Blog

Umujyi wa Goma uri mu maboko y'Umutwe wa M23 kuva tariki 27 Mutarama 2025, kandi uyu mutwe ugaragaza ko uri mu nzira ugana mu Mujyi wa Kinshasa. 

Iyi ndirimbo yagiye hanze mu ijoro ryo kuri iki tariki 2 Gashyantare 2025, ni nyuma y'iminsi yari ishize agaragaza ko yiteguye gukora indirimbo itera imbaraga ingabo z'Igihugu cye ziri ku rugamba. Mu mashusho, yigaragaje mu myenda ya gisirikare.

Muri iyi ndirimbo, Koffi Olomide avuga ku rukumbuzi afitiye umujyi wa Goma, uri mu Burasirazuba bwa Repubulika Iharanira Demokarasi ya Kongo. Aririmbamo ibyiyumvo bye ku mujyi wa Goma, awushimagiza kandi agaragaza ko awukumbuye cyane. 

Nka benshi mu bahanzi b'Abakongomani, yakunze gukoresha umuziki we mu gutanga ubutumwa bw'urukundo, urukumbuzi, ndetse n'ishimwe ku hantu h'ingenzi mu buzima bwe cyangwa mu mateka y'igihugu cye.

Mu mashusho y'iyi ndirimbo 'Chante Goma' Koffi Olomide anagaragazamo amwe mu mashusho y'ingabo za FARDC ziri ku rugamba, akabasaba kwisubiza uyu Mujyi.

Hari abandi bahanzi b'Abakongomani baririmbye ku mujyi wa Goma cyangwa bagaragaje ibyiyumvo byabo kuri uwo mujyi mu ndirimbo zabo.

Werrason yakoze indirimbo yise “Goma”. Irimo amagambo agaragaza urukundo afitiye uwo mujyi ndetse n'uruhare rwawo mu mateka ya Kongo.

Fally Ipupa uri mu bakomeye muri Afurika nawe yigeze gukora indirimbo yise “Goma Na Yo”, aho agaragazamo urukumbuzi afitiye uwo mujyi.

Uwitwa Lexxus Legal nawe yakoze indirimbo yise “Goma État de Guerre”. Uyu muraperi wakoze injyana ya hip-hop mu buryo bufite ubutumwa, yigeze gukora indirimbo ivuga ku bibazo bya Goma, by'umwihariko ibibazo by'umutekano n'intambara zagize ingaruka kuri uwo mujyi.

Nubwo umuhanzi Madilu System atigeze aririmba indirimbo yitwa Goma, mu ndirimbo ze nyinshi harimo amagambo ayivugaho, agaragaza ko ari umwe mu mijyi ikomeye mu buzima bw'Abakongomani.

Koff Olomide yari amaze igihe yijunditswe n'ubutegetsi bwa DRC, nyuma y'uko yari yavugiye kuri Televiziyo y'Igihugu ko ingabo zabo (FARDC) zidashoboye. Abaseseguzi bagaragaza ko gukora iyi ndirimbo ari ‘ugucinya inkoro’ dore ko amaze iminsi atemera imikorere ya Leta ya DRC.

Koffi Olomide yakoze indirimbo ihamagararira ingabo za FARC kwisubiza umujyi wa Goma 

Koffi Olomide yumvikanishije urukumbuzi afitiye Umujyi wa Goma uri mu maboko ya M23 

Koffi Olomide yaririmbye asaba gusengera ko amahoro yakongera kugaruka mu Mujyi wa Goma 

KANDA HANO UBASHE KUREBA AMASHUSHO Y'INDIRIMBO 'CHANTE 

“>

Ibi bikorwa byabaye ubwo hizihizwaga Umunsi w'Intwari z'Igihugu mu Karere ka Kayonza. Wari ufite insanganyamatsiko igira iti ''Ubutwari n'Ubumwe bw'Abanyarwanda, inkingi z'iterambere.''

Muri iki gikorwa imiryango ibiri yahawe inka ebyiri, indi irenga 10 ihabwa iby'ibanze birimo n'ibiribwa.

Intwari Assumpta wo mu Murenge wa Gahini, yavuze ko imihigo basinye ari umukoro bakomora ku Ntwari z'u Rwanda kuko abenshi batanze imbaraga zabo bakiri bato, ndetse na bo bifuza gutanga imbaraga mu bikorwa bihindura imibereho y'abaturage.

