Blog

Urugendo rwa Sylvie Baïpo Temon mu Rwanda ruje rukurikira urwo Minisitiri w'Ububanyi n'Amahanga, Dr Vincent Biruta, yagiriye muri iki gihugu ku wa 8 Mutarama 2021 akanabonana na Perezida wa Centrafrique, Faustin-Archange Touadéra.

Rubaye kandi nyuma y'iminsi itandatu indege ya RwandAir itangije ingendo zayo muri Centrafrique aho izajya ijya inshuro ebyiri mu cyumweru.

Aba baminisitiri b'ububanyi n'amahanga bombi bagiranye ikiganiro n'itangazamakuru byitezwe ko cyibanze ku mubano n'ubufatanye burangwa hagati y'u Rwanda na Centrafrique.

U Rwanda rufite Ingabo muri Centrafrique ziri mu butumwa bw'amahoro bwa Loni, Minusca, hamwe n'izindi zoherejweyo mu mpera z'umwaka ushize binyuze mu masezerano y'imikoranire, izi zahawe inshingano yo gucunga umutekano mu bihe by'amatora ya Perezida yabaye ku wa 27 Ukuboza 2020 no gucungira umutekano abandi basirikare b'u Rwanda bari basanzweyo.

Ni amatora yarangiye Perezida Faustin-Archange Touadéra yongeye gutorwa ndetse arakomeje kuko hagomba kuba n'ay'abagize Inteko Ishinga Amategeko.

Minisitiri w'Ububanyi n'Amahanga wa Centrafrique, Sylvie Baïpo Temon, mu kiganiro yagiranye n'abanyamakuru, yavuze ko igihugu cye cyishimira uruhare rw'Ingabo z'u Rwanda muri aya matora.

Ati 'Mu bijyanye n'umutekano wacunzwe neza mu gihe cy'amatora kandi yagenze neza kuko nk'uko mwabivuze mu matora yabaye ku wa 27 Ukuboza 2020, abaturage bakora amahitamo yabo [….] Niba mwumva amakuru, inyeshyamba zatangaje ibitero bigamije kudurumbanya urwo rugendo rugana kuri demokarasi, abaturage bafite uburenganzira bwo guhabwa.'

'Ni muri urwo rwego, u Rwanda n'ibihugu birimo iby'inshuti byihurije hamwe mu gushaka umutekano no gufasha abaturage kuba mu mudendezo bijyanye n'intego ya Minusca yo kubungabunga amahoro.'

Minisitiri Sylvie yavuze ko ibikorwa byo kugarura umutekano muri iki gihugu ariwo musemburo wo kugera ku iterambere no kureshya abashoramari barimo n'Abanyarwanda batangiye kureshya amahirwe.

Ati 'Hari ingamba zafashwe mu kubungabunga umutekano, uyu munsi hari ibyakozwe, dufite abashoramari bageze i Bangui, ndetse Centrafrique ishobora kubereka ahantu n'inzego bashoramo imari uyu munsi kandi twizeye ko bizagenda neza. Ku nama z'Umukuru w'Igihugu, twahisemo gufasha abashoramari gukora ibikorwa byabo, twafunguye uburyo bwo kubafasha gukora bisanzuye.'

Yakomeje avuga ko hazashyirwaho ikigo kizakusanyirizwamo amakuru yose, hagamijwe gukurikirana ko hatabaho idindira mu ishyirwa mu bikorwa ry'imishinga itandukanye. Yavuze kandi ko igihugu cye cyiteguye gufasha abashoramari bafite imishinga ibyarira inyungu abaturage.

Ati 'Umushinga nuba mwiza kandi ufitiye abenegihugu akamaro, Centrafrique yiteguye gufasha abashoramari binjiza ibintu mu gihugu no gukuraho imisoro mu gihe bagiye gutangira ibikorwa byabo. Icyo navuga ni uko hari amahirwe yo gusangira ubunararibonye kandi ibyo turabizeza ko bizakunda kuko hari umutekano.'

Minisitiri w'Ububanyi n'Amahanga w'u Rwanda, Dr Vincent Biruta, yavuze ko Centrafrique ari igihugu cy'inshuti cyanyuze mu bibazo kugeza n'uyu munsi aho bitararangira ari nabyo byatumye u Rwanda rwoherezayo ingabo.

