Biteganyijwe ko mu mwaka w'ingengo y'imari wa 2025/2026, u Rwanda ruzakoresha arenga miliyari 7000 Frw mu bikorwa bitandukanye birimo n'imishinga y'iterambere.
Muri rusange amafaranga akomoka ku misoro azagera kuri miliyari 4.105,2 Frw, umutungo faranga ugera kuri miliyari 53,7 Frw, inguzanyo z'imbere mu gihugu zizagera kuri miliyari 136,5 Frw, inkunga z'amahanga ziteganyijwe kugera kuri miliyari 585,2 Frw na ho inguzanyo z'amahanga zikazagera kuri miliyari 2.151,9 Frw.
Biteganyijwe ko 59% by'amafaranga ateganyijwe kwinjira mu ngengo y'imari ya Leta ya 2025/2026 azaturuka mu misoro n'ibitari imisoro mu gihe inguzanyo z'amahanga zingana na 30% by'ingengo y'imari.
Senateri Rugira Amandin yagaragaje ko mu gihe ibihugu hirya no hino bikomeje kugorwa n'inkunga z'amahanga, ari intambwe ikomeye u Rwanda ruri gutera kuba rushobora kwihaza ku kigero cya 90% mu ngengo y'imari rukenera.
Ati 'Iyi mbanzirizamushinga igaragaza ko igihugu cyacu kimaze gutera intambwe mu kwigira. 90% by'ingengo y'imari igihugu kizayishakamo bivuze ko mu gihe gito dukurikije icyerekezo cy'izamuka ry'ubukungu, tuzaba tugeze ku cyerekezo cya 100%.'
Senateri Bideri John Bonds yagize ati 'Ni ingengo y'imari bigaragara ko igihugu cyacu n'icyerekezo cyihaye cyo kwigira bituganisha ahantu heza. Ni ibintu bishimishije kuko ingengo y'imari yarazamutse kandi amafaranga menshi tukaba tuzayishakamo nk'igihugu.'
Yakomeje ashimangira ko imishinga migari nko kubaka ikibuga cy'Indege cya Kigali no kwagura imikorere ya RwandAir bizagira uruhare rugaragara mu guteza imbere ubukungu bw'igihugu.
Ishoramari rya Leta riziyongera aho rizava kuri miliyari 150,6 Frw mu 2024/2025 rigere kuri miliyari 760,6 Frw mu 2025/2026.
Rizibanda by'umwihariko ku gukomeza kubaka ikibuga cy'indege gishya cya Kigali (Bugesera) n'imishinga yo gukomeza kwagura sosiyete ya Leta y'ubucuruzi 'RwandAir' kandi byitezweho kugira uruhare runini mu kuzamura ubukungu bw'igihugu no gukomeza kwagura imigenderanire n'amahanga.
Ku ruhande rwa Perezida wa Komisiyo y'Iterambere n'Imari, Nsengiyumva Fulgence, yagaragaje ko igihugu gikomeje urugendo rwo kwihaza mu ngengo y'imari kandi kuba 30% bizaba ari inguzanyo gihabwa n'amahanga bishimangira icyizere gifitiwe.
Ati 'Nta muntu ushobora kukuguriza azi ko utazashobora kumwishyura. Ni icyizere rero nk'igihugu gifitiwe n'amahanga kubona batanga inguzanyo igera kuri urwo rwego.'
Senateri Twahirwa yagize ati 'Intego ni ukwigira, imfashanyo yo hanze turabizi ko ak'i Muhana kaza imvura ihise. Intego ni ukugera ku 100% ndabishima kandi nifuza ko twasabigeraho byihuse.'
Senateri Niyomugabo Cyprien na we yashimye ko igihugu kiri gushyira imbaraga mu burezi hatezwa imbere amashuri y'imyuga n'ubumenyi ngiro kuko azaba imbarutso y'iterambere n'ubukungu bw'igihugu.
Ati 'Biriya bihugu byinshi bijya binafasha Afurika mu kubona ingengo y'imari buriya byinshi byabigezweho kubera ko byateje imbere amashuri y'imyuga n'ubumenyingiro.'
Ibi Benjamin Kalu yabigarutseho ubwo yakiraga Ambasaderi w'u Rwanda muri Nigeria, Christophe Bazivamo.
Kalu asanzwe ari n'Umuyobozi wa Komite yahawe inshingano zo gukurikirana amavugurura akwiriye gukorwa mu Itegeko Nshinga rya Nigeria.
