Blog

Byagarutsweho mu biganiro bagiranye na Minisiteri y'Ibidukikije n'Ikigo gishinzwe kurengera Ibidukikije mu Rwanda, REMA, bigamije kurebera hamwe ibikorwa bya guverinoma mu korohereza abaturage kubona ibicanwa bitangiza ibidukikije.

Senateri Nyinawumuntu Leatitia yagaragaje ko hakenewe ubukangurambaga bukomeye bugamije kwigisha abaturage ibijyanye no gukoresha ibicanwa bitangiza nubwo usanga ibiciro byabyo biri hejuru.

Senateri Mugisha Alexis yagaragaje ko abaturage bagikoresha ubwo buryo kuko busa n'ububahendukiye ugereranyije n'ibicanwa bitangiza ikirere, asaba ko hagira igikorwa.

Yasabye ko hakwiye gushyirwaho ingamba zigamije gufasha Abaturarwanda kumva neza impamvu yo gukoresha ibicanwa bitangiza ibidukikije no koroshya uburyo bibonekamo.

Senateri Uwimbabazi Penine yagize ati 'Gaz irahenda cyane mu Rwanda bikaba binumvikana impamvu abaturage bagikoresha amakara cyane cyane mu mijyi kuko nta yandi mahitamo.'

Minisitiri w'Ibidukikije, Dr. Uwamariya Valentine, yavuze ko ikibazo cy'ibicanwa kiri mu bihangayikishije cyane mu rugendo rwo kubungabunga ibidukikije.

Yagaragaje kandi ko ibigo by'amashuri byagaragaye ko byihariye umubare munini w'abakoresha amakara n'inkwi kuko byihariye 45% by'inkwi zikoreshwa mu gihugu kandi nta buryo bifite bwo kubirondereza.

Yavuze ko gucana inkwi n'amakara bigira ingaruka ku buzima bwa muntu ndetse bikanagira ingaruka ku gusarura amashyamba imburagihe.
Ati 'Kuba abaturarwanda bagikoresha inkwi n'amakara, nubundi ibiti dutera turongera tugasubira inyuma tukabitema. Ikibazo rero cy'itemwa ry'amashyamba bigaragara ko mu gihe hatabaho izindi ngamba no kugira ubundi buryo bw'ikoreshwa ry'ingufu zo gucana, ikibazo kizakomeza kwiyongera.'

Yakomeje ati 'Ikibazo cy'ibicanwa bikomoka ku bimera bishobora gutera ibibazo by'indwara z'ubuhumekero, iyangirika ry'amashyamba n'ihumana ry'ikirere bikaganisha ku ngaruka mbi z'ahazaza h'ibidukikije, bikagira uruhare mu ihindagurika ry'ibihe.'

Yashimangiye kandi ko hakenewe ingengo y'imari itari nke mu kugabanya ibicanwa byangiza ikirere.

Ati 'Inzira iracyari ndende cyane ndetse hakenewe n'ingengo y'imari nyinshi kugira ngo tubashe kugabanya umubare w'abakoresha inkwi mu guteka ku kigero cya 42% muri 2030. Hakenewe nibura miliyari 1,37$, byose byarebwe.'

Yasabye abikorera gushora imari muri gahunda yo kubona ibicanwa bitangiza ibidukikije kuko harimo isoko mu buryo bugaragara.

REG igaragaza ko mu mwaka w'ingengo y'imari ushize ingo zirenga ibihumbi 361 zari zimaze guhabwa amashyiga agezweho arondereza ibicanwa ndetse kuri ubu hateganyijwe uwo mushinga uzagera ku ngo ibihumbi 500.

Impungenge z'Abasenateri ku baturage barenga 94% mu Rwanda batekesha amakara n'inkwi

Mu Ugushyingo 2024, Spiro yashyizeho ubwasisi bwa moto y'amashanyarazi izwi nka EKON M3 isanzwe igura hafi miliyoni 2 Frw ariko ikayitanga ku bihumbi 750 Frw, gusa uyishaka agasabwa kubanza kwishyura 75.000 Frw kugira ngo yiyandikishe mu bazayihabwa.

