryama hasi. Basabye abari mu ishuri ry'umwaka wa gatandatu kwivangura ngo Abahutu bajye ukwabo n'Abatutsi ukwabo, barabyanga bababwira ko bose ari Abanyarwanda.

Yavuze ko abacengezi bateye 'grenade' ebyiri mu ishuri zikomeretsa benshi ndetse baraninjira barasa amasasu menshi behereye ku b'imbere. Bakomereje no mu mwaka wa gatanu na bo banga kwitandukanya.

Ati 'Nanjye rero bangezeho, bandashe amasasu atari make mu rutugu ariko ku bw'amahirwe twagiye kwa muganga n'ubutabazi twabonye bw'ingabo z'igihugu, ubu nasubiranye imbaraga, ubu ndakora.'

Yongeyeho ati 'Badusabye kwitandukanya, Abahutu bakagaragaza uruhande bajyamo n'Abatutsi bakagaragaza uruhande bajyamo, hanyuma tukabahakanira tubabwira ko twese turi Abanyarwanda, bakaduteramo ayo magerenade tugatsimbarara ku Bunyarwanda, bakaturasa umuntu ku muntu n'ubundi tugatsimbarara ku Bunyarwanda, twanga kwitandukanya nk'uko babishakaga, ntabwo twari tuzi ko bagiye mu wa gatanu.'

Imbaraga zo kunga ubumwe bazivomye he?

Igitero cy'abacengezi cyagabwe ku Ishuri Ryisumbuye rya Nyange nyuma y'imyaka itatu Jenoside yakorewe Abatutsi ihagaritswe n'ingabo zari iza RPA Inkotanyi.

Izi ngabo zafashije urubyiruko kwiyumvamo Ubunyarwanda kuko buri wa Gatatu zabahaga ibiganiro bibashishikariza gukundana no gukorera hamwe.

Sindayiheba ati 'Imbaraga zatumye muri ririya joro tubasha guhamya Ubunyarwanda tukanga kwivangura dukurikije ibyifuzo by'abacengezi ndetse n'amateka mabi yigishijwe mu gihe cy'imyaka myinshi, ni inyigisho z'urukundo no kubana neza twahabwaga n'ubuyobozi bw'ingabo zakoreraga hariya muri kariya karere, n'ubuyobozi bwa komine n'ubuyobozi bw'ishuri.'

'Buri wa Gatatu saa Sita habagaho ikiganiro batuganiriza, bakadutoza gukundana, bakadutoza gukunda kwiga, bakadutoza gukorera hamwe, ukumva ni ikintu bashyize imbere ari na cyo nshima. Byagaragaraga ko ari ubuyobozi bureba kure, buri gukora itandukaniro ry'amateka u Rwanda rwabayemo.'

Uyu mugabo kandi asanga 'Imbaraga za kabiri njye nzibona mu burere bwo mu muryango…nibutse cyane ko nta myaka itatu ishize tuvuye muri Jenoside kandi mbona icyatumye Jenoside yakorewe Abatutsi ishoboka ari inyigisho z'amacakubiri zigishijwe.'

Phanuel Sindayiheba yavuze ko mu kazi kose ukora waba intwari

Ati 'Mu muryango wacu nabyirutse mbona badutoza gukorera hamwe, badutoza gukundana no kutavangura abantu numva ngize mu mutima wanjye kutaza kugaragaza uwo amateka yangize ariko ko ntari buze kugira n'undi ngaragaza kuko nshyigikiye Ubunyarwanda, kandi mbona no muri bagenzi banjye ni ko bimeze. Icya gatatu ni ukwemera. Mbere y'uko abacengezi batangira kurasa mu ishuri basanze tumaze gusenga.'

Yahamije ko gusengera hamwe bitari bivuze ko basengera mu idini rimwe, ahubwo bari bafite umuco wo gushyira hamwe nk'abemera bagasenga na byo bikaba kimwe mu bituma bahuza imbaraga.