Mu biganiro yagiranye na Amb. Bazivamo, Kalu yagaragaje ko u Rwanda na Nigeria bimaze gutera intambwe nziza mu bijyanye n'ubutwererane.
Ati 'Umubano twubatse mu myaka ishize ni ikimenyetso cyo kubahana no kumvana kuri hagati y'impande zombi, kandi mfite icyizere ko ibyiza biri imbere. Mu gihe tugaruka ku mubano n'ubutwererane ni ingenzi gushimangira akamaro k'ubufatanye hagati y'Inteko zombi. Inzego zishinga amategeko mu bihugu byacu ni ingenzi mu kugena politike ishyira imbere iterambere ry'ubukungu, imibereho myiza no guhanahana ubumenyi bushingiye ku muco.'
Yakomeje avuga ko muri iki gihe Nigeria iri gukora amavugurura mu Itegeko Nshinga ikeneye ubufasha bw'u Rwanda cyane cyane mu ngingo zijyanye n'uburinganire n'umutekano.
Ati 'By'umwihariko, mu gihe dutangiye uru rugendo rukomeye rwo kuvugurua Itegeko Nshinga, turashaka ubufatanye n'ubumenyi bivuye mu Rwanda, by'umwihariko ku ngingo z'ingenzi nk'uburinganire n'umutekano. Igihugu cyanyu ni intangarugero mu bijyanye n'uburinganire, aho mufite abagore 63,75 mu Nteko Umutwe w'Abadepite na 53,8% muri Sena, ni imibare iri hejuru ku Isi, kandi ikatwereka icyitegererezo dukwiriye kwigiraho.'
U Rwanda na Nigeria bifatanya mu bya dipolomasi, politiki n'ibindi. Bifitanye amasezerano mu ngeri z'ingenzi zirimo imikoranire mu by'umutekano, ibijyanye no gutwara abantu n'ibintu mu ndege, n'ay'ubufatanye mu bya tekiniki aho abaganga bo muri Nigeria bafatanya n'abo mu Rwanda mu kubungabunga ubuzima bw'abaturage.
Umubano w'u Rwanda na Nigeria kandi urangwa n'ibintu byinshi birangajwe imbere no gushyigikirana mu ngeri zitandukanye.
Nko ku wa 29 Gicurasi 2023 Perezida Kagame yifatanyije n'abakuru b'ibihugu n'abandi bayobozi bo hirya no hino muri Afurika no hanze yayo mu birori by'irahira rya Perezida wa 16 wa Nigeria, Bola Tinubu.
Perezida Kagame na Tinubu bongeye kuganira muri Mutarama 2025, bagaruka ku ngingo zitandukanye zishingiye ku guteza imbere ibihugu byombi.
Ambasaderi Bazivamo hamwe na Visi Perezida w'Inteko Ishinga Amategeko muri Nigeria, Benjamin Kalu
Byabaye mu masaha y'umugoroba ku wa 15 Gicurasi 2025, mu Mudugudu wa Gahondo, Akagari ka Sazange, mu Murenge wa Kinazi.
Ababonye iby'aya mahano, bavuze ko ubwo Muhaturukundo yari ari mu kabari ka Mazimpaka yanze kwishyura icupa rimwe ry'indege batumvikanagaho, maze bikurura imvururu barabitonganira.
Ibi byaje kuviramo Mazimpaka umujinya, ahita ajya kuzana inyundo iwe rugo kuko ari hafi y'aho, ayikubita Muhaturukundo mu mutwe aramunegekaza, ava amaraso menshi.
Umunyamabanga Nshingwabikorwa w'Umurenge wa Kinazi, Nkubana Vianney, yabwiye IGIHE ko 'Yamukubise inyundo aramubabaza cyane, uwakubiswe ahita ajyanwa ku Bitaro bya Kabutare, nyuma igikomere kiramuhitana, arapfa.'
Gitifu Nkubana yakomeje avuga ko uwakoze urwo rugomo yahise atabwa muri yombi, ubu akaba afungiye kuri Sitasiyo ya Polisi ya Rusatira, mu gihe iperereza rigikomeje.
IGIHE yamenye kandi amakuru ko uyu Mazimpaka François yari amaze igihe kitanageze ku mezi atandatu ageze muri aka gace, aho yageze aturutse mu Karere ka Nyamagabe, Umurenge wa Buruhukiro, akaba kandi ngo yari amaze igihe kitari kirekire afunguwe azira ibyaha by'urugomo.
Mu kiganiro Umuvugizi wa RIB, Dr. Murangira B. Thierry, yagiranye n'itangazamakuru ku wa 15 Gicurasi 2025, yasobanuye ko uyu mugabo abantu bamuzi nk'umushoramari ukomeye kandi bashobora kwizera nyamara byose birimo ubutekamutwe bukomeye.
