Webrwanda Backend

Blog

  • APR FC yegukanye igikombe cy'Intwari itsindiye Police FC kuri Penaliti #rwanda #RwOT

    Ikipe ya APR FC yegukanye igikombe cy'Intwari 2025 itsinze ikipe ya Police FC kuri penaliti 4-2 nyuma yaho iminota 120 yarangiye amakipe yombi anganya ubusa ku busa.

    Mu gice cy'abagore, ikipe ya Rayon Sports niuo yegukanye igikombe itsinze ikipe y'indahangarwa nayo kuri Penaliti.

    Iyi mikino yombi yabereye kuri Kigaki Pele Stadium aho umukino wabanjye wari uwa Rayon Sports yegukanye iki gikombe.

    Wakurikiwe n'uwa APR FC yo yaje muri uyu mukino ishaka gutwara iki gikombe yatsindiweho umwaka ushize na Police FC.

    Iminota 90 isanzwe y'umukino ikaba yarangiye amakipe yombi anganya ubusa ku busa, nyima haza kwitabazwa indi minota 30 nayo irangira ntacyo bibyaye.

    Gusoza iminota 120 y'umukino amakipe yombi anganya byatumye hitabazwa penaliti kugira ngo hamenyekane ikipe yegukana Igikombe cy'Intwari cy'uyu mwaka.

    APR FC yatsinze Police FC penaliti 4-2 nyuma yo kunganya ubusa ku busa mu minota 120 y'umukino wa nyuma, yegukana Igikombe cy'Intwari cya 2025.

    Ikipe y'Ingabo z'Igihugu yasoje umukino ari abakinnyi 10 nyuma y'ikarita itukura yahawe Niyigena Clement mu minota 30 y'inyongera.

    Mu bagore, igikombe cyatwawe na Rayon Sports WFC itsinze Indahangarwa WFC penaliti 5-3 nyuma yo kunganya ubusa ku busa.

    Mu kiciro cy'Abagore, Rayon Sports y'Abagore yegukanye Igikombe cy'Intwari mu bagore itsinze Indahangarwa WFC penaliti 5-3 nyuma yo kunganya ubusa ku busa mu minota 120.

    Uyu mukino wa nyuma wabereye kuri Kigali Pelé Stadium, tariki ya 1 Gashyantare, umunsi n'ubundi Igihugu cyizihiza intwari zacyo.

    Indahangarwa WFC yabaye iya kabiri mu Gikombe cy'Intwari, mu bagore, yahawe sheki ya miliyoni 3 Frw.

    Rayon Sports yatwaye Igikombe cy'Intwari cya 2025 mu bagore, yahawe sheki ya miliyoni 6 Frw.

    Police FC yabaye iya kabiri mu bagabo, yahawe sheki ya miliyoni 3 Frw, APR FC yegukanye Igikombe mu bagabo na yo yahawe miliyoni 6 Frw.

    The post APR FC yegukanye igikombe cy'Intwari itsindiye Police FC kuri Penaliti appeared first on RUSHYASHYA.

    Source : https://rushyashya.net/apr-fc-yegukanye-igikombe-cyintwari-itsindiye-police-fc-kuri-penaliti/?utm_source=rss&utm_medium=rss&utm_campaign=apr-fc-yegukanye-igikombe-cyintwari-itsindiye-police-fc-kuri-penaliti

  • Igisobanuro cy'ishusho nshya yahawe imva zishyinguyemo intwari z'u Rwanda (Amafoto) – #rwanda #RwOT

    Muri uyu mwaka hizihizwa Umunsi w'Intwari ku nshuro ya 31, icyiciro cya mbere cy'umushinga wo kwagura Igicumbi cy'Intwari, ni cyo cyarangiye.

    Muri iki cyiciro niho hakozwe impinduka z'imva zishyinguyemo intwari, aho imiterere yazo yahinduwe ikagirwa nk'inzu zo mu muco gakondo ndetse zikikizwa n'ibimenyetso bifite igisobanuro mu muco Nyarwanda.

    Umuyobozi ushinzwe Ubushakashatsi mu Rwego rw'Igihugu rushinzwe Intwari, Imidali n'Impeta by'Ishimwe [CHENO], Rwaka Nicolas, yakomoje ku mpamvu izi mva zahinduwe.

    Ati 'Ubutwari ni umuco Nyarwanda kandi intwari ntipfa. Niba intwari idapfa, igaruka mu rugo. Niyo mpamvu izi mva zagombaga kugira ishusho y'urugo.'

    Ikindi cyakozwe ni ubushakashatsi mu bimenyetso bifite igisobanuro mu muco Nyarwanda, aho izi mva zagiye zikikizwa nk'ibiti, indabo, imiti gakondo n'ibindi bisobanuye byinshi.

    Urugero ni nk'igiti cy'umurinzi nacyo gifatwa nk'igisobanuro cy'ubutwari mu Rwanda.

    Igisigaye ni ukureba uko hashyirwaho ibimenyetso cy'ibikoresho buri ntwari yakundaga gukoresha ubwo yari ikiriho.

