Blog

Ku wa 28 Werurwe 2025, ni bwo uru rubyiruko rufite imishinga itanu ihiga iyindi rwatoranyijwe mu irushanwa rya AYuTe Africa Challenge, rigamije kuzamura ibitekerezo n'imishinga byateza imbere urwego rw'ubuhinzi.

Ni irushanwa ryashyiriweho urubyiruko rwifuza gukora ishoramari mu Rwanda, kugira ngo rurusheho kunguka ubumenyi mu buryo bw'imikorere, ndetse ruhabwe ibihembo nk'inkunga irufasha kuzamura ibikorwa byarwo.

Abatoranyijwe ni Niyidukunda Mugeni Euphrosine wo muri Avocare, Muyombano Happy Axel wo muri Ampere Vision Rwanda, Muhiza Frank wo muri Extra Technologies, Sabina Marie Rose wo muri Green Energy Technology na Tresor Gashonga wo muri Incuti Foods.

Aba batoranyijwe mu cyiciro cya kabiri cy'abashoramari b'urubyiruko bazahabwa amahirwe yo guhatanira inkunga y'ishoramari ingana na miliyoni 50 Frw muri AYuTe Challenge y'uyu mwaka, bakaba baratoranyijwe mu barenga 500.

Iri rushanwa rya AYuTe Challenge Rwanda riteza imbere ikoranabuhanga mu buhinzi, ryatangijwe bwa mbere mu Rwanda mu 2023 na Heifer International, rigamije guteza imbere udushya dukoresha ikoranabuhanga mu gukemura ibibazo abahinzi bahura na byo, no gushishikariza urubyiruko kwinjira mu rwego rw'ubuhinzi.

Verena Ruzibuka, Umuyobozi Mukuru wa Heifer International Rwanda, yanyuzwe n'umuhati w'abatsinze muri iki cyiciro.

Ati 'Ndashimira abageze mu cyiciro cya nyuma cya AYuTe Challenge. Umuhate wanyu, ubuhanga bwanyu n'ishyaka mufitiye mu gutanga ibisubizo mu buhinzi ni iby'agaciro'.

Yakomeje ati ' Iri si irushanwa gusa, ahubwo ni urubuga rutanga impinduka. Muri Heifer International, twizera ko guha urubyiruko ibikoresho n'inkunga bikenewe, bitanga umusanzu mu kubaka ejo hazaza habo no kongera umusaruro. Rero tuzahurira mu cyiciro cya nyuma taliki 30 Mata 2025.'

Amahugurwa ya AYuTe Challenge Rwanda Bootcamp, yamaze iminsi ine, yasojwe n'amarushanwa yo kumurika imishinga ku mugaragaro, batanu bahize abandi, bakaba bazahatana ku wa 30 Mata 2025.

Ku munsi wa nyuma w'amahugurwa, 10 bafite imishinga bitabiriye aya mahugurwa yo kujonjora abazahatanira ibihembo, batanze ibiganiro ku mishinga yabo y'ubuhinzi ikoresha ikoranabuhanga, banagaragaza udushya twibanda ku gukoresha Drones mu buhinzi, ikoranabuhanga rya Hydroponics, Imirasire y'izuba mu kongera umusaruro, ubuhanga buhanitse mu gutunganya umusaruro n'Ikoranabuhanga rya biotechnologie.

Tresor Gashonga wo muri Incuti Foods, umwe mu batoranyijwe, yabigarutseho ati 'Nungutse byinshi muri Bootcamp, by'umwihariko nahuye n'abandi bashoramari bafite ibitekerezo byiza. Nshimishijwe cyane n'amahirwe nagize yo kugera ku cyiciro cya nyuma. Ubu ngiye kwitegura, nkoresheje ubumenyi nungukiye hano kugira ngo nzamure ubucuruzi bwacu, maze Incuti Foods isohoke ku isoko mpuzamahanga kandi igirire akamaro abahinzi basaga 8,000.'

Niyidukunda Mugeni Euphrosine wo muri Avocare,na we uri mu batoranyijwe, yagize ati 'Imishinga yose irafatika. Muby'ukuri biranshimishije cyane kuba ndi mu banyamahirwe batanu bageze ku cyiciro cya nyuma. Ndifuza ko Avocare yatsinda, bityo tukaguka tukongera ubushobozi bwacu bwo gufasha abahinzi benshi ndetse tukongera amahirwe y'akazi ku rubyiruko n'abagore, cyane cyane abo mu cyaro.'

Irushanwa rya AYuTe Challenge si ukwegukana ibihembo gusa, ahubwo riha urubyiruko inyigisho n'ubujyanama mu bucuruzi. Mu gihe cy'iminsi ine, abahatanye mu cyiciro cya 2025 bakurikiranye amasomo ndangagaciro ku Iterambere ry'imishinga y'ubucuruzi, Uburyo bwo kwinjira ku isoko no Gutanga umusaruro ndetse no kwaguka ku rwego mpuzamahanga.

Nyuma y'ayo masomo, bahawe ubujyanama n'inzobere ku kongera ubushobozi bw'imishinga yabo, ku kuzamura ubucuruzi bwabo, ndetse bashishikarizwa kwitegura neza kuzatanga ibiganiro byubaka urwego rw'ubuhinzi.

Ubuhinzi bukoresha abasaga 60% by'abanyarwanda, kandi bufatiye runini ubukungu bw'igihugu. Ubuhinzi ni kimwe mu byafasha urubyiruko kubona akazi. Irushanwa rya AYuTe Challenge riragaragaza uruhare rw'urubyiruko mu guhanga udushya twifashisha ikoranabuhanga hagamijwe kongera umusaruro n'iterambere ry'abahinzi.

Heifer International Rwanda ikorera mu murongo wo guhashya inzara n'ubukene binyuze mu guteza imbere ubuhinzi burambye. Binyuze mu gufasha abahinzi bato no gushyigikira udushya tw'urubyiruko, iyi gahunda igamije kubaka ahazaza heza kandi harambye ku miryango y'abahinzi mu Rwanda.