Azwiho kugira ibigo bikora ubukomisiyoneri mu by'ubwishingizi, gucuruza imodoka n'ibikoresho byazo, gucuruza ibitabo n'ibindi kandi byanditse mu Rwego rw'Igihugu rw'Iterambere.
Yasobanuye ko ibyo bigo byose kuba byanditse nta kibazo ko ahubwo ikibazo ari uko yagiye yitwaza amazina y'ibyo bigo agakora ubutekamutwe akurikiranyweho.
Yatawe muri yombi ku wa 13 Gicurasi 2025 nyuma y'uko abantu 12 batanze ibirego muri RIB bavuga ko uyu mugabo yabatse amafaranga ngo abatumirize imodoka.
Dr. Murangira ati 'Muri ibyo birengo by'abantu 12 iyo uteranyije amafranga na we ubwe adahakana ko yakiriye aba miliyoni 142 Frw. Yagendaga abaka 'avance' ku modoka bashimye ababwira ko azayitumiza ariko kugeza ubu nta n'imwe yigeze iza kandi dukeka ko hari n'abandi bantu bari baratinye kurega kuko hari n'ibindi tumekekaho birimo gushakira abantu Visa no kubafasha kubona amashuri hanze y'Igihugu.'
Dr. Murangira yasabye abantu kugira amakenga kuri serivisi bishyura nta kintu na kimwe kigaragaza ko aho bazatse zihatangirwa koko.
Ku cyo gucuruza imodoka zitumizwa mu mahanga Dr. Murangira yagize ati 'Kuki nguha amafaranga yo kujya kurangura. Abantu bahimbye imitwe ngo nkora iki, nta gishoro afite noneho igishoro ngo kizava muri ya mfaranga abantu bamuha. […] Niba umuntu acuruza imodoka nazizane mugure izo mureba. Ngo mpa amafaranga nyigutumirize, ese ubwo wayitumirije wowe cyangwa ukigirayo.'
Yongeyeho ko usanga abo bantu bakora gutyo bavuga ko bazicuruza ku biciro bito, ariko abantu bakwiye kwibaza aho bo baba bazirangura abandi batazi.
Kwihesha ikintu cy'undi hakoreshejwe uburiganya bihanishwa igifungo cy'imyaka iri hagati y'ibiri n'itatu n'ihazabu iri hagati ya miliyoni eshatu n'eshanu z'Amafaranga y'u Rwanda.
Chris Brown yatawe muri yombi mu Bwongereza akekwaho gukubitira umuntu muri nightclub yo i Londres
Umuhanzi w'umuraperi w'Umunyamerika, Chris Brown, yatawe muri yombi ku wa Kane mu Bwongereza akekwaho gukubitira umuntu muri nightclub yo mu mujyi wa Londres mu mwaka wa 2023.
Nk'uko byatangajwe n'ikigo cy'itangazamakuru Associated Press, Polisi y'Umujyi wa Londres (Metropolitan Police) ntiyatangaje amazina y'uwafashwe, ariko yabwiye icyo kinyamakuru ko yafashe umugabo w'imyaka 36 muri hoteli yo mu mujyi wa Manchester, akekwaho 'gukomeretsa bikomeye umuntu ku bushake.'
The Sun, ikinyamakuru cyatangaje aya makuru bwa mbere, cyavuze ko umuhanzi ukora umuziki witwa Abe Diaw ari we wareze Chris Brown, avuga ko yamukubise icupa ku mutwe, akamukubita ibipfunsi ndetse akanamukandagira ubwo yari aguye hasi, ibyo bikaba byarabereye muri TAPE Nightclub muri Gashyantare 2023.
Diaw yavuze ko byatumye ajyanwa mu bitaro, maze ahitamo kurega Chris Brown asaba indishyi zingana na miliyoni 16 z'amadolari ya Amerika.
Ibi byabaye mu gihe Chris Brown yari mu rugendo rw'ibitaramo mu Bwongereza. Uyu muhanzi ateganyijwe gusubira mu Burayi muri Kamena na Nyakanga 2025 mu rugendo rwe rw'ibitaramo yise Breezy Bowl, rwizihiza imyaka 20 amaze mu muziki.
Icyakora, abahagarariye Chris Brown ntibahise bagira icyo batangaza kuri ibi birego ubwo babazwaga na Fox News Digital.
