Webrwanda Backend

Blog

  • Urugaga Nyarwanda rw'Inzobere mu Bidukikije rwabonye abayobozi bashya – #rwanda #RwOT

    Ni inama yateranye ku wa 31 Mutarama 2025, yareberaga hamwe uko raporo y'umwaka yagenze, hanatorwa komite nyobozi nshya igizwe na Perezida Jean Paul Ndayisabye, Visi Perezida aba Camille Nyamihana, Umunyamabanga agirwa Emelyne Kayitaramirwa n'abajyanama babiri.

    Jean Paul Ndayisabye wari usanzwe ari Visi Perezida wa RAPEP muri komite icyuye igihe, yagaragaje ko yishimiye kuba abanyamuryango bamubonyemo ubushobozi, abizeza kwitangira urugaga kugira ngo rukomeze rutere mbere.

    Ati 'Ubu mfite inshingano zo gushaka ubushobozi bwigiye hejuru atari ukubukura mu banyamuryango kugira ngo umuryango waguke, mbijeje kandi ubufatanye, kubitangira, gukora cyane no kugaragaza isura y'umuryango guhera ku rwego rw'igihugu kugeza ku rwego mpuzamahanga.'

    Umunyamuryango wa RAPEP, Karekezi Wede Emmanuel, yavuze ko afitiye icyizere abayobozi bitoreye, kandi ko bazakomeza gufasha ubuyobozi kwesa imihigo bwihaye.

    Ati 'Abatowe turabasaba kwigomwa kuko ni akazi gasaba umwanya uhagije, turabasaba kandi kugisha inama bakumva ibyo abanyamuryango dukeneye, tugakomeza gutera imbere mu buryo butunogeye twese.'

    Emerance Nyirangoga yavuze ko yizeye ko abatowe bazajya babatekerereza ibyiza ariko batabafatiye imyanzuro kuko iba ukwiye kuganirwaho.

    Ati 'Twabatoye tubabonamo ubushobozi, ndabasaba gukomeza kudushakira amahugurwa menshi, urugaga rwacu tukarumenyekanisha, abantu benshi hano hanze bakarumenya, n'abana batazi ko ruhari bakaza bakabimeya, tugahuriza hamwe ibiterekerezo kugira ngo dukomeze tubungabunge ibidukikije.'

    Uwari Perezida wa RAPEP, Ngendahayo Richard yasezeranyije uwaje kumokorera mu ngata gukomeza kumuba hafi, kandi ko azakora uko ashoboye kugira ngo umuryango ukomeze gutera imbere.

    Kugeza uyu munsi, RAPEP imaze imyaka umunani ikora, aho ifite abanyamuryango barenga 300 bari mu byiciro bitatu birimo abahanga kurusha abandi n'abakizamuka.

    RAPEP kandi igizwe na kompanyi zigera kuri 86, ari na zo zikora akazi kenshi ko gutunganya inyigo nsuzumangaruka ku bidukikije n'ubuzima bw'abantu ku mishinga itandukanye y'iterambere ry'igihugu.

    RAEP igizwe n’abanyamuryango barenga 300

    Amatora yabaye mu mucyo no mu bwisanzure

    Visi Perezida Camille Nyamihana, yishimiye abanyamuryango bamutoye

    Emelyne Kayitaramirwa watorewe kuba umunyamabanga yasezeranyije abanyamuryango ubwitange mu kazi kabo

    Uwatorewe kuba Perezida wa RAPEP, Jean Paul Ndayisabye, yabwiye abanyamuryango ko bazakomeza gufatanya kugira ngo bateze imbere urugaga

    Uwari Perezida wa RAPEP, Ngendahayo Richard yasezeranyije uwaje kumokorera mu ngata gukomeza kumuba hafi

    Komite nyobozi nshya yatowe yiyemeje guharanira iterambere ry’urugaga

    Amafoto: Shumbusho Djasiri

    Source : http://igihe.com/amakuru/u-rwanda/article/urugaga-nyarwanda-rw-inzobere-mu-bidukikije-rwabonye-abayobozi-bashya

  • Abahitanywe n'amasasu ya RDC i Rubavu bageze kuri 15, ibyangiritse bifite agaciro ka miliyoni 150 Frw – #rwanda #RwOT

    Ibi Mukuralinda yabitagarije mu kiganiro Urubuga rw'Itangazamakuru gitambuka ku bitangazamakuru byo mu Rwanda bitandukanye.

    Yavuze ko kurasa mu Rwanda kwa RDC kwabaye cyane cyane ku itariki ya 26 na 27 Mutarama 2025 bitabaye ku bw'impanuka, kuko igisirikare cy'icyo gihugu bigaragara ko cyari cyagambiriye kurasa ku basivile.

    Ati 'Ntabwo amasasu n'amabombe yarashwe gutyo wavuga ngo ni ukubera ko imipaka ifatanye baribeshye'.

    Gusa yavuze ko nubwo RDC yarashe ku basivile i Rubavu yabigambiriye nta musirikare wayo n'umwe wigeze ahirahira kwinjira mu Rwanda arwana.

    Ati 'Nubwo hari abarashe mu Rwanda amasasu mato n'amanini nta musirikare [wa FARDC] wigeze ahirahira avuga ko agiye kwinjira mu Rwanda ahateye.Nta n'uwabigerageje ngo wenda bamusubize inyuma.'

