Webrwanda Backend

Blog

  • Umuti wa Favipiravir wagaragaje icyizere mu kuvura abarwayi ba COVID-19 barembye mu Rwanda – #rwanda #RwOT

    Uyu muti wagejejwe mu Rwanda muri Mutarama mu rwego rwo gushyigikira izindi ngamba zariho mu kwita ku banduye COVID-19.

    U Rwanda rwakiriye doze zigera ku 18.000 z'uyu muti wa Favipiravir, ndetse watangiye gukoreshwa ku barwayi barembye hirya no hino mu gihugu.

    Umuyobozi Mukuru wa RBC, Dr Sabin Nsanzimana, yavuze ko kuva uyu muti waza umaze kugaragaza ibimenyetso byiza mu kuvura abarwaye COVID-19, nkuko The New Times yabitangaje.

    Yagize ati 'Umuti urakora neza. Turi kuwukoresha ku barembye kandi biri gutanga umusaruro. Nk'urugero, iyo umurwayi afite ibimenyetso nko kubabara umutwe n'umunaniro bahawe uyu muti, uburyo bari bameze byarahindutse baroroherwa.'

    Uretse uyu muti, u Rwanda ruri no gushakisha ubundi buryo bwisumbuyeho bwo kuvura abarwayi ba COVID-19. Minisiteri y'ubuzima iherutse gutangaza ko hashobora gutangira gukoreshwa n'undi muti uzwi nka Monoclonal Antibodies mu kuvura COVID-19.

    Monoclonal Antibodies ni umuti ukorerwa muri laboratoire wongerera umubiri ubudahangarwa mu guhangana na virusi ziwinjiramo.

    Umuti wa Favipiravir ni umuti uca intege virusi binyuze mu kuyibuza kwikuba, aho wica ibyabashaga kuyitunga bikayigora kubaho mu muntu.

    Uyu muti wakozwe n'ikigo cyo mu Buyapani cyitwa Fujifilm Holdings Corporation, gifite icyicaro i Tokyo. Wemejwe bwa mbere mu 2014 mu kuvura icyorezo cy'ibicurane byariho icyo gihe ndetse ukoreshwa na nyuma mu bwoko bushya bw'ibyo bicurane. Kuri ubu umuti ukaba warongeye kwemezwa mu gufasha mu buvuzi bwa COVID-19.

    Ku makuru yatanzwe n'Ikigo cya Leta Zunze Ubumwe za Amerika gishinzwe amakuru ku by'imiti, umuti wa Favipiravir wakoreshejwe bwa mbere mu kuvura SARS-CoV-2 (COVID-19) muri Wuhan aho icyorezo cyahereye.

    Ubwo icyorezo cyarushagaho gukwirakwira mu Burayi, uyu muti watangiye gukoreshwa nk'ubutabazi bwihuse mu Butaliyani, ukaba unakoreshwa mu Buyapani, u Burusiya, Ukraine, Uzbekistan, Moldova na Kazakhstan. ngo Uherutse no kwemezwa muri Arabie Saoudite ndetse no muri Leta Zunze Ubumwe z'Abarabu.

    Mu bushakashatsi bwasohotse kuwa 14 Ukuboza 2020, bukozwe n'Ikigo cya Leta Zunze Ubumwe za Amerika gitanga amakuru ku miti, bwagaragaje ko Favipiravir na wo ari umuti wizewe wakoreshwa mu gufasha mu buvuzi bwa COVID-19.

    Umuti wa Favipiravir wagaragaje ko utanga icyizere mu kuvura abarwayi barembye ba COVID-19

    Source : http://igihe.com/amakuru/u-rwanda/article/umuti-wa-favipiravir-wagaragaje-icyizere-mu-kuvura-abarwayi-ba-covid-19

  • Abandi banyarwanda babiri bashimutiwe i Kampala na CMI – #rwanda #RwOT

    Amakuru avuga ko ku wa Gatanu tariki 5 Gashyantare 2021, ari bwo aba bakozi ba CMI, bafashe aba banyarwanda bari basanzwe ari abacuruzi mu murwa mukuru w'icyo gihugu, Kampala.

    Bivugwa ko Munyurangabo na Mugisha bafashwe n'abakozi ba CMI batari bitwaje urwandiko rutegeka ko batabwa muri yombi cyangwa indi nyandiko yemewe n'amategeko, bahatirwa kuva mu modoka zabo bari barimo bahita bashyirwa mu zindi z'urwo rwego bajyanwa shishi itabona.

    Munyurangabo yari umucuruzi uzwi mu Mujyi wa Kampala aho yakoraga ibijyanye na restaurant n'akabari kazwi cyane nka Pyramid i Kansanga, mu nkengero z'umujyi wa Kampala.