Gushyingiranwa bombi ari intwari, bibatera umuhate wo kubutoza abana n'abaturanyi

Sindayiheba yavuze ko mu gihe bari bakiri mu ishuri, we n'umugore we wigaga mu mwaka wa gatanu mu 1997, nta rukundo bari bafitanye kuko bari bakiri na bato ariko nyuma uko bagiye bahura kenshi, umubano waje gukura, mu 2009 bashinga urugo.

Ati 'Kuba twarashakanye twembi turi intwari z'igihugu ni uburemere bw'inshingano kuko ni ukurinda cya gihango twagiranye n'Abanyarwanda, ariko kandi tukabibonamo amahirwe yandi y'uko niba turi babiri dufite inshingano biroroshye ko twibukiranya ko iyo ndangagaciro dukwiye kuyitoza abana bacu, abandi n'aho dukorera.'

Yongeyeho ati 'Burya iyo uganirije abana ubaganiriza amateka y'ubuzima bwawe, ubuzima bwanyu nk'ababyeyi noneho n'aho ayo mateka ahuriye n'igihugu cyacu n'icyo na bo bakwiye gukora kugira ngo bagere ikirenge mu cyanyu ndetse n'icy'izindi ntwari z'igihugu urugero rwo gufatiraho baba barufite hafi.”

“Byumvikane ko umuco w'ubutwari ntibawumva nk'amateka ahubwo bawumva nk'ubuzima kubera ko bari kumwe n'ababyeyi ariko n'aho dutuye na ho mu biganiro no mu byo dukora biteza imbere igihugu, ntabwo biba bitugoye gutanga ingero z'ubuzima bwacu, z'imibereho y'intwari kuko tuba tubana na bo umunsi ku wundi.'

Gushyirwa mu ntwari z'igihugu ni igihango

Sindayiheba yavuze ko we na bagenzi be bakimara kumva ko ubuyobozi bukuru bw'igihugu bwashimye kandi bugaha agaciro igikorwa cy'abanyeshuri b'i Nyange bari mu mwaka wa gatanu n'uwa gatandatu banze kwitandukanya bagashyira imbere Ubunyarwanda, byabanejeje cyane.

Ati 'Naravuze nti 'iki ni igihugu kizirikana', intambwe ntoya yose umuntu atera agana iterambere. Ni igihugu kizirikana ubwitange abanyeshuri b'i Nyange bagaragaje batagamije igihembo cyangwa ukundi kumenyekana.'

Yahamije ko kuba igihugu cyarahisemo ko igikorwa bakoze kiba urugero ku bandi bariho n'abazaza bishimishije, ariko bikanatera igihunga kuko ari inshingano ziremereye.

Ati 'Ariko binantera igihunga ko ari inshingano yindi iremereye nkomeje kwikorera yo kurinda ubwo butwari twagaragaje.'

Gushyirwa mu ntwari uri muzima ntibisaba kwigengesera

Sindayiheba yagaragaje ko kuba uri intwari ukiriho bidasaba kwigengesera kuko aho uba n'ibyo ubamo biba ari ubuzima n'ubundi bujyanye n'indangagaciro z'abatuye igihugu.

Ati 'Kuba intwari ukiriho ntabwo bisaba kugenda nk'ugenda ku magi ahubwo ni ukuba uwo uri we…Ubunyarwanda bukwiye kuba mu maraso yacu kugeza ku rwego uvuga ngo ese ibi ngiye gukora birimakaza bwa Bunyarwanda nahamije? Noneho bikakuyobora ubuzima bwawe, aho rero ntabwo bisaba ko ugira izindi mbaraga, ni uwo mutimanama. Ni inshingano igoye ariko tuyifatanyije n'abandi baturage kandi imbaraga twakoresheje kiriya gihe turi bato uyu munsi zariyongereye.'

Yavuze ko mu gihe biyemezaga gushimangira Ubunyarwanda bari bafite imyaka iri hagati ya 18 na 20, ubu rero bamaze gukura byoroshye cyane gukomeza gusigasira iyo ndangagaciro banabifashijwemo na politiki nziza y'igihugu ishyira imbere Ubunyarwanda.