Ati ''Umukoro wa mbere dufite ni ugukoresha imbaraga zacu tukiri bato, tukagira ibikorwa bikomeye dukora nk'uko na bo bitanze bakiri bato. Turashaka gufasha abatishoboye mu mirimo inyuranye, gukangurira urubyiruko rugenzi rwacu kureka ibiyobyabwenge, kwirinda inda zitateguwe n'ibindi byinshi.''

Mwigeme Hyacinthe wari ufite umugabo wamugariye ku rugamba, uherutse no kwita Imana, yishimye inka yahawe, agaragaza ko izamufasha kondora abana be bato bagiye kujya babona amata uko bikwiriye.

Yashimiye ubuyobozi bwongeye kwibuka ibikorwa byiza umugabo we yakoreye igihugu bukamufasha.

Umuyobozi w'Akarere ka Kayonza, Nyemazi John Bosco, yavuze ko kwigisha urubyiruko indangagaciro z'ubutwari cyane cyane iy'ubwitange no gukunda igihugu ari ingenzi.

Ati ''Twayise imihigo y'ubutwari kuko yibanda ku bwitange, gukorana no gufatanya. Ubu hari n'abandi bari ku rugerero bari mu bikorwa biteza imbere igihugu. Bazita ku bikorwa by'isuku, kwita ku bibazo bibangamiye imibereho myiza y'abaturage, gutunganya imihanda, kujya mu bukangurambaga muri gahunda za Leta zinyuranye n'ibindi. Dufite urubyiruko rwinshi twifuza ko rubigiramo uruhare.''

Meya yasabye urubyiruko kwigira ku butwari bwaranze Intwari z'u Rwanda zitanze zitizigama, arusaba gukomeza gushyira hamwe no gusigasira ibyagezweho mu iterambere.

Umunsi w'Intwari z'u Rwanda mu Karere ka Kayonza waranzwe n'ibikorwa bitandukanye aho uretse gusinya imihigo, abaturage bamwe bahawe inka, abandi bahabwa ubufasha bunyuranye burimo n'ibiribwa.

Urubyiruko rwo mu Karere Kayonza rwasinye imihigo y'ubutwari

Bamwe mu bamugariye ku rugamba rwo kubohora u Rwanda borojwe

Umuyobozi w'Akarere ka Kayonza, Nyemazi John Bosco, yasabye urubyiruko kwigira ku butwari bw'ababohoye u Rwanda

Abatishoboye bo mu Karere ka Kayonza bahawe ibirimo n’ibiribwa

Ni isoko rigezweho ndetse n'ivuriro biri ku mupaka w'u Rwanda n'u Burundi. Abaturage bishimiye ko bije kuzamura imibereho myiza n'iterambere byabo.

Nyirabega Francine wo mu Mudugudu wa Bukamba, Akagari ka Mukiza, mu Murenge wa Mukindo, yavuze ko iri soko rigiye kubafasha guha agaciro ibihingwa byabo, guhahira ahafite isuku ndetse bigakorerwa hafi yabo kuko bakoraga ingendo ndende.

Uwera Marie Grace yunze mu rya mugenzi we ati 'Iri soko rije kutwegereza ibicuruzwa hafi, ababishoboye na bo babonye amahirwe yo gucuruza. Ubundi twajyaga guhahira mu isoko ryo mu Kabuga, mu Murenge wa Mugombwa. Tuzajya duhahira hafi, tubashe kwiteza imbere.'

Ibi byishimo babisangiye n'abacuruzi bakoreraga muri iri soko ritarubakwa, aho nka Murangwa Joel yavuze ko baruhutse imvune zo guhora banika bananura ibicuruzwa kubera imvura cyangwa izuba ryinshi byabangirizaga ibyo bacuruza cyane ko isoko ryabo ritari risakaye.

Isoko rya kijyambere ab'i Gosagara bubakiwe rifite ibisima byo gucururizaho 280 n'ibindi byumba bizakoreshwa nk'amaduka.

Depite Uwingabe Solange wifatanyije n'abaturage bo mu Murenge wa Mukindo mu kwizihiza Umunsi w'Intwari yibukije abaturage ko ibikorwa by'iterambere bagenda begerezwa ari bo bagomba kubirinda bakabibyaza umusaruro, kugira ngo bizagirire akamaro n'abazabakomokaho.

Ati 'Ibi bikorwa ni irindi terambere babonye, bakwiye kubisigasira ubundi bikarushaho kubafasha mu iterambere ryabo.'