Batanu batoranyijwe, uvuye ibumoso, Muyombano Happy Axel (Ampere Vision Rwanda Ltd), Niyidukunda Mugeni Euphrosine (Avocare Ltd), Alimas HAKIZIMANA (AYuTe Challenge Bootcamp judge), Muhiza Frank (Extra Technologies Ltd), Tresor Gashonga (Incuti Foods) , Sabina Marie Rose (Green Energy Technology Ltd), Malik Shaffy (Umukemurampaka muri AYuTe Challenge Bootcamp), Dr Damien Shumbusha (Umukemurampaka muri AYuTe Challenge Bootcamp)

Ni amatora yabaye kuri uyu wa 28 Werurwe 2025 mu turere twa Burera, Bugesera, Karongi, Rusizi, Nyamasheke, Kamonyi na Muhanga yo kuzuza Inama Njyanama z'uturere. Hatowe kandi abagize Komite Nyobozi y'Akarere ka Karongi n'Akarere ka Rusizi.

Mu Karere ka Karongi hatowe Muzungu Gerald, wari umuyobozi w'agateganyo w'aka karere, Ntakirutimana Julienne wari umukozi w'akarere ushinzwe Ejo Heza, atorerwa kuba Umuyobozi w'Akarere wungirije ushinzwe iterambere ry'ubukungu, Ngarambe Vedaste atorerwa kuba Perezida w'Inama Njyanama y'Akarere, akaba yungirijwe na Nyamurinda Protais ku mwanya wa Visi Perezida.

Ni nyuma y'aho tariki 15 Ugushyingo 2024, Mukase Valentine wari Umuyobozi w'Akarere ka Karongi yeguriye rimwe na Niragire Theophile wari Umuyobozi w'Akarere wungirije ushinzwe ubukungu n'Iterambere na Dusingize Donatha wari Perezida w'Inama Njyanama.

Mu Karere ka Rusizi hatowe, Sindayiheba Phanuel ku mwanya w'Umuyobozi w'Akarere.

Sindayiheba Phanuel ni umwe mu banyeshuri b'i Nyange bashyizwe mu Ntwari z'u Rwanda nyuma y'uko banze kwitandukanya, bakabwira Interahamwe ko ari Abanyarwanda.

Uwatowe ku mwanya w'Umuyobozi w'Akarere ka Rusizi wungirije ushinzwe imibereho myiza y'abaturage ni Mukakalisa Francine wari usanzwe ari uwikorera.

Tariki 23 Ugushyingo 2024, nibwo Dr. Anicet Kibiriga wayoboraga Akarere ka Rusizi na Dukuzumuremyi wari Visi Meya ushinzwe imibereho myiza y'abaturage beguye.

Mu Karere ka Nyamasheke hatowe Bikorimana François mu rwego rwo kuzuza abagize Njyanama y'akarere, Prof. Kamana Emmanuel atorerwa kuba Perezida w'Inama Njyanama, Uzamukunda Isabelle atorerwa kuba Visi Perezida w'Inama Njyanama y'Akarere ka Nyamasheke.

Mu yandi matora yabaye, muri gahunda yo kuzuza Komite z'Inama Njyanama z'uturere, mu Ntara y'Amajyepfo, mu Karere ka Kamonyi, ku mwanya w'Umujyanama Rusange, hatowe Rugwiro Gahamanyi David.

Mu Karere ka Muhanga hatowe Gakwavu Abraham ku mwanya w'umujyanama rusange, hanatorwa Perezida mushya w'Inama Njyanama y'Akarere, Nshimiyimana Gilbert, wari usanzwe ari Visi Perezida, wahise asimburwa na Rudasingwa Jean Bosco, wari usanzwe ari umujyanama usanzwe.

Ni nyuma y'aho Nshimiyimana Octave wari Perezida w'Inama Njyanama y'Akarere ka Muhanga aherutse kwegura ku mirimo ye, avuga ko yerekeje mu yindi mirimo atabangikanya no kuba umujyanama.

Mukakalisa Francine yatorewe kuba Umuyobozi w’Akarere ka Rusizi wungirije ushinzwe imibereho myiza y’abaturage

Mu Karere ka Muhanga, ku mwanya w’Umujyanama Rusange hatowe Gakwavu Abraham ku majwi 110 kuri 228

Ntakirutimana Julienne wari usanzwe ari Umukozi ushinzwe Ejo Heza mu Karere ka Karongi, yatorewe kuba Umuyobozi w’Akarere ka Karongi wungirije ushinzwe iterambere ry’ubukungu

Muzungu Gerald watorewe kuba Umuyobozi w’Akarere ka Karongi

Ngarambe Vedaste, yatorewe kuba Perezida w’Inama Njyanama y’Akarere ka Karongi

Prof. Kamana Emmanuel yatorewe kuba Perezida w’Inama Njyanama y’Akarere ka Nyamasheke

Sindayiheba Phanuel yatorewe kuba Meya wa Rusizi

Babitangarije mu Murenge wa Kanjongo ku wa 25 Werurwe 2025, mu gikorwa cyo gutangiza icyumweru cyahariwe kwimakaza ihame ry'uburinganire n'ubwuzuzanye mu Ntara y'Iburengerazuba.

Umugenzuzi Mukuru w'Ihame ry'Uburinganire n'Ubwuzuzanye, Umutoni Gatsinzi Nadine yavuze ko mu bikibangamiye iyubahirizwa ry'ihame ry'uburinganire n'ubwuzuzanye harimo kuba hari abaturage bagihishirira ihohoterwa rishingiye ku gitsina no kuba hari abatarumvise neza ihame ry'uburinganire n'ubwuzuzanye.

Umuyobozi w'Akarere ka Nyamasheke, Mupenzi Narcisse, yavuze ko byagiye bigaragara ko abaturage b'aka karere batanga amakuru cyane ku ihohoterwa rishingiye ku mutungo, iribabaza umubiri, n'irikorerwa ku mitekerereze, bagahisha amakuru ku ihohoterwa rishingiye ku gitsina.

Ati 'Dufite icyuho gikomeye ko amakuru ajyanye n'icyaha cy'ihohoterwa rishingiye ku gitsina, usanga ayo makuru akiri hasi cyane. Dutekereza ko igituma ayo makuru agirwa ibanga ari uko uwakorewe icyaha n'ugikekwaho bombi baba bakeneye kwihisha.'

Nyirajyambere Julienne wo mu Murenge wa Kanjongo yabwiye IGIHE ko impamvu amakuru ajyanye n'ihohoterwa rishingiye ku gitsina agirwa ibanga ari uko uwasambanyije umwagavu amushuka ngo ntazamuvuge, bikazamenyekana inda yarakuze, uwakoze icyaha agahita atoroka.