Chris-Brown
Ibi si ubwa mbere Chris Brown ahuye n'ibibazo byo gufatwa n'inzego z'umutekano. Mu 2009, yigeze gutabwa muri yombi azira gukubita uwari umukunzi we Rihanna, ndetse muri uwo mwaka yemeye icyaha cy'uruhare rwe mu gikorwa cyo kumukubita, akaba yarakatiwe igihano cyo gufungwa gisubitse.
Nk'uko bitangazwa n'ikinyamakuru People, Brown kandi yashinjwe gufata ku ngufu umugore umwe mu Ukwakira 2024 ubwo yari kuri yacht ya Sean 'Diddy' Combs. Ibyo birego birasobanurwa mu kiganiro ndeste cy'inkuru mbarankuru cyashyizwe hanze na Warner Bros gifite umutwe ugira uti: 'Chris Brown: Amateka y'Urugomo.'
Chris Brown nawe yareze Warner Bros muri Mutarama 2025, avuga ko yamwandagaje imwita umunyamahane n'umugizi wa nabi ku buryo budafite ishingiro. Uyu muhanzi asaba indishyi zingana na miliyoni 500 z'amadolari.
Lydia Jazmine asobanura ibirego by'uko yambuye Dan Flavour inzu yo gukodesha
Lydia Jazmine yamenyekanishije ukuri ku birego byagiye bivugwa na Dan Flavour, aho yamushinjaga kumuca inyuma akamwambura inzu yari agiye gukodesha, ndetse nyuma akamurega ku gipolisi amushinja uburiganya.
Mu kiganiro gishya yagiranye n'itangazamakuru, Lydia Jazmine yasobanuye uko ibintu byagenze, ashinja Dan Flavour kubeshya no kuyobya inzira, akamuhendahenda we n'umushakisha-nzu (broker) we igihe bari mu biganiro byo gushaka inzu.
Lydia Jazmin
Yagize ati: 'Umunsi umwe narabyutse numva ndambiwe kuba mu nzu y'amazu (apartment), nifuza kuba mu nzu isanzwe. Nahise ntangira gushakisha hamwe n'umukozi wanjye Hassan, dusanga inzu runaka. Hassan yambwiye ko inzu ari iy'umuhanzi bityo bikazoroha kuyibona. Twagiye kuyisura.'
Nk'uko Lydia Jazmine abivuga, Dan Flavour ntiyigeze agira ubusobanuro bwumvikana ubwo bahuraga bwa mbere. Nubwo yabonaga ibimenyetso bitari bisobanutse, yatekereje ko ari ibintu bisanzwe biba ku bantu b'ibyamamare bagerageza kugumana ubuzima bwabo mu ibanga.
Yagize ati: 'Twicaye mu modoka yanjye, sinzi uko byagenze, ariko Dan Flavour yahise yemeza Hassan ko inzu ari iye. Yatubwiye ko agiye kwimukira i Entebbe bityo akaba ashaka kuyikodesha. Hariho n'amafoto ye hamwe n'umuryango we muri iyo nzu, bituma bigaragara nk'aho ari iye koko.'
Ariko kandi, Lydia Jazmine yavuze ko ibyo byose byabaye nta ruhare na ruto nyiri inzu nyakuri yari abifitemo cyangwa ngo abimenye.
Lydia Jazmin
Yagize ati: 'Nari nabimubwiye kare ko nkeneye inzu yo kugura, atari iyo gukodesha gusa. Iyo nzu yari i Munyonyo hafi y'iya Zari, ariko yari imeze nabi cyane, yuzuyemo amatungo kandi imeze nk'itagira nyirayo.'
Jazmine yakomeje avuga ko Dan Flavour yamusabye ko babanza kuvugurura iyo nzu, hanyuma bakazaganira ku kuyigura. Nubwo yanze gutangaza amafaranga bumvikanyeho, yavuze ko yamuhaye amafaranga 15,000,000 Frw mu ntoki kugira ngo ayikore.
Yagize ati: 'Yari amaze igihe akodesha iyo nzu kuri 1,500,000 Frw ku kwezi, ashaka ko nyifata kuri 1,700,000 Frw. Ariko nanjye sinari ngiye kuhaba igihe kirekire, igitekerezo cyanjye cyari uko nzayigura nkazahubaka amacumbi (apartments).'
Jazmine yahakanye yivuye inyuma ibirego byose Dan Flavour yavugiye mu kiganiro giheruka, abita ibinyoma bifite intego yo kumusebya, ndetse yemeza ko ubu polisi yamaze kwinjira mu kibazo.
'Ibyo yavuze byose ni ibinyoma. Ubu turamushakisha hamwe n'inzego z'umutekano.'
