Blog

Ni imvugo ikubiye mu butumwa White House yashyize hanze, nyuma y'ikiganiro Joe Biden yagiranye n'abagize imiryango y'Abanyamerika batatu bafunzwe n'ubutegetsi bw'Aba-Taliban muri Afghanistan.

Ku Cyumweru tariki 12 Mutarama 2025 ni bwo Joe Biden yaganiriye n'iyi miryango kuri telefone.

Aba Banyamerika bafungiye muri Afghanistan ni Ryan Corbett, watawe muri yombi muri Kanama 2022, ubwo yari yagiye muri Afghanistan mu rugendo yavugaga ko ari urw'ubucuruzi.

Undi ni George Glezmann nawe wafatiwe i Kaboul mu 2022, aho yari yagiyeyo nka mukerarugendo, ndetse na Mahmood Habibi wakoreraga ikigo kimwe cyo muri Afghanistan.

Aba bose batawe muri yombi nyuma y'uko Aba-Taliban bisubije Afganistan, ingabo za Amerika zari muri iki gihugu zirataha.

Kugeza ubu ubutegetsi bwa Joe Biden bwatangiye ibiganiro bigamije gufunguza aba bagabo, nubwo amakuru yizewe ahamya ko Aba-Taliban bahisemo gutegereza ubutegetsi bwa Donald Trump kuko aribwo bashobora kumvikana bitagoranye.

Yateye icyuhagiro ibyaha bya Rusesabagina?

Mu itangazo White House yashyize hanze nyuma y'ibi biganiro, yagaragaje ko ubutegetsi bwa Joe Biden bwabashije gufunguza Abanyamerika 75 bari bafungiye mu bihugu birimo n'u Rwanda mu buryo bunyuranyije n'amategeko.

Iri tangazo ntiryerura nyirizina ngo rivuge Rusesabagina mu izina, gusa usesenguye amakuru y'ifungwa rye n'imbaraga iki gihugu cyashyize mu kumufunguza ubona ko ariwe cyashakaga kuvuga.

Rikomeza rivuga ko 'Perezida Biden n'itsinda rye bakoze bivuye inyuma, kenshi bafatanyije n'ibihugu by'inshuti mu biganiro bigamije gufunguza Abanyamerika bafashwe nk'imbohe, cyangwa bafungiye mu mahanga, kugira ngo bongere guhura n'imiryango yabo, kandi tuzakomeza kubikora mu gihe manda isigaje.'

Ibyatangajwe na Amerika bihabanye n'ukuri kuko Rusesabagina atigeze afungwa binyuranyije n'amategeko.

Rusesabagina washinze ndetse akayobora Umutwe wa MRCD/FLN, yari yarakatiwe gufungwa imyaka 25 mu Rwanda ahamijwe ibyaha by'iterabwoba bishingiye ku bitero wagabye ku Rwanda mu 2018 na 2019. Byaguyemo abagera ku icyenda, imitungo irasahurwa, ibindi birangizwa.

Ni nyuma y'uko uyu mugabo yari yatawe muri yombi muri Kanama mu 2020.

Kuva uyu mugabo yatabwa muri yombi, ibihugu birimo Leta Zunze Ubumwe za Amerika n'indi miryango byakomeje gushyira u Rwanda ku gitutu kugira ngo arekurwe.

Mu 2022 mbere gato y'uko Anthony Blinken ushinzwe ububanyi n'amahanga muri Amerika agirira uruzinduko mu Rwanda, yavuze ko mu bimugenza harimo no kuganira n'u Rwanda ku kibazo cya Rusesabagina.

Ati “Yego, mu buryo bwose, mu bihugu birimo abaturage ba Amerika bafunzwe bidakurikije amategeko, ni ngombwa, uko byagenda kose, kugerageza uko basubira iwacu muri Leta zunze ubumwe za Amerika.”

Ni imvugo zakomeje gushimangirwa na benshi mu banyapolitiki ba Amerika ndetse n'imiryango iharanira uburenganzira bwa muntu.

Ni mu gihe mu kumuhamya ibyaha, inkiko zo mu Rwanda zashingiye ku bimenyetso birimo ibyatanzwe n'inzego zibishinzwe zo mu Bubiligi na Leta zunze ubumwe za Amerika, cyane cyane ku bimenyetso by'amafaranga yohererezaga FLN.

