Blog

1. Iyi Nama y'Abaminisitiri yemeje imishinga y'amategeko

Umushinga w'itegeko rihindura Itegeko n°066/2024 ryo ku wa 26/06/2024 rigena ingengo y'imari ya Leta y'umwaka wa 2024/2025.

Umushinga w'itegeko ryemera kwemeza burundu Amasezerano hagati ya Guverinoma y'u Rwanda na Banki ya Koreya y'ubucuruzi bw'ibisohoka n'ibyinjira mu gihugu, yerekeranye n'inguzanyo igenewe ishyirwaho rya laboratwari ihuriweho y'ubumenyi n'ikoranabuhanga, yashyiriweho umukono i Kigali mu Rwanda, ku wa 04 Ukuboza 2024.

Umushinga w'itegeko ryemera kwemeza burundu Amasezerano hagati ya Guverinoma y'u Rwanda n'Ikigega Nyafurika gitsura Amajyambere, yerekeranye n'inguzanyo igenewe umushinga wo guteza imbere isoko ry'imari mu Rwanda, yashyiriweho umukono i Kigali mu Rwanda, ku wa 13 Ukuboza 2024.

Imishinga ibiri y'amategeko yemera kwemeza burundu amasezerano hagati ya Guverinoma y'u Rwanda na Banki Nyafurika itsura Amajyambere, yerekeranye n'inguzanyo zigenewe umushinga w'iterambere uhuriweho n'u Burundi n'u Rwanda, yashyiriweho umukono i Kigali mu Rwanda, ku wa 16 Ukuboza 2024.

Umushinga w'itegeko ryemera kwemeza burundu Amasezerano hagati ya Guverinoma y'u Rwanda na Banki Nyafurika itsura Amajyambere, yerekeranye n'inguzanyo igenewe umushinga wo guteza imbere ubwikorezi bwo mu Mujyi wa Kigali, yashyiriweho umukono i Kigali mu Rwanda, ku wa 20 Ukuboza 2024.

2. Inama y'Abaminisitiri yemeje amateka akurikira

Iteka rya Perezida ryongera umubare w'amafaranga ya pansiyo n'ay'ibyago bikomoka ku kazi atangwa n'Urwego rw'Ubwiteganyirize mu Rwanda.

Iteka rya Minisitiri w'Intebe rishyiraho sitati yihariye igenga abakozi bashinzwe igorora.

3. Inama y'Abaminisitiri yemeje politiki, porogaramu n'ingamba zikurikira

Kongera serivisi z'ubuvuzi zishingirwa n'ubwisungane hamwe n'inkomoko y'inyongera y'amafaranga yo kunganira gahunda y'ubwisungane mu kwivuza.

Ivugururwa ry'ibiciro by'ibikorwa by'ubuvuzi.

4. Inama y'Abaminisitiri yemeje abahagarariye ibihugu n'imiryango mpuzamahanga bakurikira

Khalid Musa Dafalla, Ambasaderi wa Repubulika ya Sudani mu Rwanda, afite icyicaro i Kigali.

Alfredo Dombe, Ambasaderi wa Repubulika ya Angola mu Rwanda, afite icyicaro i Kigali.

Dr. Habib Gallus Kambanga, Uhagarariye Repubulika Yunze Ubumwe ya Tanzaniya mu Rwanda, afite icyicaro i Kigali.

Zabavy François-Xavier, Ambasaderi wa Repubulika ya Côte d'Ivoire mu Rwanda, afite icyicaro i Kinshasa.

Ilyas Ali Hassan, Ambasaderi wa Repubulika Yunze Ubumwe ya Somalia mu Rwanda, afite icyicaro i Dar Es Salaam.

António José Nunes de Azevedo, Uhagarariye inyungu za Portugal mu Rwanda, afite icyicaro i Kigali.

Wilhemina M. E. van de Wiel, Uhagarariye UNICEF mu Rwanda.

5. Inama y'Abaminisitiri yashyize mu myanya Abayobozi bakurikira

Umutwe w'Abadepite

Julien Ngabonziza yagizwe Umunyamabanga Mukuru Wungirije

Augustin Mico yagizwe Umuyobozi ushinzwe kugenzura komite z'Inteko Ishinga Amategeko (Director General of Parliamentary Committees Management).

