Blog

Kunganya uyu  mukino byasize Rayon Sports ikomeje kuyobora shampiyona n'amanota 43, irusha APR FC ya kabiri amanota abiri.

Uyu mukino wari uwa 105 uhuje aya makipe kuva mu 1995. Muri iyo mikino, APR FC yatsinzemo 44, Rayon Sports itsinda 33, banganya 28. Wari umukino ukomeye cyane kuko aya makipe yombi yari yegeranye mu manota mbere yo guhura.

Mu gice cya mbere, APR FC yatangiye isatira, igira uburyo bukomeye ku munota wa 6, ariko umupira wa Byiringiro Gilbert ushyirwa muri koruneri na Souleymane Daffé. Rayon Sports nayo yagize uburyo bwiza ku munota wa 11, ariko Rukundo Abdul Rahman ateye ishoti rinyura ku ruhande rw'izamu. Mu gice cya kabiri, impinduka zakozwe ntizatanze umusaruro, nubwo Mugisha Gilbert na Aziz Bassane bagize amahirwe yo gutsinda, ariko ntibayabyaza umusaruro.

Umukino warangiye nta kipe ibashije kubona igitego. Rayon Sports yagumanye umwanya wa mbere n'amanota 43, iguma imbere ya APR FC ifite 41.Abakunzi ba Rayon Sports bari baje gushyigikira ikipe yabo bareba ko yakwikura mu nzara za APR FC

Abakunzi ba APR FC nabo bari babukereye baje gushyigikira ikipe yabo bihebeye

MTN MOMO mu Baterankunga bari ku mukino wa APR FC na Rayon Sports

Umunyezamu Ishimwe Pierre yari afite icyizere cyinshi ko aguma kwicaza umunye-Congo Brazaville Pavelh Ndzila

Mbere y’uko umukino utangira abakinnyi ba APR FC bari bafite icyizere cyinshi ko baza gucyura amanota atatu

Abakinnyi babanje mu kibuga ku ruhande rwa Rayon Sports

Abakinnyi babanje mu kibuga ku ruhande rwa APR FC

Byari indyankurye mu kibuga nubwo amakipe yombi yashakishije igitego akakibura

Abakinnyi babiri bakomoka mu Burundi Ndayishimiye Richald wa Rayon Sports na Nshimirimana Ismail wa APR FC ubwo bari bari kugundagurana mu kibuga hagati bashaka intsinzi

Nsabimana Aimable ni myugariro wafashije Rayon Sports guhagarika ba rutahizamu ba APR FC

Myugariro Youssou Diagne nawe akomeje gufasha Rayon Sports mu mikino itandukanye

Cheik Djibril Ouattra wicaye hasi ni umwe mu bakinnyi APR FC yari yitezeho ibisubizo mu mukino wayo na Rayon Sports

Umuzamu Ishimwe Pierre wa APR FC mu bakinnyi bagize umukino mwiza

Byiringiro Gilbert areba uburyo yakinana na bagenzi be 

Nsabimana Aimable wa Rayon Sports agerageza guhagarika Cheik Djbril Ouattra na Ruboneka Jean Bosco ba APR FC

Umuzamu Khadime Ndiaye wa Rayon Sports mu bakinnyi bagize uruhare mu kutinjizwa igitego kwayo

Ndayishimiye Richald na Nsabimana Aimable ubwo basabaga kufura

Lamine Bah na bagenzi be 

Umutoza wa Rayon Sports yari yaje yambaye ikoti ryiza

Umutoza wa APR FC Darko Novic

Eric Semuhungu mu byamamare byari byitabiriye umukino wahuje APR FC na Rayon Sports

AMAFOTO: Emile Maurice

Kuva mu mpera z'icyumweru gishize, nta kindi kiri kuvugwa uretse itabwa muri yombi rya Prince Kid w'imyaka 38 wafatiwe muri Amerika nyuma yo gutoroka ubutabera mu myaka 2 ishize.

