Blog

Uyu musore wamamaye mu ndirimbo nka 'Reka Ndate Imana', yabwiye InyaRwanda ko ibirori byo kwambika impeta umukunzi we, byabaye kuri uyu wa Gatanu tariki 21 Gashyantare 2025 bibera mu Mujyi wa Paris mu gihugu cy'u Bufaransa, aho bamaze iminsi. 

Yavuze ko amaze imyaka itatu akundana n'uyu mukobwa, kandi ko ari umukobwa uzi Yesu. Ati 'Tumaze igihe kirenga imyaka itatu. Namukundiye byinshi gusa muri ibyo harimo Yesu umurimo.'

Uyu muhanzi yinjiye mu muziki afite umwihariko! Kuko akora umuziki wa 'Gospel' ivanze na gakondo nyarwanda biri mu byatumye mu gihe cy'imyaka ibitatu ishize yarakunzwe.

Avuga ko mu mwaka wa 2000 ari bwo yatangiye urugendo rwo gukorera Imana binyuze mu kuririmba muri korali y'abana mu rusengero. Ariko icyo gihe ntiyari azi ko ari umwuga ushobora kuzamubeshaho mu buzima bwe bwose.

Uyu musore w'imyaka 25 y'amavuko yanyuze mu matsinda atandukanye y'abaramyi ari nako akuza impano ye yatangiye kugaragaza kuva mu myaka ibiri ishize.

Yanyuze mu itsinda Urugero Music, kandi yakoranye bya hafi n'abaramyi barimo Yvan Ngenzi na René Patrick bamufashije kwisanga mu muziki.

Josh Ishimwe muri 2021 yabwiye TNT ko yabashije guhuza indirimbo zihimbaza Imana na gakondo 'mbifashijwemo n'abahanzi nka Yvan Ngenzi'.

Yavuze ariko ko byanaturutse ku kuba akunda indirimbo za gakondo. Josh uzwi mu ndirimbo nka 'Amasezerano', avuga ko yibazaga ibijyanye n'aho azakura amafaranga yo kwishyura indirimbo ya mbere kugeza ubwo yabonye abamufasha atangira gukora umuziki.

Uyu musore avuga ko nk'abandi bahanzi bose yari afite ubwoba bw'uburyo abakunzi b'umuziki bazamwakira.

 

Josh Ishimwe yatangaje ko yambitse impeta y’urukundo umukunzi we Gloria 

Josh Ishimwe yavuze ko umukunzi we ari Umukristu, byamusunikiye gukundana nawe 

Josh yavuze ko ibirori byo kwambika impeta umukunzi we byabereye mu Mujyi wa Paris mu Bufarasa 

Josh Ishimwe yambikiye impeta umukunzi we hafi y’umunara wa ‘Tour d’Eiffel’ wamamaye ku Isi

KANDA UREBE INDIRIMBO Z’UMUHANZI JOSH ISHIMWE YAKOZE MU BIHE BITANDUKANYE

Imwe mu mpamvu z'uruzinduko rwa Minisitiri Lammy ni ukuganira n'abo muri Guverinoma y'u Rwanda ku mutekano wahungabanye mu Burasirazuba bwa Repubulika Iharanira Demokarasi ya Congo.

Minisitiri w'Ububanyi n'Amahanga, Olivier Nduhungirehe, yabwiye IGIHE ko Lammy aragera mu Rwanda mu masaha ya nyuma ya Saa Sita kuri uyu wa Gatandatu.

Guverinoma z'ibihugu byombi ntizivuga rumwe kuri iki kibazo, kuko u Bwongereza bushinja u Rwanda kohereza ingabo mu Burasirazuba bwa RDC mu buryo bunyuranyije n'amategeko, u Rwanda rwo rukagaragaza ko iki kirego kidafite ishingiro.

Tariki ya 20 Gashyantare, Minisitiri Lammy wari witabiriye inama y'umuryango G20 muri Afurika y'Epfo, yatangaje ko azabwira Perezida Paul Kagame ko gukomeza kuvogera ubusugire bwa RDC bizagira ingaruka.