Donata Mukamurenzi yagizwe Umuyobozi ushinzwe iyubahirizategeko, imikorere n'ihererekanyabubasha mu Nteko Ishinga Amategeko (Director General of Legislative, Procedural and Translation services).

Jean de Dieu Uwitonze yagizwe Umuyobozi ushinzwe ibijyanye n'ubushakashatsi (Director General of Parliamentary and Research Analysis).

Christine Uwimbabazi yagizwe ushinzwe gusesengura ingamba z'ubukungu. Izi nshingano kandi zahawe Léopold Ringuyeneza (Economic Policy Analyst).

Olivier Rubibi na Viviane Gakire Kabeho bagizwe abayobozi bashinzwe isesengura ry'ingamba z'imiyoborere (Social and Governance Policy Analyst).

Sylvestre Ndahayo yagizwe umuyobozi ushinzwe ibijyanye no gusemura (Translation Analyst).

Minisiteri y'Ubucuruzi n'Inganda

Christian Twahirwa yagizwe Umuyobozi ushinzwe Inganda no kwihangira umurimo (Director General of Industry and Entrepreneurship).

Doreen Ntawebasa Hategekimana agirwa Umuyobozi ushinzwe ubucuruzi n'ishoramari (Director General of Trade and Investment).

Moses Twesigye Turatsinze yagizwe Umuyobozi ushinzwe gutegura, gukurikirana na gusuzuma ibikorwa by'iyi Minisiteri (Director General of Planning, Monitoring and Evaluation).

Cassien Karangwa yagizwe Umuyobozi ushinzwe gukurikirana ibijyanye n'uruhererekane rw'ibicuruzwa (Value Chain Sector Analyst)

Fred Mugabe yagizwe Umuyobozi ushinzwe gusesengura ingamba (Industrial Policy Analyst)

Alphonse Kwizera yagizwe Umuyobozi ushinzwe gusesengura gahunda ya Made in Rwanda

Diane Mahoro Umutoni yagizwe Umuyobozi ushinzwe gusesengura ingamba z'ubucuruzi (Trade Policy Analyst)

Pacifique Mugwaneza yagizwe Umuyobozi ushinzwe gusesengura ingamba za koperative (Cooperative Policy Analyst).

Minisiteri y'Uburezi

Rose Baguma Umuyobozi w'Ishami rishinzwe Ingamba (Head of Education Policy Department)

Adia Umulisa yagizwe Umuyobozi w'Ishami rishinzwe gutegura, gukurikirana no gusuzuma ibikorwa by'iyi Minisiteri. (Head of Education Sector Planning, Monitoring and Evaluation Department).

Jimmy Christian Byukusenge yagizwe Umuyobozi ushinzwe imikoranire (Director General of Corporate Services)

Esther Shaban Tuyizere yagizwe Umujyanama wa Minisitiri w'Uburezi.

Jean Baptiste Doxa Niyibizi yagizwe ubushinzwe ibijyanye n'amategeko (Legal Analyst)

Ikigo gishinzwe Amashuri Makuru (HEC)

Dr. Edward Kadozi yagizwe Umuyobozi Mukuru w'Ikigo gishinzwe Amashuri Makuru.
Dr. Flora Mutezigaju wagizwe Umuyobozi Mukuru Wungirije w'Urwego rw'Igihugu rushinzwe Uburezi bw'Ibanze (REB) na Carlene Seconde Umutoni wagizwe Umuyobozi Mukuru Wungirije w'Ikigo cy'Igihugu gishinzwe Ibizamini n'Ubugenzuzi bw'Amashuri (NESA).

Hashyizweho kandi Abahuzabikorwa b'uburezi mu Ntara.Emmanuel Butera ari mu ntara y'Iburasirazuba, Augustin Uwimana akazakorera mu ntara y'Amajyaruguru, Christophe Nsengiyaremye agakorera mu ntara y'Amajyepfo, Eric Niyongabo akazaba umuhuzabikorwa mu Mujyi wa Kigali mu gihe Jean de Dieu Ntaganira ari Umuhuzabikorwa mu ntara y'Iburengerazuba.