Ati 'Uyu munsi dufite ubuyobozi bwiza n'ubundi bugamije guteza imbere icyo twaharaniye; Ubunyarwanda, iyo nshingano twisanga atari iyacu twenyine ahubwo isangiwe n'Abanyarwanda bose.'

Abato babanza kumukoraho ngo bumve ko ari intwari iriho

Abanyeshuri b'i Nyange barokotse igitero cy'abacengezi bari mu mirimo itandukanye igamije iterambere ry'igihugu ariko bakanagira umwanya wo kuganiriza urubyiruko rwo mu mashuri atandukanye ngo ruzakurane umuco w'ubutwari.

Ati 'Ndibuka umunsi umwe nari ndi kuganira n'abanyeshuri bo muri Lycée Notre-Dame de Cîteaux dusoje bakajya baza kunkoraho ngo bumve niba intwari ari umuntu ukiriho. Urumva ko iyo ugezeyo ukababwira uti 'ni umuntu ukiriho, ariko hari n'abandi bapfuye' bya bindi yumvaga nk'amateka abizana mu buzima akavuga ati 'burya nanjye nagera ikirenge mu cyabo kuko n'abakiriho baracyakora.''

Sindayiheba asaba urubyiruko kwirinda ibirangaza byonona ubumuntu n'umuco nyarwanda, bagakunda ibikorerwa mu Rwanda n'ibiruteza imbere.

Yavuze ko kugira ngo Abanyarwanda bashobore kugera ku iterambere, basabwa kugira umuco wo gukunda igihugu, gukora umurimo unoze no gukorera hamwe n'abandi.

I Nyange ubu ni ku gicumbi cy’ubunyarwanda

Desperados yatangiye kugera ku isoko ry'u Rwanda ku wa 31 Mutarama 2025, ni inzoga yifitemo uburyohe.

Itangazo rya Bralirwa rigira riti 'Iyi nzoga si nk'izindi kuko iberanye na buri wese, igufasha gususuruka no gusabana.'

Iyi nzoga ikoze mu bikoresho nkenerwa by'umwimerere, iri mu icupa rya santilitiro 33 ridasubizwa, ikigiramo ingano ya alcool ya 5,9%.

Rikomeza riti 'Ni ikinyobwa gifasha abantu kuryoherwa n'ubuzima no kunezerwa bidasanzwe.'

Iyi nzoga yakunzwe cyane mu bihugu 50 icuruzwamo, by'umwihariko abakunda ibirori, gusohoka cyangwa gusabana n'inshuti.

Desperados iboneka mu tubari twose mu gihugu, aho barangurira n'ahandi ikorwa n'uruganda rwa Zlatý Bažant Brewery, rusanzwe ari ishami rya Heineken.

Desperados iboneka mu tubari twose two mu gihugu kandi icupa ryayo ntirisubizwa

Uyu muyoboro watashywe ku mugaragaro kuri uyu wa 31 Mutarama 2025, ufite ibilometero 28,2 ukaba ugeza amazi ku baturage 11 400.

Wuzuye utwaye miliyoni zisaga 750 Frw yatanzwe na Minisiteri y'Ububanyi n'Amahanga y'u Buyapani ibinyujije mu muryango WaterAid.

Washyizwe mu bikorwa na Ayateke Star Company ku bufatanye n'Akarere ka Bugesera.

Eng. Sebikwekwe Cyprien washyize mu bikorwa uyu mushinga, yavuze ko bubatse ibilometero 28 by'umuyoboro w'amazi, bakura amazi ku ruganda rwa Ngenda bayashyira mu kigega cya metero kibe 800 bubatse.

Nyuma bayakwirakwije mu mavomo 27 bubatse hirya no hino mu midugudu kongeraho andi arindwi basannye.

Nyirangirababyeyi Florida utuye mu Mudugudu wa Gako mu Kagari ka Rugando mu Murenge wa Nyarugenge, yashimiye WaterAid n'ubuyobozi bwatumye bavoma amazi meza bakarekana no kuvoma amazi y'ibishanga yashoboraga kubateza ibibazo.