    Rwaka ati 'Urugero urebye nk'imyenda Major General Fred Gisa Rwigema yakundaga gukoresha cyangwa ikindi kintu icyo ari cyo cyose, cyizashyirwaho kugira ngo gisurwe ariko kinatubere urwibutso rw'intwari yacu.'

    Igicumbi cy'Intwari nikimara kwagurwa, mu bice bizaba bikigize hazaba harimo n'inzu ndangamurage iazba igizwe n'amateka, amashusho n'ikindi cyose gifitanye isano n'intwari z'u Rwanda nk'uko zizirikanwa mu byiciro bibiri birimo Imanzi, Imena kuko icy'Ingenzi nta ntwari yari yagishyirwamo, gusa hakaba hagikorwa ubushakashatsi bwo kugira ngo bemezwe.

    Intego nyamukuru y'iyi nzu ndangamurage zizaba ari ukwigisha, gufasha urubyiruko n'abantu b'ingeri zose kwigira ku ntwari no kuzizihiza.

    Icyiciro cy'Imanzi mu ntwari z'u Rwanda kirimo intwari zitakiriho zirimo umusikare utazwi izina, uhagarariye abasirikare bose baguye ku rugamba barwanira ineza y'u Rwanda.

    Iki cyiciro kandi kirimo Maj. Gen. Fred Gisa Rwigema, wayoboye urugamba rwo kubohora igihugu rwatangiye ku wa 1 Ukwakira mu 1994.

    Icyiciro cy'Imena kirimo Umwami Mutara wa III Rudahigwa Charles Léon Pierre, Intwari Michel Rwagasana, Uwilingiyimana Agatha, Intwari Félicité Niyitegeka n'Abanyeshuri b'i Nyange.

    Iki ni ikimenyetso cy'Ubutwari kiri ku Gicumbi cy'Intwari z'u Rwanda

    Iyi ni imva ishyinguwemo Intwari y’Imanzi, Maj. Gen. Fred Gisa Rwigema

    Haracyakomeje imirimo yo kwagura Igicumbi cy’Intwari

    Imva y’Intwari y’Imena, Umwami Mutara III Rudahigwa

    Iyi mva ishyinguyemo Intwari y’Imena, Uwiringiyimana Agathe

    Imva n’Ibimenyetso by’Intwari z’Igihugu byaravuguruwe

    Uyu muhango witabiriwe n’abayobozi batandukanye mu nzego z’igihugu

    Ubwo Perezida Kagame na Madamu Jeannette Kagame bari bageze ahari hagiye kubera igikorwa cyo gukamira intwari z’u Rwanda

    Perezida Kagame na Madamu Jeannette Kagame bashyize indabo ku Kimenyetso cy'Ubutwari kiri ku Gicumbi cy'Intwari z'u Rwanda

    Ingabo yatoranyijwe yashyize indabo ku rwibutso rw’intwari y’umusirikare utazwi izina

    Imiryango y’Intwari z’Igihugu na yo yunamiye intwari zayikomotsemo

    Imiryango y’intwari zatabarutse yafashe ifoto y’urwibutso

    Amafoto: Kwizera Hervé

    Source : http://igihe.com/amakuru/u-rwanda/article/igisobanuro-cy-ishusho-nshya-yahawe-imva-zishyinguyemo-intwari-z-u-rwanda

  • Nyamagabe: Huzuye inzu y'ababyeyi y'asaga milyoni 440Frw – #rwanda #RwOT

    IKigo Nderabuzima cya Mugano, giherere mu Murenge wa Mugano, mu Karere ka Nyamagabe, kikaba cyarubatswe mu 2010. Cyatangiranye ubushobozi buke by'umwihariko inzu y'ababyeyi yari nto cyane kandi itari ahakwiye.

    Umuyobozi w'Ikigo Nderabuzima cya Mugano, Mugaruka Tite, yabwiye IGIHE ko mbere yo kubaka iyi nzu, imikorere yari igoye cyane.

    Ati “Aho twakoreraga kari inzu nto cyane, ababyeyi batugana batabona uko babasha kwarama, batabona n'aho kuruhukira bamaze kubyara byose dukora mu buryo bw'amaburakindi. Inzu y'ababyeyi burya igomba kuba iri ahantu hiherereye ukwayo, ariko iyo twari dufite wasanga ifatanye n'ahatangirwa izindi serivisi zo kwa muganga.'

    Mugaruka yavuze ko iyi nzu bayibonye bayibabaye kandi ikaba ijyanye n'igihe ndetse ifite n'uburyo bugezweho bwo kunoza isuku. Ifite akarusho ko kugira icyumba cyo kubagiramo ababyeyi (salle d'opérations), ariko iyi serivisi ikazatangwa igihe hazaba habonetse abakozi babishoboye.