Frank Gashumba Ashobora Kumenyekanisha Umukunzi We Kuri Babyeyi Be â” Gushyingiranwa Biri Mu Mishinga
Amakuru ari kuvugwa hirya no hino avuga ko Frank Gashumba agiye gutangaza ku mugaragaro urukundo rwe kuri uyu wa Gatanu, binyuze mu muhango gakondo wo kumenyana n'ababyeyi b'umukunzi we.
Uyu washinze Sisimuka Uganda, akaba n'umusesenguzi w'ibijyanye na politiki n'imibereho rusange, bivugwa ko amaze kubona uwo umutima we wifuje igihe kirekire, witwa Patience Mutoni Malaika.
Frank Gashumba azwiho kuvuga neza cyane ku bagore, bityo bivugwa ko yaba amaze kubona uwo yafatanya ubuzima, nk'uko amakuru ari kuzenguruka mu bitangazamakuru by'imyidagaduro abivuga. Nk'uko byatangajwe ku rubuga X n'umunyamakuru w'imyidagaduro uzwi cyane Fred Lumbuye Kajjubi, uyu munsi tariki ya 15 Gicurasi 2025, Frank Gashumba azasurwa n'ababyeyi b'umukunzi we i Sembabule.
Tuzakomeza kubagezaho amakuru mashya uko akomeza kugera ku meza yacu.
Patience Mutoni Malaika.Patience Mutoni Malaika na Frank GashumbaFrank GashumbaFranka Gashumba
Bruno K arateganya ibikorwa by'ubugiraneza n'ishoramari mu mitungo itimukanwa nyuma y'igitaramo cya Ekiboozi
Umuhanzi ukunzwe cyane muri Uganda, Bruno Kiggundu uzwi cyane nka Bruno K, yatangaje umugambi we mushya wo gukoresha inyungu ziturutse mu gitaramo cye cya mbere yise Ekiboozi mu bikorwa by'ubugiraneza ndetse no mu ishoramari mu mitungo itimukanwa. Iki gitaramo kitezweho byinshi kizaririmbwa ku wa Gatandatu tariki 17 Gicurasi 2025 muri Freedom City, kikaba cyarateguwe nk'uburyo bwo gushimira abafana ndetse no gutangira inzira nshya mu muziki wa Bruno K.
Impinduka nshya mu buzima bwa Bruno K
Bruno K, umaze imyaka itari mike mu ruganda rw'umuziki wa Uganda, ariko akagenda yigarurira imitima ya benshi buhoro buhoro, avuga ko ageze mu gihe cyo gutekereza ku hazaza he mu buryo burambye. Nyuma yo guha umubyeyi we inzu nshya no kwigurira imodoka nshya, Bruno K avuga ko igihe kigeze ngo atere indi ntambwe ikomeye.
'Ndashaka gutangira ishoramari mu mitungo itimukanwa. Hari imishinga mike mfite isanzwe, ariko nshaka kongeraho ibikorwa bijyanye n'ubucuruzi bw'inzu n'ibibanza. Ndatekereza ko ari uburyo bwo kugira ahazaza hizewe, ndetse byanamara igihe kirekire,' â” uko Bruno K yabitangaje.
Kuri ubu, Bruno K ari gukorana n'ubuyobozi bushya burangajwe imbere na Manager Roger, umwe mu bantu bazwiho gufasha abahanzi guhindura imikorere yabo bakagera ku rwego mpuzamahanga. Ubufatanye bwabo bwitezweho kongera ingufu mu bikorwa bya Bruno K haba mu muziki no mu zindi gahunda z'iterambere.
Ubugiraneza nka kimwe mu byihutirwa
Uretse ishoramari Bruno K yifuza gutangiza, yavuze ko afite umushinga wo gufasha abana baturuka mu bice by'akajagari (ghetto) aho atanga urugero rwa Kinubbi, hamwe mu hantu yagiye agirira ibikorwa by'ubugiraneza.
'Mu buzima bwanjye, nabayeho ntorohewe. Nzi neza uko ubuzima bwo mu ghetto bumeze. Hari abana benshi badafite amahirwe yo kubona uburezi, kurya neza cyangwa kugira aho baba heza. Nifuza kugira uruhare mu guhindura ubuzima bwabo, nubwo byaba buhoro buhoro,' â” Bruno K.
Yongeyeho ko amafaranga azava mu gitaramo cya Ekiboozi azagabanywa mu buryo bubiri: igice kimwe kigashyirwa mu ishoramari mu mitungo itimukanwa, ikindi kigashorwa mu bikorwa byo gufasha abatishoboye.