Ati ''Abaturage ba Nyarugenge dufite ishimwe cyane kubera uyu mushinga watuzaniye amazi. Ubu umubyeyi ntabwo ari kuvoma kure,ntabwo akivoma ya mazi mabi.''

Hitimana Ezeckias w'imyaka 86, yavuze ko muri uyu Murenge ari ho yavukiye ariko byari ikibazo gikomeye kubona amazi meza cyane ko bavomaga amazi y'ibishanga abatera indwara zitandukanye.

Yashimiye Umukuru w'Igihugu kubw'imiyoborere ye myiza ituma abafatanyabikorwa bagera ahantu hose.

Kakuze Josephine we yagize ati ''Twavomaga ahantu kure mu kabande ahantu twagendaga isaha irenga, iyo abana twaboherezaga kuvoma nta kandi kazi bakoraga, ikindi ayo mazi yaduteraga indwara zirimo inzoka n'izindi nyinshi. Ubu rero turashimira Leta ko yaduhaye amazi meza agiye gutuma twoga tugacya.''

Umuyobozi wa WaterAid Rwanda, Mukeshimana Vestine, Yavuze ko Umurenge wa Nyarugenge wari uri mu yo WaterAid ihangayikiye kuko nta mazi meza yahabaga, asaba abaturage gukoresha neza aya mazi bahawe, bakayasigasira kugira ngo ntazangirike.

Kuri ubu Akarere ka Bugesera kageze kuri 78% mu kwegereza amazi meza abaturage.

Umuyobozi w'Akarere ka Bugesera, Mutabazi Richard, yashimiye WaterAid yabafashije kugeza amazi meza ku baturage, avuga ko bifuza ko nibura nta muturage wazongera kurenga ikilometero kimwe ajya gushaka amazi.

Ati ''Turabashishikariza abaturage kwimakaza isuku n'isukura ubwo noneho n'amazi ari hafi. Ikindi ni ugusigasira ibyo bikorwa kuko iyo miyoboro n'amavomo biba byakozwe, ibyo bigega biba byubatswe ni ibyacu nk'abaturage ntabwo ari iby'abafatanyabikorwa.''

WaterAid Rwanda imaze kugira uruhare mu kwegereza amazi meza ku baturage ibihumbi 49, ibikorwa imaze gushoramo miliyari 1,8 Frw mu myaka itatu ishize.

Abaturage ba Bugesera bavomaga mu bishanga begerejwe amazi meza

Umuyobozi w'Akarere ka Bugesera, Mutabazi Richad yavuze ko bageze kuri 78% mu kugeza amazi meza ku baturage

Nyirangirababyeyi Florida utuye mu Murenge wa Nyarugenge mu Karere ka Bugesera yagaragaje umunezero we na bagenzi be batewe no guturwa umutwaro wo kuvoma mu bishanga

Umuyobozi wa WaterAid Rwanda, Mukeshimana Vestine, yasabye abaturage bo mu Karere ka Bugesera gufata neza umuyoboro w'amazi bahawe

Uretse ayo mafaranga ba nyir'iyo mishinga bahawe n'amahugurwa azabafasha kurufashaho gucunga neza umutungo ujyanye n'imishinga yabo.

Mu gutoranya iyo mishanga hibanzwe ku buhinzi n'ubworozi. Habaye amarushanwa yo kureba itanga icyizere kandi itangiza ibidukikije, nyuma hatoranywamo mishanga 33, ari na yo yahembwe.

Mukangenzi Suzanne ucururiza ibiryo n'imiti by'amatungo n'inyongeramusaruro mu Karere ka Huye, yavuze ko inkunga yahawe igiye kumufasha kongera ubushobozi n'ingano y'ibyo acuruza.

Ati 'Natangiranye amafaranga make nari nkuye muri Israel mu mahugurwa, nyuma nongeramo ayo nagujije muri banki, ariko nkabona bikiri hasi. Iyi nkunga mbonye igiye kumfasha kwagura ibikorwa, kuko ntashoboraga guhaza abakiliya banjye.'

