Blog

Urutonde rw'abahanzi 100 rwakozwe na Televiziyo ya Pro Africa Intertainment Watsup TV iri mu zikomeye muri Ghana ifatanyije PR Avance Media. Ruriho abahanzi bo mu bihugu 26 byo muri Afurika.

Hariho amazina akomeye muri Afurika yakoze ibidasanzwe mu muziki nka Angelique Kidjo, Umunya-Nigeria wahiriwe n'umuziki Burna Boy, Davido, Wizkid ufite igikundiro kihariye, Mohammed Mounir, Cassper Nyovest, umuraperi Khaligraph Jones wihagazeho muri Kenya, Sarkodie wabiciye muri Ghana n'abandi.

Aba bahanzi batondetswe hagendewe ku nyajwi zitangira amazina yabo. Urutonde ruriho abahanzikazi 19 barimo Butera Knowless, amatsinda y'abanyamuziki 9 n'abahanzi b'abagabo 73 bakora umuziki barimo Meddy ubarizwa muri Leta Zunze Ubumwe muri iki gihe.

Rema wo muri Nigeria ni we muhanzi muto uri kuri uru rutonde aho afite imyaka 20 y'amavuko. Ni mu gihe umuhanzi mukuru ari Mohammed Mounir wo muri Misiri ufite imyaka 66 y'amavuko.

Nigeria yo mu Burengerazuba bw'Afurika ihagarariwe n'abahanzi 26 kuri uru rutonde; Ghana ifitemo abahanzi 10, Cote d'Ivoire ifitemo abahanzi 7 naho Afurika y'Epfo ifitemo abahanzi batandatu.

Traore Umuyobozi wa Televiziyo Pro Africa Intertainment Watsup TV yavuze ko uru rutonde ngaruka mwaka barukora bashingiye ku banyamuziki bagize uruhare rukomeye mu iterambere ry'imyidagaduro.

Ni mu gihe Prince Akpah Umuyobozi wa MD of Avance Media yavuze ko aba bahanzi 100 bagomba gukomeza kuba ba Ambasaderi b'umuziki wa Afurika ku Isi yose.

Televiziyo ya Pro Africa Intertainment Watsup TV (WAMVA) igaragara mu bihugu bitandukanye byo muri Afurika. Yashinzwe ku wa 29 Nzeri 2016 mu Mujyi wa Accra muri Ghana.

Abahanzi 100 bakomeye muri Afurika: Baba, Adekunle Gold, AKA, Ali Kiba, Amr Diab, Angélique Kidjo, Ariel Sheney, Azaya, Bebe Cool, Burna Boy, C4 Pedro, Calema, Cassper Nyovest, Charlotte Dipanda, Cheb Khaled, Cleo Ice Queen, Daphne, Davido, Diamond Platnumz, DJ Kerozen, Eddy Kenzo, Eric Geso, Fally Ipupa, Falz na Fanicko.

Fatoumata Diawara, Ferré Gola, Fireboy DML, Floby, H-Art the Band, Harmonize, Iba One, Ibtissam Tiskat, Ihab Amir, Innoss'B, JoeBoy, Khaligraph Jones, Kidi, Kiff No Beat, King Promise, Kizz Daniel, Knowless Butera, Kuami Eugene, Kwesi Arthur, Ladysmith Black Mambazo, Latifa, Locko, Magasco, Magic System, Master KG na Mayorkun.

Meddy, Medikal, Mohamed Mounir, Mohamed Ramadan, Mr Bow, Mr Eazi, Mr P, Naira Marley, Nasty C, Navy Kenzo, Nyashinski, Olamide, Omah Lay, Omar Kamal, Patoranking, Phyno, R2Bees, Rayvanny, Rema, Rema Namakula na Rudeboy.

Saad Lamjarred, Safarel Obiang, Salma Rachid, Samira Said, Sarkodie, Sauti Sol, Serge Beynaud, Sha Sha, Shatta Wale, Sho Madjozi, Sidiki Diabaté, Simi, Sista Afia, Soolking, Soul Bangs, Stanley Enow, Stonebwoy, Suspect 95, Tamer Hosn, Tekno, Tems, Teni, Tiwa Savage, Toofan, Viviane Chidid, Wizkid, Yemi Alade na Zlatan.