Iri vuriro ry'ibanze rya Gitega rifite ubushobozi bwo kwakira abarwayi 100 ku munsi. Rizajya ritangirwamo serivisi zisanzwe zitangwa n'amavuriro y'ibanze hakiyongeraho izo kuvura amenyo, amaso, kuboneza urubyaro no kubyaza.

Abaturage bo mu Murenge wa Mukindo mu Karere ka Gisagara begerejwe ivuriro ry’ibanze rigezweho

Isoko rya kijyambere rya Agatunda mu Murenge wa Mukindo ryuzuye ritwaye arenga miliyoni 300 Frw

Ivuriro rishya ryubakiwe abo mu Murenge wa Mukindo ryamaze kugezwamo n’ibikoresho

Ibi Minisitiri Nduhungirehe yabigarutseho mu kiganiro yagiranye na IGIHE, aho yagarutse ku byatangajwe na SADC mu nama idasanzwe iherutse guhuza abakuru b'ibihugu biyigize.

Umwanzuro wa kane w'iyo nama yateranye ku wa 31 Mutarama 2025, uragira uti “Inama yakiriye raporo y'ibibazo by'umutekano muke byubuye mu Burasirazuba bwa RDC, yanamenyeshejwe n'amakuru ateye impungenge y'ibitero by'umutwe wa M23 n'Igisirikare cy'u Rwanda (RDF) byagabwe ku ngabo za Leta ya RDC, iza SADC ziri mu butumwa muri RDC (SAMIDRC), ndetse n'abaturage mu bice bitandukanye bya Kivu y'Amajyaruguru.”

Minisitiri Nduhungirehe yavuze ko ibyo SADC yashinje Ingabo z'u Rwanda, ari ibintu bidashobora kwihanganirwa, na cyane ko bije bikurikira ibimaze iminsi bitangazwa na Leta ya Afurika y'Epfo, na yo ishinja u Rwanda ibinyoma.

Yagize ati “Uretse ko muri iriya nama ya SADC, hari ibintu bavuze bidashobora kwihanganirwa, by'ibinyoma byambaye ubusa, byo kuvuga ko ngo RDF iri muri Congo, ngo ikaba ari yo yishe abaturage b'abasivile.”

Minisitiri Nduhungirehe yavuze ko ibyo binyoma bitakwihanganirwa, bikaba bije byiyongera ku bibazo byari bimaze iminsi hagati ya Afurika y'Epfo n'u Rwanda, avuga ko byatewe na bamwe mu bayobozi bo muri icyo gihugu.

Ati “Mbere na mbere nyirabayazana w'iki kibazo, ni bariya bayobozi ba Afurika y'Epfo cyane cyane Minisitiri w'Ingabo. Perezida Ramaphosa na Perezida Kagame bagiranye ibiganiro bibiri mu cyumweru gishize, ku wa Mbere no ku wa Gatatu, ibyo biganiro byagenze neza, mu kiganiro cya mbere banaganiriye ku kuntu iyi ntambara yarangira, nta gushinjanya kurimo, baganiriye neza mu mwuka mwiza, bumvikana ko hariya hakeneye agahenge, icyo ni cyo cya mbere bemeranyije,”

Yongeyeho ko “Icya kabiri bemeranya ko hakenewe ibiganiro hagati ya Guverinoma ya Congo na M23, kandi ko na Perezida Ramaphosa agiye gukora ibishoboka akabwira Tshisekedi ko agomba kuganira na M23, icyo ni ikiganiro cya mbere.”

Minisitiri w'Ububanyi n'Amahanga yavuze ko ikiganiro cya kabiri abo Bakuru b'Ibihugu bagiranye ku wa Gatatu, baganiriye ku mirwano yari iherutse kuba, aho Perezida Ramaphosa yanabwiye Perezida Kagame ko abasirikare ba Afurika y'Epfo baherutse gupfa bishwe n'abasirikare ba FARDC, ati “Ni Perezida Ramaphosa ubwe wabimubwiye.”

Yongeyeho ati “Icya kabiri bavuganye ni uko Perezida Ramaphosa, yasabye Perezida Kagame ko yamusabira M23 ko ingabo ze, ingabo ziri hariya muri SAMIDRC, zabona amazi, amashanyarazi n'ibyo kurya, ibyo bintu biraba. Ibyo rero ni ibiganiro by'abakuru b'ibihugu, bitagomba kujya hanze.”