Ibitaro byitiriwe Umwami Faisal/King Faisal Hospital byahawe Umuyobozi Mukuru wungirije ushinzwe Ubuvuzi, Dr. Edgar Kalimba.

Abagize Inama y'Ubuyobozi y'Ibitaro byitiriwe Umwami Faisal barimo Dr. Thierry Kalisa wagizwe Perezida, Dr Natalie McCall agirwa, Visi Perezida.

Harimo kandi Israel Bimpe, Dr. Sanctus Musafiri, Dr. Regis Hitimana, Flora Nsinga, Theogene Maniragaba, Jeannette Rwigamba na Natacha Butera.

Mu Rwego rushinzwe kugenzura iyubahirizwa ry'uburinganire n'ubwuzuzanye bw'abagore n'abagabo mu Iterambere ry'Igihugu, Agnes Muhongerwa yagizwe Umugenzuzi Mukuru Wungirije ushinzwe Kurwanya Akarengane n'Ihohoterwa bishingiye ku gitsina.

Mu bindi, Minisitiri w'Ubumwe bw'Abanyarwanda n'Inshingano Mboneragihugu yamenyesheje Inama y'Abaminisitiri ko ku itariki ya 1 Gashyantare 2025, mu Rwanda hazizihizwa Umunsi w'Intwari z'Igihugu ku nshuro ya 31.

Minisitiri w'Ubutegetsi bw'Igihugu yamenyesheje Inama y'Abaminisitiri ko kuva ku itariki ya 10 kugeza ku ya 14 Gashyantare 2025, mu Rwanda hazateranira Inama Mpuzamahanga igamije gusangira ubunararibonye muri gahunda zo gufasha abaturage kwivana mu bukene binyuze mu guhanga imirimo.

Ibi byagarutsweho ku itariki 16 Mutarama 2025 ubwo uwo muryango wasozaga ku mugaragaro umushinga wo guteza imbere ikawa witwa Rwanda Ikawa Nziza Cyane.

Ni umuhango waranzwe n'ubuhamya bw'abagenegerwabikorwa b'umushinga ku byo wabafashije kugeraho, kumurika ikawa ndetse no kuyisogongera. Witabiriwe n'abafite inganda zitunganya ikawa, abakora muri TechnoServe ndetse n'abafatanyabikorwa bayo barimo na Leta y'u Rwanda.

Umushinga Rwanda Ikawa Nziza Cyane wari umaze imyaka ine ukorera mu turere dutandatu ku bufatanye na Leta y'u Rwanda ku nkunga y'Umuryango w'Ubumwe bw'u Burayi (EU) watanze miliyoni 2 z'amayero n'undi muryango witwa JDE Peet's uteza imbere ikawa watanze ibihimbu 500 by'Amayero.

Umunyamabanga wa Leta muri Minisiteri y'Ubuhinzi n'Ubworozi, Dr. Kamana Olivier, yavuze ko TechnoServe yagize uruhare rufatika mu gushyira mu bikorwa icyerekezo cy'igihugu cyo guteza imbere ikawa muri rusange.

Yagize ati 'Uyu mushinga rero waje uje kunganira ibyo Leta y'u Rwanda isanzwe ikora cyane mu kuvugurura ubuhinzi bw'ikawa harimo no kuvugurura ibiti by'ikawa. Muri gahunda ya Leta y'imyaka itanu ihera mu 2024 tuzatera ibiti bigera kuri miliyoni 10. Umushinga Rwanda Ikawa Nziza Cyane wadufashije gutera ibigera kuri miliyoni 1,9 bingana hafi na kimwe cya gatanu cy'ibyo duteganya.'

Dr. Kamana yashimye ikoranabuhanga ryitwa 'Digital Extension Monitoring System (DFEMS)' ryo gukurikirana no guteza imbere igihingwa cy'ikawa uwo mushinga wakoreye abahinzi n'inganda zitunganya ikawa muri rusange.

Yavuze ko iryo koranabuhanga ryahawe Ikigo cy'Igihugu gishinzwe guteza imbere iyoherezwa mu mahanga ry'ibikomoka ku buhinzi n'ubworozi (NAEB) ku buryo rigiye gukoreshwa mu buhinzi bw'ikawa mu Rwanda hose.