Ati 'Uyu munsi turacyafatanya na Guverinoma ya Centrafrique mu buryo bwo kugarura amahoro n'umutekano muri icyo gihugu kugira ngo inzego z'ubutegetsi zibashe kujyaho zikore n'izindi gahunda zifitiye igihugu akamaro; akaba ari muri urwo rwego mugenzi wa njye wa Centrafrique yajemo.'

Dr Biruta yakomeje avuga ko amateka y'u Rwanda arimo asharira ya Jenoside yakorewe Abatutsi, ashobora kuba isomo rikomeye kuri Centrafrique nayo imaze igihe kinini mu mvururu.

Ati 'Igihugu gitandukanye n'ikindi kuko amateka aba atandukanye, imico iba itandukanye. Ariko nibura hari ibyo twanyuzemo twagiye tuvamo bishobora kubaviramo kubona icyo bakuramo bakoresha na none bakagihuza n'ibibazo biri iwabo n'umuco n'ibindi ariko bakagenda basiga inyuma aya mateka yo gushyamirana n'amacakubiri, noneho bakubaka igihugu gitekanye.'

Mu ruzinduko rwe mu Rwanda, Minisitiri w'Ububanyi n'Amahanga wa Centrafrique, yasuye urwibutso rwa Jenoside yakorewe Abatutsi rwa Kigali ruri ku Gisozi, yunamira inzirakarengane ziruhuhukiyemo ndetse asobanurirwa n'amateka yagejeje u Rwanda muri iryo curaburindi.

Minisitiri Sylvie Baïpo Temon yashimiye u Rwanda ku muhate warwo mu kugarura amahoro muri Centrafrique

Ba Minisitiri b’Ububanyi n’Amahanga b’ibihugu byombi bagiranye ikiganiro n’abanyamakuru

Dr Biruta yavuze ko u Rwanda rwiteguye gufasha Centrafrique kwigobotora ibibazo imazemo igihe

Abanyamakuru batandukanye bari bitabiriye iki kiganiro

Amafoto: Niyonzima Moïse

---

Source : http://igihe.com/amakuru/u-rwanda/article/minisitiri-w-ububanyi-n-amahanga-wa-centrafrique-yagaragaje-umusaruro-w

Source : https://yegob.rw/reba-umucekuru-uteye-agahinda-cyane-amaze-imyaka-44-atwite-inda-yanze-kuvuka/

Source : https://yegob.rw/nuramuka-uretse-umugore-wawe-agakora-bino-bintu-uzamenye-ko-inshingano-za-kigabo-zakunaniyeukwiye-kubyirinda-utazitwa-inganzwa/

Source : https://yegob.rw/butera-knowless-noneho-arirekuye-avuze-byinshi-ku-rugo-rweimpano-clement-yamuhaye-amaze-kubyaravideo/

Abamaze gukira biyongereyeho 287 bagera ku 12,629.Abakirwaye ni 3,769

Minisante yagize iti “Twihanganishije imiryango y'abagore babiri b'imyaka 96 na 91 n'umugabo w'imyaka 47 bitabye Imana i Kigali.”

Ibimenyetso bya Coronavirus birimo inkorora, ibicurane, guhumeka bigoranye n'umuriro. Yandura binyuze mu matembabuzi aturuka mu myanya y'ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n'amazi n'isabune no kwambara udupfukamunwa n'amazuru mu gihe umuntu avuye mu rugo cyangwa ahuye n'abantu benshi.

Minisitiri w'Ubutegetsi bw'Igihugu, Prof Shyaka Anastase, yavuze ko nubwo kuri uyu wa Mbere serivisi zimwe na zimwe mu Mujyi wa Kigali zizongera gufungurwa, bitavuze ko icyorezo cya Coronavirus cyarangiye bityo basabwa gukomeza kwirinda.

Inama y'Abaminisitiri yateranye mu Cyumweru gishize, yanzuye ko Umujyi wa Kigali ukurwa muri Guma mu rugo guhera kuri uyu wa Mbere tariki 8 Gashyantare 2021, nyuma y'ibyumweru bitatu serivisi zose zihagaze kugira ngo hahashywe ubwiyongere bw'ubwandu bwa Coronavirus.

Mu kiganiro cyatambutse kuri RBA, Minisitiri Shyaka yavuze ko imyitwarire yaranze Abanya-Kigali muri iyi minsi ishize bari mu rugo, yatumye umubare w'abandura ugabanyuka ari nacyo cyahereweho gahunda ya Guma mu rugo ikurwaho.