Bwari uburyo bwo gushyigikira gahunda ya leta yari yashyizeho y'uko guhera muri Mutarama 2025, Guverinoma y'u Rwanda yemeje ko nta moto nshya ikoresha ibikomoka kuri peteroli izongera kwemererwa gutwara abagenzi mu buryo bw'ubucuruzi mu Mujyi wa Kigali mu rwego rwo kwimakaza ubwikorezi butangiza ikirere.

Ni gahunda yafashije abashaka moto kuzibona byoroshye, ku giciro gihendutse ndetse bikanafasha leta mu guhangana n'imyuka ihumanye yoherezwa mu kirere.

Spiro yatangaje ko guhera muri Mata 2025, yatangiye gutanga izo moto mu byiciro. Abamaze kwishyura bamaze guhabwa moto ndetse buri munsi itanga moto ku bazikeneye hakurikijwe uko bazisabye.

Spiro igaragaza ko abasabye mbere ari bo baherwaho mu kubona moto. Ugomba guhabwa moto abanza guhamagarwa n'abo muri icyo kigo hanyuma akabwirwa uko aza gufata moto ye.

Mu itangazo yashyize hanze, yakomeje iti 'Ku batarahamagarwa, twabamenyesha ko tuzabahamagara bidatinze. Twongereye abakozi batanga serivisi, bahamagara ndetse bakurikirana ibijyanye no guhabwa izo moto.'

Spiro itangaza ko moto z'amashanyarazi 3.500 ziri mu muhanda. Ni mu gihe izindi 3.515 zatumijwe ndetse muri izo, izingana na 1.656 zamaze kwishyurwa naho 1470 zamaze gutangwa.

Iki kigo cyiyemeje guteza imbere ubwikorezi bugezweho bwifashisha ibinyabiziga bitangiza ibidukikije, ari na ko buteza imbere ababukoresha kuko bunguka ugereranyije n'abakoresha ibinyabiziga bya lisansi.

Bikorwa binyuze mu gutanga ibinyabiziga by'amashanyarazi, gufatanya n'abafatanyabikorwa batandukanye barimo na leta, bikajyana no gushyiraho ibikorwaremezo bifasha ibyo binyabiziga, nk'ahasimburizwa batiri za moto, ahashyirirwamo umuriro n'ibindi.

Uretse moto zikoresha amashanyarazi, Spiro yashoye imari no mu bikorwaremezo bizifasha gukora, aho nko mu Rwanda honyine ifite sitasiyo zifasha mu gusimbuza batiri zirenga 70 ndetse hari n'izindi 56 zigiye kumurikwa.

Kugeza uyu munsi, iki kigo cyatangiriye iyi mirimo muri Benin na Togo mu myaka itatu ishize, ubu kimaze imyaka ibiri mu Rwanda, kikaba kinakorera muri Kenya, Nigeria, Uganda, Ghana n'ahandi.

Moto zayo zimaze gukora ibilometero birenga miliyoni 600. Ifite sitasiyo zisimburizwamo batiri zigera kuri 412. Spiro imaze kugabanya imyuka yangiza ikirere ingana na toni ibihumbi 428 ikaba imaze gusimburiza abamotari batiri inshuro zirenga miliyoni 20.

Spiro ifite moto z'amashanyarazi zirenga ibihumbi 30 mu bihugu bya Afurika ikoreramo. Ifite batiri zirenga ibihumbi 40 ziri gufasha mu kugabanya imyuka yoherezwa mu kirere, igatanga umuriro ubarirwa muri megawatt 100.

Iki kigo gishimira abakiliya bacyo ku buryo bihanganye ndetse no kuba basangiye n'Abanyarwanda gahunda yo kwimakaza ubwikorezi butangiza, inasezeranya ko itazahwema gutanga serivisi nziza ndetse n'ibicuruzwa byujuje ubuziranenge.