    Yavuze ko kugeza ubu abamaze kumenyekana bahitanywe n'ayo masusu ari abantu 15, mu gihe abandi 162 bakomeretse muri bo 117 bakaba baravuwe basezererwa mu mavuriro mu gihe 45 bakivurwa barimo batandatu barembye.

    Mu bindi bimaze kumenyekana byangijwe n'ayo masasu ni inzu zirenga 200 zangiritse harimo izigera ku 151 zifite agaciro k'arenga miliyoni 130 Frw. Muri izo nzu zimaze kubarurwa izigera kuri 10 zarangiritse cyane, mu gihe izindi zigera ku 183 zangiritse ibisenge naho 38 zo zangirika amadirishya n'inzugi.

    Hari kandi mashuri ya Leta atanu n'andi abiri yigenga yangiritse yose abarirwa mu gaciro ka miliyoni zirenga 27 Frw. Ibyo kandi byiyongeraho amatungo atandukanye yagiye ahitanwa n'ayo masasu.

    Mukuralinda yavuze ko byumvikana impamvu abaturage i Rubavu bagize ubwoba bagahunga nk'uko n'Abanye-Congo bavaga i Goma bari bari guhunga bagana mu Rwanda.

    Yongeyeho ko abo banye-Congo bari bahungiye mu Rwanda ubu basubiye iwabo kuko hari umutekano usesuye nyuma yo gufatwa n'umutwe wa M23 ku buryo hasigaye ababarirwa hagati ya 20% na 30% by'abari bahahungiye bose.

    Ni mu gihe kandi abakoreraga imiryango mpuzamahanga bari bahungiye mu Rwanda na bo batangiye kugenda hakaba hasigaye ababarirwa muri 40%.

    Mukuralinda yavuze ko ibyo bishimangira ko umutekano w'u Rwanda ari wose kuko n'abacanshuro b'Abanyaburayi bahanyuze babashije gutaha iwabo nta kibazo cy'umutekano mucye kibaye bityo asaba Abanyarwanda kuryama bagasinzira.

    Ati 'Umutekano w'u Rwanda urahari kandi urarinzwe baryame basinzire ariko nta kwirara.Abantu ntibagomba kwirara kuko intwaro zafatiwe i Goma hamaze gufatwa zigaragaza ko zitari izo kurwanya gusa M23. N'amakuru ahari agaragaza ko hari harimo n'umugambi wo gutera u Rwanda'.

    Umuvugizi wungirije wa Guverinoma yongeyeho ko n'Igihugu na cyo cyiticaye ubusa kuko RDC itahwemye gusubiramo ko ishaka gutera u Rwanda no guhirika ubutegetsi bwarwo kandi ko itigeze itangaza ko uwo mugambi yawuretse.

    Ubwo yari mu nama y'Abakuru b'Ibihugu b'Umuryango wa Afurika y'Ibirasirazuba (EAC) ku itariki 29 Mutarama 2025 yigiraga hamwe icyakorwa ku ntambara ikomeje kuyogoza Uburasirazuba bwa RDC, Perezida Paul Kagame, yasezeranyije ko u Rwanda hari icyo ruzakora ku masasu RDC yarurasheho.

    Yagize ati 'Mu minsi ibiri cyangwa itatu ishize twapfushije abantu, habayeho kurasa cyane guturutse mu Burasirazuba bwa Congo, i Goma.Hapfuye abantu babarirwa mu binyacumi, hakomereka abarirwa mu magana, ibyo mu buryo budashidikanywaho tuzabyitaho.Nta kubishidikanyaho.'

    Source : http://igihe.com/amakuru/u-rwanda/article/abapfuye-bageze-kuri-15-hangirika-ibifite-agaciro-ka-miliyoni-150-frw

  • Abanyarwanda baba muri Nigeria basabwe kwigira ku murage w'ubutwari mu rugamba rwo kubaka igihugu – #rwanda #RwOT

    Yabigarutseho ku wa Gatandatu, tariki ya 01 Gashyantare 2025, ubwo Abanyarwanda baba muri Nigeria n'inshuti zabo bizihizaga umunsi w'Intwari z'Igihugu ku nshuro ya 31 mu ndangagaciro z'umuco w'u Rwanda.

    Ibirori byo kwizihiza uyu munsi byabereye mu Murwa Mukuru, Abuja, ku nsanganyamatsiko y'uyu mwaka 'Ubutwari n'Ubumwe bw'Abanyarwanda, inkingi z'iterambere'.

    Ambasaderi Bazivamo Christophe yavuze ko tariki ya 1 Gashyantare ari umunsi wihariye mu mateka y'u Rwanda.

    Yagize ati 'Uyu munsi ufite igisobanuro cyihariye ku Banyarwanda twese ndetse n'inshuti zacu. Ni umunsi wo kuzirikana ubutwari, kwitanga no kwiyemeza kw'abahanze u Rwanda, bakarwagura, n'abarubohoye bakaruhesha agaciro rukaba rumaze kuba ubukombe.

    Yakomeje ati 'Izi ntwari tuzi n'izo tutazi, abenshi batanze ubuzima bwabo, abandi barangwa n'ubushishozi, kutikunda, ubunyangamugayo…kugira ngo hubakwe u Rwanda rukomeye, rushyize hamwe kandi ruteye imbere.''