Icyakora, Prof Shyaka yavuze ko icyorezo kitarangiye, bityo ko ubwirinzi budakomeje Abanya-Kigali bashobora kwisanga basubiye mu rugo.

Ati 'Ejo Guma mu rugo izaba irangiye ariko Covid-19 ntabwo irangiye. Amabwiriza ya Covid-19 agira umumaro kuko abaturage bayagizemo uruhare. Uko tugenda twubahiriza amabwiriza neza, ni ko tugenda dutsinda igisa nka Guma mu rugo, byagenze neza ariko hari ahakiboneka utwo dutotsi.'

Yakomeje agira ati 'Twitware neza nk'abantu tugifite ikibazo cy'icyorezo, nubwo bitewe n'intambwe tumaze gutera mu rwego rwo kugabanya ubukana bwacyo ariko Covid-19 iracyahari. Icyo nasaba ni uko Abanyarwanda bakomeza umurego mu kwirinda icyorezo mu kumenyekanisha no kwirinda amabwiriza yo kwirinda.'

'Turabizi abantu bakeneye kujya ku mirimo ariko tuzirikane aho tujya gukorera dushyiramo ka kanya. Ntabwo twifuza ko nyuma y'ukwezi dusubira mu rugo kuko twahuriye ahantu hahurira abantu benshi kwirinda bikatunanira […] Tutaza kumva bavuga ko hari za restaurants zatangiye kwakira abantu. Twibukiranye umunsi w'ejo utaba umunsi utarabayeho mu mateka yacu wo guhana cyane. Ntabwo twifuza guhana Abanyarwanda.'

Umunyamabanga wa Leta muri Minisiteri y'Ubuzima Ushinzwe Ubuzima bw'Ibanze, Dr. Mpunga Tharcisse, yavuze ko mu byumweru bitatu bishize, umubare w'abandura Covid-19 wagabanyutse ku buryo bugaragara.

Yatanze ingero nk'aho ubwo Guma mu rugo muri Kigali yatangiraga, ku munsi handuraga abantu bagera kuri 200, ubu ku munsi handura abari hagati ya 50 na 60.

Mu barwayi bose, icyo gihe hakiraga abantu bagera kuri 50 ku munsi, none ubu hakira abagera kuri 430. Muri iyo minsi nabwo ku munsi hapfaga abantu hafi icumi, kuri ubu bagera kuri batatu ku munsi.

Ati 'Ibyumweru bitatu bidusigiye akanya ko guhumeka kuko iyo urebye imibare iragenda igabanyuka, ibyo bigaha inzego z'ubuzima guhumeka no kongera kwitekerezaho neza kugira ngo bafashe ba bantu barwaye.'

Icyakora, Dr Mpunga yavuze ko kuba hari abarenga ku mabwiriza yo kwirinda ari ikibazo gikomeye, kuko bashobora kuba icyuho cyo kwiyongera k'ubwandu.

Ati 'Ni ikibazo iyo abantu batubahiriza ingamba, baba bafite ibyago byo kwandura. Ni impungenge ku gihugu kuko byongera akazi bikadushyira no ku gitutu cyo gufasha abantu rimwe na rimwe n'ibikoresho bikaba bike iyo babaye benshi.'

Umuvugizi wa Polisi y'u Rwanda, CP John Bosco Kabera, yavuze ko nubwo imibare y'abandura ikomeje kugabanyuka, hari umubare munini w'abarenga ku mabwiriza kandi bitemewe.

Yavuze ko mu byumweru bitatu bishize, abantu bagera mu bihumbi 180 bafashwe mu gihugu barenze ku mabwiriza. Abantu basabye impushya zo kuva mu rugo bagera ku bihumbi 300 ariko abazemerewe bagera ku bihumbi 230.

Yavuze ko hari n'abagiye bafatirwa mu tubari bagera ku bihumbi 60, abafashwe bari mu birori, mu nsengero n'ahandi hatemewe, bigaragaza ko hakiri uguteshuka ku ngamba.

Ati 'Birumvikana ko isomo rikomeye hari abantu badohotse ariko bigaragazwa n'imibare y'abantu bacyandura […] Dufite akazi gakomeye ariko abaturage bumve ko atari inzego z'umutekano gusa n'inzego z'ibanze gusa, nabo bumve ko babifitemo uruhare.'

