Blog

Ibi yabitangarije mu kiganiro cyabaye ku wa Kabiri kuri SiriusXM's 'The Howard Stern Show', nyuma y’uko asabwe gusobanura byinshi ku ndirimbo ye nshya 'Perfect Celebrity' yumvikanamo amagambo yateye benshi urujijo.

Uyu muhanzikazi yagize ati: “Mu gihe nari ndi kwandika iyo ndirimbo, numvaga harimo njye nyakuri n’undi njye utandukanye. Ni imwe mu ndirimbo nandikanye uburakari bwinshi.”

Lady Gaga w'imyaka 38, wamenyekanye cyane mu ndirimbo nka 'Poker Face', yavuze ko mu ndirimbo ye nshya yari yirakaririye we ubwe kuko ari we wiyemeje kwinjira muri uyu mwuga.

Ati: “Iyi ndirimbo yumvikanisha uburyo ndwanya njye ubwanjye.”

Ubwo yabazwaga ikintu giteye ubwoba cyane mu kumenyekana, Gaga yatangaje ko umuntu iyo amenyekanye atongera kwimenya.

Ati: “Ubundi kumenyekana byampaga ibyishimo, ariko byaje kunaniza umutima wanjye no gutuma mbona ko ibyo abantu bantekerezaho ari byo bifite agaciro kurusha uwo ndi we mu buzima bwa buri munsi.“ 

Ubusanzwe, Lady Gaga, amazina ye nyayo ni Stefani Joanne Angelina Germanotta. Yasobanuye ko ibyo byose byamuteye gufata umwanya wo gutekereza neza ku buzima bwe.

Ati: “Ndumva ari byiza kubaho ubuzima bwanjye no mu gihe butakiri ubwanjye gusa. Nishimira gufasha abo nkunda no gushyigikira abandi.”

Mu ndirimbo 'Perfect Celebrity', Gaga yigereranya n’igikinisho cy’abantu, kigomba gusa kubashimisha no gukundwa n'abandi.

Si ubwa mbere Lady Gaga agaragaje ukuntu kumenyekana byamugoye. Mu 2019, yanditse kuri Twitter agira ati: “Kumenyekana ni gereza.”

Mu 2017, nyuma yo gusohora filime mbarankuru ye yatambutse kuri Netflix 'Gaga: Five Feet Two', yahishuye ko kumenyekana bitameze nk'uko abantu babitekereza.

Ati: “Birababaza, biranigana, kandi ni ibintu bigoye cyane mu buryo bw’imitekerereze kuko uko abantu bagufata birahinduka.”

Yakomeje agira ati: “Gusa nishimira cyane impande nziza z'icyamamare, kuko byatumye nshobora gukundwa n'isi yose, bigaha ijwi abafana banjye kugira ngo bakomeze gukangurira abantu kwigirira icyizere no kugira uburinganire.”

Lady Gaga yongeye kumvikanisha uburyo yagowe no kumenyekana mu ndirimbo ye nshya

“>Kanda hano urebe indirimbo nshya Lady Gaga yise ‘Perfect Celebrity’

“>

Ku wa 04 Werurwe 2025, nibwo inzego z'ibanze zo mu Mudugudu wa Rwesero, Akagari ka Rwesero n'urwego rwa Polisi, rwandikiye urwandiko Moreen ko bakiriye ikibazo cye afitanye na Dany Nanone cyo kudatanga indezo nk'uko bikwiye.

Nyuma y'igihe gito bamwandikiye uru rwandiko, Busandi Moreen yateruye ibikoresho bya Dany Nanone amushinja ko yaje kumwaka indezo hanyuma akamuta mu rugo akigendera nyuma y'aho akanga gufata telephone.

Inzego z'ibanze nizo zakomakomye kugira ngo uyu mugore adasiga yejeje urugo rw'umugabo we ahubwo bamusaba kwitabaza MAJE ngo ikibazo cye gikemurwe.

Mu kiganiro umuvugizi wa RIB yagiranye na Chita Magic, Dr Murangira Thierry yanenze abantu batatu muri iki kibazo ariko abasaba kwicara nk'abantu bakuru bakumvikana ikibazo cyabo kigakemuka batihaye rubanda cyangwa ngo basubire mu manza.

Uwa mbere Dr Murangira Thierry anenga ni umunyamakuru wagiyeyo gukora ikiganiro atasabye uburenganzira nyiri urugo ndetse akarengera mu byo agaragaza kuri camera ze ndetse n'imvugo zakurikiraga ayo mashusho.