Minisitiri w'Ububanyi n'Amahanga n'Ubutwererane, Ambasaderi Olivier Nduhungirehe, yanditse kuri X ko ategereje kubona Minisitiri Lammy akora ibyo yavugiye muri Afurika y'Epfo, anashyira hanze itangazo rishize amanga ubwo azaba amaze guhura na Perezida Kagame.

Muri ubu butumwa buha Minisitiri Lammy ikaze, Minisitiri Nduhungirehe yagize ati 'Koko se? Ntegerehe kubibona no gusoma itangazo rishize amanga nyuma yo guhura. Ikaze i Kigali David Lammy!'

Guverinoma y'u Rwanda ikomeje kunenga uburyo umuryango mpuzamahanga wirengagiza impamvu muzi z'intambara yo mu Burasirazuba bwa RDC, zirimo itotezwa ry'Abanye-Congo b'Abatutsi, ndetse n'ubufasha umutwe w'iterabwoba wa FDLR uhabwa na Leta ya RDC kandi ufite umugambi wo kuruhungabanya.

Ku ngaruka cyangwa se ibihano abarimo Minisitiri Lammy bateguza u Rwanda, Guverinoma y'u Rwanda yagaragaje ko atari byo bizana ibisubizo, kuko iyo biba bizana ibisubizo, akarere kaba kamaze imyaka myinshi gatekanye.

Guverinoma y'u Rwanda isaba umuryango mpuzamahanga gushyigikira imyanzuro yafashwe n'abakuru b'ibihugu byo mu muryango wa Afurika y'Iburasirazuba (EAC) n'uwa Afurika y'Amajyepfo (SADC) kuko ari yo yazana amahoro arambye. Iyo irimo ibiganiro bya politiki hagati ya Leta ya RDC n'imitwe bishyamiranye irimo uwitwaje intwaro wa M23.

Minisitiri David Lammy ategerejwe mu Rwanda

Minisitiri Nduhungirehe yahaye Lammy ikaze i Kigali

Yabigarutseho ku wa Gatanu, tariki ya 21 Gashyantare 2025, ubwo ubuyobozi bw'Intara y'Iburasirazuba, ubw'uturere n'abakozi bashinzwe imitangire ya serivisi z'ubutaka bwaganiraga n'ubuyobozi bw'Ikigo cy'Igihugu gishinzwe Ubutaka ku micungire n'imikoreshereze y'ubutaka ndetse n'iyubahirizwa ry'ibishushanyo mbonera by'imikoreshereze y'ubutaka, ibibazo birimo n'icyakorwa.

Umuyobozi Mukuru w'Ikigo cy'Igihugu gishinzwe Ubutaka, Nishimwe Marie Grace, yavuze ko mu mikoreshereze y'ubutaka harimo ibibazo bishobora kuzateza ibibazo mu myaka iri imbere, hakiyongeraho serivisi zitanoze mu by'ubutaka.

Yavuze ko kuri ubu uturere twose two mu Ntara y'Iburasirazuba twamaze kubona ibishushanyo mbonera ku buryo ngo abayobozi bari bakwiriye gukurikirana abantu bubaka mu butaka bwagenewe ubuhinzi.

Ati ''Umuntu bamuha icyangombwa cyo kubaka ikiraro cy'inkoko, wagenda ugasanga yubatsemo inzu yo kubamo, ibyo bintu turabifite cyane. Ikindi gihari, uburyo tumenya ubutaka abantu bakwiriye guturamo, uracyasanga abantu bashaka gutura bonyine.''

Nishimwe yavuze ko mu Ntara y'Iburasirazuba harimo n'ikibazo cy'abantu bagabanya ubutaka bw'ubuhinzi bakabugira ubwo guturamo kandi ngo bakanabukata nabi badakurikije ibishushanyo mbonera, asaba abayobozi kwita kuri ibi bibazo byose mu gukurikirana ikoreshwa neza ryabwo.

Guverineri Rubingisa yavuze ko hari amakosa akorwa na bamwe mu bayobozi yo kudakurikirana imikoreshereze y'ubutaka ashobora no kuvamo ruswa, bose abasaba kujya bakurikirana hakiri kare.