    Umuyobozi w'Akarere ka Nyamagabe wungirije Ushinzwe Imibereho myiza y'abaturage, Uwamariya Agnès, yabwiye IGIHE ko iyi 'maternité' ije gukemura ingendo ndende ku bagore batwite, kugabanya ubucucike ku babyeyi bahasaba serivisi zo kubyara, bityo binagabanye impfu z'ababyeyi n'abana, bishingiye ku ireme rya serivisi z'ubuzima muri rusange zizazamuka.

    Ati “Ibi birashimangira intego za Leta zo guteza imbere ubuzima rusange nk'uko binagaragara muri gahunda ya NST2, aho ubuzima bwiza bw'abaturage ari inkingi ya mwamba y'iterambere rirambye. Iyi nzu y'ababyeyi izaba igisubizo gikomeye ku baturage, inashimangira iterambere ry'ubuzima mu Karere ka Nyamagabe.'

    Ikigo Nderabuzima cya Mugano gifasha abaturage 22.514 bo mu Murenge wa Mugano n'abandi bo mu mirenge bihana imbibi ya Kaduha, Mushubi, Musange mu Karere ka Nyamagabe , ndetse n'abaturage bo mu Murenge wa Ruganda mu Karere ka Karongi, mu Ntara y'Iburengerazuba.

    Usibye iyi nyubako y'ababyeyi yubatswe ku Kigo Nderabuzima cya Mugano, Akarere ka Nyamagabe karateganya ko gahunda ya NST2 izasiga hubatswe ibindi bikorwaremezo by'ubuzima by'asaga miliyari 4Frw, harimo Ikigo Nderabuzima gishya kizubakwa Mu Murenge wa Kibirizi ahitwa i Bugarama, inzu z'ababyeyi ziteye imbere esheshatu n'amavuriro y'ibanze mashya 31.

    Iyi maternité yanateganyirijwe icyumba cyo kubagiramo ababyayi

    Source : http://igihe.com/amakuru/u-rwanda/article/nyamagabe-huzuye-inzu-y-ababyeyi-y-asaga-milyoni-440frw

  • Abenjeniyeri bo mu Rwanda basabwe kwishakamo ubushobozi – #rwanda #RwOT

    Ni byagarutsweho mu nama y'Ikigo cy'Abenjeniyeri mu Rwanda (IER) yo ku wa 23 Mutarama 2025, yahuje abakora uyu mwuga mu gushaka inzira zo gukomeza umushinga w'ubufatanye na Royal Academy of Engineering yo mu Bwongereza, binyuze muri Africa Catalyst Project (ACP).

    frica Catalyst Project (ACP) ni umushinga ugamije guteza imbere imiryango y'abenjeniyeri muri Afurika hifashishijwe gahunda yo kubongerera ubushobozi n'ubumenyi.

    Watangiye mu 2017 aho watanze ubumenyi ngiro ku banyamuryango bo mu Rwanda, hagamijwe gukuraho icyuho kiri hagati y'amasomo ya kaminuza n'ibyo isoko ry'umurimo risaba.

    Wanabahaye kandi abahanga mu bumenyi bw'ibanze bugendana n'iterambere mu ikoranabuhanga rigezweho.

    Icyakora kuko uyu mushinga uri kugana ku musozo dore ko uzarangira muri Mata 2025, Ikigo cy'Abenjeniyeri mu Rwanda cyasabye abanyamuryango gushaka inzira zo gukomeza uyu mushinga no guteza imbere ubumenyi bwabo bagezeho mu myaka itanu ishize, mu gihe inkunga ya Royal Academy of Engineering izaba irangiye.

    Umuyobozi Mukuru wa IER, Sabiti Steven, yagaragaje akamaro ko kuba abenjeniyeri bahindura uburyo bakora imirimo yabo, hibandwa k'uburyo bugezweho bw'imikorere.

    Ati 'Ni ngombwa ko duhindura uburyo dukora dukoresha ibitekerezo bishya kandi tugashyira mu bikorwa imikorere mishya. Umutungo w'ingenzi mu Rwanda ni abantu bacu, kandi tugomba kubaha ubumenyi n'imyumvire bikwiye kugira ngo babashe kugira uruhare mu iterambere ry'ubukungu no mu guhesha igihugu ishema'.

    Umuyobozi wa Africa Catalyst Project mu Rwanda, Uwimana Cecile, yagaragaje uruhare rukomeye rwa IER mu gufasha gukuraho icyuho kiri hagati ya kaminuza n'isoko ry'umurimo, cyane cyane mu gufasha abenjeniyeri bashya guhura n'abakoresha bashobora kubaha imirimo.

    Yagize ati 'Inkunga yatanzwe na ACP yari ingenzi cyane yafashije urubyiruko kubona uburambe mu kazi, bityo twiteze ejo hazaza heza muri uru rwego rw'abenjeniyeri muri aka karere.'

    Abenjeniyeri kandi basabwe kwishakamo ubushobozi mu mikorere n'ubumenyi bafite, mu gihe mu Rwanda hakigaragara abakora ibitajyanye naho Isi igeze cyangwa ugasanga bakoresha ubumenyi butagezweho cyane cyane ubwo bakura mu ishuri.

