Blog

Els Van Hoof asanzwe ari umwe mu bagize Inteko Ishinga Amategeko y'u Bubiligi umutwe w'Abadepite.

Kuva Rusesabagina yatabwa muri yombi uyu mugore wanabaye Senateri yakunze kumvikana avuga ko akwiye guhabwa ubutabera bukwiye ndetse Igihugu cye kigakora ibishoboka byose kugira ngo arekurwe.

Ku wa 8 Kamena 2021, abinyujije kuri Twitter, Els Van Hoof yavuze ko Komisiyo ishinzwe ububanyi n'amahanga mu Bubiligi yafashe umwanzuro wo kumushyigikira ku cyemezo cye cyo gusaba ko Rusesabagina arekurwa.

Yagize Ati “Komisiyo Ishinzwe ububanyi n'amahanga y'u Bubiligi yemeye umwanzuro wanjye wamagana gushimutwa n'iburanishwa ritanyuze mu mucyo rya Paul Rusesabagina no gusaba Guverinoma y'u Bubiligi ko yatangira gusaba ko asubizwa mu gihugu cye binyuze mu biganiro n'u Rwanda.”

Ubu butumwa, Els Van Hoof yabusoresheje intero igira iti 'murekure Rusesabagina', ubundi anamenyesha (tagging) umukobwa w'uyu mugabo witwa Carine Kanimba.

Ubu butumwa bwa Els Van Hoof bwamaganwe n'Abanyarwanda batandukanye barimo na Ambasaderi Valentine Rugwabiza, wavuze ko gushyira igitutu ku butabera ari ibintu bitihanganirwa.

Ati “Igitutu ku bwigenge bw'ubutabera buri gihe ni ibintu bitemewe. Nta myitwarire iboneye iri mu cy'uhagarariye igihugu kitarasubiza iryinyo, igice cyonyine gisigaye cya Minisitiri w'Intebe wishwe ku manywa y'ihangu, kimwe mu byaha bitaratangwaho ubutabera. Irondaruhu ntiryihishira!”

Pressure on the Independence of Justice is always unwarranted.
It lacks minimun moral decency from a representative of a country yet to return a “tooth”, the only left remain of a Prime Minister assassinated in daylight, one of many crimes yet to face Justice. Racism can’t hide! https://t.co/PFwKfMRKhI

— Valentine Rugwabiza (@VRugwabiza) June 15, 2021

Ku wa 17 Mutarama mu 1961 nibwo Patrice Lumumba afatiwe anicirwa i Katanga n'abapolisi b'Ababiligi batwitse umurambo we bakoresheje acide.

Umuryango we kuva mu 2011 wasabye ko wahabwa iryinyo rye, ryabitswe n'umupolisi w'Umubiligi nk'ikimenyetso cy'uwakoze igikorwa gikomeye. Ni mu rubanza barezemo Ababiligi icumi bagize uruhare muri ubwo bwicanyi.

U Bubiligi bwemeye uruhare rwabwo mu iyicwa rya Patrice Lumumba ufatwa nk'intwari ya Afurika na RDC by'umwihariko, ndetse bwemera ko buzasubiza iri ryinyo rye gusa kugeza n'uyu munsi ntibirakorwa.

Muri Nyakanga 2020 nibwo Paul Rusesabagina wari umuyobozi mukuru wa FLN yatawe muri yombi akurikiranyweho ibyaha byo Kurema umutwe w'ingabo utemewe, Kuba mu mutwe w'iterabwoba, Gutera inkunga iterabwoba, Ubwicanyi nk'igikorwa cy'iterabwoba, Itwarwa ry'umuntu ritemewe n'amategeko nk'igikorwa cy'iterabwoba, Kwiba hakoreshejwe intwaro nk'igikorwa cy'iterabwoba, Gutwikira undi ku bushake, inyubako, ibigenewe gutwara abantu cyangwa ibintu nk'igikorwa cy'iterabwoba, Ubwinjiracyaha bw'ubwicanyi nk'igikorwa cy'iterabwoba no Gukubita no gukomeretsa ku bushake nk'igikorwa cy'iterabwoba.

Kuva imiryango itandukanye yakunze kugaragaza ko itizeye ko azahabwa ubutabera bukwiye ndetse imwe igasaba ko arekurwa, gusa Leta y'u Rwanda nayo ntiyahwemye kugaragaza ko abo bose bakwiye gutegereza umwanzuro uzafatwa n'urukiko.