Ati 'Ukibaza ngo ndajya gutanga amakuru ngo kanaka yantereye umwana inda kandi yaratorotse, nibamushaka baramukura he? Ikindi abaturage bafite imyumvire itari yo aravuga ngo mbese najya kwifungishiriza umukwe?'.

Nyiraneza Adria wo mu Kagari ka Kibogora, Umurenge wa Kanjongo, yemeye ko hari ababyeyi banga gufungisha ababasambanyirije abana, avuga ko azi abana batatu basambanyijwe ntibahabwe ubutabera.

Ati 'Ukabona nk'uwasambanyijwe agize imyaka 18, ababyeyi bakamubwira bati 'aho kugira ngo ujye kumurega bamufunge genda akujyanye, muzategereze igihe muzashyingirirwa'.

Guverineri w'Intara y'Iburengerazuba, Ntibitura Jean Bosco, avuga ko ababyeyi banga gutanga amakuru y'uwabasambanyirije abana ngo ni umukwe bakwiye guhindura imyumvire.

Ati 'Iyo ni imyumvire iri hasi, […] ibyo ntabwo ari byo. Abo babyeyi tubakangurira ko iyo myumvire atari yo ko ahubwo bakwiye gutanga amakuru kugira ngo abakoze ibyo byaha bashyikirizwe ubutabera.'

Mu bikorwa biteganyijwe muri iki cyumweru cyahariwe kwimakaza ihame ry'uburinganire n'ubwuzuzanye harimo, ubukangurambanya ku byaha by'ihohoterwa rishingiye ku gitsina, kwandika abana batanditse mu irangamimere by'umwihariko abana bavutse ku bangavu n'abana batazi ba se.

Imibare ya Minisiteri y'Uburinganire n'Iterambere ry'Umuryango igaragaza ko abangavu 22.454 basambanyijwe bakanaterwa inda mu mwaka wa 2024, bigaragaza ko ari ikibazo gikomereye umuryango kigomba guhagurukirwa.

Imibare igaragaza ko mu 2020 abangavu 19.701 batewe inda, mu 2021 bariyongera bagera kuri 23.111, na ho mu 2022 bagera kuri 24.472 mu gihe mu 2023 bagabanyutseho gato bagera kuri 22.055.

Guverineri Ntibitura yasabye ababyeyi kudahishira abasambanya abangavu babita ‘abakwe’

Mu Karere ka Nyamasheke hari ababyeyi bafite imyumvire yo guhishira abasambanya abangavu babitezemo abakwe

Itangizwa ry’icyumweru cyo kwimakaza ihame ry’uburinganire n’ubwuzuzanye mu Ntara y’Iburengerazuba ryitabiriwe n’abayobozi mu nzego zitandukanye

Leta yari ifite gahunda yo gutegura ibyanya by'inganda mu turere dutandukanye tw'igihugu, harimo Bugesera, Muhanga, Rwamagana, Musanze, Huye n'ahandi.

Icyakora Minisitiri w'Intebe, Dr. Ngirente, yavuze ko gahunda yo gutegura ibyanya byose icya rimwe itatanze umusaruro kuko yatumye bisaranganywa ibikorwaremezo bike, iterambere ntiryihuta nk'uko byari biteganyijwe.

Ati “Ibyanya by'inganda byinshi twabitangiriye icya rimwe noneho bituma buri cyose kijyamo ibikorwaremezo bike. Hamwe ugashyiramo umuhanda ahandi ugashyiramo amashanyarazi. Icyemezo twafashe ni uko tugiye gufata ibyanya by'inganda bine bya mbere biri imbere, tubishyiremo ishoramari ryose bitangire bikore ku bushobozi bwabyo bwose noneho dusigare dukora ibindi.”

Iyi gahunda yatumaga u Rwanda rutatanya imbaraga muri gahunda yo kubaka ibi byanya, ari nayo mpamvu ibimaze gutera imbere ari byo bigiye kwitabwaho kurusha ibindi.

Minisitiri w'Intebe Dr. Ngirente yavuze ko ibyatoranyijwe ari ibiri “Bugesera, Rwamagana, Muhanga kugira ngo byo bikorwe vuba noneho nibirangira, abashoramari bajyemo dusigare tugenda dutunganya n'ibindi bikorwa. Naho kugenda ukora ushyira akantu kamwe mu byanya by'inganda bigera ku 10, ntacyo bitumarira, twasanze ari ugutatanya amafaranga bikarangira nta na kimwe gikozwe.”

Icyanya cy'inganda cya Bugesera gifite hegitari 330 mu gihe Icyanya cy'inganda cya Rwamagana gifite ubuso bwa hegitari 80 naho icyanya cy'inganda cya Muhanga kikagira hegitari 63.

Gahunda yo guteza imbere ibyanya by'inganda igamije kuzamura umusaruro w'ibikorerwa imbere mu gihugu, mu rwego rwo guteza imbere ubukungu bw'u Rwanda.

Mu 2024, urwego rw'inganda rwagize uruhare rwa 21% ku musaruro mbumbe w'igihugu.

Hagaragajwe impamvu Leta igiye gushyira imbaraga mu kwita ku byanya by’inganda bine kurusha ibindi

Inyungu ikomoka ku nguzanyo zitangwa n'iyi banki nayo yarazamutse, igera kuri miliyari 251,1 Frw, izamuka rya 15,8% ugereranyije n'umwaka wari wabanje. Ibi byagizwemo uruhare n'ingamba z'iyi banki mu gushyigikira ibigo by'ubucuruzi n'abantu ku giti cyabo, mu rwego rwo guteza imbere ubukungu bw'u Rwanda.

Muri rusange, umutungo rusange w'iki kigo wageze kuri miliyari 2,521 Frw, izamuka rya 18,9% ugereranyije na 2023. Inguzanyo zatanzwe n'iyi banki zageze kuri miliyari 1,522 Frw, aho zatanzwe mu nzego zitandukanye, kuva ku buhinzi, ibigo bito n'ibiciriritse, ibigo binini n'ibindi.

Nko mu rwego rw'ibigo bito n'ibiciriritse, hatanzwe inguzanyo zingana na miliyari 207 Frw, zigira uruhare mu guteza imbere ibyo bigo bigura imigabane, bitumiza ibicuruzwa mu mahanga ndetse bikanakomeza ubucuruzi bwabyo, birushaho kwaguka no gukora ibikorwa birambye.