Ku wa 24 Werurwe 2023, Guverinoma y'u Rwanda yafunguye Rusesabagina na bagenzi be 19, nyuma y'imbabazi bahawe na Perezida.

Rusesabagina w'imyaka 68 yandikiye Perezida Kagame asaba imbabazi z'ibyaha yakoze ari na byo byatumye akatirwa igifungo cy'imyaka 25, yiyemeza kutazagisubira naramuka ababariwe, gusa nyuma y'igihe gito afunguwe yatangiye kunyuranya n'iyi mvugo.

Muri byatangajwe na White House, nta na hamwe yigeze igaragaza ibyaha uyu mugabo yakoze, ahubwo yashyizwe mu bandi iki gihugu kivuga ko bari bafunze binyuranyije n'amategeko.

Amerika itangaje ibi mu gihe u Rwanda ruherutse kugaragaza ko rufite amakuru yizewe ashimangira ko Rusesabagina yasubiye mu bikorwa byo gutera inkunga imitwe yitwaje intwaro irwanya u Rwanda.

Rusesabagina washinze ndetse akayobora Umutwe wa MRCD/FLN, yari yarakatiwe gufungwa imyaka 25 mu Rwanda ahamijwe ibyaha by'iterabwoba bishingiye ku bitero wagabye ku Rwanda mu 2018 na 2019

Umuhanzi w’indirimbo zo kuramya no guhimbaza Imana, Timileyin Ajayi, inkuru ye iri gucicikana ku mbuga nkoranyambaga nyuma yo kwemeza ko yishe umukunzi we Salome Adaidu, kubera ko yamuciye inyuma kenshi kandi akaba aticuza na busa icyo cyaha k’imdengakamere yakoze.

Ajayi wujuje imyaka 30 muri uyu mwaka wa 2025, yatangaje ibi mu kiganiro n’ikinyamakuru Channels TV aho yatangaje ko nta kwicuza afitiye icyemezo cyo kwica umukunzi we, asobanura ko ubuzima ari ugukora ibyiza kugira ngo ubone ibyiza.

Ku wa Mbere, tariki ya 13 Mutarama 2025, amakuru yavuzwe ko Timileyin Ajayi yafatiwe mu gace ka Agwan Sarki, Orozo, kari ku mupaka wa Leta ya Nasarawa mu mujyi wa Abuja nyuma yo gufatwa atwaye umutwe w'umukunzi we yari yamaze kwica.

Mu kiganiro giheruka, Timileyin Ajayi yashyize ahagaragara ibindi bisobanuro, avuga ko atari afite umugambi wo kwica umukunzi we, ahubwo ko intego ye yari ukureka umubano wabo.

Mu mashusho yasakaye kuri X, uyu muramyi avuga ko umukunzi we yamuciye inyuma cyane, ibyo akaba ari byo byatumye afata icyemezo cyo kumwica. Avuga ko ibi byatangiye ubwo umukunzi we yamusabaga ama-Naira 3,000, maze avuga ko ntayo afite.

Uyu muhanzi wari umenyerewe mu bijyanye no kuramya Imana, yatunguye abantu benshi ku bwo gutakaza ubumuntu agakora iki cyaha cy’indengakamere, ubu akaba yaratawe muri yombi.

Salome Adaidu wishwe n’umuhanzi uririmba indirimbo zo kuramya no guhimbaza Imana, Timileyin Ajayi

Umuhanzi Timileyin Ajayi, uririmba indirimbo zo kuramya no guhimbaza muri Nigeria yafashwe amaze kwica umukunzi we Salome Adaidu

Timileyin Ajayi yavuze ko aticuza kuba yarishe umukunzi we Salome Adaidu

Uyu mugabo yashyize hanze iyi ndirimbo kuri uyu wa Gatatu tariki 15 Mutarama 2025. Mu guteguza iyi ndirimbo yifashishije umugore we, ndetse amashusho yakozwe na Fayzo Pro bamaze igihe kinini bakorana, ni mu gihe mu buryo bw'amajwi (Audio) yakozwe na Producer Element.

Iyi ndirimbo ntisanzwe mu rugendo rw’umuziki we kuko ari nayo yitiriye ibitaramo yakoreye mu gihugu cya Canada mu mpera z’umwaka. Kiriya gihe, yabwiye InyaRwanda ko yahisemo kwitirira biriya bitaramo iyi ndirimbo “kugirango abafana banjye yitegure.”