    Yagaragaje ko ibikorwa by'ubutwari ari ubushake bw'Abanyarwanda biyemeje kubaka igihugu, abasaba gushyira imbere ubumwe n'ubudaheranwa mu rugamba rw'iterambere.

    Ati 'Ibikorwa by'ubutwari si iby'abantu ku giti cyabo gusa, ahubwo ni n'ubushake bw'Abanyarwanda twiyemeje kubaka igihugu cyacu dushingiye ku bumwe, ubudaheranwa n'iterambere. Ndasaba abari hano twese, Abanyarwanda n'inshuti zacu, kwigira ku murage w'intwari zatubanjirije maze tukubaka ejo heza kandi hatubereye.''

    Umuyobozi uhagarariye Abanyarwanda baba muri Nigeria, Dr. Otto Vianney Muhinda, yibukije ko indangagaciro z'ubutwari mu Rwanda n'Abanyarwanda atari ibya none.

    Yavuze ko mu bihe binyuranye kandi bikomeye u Rwanda rwanyuzemo, haba mbere y'ubukoroni, mu gihe cyabwo ndetse na nyuma yabwo, u Rwanda rwagiye rugobokwa n'abana barwo b'intwari.

    Ati 'Ndavuga abagore n'abagabo baranzwe no gukunda igihugu, kukitangira, gushyira hamwe, gukunda ukuri no kwanga umugayo'

    Dr. Otto Muhinda yibukije Abanyarwanda n'inshuti zabo, inzego z'Intwari z'Igihugu zirimo Imanzi, Imena n'Ingenzi hamwe n'Ibiranga Intwari z'Igihugu.

    Yavuze ko intwari zirangwa no kugira umutima ukomeye kandi ukeye, gukunda igihugu, kwitanga, kugira ubushishozi, kugira ubwamamare mu butwari, kuba intangarugero, kuba umunyakuri, kugira ubupfura, kugira ubumuntu ndetse asaba urubyiruko kuzigiraho.

    Abitabiriye uwo munsi kandi basusurukijwe mu mbyino n'indirimbo zishimagiza Intwari z'u Rwanda hamwe n'umuhamirizo w'intore z'Abanyarwanda baba Abuja.

    Ambasaderi w'u Rwanda muri Nigeria, Bazivamo Christophe, yasabye Abanyarwanda kwigira ku murage w'ubutwari

    Abanyarwanda baba muri Nigeria bagararijwe indangagaciro zarangaga intwari z’igihugu

    Ambasaderi w'u Rwanda muri Nigeria, Bazivamo Christophe, yishimanye n’Abanyarwanda baba muri Nigeria ku munsi w’Intwari

    Abato nabo bitabiriye ibyo birori

    Imbyino nyarwanda zafashije abitabiriye ibi birori

    Ibi birori byitabiriwe n’abantu batandukanye barimo n’inshuti z’u Rwanda

    Abanyarwanda baba muri Nigeria basabwe gukomeza kuzirikana umurage w’ubutwari

    Intore z’Abanyarwanda baba muri Nigeria basusurukije abitabiriye ibi birori

    Source : http://igihe.com/amakuru/u-rwanda/article/abanyarwanda-baba-muri-nigeria-basabwe-kwigira-ku-murage-w-ubutwari-mu-rugamba

  • Netflix yahagaritse filime 'The Sandman' nyuma yo gushinjwa ihohotera rishingiye ku gitsina na Neil Gaiman #rwanda #RwOT

    Ikigo gitunganya kikanacuruza filime n'ibiganiro, Netflix, cyatangaje ko cyahagaritse filime y'uruhererekane yitwa 'The Sandman', yandikwa na Neil Gaiman, nyuma y'uko abagore umunani bamushinje ko yabakoreye ihohotera rishingiye ku gitsina.

    Ku wa 1 Mutarama 2025, Netflix yatangaje ko igiye gusohora igice cya kabiri cya filime 'The Sandman' gusa akaba aricyo cya nyuma nta kindi kizasohoka. Mu 2022, yari yatangaje ko bitewe n'uko iyi filime yakunzwe cyane hazasoka ibice byinshi byayo.

    Netflix ntiyatanze ubusobanuro bw'impamvu yahisemo guhagarika iyi filime yandikwaga na Neil Gaiman inashingiye ku gitabo cye, ariko yavuze ko igice cya kabiri kizasubiza ibibazo abafana basigaranye nyuma yo kureba igice cya mbere.

    Uyu mwanzuro wa Netflix biravugwa ko ufite aho uhuriye n'ibimaze iminsi biba kuri Neil Gaiman uyandika akaba ari nawe nyirayo, ibyo bikaba bijyanye n'ibyo ashinjwa by'ihohotera rishingiye ku gitsina. Gaiman yashinjwe ihohotera rishingiye ku gitsina mu 2023, gusa mu minsi ishize byafashe indi ntera ubwo The New York Times yasohoraga ibaruwa yanditswe n'abagore umunani bashinja uyu mugabo kuba yarabafashe ku ngufu abo bagore umunani mu bihe bitandukanye.

    Ntabwo ari Netflix yonyine ihagaritse filime ya Neil Gaiman, dore ko izindi sosiyete zirimo Amazon na Disney zimaze iminsi zibikora.

