Blog

Ibi bikorwa Ambasaderi Vrooman yabikoze ku wa 13 Kamena 2021 ubwo hizihizwaga Umunsi mpuzamahanga wo kuzirikana imibereho y'abafite ubumuga bw'uruhu.

Kuri uyu munsi Peter Vrooman yifatanije n'abafite ubumuga bw'uruhu mu bikorwa bitandukanye, bigamije ubuvugizi ku bibazo bahura nabyo, ndetse n'uruhare umuryango ubavuganira witwa OIPPA ufite mu kumenyekanisha ibibazo byabo.

Kuri uyu munsi kandi Ambasaderi Vrooman yahaye inkunga y'ibiribwa imiryango 150 y'abafite ubumuga bw'uruhu, irimo 65 yo mu Mujyi wa Kigali, 45 y'i Musanze na 40 y'i Rutsiro.

Iki gikorwa kikaba cyateguwe mu rwego rwo kwifatanya n'abafite ubumuga bw'uruhu bafashwa kutigunga muri ibi bihe bya COVID-19, aho abantu benshi batemerwe guhura ngo basabane.

Ambasaderi Vrooman yavuze ko abafite ubumuga bagihura n'ibibazo byo guhezwa.

Ati “Kuba ufite ubumuga bw'uruhu bishobora kuba intandaro yo guhezwa mu bihugu byinshi, harimo n'icyanjye. Hano mu Rwanda, hari abantu benshi b'intwari bahagurukiye kurwanya ihezwa ndetse n'ivagura.”

Mu 2014, Inteko rusange y'Umuryango w'Abibumbye yemeje ko tariki ya 13 Kamena ari umunsi ngarukamwaka mu wo kuzirikana imibereho y'abafite ubumuga bw'uruhu.
Insanganyamatsiko y'uyu mwaka igira iti “Imbaraga dufite zirenze ibibazo twahura na byo byose.”

Ambasaderi wa Leta Zunze Ubumwe z’Amerika mu Rwanda, Peter Vrooman yifatanyije n’imiryango y’abafite ubumuga bw’uruhu

Iyi miryango yagenewe ibyo kurya mu rwego rwo kuyigoboka muri ibi bihe bya COVID-19

Ibi yabishingiye ku kuba nta mategeko yihariye ashyirwa ku banyamahanga igihe baje gushora imari mu Rwanda, by'umwihariko abo mu bihugu byo mu miryango ya Afurika Yunze Ubumwe, Francophonie ndetse na Commonwealth bahabwa Visa bakigera mu Rwanda.

Mu kiganiro na Kapital Afrik, Barigye, yagarutse ku mahirwe y'ishoramari ari mu Rwanda n'uburyo amarembo afunguye hatitawe ku gihugu umuntu yaba aturutsemo icyo ari cyo cyose.

Ni ingamba igihugu cyafashe mu rwego rwo gukurura abashoramari mpuzamahanga.
Ati “Turashaka kwereka abashoramari mpuzamahanga amahirwe ari mu bihugu bitandukanye bya Afurika. Turashaka guhuza ba rwiyemezamirimo b'Abanyafurika n'abashoramari bo hirya no hino ku isi.”

Yongeyeho ati 'Ikirenze kuri ibyo, turi gushyiraho gahunda zireshya abashoramari ku butaka bw'u Rwanda zirimo gushyiraho uburyo bwo kwimurira ibikorwa byabo mu bihugu baturutsemo nta mananiza abayeho kuba bafungura ibikorwa by'ubucuruzi birenze kimwe atari mu Rwanda gusa ahubwo no muri Afurika muri rusange.”

Barigye yavuze ko Afurika ikeneye kongera umubare w'ahantu hakorerwa ubucuruzi bwagutse kuko ifite imijyi itarenze itanu ifite ubwo bushobozi, nyamara ituwe na miliyari 1,2 mu gihe u Burayi butuwe na miliyoni zirenga 700 bufite iyo mijyi irenga 20.

Yavuze ko Rwanda Finance iri muri iyo gahunda izatuma u Rwanda ruba izingiro ry'ibikorwa by'ishoramari ku mugabane wa Afurika binyuze mu Kigo 'Kigali International Finance Center (KIFC)' kandi ko hari icyizere cy'uko ibi bizagerwaho bitewe n'Isoko Rusange rya Afurika (AfCFTA) rizongera ubucuruzi kuri uyu mugabane.

Ati 'Afurika ikeneye ibigo by'imari bifasha ishoramari ndetse n'ubucuruzi. Icyo KIFC igamije ni ukureba uko yakorana n'ibigo by'imari bisanzwe biriho muri Afurika kugira ngo tubashe gutanga ibyo ishoromari rikeneye.'