Umuvugizi wa RIB avuga ko urebye neza, haboneka ibyaha muri icyo kiganiro cyane ko na Dany Nanone avugana n'umunyamakuru akamwibutsa ko ibyo ari gukora bigize icyaha undi agaseka.

Uwa kabiri umuvugizi wa RIB anenga, ni Moreen Busandi waje kumena amabanga y'urugo rwe ku mbuga nkoranyambaga ndetse no kuzana abana be mu bikorwa by'amarangamutima ye harimo nk'ibyo gufuha n'ibindi.

Dr Murangira Thierry amusaba kudashora abana mu bibazo nk'ibi kugira ngo abana batazakurana ipfunwe ry'ibibazo n'amakimbirane y'ababyeyi babo.

Uwa gatatu wo kunengwa, ni Dany Nanone waba uri kwihunza inshingano ze nk'umubyeyi kandi urukiko rwaramutegetse kuzuzuza dore ko ajyanywe no mu nkiko byaba ari ikibazo kuri we.

Ati 'Umuhanzi (Dany Nanone) afite icyo yakurikiranwaho kijyanye n'ibyo urukiko rwamutegetse. Ibyo ntaho wabikwepera, nk'umugabo nahagarare.'

Busandi Moreen asabwa kutitwaza abana mu rwego rwo kuvogera urugo rw'abandi kandi ko kuba ufite umwana bitaguha uburenganzira bwo gukora ibyaha.

Mu cyemezo cy'Urukiko rw'Ibanze rwa Kicukiro mu rubanza rwapfundikiwe ku wa 21 Nyakanga 2023, Danny Nanone yategetswe gutanga indezo ya 100,000 Frw buri kwezi.

Iki cyemezo cyaje nyuma y'uko Busandi Moreen amujyanye mu nkiko amushinja ko babyaranye umwana ariko akanga gutanga indezo no kumwiyandikishaho umwana.

Mu mwaka wa 2024, Danny Nanone yongeye kujyanwa mu nkiko hanyuma aratsindwa ategekwa kwandikisha abana be bose no kujya atanga indezo y'angana n’ 180,000 Frw. 

Umuvugizi wa RIB yasabye abantu kwitondera ibijya ku mbuga nkoranyambaga no kwitabaza ubutabera aho kwitabaza imbuga nkoranyambaga

Dany Nanone ashinjwa n’umugore we kudatanga indezo nubwo ntacyo Dany Nanone arabivugaho

Busandi Moreen yasabwe kwirinda kugira abana urwitwazo no kuzana abana mu bibazo bye n’uwo babyaranye, yibutswa kubarinda

Ibi bihembo bihataniwe mu byiciro birimo icy’ubuhinzi (Agriculture), kurengera ibidukikije (Conservation &Sustainability), uburezi (Education), guhanga imirimo (Entrepreneuship), guharanira uburenganzira bwa muntu (Advocate For Equality),

Ubuzima (Health& Wellnes), Ubukerarugendo (Hospitality and Tourism), itangazamakuru (Media Maven), ‘Innovative Scientist’, ‘Social Impact’, ‘Majestic Sportswoman’ ndetse na ‘Trailblazer in Tech’.

Mu cyiciro cy’abanyamakuru (Media Maven) abahataniye ibihembo barimo Michele Iradukunda wa RBA, Aissa Diana M. Cyiza wa Royal Fm ndetse na Scovia Mutesi wa Mama Urwagasabo.

Ni mu gihe Capt. Esther Mbabazi wa RwandAir ahataniye igihembo mu cyiciro cya ‘Innovative Scientist’, aho ahatanye n’abarimo Dr. Bernadette Arakwiye, ndetse na Dr. Marie Chantal Cyulinyana. Capt cyangwa se Komanda Mbabazi, ni umubyeyi w'imyaka 34, aho aheruka guca, ashyirwa muri 'Capatain's Club', icyiciro kigize ihuriro ry'abagore batwara indege ku Isi. 

Maria Solange Nishimwe uzwi nka Soso Solange ku rubuga rwa Twitter, we ahataniye igikombe mu cyiciro cya ‘Hospitality&Tourism), aho ahatanye na Uwimana Judith uyobora Safaris Ltd.

Patience Iribagiza witabiriye Miss Rwanda 2021, ahataniye igihembo mu cyiciro cya ‘Advocate For Equality’- Uyu mukobwa niwe washinze umuryango Afroark ukorera ibikorwa binyuranye. Ahatanye na Annette Mukiga ndetse na Delphine Uwamahoro.

