Blog

Ni ishuri ryatangiranye imbaraga cyane ko ryari rimaze igihe kinini ritegerejwe na benshi, aho mu mwaka wa mbere w'amashuri yisumbuye ryatangiranye abanyeshuri hafi 140.

Ntare Louisenlund School ni igitekerezo cyakomotse ku bagize umuryango NSOBA (Ntare School Old Boys Association) bize mu ishuri ryisumbuye rya Ntare School yo muri Uganda barimo Perezida Paul Kagame na Perezida Yoweri Kaguta Museveni uyobora Uganda.

Iri shuri ryubatswe mu Mudugudu wa Musagara, Akagari ka Kanazi mu Murenge wa Nyamata, Akarere ka Bugesera.

Izina rya Louisenlund ryahawe iri shuri rikomoka ku kigo cyo mu Budage cya Louisenlund School, cyamamaye mu Burayi hose ku bwo gutanga ubumenyi bufite bushingiye kuri siyansi.

Ibi bigo byombi byahuje imbaraga kugira ngo bikorane.

Byakozwe mu murongo wo kuzana uwo muco no mu Rwanda abana bagacengera ubumenyi bugezweho ndetse mpuzamahanga, bwa bundi usanga hake mu gihugu.

Mu Kiganiro cyihariye yagiranye na IGIHE, Umuyobozi Ushinzwe Abiyandikisha muri Ntare Louisenlund School, Anne Grace Mbabazi, yashimangiye ko ari ishuri ryazanye umwihariko wo kwigisha

Ati 'Ni ishuri rifite umwihariko wo kuba rifite indangagaciro za kinyafurika. Nubwo turi ishuri mpuzamahanga twigisha mu buryo dukurikije integanyanyigisho za IB [International Baccalaureate Organization] ariko turi ishuri rishingiye ku ndangagaciro za kinyafurika, za Kinyarwanda kandi dushishikariza abana bacu kwimenya no gukunda abo bari bo.'

Yavuze ko bijyanye n'umwihariko wo kuba ari ishuri rishyira imbaraga cyane mu birebana no kwigisha imibare, siyanse n'ikoranabuhanga nabyo bikwiye kuba impamvu yatuma abanyeshuri cyangwa ababyeyi barihitamo.

Ati 'Ababyeyi bifuza ko abana bagira ubunararibonye muri siyanse, ikoranabuhanga kandi bakwifuza ko ari byo bakomeza kuminuzamo. Nubwo ari byo abantu benshi batuziho ariko dufite n'igice cyo kwigisha ukwihangira imirimo kandi gikomeye cyane tubona ko nabyo bizagenda bimenyekana cyane.'

Yavuze ko mu kwigisha bibanda cyane ku guha abanyeshuri ubumenyi bushingiye ku gushyira mu ngiro ibyo biga ndetse no kwimakaza ubushakashatsi hagamijwe mu kwagura imitekerereze y'abanyeshuri no guharanira ko bashobora kuzavamo abazana impinduka n'ibisubizo ku bibazo byugarije sosiyete.

Kuri ubu iri shuri ryashyizeho umunsi abantu mu ngeri zinyuranye bashobora kurisura bagamije kumenya amakuru yimbitse ajyanye naryo kandi ryafunguriye amarembo ababyifuza.

Ni umunsi uteganyijwe ku wa 22 Werurwe 2025, aho ababyeyi bazagaragarizwa umwihariko wo kwigishiriza abana b'abo muri Ntare Louisenlund School mu gutegura ahazaza habo heza.

Ati 'Iyo dufunguriye imiryango abantu bifuza kuza, ikintu cya mbere dukora ni ukubamara amatsiko, bakabanza bagasura ikigo. Ikindi cy'akarusho uyu mwaka bazabasha kwinjira mu mashuri barebe uko abanyeshuri biga.'

Yakomeje ati 'Dutumira na ba bantu bagize iki gitekerezo cyiza ngo iri shuri rijyeho. Urugaga rwabo ni abagabo ubu bamaze kuba bakuru, bakaza bakaganiriza ababyeyi kugira ngo bumve ibigwi byacu n'aho duturuka, bakabasha kumva aho duturuka n'aho dushaka kugera.'

Yagaragaje ko kuri ubu hashyizweho gahunda yo gutanga buruse aho abanyeshuri bashobora kwishyurirwa igice cy'amafaranga y'ishuri, hakaba n'uburyo Leta y'u Rwanda binyuze muri Minisiteri y'Uburezi ifasha abanyeshuri barangije amashuri abanza batsinze neza kurusha abandi.