Ati ''Buriya umuturage iyo yubatse inzu ukaza ukamubwira ngo yayishyize ahatemewe kandi ukabimubwira yamaze gusakara haba habayemo kurangara. Hari ubikora kubera ko atabizi ariko hari n'ubikora kubera ko yabirenzeho avuga ati ndabizi ko hariya batazabibona.''

Yakomeje agira ati ''Ni n'icyuho cya ruswa, ashobora kubikoresha yasabwe ruswa cyangwa na we yayitanga, tugomba rero kubikumira tugakorana n'inzego. ''

Guverineri Rubingisa yavuze ko ibibazo byinshi bakira mu Ntara no mu turere bishingiye ku butaka birimo imbibi zabwo zikeneye gukosorwa, ibyangombwa bifite ibibazo n'ibindi byinshi.

Yavuze ko mu mijyi yunganira Umujyi wa Kigali bafite ndetse no mu mijyi iwugaragiye bakwiriye guhindura imikorere mu rwego rwo guhuzwa n'icyerekezo cy'igihugu cya 2050.

Uyu muyobozi kandi yavuze ko bemeranyijwe n'abandi bayobozi ko bamanuka hasi, umuturage bakamukemurira ibibazo, bakamuha amakuru akeneye kandi bakamutega amatwi ku buryo ibitekerezo bye na byo bigenderwaho mu gufata imyanzuro.

Guverineri Rubingisa yasabye abayobozi kujya bagenzura abakoresha nabi ubutaka bakabigisha ndetse bakanakumira hakiri kare

Umuyobozi w'Akarere ka Nyagatare, Gasana Stephen, ni umwe mu batanze ibitekerezo

Ubwo bari bamaze kuva muri uyu mujyi, zimwe mu nsoresore zo mu Mujyi wa Bukavu zatoraguye imyenda y'igisirikare cya Congo n'imbunda aba basirikare bari bataye, zikomeza ubusahuzi bari basize batangije.

Muri abo basore harimo abagiye mu kigo cya gisirikare cya Cap Saio, basangamo abasirikare bane bari bahasigaye, buri umwe agaha abo basirikare 1000 Frw bakamwigisha kurasa, yamara kurasa amasasu atatu agahita afata imbunda n'imyenda ya gisirikare akajya kubikoresha mu gusahura ububiko n'amaduka.

Mu bubiko bw'ibicuruzwa n'amaduka yo muri uyu Mujyi byasahuwe, harimo n'iby'Abanyarwanda bakorera ubucuruzi bwabo muri Repubulika Iharanira Demokarasi ya Congo.

Twagiramungu Alex ukora ubucuruzi bw'ifu y'ibigori n'ifu y'imyumbati hagati y'u Rwanda na Congo, ari na we uhagarariye abakora ubucuruzi bwambukiranya imipaka hagati y'Akarere ka Rusizi n'Umujyi wa Bukavu, yabwiye IGIHE ko tariki 14 Gashyantare 2025, ubwo FARDC na Wazalendo bahungaga uyu mujyi, yari afite imifuka 200 y'ifu mu bubiko bw'ibicuruzwa bye buri mu Mujyi wa Bukavu.

Ati 'Hari abacuruza ifu, hari abacuruzi imboga, hari abacuruza ibigori. Bagiye mu bubiko bwose, nta na bumwe basize baradusahura.'

Nyiraminani Hyacinthe ukora ubucuruzi bwambukiranya imipaka hagati y'Akarere ka Rusizi n'Umujyi wa Bukavu, we yavuze ko Ingabo za FARDC n'amabandi bamusahuye imifuka 200 y'ibigori bifite agaciro k'ibihumbi 400 Frw.

Ati 'Nari napakuruye ku wa Kane, amasasu atangira kuvuga Saa Munani, uwo nari nabisigiye abitwikiriza shitingi arigendera agaruka ku wa Mbere mu gitondo asanga nta mufuka n'umwe uhari.'