Amashusho y’iyi ndirimbo yakorewe mu Rwanda ndetse no muri Canada igihe yari mu bitaramo. Fayzo Pro wakoze amashusho y’iyi ndirimbo, yabwiye InyaRwanda ko hari amashusho bafatiye Kimuhurura ariko aza kubura ku munota wa nyuma.

Ati “Hari amashusho twafatiye Kimihuhura yagombaga kugaragara muri iyi ndirimbo ariko nyuma twaje kuyabura dushaka uko tuyagurura.”

Uyu mugabo yavuze ko hari abarabu bo mu gihugu cya Misiri bakoreraga mu Rwanda basanzwe bakorana aziho ubuhanga mu kugaragara amashusho yabuze n’ibindi bifashishije ‘Software’ yegereye.

Avuga ko yagerageje kubavugisha ariko asanga basubiye iwabo mu Misiri. Ati “Abanya-Misiri nibo bamfashije kugarura ariya mashusho y’indirimbo, nari nakoze uko nshoboye ariko biranga. Gusa, twifashishije uburyo bw’ikoranabuhanga ariya mashusho babashije kuyagarura.”

Fayzo yavuze ko nyuma y’uko ariya mashusho bayagaruye, basanze aho bafatiye ku Kimihurura harakorewe indirimbo nyinshi bahitamo kutayakoresha yose mu ndirimbo, ahubwo banzura ko Kenny Sol afatira andi muri Canada.

Ati “Twahisemo ko Kenny Sol afatira amashusho muri Canada, kubera ko twabonaga ko aho twakorera Kimihurura ari ahantu hasanzwe hakoreshwa cyane.”

Uyu mugabo yavuze ko iyi ndirimbo yagiyeho amafaranga menshi, ashingiye ku bikorwa bayikozeho. Ni indirimbo bigaragara ko yatwaye amafaranga ari hafati ya Miliyoni 10 Frw na Miliyoni 15 Frw.

Kenny Sol wavutse mu mwaka wa 1997, uvuka mu muryango w'abana batatu, ni ubuheta. Yize amashuri abanza ahitwa ka Gasunzu, ayisumbuye yayize muri Ecose Musambira.

Kenny Sol avuga ko ubusanzwe kwinjira mu muziki atari ibintu yari yaratekerejeho kuko yabanje guconga ruhago, aho yari umukinnyi w’umupira w’amaguru.

Mu mwaka wa 2015 yakiniye mu ikipe y’abana ya Esprance ndetse no muri Kiyovu FC yakiniye mu  2016. Icyo gihe yakinaga kuri 11 mu cyibuga yahuriyemo na Lague wa APR FC, na Savior n’abandi benshi. 

Kenny Sol yasohoye amashusho y'indirimbo ye nshya yise 'Phenomena' 

Kenny Sol yagaragaje ko iyi ndirimbo yayikoreye amashusho mu gihugu cya Canada ndetse no mu Mujyi wa Kigali 

Fayzo Pro watunganyije amashusho y'iyi ndirimbo, yavuze ko yiyambaje abanya-Misiri kugira ngo agarure amashusho yari yabuze 

Mu guteguza iyi ndirimbo, Kenny Sol yifashishije umugore we wamwibarukiye imfura

KANDA HANO UREBE AMASHUSHO Y'INDIRIMBO 'PHENOMENA' YA KENNY SOL

Nkurikiyingoma ukekwaho icyaha yateye grenade mu rugo rwa mugenzi we witwa Jean Marie Vianney Muganza mu ijoro ryo ku wa 13 Mutarama 2025, mu Murenge wa Mugina.

Bivugwa ko Nkurikiyingoma wigeze kuba umusirikare yari afitanye amakimbirane na mugenzi we Muganza, akeka ko uwo Muganza agirana umubano wihariye n'umugore we.

Gusa nta muntu wakomerekejwe n'iyo grenade kuko bose bari mu nzu, ariko ngo yangije urugi rw'inzu.

Umuyobozi w'Akarere ka Kamonyi, Dr. Nahayo Sylvere, yahamirije IGIHE ko kugeza kuri uyu wa 15 Mutarama, Nkurikiyingoma yari ataraboneka, bityo agishakishwa.