    Ni mu gihe Mugisha we yafatanyanga na Munyurangabo aho yari umuyobozi wa 'Pyiramid Bar and Restaurant'.

    Ni ahantu hari hamenyerewe ko Abanyarwanda cyangwa Abanya-Uganda bafite inkomoko mu Rwanda, bagakunda kuhasohokera cyane, ariko n'Abagande benshi bakaba bakundaga kujya gufatiramo amafunguro n'ibyo kunywa.

    Umurinzi w'aka kabari yabwiye Virunga Post dukesha iyi nkuru, ko atumva icyo abayobozi be bazize ati 'Aka ni akabari gasanzwe gusa nk'akandi ako ariko kose muri Kampala.'

    Mu ntangiro z'ukwezi gushize, na bwo undi mucuruzi w'Umunyarwanda wari ukomeye mu Mujyi wa Kampala, Napoleon Rebero, yaburiwe irengero nyuma yo gufatwa agatabwa muri yombi binyuranyije n'amategeko, bikozwe na CMI.

    Rebero yari afite iduka mu gace k'ubucuruzi ka Kikuubo mu mujyi rwagati wa Kampala. Yajyanywe hamwe n'umugore we, ariko nyuma yiminsi ine umugore ararekurwa. Rebero akomeza gufungwa mu buryo butemewe n'amategeko.

    CMI ishinja aba bacuruzi 'kuba ba maneko b'u Rwanda'.

    Ibirego nk'ibi ni byo bishinjwa abanyarwanda amagana n'amagana b'inzirakarengane bitewe n'umugambi wa Perezida Museveni wo gushyigikira abashaka guhungabanya umutekano w'u Rwanda yagize kuva kera.

    Museveni yahaye inshingano CMI zo gukorana n'umutwe w'iterabwoba wa RNC ya Kayumba Nyamwasa, hamwe n'andi matsinda arimo FDLR y'abasize bakoze Jenoside yakorewe Abatutsi mu Rwanda, kugira ngo bakore uko bashoboye bahungabanye umutekano w'u Rwanda, n'ubwo byabaniranye.

    Bumwe mu buryo CMI na RNC bakoresha mu kugerageza ibikorwa byabo harimo gushimuta Umunyarwanda wese wishoboye cyangwa ufite ikindi gikorwa muri Uganda, ariko akaba adashyigikiye ibikorwa by'imitwe y'iterabwoba nka RNC.

    Uburyo bakoresha ni ugushimuta inzirakarengane zigakorerwa iyicarubozo kenshi, zigahatirwa kwinjira muri RNC, babyanga bakajyanwa muri kasho za CMI, ndetse bamwe bakajyanwa gutorezwa I Minembwe muri Repubulika Iharanira Demukarasi ya Congo.

    Urwitwazo rwo gushimuta aba Banyarwanda rukunze guhuzwa no 'Kwinjira mu gihugu bitemewe n'amategeko cyangwa kuba muri Uganda mu buryo butemewe n'amategeko', ariko iyo witegereje usanga abanyarwanda hafi ya bose bafatwa baba bafite ibyangombwa, abandi babaye muri Uganda imyaka myinshi ndetse rimwe na rimwe banahafite imiryango.

    Icyamaze kugaragara ni uko mu gihe CMI iba igerageza gufata abanyarwanda basa nk'abishoboye aho muri Uganda, akenshi iba igamije kubasaba gutera inkunga ibikorwa bya RMC, babyanga bagahera ubwo batotezwa.

    Ikindi iyo ubakurikiranye bose, usanga ibyo bashinjwa bifitanye isano ya hafi kandi bijya gusa, kuko bose nta kindi bashinjwa kitari 'kunekera u Rwanda cyangwa gutunga imbunda mu buryo butemewe'. Abantu benshi bagiye bashinjwa ibyo byaha barimo n'uzwi cyane, Rene Rutagungira wakorewe iyicarubozo n'ibindi bikorwa bibabaza umubiri. Kuba ibyo byaha bikunze kuba bisa, ni icyerekana uburyo uyu ari umugambi mugari wateguwe na Leta ya Uganda.

    Mu by'ukuri ariko, nta na rimwe Uganda irajyana mu nkiko Umunyarwanda muri aba batabwa muri yombi ngo ahamwe n'ibi byaha baba babashinja. Abantu nka Rutagungira bagiye bahohoterwa bakajyanwa mu rukiko rwa gisirikare mu buryo bunyuranyije n'amategeko cyane ko ari umusivile.