Iki kigo kandi cyagurije abantu ku giti cyabo inguzanyo zifite agaciro ka miliyari 276 Frw, bingana na 36,1%. Mu nguzanyo zatanzwe harimo izahawe abashaka kubaka inzu, gukomeza amashuri ndetse n'abakozi bahawe inguzanyo, bakazishyura bakoresheje umushahara wabo.

Izi nguzanyo zihabwa abantu ku giti cyabo, zagize uruhare mu kurushaho guteza imbere imiryango no kubaka ubukungu bwayo.

Ku rundi ruhande, Bank ya Kigali yatanze inguzanyo zingana na miliyari 62 Frw mu bijyanye n'ubucuruzi bushingiye ku buhinzi n'ubworozi, zahawe abahinzi, abatunganya ikawa ndetse n'amakoperative.

Izi nguzanyo zagize uruhare mu guteza imbere ubuhinzi bwa kijyambere, guteza imbere gahunda zo gukorera imbuto mu Rwanda ndetse no kongera agaciro gaturuka k'umusaruro w'ubuhinzi.

Ku rundi ruhande, Banki ya Kigali yagize uruhare mu gutanga inguzanyo ku bigo by'ubucuruzi n'ibindi bigo bitandukanye, aho byahawe inguzanyo ingana na miliyari 974 Frw, inyongera ingana na 10,3% ugereranyije n'umwaka wari wabanje.

Izi nguzanyo zagize uruhare mu kubaka ibikorwaremezo, guteza imbere ibikorwa by'ubwikorezi, ubukerarugendo, ubucuruzi, ubuzima, uburezi n'izindi nzego z'ingenzi.

Hagati aho, iyi banki iritegura gutangiza Ishami rishya rizajya ryakira ibi bigo binini ndetse n'inzego zirimo n'iza Leta, imiryango itegamiye kuri Leta, imiryango ishingiye ku myemerere n'indi nk'iyo. Iri shami ryitezweho kuzakomeza guteza imbere iyi mishinga minini muri rusange.

Ku rundi ruhande, ubwizigame bw'abakiliya ba Banki ya Kigali bwageze kuri miliyari 156 Frw.

Iyi banki ikomeje gushyiraho uburyo bworohereza abakiliya bayo mu gukorana nayo binyuze mu ikoranabuhanga, aho umwaka wa 2024 warangiye iyi banki imaze gutangiza uburyo umukiliya ashobora gufunguza konti atagiye ku cyicaro cy'iyi banki, ahubwo akoresheje 'application' ya BK Mobile App n'uburyo bwa 'Internet Banking.'

Banki ya Kigali kandi yatangije uburyo bwa BK Quick+ aho umukiliya ashobora kubona inguzanyo igera kuri miliyoni 50 Frw, akayibona yifashishije ikoranabuhanga.

Iyi nguzanyo ishobora kuboneka hakoreshejwe 'application' ya BK Mobile ndetse na 'Internet Banking,' iba ishobora kuboneka mu masaha 15, kandi ikemezwa hakoreshejwe ikoranabuhanga. Ibi bishobora gufasha abantu bakeneye amafaranga mu buryo bwihuse, ibituma iyi banki igera ku ntego zayo, zo gufasha abakeneye serivisi zayo.

Iyi banki kandi iracyakomeje imishinga y'iterambere aho ishyira nibura 1% by'inyungu ibona mbere yo kwishyura umusoro, mu kigega BK Foundation.

Mu 2024, iki kigega cyishyuriye abanyeshuri 464 biga mu bijyanye na siyansi ndetse n'imyuga. Abagera kuri 2,202 bahawe ubumenyi ku bijyanye n'imari n'icungamutungo no kwihangira imirimo. Iki kigo kandi cyagize uruhare mu bikorwa byo kubaka Irerero rya Gateko n'irya Mwogo, aho imirimo yo kubaka ikomeje. Byitezwe ko abana 166 bazakirwa muri aya marerero.

Ku rundi ruhande, abana ibihumbi 100 bungukiye muri gahunda ya Dusangire igamije gushyigikira gahunda ya Leta yo kugaburira abana ku ishuri, iyi gahunda ikaba igamije gufasha abana kwiga neza.

Imishinga 25 iyobowe n'abagore yahawe ubufasha binyuze muri BK Urumuri Initiative, mu rwego rwo gushyira mu bikorwa ibitekerezo byabo. Ingo 141 zahawe uburyo bwo gukoresha amazi n'amashanyarazi akomoka ku ngufu zisubira.

Amafaranga abitswa n'abakiliya nayo yariyongereye, arenga miliyari 1,641 Frw mu 2024, izamuka rya 19,5% ugereranyije n'umwaka wari wabanje.

Iri zamuka ahanini ryashingiye ku izamuka rya 16,8% ry'inguzanyo iki kigo cyatanze, gusa inyungu iki kigo cyishyuye nazo zariyongereye, zigera kuri miliyari 60,5%, izamuka rya 17,5% ugereranyije na 2023.

Amafaranga yinjijwe na BK Group Plc adaturutse ku nyungu ikomoka ku nguzanyo, yageze kuri miliyari 68 Frw, izamuka rya 15,3%.

Muri rusange, amafaranga yose iki kigo cyinjije mu 2024 ni miliyari 258,7 Frw, izamuka rya 15,3%. Ku rundi ruhande, amafaranga akoreshwa n'iyi banki nayo yariyongereye, agera kuri miliyari 98,5%, izamuka rya 2,6%. Iri zamuka rito gutya, rishimangira imbaraga iyi banki yakoresheje mu kongera umusaruro ikoresheje umutungo muke, aho iki kigero (CIR) cyari kuri 38,1% mu 2024, kivuye kuri 42,8% mu 2024.

Umutungo w'abanyamigabane muri rusange (shareholder's Equity) wageze kuri miliyari 438 Frw, izamuka rya 19,7% ugereranyije na 2023.

Umuyobozi Mukuru wa BK Group Plc, Dr. Uzziel Ndagijimana, yavuze ko izamuka ry'ubukungu bw'u Rwanda, kuko bwazamutse ku gipimo cya 9,8%, ari ryo ryabaye ipfundo ry'izamuka ry'izamuka ry'inyungu iki kigo cyinjije.