'Nzi ko amafaranga atari byose, ariko ni intangiriro yo gutanga umusanzu mu guhindura ubuzima bwa bamwe. Ibi ndabifata nk'inshingano yanjye nk'umuntu wamenyekanye biciye mu bafana batandukanye,' â” Bruno K.
Ekiboozi: Igitaramo cy'ibihe byose kivuye ku bafana
Bruno K yahamije ko izina Ekiboozi ritavuye mu bitekerezo bye, ahubwo ko ryaturutse ku bafana be bamugaragarije urukundo n'inkunga mu rugendo rwe rwa muzika.
'Sinitwe nahimbye Ekiboozi. Ni abafana bange babyihangiye. Bambwiraga bati: 'Bruno, tuguhaye Ekiboozi.' Iri zina ndarikunda kuko rihuje n'ukuri, ni ikimenyetso cy'uko ndiho kubera abafana banjye,' â” Bruno K.
Iki gitaramo kizaba ari amahirwe adasanzwe ku bafana kuko bazabona Bruno K abataramira mu buryo budasanzwe bwa live, azaniye n'abandi bahanzi batandukanye bazamutera ingabo mu bitugu.
Inzozi zo guteza imbere umuziki n'ubuzima bwiza
Bruno K avuga ko adashaka kuba umuhanzi uhora ashingiye gusa ku ndirimbo nshya, ahubwo ko yifuza kuba intangarugero mu muryango nyaruganda ndetse no mu buzima bw'abatishoboye. Gushyira imbere gahunda z'iterambere no gufasha abandi ni imwe mu ntego ze nk'umuhanzi utekereza igihe kirekire.
Kuva yatangira urugendo rwe rwa muzika, Bruno K yakunze kugaragaza ko afite umutima woroshye, akunda ibikorwa by'ubumuntu, ndetse agakunda kwegera abafana be. Ibi byose ni byo byamuteye gutekereza uburyo yahindura ubuzima bwa bamwe mu rubyiruko ruba mu buzima butoroshye.
Gahunda y'igihe kirekire
Nk'uko abivuga, gahunda ye y'igihe kirekire ni ukugira ibikorwa bihamye, byaba ibimwinjiriza amafaranga ndetse n'ibigirira akamaro sosiyete. Avuga ko ishoramari mu mitungo itimukanwa ari kimwe mu bintu bifite umutekano, kandi bishobora gutanga inyungu mu gihe kirekire.
'Iyo wubatse inzu cyangwa ugashora imari mu mitungo itimukanwa, uba wizeye ko n'iyo waba utakiri mu muziki, hari ikindi kintu cyagufasha gukomeza kubaho neza. Si ugutekereza ku nyungu z'uyu munsi gusa, ahubwo ni ugushyira imbere ejo hazaza,' â” Bruno K.
Mu rwego rwo kurushaho guteza imbere iyo mishinga, Bruno K yavuze ko yiteguye gukorana n'abandi bantu bafite umutima wo gufasha, yaba ari abahanzi bagenzi be, abikorera, ndetse n'imiryango itegamiye kuri Leta (NGOs).
'Si ibintu umuntu yakora wenyine. Birakenewe ko dufatanya. Nzasaba inkunga ku bo bizashobokera, ndetse n'undi wese wumva afite icyo yakora kugira ngo iyi mishinga yanjye igerweho,' â” Bruno K.
Mu gihe abahanzi benshi usanga bita cyane ku bikorwa byabo bwite, Bruno K avuga ko we yifuza gutandukana n'iyo myumvire, akerekana ko umuziki ushobora kuba urubuga rwo gutanga impinduka nziza muri sosiyete.
Ubutumwa bwe ku bafana n'abaturage ba Uganda
Mu butumwa bwe, Bruno K yasabye abafana be gukomeza kumushyigikira, bityo nawe akaba yajya abasha gukora ibikorwa bifite umumaro urenze umuziki.
'Ndi hano kubera mwebwe. Abafana banjye ni bo bampaye imbaraga zo kugera aho ngeze. Ndasaba ko dukomeza kubana muri uru rugendo, kuko intego yanjye si ukubashimisha gusa mu ndirimbo, ahubwo no kubagira igice cy'impinduka nziza mu buzima,' â” Bruno K.
Iki gitaramo cya Ekiboozi kikaba gifite icyizere cy'uko kizitabirwa n'abantu benshi, by'umwihariko kubera ko kiganjemo intego irenze ibyishimo, ahubwo harimo no gutangiza urugendo rushya rwo gufasha no guteza imbere igihugu biciye mu bikorwa bifatika.