Abagenerwabikorwa ba Rwanda Ikawa Nziza Cyane bavuga ko bungukiye cyane mu mushinga nk'uko bisobanurwa na Vuguziga Christine uri mu bashinze uruganda rw'ikawa rwa Ngoma Coffee Washing Station rukorera mu Karere ka Nyamasheke.

Yagize ati 'Uyu mushinga wadufashije kongera ingano y'ikawa twari dufite dutera ibiti bishya ibihumbi 40 kandi byera vuba bikanihanganira ihindagurika ry'ikirere. Dukoresha kandi ikoranabuhanga rya 'application' rifasha ba agronome bacu kumenya ibibazo abahinzi b'ikawa bafite mu buhinzi kandi ibyo bituma umusaruro uba mwiza.'

Hategekimana Manasseh wize ubuhinzi muri IPRC Huye we yavuze ko amahugurwa yahawe na TechnoServe ifatanyije n'umuryango witwa Coffee Quality Institute yamukundishije ikawa none biramutunze.

Yagize ati 'Mbere y'uko mpugurwa numvaga ko ikawa itari igihingwa cyatanga ibyo dukora nk'urubyiruko rusoje kwiga kuko ntitwabihaga agaciro nk'urubyiruko. Nyuma y'amahugurwa nabonye ko ikawa zirimo amahirwe menshi, nkisoza kwiga mpita mbona aho gukora kubera impamyabumenyi nahawe nshoje amahugurwa.'

'Ubu uyu munsi ni njye ushinzwe ubuhinzi (agronome) mu ruganda rutunganya ikawa rwitwa Land of Thousand Hills Coffee Company. Nakangurira urundi rubyiruko kuyoboka ubuhinzi no gutunganya ikawa kuko harimo ibyo gukora byinshi kandi harimo n'amafaranga.'

Umuyobozi wa TechnoServe Rwanda, Sophie Duchanoy yavuze ko uwo mushinga Rwanda Ikawa Nziza Cyane wazamuye agaciro k'ikawa y'u Rwanda no ku rwego mpuzamahanga.

Ati 'Uyu mushinga ku bufatanye na Leta y'u Rwanda wari ugamije kuzamura uruhererekane nyongeragaciro rw'ikawa y'u Rwanda binyuze mu gufasha abahinzi bayo, inganda ziyitunganya n'abatanga serivisi zo kugemura Ikawa Mu mahanga. Ibyo byatumye ikawa y'u Rwanda yongera ubwiza imbere mu gihugu, mu karere no ku rwego mpuzamahanga.'

Amparo Gonzalez Diez uyobora agashami k'iterambere ry'icyaro no kurengera ibidukikije muri EU mu Rwanda, yavuze ko bishimiye kuba abatunganya ikawa baramenye kubikora mu buryo bujyanye n'igihe harimo n'urubyiruko kandi ko uwo muryango uzakomeza gushyigikira ubuhinzi bw'ikawa mu Rwanda.

Umushinga Rwanda Ikawa Nziza Cyane ni umwe mu mishinga 15 y'ubuhinzi umuryango TechnoServe wakoreye mu Rwanda aho yafashije abarenga ibihumbi 80 barimo abahinzi na ba rwiyemezamirimo mu by'ubuhinzi.

Wamaze imyaka ine ukorera mu turere twa Nyamasheke, Rusizi, Karongi, Nyamagabe, Huye na Gisagara.

Wafashije inganda 50 za kawa kunoza ibyo zikora harimo izigera kuri 19 wubakiye uburyo bwo gusukura amazi bamaze gukoresha bayarinda kwangiza ibidukikije.

Izo nganda 50 kandi zigishijwe uburyo bw'ikoranabubanga bwo gukurikirana no guteza imbere uruhererekane nyongeragaciro rw'ikawa hifashishijwe ikoranabuhanga ryiswe 'Digital Farm Extension Monitoring System(DFEMS)' ubu izigera kuri 48 muri zo zikaba zaratangiye kubukoresha.

Umushinga Rwanda Ikawa Nziza Cyane kandi winjije mu mwuga wo gutunganya ikawa urubyiruko rugera kuri 53 kandi ufasha abahinzi b'ikawa barenga ibihumbi 11 kongera ubwiza n'ubwinshi bw'umusaruro wabo.