Tressor Gashonga, ufite umushinga wo gutunganya urusenda, yari afite imashini itatangaga umusaruro ujyanye n'ibyo isoko rikeneye.

Yavuze ko ubu agiye kugura imashini izamufasha kongera ingano y'urusenda yakoraga kugira ngo yagure amasoko.

Umunyamabanga wa Leta muri Minisiteri y'Ubuhinzi n'Ubworozi, Dr. Kamana Olivier, ati 'Twungutse imishinga irenga 30 izanye udushya. Turahamya ko izatuma ba nyirayo batera imbere kandi bagateza imbere igihugu cyacu mu bijyanye n'ubuhinzi n'ubworozi, kuko urubyiruko ni rwo ejo hazaza h'igihugu.'

Dr. Kamana yasabye urubyiruko guhindura imyumvire yo kumva ko ubuhinzi ari ubw'ababyeyi babo, cyangwa abakuze gusa, abereka ko ubuhinzi burimo amahirwe menshi bakwiye kubyaza umusaruro.

Haganiriwe ku iterambere ry’ubuhinzi mu Rwanda

Umunyamabanga Uhoraho muri Minisiteri y’Abakozi ba Leta n’Umurimo, Gaspard Musonera aganiriza abunganiwe mu buryo bw’amafaranga

Abafite imishinga 33 y’ubuhinzi basaranganyijwe arenga miliyoni 170 Frw

Umunyamabanga wa Leta muri Minisiteri y'Ubuhinzi n'Ubworozi, Dr. Kamana Olivier yagaragaje ko ubuhinzi burimo amahirwe menshi urubyiruko rukwiriye kubyaza umusaruro

Perezida Kagame yakiriye Minisitiri Sheikh Shakhboot Bin Nahyan Al Nahyan kuri uyu wa 31 Mutarama 2025, nk'uko Ibiro by'Umukuru w'Igihugu byabitangaje bibinyujije kuri X.

Perezida Kagame na Sheikh Shakhboot Bin Nahyan Al Nahyan baganiriye ku bijyanye no guteza imbere umubano mwiza usanzwe hagati y'ibihugu byombi no ku mahirwe ashobora kubyazwa umusaruro hagati y'impande zombi.

Minisitiri Sheikh Shakhboot Bin Nahyan Al Nahyan yakiriwe na Perezida Kagame nyuma y'uko ku wa 13 Mutarama 2025 na we yakiriye Umukuru w'Igihugu i Abu Dhabi muri Leta Zunze Ubumwe z'Abarabu.

Icyo gihe Umukuru w'Igihugu yari yitabiriye inama ya 'Abu Dhabi Sustainability Week' yari igamije kurebera hamwe uburyo bwo kongera ubufatanye mu guhangana n'ingaruka z'ihindagurika ry'ibihe.

Ni inama yari yitabiriwe na Perezida wa UAE, Sheikh Mohamed bin Zayed Al Nahyan n'abandi bayobozi bakuru b'ibihugu, abafata ibyemezo, abahagarariye ibihugu byabo n'abandi.

Yafatiwemo ingamba zigamije guteza imbere ikoreshwa ry'ingufu zisubira kandi zitangiza ikirere, hakarebwa ku ikoranabuhanga rigezweho, ryafasha ibihugu bitandukanye kurushaho kugana muri uyu murongo.

Icyo gihe Perezida Kagame yanitabiriye ibirori byo gutanga ibihembo bizwi nka 'Zayed Sustainability Prize awards' byari bigiye gutangwa ku nshuro ya 16.

Ni bihembo bitangwa na UAE, bigamije kuzirikana abagira uruhare mu guhanga udushya no kurema ibisubizo bigamije guhangana n'ingaruka z'ihindagurika ry'ibihe. Ibigo bito n'ibiciriritse n'imiryango itegamiye kuri leta ni bamwe mu bahabwa ibi bihembo.

Ku munsi wakurikiyeho, Perezida Kagame yahuye na Perezida na Sheikh Mohamed bin Zayed al Nahyan, baganiriye ku bufatanye bw'u Rwanda na UAE bugamije inyungu z'impande zombi.