Butera Knowless ari mu bahanzikazi 29 bari ku rutonde rw’abahanzi bakomeye muri Afurika

Meddy uhatanye mu bihembo bya MTV Africa yashyizwe ku rutonde rw’abahanzi 100 bagaragaza impinduka muri Afurika

AS Kigali inyagiriwe muri Tunisia ibitego 4-1 biyigabanyiriza amahirwe yo kugera mu matsinda, ni umukino Hakizimana Muhadjiri yabonyemo ikarita itukura.

Wari umukino ubanza w’ijonjora rya nyuma rya CAF Confederations Cup, AS Kigali yari yasuye CS Sfaxien yo muri Tunisia.

Ni umukino AS Kigali yagiye gukina idafite Kalisa Rashid wagiriye ikibazo mu myitozo ya nyuma itegura uyu mukino.

CS Sfaxien yatangiye umukino isatira cyane ishaka igitego hakiri kare maze iza kukibona ku munota wa 8 cyatsinzwe na Feras Shaout n’umutwe ku mupira wari uvuye muri koruneri.

SC Sfaxien yakomeje n’ubundi gusatira ubona ko irusha AS Kigali igenda inarema uburyo bw’ibitego ariko abakinnyi ba AS Kigali babyitwaramo neza, hari nk’amahirwe akomeye babonye ku munota wa 32 ariko umunyezamu Bakame awukuramo.

AS Kigali nayo yanyuzagamo igasatira, yabonye amahirwe ku munota wa 22 ku ishoti rikomeye ryatewe na Tchabalala ariko ubwugarizi buritambika, awusubizamu nabwo bwongera kuwukuramo, Aboubakar Lawal ashyizeho umutwe umupira unyura inyuma y’izamu. Igice cya mbere cyarangiye ari 1-0.

Sfaxien yatangiye igice cya kabiri ishaka igitego cya kabiri yaje kubona ku munota wa 54 gitsinzwe na Ammar n’umutwe ku mupira w’umuterekano.

AS Kigali nayo yashatse uburyo igabanya ikinyuranyo maze ku munota wa 61 baza kubona igitego cya mbere ku mupira wahinduwe na Rugirayabo Hassan maze myugariro Zammouri aritsinda hari mbere y’uko Soula atsindira CS Sfaxien igitego cya gatatu ku munota wa 72.

CS Sfaxien yakomeje gushaka ikindi gitego ariko umunyezamu Bakame agenda abyitwaramo neza. Ku munota wa 89 Hakizimana yaje guhabwa ikarita itukura. Kuri uyu munota ni nabwo CS Sfaxien yabonye igitego cya 4 cyatsinzwe na Soula, umukino warangiye ari 4-1.

Biteganyijwe ko umukino wo kwishyura uzabera i Kigali tariki ya 21 Gashyantare 2021, aho AS Kigali izaba isabwa gutsinda ibitego 3 ku busa igahita ikomeza ikajya mu matsinda ya CAF Confederations Cup.

Abakinnyi 11 umutoza Eric yari yahisemo kubanzamo

Ndayishimiye Eric Bakame, Rugirayabo Hassan, Ishimwe Christian, Bishira Latif, Rurangwa Mossi, Nsabibamana Eric Zidane, Kwizera Pierrot, Hakizmana Muhadjiri, Shabani Hussein Tchabalala, Aboubakar Lawar na Orotomal Alex.

AS Kigali irasabwa gukora ibitangaza i Kigali

Muhadjiri Hakizimana(wambaye ikote), yahawe ikarita itukura

Nubwo mu mupira w’amaguru bishoboka, ariko biragoye cyane mu mukino wo kwishyura uzabera i Kigali mu cyumweru kimwe kiri imbere ko AS Kigali izinjiza ibitego bitatu mu izamu rya Sfaxien yo itinjizwa.

Wari umukino ubanza mu cyiciro cya gatatu muri CAF Confederations Cup, kizatanga ikipe izajya mu matsinda ku ikipe izatsinda umukino.

As Kigali yinjiye mu mukino ifite gahunda yo gukina igasatira, ndetse iranabigerageza ariko ntibyayihira kuko yinjijwe igitego cya mbere hakiri kare cyane, ku munota wa 7, ku mupira wari uvuye muri Koruneri umunyezamu Ndayishimiye Eric Bakame ndetse n’ubwugarizi bwe ntibahagarara neza, maze Feras Shaouti abatsinda igitego cy’umutwe.

Ntabwo AS Kigali yacitse intege kuko yagerageje gukina umupira mwiza ndetse ikanagerageza amahirwe yo gutsinda, ariko abarimo Orotomal Alex na Tchabalala ntibabyaza umusaruro uburyo babonye.