Kugeza ubu ntiharamenyekana aho uyu muturage yakuye gerenade yifashishije ajya gutera urugo rw'umuturage mugenzi we.

Minisiteri y'Umutekano Imbere mu gihugu iherutse gutanganza ko gutunga intwaro nto zirimo imbunda na grenade mu buryo bunyuranye n'amategeko mu Rwanda biri ku kigero cyo hasi cyane kuko nta n'ahantu bijya bipfa kugaragara byakoreshejwe mu rugomo cyangwa ubujura.

Gerenade yatewe mu rugo rwa Muganza nta muntu yakomerekeje

Inkuru dukesha ikinyamakuru Spy Reports ivuga ko ku munsi w’ejo tariki 14 Mutarama 2025, ibyabereye muri Uganda ari agahomamunwa aho byateje urujijo n'umutekano mucye mu rukiko, ntetse abakekwaho ibyaha baburanishwaga n'abari mu rukiko bose bahungaga, bagerageza gukiza amagara yabo kuko izo nzuki zari zabateye mu buryo butunguranye.

Izi nzuki zari zibasiye abantu bose bari mu rukiko, zidasize n’umwe, harimo abakozi b'urukiko, abapolisi, abashinzwe umutekano bo mu magereza, abakekwaho ibyaha baburanishwaga, ndetse n'abaturage bari bitabiriye urubanza. Uko inzuki zazaga, habaye impagarara zikomeye, abantu bose batangira guhunga ngo barokore ubuzima bwabo.

Mu gihe bageragezaga guhunga, abakekwaho ibyaha 12 bari mu maboko y'ubuyobozi bw'urukiko ndetse n'abari mu rubanza 7, bashoboye gutoroka biturutse ku ihungabana ryatewe n'izo nzuki.

Kubera ko ikibazo cyari kimaze gukomera, abashinzwe umutekano bagerageje gukumira abakekwaho ibyaha ngo badatoroka, maze batangira kurasa amasasu hejuru mu rwego rwo guhosha ikibazo, ariko biba iby’ubusa. Nyuma, ingabo za Uganda n'abapolisi baje gufatanya kugenzura icyo kibazo cyaje gitunguranye.

N'ubwo bari bamaze gutoroka, abakekwaho ibyaha bose bagerageje gutoroka 12 hamwe n'abandi 7 bafashwe ndetse bagarurwa mu maboko y’abashinzwe umutekano ku buryo bwihuse. Basubijwe mu kigo cya Amita Government Prisons, aho bahise bakomeza gukurikiranwa.

Kugeza ubu ntiharamenyekana icyatumye izo nzuki zibasira abari mu cyumba cy’urukiko ku buryo butunguranye, ndetse n’ubukana zazanye bwari buhambaye, aho bamwe bakeka ko yaba ari amarozi cyangwa, ari izo mfungwa zari zateguye uwo mugambi ngo zibashe gutoroka ariko ukazipfubana.

Umubyeyi wa Bushali yitabye Imana mu masaha asatira Saa Sita z’ijoro kubera uburwayi butaratangazwa. Yanditse ati “Oya, Mama nkunda winsiga”. Mu 2022 ubwo Bushali yari kuri Radio Rwanda yabajijwe ibijyanye n’imyizerere ye asubiza agira ati “IZUBA, UKWEZI na MAMA”. Ibi bikwereka uburyo yakundaga cyane Mama we.

Bushali uri mu baraperi bubashywe mu muziki nyarwanda, yari amaze iminsi mu byishimo byo kwibaruka ubuheta ndetse yanasohoye Album mu mwaka ushize yise “Full Moon”. Bushali ni izina rimaze igihe mu matwi y’abanyarwanda ndetse no mu Karere.

Iyo urebye urwego rw'umuziki we n'ibihangano bye, hari abadatinya kuvuga ko urwego ari ho kuri ubu rugereranywa n’urwa bamwe mu bahanzi bafite amazina akomeye ku mugabane wa Afrika no mu Karere u Rwanda ku bw’ibikorwa bitandukanye by’umuziki agenda akora.