Prince Kid yatumye benshi bibaza umuntu ushyirirwaho impapuro zo gutabwa muri yombi ndetse hibazwa n'uzishyiraho kugira ngo uwakoze icyaha akurikiranwe aho agiye hose mpaka aguweho agafungwa.

Ubusanzwe mu buryo bwemewe n'amategeko, abantu bashobora gushyirirwaho impapuro zibata muri yombi ni;

1.    Abashinjwa ibyaha bikomeye: Abo ni nk'abakekwaho ibyaha by’iterabwoba, ibyaha by’intambara, ibyaha byibasira inyokomuntu, jenoside, n’ibindi byaha ndengamipaka.

2.    Abashinjwa ibyaha bihungabanya ubukungu n'umutekano: Abo ni nk'abakekwaho ubujura bukomeye, ruswa mpuzamahanga, ubwambuzi bushukana, n’ibindi byaha bikomeye byo mu rwego rw'amafaranga n’ubukungu.

3.    Abo igihugu kimwe gisabye ko bafatwa: Iyo umuntu akurikiranweho icyaha mu gihugu runaka, ariko akihisha mu kindi gihugu, ashobora gushyirirwaho impapuro mpuzamahanga zo kumuta muri yombi.

4.    Abatorotse ubutabera: Iyo umuntu yakatiwe n'urukiko ariko agatoroka, igihugu cye cyangwa imiryango mpuzamahanga ishobora gusaba ko afatwa.

Iyo igihugu cyashyizeho impapuro zo guta umuntu muri yombi, ikindi gihugu gishobora kumufata kikamuburanisha cyangwa se kikamwohereza muri icyo gihugu yakoreyemo ibyaha hanyuma akaburanishwa cyangwa se agahanwa.

Si iyo nzira gusa ahubwo hashobora kwifashishwa Interpol mu gukurikirana uwakoze ibyaha aho Ishyiraho ‘Red Notice’ igakoreshwa mu gushakisha no gufata abakekwaho ibyaha bikomeye.

Interpol (International Criminal Police Organization) isohora impapuro mpuzamahanga (Notice) zitandukanye zombi zigamije kurwanya ibyaha byambukiranya imipaka. Izo mpapuro ni;

Red Notice: Uru rwandiko rukenerwa cyane mu gufata no kohereza abakekwaho ibyaha.

Blue Notice: Ifasha mu gukusanya amakuru ku bakekwaho ibyaha.

Yellow Notice: Ifasha mu gushakisha abantu baburiwe irengero.

Black Notice: Igenewe ibirangamuntu by'abatabashije kumenyekana.

Green Notice: Ibuza abantu bafite imyitwarire y'icyaha kwinjira mu bihugu bimwe.

Orange Notice: Itanga impuruza ku bintu cyangwa ibikorwa bishobora kugira ingaruka mbi.

Purple Notice: Igaragaza uburyo n'ibikoresho bikoreshwa mu byaha.

Interpol-United Nations Security Council Special Notice: Itanga amakuru ku bantu cyangwa ibigo bihanishijwe ibihano na ONU.

Mu mategeko y'u Rwanda byumwihariko mu itegeko rigenga Police y'u Rwanda, rigaragaza inshingano za Polisi y’u Rwanda, zirimo gukumira no kurwanya ibyaha, no gukorana n’izindi nzego z’umutekano mu gihugu no mu mahanga nk'uko bikubiye mu ngingo ya gatanu y'itegeko N° 026/2023 ryo ku wa 17/05/2023 rigenga Polisi y’u Rwanda.

Ibi bihita biha uburenganzira police bwo gukorana na Interpol mu gufata no gukurikirana abakoze ibyaha byambukiranya imipaka.

Inkiko n'ubushinjacyaha bukuru bifite uburenganzira n'ububasha bwo gukorana na Interpol mu rwego rwo gushyira mu bikorwa izo mpapuro mpuzamahanga, cyane cyane binyuze mu gutanga Red Notices, zigamije gufata abakekwaho ibyaha bahungiye mu bindi bihugu.