Byagaragaraga ko AS Kigali ikomeje gukina neza iza kwishyura igitego yari yatsinzwe.

Sfaxien nayo yakomeje kotsa igitutu AS Kigali ndetse ikomeza gusirisimba imbere y’izamu rya Bakame, ariko we n’ubwugarizi bwe bwari bwikosoye bakomeza gutabara ikipe.

Iminota 45 y’igice cya mbere yarangiye Sfaxien iri imbere n’igitego 1-0 bwa AS Kigali, amakipe ajya mu karuhuko k’iminota 15.

Sfaxien yagarutse mu gice cya kabiri isatira cyane izamu rya AS Kigali, aho ku munota wa 54 Ahmed Ammar yatsinze igitego cya kabiri cy’iyi kipe y’ubukombe muri Afurika.

AS Kigali yakomeje gushyiramo imbaraga cyane kuko nyuma yo gutsindwa ibitego bibiri yakomeje gusatira ntabwo yigeze ijya kuryama mu izamu.

Ku munota wa 61 AS Kigali yafunguye amazamu, ku mupira wazamukanwe na Rugirayabo Hassan akase umupira, Nour Zammouri ahita yitsinda igitego, biba 2-1.

Sfaxien yakomeje gucurika ikibuga n’umusifuzi ukomoka muri Sychelle akabibafashamo, ku munota wa 72 Mohamed Soula yatsinze igitego cya gatatu, aza no gushyiramo icy’agashinguracumu cya kane umupira ugana ku musozo.

Ku munota wa 90, Muhadjiri Hakizimana yakoze ikosa, bituma ahabwa ikarita y’umuhondo ya kabiri bimuviramo guhabwa ikarita itukura bituma atazakina umukino wo kwishyura uzabera i Kigali.

Gutsindwa uyu mukino byatumye amahirwe ya AS Kigali yo kwerekeza mu matsinda ayoyoka, kuko isabwa gutsinda ibitego 3-0 mu mukino wo kwishyura uzabera i Kigali mu cyumweru kimwe kiri imbere.

Ikipe izasezerera indi hagati ya AS Kigali na CS Sfaxien, izahita yerekeza mu matsinda y’iri rushanwa.

Abakinnyi 11 babanje mu kibuga ku ruhande rwa AS Kigali

AS Kigali yatsinzwe umukino ubanza mu ijonjora rya gatatu rya CAF Confederations Cup na CS Sfaxien 4-1.

Mirafa yateye umugongo Napsa Stars nyuma yo kutumvikana n’umuhagarariye, afata umwanzuro wo kwerekeza muri Zanaco FC, aho yasinye amasezerano y’imyaka ibiri ashobora gusubirwamo ku bwumvikane mu gihe hari ikipe yamwifuza.

Mu kiganiro cyihariye yagiranye na InyaRwanda.com, Mirafa yatangaje ko bitewe n’imiterere y’amasezerano afite muri Zanaco, ikipe yamwifuza yatanga Miliyoni 300 z’amafaranga y’u Rwanda.

Yagize ati “Umpagarariye hari ibyo atumvikanyeho n’ikipe ya Napsa Stars, bituma ntayerekezamo ahubwo njya muri Zanaco, aho nasinye amasezerano y’imyaka ibiri. Ikipe yanyuifuza yatanga miliyoni 300 z’amanyarwanda”.

Uyu mukinnyi yatangaje ko byamugoye kugira ngo ajye mu murongo umwe n’abandi yasanze muri Zambia, kubera ko hatandukanye cyane no mu Rwanda, kuko muri icyo gihugu bisaba gukora cyane aho imyitozo ikorwa amasaha 8 ku munsi.

Yagize ati “Byarangoye cyane kugira ngo njye mu mujyo umwe n’abandi, cyane cyane ko Zanaco isaba ibintu byinshi ndetse n’abanyamahanga bakinamo bakaba bahamagarwa mu makipe y’ibihugu byabo, usanga bakora imyitozo ikomeye cyane kuko usanga bakora gatatu ku munsi kandi bagakora amasaha arindwi cyangwa umunani, mu gihe mu Rwanda bakora kabiri ku munsi kandi amasaha make. Gusa kuri ubu maze kumenyera kuko niyo nsoje imyitozo nabo, mpita njya mu myitozo yanjye bwite kuko banshakiye umutoza wo kumfasha”.