Ibihembo bya 'Women in Leadership Summit & Awards (WILS)' ni igikorwa ngarukamwaka kigamije guteza imbere no guha imbaraga abagore mu nzego z'ubuyobozi.

Binyuze mu mahugurwa, ibiganiro hagati y’abakuru n’abato, ndetse na porogaramu z'ubujyanama, WILS itanga urubuga rwo kuganira, guhanga udushya, no guhindura imitekerereze mu buryo burambye.

Byaherukaga kubera i Kigali, ku wa 14-15 Werurwe 2025, aho byahujwe n'inama n’ibihembo byabereye muri Kigali Convention Center, ari nabwo bwa mbere byari bibereye mu Rwanda. Ibi byari mu rwego rwo kwizihiza uruhare rw’umugore mu iterambere ry’igihugu.

Abagore b’indashyikirwa mu nzego zitandukanye barimo umubyinnyi mpuzamahanga Sherrie Silver, umuhanzikazi w'indirimbo zo kuramya no guhimbaza Imana Aline Gahongayire, ndetse na Kalimpinya Queen uzwi cyane mu isiganwa ry'imodoka, bari mu bahataniraga ibi bihembo. Abahatanye bashyizwe mu byiciro 16, birimo ikoranabuhanga, ubukungu, n’ibindi.

Iri huriro ryatanze umwanya ku bagore bo mu nzego zose kugira ngo baganire ku mbogamizi n’amahirwe yo mu buyobozi, bagamije gushimangira uruhare rwabo mu iterambere ry’Afurika.

Ibi bihembo byashimangiye akamaro ko guha abagore umwanya mu nzego zifata ibyemezo, bigaragaza ko ari ingenzi mu iterambere rirambye ry’igihugu.

Ibihembo Women in Leadership Summit & Awards (WILS) bigamije: Gushimangira uruhare rw'abagore mu buyobozi — Bitanga icyubahiro n'ibihembo ku bagore b'indashyikirwa mu nzego zitandukanye.

Gushyigikira iterambere ry'abagore — Binyuze mu mahugurwa, ibiganiro, n'ubujyanama, bifasha abagore gukura mu nzego z'ubuyobozi no guhanga udushya.

Kubaka ihuriro ry'abagore bayobora — Bitanga umwanya wo guhura, gusangira ubumenyi, no gukomeza ubufatanye mu rwego mpuzamahanga.

Gukuraho inzitizi abagore bahura nazo mu buyobozi — Baganira ku mbogamizi zibabangamira no gushaka ibisubizo birambye.

Gushyigikira uburinganire n'iterambere ry'abagore — Bifasha guhindura imyumvire no guharanira amahirwe angana hagati y'abagabo n'abagore mu buyobozi n'ubucuruzi. Ni urubuga rukomeye rufasha abagore kugira ijambo mu iterambere ry'igihugu n'iry'isi muri rusange.

Alyn Sano ahataniye igihembo ku nshuro ye ya mbere mu cyiciro cy'ubuhanzi mu bihembo 'Leadership Summit & Awards (WILS)'  

  

Umukirigitananga Sophie Nzayisenga wamenyekanye mu bihangano binyuranye yashyizwe bwa mbere mu bahataniye ibi bihembo

  

Esther Mbabazi uherutse gushyirwa mu rwego rwa 'Captain' mu gutwara indege yinjiye muri 'Captain's Club', icyiciro kigize Ihuriro ry'Abagore batwara Indege ku Isi, ahataniye ibi bihembo 'WILS'    

Michele Iradukunda w'Ikigo cy'Igihugu cy'Itangazamakuru (RBA) ahataniye igikombe muri ibi bihembo

 

Scovia Mutesi washinze 'Mama Urwagasabo' akaba n'Umuyobozi w'Urwego rw’Abanyamakuru bigenzura (RMC), yashyizwe mu bahataniye ibi bihembo 

Umunyamakuru Aissa Cyiza wa Royal FM ahataniye ibi bihembo ku nshuro ya mbere

Ibi bihembo bizatangwa ku wa 20-21 Werurwe 2025, mu birori bizabera muri Kigali Convention Center

Umukuru w'Igihugu yabitangaje mu kiganiro yagiranye na Mario Nawfall uri mu bakunzwe ku mbuga nkoranyambaga.

Perezida Kagame yavuze ko nubwo ibibazo bya RDC bitakemurwa mu buryo bwuzuye ariko byibuze hari uburyo bwaha buri wese amahoro.