    Neil Gaiman ni umwe mu bandika ibitabo na filime bakomeye muri Hollywood, aho yanditse nyinshi zakunzwe, zirimo nka 'American Gods', 'Good Omens', 'Anansi Boys', n'izindi, akaba ari umwe mu banditsi bafite izina rikomeye ku rwego rw'Isi.

    Ikigo gitunganya kikanacuruza filime n'ibiganiro, Netflix, cyatangaje ko cyahagaritse filime y'uruhererekane yitwa 'The Sandman', yandikwa na Neil Gaiman, nyuma y'uko abagore umunani bamushinje ko yabakoreye ihohotera rishingiye ku gitsina.
    Ibi bikorwa byose byatumye Neil Gaiman aba umwe mu banditsi bakomeye muri sinema, ariko ibi bibazo byamugizeho ingaruka ku iterambere ry'imishinga ye.

     

    Source : https://kasukumedia.com/netflix-yahagaritse-filime-the-sandman-nyuma-yo-gushinjwa-ihohotera-rishingiye-ku-gitsina-na-neil-gaiman/

  • Ibyo ukwiye kumenya ku bihembo bya Grammy bib… – #rwanda #RwOT

    Buri mwaka abayobozi bategura ibi bihembo bya Grammy baterana inshuro nibura ebyiri bakiga ku busabe bw'injyana ziba ziri ku isoko bagendeye ku byifuzo by'abantu batandukanye cyangwa se ibihugu biba bifite imiziki igezweho muri ibyo bihe. 

    Iyo abayobozi basanze izo njyana zisabirwa kujya mu zihatanira ibihembo zibikwiriye kandi zujuje ibisabwa, barazemeza bagatangaza ibyiciro bazigeneye.

    Biteganijwe ko muri uyu mwaka, ibi bihembo biraza gutangwa mu ijoro ryo kuri uyu wa 02 Gashyantare 2025, mu birori birabera muri Crypto.com Arena yo mu Mujyi wa Los Angeles muri Leta ya California.

    Ni ijoro ry'amateka ku bakunda umuziki bitewe n'uko umuhanzi wegukanye iki gihembo aba ashyirwa na benshi ku rutonde rw'abanyabigwi babayeho mu mateka y'umuziki.

    Hari abahanzi begukana Grammy bakazamura ibiciro, urugero rwa vuba rukaba Tyla wo muri South Africa wafatwaga nk'umuhanzikazi uri kuzamuka, yatangira guhatana muri ibi bihembo ibiciro bigatumbagira.

    Ku rundi ruhande guhatana muri Grammy, bizamura agaciro ku muhanzi dore ko usanga kuva i Kigali kugera i Seoul, buri wese afite inzozi zo kuzatwara iki gihembo nibura rimwe mu buzima bwe.

    Ni gute umuhanzi yinjira mu bahataniye ibi bihembo?

    InyaRwanda igiye kugufasha kumenya urugendo rugeza umuhanzi ku kuba yakwinjira mu bahataniye ibihembo bya Grammy Awards byatangiye gutangwa kuwa 04 Gicurasi 1959.

    Iyo havuzwe ibihembo mu muziki, hari ibiba byaramaze gushinga imizi buri muhanzi aba yifuza kwegukana mu ruganda rw'umuziki, gusa kugeza ubu nta bihembo bisumba Grammy.

    Ikibazo cyibazwa na benshi harimo ‘ese ni gute umuntu yinjira mu bahatanira ibi bihembo’? Hari byinshi bishingirwaho mu kuba igihangano cy'umuntu cyakwinjira mu bihatanira ibi bihembo.

    Icya mbere muri ibyo harimo kuba ibihangano cyangwa igihangano cyawe cyaramaze kugera ku mbuga zose zicururizwaho umuziki mbere y’uko Nzeri ibanziriza itangwa ry'ibi bihembo igera kandi bikaba byarakozwe kinyamwuga.

    Iyo bigeze kuri Album n'igisa nayo, kugira ngo yemerwe igomba kuba itari munsi y'igice cy'isaha, mu gihe zaba ari indirimbo eshanu zihuriye hamwe zigomba kuba zirengeje iminota cumi n'itanu.

    Ikindi ni uko igihangano cyangwa ibihangano bigomba kuba ari umwimerere atari iyasubiwemo [cover], birumvikana ko igomb kuba itaragemuwe cyangwa mu Kinyarwanda cy'imyidagaduro itari “igishishwa” kuko imeze guto byaba bigoye ko yakwemerwa.

    Hari ikitwa 'Entry' ugenekereje ni ukwinjira muri ibi bihembo, ari na cyo cyiciro kibanziriza byose, aho ibihangano kigezwa mu biganza by’abategura ibi bihembo [Recording Academy] kugira ngo byigweho.

    Nyuma yo kwigwaho ni bwo bimwe byemererwa guhatana bihabwa 'Nomination'. Uwo bemereye guhatana, ni agahigo gakomeye kadapfa kugerwaho na buri umwe mbega ni indoto za buri umwe.

    Kugira ngo igihangano kigere mu biganza bya Recording Academy cyangwa se abategura Grammy Awards, akenshi binyura mu mikoranire iba isanzwe iri hagati y'abategura ibi bihembo n'abareberera inyungu z'umuhanzi.