Minisitiri Nduhungirehe yavuze ko bukeye, nyuma y'ibyo biganiro babonye ikiganiro Minisitiri w'Ingabo wa Afurika y'Epfo, ari kumwe na Minisitiri w'Ububanyi n'Amahanga, bagiranye n'abanyamakuru, “aho Minisitiri w'Ingabo yavuze ko Perezida Ramaphosa yahaye gasopo Perezida Kagame, kandi batigeze babiganiraho.”

Yavuze ko ibyo byanakurikiwe n'ubutumwa bwanyujijwe ku rubuga rwa X rwa Perezida Ramaphosa, aho yise RDF inyeshyamba, avuga ko irwanya abashinzwe kugarura amahoro ba SAMIDRC, ngo ni byo byatumye Minisitiri Nduhungirehe ahita asubiza ku nkuru yavugaga ibyo abo baminisitiri bavuze by'ibinyoma, nyuma na Perezida Kagame yasubije ku byanditswe na Perezida Ramaphosa, wise RDF inyeshyamba.

Icyo gihe Perezida Kagame yaragize ati 'RDF ni igisirikare ntabwo ari inyeshyamba. SAMIDRC ntabwo ari ingabo ziri mu butumwa bw'amahoro ndetse nta mwanya zifite muri ibi bintu.'

Minisitiri Nduhungirehe yavuze ko ibinyoma batangaje birimo kuba bavuga ko ingabo zabo zajyanywe no kugarura amahoro, kandi mu by'ukuri atari ko bimeze ahubwo zaragiye kurwana.

Ati “Nanjye narasubije ku rubuga rwa X, mvuga ko biriya bintu [Minisitiri w'Ingabo wa Afurika y'Epfo] yavuze atari byo, ko nta gasopo yabaye, ko abasirikare ba SAMIDRC atari abashinzwe kugarura amahoro, ahubwo ko ari abasirikare baje kurwanira Tshisekedi n'ingabo ze z'abajenosideri ba FDLR, z'abacanshuro na Wazalendo n'abandi.”

Minisitiri Nduhungirehe agaruka ku buryo umwuka umeze ubu hagati y'u Rwanda na Afurika y'Epfo, aho yavuze ko nyuma y'ikiganiro yagiranye n'umunyamakuru wa SABC News, ikiganiro cyanagiyemo Minisitiri w'Ububanyi n'Amahanga wa Afurika y'Epfo, Ronald Lamola, uwo muyobozi yahise amuhamagara, amusaba ko bakomeza inzira y'ibiganiro bya dipolomasi mu kureba uko bakemura ikibazo bitagombye kujya hanze nk'uko byagenze.

Ati “Nanjye naramwemereye rwose nti 'nta kibazo tugomba gukomeza iby'iyo nzira', rero n'inzego zitandukanye ubu ziravugana, ubu ngubu tuzareba. Mwabonye iriya nama y'Abakuru b'Ibihugu bya EAC yabaye ku wa Gatatu, yavuze ko hagomba kubaho inama ihuriweho hagati ya EAC na SADC kugira ngo ducoce icyo kibazo turebe ukuntu twagikemura, kandi nabonye na SADC na yo yaremeye iyo nama ihuriweho.”

Hagati aho, Guverinoma y'u Rwanda, iherutse gutangaza ko Ihuriro ry'Ingabo za Repubulika Iharanira Demokarasi ya Congo n'imitwe irimo FDLR, Wazalendo, Ingabo z'u Burundi, Iza SADC n'Abacanshuro b'Abanyaburayi ryari rifite gahunda yo kurutera.

U Rwanda rwagaragaje ko kuba Ingabo z'Umuryango w'Ubukungu n'Iterambere ry'Ibihugu bya Afurika y'Amajyepfo (SADC) ziri muri RDC zivuga ko zatumiwe na Guverinoma ya RDC, nta shingiro bifite kuko ziri kurwanya abaturage b'icyo gihugu ndetse no gushoza intambara ku Rwanda.

Rivuga ko 'Amakuru aheruka yavuye i Goma yamaze gutahurwa n'ibimenyetso bifatika byerekena imyiteguro yo kugaba ibitero yateguriwe hamwe n'ingabo z'amahanga ziri kurwanira mu Burasirazuba bwa RDC, zirimo FDLR, bigaragaza ko intego y'imirwano atari ugutsinda gusa M23 ahubwo yari ugutera u Rwanda.'

U Rwanda rwagaragaje ko RDF irinda ubusugire bw'Igihugu n'imipaka y'u Rwanda ibitero bishobora kurugabwaho hagamijwe kurinda abasivili, bityo ko zidashobora kugaba ibitero ku basivili b'ikindi gihugu.