Spiro ifite moto zirenga ibihumbi 30 mu muhanda

Moto za Spiro zifite umwihariko wo gufasha uzikoresha kunguka kurusha iza lisansi

Spiro yatangiye gutanga moto yemereye Abanyarwanda ku giciro gito

Mbere yo guhabwa moto harebwa niba iri gukora neza

Moto za Spiro ziri mu biri gufasha u Rwanda kubaganya imyuka yanduza ikirere

Abatumije moto za Spiro ku giciro gito batangiye kuzihabwa

Spiro imaze gutanga moto z’amashanyarazi zirenga 35000 mu Rwanda

Izi moto Spiro iri kuzitangira ibihumbi 750 Frw

Akanyamuneza ni kose ku bari baratumye Spiro mu 2024. Ubu batangiye kuzihabwa

Spiro yashyizeho abakozi batandukanye bari gufasha abatumije moto kuzibona

Iyi baruwa yayanditse mu ntangiriro z'iki cyumweru nk'uko amakuru agera kuri IGIHE abyemeza, nyuma yo kugaragara yasinze anashwana n'abo mu nzego z'umutekano bari bamusanze mu kabari.

Umuyobozi w'Akarere ka Rwamagana, Mbonyumuvunyi Radjab, yemereye IGIHE ko koko uyu muyobozi yasezeye mu kazi, ariko yirinda kugira ibindi byinshi avuga.

Yagize ati 'Yego, yasezeye. Ndumva ari ibisanzwe gusezera mu kazi.''

Umunyamakuru yakomeje abaza uyu muyobozi icyatumye abasezera, avuga ko impamvu yanditse zitajya hanze kuko binyuranyije n'amategeko agenga umurimo ngo kereka ariwe ubyitangarije.

Ati 'Gusa ibyo yatwandikiye ngo ni impamvu zo kuba hafi y'umuryango we no kuwitaho.''

Amakuru yizewe agera ku IGIHE yemeza ko mu mpera z'icyumweru gishize, uyu Munyambanga Nshingwabikorwa w'Umurenge, yafatiwe mu kabari yasinze, aza no kugirana ubwumvikane buke n'abo mu nzego z'umutekano.

Uwaduhaye amakuru yagize ati 'Kuwa Gatandatu nijoro inzego z'umutekano zagiye gufunga akabari, we yari ari kunywera mu kandi byegeranye yasinze. Ni uko arasohoka aserera nabo abaturage barahurura, kandi yari akwiriye kuba intangarugero nk'umuyobozi wahayoboraga.''

Uyu muyobozi ngo yakuwe aho nta nkuru kuko yari yasinze mu buryo bugaragarira buri muturage wese wari uri aho ngaho.

Uyu mugabo yari amaze igihe kinini mu nzego z'ibanze, aho yabanje kuba umuyobozi ushinzwe Imiyoborere myiza mu karere, ahava ajya kuba Umunyambanga Nshingwabikorwa mu mirenge itandukanye.

Umukuru w'Igihugu yageze muri Alger kuri uyu wa Kabiri.

Muri uru ruzinduko, abakuru b'ibihugu byombi bazagirana ibiganiro bizabera mu Ngoro y'Umukuru w'Igihugu wa Algérie, El Mouradia Palace, nyuma y'ibiganiro bizahuza impande zombi ku mikoranire.

Aba bayobozi bombi bazagirana ikiganiro n'abanyamakuru.

Mu ruzinduko rwe i Alger, Perezida Kagame azashyira indabo ku rwibutso rwa Maqam Echahid mu kunamira ababuze ubuzima bwabo mu ntambara yo kurwanira ubwigenge bwa Algérie.

Azanasura kandi Ishuri ryigisha ibijyanye n'ubwenge buhangano, AI, (ENSIA) ryigamo abanyeshuri batanu b'Abanyarwanda, aho bakurikira amasomo ya 'Artificial Intelligence and Data Science'.

Perezida Kagame azakirwa kandi mu musangiro wo kumuha ikaze muri iki gihugu.

Uru ruzinduko rwa Perezida Kagame ni urwa kabiri agiriye muri Algérie. Urwa mbere yarukoze mu 2015.

Byitezwe kandi ko hazasinywa amasezerano y'ubufatanye hagati y'ibihugu byombi.

Mu mpera z'umwaka ushize, Minisitiri w'Ububanyi n'Amahanga, Olivier Nduhungirehe, yagiranye ibiganiro na mugenzi we wa Algérie, Ahmed Attaf, bahuriye i Sochi mu Burusiya byibanze ku mubano w'ibihugu byombi.