Umubano w'u Rwanda na UAE ushimangirwa n'ubufatanye bumaze igihe kinini mu guteza imbere inzego zitandukanye zirimo ubukungu, umutekano n'ibikorwaremezo.

UAE imaze imyaka myinshi ku mwanya wa mbere mu bihugu u Rwanda rwoherezamo ibicuruzwa byinshi.

Raporo y'Ikigo cy'Igihugu cy'Ibarurishamibare, igaragaza ko mu gihembwe cya gatatu cya 2024 (Nyakanga-Nzeri), ibucuruzwa bikomoka mu Rwanda byoherejweyo byari bifite agaciro ka miliyoni 446,51 z'Amadolari ya Amerika.

Mu 2023 ubucuruzi hagati y'u Rwanda na Leta Zunze Ubumwe z'Abarabu, bwageze kuri miliyari 1,1$.

Perezida Kagame yakiriye Minisitiri Sheikh Shakhboot Bin Nahyan Al Nahyan wa UAE

Perezida Kagame na Minisitiri Sheikh Shakhboot Bin Nahyan Al Nahyan wa UAE baganiriye ku bufatanye bw’ibihugu byombi

Perezida Kagame n’itsinda ry’abayobozi batandukanye bakiriye itsinda ry’abo muri UAE ryari riyobowe na Minisitiri Sheikh Shakhboot Bin Nahyan Al Nahyan

RGB yabitangaje mu itangazo yasohoye kuri uyu wa 31 Mutarama 2025. Amatorero yambuwe uruhushya arimo Rwanda Victory Mission, Pentecostal Out-Reach Church, International Missionary Society- Seven Day Adventist Church Reform Movement, Eglise De L'heure Prophetique Du Septieme Jour na Communaute United Methodist International.

RGB yagize iti “Urwego rw'Igihugu rw'Imiyoborere ruramenyesha abaturarwanda bose ko rwambuye ubuzima gatozi imiryango ishingiye ku myemerere imwe n'imwe yasanzwe idakurikiza ibisabwa n'amategeko.”

Urwego rw'Imiyoborere rwatangaje ko uwo mwanzuro ufashwe nyuma y'amagenzura menshi rwakoze ku mikorere y'imiryango ishingiye ku myemerere ikorera mu Rwanda, aho hagaragaye ibibazo birimo kutubahiriza amategeko, imiyoborere mibi ndetse n'amakimbirane adashira.

Mu mwaka ushize RGB yakoze igenzura mu nsengero hirya no hino mu gihugu, nyuma izirenga 5600 zarafunzwe ku bwo kutuzuza ibisabwa, gusa hari n'izindi zahagaritswe burundu, aho kugeza mu Ugushyingo 2024, amatorero agera kuri 43 ari yo yari amaze kwamburwa ubuzima gatozi.

Mbere y'uko igenzura ritangira amadini n'amatorero mu Rwanda yari amaze kugera kuri 345, habarirwamo n'imiryango iyashamikiyeho bikagera kuri 563.

RGB yambuye ubuzima gatozi amatorero atanu

Iryo koranabuhanga ry'iki kigo giherereye i Hangzhou ryahagaritswe ku wa 30 Mutarama 2025, bikozwe n'Ikigo cy'u Butaliyani gishinzwe kubungabunga amakuru kizwi nka Garante.

DeepSeek yamuritswe mu cyumweru gishije yitabiriwe cyane ndetse iteza imbagaragara muri Leta Zunze Ubumwe za Amerika nyuma y'uko ihigitse ChatGPT kuri App Store nk'ikoranabuhanga ry'ubwenge bw'ubukorano ryitabiriwe na benshi.

Ihagarikwa rya DeepSeek, ryabanjirizwe no kubaza iki kigo cy'Abashinwa uburyo gikoresha amakuru gifite by'umwihariko ay'abantu bwite, uburyo akusanywa, aho avanwa, uburyo bw'amategeko arengera ba nyir'ayo makuru ndetse, u Butaliyani bwashakaga kumenya niba abikwa mu Bushinwa.