Minisitiri Nduhungirehe yavuze ko u Rwanda rudashobora kwihanganira ibinyoma bya SADC yashinje ingabo zarwo kwica abasivile muri RDC

U Rwanda ruhagarariwe n'amakipe abiri muri iri rushanwa rihuza abapolisi bo hirya no hino hagamijwe kwerekana ubuhanga bwabo mu birebana no guhashya ibikorwa by'iterabwoba ryitabiriwe n'amakipe arenga 100.

Abitabiriye barushanwa mu byiciro bitanu bitandukanye birimo icyo kunyura mu nzira igoye, aho hasuzumwa imbaraga z'umubiri w'abapolisi, gukorera hamwe, kurira ibikuta, kunyura mu nzira z'inzitane n'ibindi.

Kugeza ku munsi wa Kabiri u Rwanda ruri mu bihugu bikomeje kwitwara neza aho RNP SWAT Team 1' iri ku mwanya wa Munani ku rutonde rusange n'amanota 184.

Uru rutonde kugeza ubu ruyobowe n'Ikipe y'Abapolisi yo mu Bushinwa ya China Police Team B ifite amanota 200 mu gihe indi kipe ya kabiri y'u Rwanda RNP SWAT Team 2 iri ku mwanya wa 11 n'amanota 170.

Biteganyijwe ko iri rushanwa rizakirwa iminsi itanu aho hamaze gukinwa iminsi ibiri gusa.
Uko ikipe zigenda zitwara mu byiciro bitandukanye ni byo bigenda bizamura amanota ya zo ku rutonde rusange.

Nko kuri uyu munsi RNP SWAT Team 1' yasoreje ku mwanya wa 12 n'amanota 91 naho RNP Swat Team 2 isoreza ku mwanya wa 21 n'amanota 82 byatumye zikomeza guhagarara neza ku rutonde rusange.

Ibyo bishingiye ku kuba ku munsi wa mbere w'irushanwa amakipe ahagarariye Polisi y'u Rwanda yari yitwaye neza aho RNP SWAT Team 1 yabaye iya 11 n'amanota 93 mu gihe RNP SWAT Team 2 yabaye iya 16 n'amanota 88.

Si ubwa mbere u Rwanda rwitabiriye ayo marushanwa kuko mu 2024 rwarayitabiriye ndetse runitwara neza aho amakipe yari aruhagarariye, nko mu cyiciro kirebana no kunyura mu nzira z'inzitane Obstacle Course' yaje imbere.

Icyo gihe ikipe ya mbere yabaye 'RNP SWAT Team 1' yakoresheje iminota itatu n'amasegonda 54 igira amanota 52, ikurikirwa na Kyrgyzstan yagize 51 ndetse na Uzbekistan yagize 50.

Ikipe ya kabiri y'u Rwanda 'RNP SWAT Team 2' yagize amanota 47 isoreza ku mwanya wa gatandatu ikoresheje iminota ine n'amasegonda 19.

Ku rutonde rusange rw'amakipe yari yitabiriye iryo rushanwa rya UAE SWAT Challenge 2024, RNP SWAT Team 1 yabaye iya 12 mu gihe RNP SWAT Team 2 yasoreje ku mwanya 19.

U Rwanda rumaze kwitabira aya marushanwa ya UAE SWAT Challenge inshuro enye muri esheshatu amaze gukinwa.

Day 2 of #UAESWATChallenge: The Rwanda National Police teams compete in the Tactical Event today. Let's rally behind them as they showcase their skills and determination!
📍 Location: Al Ruwayyah Training City, Dubai
📺 Watch Live: https://t.co/4ojemrbIt2#workingtogether pic.twitter.com/Z9XGakPlZi

— Rwanda Mission in UAE (@RwandaInUAE) February 2, 2025

Umupolisi w’u Rwanda agaragaza ubuhanga mu kumasha uri kure

Hamwe mu hifashishijwe mu marushanwa uyu munsi

Bimwe mu byo abapolisi bari muri aya marushanwa bakora harimo no kurasa begereye bakoresheje imbunda nto ‘pistolet’

Ikipe ya RNP SWAT Team 1 ikomeje kwitwara neza aho kuri ubu iri ku mwanya wa munani

Umupolisi w’u Rwanda asigana n’ibihe

U Rwanda rukunze kwitwara neza muri aya marushanwa

Ni inzu yubatse mu Mudugudu wa Ruhuha mu Kagari ka Simbwa ikaba yahawe Gashumba irimo n'ibikoresho by'ibanze ku itariki 1 Gashyantare 2025, ubwo hizihizwaga Umunsi w'Intwari z'Igihugu muri Gatsibo.