Kuwa Mbere, Chryso Ndasingwa yashyize hanze indirimbo nshya yakoranye na Gatete Sharon akaba ari indirimbo ya mbere mu ndirimbo zo gushimisha Imana.

Nyuma yo gushyira hanze iyi ndirimbo, Chryso Ndasingwa yabwiye InyaRwanda.com ko iyi ndirimbo ari iyibutsa ko Yesu ari uwera kandi ko nta handi abantu bakura agakiza uretse mu kwizera Yesu Kirisito gusa.

Ati 'Ni indirimbo ihimbaza Imana ariko yibutsa ko Yesu ari uwera kandi aduhamagara kubaho mu kwezwa. Yerekana ko nta wundi twakuraho agakiza uretse we kandi mu kwezwa kwe, niho tugira amahoro no guhura n'imbaraga z'Imana.'

Agaruka kuri Sharon Gatete bakoranye iyi ndirimbo, yavuze ko uyu mukobwa ufite impano idashidikanwaho ari umukobwa ukunda Imana kandi afite ijwi ryiza kandi bose bakaba bahuje intego yo kubwiriza ubutumwa bwiza bw'Imana binyuze mu kuririmba.

Yagize ati 'Sharon ni umuramyi mwiza ufite ijwi ryiza kandi akunda Imana. Twarahuye nyuma twumva ko dufite intego zimwe zo guteza imbere ubutumwa bw'Imana binyuze mu muziki. Umuziki we ni mwiza kandi atanga ibyiringiro ndetse akaba ashishikajwe no gukorera Imana.'

Uretse kuba yakoranye indirimbo n'umwe mu baramyi b'abahanga mu muziki, Chryso Ndasingwa yagarutse ku gitaramo 'Easter Experience' ari kwitegura gukorera muri BK Arena ku munsi wa pasika, yavuze ko kizarangwa no kuramya no guhimbaza Imana mu buryo bwa nyabwo.

Ati 'Igihe kirageze! Hari ibikomeye nateganyirije abakunzi b'umuziki wange. Icy'ingenzi ni uko bizaba ari ibihe bikomeye byo kuramya no guhimbaza Imana.'

Yavuze ko hari byinshi ateganyiriza abazitabira igitaramo cye ariko 'Hari byinshi ntari bwerureho ariko nizeye ko bizatungura benshi kandi bikaba umugisha kuri bose.'

Chryso Ndasingwa ni umuhanzi wa kabiri mu baririmba indirimbo zo kuramya no guhimbaza Imana wabashije kuzuza BK Arena abantu hirya no hino bakabura ayo bacira n'ayo bamira dore ko hari abahanzi benshi bagerageje BK Arena ariko bikanga.

Kuri ubu Chryso Ndasingwa ari mu myiteguro y’igitaramo cya Pasika yise Easter Experience kizaba tariki 20 Mata 2025. Mu bo azataramana nabo harimo Papi Clever na Dorcas, True  Promises ndetse na Arsene Tuyi.

Ni igitaramo kizabera muri Intare Arena i Rusororo ndetse amatike yamaze kugera hanze. Kwinjira ni ukugura itike ya 10, 000 Frw, 20,000 Frw, 30,000Frw ndetse na 50,000 Frw. Amatike aboneka kuri *797*30# no kuri www.ishema.rw.