    Umuyoboz w’Ikigo cy'Abenjeniyeri mu Rwanda (IER), Sabiti Steven yasabye Abenjeniyeri guhindura imikorere

    Iyi nama yitabiriwe n’abanyamurwanyo ba IER

    Source : http://igihe.com/amakuru/u-rwanda/article/abenjeniyeri-bo-mu-rwanda-basabwe-kwishakamo-ubushobozi

  • 404 ERROR | #rwanda #RwOT

    Source : http://igihe.com/amakuru/u-rwanda/article/perezida-kagame-yaganiriye-na-perezida-faye-wa-senegal

  • Perezida Kagame yifurije Abanyarwanda Umunsi mwiza w'Intwari – #rwanda #RwOT

    Ni ubutumwa Umukuru w'Igihugu yagejeje ku Banyarwanda kuri uyu wa 1 Gashyantare 2025, abinyujije ku rubuga rwa X.

    Yagize ati “Umunsi mwiza w'Intwari! Uyu munsi, turaha icyubahiro Intwari z'Igihugu cyacu zaharaniye kwimakaza indangagaciro z'ubumwe, ukuri n'ubutabera. Izo ndagagaciro akaba arizo zigize umusingi w'Igihugu cyacu uyu munsi.”

    Yongeyeho ati ” Ni inshingano ya buri wese, yaba umuto cyangwa umukuru, guhangana n'inzitizi duhura nazo, tukabikorana ubunyangamugayo, guhagarara ku kuri, no gukomeza kubaka Igihugu birenze kure icyo abandi bashaka kutugenera.”

    Kuri uyu munsi kandi Perezida Kagame na Madamu Jeannette Kagame bashyize indabo ku Kimenyetso cy'Ubutwari kiri ku Gicumbi cy'Intwari z'u Rwanda, baranazunamira mu rwego rwo kuzisingiza no kurata ibigwi byazo.

    Umunsi w'Intwari wizihizwa buri mwaka tariki ya 1 Gashyantare.

    Intwari u Rwanda rwizihiza kandi rukazirikana ziri mu byiciro bitatu, birimo Imanzi, Imena n'Ingenzi.

    Icyiciro cy'Imanzi kirimo intwari zitakiriho zirimo umusikare utazwi izina, uhagarariye abasirikare bose baguye ku rugamba barwanira ineza y'u Rwanda.

    Iki cyiciro kandi kirimo Maj. Gen. Fred Gisa Rwigema, wayoboye urugamba rwo kubohora igihugu rwatangiye ku wa 1 Ukwakira mu 1994.

    Icyiciro cy'Imena kirimo Umwami Mutara wa III Rudahigwa Charles Léon Pierre, Intwari Michel Rwagasana, Uwilingiyimana Agatha, Intwari Félicité Niyitegeka n'Abanyeshuri b'i Nyange.

    Icyiciro cy'Ingenzi nta ntwari yari yagishyirwamo, gusa haracyakorwa ubushakashatsi bwo kugira ngo bemezwe.

    Kuri uyu wa Gatandatu Perezida Kagame na Madamu Jeannette Kagame bashyize indabo ku Kimenyetso cy'Ubutwari kiri ku Gicumbi cy'Intwari z'u Rwanda

    Perezida Kagame yasabye Abanyarwanda kwimakaza ubunyangamugayo, guhagarara ku kuri no gukomeza kubaka igihugu

    Ubwo Perezida Kagame na Madamu Jeannette Kagame bashyiraga ku kimenyecyo cy’Ubutwari indabo

    Source : http://igihe.com/amakuru/u-rwanda/article/perezida-kagame-yifurije-abanyarwanda-umunsi-mwiza-w-intwari

  • M23 ikomeje ibikorwa byo gukora isuku mu bice yafashe birimo umujyi wa Goma muri RDC #rwanda #RwOT

    Abo mu mutwe wa M23 bakomeje ibikorwa byo gusukura ibice bafashe, birimo n'Umujyi wa Goma, mu Burasirazuba bwa Repubulika Iharanira Demokarasi ya Congo (RDC). Ibi bikorwa byatangiye nyuma yo kugenzura ibice bitandukanye, aho abarwanyi b'uyu mutwe bagaragaye bari gukora isuku mu mihanda, bakuraho imyanda, ndetse banasana ahangiritse.

    Mu mashusho n'amafoto yakwirakwijwe ku mbuga nkoranyambaga, bigaragara abarwanyi ba M23 bambaye imyambaro y'igisirikare, bafite ibikoresho by'isuku, bakora imirimo yo gutunganya imijyi n'imihanda.

    Bamwe muri bo bagaragaye batunganya ibice byari byangiritse mu mirwano, mu gihe abandi bari gushyiraho ibimenyetso by'ubuyobozi bwabo ku nyubako zinyuranye.