Kuri ubu MINEDUC yafashije abanyeshuri 80 kwiga muri Ntare Louisenlund School kuko batangiranye nayo.

Ntare Louisenlund School yashimangiye ko rifite intego yo kubaka no gutegura abahanga bafite intekerezo za kinyafurika hagamijwe kubakundisha umuco wabo no gukunda abo bari bo.

Iri shuri rifite gahunda y'uko nibura mu gihe cy'imyaka itandatu rizaba ryigwamo n'abarenga 1500 baturutse mu bice bitandukanye.

Abashaka kwiyandikisha aho ababyeyi bazagaragarizwa umwihariko wo kwigishiriza abana b'abo muri Ntare Louisenlund School, ku itariki ya 22 Werurwe 2025, bashobora gukoresha iyi link: https://docs.google.com/forms/d/e/1…

Ubuyobozi bwa Ntare Louisenlund School busobanurira ababyeyi barerera muri iri shuri

Abanyeshuri hafi 140 bamaze gutangira muri Ntare Louisenlund School

Ibihangano by’abahanzi benshi bo hambere bizwi nka Karahanyuze bikunze kwifashishwa n’abakiri bato mu muziki bakabisubiramo, ndetse bakabikorera amashusho batangaza ku mbuga zitandukanye zabo. 

Mu minsi ishize hari itsinda ry’abakobwa ryasubiyemo indirimbo y’umwe mu bahanzi bakomeye muri iki gihe mu muziki gakondo, nyuma y’iminsi ibiri bayishyize ku rubuga rwa Youtube yakuweho n’abashinzwe inyungu z’uyu muhanzi kubera ko bari babikoze mu buryo uriya muhanzi atamenye. 

Nubwo aba bahanzi bakiri bato basubiramo indirimbo z’abahanzi bakuru mu buryo wumva ko batataye umwimerere, ariko hari n’abandi bavuga ko bidakwiye ko indirimbo zabo zikorwa batabizi.

Nzajyayo Abede uri mu bayobozi ba Orchestre Les Fellows yabwiye InyaRwanda ko mu bihe bitandukanye bumva uburyo abantu basubiramo indirimbo zabo, rimwe bakabyumva byataye umwimerere ariko harimo n’abagerageza kujyanisha neza n’uburyo bari bakozemo indirimbo zabo.

Yasobanuye ko bidakwiye ko abantu basubiramo indirimbo zabo, kandi batabamenyesheje. Ati “Abacuranzi benshi basubiramo n’iz’abandi n’izacu biri kumwe. Gusa, hari ukuntu Leta izabijyamo ikazajya ibuza abantu gukoresha ibihangano by’abandi.”

Akomeza ati “Kuzikina ahantu bagiye gucurangira barazikora, kuko bakora n’iza Orchestre Impala bagakora n’iz’abandi bose. Kuzisohora udafite uburenganzira, sibyo byazana ibibazo. Ntabwo byemewe muri make no mu bindi bihangano by’abandi bantu. Ntabwo byemewe ko ukora igihangano kitari icyawe, utigeze ugiramo n’uruhare.”

Nzajyayo Abede yavuze ko muri iki gihe basubukuye ibikorwa by’umuziki wabo, kuko bamaze iminsi bari no kwitegura gukora ibikorwa byagutse, ndetse bari no kwitegura gushyira hanze indirimbo. Ati “Hari ibihangano bihari bikozwe, ariko ntabwo turabitunganya neza kugeza ubu.”

Indirimbo nyinshi za Orchestre Les Fellows zanditswe na Francois. Abede avuga ko babiri bashinze Orchestre Les Fellows muri iki gihe babarizwa mu Burundi, ni mu gihe undi umwe ubu abarizwa mu Bubiligi.

Abede avuga ko nyuma y’uko bamwe muri bagenzi be bavuyemo, bisuganyije bahuza imbaraga n’abandi bantu babarizwaga mu izindi Orchestre bongera gukora Orchestre Les Fellows ivuguruye.

Mu mateka y'umuziki Nyarwanda nyuma y'Ubukoloni, habayeho urugamba runini hagati y'amatsinda y'umuziki yavutse muri icyo gihe.

Amenshi muri yo yitwaga ama-Orchestre cyangwa amatorero. Ni muri uwo mujyo habayeho Orchestre Les Fellows yahogoje abatari bake kubera amajwi meza n'injyana Nyarwanda ivuguruye; yari inogeye Abanyarwanda benshi ndetse n'abanyamahanga muri icyo gihe.