    Ikindi kimaze kwigaragaza muri ibi bikorwa, ni uko abanyarwanda benshi batabwa muri yombi mu buryo butemewe n'amategeko muri Uganda, n'iyo bamaze kugera muri kasho, bategereza igihe kinini mbere yo kugezwa imbere y'ubutabera, ndetse abenshi ntibanagezwa imbere yabwo burundu.

    Bafite n'uburyo bumwe bafata aba banyarwanda, aho abakozi ba CMI bagenda bakazenguruka umuntu, bakamufata bakajugunya mu modoka zabo zifite ibirahure byijimye, ubundi bakamujyana muri kasho zayo, agakorerwa iyicarubozo, agafungirwa ahantu hatemewe, kandi nta bimenyetso bimushinja bitanzwe.

    Leta y'u Rwanda imaze imyaka igaragaza ko ibi bikorwa bigayitse byo gufunga bya hato na hato abaturage bayo, ndetse muri Werurwe 2019, yanateye intambwe yo gusaba abanyarwanda kwirinda kujya muri Uganda.

    Nyuma yaho, Angola yinjiye mu bibazo by'u Rwanda na Uganda itangira ubuhuza mu biganiro ku mpande zombi ndetse biza kuvamo amasezerano yiswe aya Luanda, akubiyemo ingingo zigaragaza uburyo bwo kongera kuzahura umubano hagati y'ibi bihugu bibiri by'ibituranyi.

    N'ubwo aya masezerano yari yashyizweho umukono na Perezida wa Uganda, Yoweri Museveni ndetse n'uw'u Rwanda, Paul Kagame, igihugu cya Uganda kibinyujije muri CMI, cyakomeje gukora ibikorwa byo gufunga abanyarwanda mu buryo butemewe no gukorera iyicarubozo.

    Ku rundi ruhande, iyo abo banyarwanda bifashije bamaze gufatwa bagafungwa, bagateshwa utwabo, akenshi usanga abakozi ba CMI basubira inyuma bakirara mu mitungo yabo, irimo amazu, imodoka n'imirima bakabitwara.

    Abanyarwanda bakorera Kampala babayeho mu bwoba bwo gushimutwa na CMI

    Source : http://igihe.com/amakuru/u-rwanda/article/abandi-banyarwanda-batatu-bashimutiwe-i-kampala-na-cmi

  • Kongererwa amasaha, gufungura intara, ingamba ahategerwa imodoka – Ibyifuzo by'Abanyakigali basubukuye imirimo – #rwanda #RwOT

    Nyuma y'iminsi itari mike, Umujyi wa Kigali uri muri Guma mu rugo, ibikorwa bibyara inyungu nk'ubucuruzi, ubwikorezi n'ibindi byari byarahagaze. Byongeye gusubukurwa, ariko abaturage basaba ko bikwiye ko hashyirwaho uburyo bwo koroherezwa mu mikorere yabo ndetse no gufashwa mu buryo bwo kubona imodoka zibacyura ku gihe basoje imirimo yabo.

    Biteganyijwe ko nubwo ibikorwa bitandukanye byasubukuwe, ababikora basabwa gufunga Saa kumi n'imwe z'umugoroba ibintu babonamo imbogamizi bitewe n'igihe bamaze badakora.

    Abaganiriye na IGIHE bavuze ko bishimiye kugaruka mu mirimo ariko bagasaba ko isaha yo gufungaho ibikorwa yahinduka bitewe n'uko bayibona nk'imbogamizi ku ngamba zo kwiteza imbere no gukora cyane.

    Tuyizere Fabrice, umucuruzi mu isoko ryo muri gare yo mu Mujyi Downtown, yavuze ko nubwo bagarutse mu mirimo ariko isaha ikiri imbogamizi.

    Ati 'Isaha ni imbogamizi ikomeye cyane kuko nkatwe dukorera muri gare ni imbogamizi ihari. Urumva abakiliya ahanini twabonaga bakunze kuza basoje imirimo kuva saa kumi n'imwe, naho uyu munsi bagiye kujya baza bifitiye gahunda yo guhita bitahira natwe tugomba kuba twafunze byumvikane ko imikorere igoye cyane.'

    'Twari tuzanye ingamba zo gukora cyane tukaziba icyuho birumvikana ko bigoye, ndabona rero ingamba zacu zizakomwa mu nkokora n'aya masaha.'

    Uretse ikibazo cy'isaha gihurirwaho n'abacuruzi batandukanye cyo kimwe n'abakora umurimo wo gutwara abantu yaba kuri moto no mu buryo bwa rusange, hari impungenge mu kubona imodoka mu gihe cy'umugoroba abantu basoje imirimo ngo basubire mu ngo aho biba ari ingume.