Chryso Ndasingwa yashyize hanze indirimbo ‘Mwuka wera’ yakoranye na Sharon Gatete

Sharon Gatete ni umwe mu bahanzikazi beza mu muziki wo kuramya no guhimbaza Imana bigaragara ko mu minsi iri imbere araba ari ku ruhembe rw’umuziki wo kuramya no guhimbaza Imana

Sharon Gatete ni umuramyi w’umuhanga cyane 

Chryso Ndasingwa ashyize hanze iyi ndirimbo mu gihe ari mu myiteguro y’igitaramo ‘Easter Experience’

Chryso Ndasingwa aritegura gukora igitaramo gikomeye 

Reba indirimbo ‘Mwuka wera’ Chryso Ndasingwa yakoranye na Gatete Sharon

“>

Byabaye mu rukerera rwo kuri uyu wa Kabiri, mu Karere ka Kicukiro, Umurenge wa Kigarama mu Mudugudu wa Mburabuturo mu Kagari k'Amajyambere.

Uyu Siborurema yari amaze iminsi ibiri avuye i Iwawa kugororwa nabwo kubera ibikorwa by'ubujura.

Mu masaha Saa Munani z'ijoro nibwo yagiye kwiba mu rugo rw'umusore uba wenyine, yica urugi arinjira atwara ikofi irimo amafaranga n'ibyangombwa, smartphone ebyiri, mudasobwa imwe, inkweto, ipantalo n'ishati.

Nyiri urwo rugo abonye hari umuntu winjiye mu nzu ye, yahise atabaza irondo naryo rihamagara Polisi.

Umuvugizi wa Polisi y'u Rwanda, ACP Boniface Rutikanga, yavuze ko ubwo aba bashinzwe umutekano babonaga Siborurema, yirukanse agana mu gishanga.

Ati 'Abanyerondo batabaje Abapolisi bo kuri Station ya Kigarama, bifatanya n'irondo mu kumukurikira bageze ku gishanga ashyira hasi ibyo yari yibye afata umupanga ajya gutema umwe mu bagize irondo, Umupolisi ahita amurasa, arapfa.'

Amakuru IGIHE yamenye yanemejwe n'Umuvugizi wa Polisi, ni uko atari ubwa mbere uyu mugabo agaragaye mu bikorwa by'ubujura. Abamuzi bavuze ko kuva mu 2016, nta mezi yashiraga adafashwe yibye.

Nko kuva muri Gicurasi 2017 kugera muri Werurwe 2018, yamaze amezi icyenda afunzwe kubera ubujura.

Mu 2018 nabwo yarafashwe afungwa by'igihe gito, ahita ajyanwa kugororerwa i Iwawa ahamara umwaka. Akivayo, yongeye gufatirwa mu bikorwa by'ubujura, afungirwa i Mageragere aho yamaze imyaka ibiri, hagati ya Kamena 2020 na Kamena 2022.

Akiva muri Gereza, nabwo yongeye gufatirwa mu bikorwa by'ubujura, ajyanwa i Iwawa.

Umuvugizi wa Polisi yongeyeho ko uyu Siborurema yari umwe mu batashye ku wa 7 Werurwe 2025 avuye kugororerwa mu kigo cya i Iwawa kubera ubujura no gukoresha ibiyobyabwenge.

ACP Rutikanga yahaye ubutumwa abajya kugorororerwa i Iwawa, ko bakwiriye gukoresha ayo mahirwe n'ubumenyi bahabwa, mu bibafitiye akamaro aho kwishora mu bikorwa bidakwiriye.

Ati 'Kugorororerwa i Iwawa ni igihe cyo guhabwa ubumenyi bubafasha guhindura imico mibi ariko bikabaha n'ububasha bwo kuba muri sosiyete bakora ibikorwa biyifitiye akamaro nabo bibafitiye akamaro. Abongera kwijandika mu bikorwa by'ubujura n'ubundi bugizi bwa nabi, ntabwo bazigera bihanganirwa.'

Ibyo uyu mugabo yari yibye, birimo mudasobwa, smartphone ebyiri, inkweto n'imyenda, byafashwe kugira ngo bizashyikirizwe nyirabyo.