Ati 'Reka mpere k'uko bimeze ubu. Kuri ubu igikenewe ni uko ari abo barwana n'abandi bashaka kubafasha, bahagarika imirwano, hakabaho agahenge.'

Ikindi cyakemura ibibazo mu mboni za Perezida Kagame ni ugushaka inzira gushakira umuti ibibazo bya politike mu mahoro, ibyo AFC/M23 isaba abayobozi ba Congo bijyanye no kwemera ukuri guhari, ab'i Kinshasa bakabyubahiriza.

Ati 'Akavuga (Tshisekedi) ngo ngomba kuganira n'Abanye-Congo batavuga rumwe nanjye, ngomba kubumva nkumva ibibazo byabo, nubwo bafata mu bibazo 10 bagahitamo bitandatu bakavuga ngo kuri ibi turemeranya, ariko ku bindi bine ntitwemeranya, iyo ni intambwe.'

Icya gatatu Perezida Kagame yagaragaje ni uko ab'i Kinshasa n'abandi bose bagomba kumva impungenge z'umutekano u Rwanda rufite, bakazikemura, kuko ibyo kuko abashaka guhungabanya umutekano w'u Rwanda bakorana na Guverinoma ya Congo.

Ati 'Ibyo rero bigomba kwitabwaho. Ibindi byaza munsi y'ibyo. N'iyo wabona bike muri ibyo, guhagarika imirwano, kugirana ibiganiro bya politike n'Abanye-Congo batavuga rumwe n'ubutegetsi. Ikindi impungenge z'umutekano w'u Rwanda, nta bindi biganiro bikenewe.'

Perezida Kagame kandi yagaragaje ko amahanga afite inyungu mu Burasirazuba bwa RDC, nayo akwiriye kumva ko ashobora kugera kuri izi nyungu binyuze mu nzira nziza.

Ati 'N'ibyo bihugu bifite inyungu muri Congo, ni uburenganzira bwabyo kugirayo inyungu, na byo bikwiye kumenya ko inyungu zabyo zagerwaho neza, mu gihe ibi bibazo byaba bikemutse'.

Perezida Kagame atangaje ibi mu gihe umutwe wa M23 ukomeje kwigarurira ibice bitandukanye mu Burasirazuba bwa RDC. Kugeza ubu niwo ugenzura imijyi ikomeye ya Goma na Bukavu.

Uyu mutwe uvuga ko icyo uharanira atari ugufata ubutegetsi, ahubwo ko urwanira uburenganzira bw'Abanye-Congo bavuga Ikinyarwanda bamaze igihe kinini batotezwa n'ubutegetsi.

Perezida Tshisekedi yamaze igihe kinini avuga ko adashobora kuganira na M23, gusa hashize amasaha make Perezidansi ya Repubulika ya Angola itangaje ko nyuma y'uruzinduko ruto uyu mukuru w'igihugu yagiriye i Luanda, hemejwe ko Angola izayobora ibiganiro bizahuza abahagarariye umutwe wa M23 n'abahagarariye uruhande rwa Leta ya RDC.

Ibi biganiro bizabera i Luanda mu minsi mike iri imbere, bigamije gushaka icyazana amahoro arambye muri icyo gihugu.

Perezida Kagame yagaragaje ibintu bitatu byashyira iherezo ku ntambara yo mu Burasirazuba bwa RDC

Mu kiganiro Umukuru w'Igihugu aherutse kugirana n'Umunyamakuru Mario Nawfal yagarutse ku bibazo by'umutekano muke mu Burasirazuba bwa Congo, avuga ko u Rwanda rumaze imyaka myinshi ruhangayikishijwe n'uko Umutwe wa FDLR wakoze Jenoside, ukomeje kwisuganya ufashijwe na Leta ya Kinshasa.

Yavuze ko ibyo biba ibihugu hamwe n'imiryango mpuzamahanga irebera, atanga urugero ku buryo MONUSCO imaze gukoresha asaga miliyari 40$ mu bikorwa bitazanira amahoro akarere.

Mu byo yavuze MONUSCO ijijisha igakora, harimo no gufata bamwe mu barwanyi ba FDLR ikabohereza mu Rwanda, naho ibindi akaba ntabyo azi, nta n'ibyo abona.

Umunyamakuru yahise amubwira ko hari inkuru yumvise y'Umujenerali wazanywe mu Rwanda mu minsi mike ishize, Perezida Kagame yungamo ati 'Yego, uriya ni we nakubwiye wishe mama wacu.'