Algérie n'u Rwanda bifitanye imikoranire mu bijyanye n'umutekano ndetse n'uburezi kuko hari abanyeshuri bava mu Rwanda bajya kwiga muri iki gihugu gikoresha Icyarabu, Igifaransa n'Igi-Tamazight.

Mu mwaka w'amashuri wa 2016/2017, Algérie yahaye buruse abanyeshuri 25 b'u Rwanda.

Kuva mu 1982, u Rwanda na Algérie byasinye amasezerano atandukanye arimo ajyanye n'ubukungu, imibereho myiza y'abaturage; ayo gusangira ubunararibonye mu by'umuco ndetse n'imikoranire n'ayandi.

Ibihugu byombi byanemeranyije kongera imbaraga zihariye mu bijyanye n'ubuzima, ubucuruzi, ishoramari, umutekano n'uburezi.

Ubwo Perezida Kagame yari muri Algérie ku nshuro ya mbere, yavuze ko umubano w'ibihugu byombi ugomba kuzanira inyungu abaturage b'ibi bihugu ndetse na Afurika muri rusange.

Mu Ukuboza 2023, Algérie yafunguye Ambasade yayo mu Rwanda, nk'ikimenyetso cy'ubushake bwo kurushaho kwagura umubano hagati y'ibihugu byombi.

Hagati aho, Perezida Kagame agiriye uruzinduko muri Algérie mu gihe Ikipe y'Igihugu y'u Rwanda, Amavubi, iri muri icyo gihugu aho yagiye gukina umukino wa gicuti na Algérie.

Perezida Kagame yagiriye uruzinduko rwa kabiri muri Algeria kuko urwa mbere yarukoze mu 2015

U Rwanda na Algeria bisanzwe bifitanye umubano ukomeye mu ngeri zinyuranye

Perezida Kagame yakiriwe na mugenzi we wa Algeria, Abdelmadjid Tebboune

Ni nyuma y'isesengura ryakozwe nyuma y'imyaka itatu iryo shami risubijweho, bikagaragara ko abize ubuforomo bakemuye ikibazo cy'ubuke bw'abaganga kigihangayikishije urwego rw'ubuzima mu Rwanda.

Iyi gahunda yari yarahagaritswe mu 2007, yongeye gusubukurwa mu 2021, hagamijwe kuvuguta umuti w'ibibazo by'ubuke bw'abakozi bo mu nzego z'ubuvuzi barimo abaforomo n'ababyaza.

Aba mbere muri iyo gahunda nshya barenga 200 basoje amasomo mu mwaka w'amashuri wa 2023/2024, bashyirwa mu bigo nderabuzima bitandukanye mu gufasha mu itangwa rya serivisi z'ubuvuzi.

Umwe muri abo ni Abayo Benise woherejwe mu Kigo Nderabuzima cya Kayenzi giherereye mu Karere ka Kamonyi.

Ati 'Nshobora gukorera mu isuzumiro, gutanga imiti, nshobora gukora mu nzu z'ababyeyi, ngakurikirana abagore batwite n'ibindi. Bifasha mu kwihutisha serivisi n'umuturage akabona ko yitaweho.'

Umuyobozi w'Ikigo Nderabuzima cya Kanyenzi, Ikuzwe Clement, yavuze ko 'Badufasha muri serivisi hafi ya zose, ari ugusuzuma arakora ukabona arabishoboye, gutanga imiti n'ibindi. Hongerewe umubare w'abiga iyi gahunda byafasha mu gutanga serivisi.'

Umuyobozi ushinzwe imyigishirize mu guteza imbere abakozi muri Minisiteri y'Ubuzima, Dr. Menelas Nkeshimana, yavuze ko ubusanzwe muri iyo gahunda hinjiragamo abari hagati ya 600 na 700 ariko bashaka ko mu mwaka utaha imibare yazamuka byibuze ikagera kuri 1000.

Ati 'Birasaba ko dufungura andi mashuri mashya. Hari ari gukorerwa isuzuma kugira ngo na yo abashe kwigisha ayo masomo. Hari nk'ikigo nderabuzima cyangwa ivuriro ryabaga rifite umuforomo umwe. Uwo rero akwandikira amanywa n'ijoro.'