Ati 'Iryo zamuka ry'ubukungu ryari amahirwe kuri BK Group Plc n'ibindi bigo by'imari.'

Yongeyeho ko 'Ibyo byiyongera ku micungire myiza, kwagura ibikorwa no kubigeze ku bakiliya benshi, kongera amafaranga azigamwa, kwegera abakiliya, gutanga inguzanyo mu bikorwa bizamura ubukungu ndetse n'imicungire myiza y'inyuzanyo dutanga, cyane cyane igabanya imyenda itwishyurwa neza.'

Yongeyeho ati 'Muri make, twongereye umusaruro, twongereye serivisi zitangwa, twacunze neza umutungo, dutanga inguzanyo ku bakiliya benshi, ibi bikaba ari byo byatugejeje kuri uyu musaruro.'

Umuyobozi Mukuru wa Banki ya Kigali, ari na cyo kigo cyinjije amafaranga menshi mu bigo bigize BK Group Plc, Dr. Diane Karusisi, yavuze ko kongera inguzanyo batanze, bisobanuye ko bafite ubushobozi bwo gukomeza

Yongeyeho ati 'Bivuze ko dufite amafaranga menshi ajya mu bikorera, bakarema imirimo myinshi, bikazamura ubukungu bw'u Rwanda.'

Yongeyeho ko “Dufite gahunda yo kubashishikariza no gukorana n'ibindi bigo bishamikiye kuri BK Group Plc.”

Ibi kandi byanagarutsweho na Dr. Ndagijimana, wavuze ko “Inguzanyo zijyana n'ubwishingizi, kuba tubitanga byombi byoroshya kuba umukiliya yafata inguzanyo, akanabona ubwishingizi,” ndetse ashimangira ko “n'amafaranga banki ica kuri serivisi itanga, yaragabanutse, hari n'ayavuyeho, mu rwego rwo gufasha abakiliya b'iyi banki.”

Ku rundi ruhande, Dr. Karusisi yavuze ko hari “gahunda yo gushyiraho amashami mashya yihariye y'abagore, ku buryo abagore bazajya bisanga, bagaasham ariko bagafasha no kunoza imishinga yabo ku buryo yakirwa na banki.”

Dr. Karusisi yavuze ko uyu mwaka bizeye kuzagira izamuka ryiza ry'ubukungu, nubwo hari ibibazo bishingiye ku mutekano wo mu karere u Rwanda ruherereyemo.

Ati “Ubukungu bwacu bwakomeje kuzamuka no mu bihe bya Covid-19. Twagize n'ubukungu bukura neza nyuma ya Covid-19. Ibi bibazo byo mu karere ntabwo ari bishya…kandi ubukungu bwacu bwakomeje kuzamuka. Twizera ko umutekano mu gihugu cyacu uzakomeza kuba mwiza, kandi uyu ni wo musingi wa byose.”

Umuyobozi Mukuru wa Banki ya Kigali, ari na cyo kigo cyinjije amafaranga menshi mu bigo bigize BK Group Plc, Dr. Diane Karusisi

Mu mugoroba wo kuwa Kane ni bwo ‎hizihijwe ubuzima bwa Jean Lambert Gatare uheruka kwitaba Imana aguye mu Buhinde aho yari yaragiye kwivuriza.

‎‎Abitabiriye uyu mugoroba biganjemo abanyamakuru bakora mu binyamakuru bitandukanye mu Rwanda bamuvuze ibigwi berekana icyo yabafashije mu rugendo rwabo.

‎‎Umutesi Scovia washinze ikinyamakuru Mama Urwagasabo akaba ari n’Umuyobozi w'Inama y'Ubutegetsi y'Urwego rw'Abanyamakuru Bigenzura (RMC) yavuze ko yigeze gukorana na Jean Lambert Gatare agatanga igitekerezo ubundi akamubwira ko azaba mukuru mu itangazamakuru none ubu akaba yarakuze.

‎‎Ati: “Njyewe nka Scovia nigeze gukorana na Gatare ikiganiro kitwaga Isango n'Ijambo twavugaga ku bijyanye n'Ubumwe n'Ubwiyunge hari muri 2011. ‎‎Nari ntaraba mukuru, cyari kiganiro gikomeye ntanga igitekerezo;

Ndamubwira ngo nubwo Ubumwe n'Ubwiyunge no kubabarirana bisa nk’aho bikomeye ariko niba kwihorera bitagaragara mu banyarwanda icyo ntabwo ari cyo gikomeye, ndavuga ngo n’iyo RPF itagira ikindi ikora icyo cyari gihagije. 

‎‎Turi mu kiganiro ntabwo yategereje ko dusohoka arambwira ngo umuntu akurebye uko ungana ku myaka n'ibiro ntabwo yatekereza ko icyo gitekerezo wakigira arambwira ngo n'ukomeza uzakura.  

‎‎Mu by’ukuri uyu munsi mpagaze hano Gatare atakiturimo ariko ndi mukuru kandi nyoboye abakuze nsobanura ko atigeze yibeshya. Nshimiye abanyamakuru bagenzi banjye bari hano uku tungana uku ni igisobanuro cy'uwo Gatare ari we”.

‎‎Antoinette Niyongira ukorera Kiss FM yavuze ko abamuzi bamuzi kubera Jean Lambert Gatare avuga ko ariwe wamugize uwo ariwe. ‎‎Ati: “Bamwe bazi Antoinette Niyongira ariko iyo ataba Gatare ntabwo bari kumenya. 

‎‎Gatare twahuye ndi umwana muto, umwana ufite inzozi, ufite intumbero z'ejo hazaza ariko ubura uwamufungurira umuryango ngo abashe kuzigeraho. Gatare duhura yabonye izo mbaraga zari muri njye angirira icyizere amfungurira uwo muryango wo gutangira itangazamakuru. 

‎‎Icyo gihe yakoraga ku Isango Star ntekereza ko hari na bagenzi banjye benshi turi mu cyiciro kimwe cy'imyaka duhuje inkuru. Yari umubyeyi wacu kurusha uko yari umuyobozi wacu, yari wa muntu ureba akakubona akavuga ngo uyu mwana ndabona yabishobora kandi akanabikubwira”. 