Nta hantu mu kiganiro Perezida Kagame yigeze avuga izina ry'uwo mujenerali, ariko usesenguye neza ibyavugwaga, ukabihuza n'ibiherutse kuba, ni Brig Gen Makwerere yavugaga.

Brig Gen Gakwerere Jean Baptiste wari Umunyamabanga Mukuru w'Umutwe w'Iterabwoba wa FDLR n'abandi barwanyi bawo 13 baherutse gushyikirizwa u Rwanda n'umutwe wa M23 nyuma y'uko bafatiwe mu mirwano yaganishije ku ifatwa rya Goma.

Gen Gakwerere yabwiye IGIHE ko kuva mu ishingwa rya FDLR, yari umuyoboke wayo, ati 'Nabaga muri FDLR kuva yabaho.'

Gakwerere yavuze ko yavukiye mu yahoze ari Kigali Ngali, ubu ni muri Kanyinya i Shyorongi.

Mu gihe cya Jenoside yakorewe Abatutsi mu 1994, Gakwerere yari afite ipeti rya 'Lieutenant', akaba umwe mu basirikare bakoreraga mu ishuri rya ba su-ofisiye, ESO/Butare, aho yizerwaga cyane na Captain Nizeyimana Ildephonse wari Umuyobozi Wungirije waryo.

Bivugwa ko Gakwerere yahawe inshingano yo kuyobora abasirikare bashya bitwaga 'New Formula' biciye Abatutsi benshi kuri za bariyeri n'ahandi hantu mu cyahoze ari Butare.

Gakwerere ni umwe mu basirikare boherejwe na Capt Nizeyimana mu rugo rw'Umwamikazi Rosalie Gicanda baramwica. Anakekwaho uruhare mu rupfu rwa Habyarimana Jean Baptiste wayoboye Perefegitura ya Butare.

Tariki ya 20 Mata 1994 ni bwo Umwamikazi Rosalie Gicanda yishwe, nyuma y'itegeko rya Captain Ildephonse Nizeyimana wari mu Kigo cya 'École des Sous-Officiers [ESO] muri Jenoside.

Nizeyimana yafatanyije n'abandi basirikare barimo Lt Colonel Muvunyi Tharcisse n'abo mu Kigo cya Gisirikare cya Ngoma cyayoborwaga na Lt Ildefonse Hategekimana na Jandarumuri yayoborwaga na Major Cyriaque Habyarabatuma ndetse n'Interahamwe.

Icyo gihe mu bagiye mu rugo rw'Umwamikazi Rosalie Gicanda rwari hafi y'ibiro bya Komini Ngoma harimo Lt Bizimana bitaga 'Rwatsi', Lt (Ipeti yari afite icyo gihe) Gakwerere, Caporal Aloys Mazimpaka na Dr. Kageruka.

Mu rugo rwe bahageze ahagana saa Tanu z'amanywa, bahasanze abandi bahigwaga harimo Jean Damascène Paris, Marie Gasibirege, Aurelie Mukaremera, Callixte Kayigamba na Alphonse Sayidiya.

Harimo kandi Uzamukunda Grace warashwe ariko ntiyapfa ndetse aza kurokoka. Yitabye Imana nyuma ya jenoside azize urupfu rusanzwe. Ni we watanze amakuru ya nyayo y'uburyo Umwamikazi Rosalie Gicanda n'abo bari kumwe bishwe.

I Butare, Gicanda yabayeho mu buzima bworoheje aho yabanaga n'umubyeyi we ndetse n'abandi bagore bamufashaga mu mirimo itandukanye.

Ubwo abasirikare babasangaga mu rugo, batwaye Gicanda n'abagore bari kumwe babajyana inyuma y'Inzu Ndangamurage y'u Rwanda barabarasa barapfa ndetse banasahura ibintu bitandukanye.

Captain Nizeyimana yahamijwe icyaha cya Jenoside n'Urukiko Mpanabyaha Mpuzamahanga rwashyiriweho u Rwanda, ahanishwa igifungo cy'imyaka 35.

Ku rundi ruhande, Lt Colonel Muvunyi yahamijwe icyaha cya Jenoside ahanishwa igihano cy'igifungo cy'imyaka 15.

Gakwerere aherutse koherezwa mu Rwanda nyuma yo gufatirwa muri RDC

Aba baturage bavuga ibi mu gihe abayobozi bakuru b'Igihugu kugera kuri Perezida wa Repubulika badasiba gusaba abayobozi kwegera abaturage no kubakemurira ibibazo ku gihe.