Ubutumwa bw’akababaro Bushali yanyujije ahatambutswa ubutumwa bw’amasaha 24 (Story) ku rukuta rwe rwa Instagram

Bushali ari mu gahinda ko kubura umubyeyi

Uyu mugore agaragara ku rutonde rw'abakinnyi ba filime bahataniye igikombe cy'umukinnyi wa filime w'umwaka w'umugore (Best Actress of the year) mu bihembo 'Inganji Awards' bitegurwa na 'Rwanda Performing Arts'. 

Ni ibihembo bihatanyemo abakinnyi barenga 180, ndetse bamaze iminsi batangiye guhatana mu matora yo kuri internet, kugira ngo amajwi azifashishwe mu guhitamo no kugena umukinnyi wa filime uzahiga abandi.

Si abakinnyi ba filime gusa bazahabwa ibihembo, kuko harimo n'icyiciro cy'ikinamico, urwenya, ababyinnyi b'indirimbo zigezweho n'ibindi.

Mu itangazo rigenewe abanyamakuru yasohoye kuri uyu wa Kabiri tariki 14 Mutarama 2025, Bahavu yamenyesheje abakunzi be ko adahatanye mu bihembo 'Inganji Awards 'mu byiciro byose.'

Muri iri tangazo, umugabo we Ndayirukiye Fleury yavuzemo ko nk'umujyanama we 'Ntitwigeze tuganirizwa n'abategura ibi bihembo, bityo nta makuru ahagije dufite kuri iri rushanwa, bijyanye n'ibyo bagenderaho mu gutanga ibihembo, ndetse se n'ibindi bisabwa.' Yungamo ati 'Ku bw'izo mpamvu twafashe icyemezo cyo kutitabira.'

Yanavuze ko iki cyemezo kiri mu murongo wa Bahavu binyuze mu kigo BahAfrica Entertainment, mu rwego rwo gukomeza gufasha abiyumvamo impano mu ruganda rwa Cinema, no kubafasha kubona amahirwe yo kugaragaza impano zabo, binyuze mu kubahugura, kubigisha no kubaha umwanya bakagaragaza ibyo bashoboye binyuze muri filime zirimo nka 'Impanga TV', 'ABA OTT' n'izindi.

Bahavu wamamaye muri filime zirimo 'Impanga' yari ahataniye igikombe mu cyiciro cy'umukinnyikazi wa filime mwiza w'umwaka (Best Film Actress of the year), ahatanye na Igihozo Mireille Nshuti uzwi cyane muri filime 'Behind', Kayonga Gatesi Divine uzwi cyane muri filime 'Kaliza wa Kalisa';

Joseline Niyonsenga ugezweho muri iki gihe binyuze muri filime 'Ibanga', Nyambo Jesca uzwi muri filime 'Ibanga' n'izindi, ndetse na Irakoze Sandrine Swallah uzwi cyane muri filime 'Inzira y'Umusaraba', Umunyana Analisa uzwi nka Mama Sava, Madederi wo muri Papa Sava, Nkusi Linda uzwi nka 'Keza' muri filime 'Bamenya' n'abandi.

Abarimo Mugisha Emmanuel [Kibonge], Ishimwe Angelo uzwi nka Muhinde, umunyarwenya 'Pilate', Japhet Mazimpaka ndetse na Tuyishime Senegalais uzwi nka Mushumba, bahataniye igikombe mu cyiciro 'Best Stand Up Comedian of the year/Male) .

Mu banyarwenya b'abakobwa bahataniye igikombe mu cyiciro 'Best Female Stand Up Comedian of the year) harimo Kaduhire, Benitha Mahrez ndetse na Izabayo Bonette.

Ni mu gihe Benimana Ramadhan uzwi nka 'Bamenya', Nkundabose Emmanuel [Manu], Musengimana Eugene [Prof Mbata], Kazungu Emmanuel [Mitsutsu], Nsabimana Eric [Dr Nsabi], Nyaxo, Burikantu na Buringuni bahataniye igikombe mu cyiciro (Best Acting Comedian of the year/Male).