‎‎Yavuze ko Jean Lambert Gatare yabaga ari umuyobozi wawe, umubyeyi wawe ndetse akakubera n’inshuti yawe. ‎‎Antoinette Niyongira yavuze ko Gatare yari imfura ndetse icyo yagombaga gukora ku Isi yagikoze. ‎‎Ati: “Namumenye muri 2012 ariko ni imfura, ni umuntu wakoze ibyo yagombaga gukora kuri iy’Isi nubwo agiye tukimukunze.

‎‎Ni wa muntu utararebaga ko umuntu ari muto cyangwa ari mukuru ahubwo yari inshuti ya bose. Ibaze umuyobozi iyo wajyaga mu kazi akabona utameze neza akakubazaga ngo urakora iki hano akakubwira ngo genda uruhuke utanga umusaruro iyo umeze neza. Ni ukuvuga ngo yarengaga inyungu z'akazi akareba n'inyungu z'abakozi”.

‎‎Yavuze ko Gatare yafunguye imiryango ya benshi: “Icyo nakubwira Gatare, warakoze gufungura imiryango ya benshi mu mirimo itandukanye, ndahamya ntashidikanya ko abantu bahuye nawe yababereye umumaro muri icyo gihe, yababereye ikiraro kibageza aho bagana, ababera inshuti, umubyeyi ndetse n'umuvandimwe”.

‎‎Jean Lambert Gatare ntabwo yafashije abo mu itangazamakuru gusa kuko hari umubyeyi yafashije kuba umushoramari bityo akaba yabishimiye Imana ko Gatare yari yaraje ku Isi azanywe n’umugambi wo gufasha.

‎‎Yagize ati: “Njyewe twari tumaze imyaka 9 tuziranye na Gatare wenda ikintu gitandukanye n’ibyo abandi bagiye bavuga njyewe ntabwo yanyigishije itangazamakuru ahubwo yanyigishije kuba rwiyemezamirimo mwiza. 

Ndashima Imana ko Gatare yatubayemo nka Malayika agafasha abantu bose. Ndashima Imana ko Gatare yaje mu mugambi wo gufasha abantu kandi yarabikoze ntabwo ahari ndamushimiye”.

‎‎Umuyobozi Mukuru wa Isango Star, Mugabo Justin, uri mu bakoranye igihe kinini na Jean Lambert Gatare, yavuze ko ibyo bakoze ari cyo gisobanuro cy’uko bari babanye.

‎Ati: “Ibyo twakoze ni byo bitanze igisobanuro haba ku Kinyamakuru cy'igihugu haba ku itangazamakuru twashinze (Isango Star) ni cyo gisobanuro cy’uko nari mbanye na Gatare”. 

‎‎Yavuze ko Jean Lambert Gatare yari inkingi ya mwamba mu itangazamakuru. ‎‎Ati: “Gatare yabaye inkingi ya mwamba mu kubaka ibiganiro, mu gutanga ibitekerezo mu kuzakora itangazamukuru rizajya imbere kandi rizubaka abantu. 

‎‎Gatare ntabwo yari umuntu usanzwe, Gatare yari umuntu ushoboye kandi ku mpande zose. Ni umuntu wakunzwe kandi wakunze by’umwihariko itangazamakuru araryitangira, ararikorera kandi ariteza imbere araryubaka ryubaka n'abandi. Gatare yari umuntu munini mu bitekerezo ushoboye wakwiyambaza ushaka kugira icyo umenya”.

‎Jean Lambert Gatare wamamaye mu itangazamakuru ry'u Rwanda yitabye Imana ku wa wa Gatandatu tariki 22 Werurwe 2025. ‎‎Yatangiye gukora kuri Radio Rwanda mu 1995, mu 2011 yerekeza ku Isango Star. Mu 2020 ni bwo yagizwe umuyobozi w'agateganyo w'ikinyamakuru Rushyashya.

‎‎Gatare ni umwe mu batanze umusanzu ukomeye mu itangazamakuru rya Siporo, haba mu kogeza umupira no kuvuga amakuru y'imikino, akagira indi mpano yihariye yo kwita abakinnyi amazina bitewe n'imyitwarire yabo mu kibuga.

‎‎Mu bo yise amazina harimo Bokota yise igikurankota, Haruna yise Fabregas, Twagizimana Fabrice yise Ndikukazi, Ndayishimiye Eric yise Bakame, i Rubavu ahita muri Brezil kubera impano z'umupira zihakomoka.

Abantu b’ingeri zitandukanye bitabiriye umugoroba wo kwizihiza ubuzima bwa Jean Lambert Gatare 

Antoinette Niyongira yavuze ko iyo hataba Gatare abantu batari kumumenya

Abanyamakuru batandukanye barimo aba siporo bitabiriye umugoroba wo kwizihiza ubuzima bwa Jean Lambert Gatare 

Jean Lambert Gatare yagiriye neza benshi 

“>

“>

“>

Kuri ubu, nshobora kumva nshaka guhimbira cyangwa se kwihimbira indirimbo ifite ubutumwa nshaka nkayikora mu gihe kitarenze iminota 2 kandi ikampa ibyo nkeneye byose haba mu magambo, injyana kuruta kujya kubishakisha hirya no hino rimwe na rimwe ntibiboneke.

Ibyo byose byumvikanisha akamaro k'ikoranabuhanga rya Artificial Intelligence (AI) mu buzima bwa muntu ariko na none iyo nikoreye ya ndirimbo, mba nsubije ku isuka abahanzi barenga 10 nari kumvira indirimbo zabo bakinjiza ahubwo nkaba ninjirije umunru umwe gusa.

Ni ibintu bikomeza gutera imbere buri munsi kuko Porogaramu za AI zikora imiziki, zikomeje kwiyongera umunsi ku wundi kandi zigatanga umuziki mwiza utapfa gutandukanya n'uwabantu basanzwe.

Muri iyi minsi, hari porogaramu nka AIVA, Amper Music, na OpenAI Jukebox zishobora gukora indirimbo zitunganye kandi zujuje ibisabwa nta mwanditsi cyangwa umuhanzi uzigizemo uruhare. Izi porogaramu zifata ingero z'indirimbo zabayeho zikagenderaho mu gukora inshya, zishobora kumvikana mu matwi nk'aho zakozwe n'abantu basanzwe.

Mu mwaka wa 2023, AI yakoze indirimbo isa neza n'iz'umuhanzi Drake, aho abantu benshi batashoboye gutandukanya ijwi rya Drake n'iryo ryakozwe na AI.

