Blog

Masamba Intore akaba musaza wa nyina wa Jules Sentore yasobanuye uburyo nyina w’uyu muhanzi yakoze impanuka ikomeye yahitanye se maze Umutako Fanny(Nyina wa Jules Sentore) agahita ajya muri koma ari nabwo yari amutwite.

Mu kiganiro yagiranye n’ikinyamakuru ISIMBI, Masamba yagarutse kuri mushiki we wamukurikiraga ari we nyina wa Jules Sentore, aho yavuze ko yari umuntu mwiza cyane ugira urukundo.

Ati'Yari mushiki wanjye uzi kubyina cyane, agira urugwiro nabaga naje mfite stress, ni we wazimaraga, uramuvuze numva ndanamukumbuye cyane, ntushobora kubabara iruhande rwe, ntushobora gusonza imbere ye, yakoraga ibishoboka byose akagushakira icyo kurya, yari afite umutima mwiza cyane.'

Yakomeje avuga ko Jules Sentore ameze nk’umuntu wazutse kuko yavutse mu buryo bugoye cyane ko batatekerezaga ko yavuka, ni nyuma y’impanuka se na nyina bakoze bamutwite aho papa we yahise yitaba Imana n’aho nyina akajya muri koma amezi 6.

Ati'nyina ni we wangwaga mu ntege, yakoze impanuka na se wa Jules ahantu mu Ngagara(mu Burundi), se ahita apfa ubwo, nyina atwite Jules, yagiye muri koma hafi nk’amezi 6. Twari tubizi ko atwite, gusa twumvaga wenda nyina azakira ariko ntabwo twatekerezaga ko umwana yarokoka. Twarasenze cyane.'

'Twari tukiri mu Burundi mu buhungiro ubanza Imana yaramvise amasengesho yacu, twabajije muganga atubwira ko umwana na nyina ari bazima ariko nyina yagize igikomere kizamumugaza. Turavuga tuti umwana na nyina barazutse.'

Nyina wa Sentore na Se, bakoze impanuka bahura ibyumweru bibiri ngo bakore ubukwe, Sentore akaba yaravukiye mu muryango wo kwa Sentore(se wa Masamba).

Jules Sentore akaba aherutse gusohora indirimbo yitwa 'Mama’, igaruka ku buzima bwe na nyina witabye Imana muri 2018.

Masamba(ibumoso), yavuze uburyo Sentore Jules(iburyo) yavutse mu buryo bugoye

Bariya bagabo barobaga muri uriya mugezi ahazwi nko mu Karumuna, babonye umufuka ureremba mu mazi bawufunguye babonamo uwo murambo.

Umurambo w’umugabo uri mu kigero cy’imyaka iri hagati ya 40 na 50 wabonetse mu Mugezi w’Akagera mu ruhande ruherereye mu Karere ka Bugesera, ubuyobozi buvuga ko butaramenya imyirondoro ye n’aho yiciwe.

Uwamugira Beatha uyobora Umurenge wa Ntarama, yabwiye Ikinyamakuru Igihe dukesha iyi nkuru ko uriya murambo wabonetse mu masaha y’ikigoroba kuri uyu wa Kane.

Yagize ati 'Bigaragara ko yapfuye nubwo tutamenye icyamwishe, twasanze bamukingishijeho agafuka, ni umugabo uri mu kigero cy’imyaka hagati ya 40 na 50.'

Uyu muyobozi avuga ko imyirondoro y’uyu mugabo itaramenyekana kuko nta n’icyangombwa bamusanganye ndetse muri kariya gace hakaba hadatuwe.

Yagize ati 'Abamubonye batubwiye ko babonye umurambo we uva mu Akagera bakawukurikira bakawukuramo ariko bavuga ko nta yandi makuru ye bazi, abenshi banahageze batubwiye ko babona batamuzi.'

Iperereza ryahise ritangira mu gihe umubiri wa nyakwigendera wo wahise ujyanwa mu bitaro by’Itorero ADEPR kugira ngo ukorerwe isuzuma rya nyuma.

UKWEZI.RW

Ngo ubwo bariho bahinga, aba bagore babonye iyi grenade ariko kuko bari bayizi, umwe ayikubita isuka ashaka kureba ibirimo imbere ihita ibarurikana irabakomeretsa.

Nyamutera Emmanuel uyobora uyu Murenge wa Kazo, avuga ko kiriya gisasu kitabakomereke bikabije.

Yagize ati 'Urebye ntabwo bikomeye cyane kuko twabajyanye ku Kigo Nderabuzima cya Mutenderi bitabwaho ku buryo ejo bazataha, ntabwo bakomeretse cyane.'