Abaturage mu Mudugudu ukaba n'Ikirwa cya Kirehe, Akagari ka Rugali mu Murenge wa Macuba bamaranye imyaka myinshi icyifuzo cyo guhabwa umuriro w'amashanyarazi, amazi meza n'umuforomo uhoraho ku ivuriro rya Kirehe ariko kugeza ubu amaso yahereze mu kirere.

Batekereza ko kuba ibi byifuzo byabo bidasubizwa bifitanye isano no kuba abayobozi b'akarere kuva kuri ba Visi Meya na Meya batabasura ngo bamenye ubuzima babayeho.

Barore Pierre yabwiye IGIHE ko Umuyobozi w'Akarere ka Nyamasheke uheruka kubasura ari Mukamasabo Appolonie. Uyu Mukamasabo yeguye ku buyobozi bw'Akarere muri Kanama 2023, asimburwa na Mupenzi Narcisse mu Ukuboza 2023.

Barore ati 'Undi wagiyeho ntabwo tumuzi, ntabwo araza kutwiyereka, ntituzi n'amazina ye, ntituzi isura ye. Iki giturage dutuyemo ntabwo tuzi Meya w'Akarere n'abamwungirije ntabo ntabwo tubazi'.

Uwishema Erasto yavuze ko bigeze kubwirwa ko Umuyobozi w'Akarere ka Nyamasheke wungirije ushinzwe ubukungu n'iterambere, Muhayeyezu Joseph Desire arabasura ku kirwa baramutegereza baramubura.

Ati 'Visi Meya Desire, baratubwiye ngo aradusura mu nteko y'abaturage, ingoma y'umudugudu iravuga, tureka imirimo yacu tujyayo turamutegereza ntizaya'.

Mugenzi wabo yagize ati 'Meya uriho ntabwo tuzi niba ari umugabo cyangwa niba ari umugore. Aje tukamugezaho ibyifuzo byacu, nk'ibyo by'umuriro n'amazi yajya kutubera umuvugizi, kuko atugerera kure aho tutagera'.

Umuyobozi w'Akarere ka Nyamasheke, Mupenzi Narcisse umaze umwaka n'amazi abiri ku buyobozi bw'aka karere, mu kiganiro na IGIHE yavuze ko umuturage w'iki kirwa waba utamuzi ari uwaba atitabira ibikorwa bibera hanze y'ikirwa nk'umuganda n'ibirori bitandukanye.

Mupenzi avuga ko muri gahunda yo kwegera abaturage yabanje gusura buri kagari kuri uku akaba akurikijeho gusura buri mudugudu.

Ati 'Abaturage bo ku Kirwa cya Kirehe, dukurikiranira hafi uko babaye ikifuzo n'ibibazo tukabishyira mu byihutirwa. Icyo nabizeza ni uko muri gahunda yo gusura imidugudu ngiye kubashyira mu matariki ya hafi ku buryo mu minsi ya vuba nzabasura'.

Umudugudu wa Kirehe, ugizwe n'ibirwa bibiri Kirehe na Ruzi bituwe n'abaturage 1160 mu ngo 24.

Ikirwa cya Kirehe gituwe n’abaturage barenga 11OO mu ngo 26

Abatuye ku Kirwa cya Kirehe mu Karere ka Nyamasheke babangamiwe no kutegerwaho n’ubuyobozi bw’Akarere

Meya Mupenzi uyobora Akarere ka Nyamasheke yijeje abatuye ikirwa cya Kirehe ko azabasura mu minsi ya vuba

Mu Myaka 31 ubwo Ingabo zari iza RPA zari zimaze guhagarika Jenoside yakorerwaga Abatutsiza zasanze mu isanduku y'igihugu nta n'urutoboye rubarizwamo kuko na Banki Nkuru y'u Rwanda ubutegetsi bwari bwarayisahuye.

Icyo gihe 90% by'ibikorwa byose byakorwaga n'inkunga z'amahanga ariko ubuyobozi bufite intego yo kwigobotora iyo mibereho.

Mu kiganiro n'umunyamakuru Mario Nawfall, Perezida Kagame yasobanuye ko imiryango mpuzamahanga itanga ubufasha ku munzi yifuzaga ko hahoraho inkambi z'impunzi haba mu Burasirazuba bwa Zaire [RDC y'ubu] n'imbere mu gihugu kugira ngo bashobore gukomeza kubona amafaranga yo kuzitunga ariko na bo babyungukiramo.

Leta y'u Rwanda yakoze ibishoboka impunzi zari mu mahanga zirataha n'abari baravuye mu byabo bari imbere mu gihugu basubira iwabo ubundi bacungirwa umutekano, hatangira urugamba rw'iterambere.