Uyu mubyeyi yavuze ko igishoro ari amafaranga yari yagujije mu itsinda ndetse ko afite impungenge z'aho azakura ayo kwishyura itsinda kandi baramwibye ibicuruzwa byose ntasigarane igishoro.

Nyiransabimana Françoise avuga ko ku wa Gatanu, tariki 14 Gashyantare 2025, yohereje ibicuruzwa mu bubiko bwe nk'uko yari asanzwe abyohereza.

Ati 'Bibaye ku mugoroba amasasu arakara, abakongomani twari twabisigiye, babita mu bubiko barigendera, imivurungano igabanutse, tubajije batubwira ko babisahuye, turahomba kuko nta wundi twagombaga kubibaza.'

Uyu mugore wari uherutse gufashwa na 'Mupaka Shamba Letu' mu bagore bakora ubucuruzi bwambukiranya imipaka bahombejwe na COVID-19, yavuze ko ubu busahuzi bwahungabanyije ubucuruzi bwe.

Ati 'Byarampungabanyije kuko kugeza iyi saha nta gishoro ngifite kandi urebye tuba twagiye dufata amafaranga y'abandi tuguza no mu matsinda.'

Umutoni Gisèle, umucuruzi wo mu Karere ka Rusizi ucuruza ibitunguru mu Mujyi wa Bukavu, yavuze ko yagiyeyo tariki 14 Gashyantare agasanga ibintu byahindutse, ibicuruzwa abisigayo arataha.

Ati 'Nyuma twaje kumva ko ibicuruzwa byacu babisahuye. Nari mfiteyo imodoka y'ibitunguru na tungurusumu bifite agaciro ka miliyoni 2 Frw. Aya mahoro n'umutekano nibikomeza nzasubirayo nshake amafaranga nsubire mu isoko.'

Mu maduka yasahuwe mu Mujyi wa Bukavu harimo ay’Abanyarwanda

Ubwo M23 yari hafi kugera mu Mujyi wa Bukavu, abasirikare n’abapolisi bahunze umujyi bagenda basahura ibicuruzwa bitandukanye

Umutwe wa M23 umaze gukusanya imbunda 150 izivanye mu baturage

Izi mbunda ziganjemo izo mu bwoko bwa AK47

Nk'umuhanzi wese aho ava akagera ikintu cya mbere yitaho ni imyambarire ndetse n'uko agaragara iyo ari imbere y'abakunzi b'umuziki we baba bamuhanze amaso ari benshi ndetse n'itangazamakuru riba rireba akantu ku kandi kubiri kubera mu gitaramo.

Abajyanama ba John Legend n'abashinzwe kumwitaho bari bamaze hafi icyumweru i Kigali mu gutegura urugendo rw'uyu muhanzi banyarukiye mu nzu zihanga imideli i Kigali bashakisha imyambaro yaserukana muri iki gitaramo cy'amateka muri Afurika.

Aba bajyanama be banyarukiye mu nzu y'imideli ya Moshions iyobowe na Moses Turahirwa bahakura imyambaro itandukanye irimo iya John Legend n'abariririmbyi be b'igitsina gore batatu.

Umwambaro w'ibara ry'umweru n'ubururu buke ku rutugu rw'iburyo ukoze nk'ikoti rifite umwitero wahitiwemo John Legend witwa 'Shana Dress Jacket' ufite agaciro ka miliyoni 3Frw nk'uko bigaragara ku rubuga rwa Moshions. Uyu niwo mwambaro John Legend yaserukanye mu gice cya mbere cy'igitaramo.

Mu gice cya kabiri John Legend yagiye kuruhuka agarukana ikoti ry'umukara rifite umwitero w'ibara rishashagirana nka zahabu.

Uyu mwambaro wahanzwe na Tanga Design. Uyu munyamideli aganira na InyaRwanda yavuze ko uyu mwenda wambawe na John Legend atarawushyira ku isoko ngo ugenerwe agaciro kawo.

Kenshi na kenshi imyambaro yambawe n'ibyamamare mu bikorwa bitandukanye usanga iyo igiye hanze ihita izamurirwa ibiciro cyangwa igashakishwa cyane ku isoko kuko iba ikenewe na benshi banyuzwe nayo kubera ko bayibonanye ibyamamare.