Uyu muyobozi avuga ko umwe yakomeretse ku kaguru undi agakomereka mu rubavu mu buryo bworoheje kuko bose n’ubundi bahungaga.
Avuga ko umwe muri bariya bagore akimara kuyikubita isuka, yatangiye gucumba umwotsi, na bo bakiruka ariko igahita iturika.

Inzego z’umutekano zahise zimenyeshwa iby’iki gisasu, zihutiye kuhagera, zishakisha niba hari ibindi byaba biri hafi aho ariko babibuze.

UKWEZI.RW

Aba bantu 34 baregwa gushaka guhirika ubutegetsi bwa Nkurunziza muri 2015 ubwo hatangazwaga ko Perezida Nkurunziza yavanywe ku butegetsi ariko nyuma iri hirika rikaza kuburizwamo.

Uretse Gen. Niyombare ufatwa nk’aho ari we wari uyoboye aba bantu bahanishijwe gufungwa ubuzima bwabo bwose, muri aba bantu hazwimo kandi Bob Rugurika wayobora Radio RPA na Innocent Muhozi wa Televiziyo Renaissance.

Uretse guhamywa icyaha cyo gushaka guhirika ubutegetsi, aba bantu banaregwa ibindi byaha birimo kwica abaturage no kubasenyera.

Muri iyi myanzuro y’urukiko kandi, rwategetse ko Radiyo Rema FM ihabwa indishyi ya miliyari 4 z’amafaranga akoresha mu Burundi, Minisiteri y’Ingabo igahabwa indishyi ya miliyoni 800, Minisiteri y’Umutekano ihabwe miliyoni 360, n’Ishyaka CNDD-FDD rizahabwa indishyi za miliyoni180 z’akoreshwa mu Burundi.

Iriya coup d’etat yageregejwe mu Burundi muri 2015 ubwo Perezida Pierre Nkurunziza wariho ashaka kwitoza muri manda ya gatatu yari yitabiriye inama y’abakuru b’ibihugu by’Umuryango wa Africa y’Iburasirazuba yaberaga muri Tanzania.

Icyo gihe hamaze gutangazwa ibya ririya hirika, Perezida Pierre Nkurunziza yahise asubira mu gihugu cye igitaraganya ndetse bamwe mu basirikare baburizamo kiriya gikorwa cyo kumuhirika.

Perezida Pierre Nkurunziza kandi wanaje kongera gutorerwa kuyobora kiriya gihugu, yitabye Imana umwaka ushize aho bivugwa ko yazize indwara y’umutima.

UKWEZI.RW

Ni urugendo rw'amasaha atanu n'igice mu gihe ubusanzwe kugera muri Centrafrique byashoboraga no gufata amasaha 15 bitewe n'aho indege yanyuze.

Wari umunsi mwiza w'ibyishimo ku Banyarwanda bakora ubucuruzi kuko wabafunguriye amahirwe y'ishoramari muri iki gihugu kiruta u Rwanda inshuro zirenga 23 kuko gifite ubuso bwa kilometero kare 623.000 ariko kikaba gituwe na miliyoni 5,1.

Nibura abaturage umunani ni bo mu 2018 babarirwaga ko batuye kuri kilometero kare imwe.

Gusa bose bafite icyizere gike cyo kubaho kuko nibura bibarwa ko Umunya-Centrafrique abaho imyaka 45,3 biturutse ku bibazo by'umutekano n'intambara byashegeshe iki gihugu.

Abacuruzi barenga 32 bo mu Rwanda, bajyanye na RwandAir ku munsi wa mbere ubwo yatangiraga ingendo zigana ku Kibuga cy'Indege Mpuzamahanga cya M'poko; byari ibyishimo kuri bo kuko babonye ahantu hashya ho gukorera ishoramari.

Bakigera muri Centrafrique, bakiriwe mu Biro by'Umukuru w'Igihugu, Palais de la Renaissance, umwe ku wundi ahabwa umwanya imbere ya Perezida avuga amazina ye, ibyo akora ndetse nyuma babwirwa uburyo bagiye koroherezwa gukorera muri iki gihugu.

Jessie Kalisa Umutoni, umwe muri ba rwiyemezamirimo b'Abanyarwanda bakiriwe na Perezida Touadera, yavuze ko byari ibintu bitangaje kwakirwa na Perezida wa Repubulika, bisobanura uko afite inyota yo gufasha Abanyarwanda.

Ati 'Ni ibintu byadutunguye, twakiriwe na Perezida wa Repubulika. Byari ibyishimo, ntabwo twari tubizi, batwereka urugwiro, perezida yatwishimiye, twese turamwibwira. Byari byiza cyane, aduha Minisitiri wo muri Perezidansi, adufata mu nshingano mu bikorwa byacu byose mu minsi tuzamara muri iki gihugu.'

Kimwe mu byo uyu muhuro wa Perezida wa Centrafrique yemereye Abanyarwanda ni uko amahirwe yose ahari mu ishoramari, ari bo bazayahabwa mbere.