    Tuyizere yavuze ko amasaha y'umugoroba kubona imodoka aba ari ingorabahizi. Ati'Ntibyoroshye muri iyi gare kubona uburyo bwo gutaha ku mugoroba, biragoye kubona imodoka. Abantu bose baba bifuza gutaha rero haba hari umubyigano ukomeye kubona uburyo bwo gutaha biba bigoye cyane.'

    'Bishobora ahanini no gutuma tugeza ya masaha yagenwe tukiri mu muhanda ibintu byatuma dufatwa nk'abarenze ku mabwiriza nkana, twifuza ko byashakirwa igisubizo.'

    Hitiyise Alphonse yavuze ko nubwo amasaha ari imbogamizi ariko hagakwiye kurebwa uburyo abantu bafashwa kubona imodoka cyangwa ukundi bataha hakiri kare.

    Ati 'Ni byo amasaha ni imbogamizi, ariko ntibikwiye kuba imbogamizi ahubwo buri wese yari akwiye kwiha gahunda yo gudahirahira, ariko ikibazo gihari ni ukubona imodoka zibatwara ku mugoroba biba bigoye cyane, byashoboka ko umuntu yakubahiriza amasaha yo gufunga ariko akagorwa no kubona uko agera mu rugo.'

    Ku rundi ruhande abakora mu mirimo yo gutwara abantu mu buryo bwa rusange kimwe n'abategera imodoka muri gare zitandukanye, basanga ku masaha y'umugoroba abantu baba ari benshi muri gare bifuza gutaha bishobora kuba imbogamizi no guhonyora nkana amabwiriza yo kwirinda icyorezo.

    Bifuza ko imbaraga nyinshi zo kugenzura iyubahirizwa ry'amabwiriza zashyirwa ahanini muri gare zitandukanye mu Mujyi cyane ko hakunze gukaragara icyuho mu guhana intera.

    Kamariza Annonciata ni umucuruzi wa serivise z'amafaranga [mobile agent] yagize ati 'Ni byo bafunguye ariko rwose pe kintu turi kubona bitewe n'uko intara zifunze, ubundi imikorere yacu ishingiye ku bantu bo mu ntara. Urujya n'uruza mu Mujyi wa Kigali rurahari ariko nyine abakiliya tubona aba ari abo mu Ntara none zirafunze.'

    Mukanyandwi Vestine, akora ubucuruzi buciriritse muri gare ya Nyabugogo yemeza ko kuri bo bisa nk'aho ntacyo bazajya binjiza bitewe n'uko babonaga abakiliya ku modoka zivuye mu ntara zitandukanye z'igihugu.

    Ati 'Oya ubu ntacyo turi gukora kuko dutungwa n'intara, umuntu wo mu ntara iyo aje kurangura abona n'ako kantu kacu akakagura. Erega naba bo muri gare bagurirwa n'abo mu ntara ubu ni ukwicara gusa. Abacuruzi bose bafite igihombo kubera ko nta muntu n'umwe uri kuza bitewe n'uko ari Guma mu Karere.'

    Izi ngamba nshya zatangiye kubahirizwa, biteganyijwe ko ku wa 22 Gashyantare 2021 aribwo zizavugururwa bitewe n'uko icyorezo kizaba gihagaze mu gihugu.

    Ingamba nshya ziteganya ko ibikorwa by'abikorera bigomba gufunga saa Kumi n'imwe mu gihe isaha yo kugera mu rugo ari saa Moya.

    Abakora ibikorwa by’ubushabitsi bavuga ko kuba intara zifunze bikiri imbogamizi ku iterambere ryabo

    Abakora imirimo yo gutwaza abantu muri gare ya Nyabugogo nabo bemeza ko nta kazi kari kuboneka

    Abamotari nabo bari babukere nyuma y’igihe kinini badakora

    Abantu bari babukereye berekeje mu mirimo mu bice bitandukanye by’Umujyi

    Abantu bari urujya n’uruza muri Gare ya Nyabugogo

    Source : http://igihe.com/amakuru/u-rwanda/article/kongererwa-amasaha-gufungura-intara-ingamba-ahategerwa-imodoka-ibyifuzo-by

  • Tumenye umuhanurabinyoma UWIZEYIMANA Shadrack, umutekamutwe wakiranywe yombi mu mutwe w'iterabwoba, RNC #rwanda #RwOT

    Iyi shitani yiyita 'umushumba', ubanza  yibwira ko abantu bibagiwe ko yirukanwe mu itorero ry'Abadivantisti b'Umunsi wa Karindwi kubera ubusambanyi n'indi myitwarire y'urukozasoni. Ubanza yibwira ko kwirirwa asebya Abayobozi b'u Rwanda bizamwishyurira imyenda y'umurengera yasize afashe, agatera igihombo abo yaririye utwabo, abigiraho Malayika kandi ari ikirura.