Uyu mukinnyi werekeje muri Zambia avuye muri Rayon Sports,  yatangaje ko afite icyizere cyinshi cyo kuzabona umwanya wo gukina mu mikino yo kwishyura muri shampiyona ya Zambia, kuko yizera ko ari gukoresha imbaraga ze zose kugira ngo ajye ku rwego rwiza kandi rushimishije.

Mirafa yatangaje kandi ko yizeye ko Zanaco izamubera ikiraro kizamugeza kure heza hashoboka kuko ari ikipe ikomeye muri Afurika kandi ikunda kwitabira amarushanwa nyafurika.

Kuiba ari inshuro ya mbere agiye gukina hanze y’u Rwanda, Mirafa atangaza ko nta bwoba bimuteye kuko n’ubundi yakiniye amakipe akomeye mu Rwanda arimo Police FC, APR FC na Rayon Sports, bityo rero ibanga ryayo rikaba ari ugukora cyane, atekereza ko ari nako agomba kugenza muri Zambia kandi agasaba abakunzi be n’abanyarwanda muri rusange kumushyigikira ndetse no kumusengera.

Mirafa yavuye muri Rayon Sports ayikiniye umwaka umwe

Ibi ni bimwe mu bigize politiki ibeshya ko ivugira uburenganzira bwa muntu ndetse n'ubutabera, ariko iyo baba bitaye ku bwisanzure koko, bakitaye ku bagirwaho ingaruka n'ibikorwa by'iterabwoba (kandi bakabasabira ubutabera) aho kubusabira abanyabyaha.

Freedom House ivuga ko “kwita umutwe nka RNC (Rwanda National Congress) uw'iterabwoba biha u Rwanda ubushobozi bwo kwizerwa ku rwego mpuzamahanga, kandi bikaruha uburyo bwo kurwanya abakorana n'uwo mutwe”.

Ibi bikorwa biyobya, bishingiye ku bitekerezo bififitse by'uko Leta ihohotera abaturage b'inzirakarengane bagaragaje kutemeranya nayo, kandi biteye impungenge mu buryo butandukanye.

Icya mbere, bigamije gukura ikimwaro ku mutwe wagize uruhare mu bitero bya gerenade zatewe mu Mujyi wa Kigali mu mwaka wa 2010. Icya kabiri, byima ubutabera abagizweho ingaruka n'ibyo bitero – ari na bo bagahangayikishije umuryango urengera uburenganzira bwa muntu bya nyabyo ­­- binyuze mu gutesha agaciro igikorwa cyose cya Leta kigamije kugeza mu butabera abari inyuma y'ibyo byaba, harimo n'ababashyigikira. Tekereza ikinyamakuru cy'i Washington DC kiramutse kivuze ko umuntu ukorana na Al Qaeda ari guhohoterwa na Amerika!

N'ubwo bimeze bitya ariko, iki gitekerezo gififitse cy'uko u Rwanda rurenganya imitwe nka RNC gikomeza kugaruka kenshi muri raporo mu rwego rwo kugerageza kwerekana iterabwoba nk'uburyo bwemewe bwakoreshwa mu gukuraho icyo Freedom House ifata nka Leta y'igitugu. Ibi bitekerezo by'ubusazi kandi byanagaragajwe ku ifungwa rya Paul Rusesabagina, uwo ibinyamakuru byo mu Burengerazuba bw'Isi, mu kutamenya kwabo, byahinduye 'intwari'.

Ubu buvugizi, nk'ubu bukorwa na Freedom House, bugerageza gusibanganya ibyo Rusesabagina yivugiye mu ruhame byo gufasha ndetse no kuba ari we ukuriye umutwe wa FLN wagabye ibitero mu majyepfo y'u Rwanda mu bihe bitandukanye mu mwaka wa 2018. FLN yishe abaturage, itwika imodoka ndetse inasahura amaduka.

Rusesabagina yashyigikiye ibyo byaha binyuze mu guhamagara intambara ku Rwanda, n'ubwo byafashwe n'itangazamakuru ryo mu Burengerazuba bw'Isi nko kutavuga rumwe n'ubutegetsi bw'u Rwanda. Ibi bitekerezo bififitse Freedom House ibirengaho ikamugaragaza nk'intwari yakijije Abatutsi muri Jenoside, ingingo idakwiye gukoreshwa mu gupfukirana ibyaha Rusesabagina ashinjwa.