Nyuma yo kuyihabwa Gashumba yavuze ko yishimiye kuba ubuyobozi bwamuzirikanye ndetse ashimira Perezida Paul Kagame wayoboye urugamba rwo kubohora Igihugu.

Urubyiruko rwari rwitabiriye umuhango wo kwizihiza Umunsi w'Intwari z'Igihugu i Gatsibo, rwabwiye RBA ko rwshimira iterambere igihugu cyigezeho kirikesha ibikorwa by'ubutwari byaranze abakurambere ku buryo na rwo biruha isomo ryo kucyitangira batizigama mu nzira y'iterambere.

Umuyobozi w'Akarere ka Gatsibo wungirije ushinzwe Iterambere ry'Ubukungu, Sekanyange Jean Leonard, yavuze ko ako karere gakomeje gahunda yo kubakira abamugariye ku rugamba batishoboye no kubaha inka kugira ngo badasigara inyuma kandi baritangiye Igihugu.

Yagize ati 'Nk'abasirikare barwanye urugamba rwo kubohora igihugu cyacu uyu munsi dushima ubutwari bwabo kuko ni bo baharaniye iterambere dufite uyu munsi. Ntabwo bagomba gusigara inyuma mu iterambere ni yo mpamvu muri gahunda yacu na bo turi kubafasha kugira ngo umusaruro mwiza w'ibikorwa bakoze na bo ubagereho.'

Visi Perezida wa Komisiyo y'Ububanyi n'Amahanga n'Ubutwererane mu Nteko Ishinga Amategeko Umutwe w'Abadepite, Bizimana Jean Claude, yibukije abaturage b'i Gatsibo ko kwitangira Igihugu uyu munsi ari inshingano ya buri wese binyuze mu bikorwa by'iterambere.

Gashumba John wahawe inzu yavuze ko yishimiye kuba ubuyobozi bwamuzirikanye ndetse ashimira Perezida Paul Kagame wayoboye urugamba rwo kubohora Igihugu

Inzu yatanzwe n’ibirimo bifite agaciro ka miliyoni 11 Frw

Kuri iki Cyumweru tariki ya 2 Gashyantare 2025, nibwo ikipe ya Arsenal yari yakiriye Manchester City kuri Emirates Stadium mu mukino wo ku munsi wa 24 wa shampiyona y’u Bwongereza.

Uyu mukino warangiye iyi kipe y’abarashi inyagiye Manchester City ibitego 5-1. 

Ni ibitego byatsinzwe na Martin Odegaard ku munota wa kabiri ahawe umupira na Kai Havertz,Thomas Partey ku munota wa 56,Myles Lewis-Skelly ku munota wa 56 ahawe umupira na Declan Rice,Kai Havertz ku munota wa 76 ahawe umupira na Gabriel Martinelli ndetse na Ethan Nwaneri ku munota wa 90+3 ahawe umupira na Declan Rice.

Ni mu gihe igitego cya Manchester City cyo cyatsinzwe na Erling Haaland ku munota wa 55 ahawe umupira na Savinho.

Nyuma y’uyu mukino, Perezida Kagame usanzwe afana Arsenal abinyujije kuri X ye yagaragaje amarangamutima ye aho yanditse ati” Arsenal/Abarashi-Murakoze. Reka tugende”.

Ikipe ya Arsenal yakomeje kuba kumwanya wa Kabiri ku rutonde rwa shampiyona aho irushwa amanota 6 na Liverpool ya mbere. 

Perezida Kagame ni umufana wa Arsenal kuva mu 1996, aho avuga ko ayikundira umukino mwiza ikina yatsinda cyangwa igatsindwa.

Mu 2007 ubwo Perezida Kagame yizihizaga isabukuru y'imyaka 50 y'amavuko, umutoza Arsene Wenger [watozaga Arsenal] yamuhaye impano y'idarapo ry'iyi kipe ririho imikono y'abakinnyi bose mu kumushimira.

Ntabwo ari ibi gusa kuko n’ikipe ya Arsenal muri 2014 yamugeneye impano azishyikirizwa na Tony Adams wahoze ari kapiteni wayo.

Tony Adams yatangaje ko iyi kipe yamugeneye umupira wo gukina wa Arsenal, imuha imipira itatu yo kwambara ya Arsenal hariho umwe uriho amazina ye na numero imwe.