Ni ikibazo kandi cyazamuwe n'uburyo ikigo kirengera abakoresha amakuru kizwi nka 'Euroconsumers' cyashinje DeepSeek ibijyanye no kugira amakuru y'abantu ku giti cyabo mu buryo bunyuranyije n'amategeko.

Garante yari yahaye DeepSeek iminsi 20 yo gusobanura imikorere yayo cyane cyane ku bijyanye n'aho ibika amakuru, icyakora iki kigo cy'u Butaliyani cyatangaje ko kitahawe amakuru ahagije, ari yo mpamvu cyahagarika DeepSeek.

Uretse u Butaliyani, Irlande na yo ku wa 29 Mutarama 2025 yagaragaje impungenge ku mikorere ya DeepSeek, inasaba ibisobanuro iki kigo cy'Abashinwa by'uburyo gikoresha amakuru bwite y'abaturage bayo. Koreya y'Epfo na yo iteganya gusaba ubwo busobanuro.

DeepSeek kandi yibajijweho n'abantu batandukanye, ndetse Igisirikare cya Amerika kirwanira mu mazi cyasabye abakozi bacyo kudakoresha iryo koranabuhanga, kigashingira ku mpungenge zijyanye n'umutekano.

DeepSeek-R1 ikimurikwa yahise ifata umwanya w'imbere mu bijyanye n'ikoranabuhanga ry'ubwenge buhangano, ndetse cyatangiye guhombya bimwe mu bigo by'ikoranabuhanga byo muri urwo rwego, aho benshi bemeza ko igutanga amakuru menshi, ikanakoreshwa na buri wese kuko ari ubuntu,

DeepSeek yahagaritswe mu Butaliyani

Mu cyiciro cya mbere cy'umushinga, u Rwanda rwoherezaga hanze indabo za 'Gentian' miliyoni ebyiri buri mwaka, abantu 500 bahabwa akazi, mu gihe zinjije hafi miliyoni y'Amadorali ya Amerika, mu myaka itanu ishize.

Ubu u Rwanda ruza ku mwanya wa kabiri ku Isi mu guhinga indabo za 'Gentian' nyuma y'u Buyapani.

Ubwo hizihizwaga isabukuru y'imyaka 10 uyu mushinga umaze ushyirwa mu bikorwa, hamuritswe ubuhinzi bushya bwifashisha ikoranabuhanga rigezweho rya 'tissue culture', bwitezweho kuzatanga umusanzu mu kubona umusaruro w'ingemwe z'indabo nziza zo guterwa mu mavaze [pot plants].

'Tissue culture' ni uburyo bwo gukura utunyangingo ku rugingo rw'ibimera, hanyuma tugatuburwa mu buryo bwihariye [laboratwari] ku buryo tuzabasha gukura nk'uko twagakuze mu buryo busanzwe hakavamo indabo.

Ni ikoranabuhanga ryitezweho kongerera agaciro izi ndabo zituruka mu Rwanda, guteza imbere ibyoherezwa mu mahanga bifite ireme ndetse zibe zahangana ku ruhando mpuzamahanga.

Iyi gahunda yahurijweho imbaraga n'Ikigo cy'Igihugu gishinzwe guteza imbere iyoherezwa mu mahanga ry'ibikomoka ku buhinzi n'ubworozi [NAEB], Ikigo cy'Abayapani gishinzwe Iterambere, JICA, na Sosiyete ya R-GATE Hachimantai Ltd.

Laboratwari izajya ikoreshwa mu gutubura izi ndabo, iherereye ku cyicaro cya NAEB i Gikondo.

Mu birori byo kwizihiza isabukuru y'imyaka 10 y'uyu mushinga, Umuyobozi Mukuru ushinze ibikorawa muri NAEB, Sandrine Urujeni, yavuze ko uyu mushinga uri gutanga umusaruro mwiza mu iterambere ry'ubuhinzi bw'indabo mu Rwanda.

Ati 'Iyi laboratwari izadufasha mu kuziba icyuho cyo kubura ingemwe nziza kandi zihagije z'indabo z'igihe cy'impeshyi [summer flowers].'