Magingo aya, ibicuruzwa hafi ya byose bigera muri Centrafrique bituruka hanze y'igihugu cyane muri Cameroon, kubera ibibazo by'umutekano muke, hari ubwo akenshi usanga n'inzira zibivanayo biturutse mu Murwa Mukuru Bangui zafunzwe bikabura n'ibihari bigahenda.

Jean Malick Kalima, ni rwiyemezamirimo mu bijyanye n'ubucukuzi bw'amabuye y'agaciro, yatangaje ko ari amahirwe akomeye ku Banyarwanda bakesha igihugu cyabashije guharura inzira z'imikoranire na Centrafrique ku buryo abikorera bashorayo imari.

Ati 'Ni amahirwe akomeye […] nkanjye mu byo nkora simvuga Bangui, ndavuga Centrafrique muri rusange. Ni urwego dufite byinshi twakorana, cyane urwego rw'ubucukuzi bw'amabuye y'agaciro hamwe n'ubundi bushabitsi kuko nta mupaka.'

Centrafrique ifite umutungo kamere urimo peteroli, amabuye y'agaciro nka uranium, zahabu ndetse na diamant, ifite amazi magari yakurwamo ingufu z'amashanyarazi, amabuye y'agaciro yitwa 'cobalt' yifashishwa mu gukora ibikoresho bitandukanye n'ibindi.

Malik yakomeje agira ati 'Njye navuga ko mu gihe dufite indege ihuza imirwa mikuru yombi bizatworohereza cyane. Urabizi muri Afurika, kugenderanirana ntabwo byoroshye, bisaba amasaha menshi ariko mu gihe hari indege igenda kuri twe ni amahirwe akomeye.'

Ururimi kavukire rwabo rwitwa 'Sango'. Ni igihugu gikoresha Igifaransa kubera ko cyakolonijwe n'u Bufaransa.

Minisitiri w'Ubwikorezi bwo mu Kirere muri Centrafrique, Arnaud Djoubaye Abazene, yavuze ko itangira ry'ingendo za RwandAir muri iki gihugu zisobanuye ikintu gikomeye kuko bizafasha mu mubano hagati y'ibihugu byombi.

Ati 'Urugendo rwa RwandAir i Bangui rusobanuye byinshi kuri twe nka Repubulika ya Centrafrique. Ni ingenzi cyane mu bijyanye n'ubucuruzi hagati y'ibihugu byombi. Bizafasha kandi mu mubano hagati y'abaturage b'u Rwanda n'aba Centrafrique.'

Hashize igihe kinini muri Centrafrique hari ibibazo by'umutekano muke byanatumye u Rwanda rwoherezayo ingabo zo gufasha mu kubungabunga amahoro. Nk'ahantu Abanyarwanda batangiye kuyoboka, ikintu cya mbere baba biteze ni umutekano nk'uwo basanga mu gihugu cyabo.

Minisitiri w'Ibikorwa Remezo, Amb. Claver Gatete, yatangaje ko mu gihe cyose ubukungu bwifashe neza, bushobora kuba igisubizo ku bibazo by'umutekano muke mu gihugu.

Ati 'Ibijyanye n'umutekano kugira ngo ushobore kuba watera imbere, bijyana n'iterambere ry'abaturage, kimwe mu bifasha uwo mutekano kugira ngo ugaruke, ni ubucuruzi, ni ubuhahirane, kugira ngo abantu bose babibonemo inyungu noneho binafashe n'abantu babo n'abacu kugira ngo babe batera imbere. Ni yo mpamvu bitaduteye impungenge kuko n'ingabo zacu zirahari mu bijyanye n'umutekano, amahoro akaba atangiye kugaruka.'

Umupilote wa RwandAir wagiye atwaye indege yakoze urugendo rwa mbere muri Centrafrique, Godwin Sarfo, we yavuze ko kwagura amarembo ari amahirwe akomeye kuri we kuko bituma arushaho kuryoherwa n'akazi akora.

Ati 'Uko tugira ibyerekezo byinshi, ni ko turushaho kuryoherwa akazi kacu kuko ubuzima bwacu twe buba mu kirere.'

Ku kibuga cy'indege i Bangui, ubwo RwandAir yasesekaraga, hari hateraniye abantu benshi bagiye kuyakira, bigaragara ko ari umushyitsi w'Imena wari winjiye mu gihugu.

Perezida Touadéra yakiriye mu Biro bye ba rwiyemezamirimo b’Abanyarwanda

Buri wese yahabwaga umwanya wo kwivuga akageza no ku mukuru w’igihugu icyifuzo cye

Abanyarwanda bageneye Perezida Touadéra impano

Video: Adeline Uwimana & Marc Hoogsteyns