Sean 'Diddy' Combs arakomeje kuburanishwa: Cassie Ventura ategerejwe ku ntebe y'abatangabuhamya saa 3:30 za mu gitondo ku wa Gatanu mu rubanza rw'icuruzwa ry'abantu
Urubanza rw'umuhanzi w'icyamamare muri Hip-hop Sean 'Diddy' Combs rukomeje mu rukiko rwa Leta Zunze Ubumwe za Amerika ruri i Manhattan, aho abashinjacyaha bo ku rwego rw'igihugu bamushinja guhatira abagore batandukanye, barimo n'uwahoze ari umukunzi we Cassie Ventura, kwitabira ibyo bise 'freak offs'â”ibyiganano by'ubusambanyi bishingiye ku biyobyabwenge byajyaga bimara iminsi.
Cassie Ventura, wigeze gukundana na Combs, yongeye kwicara ku ntebe y'abatangabuhamya ku wa Kane ubwo urubanza rwakomezaga, aho yambazwaga n'abanyamategeko b'uregwa mu kibazo cyo kumusubiramo. Biteganyijwe ko ayo mabazwa azakomeza ku wa Gatanu saa 3:30 za mu gitondo ku isaha yo muri Amerika y'Uburasirazuba (ET), nyuma yaho ubushinjacyaha bukazahabwa iminota igera kuri 30 yo kubaza Ventura ibibazo by'inyongera.
Uyu mugabo w'imyaka 55 ahanganye n'ibyaha bikomeye birimo icuruzwa ry'abantu ku mpamvu z'ubusambanyi, kwifatanya n'agatsiko k'iterabwoba no gutwara abantu bagamije kubashora mu busambanyi. Abashinjacyaha bavuga ko mu myaka myinshi ishize Combs yakoresheje iterabwoba, ibiyobyabwenge, intwaro, gushimuta no gutwika kugira ngo ahishe ibyo byaha, akabyifashisha mu buzima bwe nk'umushoramari ukomeye mu muziki.
Ku wa Kane, abunganira Combs bazanye ubutumwa bugera mu magana hagati ye na Ventura, aho bagaragaje ko Ventura yajyaga yitabira izo 'freak offs' ku bushake bwe, ndetse rimwe na rimwe ari na we uzitegura.
Ubuhamya buteye ubwoba: Umwami wa Hip-Hop aregwa guhatira abagore kwinjira mu mibonano mpuzabitsina ishingiye ku biyobyabwenge, gukoresha iterabwoba n'ibikorwa by'ubugizi bwa nabiâ”Ubu Cassie arimo kuvuga byose mu rukiko atwite inda y'amezi 8.
Ventura amaze iminsi itatu atanga ubuhamya aho yavuze ko imyaka igera ku 10 yamaze ari kumwe na Combs yaranzwe cyane n'ihohoterwa rishingiye ku mibonano mpuzabitsina ndetse n'iyindi myitwarire igayitse, agaragaza mu buryo burambuye uko ibyo byiganano by'ubusambanyi byamaraga iminsi birangiye akigunga. Abagize akanama nkemurampaka berekanywe na videwo yo mu 2016 igaragaza Combs akubita, akandagira, akanikubita Ventura mu muryango w'amahoteli i Los Angeles.
Combs yaramaze kwiregura avuga ko atemera ibyaha ashinjwa. Aramutse ahamwe n'ibi byaha, ashobora gukatirwa igifungo cya burundu. Kugeza ubu ari mu buroko i Brooklyn nta ngwate yemerewe. Akanama nkemurampaka kagizwe n'abantu 12 bo mu mujyi wa New York n'abandi 6 b'abasimbura, niko kazafata umwanzuro. Biteganyijwe ko uru rubanza ruzamara nibura ibyumweru 8.
Uru rubanza rwatangiye umunsi wa kane: Abunganira Combs bazakomeza kubaza Cassie Ventura ibibazo ku wa Gatanu
Umunsi wa mbere w'uko abunganira Sean Combs babaza Cassie Ventura warangiye, aho byemejwe ko ibyo bibazo bizakomeza ku wa Gatanu saa 3:30 za mu gitondo (ET). Mu minsi ibiri ishize, Ventura yavuze ko Combs yamuhohoteraga ku mubiri no ku gitsina ndetse akamukoresha iterabwoba ryifashishije amashusho y'ubusambanyi.