Freedom House yahisemo gushyigikira 'ibitekerezo by'abaterabwoba batavuga rumwe na Leta' aho kureka ngo ibigomba gukorerwa umuyobozi w'iterabwoba bikorwe (ari byo kumugeza imbere y'ubucamanza).

Aba kandi bakomeza gushyigikira amajwi aturuka mu banyamuryango ba RNC na FDU-Inkingi bahabwa urubuga rwo gukwirakwiza ibitekerezo by'ubuhezanguni. Mu buryo budatangaje, Freedom House ntishobora kubwira abayikurikira ko RNC na FDU-Inkingi ari imitwe ibiri muri itanu igize ihuriro rya P5 kandi inzobere z'Umuryango w'Abibumbye muri raporo yo mu Ukuboza 2018, zaragaragaje ko iryo huriro rigizwe n'imitwe yitwaje intwaro igamije guhungabanya u Rwanda.

Ikindi ni uko ibi bikorwa byo gukwirakwiza ibihuha – bigamije kugaragaza neza Rusesabagina imbere y'abanyaburayi batamuziho byinshi – binatesha agaciro ubufatanye bwatumye abarwanyi ba FLN, RNC na FDLR bagarurwa mu Rwanda, barimo n'abanyabyaha ruharwa nka Callixte Nsabimana na Joel Mutabazi. Iyo abanyaburayi baza kuba basesengura byimbitse, iyi raporo yakabaye yarajugunywe mu ngarani aho ibarizwa.

Kuri Freedom House, ibyo ntibihagije, bakomeza kugarura ibirego bimaze kumenyerwa by'abicanyi kabuhariwe boherezwa na Leta y'u Rwanda kwica abanyarwanda baba mu mahanga, kandi bakabishyigikiza ibimenyetso byatanzwe n'abanzi b'u Rwanda. Aha umuntu yakwibaza ireme ry'ubuziranenge bw'amakuru yatangazwa n'umunyamuryango wa RNC – ari na bo bantu bateye za gerenade mu masoko n'ahandi hantu hahurira abantu benshi ejo bundi hashize – nka Robert Higiro?

Higiro avuga ko “yasabwe kwica Kayumba Nyamwasa na Colonel Patrick Karegeya muri Afurika y'Epfo, akishyurwa miliyoni 1$”. Ni gute amagambo y'umwe mu bagize umutwe w'iterabwoba wiyemeje guhungabanya umutekano w'u Rwanda yakwizerwa? Mu busanzwe, Freedom House ntawe ishinzwe, ariko irashaka kugenzura Leta y'u Rwanda, gusa ku rundi ruhande ntibone ko ari ingenzi kugenzura ubunyangamugayo bw'abayiha amakuru.

Ivuga ko 'yagiranye ibiganiro' n'abanyarwanda 'byayihaye ukuri ku buryo diaspora ibayeho mu bwoba bukomeye ihangayikishijwe na Leta y'igihugu cyabo'. Ariko iyo Freedom House yarakoranye na Higiro, umuntu yakumva ko ibyo biganiro na byo bisa nk'ibye.

Ibinyamakuru nka BBC na byo ntibihwema gusohora inkuru z'ibihuha nk'iza Rene Mugenzi, umugabo ufite se wakoze Jenoside yakorewe Abatutsi ariko akavuga ko yarokotse iyo Jenoside se yagizemo uruhare. Ibi byakabaye byaragize icyo byereka BBC, ariko yakomeje kumufata nk'isoko y'amakuru yizewe muri gahunda yayo yo guharabika u Rwanda.

Mugenzi aherutse kwitaba urukiko rwo mu Bwongereza ndetse yinginga umucamanza kutagaragaza izina rye mu binyamakuru, nyuma y'uko uburiganya bwe buvumbuwe, ariko we akavuga ko kuba anenga byimazeyo guverinoma y'u Rwanda bishyira ubuzima bwe mu kaga.

Birumvikana ko inyungu ze zari ukubuza abaturage kumenya ibinyoma bye, gusa amaherezo byaramufashe, bimutera isoni we na BBC ye.

Icyakora, umucamanza Katharine Moore yanze iki cyemezo cyo kutagaragaza Mugenzi, avuga ko ubwe yagiye agaragara kenshi mu bitangazamakuru, agashyira ahagaragara amafoto y'aho aherereye ku mbuga nkoranyambaga, akagaragaza aho akorera kuri internet, ndetse akaba yaranashatse kuba umudepite mu 2015.