Ubujura Siborurema yabukoreye mu Karere ka Kicukiro mu Murenge wa Kigarama

Minisitiri w'Ubumwe bw'Abanyarwanda n'Inshingano Mboneragihu, Dr. Bizimana Jean Damascène, aherutse kubigarukaho ubwo yari mu Karere ka Gisagara, mu biganiro byagenewe urubyiruko byiswe 'Rubyiruko menya amateka yawe', byabaye mu rwego rwo kwitegura Kwibuka ku nshuro ya 31 Jenoside yakorewe Abatutsi mu 1994.

Ubwo yaganirizaga urubyiruko rusaga 1000 rwo mu turere dutandatu two mu Ntara y'Amajyepfo ku mateka y'u Rwanda, by'umwihariko aya Jenoside, Minisitiri Dr. Bizimana, yababwiye ko abagororwa bakatiwe kubera Jenoside bitegura gufungurwa, bagiye gutangira kwigishwa byihariye mbere yo gufungurwa, aho bizajya bitangira mu gihe basigaje amezi atatu ngo batahe.

Yavuze ko n'ubusanzwe abantu bari mu igororero basanzwe bahabwa ibiganiro, inyigisho zitandukanye n'amahugurwa atandukanye nko kwigishwa gusoma, urubyiruko rutize rujyanwa mu ishuri n'ibindi.

Nyuma y'izo nyigigisho zitandukanye, MINUBUMWE yatekereje n'izo nyigisho ku bitegura kurangiza ibyo bihano bikomeye, kugira ngo bitegure kugaruka mu muryango nyarwanda bameze neza.

Minisitiri Dr. Bizimana ati 'Twaje gusanga rero hari abakoze ibyaha bya Jenoside, ubu abasigaye mu igororero ni abahawe ibihano bikomeye kuko hari abakatiwe hejuru y' imyaka 25 n'abakatiwe gufungwa burundu. Abo bantu harimo ba ruharwa batigeze bemera n'uruhare rwabo muri Jenoside, baticuza, badasaba imbabazi, bagitsimbaraye.'

Icyakora yavuze ko hari benshi bagororotse, bateye intambwe ifatika ariko bakeneye kumenya aho igihugu kigeze ngo bashobore kubana n'abandi neza.

Yagaragaje ko ari yo mpamvu bateguye iyo gahunda ngo abo bantu bategurwe by'umwihariko kuko muri bo harimo abadaheruka kubonana n'imiryango yabo, abagore babo, abagabo babo n'abana babo, ndetse bakazabahuzwa n'imiryango y'abo biciye.

Dr. Bizimana, yavuze ko mbere byateraga ibibazo, aho hari abiciwe mu gihe babonaga umuntu wakatiwe imyaka 20 cyangwa 30 afunguwe, ugasanga aje abo yakoreye icyaha batarigeze bitegura ngo bige kwakira umuntu wakatiwe, banitegure kubana na we.

Minisitiri w’Ubumwe bw’Abanyarwanda n'Inshingano Mboneragihu, Dr Bizimana Jean Damascène yavuze ko abarangije ibihano bya Jenoside bazajya babanza kubonana n’abo bahemukiye n’abo mu miryango babo

Abaganiriye na IGIHE ku wa 09 Werurwe 2024, ubwo bari mu gikorwa cyo kumurika ibyo bakora ubwo muri ako karere hizihirizwaga Umunsi Mpuzamahanga w'Umugore, bavuze ko hamwe ari bo binjiza agatubutse mu miryango yabo binyuze mu bikorwa by'ubukungu bakora.

Uwamahoro Henriette, amaze imyaka itanu ayobora Sosiyete Nyarwanda y'ubucukuzi bw'amabuye yitwa Ruli Mining Trade ishami rya Ngororero, icukura mu Mirenge ya Gatumba na Muhororo.

Yavuze ko na mbere yo kuba umuyobozi mu by'ubucukuzi yabanje kubukora kandi ko bumaze kumuteza intambwe ifatika mu iterambere rye n'umuryango we kandi atewe ishema n'umwuga we.