Mu Rwanda hari amashuri 18 yigiisha ubuforomo ku rwego rw'amashuri yisumbuye. Mu mwaka utaha biteganywa ko azongerwa byibuze akaba 24. Umubare w'abo banyeshuri na wo uziyongera byibuze buri mwaka hajye hasoza abanyeshuri 1000.

Usoje muri iyo gahunda aba afite amahitamo abiri, guhita akomeza muri kaminuza cyangwa akabanza kujya mu kazi, akazakomeza ayo masomo nyuma.

U Rwanda rufite gahunda yo gukuba abaganga inshuro enye mu myaka ine, ibizarufasha kubona abakora kwa muganga bahagije, abaganga bane bakajya bita ku barwayi 1000 bavuye kuri umwe wita kuri abo barwayi uyu munsi.

Mu myaka 30 ishize u Rwanda rwakoze uko rushoboye ngo serivisi z'ubuvuzi zitezwe imbere, haba mu kongerera ubumenyi abazitanga no kongera umubare wabo. Nk'ubu abaganga bavuye kuri 30 bagera ku barenga 2500, biba uko no ku baforomo n'ababyaza bavuye kuri 383 bagera ku barenga ibihumbi 15.

U Rwanda rugiye gukuba kabiri umubare w’abaforomo basoza amashuri yisumbuye

Yabigarutseho kuri uyu wa 3 Kamena 2025 ubwo yaganiraga na Komisiyo y'Iterambere ry'Ubukungu n'Imari hagamijwe kugenzura ibikorwa bya Guverinoma mu korohereza abaturage kubona ibicanwa bitangiza ibidukikije.

Dr. Uwamariya yagaragaje ko hari intambwe yatewe mu myaka irindwi ishize kuko ubushakashatsi bwa karindwi ku mibereho y'ingo (EICV7) bwagaragaje ko ingo zikoresha ibicanwa bibungabunga ibidukikije mu Rwanda zageze kuri 5,4% mu 2024 zivuye kuri 1% mu 2017.

Ubushakashatsi bwakorewe ku ngo 15066 bugaragaza ko 75% by'ingo zo mu Rwanda zigitekesha inkwi, mu gihe 18,8% zikoresha amakara. Ingo 0,6% zo zitekesha ibisigazwa by'imyaka bahinze, na ho abatekesha gaz cyangwa biogaz n'amashanyarazi ni 5,4%.

Ingo ziri mu mujyi wa Kigali zitekesha gaz zingana na 23%, mu gihe izitekesha amakara ari 59% na ho abagitekesha inkwi ni 17%.

Senateri Mugisha Alexis yagaragaje ko kuba abakoresha gaz bakiri bake bishingiye ku giciro cyayo gikomeje gutumbagira, abaza aho umushinga wo gukoresha gaz methane mu guteka warengeye.

Minisitiri Dr. Uwamariya yemeje ko uwo mushinga uri mu bihanzwe amaso ko ushobora gutuma umubare w'abakoresha ibicanwa byangiza ibidukikije ugabanuka kuko gaz yaba iboneka mu gihugu.

Ati 'Icyo twitezeho igisubizo kirambye ni gaz methane yo mu kiyaga cya Kivu yahindurwamo iyo gutekesha kandi aho bigeze uyu munsi biratanga icyizere. Ibi nibiramuka bikunze turabibona nk'igisubizo kirambye.'

Yakomeje ati 'Byatuma u Rwanda rugabanya ingano ya gaz rutumiza hanze kuko nabyo birahenda ndetse bikanoroshya igiciro cy'ubwikorezi nacyo cyazamutse kuko ihenda rya gaz rijyana n'ibyo byose. Tugize umugisha tukabona gaz yo mu Kivu byagabanya ku buryo bugaragara ikoreshwa ry'ibicanwa byangiza ibidukikije.'

Yavuze ko biteganyijwe ko gaz methane yazatangira gukoreshwa nibura mu 2027.

Yavuze kandi ko nimara gutunganywa hazaherwa ku bigo by'amashuri nk'ibikenera ibicanwa byinshi n'ibindi bigo.