Yavuze ko hashize icyumweru hatangajwe amabwiriza y'uburyo ingamba zo kwirinda Covid-19 zizubahirizwa muri Kigali guhera kuri uyu wa Mbere, avuga ko uzabirengaho inzego z'umutekano zitazamwihanganira.

Inama y'abaminisitiri iyobowe na Perezida Kagame yateranye ku wa 2 Gashyantare, yafashe imyanzuro igaragaza ingamba zizakurikizwa kuva tariki ya 8 kugeza ku wa 22 Gashyantare 2021.

Source : http://umuryango.rw/amakuru/mu-rwanda/ubuzima/article/abantu-3-bahitanwe-na-covid-19-mu-gihe-abandi-21-barembye

Source : https://yegob.rw/ubwoba-ni-bwose-muri-tanzania-kubera-icyorezo-kitaramenyekana-kirimo-guhitana-abatari-bake/

Kuri iki cyumweru nibwo aba bombi batewe n'iyi mvubu ubwo bambukaga umugezi wa Zambezi mu gace ka Mongu,birangira ibahitanye basiga abana babo ari imfubyi.

Ushinzwe kurinda amashyamba na pariki za Leta mu gace ka Mongu witwa Gryton Kasamu yavuze ko uyu mugabo n'umugore we bishwe n'imvubu mu gitondo cyo kuri iki cyumweru berekeza mu majyepfo y'ikiraro cyitwa Mongu-Kalabo.

Uyu mugabo yagize ati 'Nibyo uwo mugabo n'umugore bapfuye nyuma y'aho ubwato barimo bwagonzwe n'imvubu mu mugezi wa Zambezi.

Uyu muyobozi yakomeje avuga ko abashinzwe umutekano bakomeje gushakisha umurambo w'umugabo cyane ko uw'umugore wo wabonetse ndetse n'iyi mvubu ngo iri gushakwa.'

Umurambo w'uyu mugore umaze kuboneka wajyanwe ku bitaro bya Lewanika General Hospital.

Source : http://umuryango.rw/ubuzima-115/udushya/article/umugabo-n-umugore-we-bishwe-n-imvubu-bari-kumwe-basiga-abana-babo-6-ari-imfubyi

Umukuru w'abahiritse ubutegetsi muri Myanmar yashyikirije ijambo rye rya mbere kuri televiziyo kugira ngo asobanure impamvu yatumye bafata ubutegetsi mu gihe imyigaragambyo yo kwamagana icyo gikorwa ikomeje.

Min Aung Hlaing yavuze ko amatora yo mu kwezi kwa 11 umwaka ushize wa 2020 yatsinzwe ku majwi menshi n'ishyaka rya Madame Augn San Suu Kyi ufunzwe, yagenze nabi.

Igisirikare cyatangiye kugira ibyo kibuza mu turere tumwe na tumwe harimo umukwabu wo kubuza abantu gutembera ndetse hanashyirwaho umubare ntarengwa w'abantu batagomba kurenza mu gihe bateraniye hamwe.

Abantu isinzi bakoranye kuri uyu wa mbere, ku munsi ugira gatatu w'imyigaragambyo, bihurirana n'uko kwivumbagatanya/yegereyegere mu gihugu cyose, byo kwanga uko guhirika butegetsi.

Ijambo ry'uyu Mujenerali ryanashavuje abatavuga rumwe n'ubwo butegetsi bushyashya, imbuga nkoranyambaga zerekanye amashusho y'abavuza amasafuriya mu kuryamagana imbere y'ama televiziyo zabo.

Ni bande bari mu mabarabara?

Kuri uyu wa mbere mu gitondo, abantu ibihumbi n'ibihumbi bateraniye ku murwa mukuru Nay Pyi Taw kugira ngo bitabe iyo myigaragambyo. No mu yindi mijyi nka Mandalay na Yangon abantu bitabiriye ari benshi, nk'uko BBC dukesha iyi nkuru ibitangaza.

Abitabiriye imyigaragambyo bari mu byiciro bitandukanye by'abakozi, baba mu barimu, abacamanza, abakora mu ma Banki, abakozi ba Leta n'abandi.