    Abaturage batuye muri ibi bice bavuga ko ibikorwa by'isuku n'isanwa ry'ibikorwa remezo byatangiye nyuma yo kubona ko uyu mutwe wakomeje kugira imbaraga mu kugenzura uduce tumwe na tumwe tw'Intara ya Kivu y'Amajyaruguru.

    Hari abavuga ko ibi bikorwa bigaragaza ko M23 ishaka kwerekana ko ifite gahunda yo kugumya gukomeza kugenzura ibi bice mu buryo buhamye.

    Ku rundi ruhande, ubuyobozi bwa RDC bukomeje kugaragaza ko M23 ari umutwe w'iterabwoba, bukavuga ko igikenewe atari ibikorwa nk'ibi, ahubwo ari uko uyu mutwe uhagarika ibikorwa bya gisirikare. Nubwo ibikorwa by'isuku bikomeje, nta cyizere cy'uko imirwano izacika, cyane ko ingabo za Leta ya Congo n'iza SADC zitegura kugaba ibitero byo gusubiza ibice byigaruriwe na M23.

    Ibikorwa by'uyu mutwe bikomeje gutera impaka mu banyapolitiki, abasesenguzi ndetse n'abaturage baturiye ibi bice, aho bamwe babona ko ari uburyo bwo kwereka amahanga ko bafite gahunda yo gucunga umutekano n'iterambere, mu gihe abandi babibonamo uburyo bwo gukomeza kugaragaza ko ari bo bagenga b'utu duce.

    Ni mu gihe kandi ibiganiro byo gushaka amahoro bikomeje gucumbagira, aho imitwe yitwaje intwaro igikomeje ibikorwa byo kurwana n'ingabo za Leta, ndetse n'ingabo z'indi mitwe iri muri RDC.

    Gusa kugeza ubu, ubuyobozi bwa M23 ntiburatangaza icyihishe inyuma y'ibi bikorwa by'isuku mu bice yigaruriye, ariko biragaragara ko biri gukorwa ku rwego ruhanitse.

    Abo mu mutwe wa M23 bakomeje ibikorwa byo gusukura ibice bafashe, birimo n'Umujyi wa Goma mu Burasirazuba bwa Repubulika Iharanira Demokarasi ya Congo (RDC).

     

    Abaturage batuye muri ibi bice bavuga ko ibikorwa by'isuku n'isanwa ry'ibikorwa remezo byatangiye nyuma yo kubona ko uyu mutwe wakomeje kugira imbaraga mu kugenzura uduce tumwe na tumwe tw'Intara ya Kivu y'Amajyaruguru.
    Mu mashusho n'amafoto yakwirakwijwe ku mbuga nkoranyambaga, bigaragara abarwanyi ba M23 bambaye imyambaro y'igisirikare, bafite ibikoresho by'isuku, bakora imirimo yo gutunganya imijyi n'imihanda.

     

     

    Source : https://kasukumedia.com/m23-ikomeje-ibikorwa-byo-gukora-isuku-mu-bice-yafashe-birimo-umujyi-wa-goma-muri-rdc/

  • Uko umukino uri kugenda umunota ku munota

    Igice cyambere cy’umukino wa nyuma mu gikombe cy’Intwari uri guhuza Police FC na APR FC kirangiye amakipe yombi anganya ubusa ku busa

    Igice cya mbere kirarangiye

    45+2′ Hakim Kiwanuka yari azamuye umupira ngo APR FC ijye kuruhuka yabonye igitego ariko umupira unyura ku ruhande’

    40′ Kufura ya APR mu kibuga hagati nyuma y’ikosa Ani Elijah yari akoreye Lamine Bah ariko kufura igaruwe nerza na Musanga Henry’

    39′ Mugisha Gilbert yari azamuye umupira mwiza mu izamu rya Police FC ariko ugarurwa neza na Issah Yakubu’

    37′ Hakim Kiwanuka wari uzamuye umupira mwiza mu izamu rya Police FC birangiye urenze’

    36′ Byiringiro Lague wari umaze kwandagaza abakinnyi ba APR FC abacenga akorewe ikosa ubwo yari afashe icyemezo cyo kuzamukana umupira’

    32′ Mahamadou Lamine Bah yari azamutse nrza ariko birangira akoreye Abedi wa Police FC amakosa’

    31′ Nsabimana Eric wari uryamye hasi arahagurutse

    26′ Byiringiro lague yari azamukanye umupira mwiza imbere y’izamu rya Police FC ariko kapiteni Claude aramuhagarika’

    24′ Kapiteni wa Police FC Nsabimana Eric Zidane ari gukangurira aba Police bari ku kibuga guhaguruka bagashyigikira ikipe yabo’

    23′ Ani Elijah wari umaze gucenga Aliou Souane ateye ishoti rikomeye mu izamu rya APR FC ariko ku mahirwe make ya Police FC umupira ujya ku ruhande’

    21′ Hakim Kiwanuka wari ukinanye neza na Mahamadou Lamine Bah ateye ishoti mu izamu rya police FC ariko umuzamu wa Police FC Patience atabara Police’