U Rwanda rufite intumbero yo kugabanya umubare w'abakoresha ibicanwa birimo inkwi n'amakara, bikagera nibura ku kigero cya 42% bitarenze mu 2030. Muri iyo gahunda biteganyijwe ko ruzakoresha nibura miliyari 1,37 z'Amadolari.

U Rwanda kandi ruri kubaka ibigega bya gaz yo gutekesha bibika ibilo miliyoni 15, ibizafasha igihugu kubika ikoreshwa mu rwego rwo kwirinda izamuka rya hato na hato ry'ibiciro.

Hanateganyijwe kandi gahunda yo gushyiraho uburyo abantu bashobora kujya bagura gaz ku kilo nabyo bishobora kuzafasha mu kuganya ibicanwa biva ku biti.

Umwaka wa 2027 ushobora gusiga Abanyarwanda batekesha gaz methane yo mu Kivu

Ibiciro bya gaz yo gutekesha bigenda birushaho gutumbagira

Mu itangazo iyi Ministeri yasohoye kuri uyu wa 3 Kamena 2025, yagize iti 'Minisiteri y'Abakozi ba Leta n'Umurimo ishingiye ku iteka rya Perezida No 062/01 ryo ku wa 19/10/2022 rigena iminsi y'ikiruhuko rusange, iramenyesha abakozi n'abakoresha bo mu nzego za leta n'abikorera ko ku wa Gatanu tariki ya 6 Kamena 2025 ari umunsi w'ikiruhuko mu rwego rwo kwizihiza Umunsi Mukuru wa Eid al-Adha.'

Eid al-Adha, ni Umunsi Mukuru w'Igitambo wizihizwa hazirikanwa igihe Aburahamu yari agiye gutamba umwana we Ismail ho igitambo ariko Imana ikamuha intama mu cyimbo cy'uwo mwana.

Eid al-Adha wizihizwa mu kwezi kwa Dhul Hijjah, ukwa cumi na kabiri ndetse kukaba n'ukwa nyuma ku ngengabihe y'idini ya Islam. Ni wo munsi utangiriraho umutambagiro mutagatifu uzwi nka Hajj ubera muri Arabie Saoudite i Mecca ukamara iminsi itanu.

Ni wo Munsi Mukuru uza ku mwanya wa kabiri mu yizihizwa mu Idini ya Islam nyuma ya Eid al-Fitr. Uyu munsi ubanzirizwa n'isengesho rikurikirwa n'igikorwa cyo kubaga amatungo atangwamo ibitambo hagamijwe gushyira mu bikorwa inkingi yo 'gutamba' imwe mu zigize ukwemera mu idini ya Islam.

Mu bikorwa biranga Abayisilamu ku munsi w'Igitambo harimo n'iby'urukundo nko gufasha abatishoboye. Isengesho ryo kuri uwo munsi rigomba gukorwa kare mu gitondo izuba rikirasa kandi rigahuriza hamwe abantu benshi.

Kuri uyu munsi uba ari n'ikiruhuko, Abayisilamu bashishikarizwa kurangwa n'ibikorwa by'urukundo, bagafasha abakene, kandi bagahurira hamwe mu isengesho.

Nyuma y'isengesho, imiryango n'inshuti barahura bakifurizanya ibyiza, bagasurana, bagakemura amakimbirane yaba ari hagati yabo, nyuma bagasangira.

Amafunguro atekwa aba arimo intama, inka n'ihene ku buryo n'abakene bahabwa kuri ayo mafunguro bakajya kurya mu ngo zabo.

Uyu munsi utangirwa n'isengesho mu ngo, rigakurikirwa no gutangira kubaga inyamaswa ziza kuribwa nk'igitambo, zigasaranganywa n'inshuti n'abavandimwe uhereye ku bakene, nyuma akaba aribwo ibikorwa byo guteka bitangira.

Nta muyisilamu uba wemerewe kugira ikintu arya atarava gusenga.

Amatungo abagwa kuri uyu munsi ni akuze gusa aho amategeko y'idini ya Islam agena ko nk'ihene igomba kuba ifite umwaka, intama ikaba ifite amezi atandatu mu gihe inka igomba kuba ifite nk'imyaka ibiri. Mu bihugu bibamo ingamiya, igomba kuba ifite imyaka itanu.