Umwe mu bari mu myigaragambyo ariko atashatse ko umwidondoro we umumenyekana-yabwiye BBC ati: 'Uyu munsi, twebwe, abashinzwe ubuzima, cyane cyane abakora mu mirimo ya Leta nk'abaganga, abafundi bo mu rwego rwo hejuru n'abigisha-twagiye ahabona kugira ngo twerekane ko turi kumwe muri ibi. Icyo dushaka ni kimwe, guhirika ubutegetsi bw'igitugu'.

Mu cyumweru gishize, igisirikare cya Myanmar cyafashe ubutegetsi nyuma y'amatora yatsinzwe n'ishyaka NLD ku majwi menshi cyane.

Cyahise kandi gishinga amategeko y'ibihe bidasanzwe y'igihe cy'umwaka muri Myanmar, igihugu kizwi kandi nka Birmania, ubutegetsi buhita bushyikirizwa kizigenza mu gisirikare Min Aung Hlaing.

Madame Suu Kyi na bamwe mu bayobozi bakomeye mu ishyaka rye rya National League for Democracy (NLD), harimo na Perezida Win Myint bafungishijwe ijisho mu ngo zabo.

Igisirikare cyari cyashyigikiye abatavuga rumwe na Leta basabaga ko amatora yasubirwamo, bavuga ko yabayemo ubujura. Ariko Komisiyo ishinzwe amatora yavuze ko nta byemezo byatanzwe byo kwerekana ubwo bujura.

Jenerari yavuze iki?

Ijambo rya Jenerari Min Aung Hlaing ryari rishingiye ku mpamvu zatumye igisirikare gifata ubutegetsi gusumba gutera ubwoba abari mu myiyerekano.

Yavuze ko Komisiyo ishinzwe amatora yanze gukora amatohoza ku tunenge twari mu ntonde z'amatora yo mu kwezi kwa 11 kandi ntiyatuma haba ukwiyamamaza kutarenganya.

Iyo komisiyo yavuze ko nta byemezo bihari byo kwerekana ko habaye ubujura.

Jenerari Min Aung Hlaing yemeye ayandi matora no gushyikiriza ubutegetsi uzayatsinda. Komisiyo y'amatora ivuguruye niyo izayategura.

Yanavuze kandi 'gushyika kuri 'demokarasi y'ukuri kandi iri ku murongo',amajambo yaneguwe cyane ku mbuga nkoranyambaga na bamwe batavuga rumwe n'ubwo butegetsi.

Yanasabye abanyagihugu kugendera ku bintu by'ukuri, bakirinda gutwarwa n'amarangamutima yabo.

Uyu Mujenerari nta terabwoba yagize ku bari mu myigaragambyo, gusa yavuze ko nta n'umwe uri hejuru y'amategeko. Igisirikare mu bihe byahise cyahutaje abantu, harimo mu 1988 na 2007.

Mu turere tumwe tumwe twafatiwe ingingo, nko mu mujyi uza ku mwanya wa kabiri mu bunini Mandalay n'ahandi aho bibujijwe gutembera kuva I saa mbiri z'ijoro gushyika I saa kumi z'igitondo.

Munyaneza Theogene / intyoza.com

Source : http://www.intyoza.com/ijambo-rya-jenerali-ukuriye-abahiritse-ubutegetsi-muri-myanimar-ryatumye-abigaragambya-bakaza-umurego/

Amakuru ari gutambuka mu binyamakuru byo muri Tanzaniya , aravugako mu abashinzwe ubuzima bo mu karere ka Chunya bavuzeko hari bamwe mubarwaye iyi ndwara ndetse baje no kupfa mugihe cy'amasaha gusa, mugihe minisiteri y'ubuzima yo yahakanye ko yaba ari indwara nshya, ariko yoherezayo ikipe y'inzobere gukora iperereza.

Minisitiri w'ubuzima Dorothy Gwajika yahagaritse umukozi ushinzwe ubuzima muri ako karere wabwiye ibinyamakuru iby'iyi ndwara, nk'uko ikinyamakuru Citizen kibivuga.

Minisiteri y'ubuzima yavuze ko ibimenyetso bivugwa bisa n'ibyabonetse na mbere mu 2018.

maze isaba abaturage gukomeza gutuza mu gihe bari gukora iperereza ngo hatangwe amakuru arambuye nyuma.