Perezida Kagame yavuze ko mu ntangiriro byinshi byakorwaga n'amafaranga y'inkunga kubera ibihe igihugu cyari kivuyemo, ariko u Rwanda rukereka ibihugu ko inkunga biruha zitagomba gukoresha uko bibishaka gusa ahubwo na rwo rugomba kugira uruhare mu kwerekana aho zikoreshwa.

Umunyamakuru yihutiye kubaza niba abona inkunga cyangwa imfashanyo ibihugu bitanga zishobora kuba zishyurwa mu bundi buryo.

Ati 'Mu buryo burambye ni ideni bitewe n'uko [inkunga] zafashwe kandi kuva ku ntangiriro ni ho duhagaze. Twabwiye abantu ko dushima inkunga, ko twari tuzikeneye kandi tukizikeneye ku rwego runaka ariko tuzikeneye kugira ngo twubake ubushobozi, ariko tuzabe tutakizikeneye mu bihe biri imbere. Uwo ni wo murongo wacu, ni byo tuvuga kandi ni byo dukora.'

Yahamije ko iyi ngingo yayiganiriyeho n'abakuru b'ibihugu bitandukanye bya Afurika ariko abenshi bikarangira batabyumva neza

Ati 'Izi mpaka zafashe umwanya mu biganiro twagiye tugira mu myaka myinshi ishize hagati y'abo bakeneye inkunga, ikibazo kuri twe kigakomeza kuba ko tuzikeneye, dushobora kuzifata, dushobora kugaragaza aho tuzikeneye ariko tunakora ku buryo tuzigobotora.'

'Icyo ni ikintu twifitemo, tuganiriza buri wese ushaka gukorana natwe ibikorwa bijyanye n'inkunga ariko ibyo byadukururiye ibibazo byinshi, bamwe batwise abirasi, ko tutitaye ku kababaro k'abandi, abanyagitugu n'andi mazina menshi kubera ibyo gusa.'

Bagutsindagira inkunga ngo bakujyane aho bashaka

Perezida Kagame kayavuze ko bagerageje gusobabura ko ikibazo atari uko inkunga zidakenewe ahubwo yasangaga inkunga zituma umuntu akomeza kumva abandi hari ibyo bamugomba.

Ati 'Kubeshwaho n'abandi biri mu murongo ujya kuba mwiza, ahubwo ikindi ni uko umuntu wese ugutera inkunga anagenzura ubuzima bwawe, ni na yo mpamvu baba bashaka ko ukomeza kwakira inkunga kugira ngo bakomeze bayobore ubuzima bwawe, rimwe na rimwe bakazikoresha nk'igikangisho ngo bakwerekeze aho bashaka, bagakomeza kugukanga ngo nudakora ibi turazihagarika.'

Yavuze ko mu 1998 igihugu cyakiraga inkunga bitewe n'uko ari bwo Jenoside yakorewe Abatutsi yari igihagarikwa, bamwe mu bayobozi b'Abanyaburayi bakagera mu Rwanda, bakerekwa aho inkunga zikenewe, ariko umwe muri bo wari uturutse mu Bwongereza yaganiriye na Perezida Kagame, amubwira ko bishimiye inkunga ari kubabwira batanga ariko nanone igihugu gikeneye kugira uruhare mu kugena ibikibeshaho.

Icyo gihe Perezida Kagame wari ukiri Visi Perezida, yasabye uwo muyobozi ko bemeranya aho inkunga bagiye guha igihugu izakoreshwa aho kwinjira mu gihugu ufite ibikapu by'amafaranga ukanigenera aho ugomba kuyashyira.

Yavuze ko u Bwongereza n'ibindi bihugu bitatu byari inshuti zabwo byemeye iyi imikoranire, bagatanga inkunga zigakoreshwa aho impande zombi zemeranyijweho, hagakorwa igenzura nyuma y'igihe runaka ngo harebwe niba amafaranga yatanzwe ataranyerejwe cyangwa akaba yarakoreshejwe nabi.

Kwanga caguwa byakuye u Rwanda muri AGOA

Perezida Kagame yavuze ko mu gihe yari ayoboye Umuryango wa Afurika y'Iburasirazuba yagaragarije abakuru b'ibihugu byawo ko bifitemo byinshi bihinga ibireti bivamo ipampa, bityo ko bakwiye guca intege imyambaro yambawe iva mu mahanga hagatezwa imbere inganda z'imbere mu bihugu zikora imyenda.