Ati 'Ni ikintu cyo kwishimirwa cyane kuko mu gihe cyashize mu bucukuzi harimo abagore bake cyane. Ariko uyu munsi turimo turi benshi kuko nko muri Ruli Mining Trade harimo abagore bagera kuri 200 mu bakozi 450 ifite. Ni intambwe ikomeye cyane mu bucukuzi bw'amabuye y'agaciro.'

Uwamahoro yongeyeho ko we n'abandi bagore bagenzi be bakora ubucukuzi bumaze kuzamura imiryango yabo ku buryo bufatika.

Ati 'Abagore dukorana mu bucukuzi tumaze kugera kuri byinshi kuko nkanjye narubatse, ngura imodoka kandi n'abana biga neza kandi mu rugo tubayeho neza. Aka kazi ntabwo ari ak'abagabo gusa n'abagore baragashoboye kuko imbaraga gasaba na twe turazifite kuko na nge nabanje gucukura ndabizi.'

Bugenimana Marie Chantal ubarizwa muri koperative ihinga ibitoki bya kijyambere by'imineke mu Murenge wa Matyazo yavuze ko mu myaka itanu we na bagenzi be bamaze bahinga badashobora kubura ibitunga urugo.

Ati 'Ibitoki tweza kimwe gipima ibilo ijana. Sinjya mbura mituweli kuko igitoki kimwe kinyishyurira mituweli y'abantu bane kandi mbona n'ibyo kurya nkasagurira n'isoko. Umugabo wanjye na we ibyo akora turafatanya tukuzuzanya ku buryo iterambere ry'urugo twembi tuba turifitemo uruhare.'

Ntirenganya Germaine ari mu bagize koperative yorora amafi yo mu bwoko bwa tilapia ikanahinga imboga n'imbuto mu Murenge wa Muhororo mu Kagari ka Kazabe.

Avuga ko muri koperative yabo abagore ari bo biganje kandi ko amafi bayakesha imibereho myiza y'urugo.

Ati 'Turi abanyamuryango 36 harimo abagabo 12 n'abagore 26 aho tworora amafi mu byuzi 12. Maze imyaka itatu nje muri koperative kandi nayijemo nta kintu mfite rwose. Ubu mbasha kwishyura Mituweli kandi buri munyamuryango afite ingurube ye bwite. N'abana bacu babona amafi yo kurya kandi n'abaturanyi bakabasha kuyagura hafi.'

Ntirenganya yongeyeho ko kuri ubu amafi batangiye korora yo mu bwoko bwa tilapia yororoka ku kigero cyiza ku buryo babona bakeneye isoko ryagutse ryo kugurisha umusaruro wabo.

Ububoshyi ni umwe mu myuga abagore mu Ngororero bayobotse ku bwinshi

Uwamahoro Henriette amaze imyaka itanu ayobora sosiyete y'ubucukuzi yitwa Ruli Mining Trade ishami rya Ngororero avuga ko byamufashije kugura imodoka

Ntirenganya Germaine yavuze ko amafi batangiye korora yo mu bwoko bwa tilapia yororoka ku kigero cyiza ku buryo babona bakeneye isoko ryagutse ryo kugurisha umusaruro wabo

Ibitoki by’imineke abo bagore bahinga bavuga ko kimwe muri byo gipima ibilo 100

Soiyete ya Ruli Mining Trade, Uwamahoro Henriette ayobora icukura amabuye y’ubwoko butandukanye

Aba batezwa imbere no kuboha no gucuruza ibikapu

Amafi yo mu bwoko bwa tilapia abagore bo mu Murenge wa Muhororo borora bavuga ko atanga umusaruro mwiza

Bugenimana Marie Chantal ubarizwa muri koperative ihinga ibitoki bya kijyambere by'imineke mu Murenge wa Matyazo, yavuze ko amafaranga akuramo yunganira imibereho y’urugo

Abagore mu Ngororero bakora imyuga itandukanye ibateza imbere

Isimbi Shemsa ni umugore ufite umwana umwe. Atuye mu Karere ka Gatsibo mu Murenge wa Kiramuruzi ari na ho akorera ubworozi bwe bw'inkwavu z'inyama.