Kuri uyu wa Kane, abunganira Combs bashyize ahagaragara ubutumwa bwinshi bagendaga bohererezanya hagati ya Combs na Ventura, burimo n'ubwerekeye izo 'freak offs' n'ibiyobyabwenge. Abunganira Combs bavuze mu gutangira urubanza ku wa Mbere ko nubwo Combs ashobora kuba yarakoresheje ihohoterwa ryo mu rugo ndetse akaba yaragiraga imibanire idasanzwe mu mibonano mpuzabitsina, atari akwiriye guhamwa n'icyaha cy'icuruzwa ry'abantu cyangwa kwifatanya n'agatsiko k'iterabwoba.
Umucamanza Arun Subramanian yabwiye abunganira Combs ko bakwiye kurangiza ayo mabazwa ku wa Gatanu kugira ngo Ventura, ubu utwite inda y'amezi umunani, atazongera kugaruka mu rukiko. Umwunganizi wa Combs, Marc Agnifilo, yavuze ko bazagerageza uko bashoboye kugira ngo ayo mabazwa arangire uwo munsi.
Ubushinjacyaha bwatangaje ko bumaze kurangiza kubaza Ventura, buzafata iminota 30 yo kumubaza ibibazo by'inyongera. Banatangaje ko umutangabuhamya ukurikiyeho ari Dawn Richard, wahoze mu itsinda rya Danity Kane ryatangijwe na Combs mu kiganiro cya MTV, akaba yaranamushinje kumukorera ihohoterwa rishingiye ku gitsina ndetse no kumutera ubwoba. Richard kandi yavuze ko yabonye Combs akubita Ventura.
Abunganira Combs bakomeje kwibanda ku butumwa hagati ya Ventura na Combs mbere y'ibikorwa byo kumukubita muri hoteli mu 2016
Umwunganizi wa Combs, Anna Estevao, yakomeje gusoma ubutumwa Ventura na Combs bohererezanyije mu ntangiriro za Werurwe 2016. Yakomeje kugaragaza ko ubwo butumwa bwashushanyaga ko Ventura ari we wari wateguye ibyo bikorwa. Mu rugero rumwe, ubwo baganiraga ku byo Ventura yari ateganyije gukora n'inshuti ze, Ventura yandikiye Combs ati: 'Twararyoherwa, sinshaka ko wibwira ko ntabishaka.' Estevao yavuze ko ibyo byerekana ko Ventura ari we wasabaga 'freak off.'
Ariko Ventura yavuze ko iyo umaze igihe kirekire uri kumwe n'umuntu, uba uzi icyo ashaka kuvuga mu butumwa bwe nubwo atabivuze mu magambo asobanutse, bityo ko ubwo Combs yamubazaga kenshi icyo ateganya nijoro, yari azi ko ari ukumusaba 'freak off' atabivuze mu magambo asobanutse. Ventura yongeyeho ko yemeye kujya muri 'freak off' kugira ngo abirangize vuba ndetse ahaze Combs, atamwangiriza umuhango yari ateganyije ku wa 7 Werurwe 2016 aho yagombaga gutangiza filime nshya.
Ku isaha ya saa 16h00' ni bwo aya makamyo yari ahagurutse ku Murenge wa Rugerero ho mu Karere ka Rubavu, aho saa Kumi n'Ebyiri z'Umugoroba yari yinjiye mu mujyi wa Musanze, nyuma yo kumara hafi iminota 15 ku Murenge wa Busogo arimo kurindana, ngo agendere hamwe.
Aya makamyo yari akoze umurongo muremure, yavuye mu Mujyi wa Goma, akomereza mu muhanda wa Rubavu-Musanze-Kigali, mbere yo kwinjira muri Tanzania anyuze ku mupaka wa Rusumo. Byagaragaraye ko yari menshi kurenza aherutse gucyura ibindi bikoresho.
Iki ni icyiciro cya gatanu cy'ibikoresho bya SAMIDRC bicyuwe binyujijwe mu Rwanda. Ibya mbere byacyuwe tariki ya 29 Mata, biherekejwe n'abasirikare bake.
SAMIDRC yatangiye ubutumwa mu Ukuboza 2023. Yari igizwe n'abasirikare ba Afurika y'Epfo, Tanzania na Malawi.
Yahagaritswe n'inama y'Abakuru b'ibihugu bigize Umuryango wa Afurika y'Amajyepfo tariki ya 13 Werurwe mu rwego rwo gushyigikira ibiganiro bya Politiki bigamije amahoro mu karere.
Ibikoresho by’ingabo za SADC binyuzwa mu Rwanda biherekejwe n’abasirikare bake