Ibi bimenyetso byazanywe mu rukiko n'abaturage ba Norvege, bitandukanyije na Freedom House, kuko batifuzaga gufasha umunyabyaha wihisha mu isura y'uharanira uburenganzira bwa muntu, agamije guhisha ibyaha bye no gukomeza kuyobya abatamuzi.

Ubuvugizi bwa Freedom House, bugamije kwerekana isura nziza ya RNC n'umuyobozi wayo Nyamwasa, ni ikimenyetso simusiga cyerekana imikorere yayo yerekana uruhande rwayo, rutandukanye n'ukuri kuzwi. Nyamwasa yateguye, ashishikariza, ndetse anigamba ibitero bigamije guhungabanya umutekano w'u Rwanda, ndetse n'ibikorwa bye byahitanye abaturage b'inzirakarengane hirya no hino mu gihugu. Ibimenyetso birahari kuri buri wese wifuza kubibona.

Nyamwasa kandi aracyategura n'ibindi bikorwa bigamije kumena amaraso y'inzirakarengane, ariko Freedom House ikamwita umugabo w'amahame mazima utavuga rumwe n'u Rwanda, umuntu akibaza ubwoko bw'amahame yica inzirakarengane z'abantu bibereyeho mu buzima bwabo busanzwe.

Abategura ibikorwa byo guhungabanya umutekano n'ababashyigikira ntibazigera babigeraho kuko abanyarwanda bazi ko nta cyiza kiva mu bikorwa by'iterabwoba. Abanyaburayi bagomba kubimenya neza.

Rusesabagina, kimwe n’abandi bahungabanya umutekano w’u Rwanda ntibazahirwa

Uyu mugore yatangarije IGIHE ko yahisemo gusezera ku mwuga wo kwigurisha bitewe n'uko yasanze nta cyiza cyawo mu gihe cyose yamaze awukora.

Avuga ko akiri indaya, yari abayeho nabi bitewe n'ibibazo bitandukanye yagendaga ahura nabyo, birimo kwamburwa amafaranga yakorewe, guhohoterwa, gutakarizwa icyizere ndetse no gufatwa nk'igicibwe.

Mu gihe cya Covid19, Uyu mugore yaje kwicara arisuzuma asanga mu myaka yose yamaze akora uburaya nta kintu gifatika yabukuyemo, ahitamo kubireka ahubwo agashaka undi mwuga yakora umwubahisha kandi ukanamuteza imbere mu buryo bw'amikoro, dore ko ari n'umubyeyi.

Yagize ati 'Covid-19 itaragera mu Rwanda nakoraga umwuga w'uburaya, aho itangiriye rero ubuzima bwarahindutse abagabo barabura, mpindura ibitekerezo. None se ko amafaranga nayabonaga nagiye mu muhanda none se ubu wayabona ute ibintu byarahindutse.'

Nyuma yo kubura abagabo, yatekereje ikindi yakora kugira ngo abeho neza, kandi akishimira ko yakibonye cyo gucuruza udupfukamunwa, aho ashobora kunguka nibura amafaranga 1 000 Frw ku munsi.

Yavuze ko yaje guhura n'umugiraneza akamugurira udupfukamunwa two gucuruza, ari na cyo cyabaye igishoro cye. Kugeza ubu, yishimira ko ashobora kugaburira abana be indyo yuzuye kandi akaba amaze kwigirira icyizere cyo kubaho, atandavuye.

Ati 'Ubu mbayeho neza kuko mbasha kwiyishyurira inzu. Nk'ubu nishyuye amezi abiri kandi yose ntarashira, ikindi mbasha kurya icyo nshaka njye n'abana kandi n'abantu basigaye banyishimiye bitandukanye na mbere.'

Yakomeje avuga ko amafaranga yo mu buraya ntacyo yamumariye bitewe n'uko atari amafaranga ahoraho, kandi akayasesagura cyane.

Yashimangiye ko amaze kwitinyuka, ku buryo asigaye akora akunguka ndetse akaba afite inzozi zo kuzavamo umucuruzi ukomeye nyuma yo kuva mu buraya.

Muri rusange, uyu mugore avuga ko yashimishijwe cyane n'uko mu gihe yamaze mu buraya, atabukuyemo indwara ya Sida. Anagira bagenzi be inama yo kureka uburaya, kuko ari umwuga udahesha agaciro uwukora.

Uyu mubyeyi yavuze ko ibihe yanyuzemo umwaka ushize byatumye ahindura ibitekerezo, ava mu buraya