Orchestre Les Fellows yashinzwe mu 1973 n'itsinda ry'abasore bari bakiri bato, bamwe muri bo bari kavukire mu Rwanda, abandi nabo baturutse mu bihugu by'ibituranyi, kubera urukundo rw'umuziki bashinga itsinda ry'umuziki baryita Orchestre Les Fellows.

Nk'andi matsinda yose yabayeho muri icyo gihe hagiye habaho ingeri z'abantu benshi bacuranze muri Orchestre Les Fellows ariko nyuma bagatandukana ariko mu barishinze bazwi harimo Nikiza David, Raymond, Rastang na Franco.

Bose bari bakiri ingaragu z' abasore bato cyane cyeretse Nikiza David wabarutaga ariko nawe yari akiri ingaragu.

Babanaga mu nzu imwe bagakora imyitozo ubutitsa buri munsi n'ishyaka ryinshi; kubera ko icyo bakuragamo mu muziki wabo muri icyo gihe kitafatikaga cyane babifatanyaga n'akazi ka buri munsi.

Franco yakoraga muri Minagri, Rastang akora mu ibarizo ryabaga i Nyamirambo, ariko ntibibarwirwe rwa rukundo rw'umuziki rwabahuzaga na bagenzi babo.

Batangiriye ku ndirimbo yitwa 'Dans tes bras', bakurikizaho 'Brigitte' n'izindi nyinshi ariko iyi 'Brigitte' iri muzahogoje benshi muri icyo gihe yewe no muri ibi bihe turimo. 

Haje kuba irushanwa muri Hotel yitwaga '5 Juillet' mu bihe bya kera kuri ubu yittwa Serena Hotel, ryitabirwa n'amatsinda yari akomeye muri icyo gihe nka Orchestre Impala, Orchestre Les Fellows, Orchestre Abamararungu n'andi menshi, ariko izi nizo zari zikomeye cyane muri icyo gihe.

Irushanwa ryaje gutwarwa na Orchestre Impala de Kigali, Orchestre Les Fellows iba iya kabiri ariko hazamo akangononwa k'abafana ko icyo gikombe cyari gikwiye Orchestre Les Fellows kuko ariyo yari yigaruriye urukundo rw'abafana bari bitabiriye iryo rushanwa.

Urugendo muri iyo minsi ntabwo rwari rworoshye kubera ubuzima igihugu cyari kirimo, bigeze mu 1994 benshi muri bo bagannye iy'ubuhunzi abandi bagwa muri Jenoside yakorewe abatutsi muri Mata 1994.

Nyuma ya Jenoside yakorewe Abatutsi mu 1994, Orchestre Les Fellows yaje gusa naho isubiye inyuma cyane kubera ingufu nyinshi zatakaye mu mpande zayo zose yaba mu bacuranzi bayo yewe no mu bafana bayo batari bacye.

Tariki ya 25 Kanama 2012, mu cyumba cya Serena Hotel uwari Minisitiri w'Umuco na Siporo Mitali Protais yari yitabiriye igitaramo cyo kongera gutangiza Orchestre Impala, icyo gihe abantu benshi bari bitabiriye, bishimiye kongera kugaruka k'umuziki w'umwimerere.

Minisitiri w'Umuco na Siporo Mitali Protais, yasabye ababa bakiriho baririmbaga mu ma-Orchestre yahozeho nka Orchestre Les Fellows, Nyampinga, Les Citadins n'izindi, ko nabo bakongera bakazibyutsa zikongera kubaho.

Mu mpera za 2018, umwe mu bigeze gucuranga muri Orchestre Les Fellows n'abavandimwe ba bacuranzi baryo, bagize igitekerezo cy'abagabo cyo kongera kuzahura iri tsinda.

Bifashishije n'andi maraso mashya y'abandi bahanzi bakiri bato mu myaka cyangwa muri muzika, ariko bafite impano.

Orchestre Les Fellows yatangaje ko abasubiramo ibihangano byayo bakwiye kujya babisabira uburenganzira
Les Fellows ivuga ko muri iki gihe yatangiye urugendo rw'ibitaramo no gukora indirimbo nshya 

KANDA HANO UREBE IKIGANIRO TWAGIRANYE NA ABEDE NZAJYAYO URI MU BAGIZE LES FELLOWS

“>

KANDA HANO UREBE AMASHUSHO Y’INDIRIMBO ‘UMULISA’ YA ORCHESTRE LES FELLOWS

“>

Ibi byabaye ku wa 12 Werurwe 2025, nyuma intumwa za leta zigera kuri 14 z'abo mu Ishyaka ry'Aba-Democrate zashinjije Elon Musk n'urwego ayobora gukora bitewe n'amategeko no guhungabanya imitegekere y'izo leta.