    Ubwo buryo ariko si bwo bukoreshwa ku bahanzi bamaze gushinga imizi kuko birumvikana bo birikora kuko ibikorwa byabo biba bivuga cyane. Abategura ibi bikorwa bahita bicara bagafatanya guhitamo.

    Kugira amahirwe yo kwinjira mu cyiciro cy’abahataniye ibi bihembo bikomeye mu muziki, byagiye bihindurira amateka abahanzi kabone nubwo batabyegukana.

    Akanama k’abatoranya abinjira mu guhatanira ibi bihembo kaba kagizwe n’intyoza mu ruganda rw'umuziki n'ubuhanzi yaba mu myandikire, gutunganya umuziki no mu birebana no guseruka ku rubyiniro.

    Ni abahe bahanzi bahataniye ibihembo bya Grammy uyu mwaka?

    Gutangaza abahanzi bahatanye uyu mwaka muri Grammy Awards byakozwe ku wa Gatanu tariki 8 Ugushyingo, binyuzwa mu buryo bw'imbona nkubone kuri shene ya Youtube ya Grammy Awards.

    Beyoncé ni we muhanzi uhatanye mu byiciro byinshi uyu mwaka. Uyu mugore ahatanye abikesha album ya Country Music aheruka gushyira hanze yise 'Cowboy Carter'. Ahatanye mu byiciro 11 ndetse yabaye umuhanzi mu mateka y'ibi bihembo uhatanye mu byiciro byinshi.

    Mu byiciro uyu mugore ahatanyemo harimo icya 'Record of the Year', 'Album of the Year', 'Song of The Year', 'Best Country Album' n'ibindi bitandukanye. Uyu muhanzikazi yaheruka guhatana muri ibi bihembo mu byiciro byinshi mu 2009. Icyo gihe yahatanye mu 10.

    Uretse uyu muhanzikazi abandi bahatanye mu byiciro byinshi barimo Billie Eilish, Kendrick Lamar, Post Malone na Charli XCX bari muri birindwi; bagakurikirwa na Taylor Swift, Chappell Roan na Sabrina Carpenter bahatanye muri bitandatu.

    Umusore witwa Shaboozey uririmba Country Music ni umwe mu batunguranye muri uyu mwaka muri Grammy Awards. Uyu musore ahatanye mu byiciro bitatu abikesheje indirimbo ye yise 'A Bar Song(Tipsy)'' imaze igihe kinini iyoboye ku rutonde rwa Billboard 100, ndetse yanagaragaye kuri album ya Beyoncé ya Country Music.

    Mu cyiciro cy'abahanzi bo muri Afurika cyiswe 'Best African Music Performance'' hahatanyemo indirimbo zirimo 'Tomorrow' ya Yemi Alade, 'MMS' ya Asake na Wizkid, 'Sensational' ya Chris Brown Featuring Davido na Lojay, 'Higher' ya Burna Boy na 'Love Me JeJe' ya Tems.

    Tyla wegukanye iki gihembo cya Grammy umwaka ushize, uyu mwaka ntabwo ari mu bahatanye.

    'MMS', Asake na Wizkid, 'Sensational' ya Chris Brown Featuring Davido na Lojay, 'Higher' ya Burna Boy na 'Love Me JeJe' ya Tems. Tyla wegukanye igihembo cya Grammy uyu mwaka ntabwo ari mu bahatanye.

    Umunya-Nigeria Rema bwa mbere yahatanye muri ibi bihembo, aho we na Tems bahatanye mu cyiciro cya 'Best Global Music Album'. Ahatanye abikesha album ye yise 'Heis' mu gihe Tems we abikesha iyo yise 'Born In The Wild'. Izi album zabo zihatanye n'izindi zirimo 'Alkebulan II' ya Matt B Featuring Royal Philharmonic Orchestra, 'Paisajes' ya Ciro Hurtado na Historias De Un Flamenco ya Antonio Rey.

    Indirimbo 'Milele' ya Mugisha Fred Robinson (Element Eleéeh) yari yemejwe mu ndirimbo zuzuje ibisabwa, zizatoranywamo izihatanira Grammy Awards 2025 ariko ntabwo yagize amahirwe yo kuza ku rutonde. Iyi ndirimbo yari yashyizwe mu cyiciro cya Best African Music Performance.

    Ushaka kureba urutonde rwuzuye rw'abahatanye muri ibi bihembo wakanda hano https://variety.com/2024/music/news/grammy-nominations-2025-beyonce-taylor-swift-chappell-roan-complete-list-1236204610/

    Ni abahe bahanzi bararirimba muri ibi birori by'akataraboneka?

    Abahanzi bakomeye barimo Shakira, Billie Eilish, Charli xcx, na Sabrina Carpenter bari mu bari buze gutaramira abaritabira ibirori biratangirwamo ibihembo bizwi nka 'Grammy Awards 2025' biraba bitangwa ku nshuro ya 67.

    Abo bahanzi batangajwe na 'Recording Academy Awards' itegura ikanatanga ibihembo bya mbere mu muziki mpuzamahanga, nyuma yo kwemeza ko ibi birori bitazasubikwa kubera inkongi yibasiye Umujyi wa Los Angeles.

    Recording Academy Awards kandi yanatangaje ko yamaze kwitanga miliyoni 3$ zo gufasha imiryango yagizweho ingaruka n'inkongi yashegeshe Umujyi wa Los Angeles.