Ati 'Twaremeranyije twemeza ko tugiye guhanika ikiguzi kugira ngo tugabanye abantu bakomeza kutwoherereza imyambaro yambawe natwe tuziyubakire inganda zacu z'imyambaro. Abanyamerika baragiye barababwira bati ntimushobora kureka kugura imyenda ya caguwa yacu.'

Yavuze ko bamwe mu bayobozi bari kumwe bafata umwanzuro bagendeye ku gitutu bamwe barabireka, ndetse n'u Rwanda Amerika irugeraho irubwira ko mu gihe rwakomeza uwo mugambi wo guca caguwa ruzakurwa mu masezerano ya AGOA [African Growth Opportunity Act].

Ati 'Ibihugu byose twari twemeranyije kuri uwo mwanzuro byabivuyemo barakomeza batumiza imyambaro yambawe [caguwa] kugira ngo bakomeze kubona inyungu kuri Amerika. Icyo gihe twasigaye twenyine tutanabizi, ndetse birangira dukuwe muri AGOA'

Kugeza magingo aya ubukungu bw'u Rwanda bumaze imyaka myinshi buzamuka ku muvuduko uri hejuru ya 8%, ndetse ibyo umuturage yinjiza ku mwaka byavuye ku Madorali ya Amerika 111 mu 1994 agera ku 1040$ mu 2023.

Perezida Kagame yagaragaje ko inkunga zigomba kuba zigamije gufasha igihugu kwiyubakira ubushobozi

Ibi Umukuru w'Igihugu yabigarutseho mu kiganiro yagiranye n'umunyamakuru Mario Nawfal, cyatambutse ku rubuga rwe rwa X.

Uyu munyamakuru yabajije Perezida Kagame impamvu ibindi bihugu bya Afurika bitigira ku iterambere ry'u Rwanda, ku buryo nabyo bishobora guhindura imibereho y'ababituye.

Perezida Kagame yavuze ko Afurika ari umugabane ufite amahirwe yo gutera imbere, cyane ko ifite umutungo kamere uhagije, n'andi mahirwe y'iterambere.

Yavuze ko ibindi bihugu bya Afurika bishobora no gukora ibirenze ibyo u Rwanda rwakoze mu kwiteza imbere, ibanga rya byose rikaba mu kugira ubuyobozi bwiza.

Umukuru w'Igihugu yagize ati 'Ku bandi, bashatse gukora ibyo twakoze, bashobora no kugera kuri byinshi kurushaho. Icyemezo kigomba gufatwa n'abayobozi. Byose ni politiki [nziza].'

Perezida Kagame yavuze ko Abanyafurika bafite ubushobozi bwo kwiteza imbere nk'uko n'abandi bantu babigenje, ati 'Abantu ni bamwe ahantu hose, iyo ubahaye amahirwe muri buri gice cya Afurika [bayabyaza umusaruro].'

Yashimangiye ko Abanyafurika ari abantu bafite ubwenge bwatuma bateza imbere imibereho yabo, cyane ko banafite umutungo kamere.

Ati 'Afurika iracyari inyuma ugereranyije n'indi migabane, ariko icyatumye abandi batera imbere, ni byo bintu bimwe byatuma Afurika itera imbere. Kuko Afurika ifite umutungo kamere uhagije.'

Icyakora Umukuru w'Igihugu yashimangiye ko imiyoborere mibi ari imbogamizi ikomeye ku iterambere rya Afurika. Kuri iyi ngingo, yafatiye urugero kuri Repubulika Iharanira Demokarasi ya Congo, agaragaza ko iki gihugu gifite ubuso bwa kilometero kare miliyoni 2,3 n'abaturage barenga miliyoni 100, gifite umutungo mwinshi, ariko ko cyirirwa gisabiriza inkunga.

Ati 'Fatira urugero ku gihugu nka RDC. Irakize cyane, cyane. Kubera iki igihugu nka kiriya kigomba gusabiriza? Kubera iki? Ndi kwifashisha ibibazo mu kugusubiza, nkwereka ko birebana na politiki n'imicungire, birebana n'ubunyangamugayo turi kuvugaho.'

Yashimangiye ko mu gihe abayobozi batarumva akamaro ko gukorana n'abaturage babo, bigoye ko batera intambwe mu iterambere.

Ati 'Ese aba bayobozi bumva bakorana n'abaturage babo kugira ngo bungukire muri uwo mutungo kamere bityo bigeze kuri buri wese ku rwego rwo hejuru? Iyo udatekereza gutyo, ntabwo bishoboka.'