Mu minsi ishize, abaturage ba Tanzania bashishikarijwe n'abategetsi gukoresha ibimera bimwe na bimwe mu kwirinda icyorezo cya coronavirus.

Perezida Magufuli we yatangaje ko muri Tanzania nta coronavirus ihari ndetse na minisiteri y'ubuzima ivuga ko nta gahunda bafite yo gusaba inkingo z'iki cyorezo.

Source : http://umuryango.rw/amakuru/mu-mahanga/ubuzima/article/muri-tanzania-indwara-yahadutse-itaramenyekana-abayirwaye-bari-kurwangwa-no

  Perezida Touadéra yasabye Abanyarwanda gushora imari mu buhinzi no gufungura banki

  Hari ubutaka bungana na hegitari miliyoni 30 budahingwa

  Abazashinga inganda bazasonerwa imisoro mu gihe cy'imyaka 10

  Bazahabwa aho gukorera, boroherezwe kubona ibyangombwa byo gukora no gutura n'ubwenegihugu

Centrafrique ni igihugu gikize ku mutungo kamere, gusa miliyoni 5,1 z'abagituye si abashabitsi bakomeye kuko usanga byinshi mu byo bakenera bituruka mu mahanga cyane muri Cameroun.

Nko ku bakora ibikorwa by'ubuhinzi, bafite amahirwe y'imbonekarimwe. Centrafrique ifite ubutaka bwo guhinga budakoreshwa burenga hegitari miliyoni mirongo 30. Abakora imirimo y'ubuhinzi muri iki gihugu usanga iyo bakeneye nko guhinga batirirwa bitaba ibirenge bakoresheje amasuka, baratwika ubundi bagafata igiti bagasanza, bagatera imbuto ubwo indi gahunda ikazaba gusarura.

Magingo aya, isoko rya Centrafrique Abanyarwanda batangiye kurikozaho imitwe y'intoki. Ni ikibuga kirimo amahirwe atabarika kandi bitewe n'umubano mwiza uri hagati y'ibihugu byombi, Abanyarwanda bakomorewe byose kugira ngo bakore batuje kandi bisanga.

Hashize iminsi mike Perezida wa Centrafrique, Faustin-Archange Touadéra, yakiriye abacuruzi bo mu Rwanda, bamugezaho ibyifuzo byabo mu gihe baba batangiye gukorera muri iki gihugu nyuma y'aho RwandAir itangijeyo ingendo.

Ku ikubitiro, abashoramari 32 bo mu Rwanda bajyanye n'indege ya RwandAir barimo abakora mu bijyanye n'ubucukuzi bw'amabuye y'agaciro, ubukerarugendo, inganda, abakora ibijyanye no gutunganya umusaruro ukomoka ku buhinzi n'ubworozi, gutwara abantu n'ibintu, ubuzima, ubwubatsi, abatanga za serivisi zinyuranye n'ibindi.

Jessie Kalisa Umutoni ni umwe muri ba rwiyemezamirimo b'Abanyarwanda bagiye muri Centrafrique mu rugendo rugamije kureba amahirwe y'ishoramari aboneka muri iki gihugu.

Yagize amahirwe cyo kimwe n'abandi barenga 30 bari bari kumwe yo guhura na Perezida wa Centrafrique, Faustin-Archange Touadéra, abasobanurira amahirwe y'ishoramari aboneka muri iki gihugu, anabizeza ko amahirwe yose y'ishoramari ari muri iki gihugu ku ikubitiro afunguriwe Abanyarwanda.

Ati 'Bifuza ko twaza tugakorana nabo, tukabayobora cyangwa se tukabafasha, bafite ubushake bwo kuduha ubushobozi bwose kugira ngo dukorane neza […] ikindi bibanzeho cyane ni uguhanga imirimo kuko nituramuka tuje tuzatanga akazi. Ikindi cyiza nashimye cyane ni uko bari kutwibonamo.'

Umutoni yavuze ko amahirwe ari muri Centrafrique ku Banyarwanda ari menshi, kandi ko bijejwe n'umutekano wabo bwite n'ibicuruzwa mu gihe baba batangiye gukorera muri iki gihugu.