    Ni mu gihe kandi bitangazwa ko n'amafaranga azakusanywa muri ibi birori na yo azahabwa iyi miryango yazahajwe n'iki kiza cyibasiye Amerika.

    Ibihembo bya Grammy bigiye gutangwa ku nshuro ya 67 

    Source : https://inyarwanda.com/inkuru/151717/ibyo-ukwiye-kumenya-ku-bihembo-bya-grammy-bibura-amasaha-mbarwa-bigatangwa-ku-nshuro-ya-67-151717.html

  • Antonio Rüdiger kubw'imvune ikomeye yagize aramara igihe adakina #rwanda #RwOT

    Real Madrid yatangaje ko myugariro wabo ukomeye, Antonio Rüdiger, yagize imvune ku bice bya biceps femorale, ari byo bituma ashobora kumara iminsi 20 hanze y'ikibuga. Iyi mvune yatumye uyu mukinnyi w'Umudage agira ibyago byo kubura umukino ukomeye wa shampiyona ya La Liga bahuramo na Atletico Madrid, ndetse n'umukino wa mbere wa 1/8 cya Champions League Real Madrid izahuramo na Manchester City.

    Uyu mugabo wakomeje kwigaragaza nk'inkingi ya mwamba muri Real Madrid yagiye agaragaza umuhate udasanzwe mu bwugarizi, akaba ari nawe wayoboye iyi kipe ubwo yari ifite ibibazo by'imvune by'igihe kirekire kuri Eder Militão na David Alaba.

    Kubura Rüdiger ni igihombo gikomeye kuri Carlo Ancelotti, cyane ko uyu mugabo w'imyaka 30 yari mu bihe byiza, agafatwa nk'umwe mu bakinnyi bakomeye ba Madrid muri uyu mwaka w'imikino.

    Nubwo iyi mvune ishobora gutuma amara iminsi 20 hanze, Rüdiger ubwe arifuza kugaruka vuba bishoboka kugira ngo afashe bagenzi be muri aya makipe yombi. Byitezwe ko ubuvuzi bwihutirwa, hamwe n'imyitozo yihariye, bishobora gutuma agaruka mu mukino wa kabiri wa Champions League na Manchester City cyangwa mbere yaho.

    Abafana ba Real Madrid baracyafite icyizere ko Antonio Rüdiger azagaruka vuba, cyane ko yagaragaje ubudacogora mu bihe byashize, ndetse akaba afite umubiri ushobora gukira vuba. Kugeza ubu, abatoza ba Madrid bazasigara bashakisha uko Aurelien Tchouaméni cyangwa Nacho Fernandez bashobora kuziba icyuho cye mu bwugarizi.

    Nubwo iyi mvune ishobora gutuma amara iminsi 20 hanze, Rüdiger ubwe arifuza kugaruka vuba bishoboka kugira ngo afashe bagenzi be .
    Real Madrid yatangaje ko myugariro wabo ukomeye, Antonio Rüdiger, yagize imvune ku bice bya biceps femorale,

     

    Source : https://kasukumedia.com/antonio-rudiger-kubwimvune-ikomeye-yagize-aramara-igihe-adakina/

  • Tottenham yemeye amasezerano y'inguzanyo na Chelsea kuri Axel Disasi, ariko umukinnyi ntashaka kujya muri Spurs #rwanda #RwOT

    Ikipe ya Tottenham Hotspur yemeye amasezerano y'inguzanyo na Chelsea FC kugira ngo ibone myugariro w'Umunya-Équateur, Axel Disasi, ariko kuri ubu umukinnyi we ubwe yanze kujya muri Spurs.

    Nubwo Chelsea yari yemeye amafaranga y'inguzanyo nta ngingo yo kugura irimo, Disasi we ntiyigeze agaragaza ubushake bwo kwerekeza muri Tottenham, ahubwo, yagaragaje ko yifuza kwinjira muri Aston Villa, ikipe imaze gutera imbere cyane muri Premier League, cyane ko ifite n'amahirwe yo gukina Champions League umwaka utaha, doreko iri ku mwanya wa munani wagateganyo wa shampiyona y'Ubwongereza .

    Axel Disasi, w'imyaka 25, yinjiye muri Chelsea avuye muri AS Monaco mu mpeshyi ya 2023 ku masezerano y'igihe kirekire, ariko umwaka we wa mbere muri Premier League ntiwagiye neza nk'uko byari byitezwe.

    Chelsea, imaze kugira ibibazo by'imvune cyane cyane muri ba myugariro, yahisemo kurekura bamwe mu bakinnyi kugira ngo igabanye umubare munini w'abakinnyi mu ikipe.

    Tottenham yagaragaje inyota yo kubona Disasi kugira ngo yungukire mu bunararibonye bwe, ariko ubushake bwa Disasi bwo kwerekeza muri Villa bwatumye ibiganiro bidindira isura we na Spurs.

    Chelsea nayo nta kibazo ifite cyo kuba yakwemera ko Disasi yerekeza muri Aston Villa, kuko itamufata nk'umwe mu bahanganye mu buryo bukomeye.

    Kuri Villa, Disasi ashobora kuba umusimbura mwiza wa myugariro Pau Torres, umaze iminsi ahura n'imvune. Ikipe ya Unai Emery irashaka gukomeza ubukana bwayo mu guhatanira imyanya yo hejuru, kandi igashimangira ikipe yayo mbere y'imikino ya Champions League ishobora kuyisanga umwaka utaha.