Uyu mubyeyi w'imyaka 31, amaze umwaka umwe atangiye Korora inkwavu kandi ngo yatangiye kuzigurisha ku bashaka inyama n'abakeneye izororwa.

Isimbi yabwiye IGIHE ko arangije kwiga amasomo y'icyiciro cya gatatu cya kaminuza mu byerekeye Logistics Engineering yakuye mu Bushinwa yahise yiyumvamo kwikorera, atangira umushinga wo korora inkwavu ahereye ku nkwavu icyenda.

Ati 'Natangiranye inkwavu icyenda ndi kuzigerageza ngo ndebe ko nakorora inkwavu z'inyama ngerageza no kumenya uko zirwara n'uko zororoka, ubu ngeze mu nkwavu 300 zavutse kuri izo, buri rukwavu rwanjye kubera ukuntu ndugaburira ruba rufite ibiro guhera kuri bitanu kugeza kuri birindwi.''

Isimbi avuga ko ubworozi bw'inkwavu z'inyama ari umushinga mwiza umuntu yakora ukamutunga kuko abantu benshi bakunda korora amatungo magufi abandi bagakunda kurya urukwavu kubera inyama yarwo iryoha.

Inyama z'urukwavu agurisha ku kilo azitangira 4000 Frw mu gihe icyororo agitangira hagati ya 15000 Frw na 20000 Frw.

Ati 'Abakiliya ndababona cyane, nubwo nkikeneye kwagura ibi bikorwa kugira ngo ngire inkwavu nyinshi cyane.''

Isimbi avuga ko nubwo yatangiye umwaka ushize afite inkwavu icyenda z'ishashi, ubu yoroye amashashi y'inkwavu 45 ari na yo avaho izindi nyinshi agenda abona kandi akanagurisha.

Urukwavu rumwe mu mashayi ye ruba rushobora kubyara inshuro eshanu mu mwaka.

Yabuze umuganga w'inkwavu

Isimbi avuga ko kubura ibiryo by'inkwavu birimo ibikorwa n'inganda ndetse n'ibyatsi bikiri imbogamizi mu kwagura umushinga we, hakiyongeraho kubura abavuzi b'amatungo bazobereye mu kuvura inkwavu bituma izirwaye birangira zipfuye.

Ati 'Inkwavu ni ubworozi bushya ku buryo kubona abantu bazi kuzivura neza bikigoye, gusa turi kugerageza ntabwo zikirwara ngo zipfe nka kera, indi mbogamizi ni uko kubona ibiryo byazo bikigoyemo ukuntu ariko gahoro gahoro bigenda bikemuka.''

Isimbi asaba urubyiruko kwishakamo ibisubizo bakikuramo imyumvire y'uko akazi keza ari ako mu biro, kuko kwikorera bitanga amahoro n'amafaranga menshi mu gihe watinyutse ukabikora.

Ati 'Abakobwa nibatinyuke biyumvemo ko bashoboye ntabwo akazi keza ari ugukorera Leta gusa cyangwa gukorera abandi, wakwikorera muri duke kandi ugatera imbere, turi mu gihugu gitanga amahirwe mu bintu byose wakora, rero ndabifuriza ko batinyuka bagakora ibintu bibarimo kandi bagakora bagamije kunguka.''

Kugeza ubu Isimbi afite abakozi batatu bahoraho n'abandi benshi aha ibiraka byo gushaka ibyo inkwavu ze zirya.

Isimbi yarangije kwiga mu Bushinwa ahita atangira ubworozi bw’inkwavu

Yoroye inkwavu zirenga 300 yaratangiriye ku icyenda mu mwaka ushize

Kimwe mu bibangamiye akazi ke ni ukubura abaganga b’inkwavu