Indirimbo 'Heart on My Sleeve', yakozwe na AI ikoresheje amajwi asa n'aya Drake na The Weeknd, yaciye ibintu ku mbuga nkoranyambaga mbere y'uko isibwa kubera ikibazo cy'uburenganzira bw'ibihangano n'amajwi.

Iyi ndirimbo yari yashyizwe hanze n'umuntu ukoresha urubuga rwa TikTok witwa Ghostwriter977.

Izi porogaramu za AI zifashisha indirimbo ziriho n'amagambo yazo, imidiho yazo, hanyuma ikazivangavanga igakoramo indirimbo imwe ijyanye n'ibyifuzo by'ushaka indirimbo.

Ibi byateje ikibazo gikomeye mu bijyanye n'uburenganzira bw'abahanzi (copyright), kuko bishobora gutuma abantu benshi batakaza amahirwe yo kubona inyungu ku bihangano byabo.

Mu mwaka wa 2023, umuhanzi Grimes yatangaje ko yemera ko abantu bakoresha ijwi rye muri AI, ariko akifuza ko amafaranga avuye kuri izo ndirimbo yamugeraho. Ibi byagaragaje ko hari uburyo AI ishobora gutuma abahanzi badasigara inyuma, ariko bigasaba bacanye ku maso.

Nyamara n'ubwo abahanzi babona amafaranga macye ku yinjiye binyuze mu ijwi rye ryakoreshwejwe na AI, benshi mu bafite Recording Labels batangiye gushaka uko babenguka AI bakagabanya abakozi nka producers, abahanzi ahubwo bagakoresha AI kugira ngo bashore macye barye menshi.

Ibi byongera guta mu rwobo rw'intare abahanzi bakigendera ku ijwi ryiza ry'umwimerere rimwe na rimwe usanga nta bundi buhanga bishyingikrije hirya yo kugira iryo jwi ryiza.

Nyamara n'ubwo AI itari yashobora guhimba indirimbo zikora ku marangamutima ya benshi nk'uko abahanzi bo hambere babikoraga, AI ifite umwihariko wo kuba yaha ubutumwa butomoye umuntu umwe uri kuyikorsha kuko yanayandikira amagambo y'indirimbo hanyuma nayo ikaririmba.

Ku ruhande rw'abahanzi, haracyasabwa agatuza kuko uko AI irimo itera imbere, bizaba mu nyungu za bacye abandi bose bagasubira ku isuka yewe hatibagiranye n'abahanzi bari barigaruririye imitima ya benshi kubera amajwi yabo.

AI irakataje mu gukora ku munwa abahanzi 

Umva urugero rw’imwe mu ndirimbo zakoreshejwe AI kuva ku magambo kugera kuri beat

“>

Yabigarutseho ubwo yakiraga indahiro ya Colonel Pacifique Kabanda Kayigamba, warahiriye kuba Umunyamabanga Mukuru w’Urwego rw’Igihugu rw’Ubugenzacyaha (RIB), asimbuye Col (Rtd) Jeannot Ruhunga.

Perezida Kagame yashimiye Colonel Pacifique Kabanda Kayigamba ku bw’inshingano nshya ahawe ndetse agaragaza ko afitiwe icyizere cyo gukora neza inshingano nshya yahawe.

Perezida Kagame kandi yashimye intambwe urwego rw'igihugu rw'ubugenzacyaha rumaze gutera mu kugenza ibyaha ndetse n'imikoranire RIB ikomeje kugaragaza.

Yasabye ko uru rwego rugomba gukomeza kugirana imikoranire ya hafi n'inzego z'ubutabera kugira ngo hatangwe ubutabera vuba kandi buboneye.

Yagize ati: 'RIB igomba gukomeza gufatanya n'inzego bireba kugira ngo ubutabera butangwe vuba kandi neza.'

Yakomeje asaba uru rwego n'abayobozi barwo kuba inyangamugayo no gukora ku bw’inyungu z'abaturage ndetse no kwizerwa n'abo bakorera.

Ati: 'Kuba inyangamugayo nabyo bikwiriye kwitabwaho, bikaba ishingiro ry'ibikorwa byacu byose. Abanyarwanda bakwiye kugira inzego zibakorera akazi bifuza kandi bakanazizera. 

Abayobozi nabo bakwiye kugaragaza ubushake n'umurava n'ubunyamwuga, bigaragaza icyerekezo gifatika ibintu byose biganamo kugira ngo twuzuze inshingano zacu.'

Perezida Kagame yongeye gushimangira ko nta mwanya n'umwe uhari w'umunebwe n'umuntu udakorana ubunyamwuga ahubwo buri wese akwiye gukora neza inshingano ze kandi neza.

Colonel Pacifique Kabanda Kayigamba yagejeje indahiro ze kuri Perezida wa Repubulika

Perezida Kagame yasabye RIB gufatanya n’inzego z’ubutabera mu kwihutisha no gutanga ubutabera buboneye ku baturage

Perezida Kagame yashimye kandi uruhare rwa RIB n’uburyo ikomeje kunoza inshingano zayo

Iri murikagurisha rifite intego yo guhuza abashoramari baturutse hirya no hino muri Afurika ndetse n'abakunzi b'ikawa n'icyayi bungurane ibitekerezo ku bijyanye n’ibyarushaho kwagura ubucuruzi bwabyo.

Umuhango wo gutangiza iri murikagurisha wabaye muri uyu wa Gatanu tariki 28 Werurwe 2025, ubera kuri Kivu Noir ku Kimihurura mu Mujyi wa Kigali.

Abarimo Donald Murphy, Umuyobozi Mukuru wa Rwanda Farmers Coffee Company, Francis Twagirayezu ushinzwe amasoko mu kigo cy'Igihugu gishinzwe guteza imbere iyoherezwa mu mahanga ry'ibikomoka ku buhinzi n'ubworozi (NAEB), Richard Kellond, rwiyemezamirimo akaba n'umwe mu bashinze African Coffee College ndetse na Martin Mawo ushinzwe iyamamazabikorwa muri Rwanda Mountain Tea batanze ikiganiro kibanze ku kugaragaza akamaro k'iwacu mu buzima bwa buri munsi.