    18′ Issah Yakubu nyuma y’umupira yari azamuriwe na Mugisha Didioer ateye umutwe mwiza cyane ariko umuzamu wa APR FC Pavelh Ndzila aba ibamba umupira awukuramo’

    16′ Bigirimana Abedi yari akinanye neza na Mugisha Didier ariko Mugisha atanze umupira kwa Byiringiro Lague umunya Senegal Aliou Souane wa APR FC aratabara’

    14′ Alan Katerega yari akinanye neza na Ani Elijah ariko Ani azamuye umupira ashakisha Mugisha Didier kapiteni wa APR FC Niyomugabo Claude aratabara’

    10′ Iminota 10 y’umukino irangiye ikipe ya APR FC ikomeje kwataka ku buryo budasanzwe gusa ntiyabashije kubigenza nk’uko yari yabikoze ku mukino wa nyuma mu mwaka ushyize kuko ku munota wa 2 gusa yari yafunguye amazamu ku gitego cya Nshimirimana Yunusu’

    7′ Dauda Youssif yari afashe icyemezo yizamukiye ariko myugariro wa Police Issah Yakubu amukorera ikosa ryabyaye kufura itagize icyo imarira ikipe ya APR FC’

    4′ Hakim Kiwanuka yari abonye uburyo bwiza imbere y’izamu rya Police Fc ariko ateye ishoti rikomeye umuzamu wa Police Patience arongera aratabara. Kiwanuka yasongejemo umupira ariko umuzamu arongera aba ibamba’

    3′ Ndayishimiye Dieudonne wa APR FC yari ateye ishoti rikomeye mu izamu rya Police FC ariko umuzamu wa Police FC Niyongira patience aratabara umupira arawufata’

    1′ Abakinnyi ba APR FC batangiye bakinira umupira inyuma bareba uburyo bazamuka bagatungura ikipe ya Police bakihimura kuko mu mwaka ushyize niyo yabatwaye iki gikombe’

    Umukino uratangiye, utangijwe n’ikipe ya police Fc Ani Elijah awukinana na Ishimwe Christian’

    Amakipe yombi ndetse n’abafana habura iminota mikenya ngo umukino utangire

    Abakinnyi babanje my kibuga ku ruhande rwa Police Fc ni Niyingira Patience, Nsabimana Eric, Ishimwe Christian, Bigirimana Abedi, Achraf Mandela, Ani Elijah, Musanga Henry, Issah Yakubu, Mugisha Didier, Alan Katerega na Byiringiro

    Abakinnyi babanje mu kibuga ku ruhande rwa APR FC ni Pavelh Ndzila, Niyigena Clement, Niyomugabo Claude, Aliou Souane, Denis Omedi, Ndayishimiye Dieu Donne, Mahamadou Lamine Bah, Ruboneka Bosco, Hakim Kiwanuka, Mugisha Gilbert na Dauda Youssif.

    Abasifuzi basifuye uyu mukino

    Abakinnyi ba Police FC bari kwishyushya mbere y’uko batangira umukino

    Abakinnyi ba APR FC bari kwishyushya mbere y’uko batangira umukino

    16.44′ Amakipe yombi yamaze gusohoka mu rwambariro

    14.30′ Amakipe yombi nyuma yo kwishyusha yamaze gusubira mu Rwambariro yitegura kumanuka mu kibuga ubundi agacakiranira ku mukino wa nyuma w’igikombe cy’Intwari.

    Uyu mukino byari biteganyijwe ko utangira Saa kenda zuzuye siko byageze kuko igihe wari gutangirira kigujwe inyuma kubera ko habanje umukino wahuje Indahangarwa WFC na Rayon Sports mu bagore maze iminota 90 isanzwe ikarangira ari ubusa ku busa bigasaba ko hiyambazwsa iminota indi minota 30 y'inyongera.

    Ni umukino utegerejwe na benshi haba ku bakunzi ba APR FC ndetse no ku bakunzi ba Police Fc. Ikipe ya APR FC ifite gahunda yo kwigaranzura Police FC ikayitwara iki gikombe cyane ko mu mwaka ushyize ari Police Fc yari yagitwaye itsinze APR FC ibitego 2-1 mu mukino wa nyuma.

    Mu gikombe cy'Intwari cya 2025 APR FC yageze ku mukino wa nyuma nyuma yo gusezerera AS Kigali muri ½ nyuma yo kuyitsinda ibitego 2-0. Ibitego bibiri bya APR FC byatsinzwe na Denis Omedi na Niyibizi Ramadhan.

    Ikipe ya Police Fc yo yageze ku mukino wa nyuma w'igikombe cy'Intwari cya 2025 nyuma yo gusezerera Rayon Sports muri ½ kuri penaliti. Police FC yatsinze penaliti 3-1 nyuma y'uko umukino usanzwe wari warangiye amakipe yombi anganya igitego kimwe kuri kimwe. Muri uwo mukino igitego cya Rayon Sports cyatsinzwe na Iraguha Hadji mu gihe icya Police FC cyatsinzwe na Henry Musanga.