Arsenal ifitanye umubano n'u Rwanda kuko kuva muri Gicurasi 2018 Ikigo cy'Igihugu cy'Iterambere (RDB) cyinjiye mu bufatanye bw'imyaka itatu n'iyi kipe ya Arsenal FC yo muri Premier League, u Rwanda ruyibera umuterankunga wa mbere ku maboko y'imipira, aho yambara 'Visit Rwanda' ku kuboko kw'ibumoso ku ikipe nkuru, iy'abatarengeje imyaka 23 no mu ikipe y'abagore.

Perezida Kagame yashimiye Arsenal yanyagiye Manchester City 

Abakinnyi ba Arsenal bishimira igitego cya Lewis- Skelly 

Arsenal yanyagiye Manchester City 

David Bayingana umwe mu bayobora Radio B&B FM Umwezi, abinyujije kuri Instagram, yateye imitoma uyu mukobwa amwifuriza isabukuru nziza y’Amavuko.

Yanditse ati”Isabukuru nziza Mwamikazi wanjye, twishimiye umwaka wuzuye urukundo, ibitwenge nibyo umutima wawe wifuza”.

Amakura ava mu nshuti za Nadia Umutesi, avuga ko ari mu rukundo na David Bayingana ndetse ko atari  ubwa mbere uyu munyamakuru amuteye imitoma, ku isabukuru ye y’amavuko dore ko ari nako byagenze mu mwaka ushize wa 2024.

Uyu mukobwa ari mu bahataniye ikamba rya Nyampinga w'u Rwanda 2017 ndetse ni nawe wabaye Nyampinga uberwa n’amafoto.

David Bayingana yatangiriye itangazamakuru kuri Radio Salus, yayivuyeho ajya kuri Voice of Africa, ayivaho ajya kuri Radio10, ubu akaba ari kuri B&B FM ahoabereye.

Miss Nadia Umutoni uvugwa mu rukundo na David Bayingana

David Bayingana aravugwa mu munyenga w’urukundo na Miss Nadia Umutoni 

Nadia Umutesi yabaye Nyampinga uberwa n’amafoto mu 2017

 

Yabitangarije ku rubuga nkoranyambaga X kuri uyu wa 2 Gashyantare 2025, ubwo yasubizaga ku byo Kayumba Nyamasa yabwiye igitangazamakuru Newzroom Afrika cyo muri Afurika y'Epfo.

Muri iki kiganiro Kayumba Nyamwasa yifashishijwe nk'inzobere muri politike n'igisirikare by'u Rwanda, bigendanye n'intambara iri kubera mu Burasirazuba bwa Repubulika Iharanira Demokarasi ya Congo.

Ni intambara yahagurukije Leta ya Afurika y'Epfo cyane ko imaze kugwamo abasirikare 14 b'iki gihugu barwana ku ruhande rw'ingabo za Leta (FARDC).

Amb. Karega yagaragaje ko Kayumba Nyamasa amaze igihe kinini atari umusirikare mu Rwanda ku buryo yaba umuntu wo kubazwa amakuru ajyanye na rwo.

Yashimangiye ko kubaza Kayumba Nyamwasa amakuru y'u Rwanda bisa no gukama ikimasa kuko ntacyo aruziho bijyanye n'igihe aruherukiramo.

Ati 'Ese ni ryari Kayumba aheruka kuba umusirikare mu Rwanda? Muri kugerageza gukama iki mu kimasa? mushake amasoko meza y'amakuru. Ntabwo mukwiye kujya kubyutsa dinosaur yapfuye mu mva.'

Kayumba Nyamwasa yatorotse muri Gashyantare 2010 ubwo hari ibyo yashinjwaga agatumizwa ku Biro bya FPR Inkotanyi kugira ngo yisobanure ndetse agirwa inama yo kwandika ibaruwa isaba imbabazi, ariko ntiyabikora ahitamo guhunga.

Yavuye rwihishwa mu gihugu anyura muri Uganda, yerekeza muri Afurika y'Epfo aho yasanze Patrick Karegeya wari waragezeyo mbere gato mu 2008.

Icyo gihe, nk'abantu babiri bahoze bakomeye mu gisirikare cy'u Rwanda, bikojeje hasi, basakuma abo bumva bose ko bashobora kubafasha mu mugambi wabo mugari wo guhungabanya umutekano w'u Rwanda no kugera ku butegetsi.