Musk na Trump bashinjwa gukoresha ububasha bwabo mu buryo bwangiriza ubuzima bw'abaturage.

Ibizava muri ayo makuru Musk yatswe ni byo bizafasha mu kureba niba Musk n'inshuti ye Trump bahagarika ibyo bikorwa byabo bavuga ko bigamije kugabanya amafaranga Amerika itakaza mu bidafite umumaro.

Umucamanza witwa Tanya Chutkan yasabye Elon Musk gutanga amazina ndetse n'inshingano bya buri mukozi ukorera DOGE, uyu muherwe yashyize mu nzego zitandukanye za leta, n'amakuru yose ajyanye n'uko DOGE yubatswe n'ububasha Musk afite.

Musk kandi yahawe ibyumweru bitatu byo kuba yatanze izo raporo zose.

Urukiko ruramutse rwemeje ko uru rwego, rwashyizweho na Perezida wa Amerika Donald Trump, rwakoze binyuranyije n'amategeko rwahita rufunga ibikorwa byose byarwo.

Trump na Musk bamaze igihe bahisha amakuru ya DOGE cyane ko Trump we avuga ko Elon Musk atari umujyanama mukuru muri White House.

Ku ruhande rwa Chutkah avuga izo nshingano zindi ntaho zihurira n'uru rwego rundi bityo no gutanga amakuru ku bikorwa byarwo ntacyo bizatwara inshingano ze zindi.

Kugeza ubu, Elon Musk ndetse n'ibiro bya Perezida wa Amerika, White House, ntacyo biratangaza kuri iyi myanzuro y'urukiko.

Si uyu mucamanza gusa watse uru rwego raporo z'imikorere yarwo kuko muri Gashyantare 2025 undi mucamanza wo muri Washington yasabye ko uru rwego rwerekana imikorere yarwo.

Elon Musk yasabwe kwerekana imikorere y’urwego ayobora rwa DOGE

Bagaragaje kandi ko ubwunganizi buhabwa abana bakurikiranyweho ibyaha budakorwa mu buryo bunoze.

Byagarutsweho n'Inteko rusange ya Sena nyuma yo kugezwaho raporo na Komisiyo y'Imibereho y'Abaturage n'Uburenganzira bwa Muntu ku isuzumwa rya raporo y'ibikorwa bya Komisiyo y'Igihugu y'Uburenganzira bwa Muntu by'umwaka wa 2023-2024.

Perezida w'iyo Komisiyo, Senateri Umuhire Adrie, yashimye ibimaze gukorwa bigamije guha ubutabera abana bakurikiranyweho ibyaha, birimo gushyiraho amategeko arengera umwana no kubashakira ababunganira mu mategeko.

Yashimangiye ariko ko harimo ibibazo bikunze kugaragara buri mwaka birebana n'imitangire y'ubutabera ku bana, bityo bikaba bikwiye guhabwa ubwihutirwe mu kubikemura kuko abana ari bo mbaraga z'ejo hazaza h'igihugu.

Ati 'Ibyo bibazo birimo kutajuririra ku gihe imanza z'abana; kudategurana urubanza n'umwana kuri bamwe mu bunganizi, gusubika kenshi imanza kubera ko abunganizi mu by'amategeko batitabiriye iburanisha; kuburanishwa nk'umuntu mukuru kandi icyaha akurikiranywe cyarakozwe akiri umwana no gukoresha ikoranabuhanga mu iburanisha kandi abana batarimenyereye.'

Yongeyeho ati 'Impinduka mu baburanira abana (ubugenzacyaha, ubushinjacyaha no mu rukiko); guhatira abana kwemera icyaha bizezwa guhita barekurwa cyangwa kugabanyirizwa ibihano no gutinda kuburanisha abana bari muri za kasho z'ubugenzacyaha.'

Yasabye ko Minisiteri y'Ubutabera ikwiye gufata ingamba zo gukemura ibyo bibazo bikigaragara mu kunganira abana bakurikiranyweho ibyaha, umwavoka uhawe dosiye akunganira umwana kugeza urubanza rurangiye.

Yagaragaje kandi ko Minisiteri y'Ubutabera ifatanyije n'Urugaga rw'Abavoka bakwiye gushyiraho uburyo bwo gukurikirana imikorere y'Abavoka bunganira abana, ugaragaweho imyitwarire mibi akabibazwa hakurikijwe ibiteganywa n'amategeko.