Umuyobozi wa TechnoServe Rwanda, Sophie Duchanoy yavuze ko uwo mushinga Rwanda Ikawa Nziza Cyane wazamuye agaciro k'ikawa y'u Rwanda no ku rwego mpuzamahanga

Abitabiriye gahunda bafashe umwanya wo gusogongera ikawa

Abatunganya ikawa bagaragaje uburyo bari kunoza umwuga wabo

Amparo Gonzalez Diez uyobora agashami k'iterambere ry'icyaro no kurengera ibidukikije muri EU mu Rwanda, yavuze ko uwo muryango uzakomeza gushyigikira ubuhinzi bw'ikawa mu Rwanda

Hategekimana Manasseh yavuze ko amahugurwa yahawe na TechnoServe ifatanyije n'undi muryango witwa Coffee Quality Institute yamukundishije ikawa none biramutunze

Umunyamabanga wa Leta muri Minisiteri y'Ubuhinzi n'Ubworozi,Dr. Kamana Olivier yavuze ko TechnoServe yagize uruhare rufatika mu cyerekezo cy'Igihugu cyo guteza imbere ikawa

Amafoto: Kwizera Remy Moise

Ambasaderi Nadeska Imara Cuthbert Carlson yakiriwe kuri uyu wa 17 Mutarama 2025 n'Umuyobozi Mukuru ushinzwe Ubukerarugendo muri RDB, Irène Murerwa nk'uko uru rwego rwabitangaje binyuze kuri X.

Ku wa 27 Ugushyingo 2024 ni bwo Perezida Paul Kagame yakiriye impapuro zemerera ba ambasaderi 11 guhagararira ibihugu byabo mu Rwanda, barimo na Nadeska Imara Cuthbert Carlson wari uhagarariye igihugu cye mu Rwanda bwa mbere.

Uretse Amb. Nadeska Imara Cuthbert Carlson, Perezida Kagame yakiriye impapuro za ba ambasaderi barimo nka Sahak Sargsyan wa Armenia ufite icyicaro i Addis Ababa na Amb. Jeanne Crauser wa Luxembourg na bo bari bagiye guhagararira ibihugu byabo mu Rwanda bwa mbere.

Icyo gihe Ambasaderi Nadeska Imara Cuthbert Carlson amaze gushyikiriza impapuro zimwemerera guhagararira igihugu cye mu Rwanda, yagaragaje ko ibihugu byombi bihurira ku kuba ubukungu bwabyo bushingiye ku buhinzi, ubukerarugendo n'ubucukuzi bw'amabuye y'agaciro.

Ati 'Kimwe mu bintu byanshimishije cyane ni isuku nasanganye u Rwanda ndetse ni ikintu nshaka kwiga nkamenya byisumbuye. Ikindi ni uko ibihugu byombi byakoze urugendo rukomeye mu guteza imbere umugore, ihame ry'uburinganire ariko hari byinshi bikeneye gukorwa. Uhereye kuri ibyo hari byinshi twakungurana, ndetse no mu buhinzi, ubukerarugendo n'ubucukuzi bw'amabuye y'agaciro.'

Yagarutse kuri iyo ngingo ijyanye n'uburinganire mu gihe mu mwaka ushize u Rwanda rwanditse amateka yo kuba ku isonga mu bihugu bifite abagore benshi mu Nteko Ishinga Amategeko yarwo bageze kuri 63.75%.

Cuba ni yo igwa mu ntege u Rwanda, aho mu badepite 470 ifite, abagera kuri 262 ari abagore, bangana na 55.7%, igakurikirwa na Nicaragua ifite abadepite 91 abagore bakaba 49 bangana na 53.8%.

Repubulika ya Nicaragua ni cyo gihugu cya mbere kinini muri Amerika yo Hagati n'ubuso bwa kilometero kare 130.373, ikagira abaturage barenga miliyoni esheshatu.

Ihana imbibi mu Majyaruguru na Honduras, mu Majyepfo hakaba Costa Rica, Caraïbes mu Burasirazuba mu gihe mu Burengerazuba hari Inyanja ya Pacifique.