Muri rusange imyambaro cyangwa imyenda yose John Legend yaserukanye ifite aho ihuriye n'umuco nyarwanda nk'igihugu yari agiye gutaramiramo umuhanzi w'umuhanga areba akantu kose kamuhuza n'abantu baho bikamworohera gukurura amarangamutima yabo.

John Legend yagize umugisha wo gukora igitaramo cya mbere muri Afurika kikitabirwa n'umukuru w'igihugu, ibintu bidakunze kuba henshi ku Isi.

Iki gitaramo John Legend yaririmbyemo i Kigali mu ijoro rya tariki 21 Gashyantare 2025 cyateguwe na Global Citizen binyuze mu iserukiramuco rya Move Afrika rizajya riba buri mwaka mu bihugu bitandukanye bya Afurika.

Ni iserukiramuco ryatangirijwe i Kigali mu 2023 mu gitaramo cyaririmbyemo umuraperi Kendrick Lamar nacyo cyari icya mbere uyu muraperi akoreye muri Afurika.

Mu butumwa yanyujije ku rukuta rwe rwa Instagram, umuhangamideli David Thomas usanzwe ukorana bya hafi na John Legend, yavuze ko yishimiye gukorana na Moshions ndetse na Tanga Design mu guhitamo imyambaro uyu mugabo yaserukanye.

Yavuze ko iyi myambaro bayihisemo mu rwego rwo kugaragaza ibikorwa by'abahangamideli bo mu Rwanda. Ati 'Byari ibyishimo by'ikirenga kuri njye gukorana n'abo, mu rwego rwo kugaragaza ibihangano nyarwanda n'umuco ku rwego rw'Isi.'

David Thomas yavuze ko uretse John Legend, n'abaririmbyi be barimo Natalie Imani, Shenice Johnson, ndetse na Kay Manee bambaye imyenda ya Moshions.

John Legend yashimye inzu y’imideli yamwambitse iyi myambaro ihagaze Miliyoni 3 Frw 

John Legend yashimye Tanga Design kubera iyi myambaro yaserukanye

John Legend asanzwe akorana n’umunyamideli witwa David, ari nawe wakoranye na Moshions na Tanga mu guhitamo iyi myambaro 

Turahirwa Moses washinze Moshions ari kumwe n’ikipe ya John Legend ubwo bamusuraga aho akorera

Tanga Design yabwiye InyaRwanda ko iyi myambaro yahanzwe itarashyirwa ku isoko, ndetse ko atarayigenera igiciro 

Turahirwa Moses ari kumwe n’abaririmbyi ba John Legend mbere y’igitaramo cyabo muri BK Arena

Abaririmbyi ba John Legend bambaye imyambaro yahangiwe muri Moshions

Umuhangamideli David Thomas wakoranye na Tanga Design na Moshions mu guhitamo imyambaro ya John Legend, basanzwe bakorana

John Legend yagaragaje ko yanyuzwe no gukorana n’inzu z’imideli zo mu Rwanda

KANDA HANO UBASHE KUMVA NO KUREBA BIMWE MU BYARANZE IGITARAMO CYA JOHN LEGEND

“>

Kanda hano urebe amafoto menshi y’igitaramo cya mbere cya John Legend i Kigali

Mu gihe yiteguraga gutaramira mu Rwanda, John Legend yandikiwe ibaruwa yuzuye ibinyoma n’iterabwoba n’umuryango witwa ko wita ku burenganzira bwa muntu ku Isi (Human Rights Foundation) bamusaba kudataramira mu Rwanda kubera umutekano mucye uri mu Burasirazuba bwa DRC.

Iyi baruwa yuzuyemo amagambo akakaye, ayobya, yangisha abantu ubuyobozi bw’u Rwanda nk’uko bifuzaga ko John Legend nawe yakwanga gutaramira i Kigali nubwo batabigezeho.

Muri iyi baruwa, itsinda ryitwa ko riharanira uburenganzira bwa muntu ryo muri New York, Human Rights Foundation [HRF], ryasabaga John Legend guhagarika igitaramo cye i Kigali nk'uko mugenzi we Tems wegukanye Grammy Awards yabikoze.