    Kubera ko isoko ryo kugura no kugurisha riri kugana ku musozo, biracyategerejwe kureba niba Chelsea izashobora kumvikana na Aston Villa ku buryo Disasi ahabwa amahirwe yo gukina aho yifuza.

    Nubwo Chelsea yari yemeye amafaranga y'inguzanyo nta ngingo yo kugura irimo, Disasi we ntiyigeze agaragaza ubushake bwo kwerekeza muri Tottenham.

     

    Source : https://kasukumedia.com/tottenham-yemeye-amasezerano-yinguzanyo-na-chelsea-kuri-axel-disasi-ariko-umukinnyi-ntashaka-kujya-muri-spurs/

  • Netanyahu na Trump mu biganiro byo kurandura Hamas burundu #rwanda #RwOT

    Minisitiri w'Intebe wa Israel, Benjamin Netanyahu, yatangaje ko yagiye i Washington muri Leta Zunze Ubumwe za Amerika, mu biganiro na Donald Trump, byibanda ku kurandura umutwe wa Hamas.

    Ibi yabitangaje mu butumwa yanyujije ku rukuta rwe rwa X kuri uyu wa 2 Gashyantare 2025, aho yashimangiye ko iyi nama izibanda ku ngingo zitandukanye zirimo umutekano wa Israel n'ubufatanye mu kurwanya ibikorwa by'iterabwoba.

    Muri ubwo butumwa, Netanyahu yashimiye umubano we na Trump, ndetse agaragaza ko Trump yagize uruhare rukomeye mu guhuza Israel n'ibihugu by'Abarabu binyuze mu masezerano y'amahoro. Yavuze ko iyi nama izaba urubuga rwo kungurana ibitekerezo ku ngamba nshya zo guhangana na Hamas ndetse no kugena uburyo bwo gukomeza gutuza ibice byazahajwe n'intambara.

    Netanyahu yavuze ko ibikorwa byo kurwanya Hamas bikomeje kugerwaho, nubwo hari byinshi intambara yangije.

    Yashimangiye ko ubufatanye n'ubuyobozi bwa Trump bwatuma haba intambwe ikomeye mu gukemura ibibazo by'umutekano.

    Ati: 'Twafashe imyanzuro ikomeye mu ntambara, kandi ingabo zacu zagaragaje ubutwari budasanzwe. Ndizera ko nidukorana bya hafi na Perezida Trump, dushobora kugera ku bindi byiza birenze ibi.'

    Yongeyeho ko ubufatanye bwa Israel na Leta Zunze Ubumwe za Amerika ari ingenzi mu gukomeza ibikorwa byo gushaka amahoro binyuze mu gukomeza imbaraga z'igisirikare, gukaza umutekano no gukumira ibikorwa byose bishobora guhungabanya Israel.

    Abasesenguzi bavuga ko iyi nama izaba ingenzi cyane mu gihe intambara hagati ya Israel na Hamas ikomeje gutuma hari ibibazo by'umutekano mu Burasirazuba bwo Hagati. Trump, uzwiho kugira imikoranire myiza na Israel, ashobora kugira uruhare mu gufasha gucoca iki kibazo no kureba uburyo bw'ibiganiro bishingiye ku mahoro.

    Hari impungenge ko ibi biganiro bishobora no kugira ingaruka kuri politiki y'Akarere, cyane cyane ku mubano wa Israel n'ibihugu bifitanye isano ya hafi na Hamas nka Iran. Gusa, Netanyahu yavuze ko intego nyamukuru ari ukuzana amahoro arambye binyuze mu gukomeza guhangana n'ibikorwa by'iterabwoba no gushimangira ubusugire bw'Igihugu cye.

    Netanyahu yashimye umubano we na Trump, amushimira uruhare yagize mu guhuza Israel n'ibihugu by'Abarabu.

     

    Source : https://kasukumedia.com/netanyahu-na-trump-mu-biganiro-byo-kurandura-hamas-burundu/

  • I Bukavu hashyizwe imbaraga mu kurinda umujyi: Abasivili bahamagarirwe kujya mu gisirikare #rwanda #RwOT

    Ibiro ntaramakuru by'Abanyamerika, AP, byatangaje ko abasirikare ba Leta ya Repubulika Iharanira Demokarasi ya Congo (RDC) bari muri Kivu y'Amajyepfo bose bashyizwe ku mihanda ikikije Umujyi wa Bukavu kugira ngo utigarurirwa n'inyeshyamba za M23.

    M23 ikomeje kwagura ibitero byayo, aho bivugwa ko ubu iri muri kilometero 60 uvuye i Bukavu, ibintu bikomeje gutera impungenge ubuyobozi bw'uyu mujyi n'abaturage bawutuye.

    Kubera iyo mpamvu, ubuyobozi bw'umujyi wa Bukavu bwashyize imbaraga mu kwinjiza abasivili mu gisirikare kugira ngo bafashe ingabo za Leta gucungira umutekano umujyi no kuwurinda ko wigarurirwa n'izi nyeshyamba.