    Uwizeyimana Shadrack  azwi cyane mu karere ka Musanze, aho yayogoje rubanda mu bujura bushukana(escroquerie), cyane cyane abo yabeshyaga ngo arabunganira mu nkiko, dore ko avuga ko yaminuje mu mategeko. Icyakora iyo avuga ko yaminuje mu 'itekamutwe' ntawari kubihakana, kurusha kubeshya no kwibeshya ko yaminuje mu ivugabutumwa, kandi ari umuvugabinyoma kabuhariwe. Uyu Shadrack Uwizeyimana yashinze ingirwashuri mu mwaka w'2007, ritagiraga umwarimu,imfashanyigisho reka da,  mu mwanda usa n'uw'aho kera bororeraga ingurube, habe n'icyangombwa na kimwe yari yujuje ngo ishuri rye, ACET IMANZI, rikomeze  gukora.

    Ryari gukomeza gukora rite yararigwatirije muri 'Banque Lambert', agafata imyenda itabarika kandi adashobora kwishyura?!  Ubuyobozi bw'akarere ka Musanze bwamusabye kenshi gushyira ibintu mu buryo ishuri rye rigakora neza, aho kumva izo nama we ahitamo kuyabangira ingata, atishyuye abo abereyemo amadeni y'umurengera,  asiga mu kangaratete  abafatanyabikorwa bari basangiye ishuri, barimo umudamu witwa Fany NYIRABUHORO. Nta kuntu  atari gutorongera ariko, kuko ababyeyi benshi bari bamaze kumurega kubasambanyiriza abana ku ngufu. Nguwo 'Pasiteri', umuhanuzi uvugana n'Imana!!

    Akigera muri Leta Zunze Ubumwe za Amerika, MPEMUKE NDAMUKE uwo  yashakishije icyakura muri ruhurura, maze ahitamo  gusebya Igihugu cyamubyaye, yasize ahemukiye. Atangira kuvuga ibitagira epfo na ruguru ngo ni indagu,  agamije gusa gukura abaturage umutima, no kwigarurira imitima y'abasanzwe barwanya u Rwanda. Nguko uko rero wa mutwe w'iterabwoba wa RNC wahise umusamira hejuru, dore ko udatangwa iyo ubonye  abaroha ibigambo bisebanya, abashinjabinyoma, mbese  nta kuntu Shadrack Uwizeyimana atari kujya  mu bindi bigarasha, birebwa n'ubwandu bwa roho .

    Abinyujije ku ngirwa televiziyo'AMATEKA TV Rwanda' yo kuri murandasi,  nayo  idashinga kuko ntaho itandukanye na cya kiryabarezi ngo ni ishuri yashinze agamije kuryibisha rubanda, umuvugabinyoma Shadrack Uwiyezeyimana  yageze aho atangaza ko ' mu Rwanda hagiye kuba akaga'.Ibi ngo ni ubuhanuzi akomora ku Mana, ukibaza impamvu iyo Mana abeshyera yahisemo gutuma shitani  ku bana bayo. Ni gute intama zayo yazitumaho ikirura? Ese ako kaga iyo aba umugabo kimwe n'abo yasanze mu busembwa, ntibari kuguma mu Rwanda bakagakumira?  Icyakora kuyifuza byo ntawe byatangaza kuko nta cyiza  barwifuriza, ariko bamenye ko Abanyarwanda batakigendera ku ndagu, ahubwo bagendera ku bikorwa bifatika, kandi birahari.

    Abagenda muri Leta Zunze Ubumwe za Amerika bakunze kubona Shadrack Uwizeyimana mu myigaragambyo y'agatsiko k'imburamukoro kirirwa gasebya u Rwanda. Abasomyi ba Rushyashya twavuganye bari muri icyo gihugu  ariko,  batubwiye ko Shadrack Uwizeyimana n'abo bari kumwe muri ayo manjwe, bafatwa nk'abataye umutwe, abantu basa n'abasasa imigeri, wagirango barashaka uwo  biyahuraho.

    Shadrack Uwizeyimana rero  twakugira inama  yo kwikebuka, ukibwiza ukuri wowe ubwawe, ukibuka  uburyo wiyandaritse mu Rwanda, ugasaba Imana imbabazi, kandi ukareka gukomeza kwijandika muri ayo mwanda. Erega nutaninukira, uzanukira abandi.  Turagusabye turinde uwo mwanda wuzuye ibinyoma biharabika u Rwanda!!