Ubuhinzi ni bumwe mu byo ubukungu bwayo bushingiyeho nk'icyayi, ipamba, ibisheke, ibigori, ibishyimbo, umuceri, ubucuruzi bw'inyama z'inka n'ibindi.

Ni mu gihe mu bukerarugendo, Nicaragua izwiho kugira ibirunga, amashyamba cyimeza, n'abakunda kujya ku mucanga waho na cyane ko ikora ku nyanja.

Ururimi rw'Icyespañol ni rwo rw'igihugu muri Nicaragua, abaho bagakoresha ifaranga rizwi nka 'Nicaraguan córdoba'.

Ambasaderi wa Nicaragua mu Rwanda, Nadeska Imara Cuthbert Carlson (iburyo) yakiriwe n'Umuyobozi Mukuru ushinzwe Ubukerarugendo muri RDB, Irène Murerwa

Ubuyobozi bwa RDB bwakiriye Ambasaderi wa Nicaragua mu Rwanda, Nadeska Imara Cuthbert Carlson

Ibi, bigendana n'uko ubuzima busa nk'ubworoshye ugereranyije na kera cyane ko umuhanzi atagipfa gupfukiranwa iyo afite impano igaragarira buri wese. Aha, turaza gushinga agati ku bahanzi bashya mu muziki wo kuramya no guhimbaza Imana.

Ubu benshi batinyutse umuziki ndetse ubona n'ab'igitsina gore bitinyaga basigaye ari benshi nubwo umubare wabo ugereranyije n'abagabo ukiri hasi. Mu rwego rwo gukomeza guteza umuziki imbere, InyaRwanda yakusanyije urutonde rw'abahanzi bakizamuka mu muziki wo kuramya no guhimbaza Imana umuntu yakwitega mu muri uyu mwaka wa 2025.

1.  Nzungu Pianist

Umucuranzi wa Piano wubatse izina mu muziki wo kuramya no guhimbaza Imana ku bw’ubuhanga bwe mu gucura umudiho w’igisirimba akoresheje Piano, Nzungu Pianist ari mu baramyi bashya bakwiye guhangwa amaso muri uyu mwaka wa 2025.

Kuri ubu, uyu muramyi afite Album nshya yitegura gushyira hanze, iriho indirimbo yakoranye n’abaramyi b’amazina akomeye barimo Israel Mbonyi n’abandi.

“>

2.     David Kega

‘Yarabisohoje,’ niyo ndirimbo yinjije mu muziki David Kega nk’umuhanzi wigenga, nyuma yo kumenyekana cyane muri El Shaddai Choir yamamaye mu ndirimbo zirimo ‘Cikamo’ n’izindi.

Uyu munsi, uyu ari mu baramyi bakomeje kugaragaza ubuhanga budasanzwe haba mu guhanga indirimbo ze bwite no gusubiramo iz’abandi.

Ubwo yaganiraga na InyaRwanda agitangira uru rugendo mu 2023, avuga ku bijyanye n’umwihariko we mu muziki wo kuramya no guhimbaza Imana, David Kega yavuze ko ‘umwihariko nta wundi ni uko nzi neza ko Kristo ahora ari mushya mu kanwa k’abo yahaye kumuvuga.’

“>

3.     Peace Hozy

Nyuma y’igihe kinini afasha abandi bahanzi bakomeye barimo Israel Mbonyi mu miririmbire ubwo babaga bari mu bitaramo, mu ifatwa ry’amashusho y’indirimbo n’ahandi, Peace Hoziyana [Peace Hozy] yafashe umwanzuro wo gutangira urugendo rwe rw’umuziki nk’umuhanzi wigenga mu 2023.

Uyu  mukobwa mu miririmbire ye, yagiye agaragaza ubuhanga bukomeye ku buryo benshi bagiye bamubwira ko afite ubushobozi bwamushoboza kwikorera ku giti cye na we akamenyekana.

ku wa 18 Werurwe 2023, ni bwo Peace Hozy yasohoye indirimbo ye ya mbere ihimbaza Imana yise ‘Uganze,’ ndetse akomeza gufasha imitima ya benshi binyuze mu ndirimbo yakomeje gushyira hanze zirimo Ruhuka,Itabaza na Hozana aheruka.