    Si ubwa mbere Police Fc na APR FC zihuriye ku mukino wa nyuma mu gikombe cy'Intwari kubera ko no mu mwaka ushyize ubwo Police FC yatwaraga igikombe yari yatsinze APR FC ibitego 2-1.

    Mu mukino wa nyuma wahuje APR FC na Police FC muri 2024 igitego cya APR FC cyatsinzwe na Nshimirimana Yunusu maze ibitego bibiri bya Police FC bitsindwa na Peter Agblevor.

    Abafana batandukanye bamaze kugera kuri Kigali Pele Stadium. Muri abo bafana harimo n’Ingabo z’u rwanda ndetse n’abapolisi b’u Rwanda

    AMAFOTO: Ngabo Serge – Inyarwanda.com

    Source : https://inyarwanda.com/inkuru/151687/live-rugiye-kwambikana-hagati-ya-apr-fc-na-police-fc-ku-mukino-wa-nyuma-mu-gikombe-cyintwa-151687.html

  • Abanyamisiri bamaganye igitekerezo cya Trump cyo Kwimura Abanyapalestine #rwanda #RwOT

    Ku wa Gatanu wejo hashize taliki ya 31 Mutarama 2025, Abanyamisiri babarirwa mu bihumbi bateraniye hamwe bambukiranya Rafah, bigaragambya bamagana icyifuzo cya Perezida wa Leta Zunze Ubumwe za Amerika, Donald Trump, cyo kwimura Abanyapalestine bo mu gace ka Gaza, kari mu ntambara, bakajyanwa mu bihugu by'abaturanyi bya Misiri na Yorodani.

    Abigaragambyaga bari bitwaje amabendera ya Misiri na Palesitine, basaba ko Palesitine igira ubwigenge busesuye, ndetse bagaragaza ko bahangayikishijwe n'ingaruka z'icyo cyemezo.

    Misiri na Yorodani Banze Iki Cyifuzo
    Ibihugu byombi, Misiri na Yorodani, byamaganye byeruye iki cyifuzo cya Trump, bivuga ko ari ukwica uburenganzira bw'Abanyapalestine no gukomeza kubahutaza.

    Fathi Abu Hamda, umwe mu bigaragambyaga, yagize ati: 'Ndashaka kubwira abari hakurya muri Isiraheli ko Abanyamisiri bose bahagaze inyuma y'ubuyobozi bwa politiki. Oya kwimurwantibikwiye nagato.'

    Trump Ashobora Guhatira Ibihugu Kubyemera?
    Nubwo bitaramenyekana niba Trump ashobora guhatira Misiri na Yorodani kwemera iki cyemezo, amateka agaragaza ko yigeze gukoresha igitutu gikomeye ku bafatanyabikorwa ba Amerika mu rwego rwo kugira ngo abashishe gushyigikira politiki ye.

    Mu minsi ye ya mbere ku butegetsi no mu gihe cy'amatora, Trump yagiye atanga ibyifuzo bikaze ndetse anateza impaka ku bijyanye n'imisoro yagombaga gushyirwa ku bihugu bifitanye imikoranire n'Amerika.

    Icyemezo cyo kwimura Abanyapalestine cyakwangiza cyane indangamuntu yabo nk'igihugu kigenga ndetse kikaba n'intandaro yo kurushaho guhungabanya umutekano mu karere.

    Abaturage ba Gaza Bahangayikishijwe n'Intambara
    Impaka kuri iki kibazo zije mu gihe abaturage ibihumbi amagana bo muri Gaza bakomeje guhura n'ubuzima bugoye bitewe n'intambara hagati ya Isiraheli na Hamas.

    Bamwe mu bari barahunze bagarutse mu bisigaye by'ingo zabo nyuma y'uko babwirwaga kwimuka mbere y'uko ibitero bikomeye by'Isiraheli byibasira aka gace.

    Amaso ya benshi ari kuri Misiri na Yorodani, harebwa niba koko hashobora kubaho igikorwa cyo kwimura Abanyapalestine, cyangwa se niba ibi bihugu bizakomeza kwamagana icyo cyemezo cya Trump.

    Trump yagiye atanga ibyifuzo bikaze ndetse anateza impaka ku bijyanye n'imisoro yagombaga gushyirwa ku bihugu bifitanye imikoranire n'Amerika.
    Abanyamisiri babarirwa mu bihumbi bateraniye imbere yambukiranya Rafah, bigaragambya bamagana icyifuzo cya Perezida wa Leta Zunze Ubumwe za Amerika, Donald Trump, cyo kwimura Abanyapalestine bo mu gace ka Gaza, kari mu ntambara, bakajyanwa mu bihugu by'abaturanyi bya Misiri na Yorodani.

     

     

    Source : https://kasukumedia.com/abanyamisiri-bamaganye-igitekerezo-cya-trump-cyo-kwimura-abanyapalestine/

  • SADC na EAC mu nama y'igitaraganya ku mutekano muke uri muri RDC #rwanda #RwOT

    Mu nama idasanzwe y'abakuru b'ibihugu na za guverinoma ba SADC, hemejwe ko hategurwa inama y'igitaraganya ihuriwemo n'uyu muryango n'uwa EAC kugira ngo higwe ku kibazo cy'umutekano muke mu Burasirazuba bwa RDC.