Ati 'Burya iyo uri umucuruzi ugomba kumenya, uti ibintu byanjye bizanyura he, amakuru tumaze kubona ubu ni uko ibintu byose bitazanyura mu ndege, hari n'ibizanyura hasi. Haracyari ibiganiro byo kumva umuhanda uturuka za Douala kugera aha uko bizaba bimeze, wenda mu mezi abiri cyangwa mu kwezi kumwe. Icyo nacyo nk'Abanyarwanda twakibajije.'

Ku bashaka gushinga inganda, basonewe imisoro mu gihe cy'imyaka 8 na 10

Nsabumukiza Aimable ni rwiyemezamirimo mu bijyanye n'amahoteli n'ubukerarugendo, yavuze ko ku Munyarwanda ushaka gukora, Centrafrique atari ahantu ho gushora imari mu mafaranga gusa ahubwo ko n'abafite ibyo bazi bashaka gukora, bashobora kugana iki gihugu.

Ati 'Ni ahantu ho gukorera, ni ahantu umuntu yashora imari, imari tuvuga ntabwo ari mu mafaranga gusa, abantu bumve ko ufite n'icyo uzi gukora, ukaza ukagitangira wakora. Ni ubutaka bw'amahirwe.'

Ibihugu byombi byagiranye amasezerano y'ubufatanye mu ngeri zirimo umutekano n'ubucuruzi aho nk'Abanyarwanda bazajya boroherezwa kubona ibyangombwa byo gukora, abafite inganda bagasonerwa imisoro mu gihe kiri hagati y'imyaka umunani n'icumi.

Mu nama yahuje abacuruzi b'Abanyarwanda n'abo muri Centrafrique mu cyumweru gishize, havugiwemo ko mu gihe batangiye gukora, bazahabwa aho gukorera, bakoroherezwa kubona ibyangombwa byo gutura ndetse n'ubwenegihugu ku babushaka.

Jessie Kalisa Umutoni ati 'Imisoro ni ubuntu, kuva ku myaka umunani kugera ku myaka icumi.'

Yavuze ko mu kiganiro bagiranye na Perezida w'iki gihugu, yabasabye gushora imari mu buhinzi kuko hari ubutaka bunini kandi budahingwa.

Ati 'Hegitari miliyoni 30 zirimo ubusa! N'urwego rw'amahoteli narwo ni uko, ntabwo bafite amabanki menshi. Perezida yifuje ko hafungurwa iy'ubucuruzi, iy'abagore, iy'urubyiruko, ndetse yasabye ko haza n'abantu bagafungura banki ya gisirikare. Urumva rero hari amahirwe menshi kandi hari n'ubumenyi bwinshi Abanyarwanda bafite baza bakabasangiza.'

Minisitiri ushinzwe Ibikorwa by'Ishoramari, Pascal Bida Koyagbele, yavuze ko yizeye ko ishoramari ry'Abanyarwanda rizatanga umusanzu ukomeye ku iterambere n'amahoro by'iki gihugu cy'igituranyi.

Ati 'Ntekereza ko ari iterambere ry'ubukungu, bizateza imbere amahoro, bizatanga imirimo ku rubyiruko, izateza imbere ubukire, izatuma abantu batandukanye babona ibyo gukora mu guteza imbere igihugu ariko ibirenze iby'ubukungu, ingabo z'ibihugu byombi zigomba gukorana mu gushakira umutekano abaturage.'

Kuva kuri uyu wa Mbere, Minisitiri w'Ububanyi n'Amahanga wa Centrafrique, Sylvie Baïpo Temon, ari mu Rwanda mu ruzinduko rugamije gushimangira umubano mwiza hagati y'ibihugu byombi aho yagiranye ibiganiro na mugenzi we Dr Vincent Biruta.

Aha ni Mujyi wa Bangui kuri Stade Nkuru y’Igihugu yitwa “20 Milles Place”

Perezida Touadéra yijeje Abanyarwanda ko amahirwe yose ahari mu gihugu aribo azahabwa mbere y’abandi

RwandAir yatangiye ingendo zayo muri Centrafrique zikorwa kabiri mu cyumweru

Minisitiri w'Ububanyi n'Amahanga wa Centrafrique, Sylvie Baïpo Temon, ari mu Rwanda mu ruzinduko rw’akazi

Video: Adeline Umutoni & Marc Hoogsteyns

---

Source : http://igihe.com/amakuru/u-rwanda/article/abanyarwanda-binjiye-ku-isoko-rya-centrafrique-ibyo-bemerewe-ku-bashaka-gushora