Uyu muryango mu butumwa bwawo, waratanye usobanurira John Legend uko kuva mu 2022 umutwe wa M23 wigaruriye bimwe mu bice bya Congo, cyane cyane ibirimo amabuye y'agaciro, urenzaho ko ibi byose uyu mutwe ubigeraho kubera ubufasha uhabwa n'Ingabo z'u Rwanda.

Ibi si ko byagenze, kuko bamwe mu bakoresha imbuga nkoranyambaga bakomeje kwandika, bagaragariza John Legend ko u Rwanda rudafasha umutwe wa M23, kandi ko ubutegetsi bwa Congo ari bwo bufite mu biganza gukemura iki kibazo cy'intambara zidashira muri iki gihugu.

Ibyo Human Rights Foundation (HRF) yandikiye John Legend ni ibinyoma byambaye ubusa kuko u Rwanda ntaho ruhuriye n’intambara iri kubera muri DRC nk’uko Guverinoma y’u Rwanda yabinyomoje kuva kera ariko DRC ikavunira ibiti mu matwi.

DRC ivuga ibi binyoma kubera inyungu ifite muri iyi ntambara yayo na M23 y’abarwanyi b’Abanyekongo, dore ko iki gihugu cyigamba kuzakuraho ubutegetsi bw’u Rwanda ndetse kikanabishimangira gishyigikira FDLR y’abakoze Jenoside yakorewe Abatutsi, ishaka kuzongera guhekura u Rwanda.

Kubera abigamba gutera u Rwanda, niyo mpamvu u Rwanda ruryamiye amajanja, imipaka yose ikaba irinzwe kuko intero ari ukwita ku muturage warwo “Umuturage ku isonga”. U Rwanda ruratekanye ndetse abaturarwanda basabwa kuryama bagasinzira.

Umuvugizi Wungirije wa Guverinoma y’u Rwanda, Alain Mukuralinda, aherutse kubwira RBA ati “Ubwabo (DRC) bahora bavuga ko bazarasa u Rwanda, bavuga ko barwanya Leta iyoborwa na Perezida Kagame, hanyuma rero uragira ngo u Rwanda n'abayobozi barwo bayobowe n'Umukuru w'Igihugu n'Umugaba Mukuru w'Ingabo, bicare baturame!”.

Umutekano usesuye mu Rwanda n’iterambere rigaragarira Isi yose kubera ubuyobozi bwiza bwa Perezida Kagame wazuye u Rwanda nyuma yo guhagarika Jenoside yakorewe Abatutsi mu 1994 no kubohora igihugu, bituma Abanyarwanda bamugaragariza urukundo rwinshi yaba mu matora bakamuhundagazaho amajwi hafi 100% no mu bindi bihe binyuranye mu ntero igira iti: “TuriKumwe”.

Ibaruwa ndende ya HRF yateraga ubwoba John Legend ariko ukuri kugatsinda agataramira mu Rwanda iragira iri:

“Umuryango uharanira uburenganzira bwa muntu wamenye igitaramo ugiye gukorera i Kigali, mu Rwanda, ku ya 21 Gashyantare 2025, muri Move Afrika ubufatanye hagati ya guverinoma y’u Rwanda, Global Citizen, na pgLang.

Turabasaba guhagarika igitaramo cya Move Afrika i Kigali, ukurikije urugero rw’umuhanzikazi Tems wegukanye Grammy wo muri Nigeria, mu rwego rwo kwifatanya n’abanyarwanda n’abanyekongo bahitanywe n’intambara y’ubutegetsi bw’u Rwanda.

Nubwo dushima gahunda yanyu yo guteza imbere impano z'Abanyafurika, umuco wabo ndetse n'iterambere ry'ubukungu, turabasaba kongera gutekereza ku cyemezo cyo gutaramira mu Rwanda kuko kuhataramira bishobora gufatwa nk'icyemezo cyo gushyigikira ubutegetsi bw’igitugu bwa Paul Kagame, ubutegetsi buri kurwana intambara y'amaraso no gusahura umutungo kamere w'uburasirazuba bwa Repubulika Iharanira Demokarasi ya Kongo.