“>

4.     Merci Pianist

Umwaka ushize, nibwo Rugaruza Merci wamamaye nka Merci Pianist yashyize hanze indirimbo ya mbere iri no kuri Album ye ya mbere ateganya gushyira hanze vuba. Kuva yakwiyemeza gukora nk’umuhanzi ku giti cye, avuga ko inzozi ze mu muziki ari ukubona Imana yongera kwigarurira imitima y’abantu benshi ku bw’icyubahiro cyayo.

Ari mu bahanzi bashya bafite ubuhanga budasanzwe ahanini yagaragaje mu gihe amaze aririmbana na Papi Clever & Dorcas. Ateganya gukora ibidasanzwe cyane ko indirimbo ye ya mbere yise ‘Edeni Nshya’ iri mu zikunzwe mu muziki wo kuramya no guhimbaza Imana.

“>

5.     Emeline Penzi

Umunyempano mu muziki wo kuramya no guhimbaza Imana, Emeline Penzi ari mu bakwiye guhangwa amaso muri uyu mwaka, nyuma yo gutangira gukora umuziki ku giti cye.

“>

6.  Angelique Uwimana

Ni umubyeyi usengera mu Itorero rya ADEPR, ukunzwe cyane mu ndirimbo zihumuriza imitima. Afite indirimbo nshya yise “Afite Stock.”

“>

7.     Bitangaza Mutita

Uyu ni impano nshya yigendera ikwiye guhangwa amaso muri uyu mwaka wa 2025 mu muziki wo kuramya no guhimbaza Imana. Nta ndirimbo nyinshi arashyira hanze, ariko benshi bashimye imiririmbire ye n’ubutumwa buzikubiyemo. Kuri ubu yamaze no gusohora iyo yise ‘Jireh’ iri mu rurimi rw’Icyongereza.

“>

8.     Hyguete & Cynthia

Aba na bo ni abana bakiri bato, bafite impano igaragarira buri wese ku buryo uwavuga impano nshya zikwiye gushyigikirwa mu muziki wo kuramya no guhimbaza Imana adashobora kubarenza imboni

“>

9.     Alicia & Germaine

Ufitimana Alicia na Ufitimana Germaine ni abana b’abakobwa bakiri bato bakwiye guhangwa amaso, binjiye mu muziki wo kuramya no guhimbaza Imana mu mwaka ushize.

“>

10. Giramata

Giramata ni umuramyi mushya utamaze igihe kirekire mu muziki ariko wibitseho impano itangaje. Bugaragarira mu ndirimbo amaze gushyira hanze zirimo ‘Omemma’ aheruka,Uramvura n’izindi. 

“>
 

Vestine ni izina rihabwa umwana w'umukobwa, rifite inkomoko itazwi neza kugeza ubu. Gusa, amateka agaragaza ko umuntu wa mbere waryiswe ari umugore wahowe Imana wo mu gihugu cya Cartage mu 1600.

Abantu bitwa ba Vestine bagira ubuhanga bwihariye bwo kugera ku byo bifuza, ibyo usanga bibaha imbaraga zo kwegukana imyanya y’ubuyobozi kandi bagahora ku mwanya wa mbere mu gihe bayoboye abandi.

Dore bimwe mu biranga ba Vestine:

Ba Vestine bagira imbaraga, ishema n’ubutwari, mu gihe ibyo gukurura abagabo bitaba mu by'ingenzi bitaho. Vestine abona ubuzima bwe nk'ikintu cy'ingenzi cyane, bityo akaba ari bwo ashyira imbere y'ibindi.

Nubwo utuntu duto duto dushobora kumushimisha, ntabwo bihagije kubaka umubano uhamye na Vestine. Bene aba bantu bakeneye umuntu ushobora kubumva, ariko kandi akaba ari umuntu uzi guhangana n'ibyifuzo byabo.

Mu bijyanye n'urukundo n'amaragamutima, Vestine aba atuje cyane. Yirinda ibihe bimubuza ibyiringiro by’ejo hazaza, agakunda gufata umwanya we mbere yo gushinga urugo. 