    Iki cyemezo cyafatiwe mu nama ya SADC ya 24 yabaye ku wa 31 Mutarama 2025 ikabera i Harare muri Zimbabwe, kije nyuma y'aho bisabwe n'inama ya EAC yabaye ku wa 29 Mutarama 2025 na yo yahuje abakuru b'ibihugu na za guverinoma.

    Inama ya SADC yabaye mu gihe ingabo zayo zoherejwe kurwana muri RDC ziri gukubitanwa inshuro n'iza FARDC yifatanyije n'imitwe agahishyi irimo na FDLR yasize ikoze Jenoside yakorewe Abatutsi mu Rwanda.

    Iyi nama ya SADC yafunguwe ku mugaragaro na Perezida wa Zimbabwe, akaba na Chairman wa SADC, Dr. Emmerson Dambudzo Mnangagwa.

    Yitabiriwe n'abaperezida barimo Duma Gideon Boko wa Botswana, Félix Antoine Tshisekedi wa RDC, Andry Rajoelina wa Madagascar, Daniel Francisco Chapo wa Mozambique, Cyril Ramaphosa wa Afurika y'Epfo na Samia Suluhu Hassan wa Tanzania.

    Yitabiriwe kandi na Perezida wa Zambia, Hakainde Hichilema na Minisitiri w'Intebe wa Lesotho, Samuel Ntsokoane.

    Matekane, Minisitiri Wungirije wa Eswatini, Thulisile Dladla, Minisitiri w'Ububanyi n'Amahanga wa Angola, Téte António, Minisitiri w'Ububanyi n'Amahanga wa Malawi, Nancy Gladys Tembo na Minisitiri w'Ingabo wa Namibia Frans Kapofi bose bari bahari.

    Hongeye kwibukwa ingabo za SADC zari muri ubwo butumwa zaguye mu mirwano cyane cyane iherutse kubera mu Mujyi wa Sake, zirimo izo muri Tanzania, Malawi na Afurika y'Epfo.

    Muri iyo nama kandi hagaragajwe impungenge z'uburyo intambara iri kubera muri RDC ikomeje kuzambya ibintu, ndetse abari bahari basaba ko hakwiriye kugira igikorwa byihuse kugira ngo haboneke ibya ngombwa nkenerwa birimo amazi, amashanyarazi, ibiribwa, uburyo bw'itumanaho n'ibindi.

    Abakuru b'ibihugu na za guverinoma bagaragaje impungenge z'uburyo ingabo za SADC zikomeje guhura n'ibihe bikomeye mu mirwano, basaba ko habaho kongerwa inkunga y'ibikoresho n'ubufasha bwihuse kugira ngo zishobore kurangiza ubutumwa bwo kugarura amahoro mu Burasirazuba bwa RDC.

    Byongeye kandi, hanagaragajwe impamvu hakwiye ubufatanye bwa SADC na EAC kuko ikibazo cy'umutekano muke muri RDC cyagize ingaruka kuri byinshi mu bihugu by'iyo miryango yombi, harimo umutekano mucye ugaragara ku mipaka, ubuhunzi, ubukungu buhungabanye n'ubucuruzi bwahagaze muri bimwe mu bice byazahajwe n'intambara.

    Inama y'igitaraganya izahuza SADC na EAC igomba kuba bitarenze Gashyantare 2025, kandi izibanda ku gushaka umwanzuro wa gisirikare n'uw'amahoro uhamye kuri iki kibazo cyakomeje kudindiza iterambere ry'Akarere.

    Hemejwe ko mbere y'iyi nama, haroherezwa intumwa z'impuguke mu bya gisirikare n'umutekano muri RDC kugira ngo hakorwe raporo y'ukuri ku kibazo cy'imirwano, hagaragazwe ingamba zafatwa ndetse hanasuzumwe niba hakwiriye kubaho izindi ngamba zo kongera ingabo mu butumwa bwa SADC.

    Abakuru b'ibihugu na za guverinoma basabye ko umuryango mpuzamahanga, cyane cyane Umuryango w'Abibumbye (UN) n'Umuryango wa Afurika Yunze Ubumwe (AU), bagira uruhare rufatika mu gutanga inkunga no gukemura iki kibazo kimaze igihe kirekire cyugarije Akarere.

    Mu nama idasanzwe y'abakuru b'ibihugu na za guverinoma ba SADC, hemejwe ko hategurwa inama y'igitaraganya ihuriwemo n'uyu muryango n'uwa EAC kugira ngo higwe ku kibazo cy'umutekano muke mu Burasirazuba bwa RDC.

    Source : https://kasukumedia.com/sadc-na-eac-mu-nama-yigitaraganya-ku-mutekano-muke-uri-muri-rdc/