Igitaramo cyanyu i Kigali cyaha ubutegetsi bw'u Rwanda uburyo bwo kwihisha inyuma yacyo no kurangaza amahanga n’imiryango irengera ikiremwa muntu binyuze mu gushyigikira no kohereza ingabo n'ibikoresho bifatanyije n'umutwe wa M23, washyiriweho ibihano na Leta Zunze Ubumwe za Amerika ndetse n'Umuryango w'Abibumbye (ONU).

Uyu mutwe ushinjwa kwica abasivile mu bwicanyi bw'indengakamere, gukoresha ihohotera rishingiye ku gitsina nk'intwaro y'intambara, gushora abana mu mirwano, kugaba ibitero bya gisirikare ku bindi bihugu no gusahura umutungo kamere mu buryo bw'agahato kandi bw'iyicarubozo.

Kuva mu mwaka wa 2022, umutwe wa M23 wafashe ibice binini by'uburasirazuba bwa Repubulika Iharanira Demokarasi ya Kongo (RDC), ushyiraho igitugu ku baturage no gusahura mu buryo bunyuranyije n'amategeko umutungo kamere w'akarere, bigirira inyungu ubutegetsi bw'u Rwanda.

Ibihumbi n'ibihumbi by'abaturage barahunze, bituma bisanga mu buzima bubi cyane. Mu byumweru bishize, igitero cyagabwe na M23, ifashijwe n'ingabo z'u Rwanda, cyafashe umujyi wa Goma, umujyi munini mu burasirazuba bwa RDC, maze gituma abarenga 700,000 bahunga.

Ubufasha ubutegetsi bw'u Rwanda butanga kuri M23, bwica amategeko mpuzamahanga ndetse n'aya Leta Zunze Ubumwe za Amerika. M23 iri ku rutonde rw'abafatiwe ibihano n'ishami rishinzwe kugenzura imitungo y'abanyamahanga muri Minisiteri y'Imari ya Leta Zunze Ubumwe za Amerika (OFAC).

Ubutegetsi bw'u Rwanda nabwo bwafatiwe ibihano hashingiwe ku itegeko rirwanya ikoreshwa ry'abana mu gisirikare (Child Soldiers Prevention Act), kubera uruhare rwa M23 mu gushora abana mu mirwano.

Ubutegetsi bwa Paul Kagame bugenzura u Rwanda mu buryo bukomeye, buburizamo ibitekerezo bitandukanye binyuze mu gukoresha ubugenzuzi bukaze, kuburirwa irengero kw'abantu, gufunga abanenga ubutegetsi ndetse no kwica abatavuga rumwe nabwo bari mu buhungiro.

Urugero rugaragara ni ishimutwa n'ifungwa rya Paul Rusesabagina, intwari nyakuri yagaragajwe muri filime ya Hollywood ‘Hotel Rwanda’ ndetse akaba umuturage wa Leta Zunze Ubumwe za Amerika. Yafunzwe mu buryo butemewe igihe kirenga iminsi 900.

Ubutegetsi bwa Kagame bwacengeye kandi telefoni y'umukobwa we, Carine Kanimba, na we ufite ubwenegihugu bw'Amerika, hakoreshejwe intasi ya mudasobwa (spyware). Don Cheadle hamwe n'abakinnyi ba filime ‘The Avengers’ bifatanyije mu bukangurambaga busaba ko Rusesabagina arekurwa agasubira iwe i San Antonio, Texas.

Nubwo hafi igice kinini cyo mu Rwanda kibayeho mu bukene, Kagame ayobya umutungo w'igihugu awushyira mu bikorwa byo kwiyamamaza no kwerekana isura nziza, binyuze mu kwakira ibirori mpuzamahanga bikomeye nka Move Afrika, gutura mu mazu y'akataraboneka, gukoresha ba lobbystes (abamushakira inyungu ku rwego mpuzamahanga) no gutera inkunga siporo mpuzamahanga.