Urwego rw'Igihugu rw'iterambere, RDB, rwatangaje ko kubera icyorezo cya Covid-19, ishoramari mu Rwanda ryagabanutseho 47.1% mu 2020 ugereranyije na 2019.

Guverinoma y 'u Rwanda ifite intego yo guhanga imirimo mishya 214.000 buri mwaka mu rwego rwo kubonera urubyiruko imirimo yo gukora rukazamura ubukungu bwarwo n'ubwigihugu muri rusange.

Umuyobozi Mukuru wa RFL, Nick Barigye, yavuze ko u Rwanda rufunguye amarembo kuri buri wese wifuza kurushoramo imari

Mu mpamvu nyinshi zatuma umukristo akwiye gusengera igihugu cye, gakondo ye, ingobyi imuhetse harimo 5 z’ingenzi tugiye kugarukaho muri iyi nyigisho.

Igihugu n’abayobozi bacyo nibo Imana idusaba guheraho dusenga: Ibi tugomba kubikora mbere y’uko dusengera ibyifuzo byacu

“Irya mbere ya byose ndaguhugurira kwingingira abantu bose, no kubasengera no kubasabira no kubashimira, ariko cyane cyane abami n’abatware bose kugira ngo duhore mu mahoro tutabona ibyago, twubaha Imana kandi twitonda rwose.” 1Timoteyo 2:1-2

Igihugu cyawe niyo gakondo yawe mu Isi: Iyo isenyutse uhinduka umunyamahanga n’ubwo waba uri umuyobozi ahandi, n’ubwo waba uri umuherwe. Urugero: Yozefu yabaye Ministri w’Intebe muri Egiputa ariko ntibyamugize umunyamisiri. Ahandi uratembera ariko iwanyu urisanzura, urishyira-ukizana.

Mu gihugu cyawe ni hamwe mu hantu ha mbere umugisha Imana iguha wuzurira: Umugisha wose utabimburiwe no kugira iwanyu uba ubuzemo ikintu kinini.

Niho ibyishimo by’umuntu byuzurira: “Twicaraga ku migezi y’i Babuloni, Tukarira twibutse i Siyoni. Ku biti bimera iruhande rw’amazi yo hagati y’i Babuloni, Twari tumanitseho inanga zacu. Kuko abatujyanye ho iminyago badushakiragaho indirimbo aho hantu, Abatunyaze badushakagaho ibyishimo bati 'Nimuturirimbire ku ndirimbo z’i Siyoni.' Zaburi 137:1-4

Gusengera igihugu bisibiza ibyago byari kukibaho, Cyangwa ibyo byago bigakurwaho burundu : ‘Maze abantu banjye bitiriwe izina ryanjye nibicisha bugufi bagasenga, bagashaka mu maso hanjye bagahindukira bakareka ingeso zabo mbi, nanjye nzumva ndi mu ijuru mbababarire igicumuro cyabo, mbakirize igihugu.” 2Ingoma 7:14

Ndagukangurira gusengera igihugu cyawe ubigize intego, kandi ushyizeho umwete. Past Fidèle MASENGO uyobora Foursquare Church, niwe waduteguriye iyi nyigiso.

Source: Amasezerano.com

[email protected]

Umuhanzikazi nyarwanda wigaruriye imitima ya benshi, Butera Knowless yamaze gushyira Album ye ya gatanu ku isoko yise ‘Inzora’ yitiriye umwana we aheruka kubyara, iriho indirimbo 11.

Mu ndirimbo 11 ziri kuri iyi album harimo indirimbo 2 yakoranye n’abahanzi bo hanze y’u Rwanda, 'Bado’ yakoranye na Ykee Benda na Up yakoranye na Navio.

Uyu muhanzikazi mu Rwanda yifashishije abahanzi nka Social Mula, King James, Nel Ngabo, Platini, Aline Gahongayire, Tom Close na Igor Mabano.

Iyi album ya Knowless ikaba iboneka ku mbuga zisanzwe zimenyereweho gucuruza umuziki nka Amazon, dezeer, Apple.com n’izindi, ikaba igura amadorali 5.99 bivuze amafaranga y’u Rwanda 6045. Mu gihe waba ushaka kugura imwe imwe wisyura amadorali 1.29.

Mu ndirimbo ziri kuri iyi Album, zose zari zitarasohoka uretse 'Nyigisha’ na 'Papa’.