    The post Tumenye umuhanurabinyoma UWIZEYIMANA Shadrack, umutekamutwe wakiranywe yombi mu mutwe w'iterabwoba, RNC appeared first on RUSHYASHYA.

    Source : https://rushyashya.net/tumenye-umuhanurabinyoma-uwizeyimana-shadrack-umutekamutwe-wakiranywe-yombi-mu-mutwe-witerabwoba-rnc/

  • Manda ya Perezida wa Somalia yarangiye araruca ararumira   #rwanda #RwOT

    Perezida Mohamed Abdullahi Farmajo wa Somalia nta kintu aratangariza igihugu kuva manda ye yarangira kuri uyu wa mbere tariki ya 08 Gashyantare 2021 ubwo hagombaga gutorwa umusimbura.

    Aya matora yagombaga kuba kuwa mbere tariki 08 z'uku kwezi, mbere yaho Perezida Farmajo yari yatangaje ko ashaka ko haba amatora mu mucyo n'ubwisanzure. Mu gihugu ubu benshi barahangayitse bibaza ikigiye gukurikiraho, nk'uko Hassan Bella umunyamakuru wa BBC i Mogadishu abivuga.

    Ibiro bya perezida ntacyo byasubije kubyo bwabajijwe na BBC dukesha iyi nkuru. Mu gihugu hari abanyapolitiki bifuza ko Farmajo aguma ku butegetsi n'abifuza ko avaho nka senateri Ilyas Ali Hassan wabwiye BBC ko Perezida Farmajo ubu atemewe n'amategeko.

    Uyu munsi kuwa kabiri biteganyijwe ko akanama ka UN/ONU gashinzwe umutekano ku isi kaganira kuri iki kibazo muri Somalia, nk'uko bivugwa n'ibiro ntaramakuru AFP. Abatavugarumwe n'ubutegetsi bavuze ko ubu badafata Mohamed Farmajo nka perezida kuva manda ye yarangira kuwa mbere.

    Kugeza ubu ntibizwi neza niba hari amatora azaba n'igihe azabera. Ubutegetsi bwa Leta y'igihugu n'ubutegetsi bwa za leta zigize Somalia kuwa gatanu w'icyumweru gishize bananiwe kumvikana mu biganiro by'uko amatora yari kugenda.

    Mu kwirinda icyuho mu butegetsi, umwaka ushize inteko yatoye itegeko ryemerera perezida n'inteko ishingamategeko kuguma mu biro kugeza hatowe ababasimbura.

    Amatora y'abagize inteko muri Somalia yagombaga kuba mu kwezi kwa 12 kwa 2020 nayo ntiyabaye kuko Perezida atumvikanye n'abakuriye zimwe muri leta zigize Somalia uko yakorwa.

    Perezida Mohamed Abdullahi Mohamed wahimbwe akazina ka Farmajo (Fromage/Cheese) wigeze kuba minisitiri w'intebe (2010 — 2011) yatorewe manda ya mbere mu 2017.

    Muri Somalia, Perezida atorwa n'abagize inteko ishingamategeko (abadepite n'abasenateri).

    Source : https://impanuro.rw/2021/02/09/manda-ya-perezida-wa-somalia-yarangiye-araruca-ararumira/

  • Abarimo Jimmy Gatete, O. Karekezi na Mbonabucya banditse ibaruwa ifunguye igaragaza ibyazamura Football #rwanda #RwOT

    Aba bagize iri shyirahamwe, batangiye iyi baruwa yabo bashimira ikipe y’Igihugu ikubutse muri Cameroon mu gikombe cya Africa cy’abakina imbere mu bihugu byabo (CHAN2020) yagarukiye muri 1/4.

    Iyi baruwa ifunguye yashyizweho umukono n’abantu 18 bigeze gukinira Amavubi (ay’Abagabo n’ay’Abagore) igaruka ku bihe byiza iyi kipe yigeze kugira birimo kuba iy’abagabo yarigeze kwitabira CAN muri 2004 yabereye muri Tunisia.

    Banagarutse kandi ku mateka ya cyera yo kuba Rwanda B yaratwaye igikombe cy’irushanwa rya CECAFA mu 1999 ndetse n’aya vuba yo kuba muri 2011 Amavubi y’abatarengeje imyaka 17 yaritabiriye igikombe cy’Isi cyabereye muri Mexique.

    Aba barimo abagize uruhare muri ibi bigwi, basabye inzego zirebwa n’umupira w’amaguru gukora ibiganiro bidasanzwe bakiga ku ngingo zatuma umupira w’amaguru mu Rwanda urushaho gutera imbere.