Nubwo babigerageje ariko ntibyabahiriye ari nabyo Amb. Karega ashingiraho agaragaza ko nyuma y'imyaka irenga 15 atari mu gihugu ndetse na mbere y'aho akaba yari mu zindi nshingano zitandukanye n'igisirikare nta makuru yuzuye arufiteho.

Kayumba Nyamwasa kuri ubu uyobora umutwe wa RNC, yahamijwe ibyaha n'Urukiko rwa Gisirikare adahari ku wa 14 Mutarama 2011.

Ibyaha yakoze birimo gushinga umutwe w'iterabwoba, kugerageza guhungabanya umutekano w'igihugu, kutubahiriza amategeko n'ibindi, nyuma yo kugaba ibitero bya grenade mu Mujyi wa Kigali mu bihe bitandukanye mu 2010 byahitanye ubuzima bwa benshi.

Raporo zitandukanye mu myaka ishize zagaragaje ko Kayumba Nyamwasa yari yaratangiye kwegeranya abarwanyi mu Burasirazuba bwa RDC, mu mugambi wo kuzatera u Rwanda.

Hashize igihe u Rwanda ruhamya ko ubwirinzi bwashyizwe ku mipaka iruhuza na RDC butazahava mbere y'uko umutwe wa FDLR urandurwa, ndetse ngo havanweho imitwe y'ingabo ishaka kuruhungabanyiriza umutekano.

Amb. Vincent Karega yabwiye abashakira amakuru y'u Rwanda kuri Kayumba Nyamwasa ko bakama ikimasa

Iki gisirikare cyatangaje ko ibyo byabereye mu ntambara yabaye hagati y'itariki 24 na 28 Mutarama 2025, mu bice bya Goma na Sake.

Itangazo rigira riti 'Nyuma y'ibitero byinshi muri Sake na Goma uduce dufitwe n'umutwe witwaje intwaro wa M23 ku wa 24 na 28 Mutarama 2025, Igisirikare cya Tanzania cyatakaje abasirikare babiri abandi bane barakomereka. Abakomeretse bari guhabwa ubuvuzi i Goma.'

Byatangajwe ko hari gutegurwa uburyo bwo gutwara imirambo y'abasirikare biciwe ku rugamba ngo bashyingurwe mu cyubahiro ndetse n'abakomeretse bakajya kuvurwa kandi ko bizakorwa mu bufatanye n'ubunyamabanga bwa SADC.

Rikomeza riti 'Imana ihe abakomeretse gukira vuba kandi ituze aheza muri Paradizo roho z'abapfuye.'

Ubuyobozi bw'Igisirikare cya Tanzania kandi buvuga ko bumaze igihe bukora ubutumwa bwo kugarura amahoro mu bihugu bitandukanye binyuze mu Muryango w'Abibumbye cyangwa Umuryango w'ubukungu bw'ibihugu byo muri Afurika y'Amajyepfo SADC.

Bwakomeje bugaragaza ko abasirikare b'icyo gihugu bagiye kugarura amahoro mu bihugu birimo Liban, Sudan, Centre Afrique, Liberia, Mozambique na Repubulika Iharanira Demokarasi ya Congo.

Bwerekanye ko kandi binyuze muri uko kugira uruhare mu bikorwa byo kugarura amahoro ari byo byatumye ingabo za Tanzania zijya mu Burasirazuba bwa RDC ahari ibibazo by'umutekano muke aho umutwe witwaje intwaro wa M23 uri kurwana n'ingabo za Leta, FARDC, mu butumwa bwa SAMIDRC.

Igisirikare cya Tanzania kandi cyagaragaje ko ingabo zacyo ziri muri RDC kuri ubu zitekanye kandi zizakomeza inshingano zazo bijyanye n'amabwiriza azatangwa n'ubuyobozi bwa SADC.

Abasirikare bari mu butumwa bwa SADC muri RDC buzwi nka SAMIDRC, hatangajwe ko hamaze gupfa abasirikare ba Afurika y'Epfo 14, na batatu bo muri Malawi.

Abo basirikare baguye mu mirwano ikomeye izo ngabo zahanganyemo na M23 ubwo yashakaga kwigarurira Umujyi wa Goma.

Perezida wa Afurika y'Epfo, Cyril Ramaphosa, aherutse kuvuga ko abasirikare ba Afurika y'Epfo baguye muri RDC, bishwe n'igisirikare cy'icyo gihugu, FARDC.

Ingabo za SADC ziri muri RDC zikomeje gutangaza ko zapfushije abasirikare bazo mu mirwano na M23