Yavuze kandi ko hari hakwiye gusuzumwa uburere butangirwa mu miryango hagamijwe kumenya impamvu ituma abana bakora ibyaha bitandukanye ndetse n'ubwiyongere bw'abangavu baterwa inda.

Abasenateri batabaje…

Senateri Mukakarangwa Clotilde yagaragaje ko hari hakwiye kubaho abavoka n'abacamanza bihariye baburana imanza z'abana nk'uko habaho n'abahanga bihariye baminuza mu gukurikirana ubuvuzi bw'abana.

Ati 'Iyo tugiye mu bijyanye n'ubuzima ubona ko buri mavuriro harimo abaganga bita ku bana, bakaba barabyigiye kuko kugira ngo umenye indwara y'umwana ni uko uba warabyigiye kandi ufite kwihanga. Byatumye nibaza ngo ese ntihashobora kubaho abacamanza bashobora kuburana imanza z'abana?'

Yakomeje ati 'Mu bigaragara muri raporo hari n'aho batajya gusura abana mu magororero, nonese waburanira umuntu utamusuye ngo umenye umuzi w'ikibazo bamufatiye? Bashobora kubireba hakabaho abacamanza basobanukiwe n'imanza z'abana bakabyitaho ndetse bagahabwa amahugurwa muri ibyo.'

Senateri Bideri John Bonds yavuze ko abona uburyo amasezerano ahabwa abavoka mu manza z'abana yakongera akarebwaho mu kunoza ibyo bakora.

Uwera Pelagie yashimangiye ko iyo umwana arenganye hangirika byinshi cyane ko aba akiri muto.

Ati 'Umwana uba warenganye hari byinshi byangirika, ashobora kuba yabujijwe bwa burenganzira, bwo gukomeza kuba mu muryango we, kurerwa, kwiga n'ibindi bishobora kumuhungabanya. Guhungabana akiri muto bishobora kumugiraho n'ingaruka z'igihe kirekire.'

Yavuze ko ikijyanye n'amategeko gikwiye kubahirizwa cyane cyane mu gihe umwaka yaba yakoze icyaha ndetse hakaba harebwa uburyo hashobora kubaho ibindi bihano bitari ugufungwa.

Ati 'Natekereje niba hakwiye kubaho umwihariko kugira ngo bijye bibanza birebweho mu buryo bwo guhana umwana, ariko tunatekereza ubundi buryo bashobora guhabwa undi murongo wo kwigorora bitabaye ngombwa ko bajyanwa muri kasho.'

Amafaranga y'intica ntikize n'ingendo za hato na hato…

Umwe mu banyamategeko umaze igihe yunganira abana mu nkiko, yagaragaje ko zimwe mu mpamvu zituma ibyo bibazo ku butabera buhabwa abana bibaho zishingiye ku kuba bahembwa amafaranga y'intica ntikize.

Yagaragaje ko umunyamategeko ku giti cye ugiye kunganira abana agenerwa ibihumbi 400 Frw mu gihe ababarizwa muri Cabinet hatangwa ibihumbi 500 Frw.

Uwo mwavoka kandi aba asabwa gukora ingendo zerekeza ahari stasiyo za RIB mu gihe hari umwana wakoze icyaha watawe muri yombi kuko aba agomba kumwunganira.

Yasobanuye ko amafaranga bahabwa usanga arangirira mu ngendo bigatuma bacika intege ndetse rimwe na rimwe abarangije amasezerano y'umwaka basinya ntibayongere.

Yagaragaje ko hari n'ubwo bamenyeshwa n'ubugenzacyaha iminsi bakererewe bikaba byatuma bataganira n'abo bana uko bikwiye cyangwa bamwe ntibanageyo.

Ikindi yagaragaje nk'imbogamizi irimo ni uko n'ayo mafaranga make atangwa usanga ashobora kumara amezi atandatu ataratangwa, bikaba byakoma mu nkokora abanyamategeko.

Ku kijyanye no kutarangiza imanza, yavuze ko akenshi biterwa n'uko abavoka benshi iyo barangije amasezerano y'umwaka batajya bongeresha kubera ibibazo biba birimo no gutinda kw'imanza.

Yagaragaje ko byakemurwa no kongera ingano y'amafaranga atangwa ku bavoka baburanira abana ndetse hakanongerwa umubare w'abavoka baburana izo manza.

Abasenateri batabarije abana bakurikiranwaho ibyaha n’uburyo batereranwa n’ababunganira