Umusaruro w'uyu mushinga wagarutsweho ku wa 2 Kamena 2025, mu kiganiro ubuyobozi bw'Akarere ka Gicumbi ndetse n'ubw'uyu mushinga bwagiranye n'itangazamakuru.

Umushinga wa Green Gicumbi ushyirwa mu bikorwa n'Ikigega cy'Igihugu cy'Ibidukikije (Rwanda Green Fund).

Mu ishyirwa mu bikorwa ry'uyu mushinga, hibandwa cyane ku kugabanya ibyago by'abaturage b'Akarere ka Gicumbi ku kwibasirwa n'imihindagurikire y'ibihe n'ibindi bikorwa bigamije kurengera ibidukikije.

Wagiyeho nyuma ya raporo y'igihugu yakozwe mu 2018 yerekanye ko Akarere ka Gicumbi gafite ibyago biri hejuru mu kwibasirwa n'ingaruka zikomoka ku mihindagurikire y'ibihe.

Ugabanyije mu bice bine birimo icyo kubungabunga icyogogo cy'umuvumba no guteza imbere ubuhinzi bwihanganira imihindagurikire y'ibihe, kubungabunga amashyamba ku buryo burambye hanagabanywa ibicanwa biyakomokaho, kunoza imiturire yihanganira imihindagurikire y'ibihe no gusangira ubumenyi no kubwinjiza mu mikorere n'imigirire.

Umushinga Green Gicumbi ukorera ibikorwa byawo mu mirenge icyenda yegereye umupaka igize Akarere ka Gicumbi. Iyi mirenge ni ifite aho ihuriye n'icyogogo cy'Umugezi wa Muvumba, irimo uwa Rubaya, Cyumba, Kaniga, Mukarange, Rushaki, Shangasha, Manyagiro, Byumba na Bwisige.

Umuyobozi w'Akarere ka Gicumbi, Nzabonimpa Emmanuel, yavuze ko ibikorwa bitandukanye by'umushinga wa Green Gicumbi bimaze guha akazi abaturage barenga ibihumbi 45

Ati 'Ibikorwa by'umushinga Green Gicumbi byatanze akazi ku baturage bacu, aho abarenga 45000 barimo abagore, abagabo n'urubyiruko babonyemo akazi muri iyi myaka itanu ishize umushinga ushyirwa mu bikorwa.'

Yakomeje avuga ko bifasha abaturage kuko iyo umuturage abonye amafaranga abasha gutanga ubwishingizi bwo kwivuza, kuzigama muri Ejo Heza, kwishyurira neza abana amashuri ndetse no guhindura imibereho y'abagize umuryango we.

Meya yagaragaje ko nk'ubuyobozi bw'Akarere bwiteguye kandi hari n'ingamba zo gukomeza kurinda no kubungabunga ibikorwa byagezweho n'uyu mushinga wa Green Gicumbi cyane ko ibyinshi muri byo biri mu maboko y'amakorepative y'abaturage.

Ati 'Uyu mushinga wagize umwihariko wo kuba ibikorwa byinshi byakozwe usanga ahanini biri mu maboko y'amakoperative. Icyo uyu mushinga wakoze wagiye ufasha mu kurema ayo matsinda ndetse kugeza ubu amenshi muri yo afite ubuzima gatozi.'

'Ikindi ni uko abaturage bacu barahuguwe kandi bafite ubumenyi ndetse banazamuye imyumvire yabo ku buryo bugaragara.'

Muri rusange imirimo 45000 nayo yafashije guhanga indi mirimo aho irenga 80000 ubu imaze guhangwa n'abaturage biturutse muri ibi bikorwa by'uyu mushinga wa Green Gicumbi.

Uyu mushinga ugamije kwirinda ingaruka z’imihindagurikire y’ibihe muri Gicumbi

Umuyobozi w'Akarere ka Gicumbi, Nzabonimpa Emmanuel, yavuze ko ibikorwa bitandukanye by'umushinga Green Gicumbi bimaze guha akazi abaturage barenga ibihumbi 45