Francis Twagirayezu ushinzwe amasoko mu kigo cy'Igihugu gishinzwe guteza imbere iyoherezwa mu mahanga ry'ibikomoka ku buhinzi n'ubworozi (NAEB), abona iri murikagurisha ari umwanya mwiza wo kurushaho kumenyekanisha ibyiza by'icyayi n'ikawa bya Afurika.'

Ati 'Ibi bigaragaza icyo u Rwanda rushobora gutanga kubahinzi ba kawa ndetse no kubashoramari, icyayi cy’iwacu kirihariye ariko dukeye uburyo bwiza bwo kucyereka Isi yose, iri murikagurisha rero ni bumwe muri ubwo buzabidufashamo.”

Meti ukomoka mu gihugu cya Ethiopia avuga ko ubwo yageraga mu Rwanda ku nshuro ya mbere atari azi ibyiza by’ikawa y’u Rwanda ariko yanyuzwe n’icyanga cyayo ubwo yari ahageze atungurwa no kuba yari atayizi yibwiraga ko iyo muri Ethiopia ariyo ya mbere.

Avuga ko iri murikagurisha rizutuma benshi mu banyafurika bamenya ubwiza bwa kawa n’icyayi byo muri Afurika mu buryo buboroheye.

Ati 'Buri gihe iyo najyaga ku rugendo nitwazaga ikawa yanjye yo muri Ethiopia, ariko ubwo nazaga mu Rwanda mu 2015 nabwo naje nyitwaje gusa ubwo narimaze kunywa ku ikawa y'u Rwanda na nabikoze ngeregeza ariko nahise nishima cyane ndavuga nti iki nicyo gihugu cyonyine nzajya jyamo bitansabye kwitwaza ikawa y’iwacu, ubu rero abandi bameze nkanjye bagiye kumenya byoroshye ko n’ahandi hari ikawa n’icyayi muri Afurika.'

Candy Basomingera wo mu Ikigo cy’Igihugu gishinzwe Inama Rwanda Convention Bureau (RCB) avuga ko bishimiye kuba bagiye gutegura iri murikagurisha rizitabirwa n’abasaga 800, ndetse ari uburyo bwiza bwo guhuza abahinzi, abacuruzi n’abagura cyangwa abakiriya.

Ati 'Twishimiye kuzakira iri murikagurisha rizahuza abahinzi, abaguzi, abacuruzi n'abandi bagera kuri 800.'

Muri iki gihe mu Rwanda umunsi ku munsi hafungurwa inyubako nyinshi zicururizwamo ikawa n'icyayi, ibintu bitandukanye n'uko byari bimeze mu myaka itanu ishize.

Usibye amaduka acuruza ikawa n'icyayi hirya no hino mu bitaramo naho iyo uhageze uhasanga ubucuruzi bw'icyayi cyangwa ikawa ndetse ubona byitabirwa n'abasirimu cyane, ibintu bituma umubare munini w’urubyiruko uyoboka ibi binyobwa.

Usibye abagura ikawa n’icyayi abasore n'inkumi bamwe na bamwe basigaye barayobotse cyane ibijyanye na 'Bussiness' zo guteka cyangwa gutunganya icyayi n’ikawa ndetse henshi mu Mujyi wa Kigali hari amashuri abyigisha.

Insanganyamatsiko y'uyu mwaka ni 'Africa brewing for prosperity'. Iri murikagurisha rizaba ari urubuga rw'ubucuruzi ruhuza abahinzi n'abacuruzi ba kawa n'icyayi bo muri Afurika n'abaguzi mpuzamahanga, hagamijwe kwerekana ibicuruzwa byiza bya Afurika ku isoko mpuzamahanga no guteza imbere ubucuruzi.

Abitabiriye bazabona amahirwe yo kwitabira ibiganiro, kumurika ibicuruzwa, no kugirana ibiganiro by'imbonankubone n'abaguzi batoranyijwe.  Hari kandi n'uburyo bwo gusura za kawa n'icyayi, gusura inganda, ndetse no gukora ibikorwa by'ubukerarugendo nko gusura ingagi.

Kwitabira iri murikagurisha bizatanga amahirwe yo guhura n'abayobozi b'inganda, abashoramari, abaguzi, abacuruzi, abashakashatsi, n'abandi bafite aho bahuriye n'uru rwego, bikazafasha mu kwagura isoko no guteza imbere ubucuruzi bwa kawa n'icyayi muri Afurika.

Uhereye ibumoso: Umuyobozi Mukuru wa Rwanda Farmers Coffee Company, Donald Murphy, Umuyobozi ushinzwe amasoko mu kigo cy'Igihugu gishinzwe guteza imbere iyoherezwa mu mahanga ry'ibikomoka ku buhinzi n'ubworozi (NAEB), Francis Twagirayezu, Meti wari umusangiza w’amagambo, Rwiyemezamirimo akaba n'umwe mu bashinze African Coffee College, Richard Kellond, ndetse na Martin Mawo ushinzwe iyamamazabikorwa muri Rwanda Mountain Tea batanze ikiganiro kibanze ku kugaragaza akamaro k'iwacu mu buzima bwa buri munsi

Francis Twagirayezu ushinzwe amasoko mu kigo cy'Igihugu gishinzwe guteza imbere iyoherezwa mu mahanga ry'ibikomoka ku buhinzi n'ubworozi (NAEB), yatangaje ko iri murikagurisha 'Africa Coffee and Tea Expo' ari umwanya mwiza wo kurushaho kumenyekanisha ibyiza by'icyayi n'ikawa by'u Rwanda

Meti wari umusangiza w'amagambo mu muhango wo gutangiza ku mugaragaro iri murikagurisha ry'ikawa n'icyayi 

Umuyobozi Mukuru wa Rwanda Farmers Coffee Company, Donald Murphy yagarutse ku rugendo rwo gushora imari mu ikawa n’icyayi, n’igikenewe kugirango uru rwego rutere imbere 

Rwiyemezamirimo akaba n'umwe mu bashinze African Coffee College, Richard Kellond yagarutse kuri bimwe mu bihugu byamenye ubukungu buhishe mu guteza imbere ikawa n’icyayi

Martin Mawo ushinzwe iyamamazabikorwa muri Rwanda Mountain Tea, yagaragaje ko hakenewe guteza imbere urwego rw’uburezi kugirango abantu biyumvemo ikawa n’icyayi

 

AMAFOTO: Dieudonne Murenzi- InyaRwanda.com