    Mu byo bagagaragaje nk’ibyagira akamaro, harimo gutegura umupira w’ibanze mu bakiri bato, gushyira ubunyamwuga mu miyoborere y’umupira w’amaguru mu nzego zose hifashishijwe abahoze bawukina.

    SOMA IBARUWA YOSE :



    UKWEZI.RW

    Source : http://www.ukwezi.rw/Imikino/article/Abarimo-Jimmy-Gatete-O-Karekezi-Mbonabucya-banditse-ibaruwa-ifunguye-igaragaza-ibyazamura-Football

  • Umukobwa wari ikizungerezi yahishuye ububabare yagize ubwo yishyirishagaho tatuwaji mu maso(AMAFOTO) – YEGOB #rwanda #RwOT

    Umukobwa witwa Amber Luke ,yahishyuye ko atazibagirwa na rimwe ububare yagize ubwo yashyirishagaho ibishushanyo bya tatuwaji(tattoo )ku mubiri we wose ndetse no mu mboni z'amaso.

    Uyu mukobwa ukomoka muri Australia. Amaze imyaka myinshi agerageza kwihindura umuntu utangaje ndetse kuri ubu yamenyekanye ku izina rya 'blue eyed white dragon'

    Amber afite ibishushanyo (tattoos/ tattouages) ku mubiri we bisaga 600, bimwe muribyo ni ibishushanyije mu mboni z'amaso ye by'ubururu. Uyu avuga ko aribyo bintu byamugoye mu buzima bwe, ubwo bamushushanyaga mu jisho, umurebye biteye ubwoba.

    Yagize ati: 'sinzi naho nahera mbabwira uko nari merewe icyo gihe.
    Gusa reka mbabwire iyo uyu muti bakoresha ugeze mu mboni y'ijisho biba bimeze nkaho bamenaguye ibirahure bakabisya maze umusenyi uvuyemo bakawugushyira mu maso.buri jisho barijyagaho inshuro enye nyuma muri ubwo bubabare mu by'ukuri biteye ubwoba ndetse birababaza cyane. Nagize ibyago uwashushanyaga mu maso yange agera kure cyane, ubusanzwe iyo kugushushanya mu jisho bikozwe neza ntacyo bigutwara ariko njye namaze ibyumweru bitatu ntabona, ni ububabare bukomeye'

    Uyu mukobwa yari ikizungerezi mbere yo kwishyirishaho tattoo no kwibagisha.

    Nyina ubyara uyu mukobwa yavuze ko yatembye amarira mu maso akimara kubona ko umukobwa we bamushyize iyo miti y'ubururu mu mboni z'amaso. Icyakora byabaye amahirwe arakira yongera kubona ndetse yarahiye ko ntakindi kintu azongera gukora ku mubiri we na kimwe. Gusa uyu yakoze byinshi ku mubiri we, kuko yibagishije amabere, amatama, iminwa, yishyirishaho amatwi mashya ndetse n'ururimi rwe ararusatura.

    Like this:

    Like Loading…

    Source : https://yegob.rw/umukobwa-wari-ikizungerezi-yahishuye-ububabare-yagize-ubwo-yishyirishagaho-tatuwaji-mu-masoamafoto/

  • Umuhanzi King James yagize icyo avuga ku mitungo ye irimo n'inzu y'agatangaza yubatse – YEGOB #rwanda #RwOT

    Umuhanzi nyarwanda Ruhumuriza James uzwi ku mazina y'umuhanzi nka King James yavuze  ko afite inzu ihenze cyane ,iri mu majyepfo y' Rwanda ikaba iri mu karere ka Kamonyi  ndetse anakomoza ku ruganda rwe.

    Ubwo yaganiraga na The Fact Show ikorwa na Peacemaker na Pazo Parole Umukapo yavuze ko afite inzu ihenze kur Ruyenzi mu Karere ka Kamonyi akaba anafite uruganda rutunganya kawunga. Ariko rero ku kijyanye n'umuziki yatangaje ko afite umuhanzi yafashije gukora album ikarangira.

    Inzu ya King James

    Yagize ati: 'Umuhanzi naramufashije kandi album iri kuri YouTube uwo muhanzi yitwa Zila, album yitwa Inkotanyi Cyane''. Ku ngingo y'urukundo yirinze kugira icyo ayivugaho kuko asanga igihe kitaragera cyo kugira icyo atangaza. Ruhumuriza James wamamaye nka King James, ni umwe mu bahanzi b'abanyarwanda bigaruriye imitima ya benshi bitewe n'indirimbo ze zuje amagambo afasha abari mu rukundo kumerwa neza.