Arategereza  akazahura n'umuntu bakwiranye ntabwo apfa guhubuka,  bisobanuye ko ashobora gutinda gushaka kubera gutegereza igihe gikwiye.

Kwiyemeza ni ikintu kiremereye cyane kuri Vestine, kandi iyo yinjiye mu bucuti buraramba rwose. Usanga agira isoni, ku buryo bimugora cyane kwegera abandi. Akunda kuba mu Isi isa nk’ifunze, agira inshuti nke ariko z’ingenzi mu buzima bwe.

Mu buzima busanzwe, Vestine ni umuntu wita ku muryango we cyane. Agira umutima ukomeye, kandi akunda gukora cyane, ariko iyo ananiwe cyane biramugora kongera gusubira mu buzima busanzwe ari nayo mpamvu agirwa inama yo gukora bicye mu rwego rwo kwirinda umunaniro ukabije.

Src: Les- prenoms.org

Uyu mukobwa asobanura ko guhuza iki gitaramo n’iriya tariki yashingiye ahanini mu guha agaciro umugore muri rusange, kuko nawe ariho agana.

Yavuze ati “Ndi mu nzira yo kuba umugore! Ndi umwari, ariko uzaba umutegarugori. Bisobanuye ibintu byinshi nk’umwana w’umukobwa mba narabonye ibintu byinshi byiza n’ibikomeye bitabashije kunyorohera.

Rero ni umunsi nzaba ngomba kwereka abakobwa bato kuri njyewe cyangwa se abanduta urugendo rwanjye, ko muri iyo myaka 25 nabashije gukora ibyo nagombaga, kandi uyu munsi bikaba ari byiza.”

Bwiza agiye kumurika iyi Album ya Kabiri '25 Shades' mu gihe yaherukaga gushyira ku isoko Album ya mbere yise 'My Dreams'. Yasobanuye yamweretse uko isoko riteye, ndetse byatumye atinyuka urugendo rw'umuziki nk'umuhanzikazi.

Mu kumurika Album ye ya Kabiri, Bwiza avuga ko azifatanya n'abahanzi barimo The Ben ndetse na Juno Kizigenza. Yavuze ko The Ben ari umuhanzi yakuze akunda, kandi kuba barakoranye indirimbo 'Best Friend' abifata nk'ibidasanzwe kuri we.

Justin washinze Team Production, yafashije Bwiza gutegura iki gitaramo, yavuze ko bashingiye ku bikorwa by’uyu mukobwa. Yavuze ko amaze igihe kinini ategura ibitaramo mu Bubiligi kandi ‘ibyinshi muri byo byagenze neza’.

Justin yavuze ko ibiganiro yagiranye na Uhujimfura Claude usanzwe ari umujyanama wa Bwiza ari byo byagejeje mu kuba baremeje iki gitaramo.Anavuga ko byamusabye kuza mu Rwanda “kugirango nsabe The Ben kuzaza gushyigikira Bwiza muri kiriya gitaramo”.

Umunsi w’Umugore ni umunsi uhabwa insanganyamatsiko zinyuranye bitewe n’igihugu. Mu bihugu bitandukanye ku munsi nk’uyu, hatangwa ikirihuko.

Mu 2024, ubwo uyu munsi wizihizwaga wari ufite insanganyamatsiko igira iti 'Imyaka 30, Umugore mu iterambere''. Kugeza ubu u Rwanda ruri mu bihugu bikoresha abagore benshi mu Nzego zifata ibyemezo aho 30% bari mu Nzego nkuru z'ubuyobozi.

Bwiza yatangaje ko Album ye yayihuje n'Umunsi Mpuzamahanga w'Umugore kubera ko nawe yitegura kuba umugoreBwiza yavuze ko Album ye 'My Dreams' yatumye amenya byinshi ku muziki ndetse yamufashije gukorana n'abahanzi bakomeye

Bwiza yavuze ko muri iki gitaramo cye mu Bubiligi azataramana na The Ben na Juno Kizigenza tariki 8 Werurwe 2025

KANDA HANO UBASHE KUREBA BWIZA ASOBANURA ALBUM YE N'IMPAMVU YAYIHUJE N'UMUNSIMPUZAMAHANGA W'UMUGORE

“>

VIDEO: Marvin Pro