Twemera ko Kagame ashaka gukoresha iri serukiramuco nk'intwaro yo kumenyekanisha isura itariyo y'igihugu, akoresheje icyubahiro cyanyu, ubwamamare bwanyu n'ijambo mufite ku isi, kugira ngo agaragaze u Rwanda nk'igihugu gifite ituze, iterambere.

Mu magambo yoroshye: Nubwo mwaba mutabizi, igitaramo cyanyu kizaba igikoresho cyo kurangaza amahanga ku ntambara y'amaraso Kagame arwana muri Kongo, no gushyigikira propagande y'ubutegetsi bwe bumaze imyaka 24.

Byongeye kandi, ibi bizarushaho kwibagiza ibyaha mpuzamahanga by'amateka ashinjwa, birimo ibyaha by'intambara, ibyaha byibasiye inyokomuntu, ndetse nibishoboka, na jenoside nk'uko byagaragajwe mu nyandiko z'inzego mpuzamahanga.

Nk'umuhanzi w'icyamamare wagize uruhare rukomeye mu guteza imbere ubutabera no kurengera uburenganzira bwa muntu, harimo no gushyigikira ubukangurambaga ‘Write for Rights’ bwa Amnesty International, tubasabye tubikuye ku mutima ko mwakongera gutekereza ku cyemezo cyo gutaramira mu Rwanda, mugafata icyemezo cyo guhagarika iki gitaramo. Ibi byaba bigendeye ku rugero rw'umuhanzi w'umunya-Nigeria watsindiye Grammy, Tems, wahisemo kudataramira muri Kigali.

Turabashishikariza gukoresha izina ryanyu n'ijwi ryanyu mu gushyigikira urugamba rw'isi yose rwo guharanira ubwisanzure bwa muntu harimo no mu Rwanda.

Twiteguye kubaha amakuru arambuye kuri iyi ngingo no kuganira ku bundi buryo mushobora gushyigikira abaturage b'u Rwanda mu buryo buboneye.

Tubasabye gukoresha ijwi ryanyu rikomeye ku rwego mpuzamahanga mu gushyigikira urugamba turimo rwo guharanira ubwisanzure n'ubutabera ku isi hose, kandi twiteguye gukomeza kuganira kuri iyi ngingo.

Niba mufite ibibazo cyangwa mushaka ibisobanuro birambuye, mwaduhamagara kuri (+1) 212-246-8486 cyangwa mukatwandikira kuri email [email protected].

Nyuma yo gusoma iyi baruwa, John Legend yayiciye amazi hanyuma mu gitondo cyo kuri uyu wa Gatanu agera i Kigali ndetse ku mugoroba ahita aha ibyishimo Abanyarwanda mu birori by’agatangaza byitabiriwe na Perezida Kagame.”

Ubwo yataramaga mu gitaramo cy’amateka cyabereye muri BK Arena, kikitabirwa n’abantu ibihumbi barimo Perezida Kagame n’umuryango we, John Legend umaze gutwara ibihembo byinshi birimo na Grammy Awards, yavuze ko yishimiye gutaramira mu Rwanda ku nshuro ye ya mbere akaba ari n’inshuro ya mbere ataramira mu karere ka Afurika y’Iburasirazuba.

Ati: 'Ndanezerewe cyane kuba ndi hano, ku nshuro yanjye ya mbere ntaramiye i Kigali, inshuro ya mbere ntaramiye mu Karere k'Afurika y'Iburasirazuba, inshuro ya mbere ntaramiye mu Rwanda, turi hano kubera ko tubakunda, kubera ko dushaka kwishimira umuziki, urukundo n'umuco, kubera ko twumva buduhuza , biranejeje cyane kuba turi hano.'

Ibaruwa Human Rights Foundation (HRF) yari yandikiye John Legend bamubuza gutaramira mu Rwanda

Nyuma yo gusoma ibaruwa Human Rights Foundation yamwandikiye, John Legend yahisemo kubima amatwi ataramira mu Rwanda

John Legend waserutse mu mwambaro wakozwe na Moshion, yavuze ko yishimiye gutaramira mu Rwanda