    Like this:

    Like Loading…

    Source : https://yegob.rw/umuhanzi-king-james-yagize-icyo-avuga-ku-mitungo-ye-irimo-ninzu-yagatangaza-yubatse/

  • Yvan Buravan yavuze ku gihe azakorera ubukwe(VIDEO) #rwanda #RwOT

    Umuhanzi Yvan Buravan avuga ko Imana imutije ubuzima ndetse ikanabyemera yazakora ubukwe ku myaka 30 y’amavuko.

    Uyu muhanzi ni umwe mu bakunzwe cyane mu Rwanda mu ndirimbo z’urukundo, akaba yaravutse mu 1995 akaba afite imyaka 26.

    Mu kiganiro yagiranye n’ikinyamakuru ISIMBI, Yvan Buravan avuga ko abantu bamaze iminsi bamubaza igihe azakorera ubukwe, ni mu gihe yumva hakiri kare, gusa ngo nawe yatangiye kubitekereza.

    Ati'Abantu benshi muri iyi minsi basigaye bibambaza cyane(…) Ikintu gihari bakeneye kumenya ubukwe igihe kizagera mbukore. Njye mpora nifuza ko nko ku myaka 30 nabukora ariko uwo ni njyewe, ni icyifuzo byanjye kandi kuba ndi aha uyu munsi sinari nziko nzahaba, ntegereje ko Imana izabyemera cyangwa izambwira ngo mbe ntegereje gato cyangwa mbere yaho.'

    Uyu muhanzi utarigeze yumvikana cyane mu nkuru z’urukundo cyane ko n’inshuro yagiye abibazwa yahakanye ko nta mukunzi afite, kuri iyi nshuro abajijwe kuri fiancé we yirinze kugira icyo abitangazaho.

    Buravan ngo ashokora ubukwe ku myaka 30

    Source : http://isimbi.rw/siporo/article/yvan-buravan-yavuze-ku-gihe-azakorera-ubukwe-video

  • Manda ya Perezida wa Somalia yarangiye aricecekera #rwanda #RwOT

    Perezida Mohamed Abdullahi Farmajo wa Somalia nta kintu aratangariza igihugu kuva manda ye yarangira kuri uyu wa mbere tariki ya 08 Gashyantare 2021 ubwo hagombaga gutorwa umusimbura.

    Aya matora yagombaga kuba kuwa mbere tariki 08 z'uku kwezi, mbere yaho Perezida Farmajo yari yatangaje ko ashaka ko haba amatora mu mucyo n'ubwisanzure. Mu gihugu ubu benshi barahangayitse bibaza ikigiye gukurikiraho, nk'uko Hassan Bella umunyamakuru wa BBC i Mogadishu abivuga.

    Ibiro bya perezida ntacyo byasubije kubyo bwabajijwe na BBC dukesha iyi nkuru. Mu gihugu hari abanyapolitiki bifuza ko Farmajo aguma ku butegetsi n'abifuza ko avaho nka senateri Ilyas Ali Hassan wabwiye BBC ko Perezida Farmajo ubu atemewe n'amategeko.

    Uyu munsi kuwa kabiri biteganyijwe ko akanama ka UN/ONU gashinzwe umutekano ku isi kaganira kuri iki kibazo muri Somalia, nk'uko bivugwa n'ibiro ntaramakuru AFP. Abatavugarumwe n'ubutegetsi bavuze ko ubu badafata Mohamed Farmajo nka perezida kuva manda ye yarangira kuwa mbere.

    Kugeza ubu ntibizwi neza niba hari amatora azaba n'igihe azabera. Ubutegetsi bwa Leta y'igihugu n'ubutegetsi bwa za leta zigize Somalia kuwa gatanu w'icyumweru gishize bananiwe kumvikana mu biganiro by'uko amatora yari kugenda.

    Mu kwirinda icyuho mu butegetsi, umwaka ushize inteko yatoye itegeko ryemerera perezida n'inteko ishingamategeko kuguma mu biro kugeza hatowe ababasimbura.

    Amatora y'abagize inteko muri Somalia yagombaga kuba mu kwezi kwa 12 kwa 2020 nayo ntiyabaye kuko Perezida atumvikanye n'abakuriye zimwe muri leta zigize Somalia uko yakorwa.

    Perezida Mohamed Abdullahi Mohamed wahimbwe akazina ka Farmajo (Fromage/Cheese) wigeze kuba minisitiri w'intebe (2010 — 2011) yatorewe manda ya mbere mu 2017.

    Muri Somalia, Perezida atorwa n'abagize inteko ishingamategeko (abadepite n'abasenateri).

    Munyaneza Theogene / intyoza.com

    Source : http://www.intyoza.com/manda-ya-perezida-wa-somalia-yarangiye-aricecekera/