Butera Knowless yamaze gushyira Album ya 5 ku isoko

Uyu munsi n’ejo hashize ku Cyumweru tariki ya 13 Kamena, hakinwaga imikino y’umunsi wa 4 wa shampiyona mu cyiciro cy’amakipe ahatanira igikombe n’arwana no kutamanuka, APR FC na AS Kigali zikomeje gukubana ni mu gihe Gasogi United bikomeje kutagenda neza.

Ku munsi w’ejo hakinwe imikino yose y’amakipe ahatanira igikombe, n’ibiri mu cyiciro cy’amakipe arwana no kutamanuka.

Mu cyiciro cy’amakipe 8 ahatanira ikigikombe, AS Kigali yakiriye Espoir FC i Muhanga iyihatsindira ibitego 4-0 harimo 2 bya Hakizimana Muhadjiri, Shabani Hussein Tchabalala na Biramahire Abeddy.

APR FC kuri Stade Huye yari yakiriye ikipe ya Police FC, ni umukino benshi bakekaga ko utari buze korohera amakipe yombi, APR FC yaje kuwutsinda biyoroheye ibitego 3-0, kimwe cya Omborenga Fitina na 2 bya Mugunga Yves.

Rayon Sports nayo yaje gutsikira i Rubavu aho yari yasuye Marines FC, amakipe yose yanganyije 1-1, Rayon Sports yatsindiwe na Nishimwe Blaise, Marines itsindirwa na Ngabo Mucyo Fred.

Muri iki cyiciro AS Kigali ni iya mbere n’amanota 10 izigamye ibitego 8, APR FC nayo ifite 10 izigamye ibitego 7, Rayon Sports ifite 5, Police FC 4, Marines 4, Bugesera 4, Espoir FC 4 na Rutsiro 2.

AS Kigali yihereranye Espoir FC

APR FC nayo nta kosa yakoze imbere ya Police FC

Mu cyiciro cy’amakipe arwana no kutamanuka, ejo Kiyovu Sports yatsinze Gorilla FC 1-0 cya Saba Robert ni mu gihe Musanze yakiriye Mukura VS inayitsinda 1-0 cya Mwiseneza Danny.

Uyu munsi nibwo imikino yo muri iki cyiciro yakomeje, Sunrise FC yari itarabona amanota 3 yuzuye, yakiriye AS Muhanga kuri Golgotha Stadium inayihanyagirira 4-1. Ibitego bya Sunrise byatsinze na Yafesi Mubiru watsinze 2, Hood Kawesa atsinda 1 na Mudeyi Suleiman watsinze 1. Igitego cya AS Muhanga cyatsinzwe na Idrissa.

Gasogi United nyuma yo kunganya na Sunrise FC, uyu munsi yari yakiriye Etincelles FC. Iyi kipe yaje gutungurwa itsindwa na Etincelles 2-0 bya Muganza Isaac na Itangishaka Ibrahim.

Iki cyiciro kiyobowe na Kiyovu Sports ifite amanota 9 n’ibitego 5 izigamye, Musanze nayo ifite 9 izigamye 2, Gorilla FC ifite amanota 7, Etincelles ifite amanota, Sunrise FC ifite amanota 5, Gasogi United ifite 5, Mukura VS ifite amanota 4 mu gihe AS Muhanga ifite 0.

Gasogi United yongeye gutakaza

Uyu mukobwa wiga muri Makerere University muri Uganda, yabwiye Ikinyamakuru Campus Bee cyo muri Uganda ko uwari umukunzi we yamwizeye akamuha buri kimwe cyose yamusabaga ndetse n’ariya mashusho yamugaragazaga ubwambure.

Icyakora ngo uwo musore yaramutengushye none amashusho ye yambaye ubusa yayasakaje ku mbuga nkoranyambaga none ikimwaro gikomeje kumubera umutwaro.

Uyu munya-Ugandakazi avuga ko ubu afite ipfunwe n’ikimwaro bidasanzwe nyuma y’uko amashusho amugaragaza yambaye uko yavutse yakwirakwiye ku mbuga nkoranyambaga.

Avuga ko ubwo ababyeyi be bamubazaga iby’ariya mashusho, byamugizeho ingaruka ku buryo yanaraye mu gasozi.

Agaruka kuri ubu buhemu yakorewe n’uwahoze ari umukunzi we, yagize ati 'Nta kindi yabikoreye ni uko nahisemo ko dushyira iherezo ku rukundo rwacu, yahise afata video ayishyira ku mbuga nkoranyambaga.'

Yanagiriye inama abakobwa gushishoza ku buryo batapfa koherereza uwo babonye wese amashusho abagaragaraza bambaye ubusa kabone nubwo yaba ari umusare bakundana kuko igihe urukundo rwabo rurangiye bishobora ubagiraho ingarua.