Itangazo ry'umujyanama wa Bahavu Jannet, ryemeza ko yikuye muri ibi bihembo kubera ko atigeze amenyeshwa ibijyanye na 'Inganji Awards' 

Bahavu yavuze ko yafashe iki cyemezo mu rwego rwo gukomeza intego yihaye yo kugira uruhare mu kuzamura abakiri bato muri Cinema

 

Bahavu agaragara ku rutonde rw'abakinnyi ba filime bari bahataniye igikombe mu cyiciro 'Best Film Actress of the year'

Bahavu yamamaye binyuze muri filime zirimo 'City Maid', ariko muri iki gihe agezweho binyuze muri filime zirimo 'Impanga', 'Bad Choice' n'izindi 

Mu 2023, Bahavu yatwaye igikombe cy’umukinnyi wa filime ukunzwe kurusha abandi mu bihembo ‘Rwanda International Movie Awards’ 

REBA HANO IGICE CYA GATATU CYA FILIME ‘BAD CHOICE’ YA BAHAVU

“>

Iri serukuramuco Nyafurika rya sinema rizabera i Ouagadougou muri Burkina Faso, ku wa 22 Gashyantare 2025 kugeza kuya 1 Werurwe 2025. Kuri iyi nshuro Chad, ni cyo gihugu cy'Umushyitsi Mukuru muri iri serukiramuco. 

Ni ku nshuro ya 29 bizaba bitanzwe. Ndetse, abahatanye bashyizwe mu byiciro 17 birimo igihembo nyamukuru cya l'Étalon de Yennenga. Harimo ibyiciro 15 bya filime mbarankuru (Feature Documentaries), ibyiciro 34 bya filime ngufi, filime zo kuri Televiziyo ndetse na filime zagenewe abanyeshuri.

Mu 2019, umunyarwanda Joël Karekezi yakoze amateka yegukana ibihembo bibiri muri iri serukiramuco. Filime ye 'Mercy of The Jungle'yahawe igihembo cy'iyahize izindi mu cyiciro cy'iz'abagabo, inahabwa igihembo nyamukuru cya l'Étalon de Yennenga, yafatanyije na Perezida w'u Rwanda Paul Kagame kucyakira.

Kuri iyi nshuro, Filime zo mu Rwanda zashyizwe ku rutonde zirimo 'Phiona, umukobwa uvuye i Madrid/Phiona, a Girl from Madrid' ya Mutiganda wa Nkunda. Ibaye filime ndende ya Kabiri Mutiganda akoze nyuma ya 'Nameless' yatwaye igikombe mu cyiciro cya 'Best Script' muri Fespaco 2021.

Izindi filime z'Abanyarwanda zihataniye ibihembo ni 'The Bride' ifite iminota 73' ya Myriam Birara, 'Murmures' ya Kivu Ruhorahoza na Christian Nyampeta.

Hari kandi 'Minimals in Titanic World' ya Philbert Aimé Mbabazi, 'Didi' ifite iminota 83' ya Gaël Kamilindi ndetse na 'Imihanda/Quartier' ya Azam Ndahiro yatunganyirijwe mu kigo 'Karekezi Film Residency' cya Joel Karekezi ndetse na Mathew Leutwyler uhataniye ibihembo muri iri serukiramuco abicyesha filime ye ‘Fight Like a Girl’ iri mu cyiciro cya “Section Diversites’.

Izi filime zose zihatanye mu byiciro binyuranye, birimo icyiciro cya filime mbarankuru, icyiciro cya filime zatunganyirijwe mu bigo by'abantu runaka, icyiciro cya filime ndende n'ibindi.

Umunyarwanda Deus Dedit Sangwa we yatanze umushinga wa ‘Isano (Relative) ushyirwa mu isoko ry’imishinga ishobora kuzaterwa inkunga muri iri serukiramuco, aho azafatanya na Fistion Mudacumura mu kuwushyira mu bikorwa.

U Rwanda rwabaye igihugu cy'umushyitsi w'icyubahiro, muri iri serukiramuco mu 2019.

Icyo gihe, igihembo nyamukuru cya l'Étalon de Yennenga, gifite agaciro k'asaga miliyoni 15 z'amafaranga y'u Rwanda cyegukanywe n'Umunyarwanda Joël Karekezi, kubera filime ye yise 'Mercy of Jungle.'

Muri iri serukiramuco herekanirwamo filime zitandukanye, hakanatangwa ibihembo ku babaye indashyikirwa mu byiciro bitandukanye biba byatangajwe.

Fespaco ni iserukiramuco rikomeye kurenza andi abera ku Mugabane wa Afurika, ribera mu Mujyi wa Ouagadougou muri Burkina Faso buri myaka ibiri kuva mu 1972. Ibihembo bigiye gutangwa ku nshuro ya 29.