    Nyuma yo gufata Umujyi wa Goma, M23 yahise itangaza ko izakomeza urugamba igafata na Kinshasa, ariko ibwira Guverinoma ya RDC ko nibemera ibiganiro bigamije gushaka umuti urambye izahagarika imirwano.

    Icyakora, Leta ya RDC yo ikomeje gutsimbarara ku cyemezo cyayo cyo kurwanya izi nyeshyamba, ivuga ko idashobora kwemera ibiganiro n'umutwe ifata nk'uw'iterabwoba.

    Abasesenguzi ba politiki n'umutekano mu Karere k'Ibiyaga Bigari bavuga ko intambara ya M23 ishobora kugira ingaruka zikomeye, cyane cyane ku baturage b'abasivili, bitewe n'uburyo imirwano ikomeje gukaza umurego.

    Umujyi wa Bukavu, nk'umwe mu mijyi minini y'Intara ya Kivu y'Amajyepfo, ushobora guhura n'ihungabana rikomeye mu gihe M23 yagabayo ibitero.

    Hari impungenge ko uko izi nyeshyamba zigenda zigarurira ibice bitandukanye bya RDC, umutekano w'Akarere kose ushobora guhungabana. Bamwe mu baturage b'i Bukavu batangiye kwimuka bagana ahantu hizewe, mu gihe abandi bagaragaza impungenge ku mutekano wabo n'ahazaza h'igihugu cyabo.

    Mu rwego rwo kwirinda ko Bukavu igwa mu maboko y'izi nyeshyamba, ubuyobozi bw'umujyi bwafashe icyemezo cyo kongera abasirikare no gushishikariza abaturage gutanga umusanzu wabo mu kurinda umutekano. Ibi bije mu gihe hari ubwoba ko iyi ntambara ishobora gukomeza kumara igihe kirekire, bigatuma ubuzima bw'abaturage bugenda burushaho guhungabana.

     

    Source : https://kasukumedia.com/i-bukavu-hashyizwe-imbaraga-mu-kurinda-umujyi-abasivili-bahamagarirwe-kujya-mu-gisirikare/

  • Tileh Pacbro umubyinnyi wo muri Kenya ukomeje kubica mu myidagaduro #rwanda #RwOT

    Umubyinnyi ukomeye wo muri Kenya, Tileh Pacbro, akomeje kwigarurira uruganda rw'imyidagaduro muri Kenya. Ni nyuma y'uko atangaje ko yatandukanye n'uwahoze ari umugore we, Martina Glez, ukomoka muri Espagne. Ibi yabigarutseho mu butumwa yashyize kuri Instagram, aho yemeje ko yafashe icyemezo cyo gutandukana n'uwo bashakanye amaze kumenya ko yamucaga inyuma inshuro nyinshi mu gihe bari bakibana nk'umugabo n'umugore.

    Mu butumwa bwe, Pacbro yavuze ko yamaze umwaka wose acecetse, ahura n'ibibazo bikomeye birimo gutakaza akazi, kugirirwa nabi mu buryo butandukanye ndetse no gucibwa urubanza n'abantu benshi bamushinjaga gutandukanya urugo rwe.

    Yavuze ko atari we watumye urugo rwabo rusenyuka, ahubwo ko yagerageje gukora ibishoboka byose kugira ngo rugire amahoro, ariko bikanga.

    Yakomeje agira ati: 'Sinigeze mucca inyuma. Si njye watumye tugera aho turi uyu munsi. Nagize igihe kitoroshye, ariko ubu meze neza kandi ndishimye.'

    Nyuma yo gutandukana na Martina Glez, Pacbro yemeje ko ubu yinjiye mu rukundo rushya, aho avuga ko yishimiye gukomeza ubuzima bwe.

    Yongeraho ko yifuza kugira ubuzima bwite butarangwamo ibibazo n'ibihuha by'imbuga nkoranyambaga.

    Ku bijyanye n'umuhungu we yabyaranye n'uwahoze ari umugore, Pacbro yavuze ko nubwo batakibana nk'umuryango, azakomeza kumwitaho no kumurera nk'umubyeyi ukunda umwana we. 'Umuhungu wanjye ni ingenzi cyane mu buzima bwanjye. Nzahora mu ruhande rwe kandi nzamuba hafi iteka ryose.'

    Tileh Pacbro ni umwe mu babyinnyi bakunzwe muri Kenya, azwi cyane ku mbuga nkoranyambaga, aho asangiza abakunzi be amashusho atandukanye y'imbyino n'ibikorwa bye byo mu myidagaduro. Nubwo yagize ibihe bitoroshye mu buzima bwe bwite, ntibyamubujije gukomeza urugendo rwe muri sinema no mu kubyina, aho akomeje gutumbagira mu bwamamare.

     

    Umubyinnyi ukomeye wo muri Kenya, Tileh Pacbro, akomeje kwigarurira urubuga rw'imyidagaduro muri icyo gihugu nyuma y'uko atangaje ko yatandukanye n'uwahoze ari umugore we, Martina Glez, ukomoka muri Espagne.
    Ku bijyanye n'umuhungu we yabyaranye n'uwo mugore, Pacbro yavuze ko nubwo batakibana nk'umuryango, azakomeza kumwitaho no kumurera nk'umubyeyi ukunda umwana we.

    Source : https://kasukumedia.com/tileh-pacbro-umubyinnyi-wo-muri-kenya-ukomeje-kubica-mu-myidagaduro/