Yagaragaje kandi ko kuva mu 2023 hatangiye kugeragezwa iyoherezwa mu mahanga ry'ibice bimwe by'indabo bifasha mu kumeza izindi [cuttings] kandi ko ibya mbere bizoherezwa mu 2026.

Umuyobozi Mukuru wa JICA mu Rwanda, Minako Shiotsuka, yashimangiye ko kugira ngo uyu mushinga ugere ku ntego zawo, ubufatanye bwa Leta n'abikorera bwabaye umusingi.

Ati 'Mu rugendo rwacu kugeza ubu, ubufatanye bwa Leta n'abikorera bworoheje imikorere ya JICA mu guhamagarira ishoramari ryo mu Buyapani mu Rwanda.'

Umunyamabanga Uhoraho muri Minisiteri y'Ubuhinzi n'Ubworozi, Dr. Kamana Olivier, yavuze ko ubu bufatanye bw'impande zombi bujyanye n'icyerekezo cyo kwihutisha iterambere [NST1 na NST2], aho u Rwanda rushyize imbere izamuka ry'ubukungu no guhanga imirimo.'

Mu myaka itanu ishize, ubuhinzi bw'indabo bwinjirije u Rwanda asaga miliyoni 25 z'Amadorali ya Amerika. Izoherezwa zazamutseho 1,4%, inyungu yiyongeraho 1,3% hagati ya 2018 na 2023.

Kubera ishoramari rikomeje gukorwa, hitezwe ko ubucuruzi bw'indabo zitandukanye zirimo n'iza 'Gentian', buzaba bwinjiriza igihugu asaga miliyoni 40 z'Amadorali ya Amerika mu 2030.

Ambasaderi w'u Buyapani mu Rwanda, Isao Fukushima, yavuze ko ibi bimaze kugerwaho ari ikimenyetso cy'umubano ukomeye hagati y'ibihugu byombi kandi ko iri ikoranabuhanga rishya mu Rwanda, rizatanga umusaruro mu guteza imbere ubuhinzi bwa kijyambere.

Umuyobozi Mukuru w'Umujyi wa Hachimantai wagize uruhare mu gutangiza ubuhinzi bwa 'Gentian' mu Rwanda, Takahiro Sasaki, yavuze ko ubufatanye hagati y'u Buyapani n'u Rwanda, buzakomeza kugira uruhare mu guhanga imirimo mu gihugu, kuzamura ibyoherezwa mu mahanga by'umwihariko no guteza imbere ubuhinzi bw'izi ndabo.

Laboratwari izajya ikoreshwa mu gutubura izi ndabo, iherereye ku cyicaro cya NAEB i Gikondo

Iyi laboratwari yahurijweho imbaraga n'Ikigo cy'Igihugu gishinzwe guteza imbere iyoherezwa mu mahanga ry'ibikomoka ku buhinzi n'ubworozi [NAEB], Ikigo cy'Abayapani gishinzwe Iterambere, JICA, na Sosiyete ya R-GATE Hachimantai Ltd

Umuyobozi Mukuru wa JICA mu Rwanda Minako Shiotsuka, yashimangiye ko kugira ngo uyu mushinga ugere ku ntego zawo, ubufatanye bwa Leta n'abikorera bwabaye umusingi

Umuyobozi Mukuru w'Umujyi wa Hachimantai, Takahiro Sasaki, yavuze ko ubufatanye hagati y'u Buyapani n'u Rwanda, buzakomeza kugira uruhare mu guhanga imirimo mu gihugu

Ambasaderi w'u Buyapani mu Rwanda, Isao Fukushima, yavuze ko ibi bimaze kugerwaho ari ikimenyetso cy'umubano ukomeye hagati y’u Rwanda n’u Buyapani

Hizihijwe imyaka 10 ishize umushinga wo guhinga indabo za ‘Gentian’ mu Rwanda utangijwe, hanamurikwa ikoranabuhanga rishya rigiye kuzajya ryifashishwa mu gutubura ingemwe z’izi ndabo