Valentine Rugwabiza yavuze ko gushyira igitutu ku butabera bw’u Rwanda ari ibintu bidakwiye kwihanganirwa

Byatangiye Seyi Shey yasanze Tiwa Savage mu nzu itunganya imisatsi ‘Salon de Coiffure’ y’abagore ajya kumusuhuza, Tiwa Savage amwuka inabi amubwira ko adakunda uburyarya.

Abatari bacye babonye amashusho ntibigeze babitindaho cyane. Babifashe ko iri iteranamagambo risanzwe ry’abahanzi n'ubwo bifite ukuri ariko inkomoko yabyo ntiyigeze imenyekana.

Inkomoko y’uru rwango rw’aba bagore ihera mu 2019 inagarukamo undi muhanzikazi w’umunya-Kenyakazi witwa Victor Kimana.

Seyi Shey na Victor Kimana basubiyemo indirimbo F…You (Twirinze kwandika izina ryayo ryose) ya Kizz Daniel mu buryo bayisubiyemo, ababikurikiye neza bumvise ko rwari urugamba n’ihangana ryagutse bari batagije kuri Tiwa Savage.

Nk’urugero hari aho Seyi Shey yaririmbye ati “Uvuga ko ndi Murumuna wawe ariko ukitambika inzira zanjye zose zanyinjiza mu bitaramo, ubu noneho urashaka no kuntwara umukunzi wanjye.' Abakurikiye neza barabyumvise ko ari Tiwa Savage yabwiraga kandi na Tiwa yarabyumvise ko ari we.

Tugarutse kuri Victor Kimana we binavugwa ko hari igihe yigeze kujya muri gahunda yo gusibisha indirimbo za Tiwa Savage ku Radio zo muri Kenya.

Muri iyo ndirimbo hari aho agira ati 'Ukomeza kwiyita umukobwa urenze kandi dore ugiye kugeza imyaka mirongo ine n'itanu. Muri uyu muziki ntacyo ugicuruzamo uretse umubiri wawe.' Mu buryo butaziguye byarumvikanye ko nawe ari Tiwa Savage yari yibasiye.

Ubwo yari mu kiganiro na Television yo muri Nigeria abajijwe ku mubano we na Tiwa Savage, Seyi Shey yavuze ati ” Noneho nanamenye ko yabuzaga Wizkid kumfasha.'

Ibi byose byagera mu matwi ya Tiwa Savage, n’abanyamakuru bakamutunga ibikoresho by'akazi ngo agire icyo abivuga akaruca akarumiro.

Uyu mwuka mubi wakomeje gututumba hagati y’ibi byamamare gusa Tiwa Savage ntagire icyo abivugaho kugeza ubwo ahuriye na Sey Shey mu nzu itunganya imisatsi y’abagore maze bagakozanyaho mu guterana amagambo.

Seyi Shay yahishuye ko Tiwa Savage yasabye Wizkid kutamufasha mu muziki Tiwa Savage yarahiye avuga ko atigeze atekereza gusubiza inyuma mu muziki Seyi Shay na Victoria Kimani

KANDA HANO UREBE UKO BYARI BIMEZE MURI ‘SALON DE COIFFURE’ UBWO TIWA SAVAGE YASHWANAGA NA SEYI SHEY

“>

Mu minsi micye ishize Police FC iherutse kwandagazwa na APR FC mu mukino wa shampiyona, iyitsinda ibitego 3-0, bituma iyi kipe ya polisi y'igihugu iva muri kuruse y'igikombe cya shampiyona uyu mwaka, ibintu bitashimishije na gato ubuyobozi bw'iyi kipe.

Amakuru Inyarwanda.com ikura mu bari hafi y'iyi kipe avuga ko mu gitondo cyo kuri uyu wa Kabiri tariki ya 15 Kamena 2021, Umutoza mukuru wa Police FC Haringingo Francis, Claude Rwaka wari umwungirije na Jean Paul Niyintunze “Rambura” wari ushinzwe kongerera ingufu abakinnyi, bose bamaze kwakira amabaruwa abahagarika ku kazi by'agateganyo kubera umusaruro mubi.

Haringingo Francis yahagaritswe iminsi 7, mu gihe amasezerano y’umutoza Rwaka wungirije na Jean Paul wari ushinzwe kongerera ingufu abakinnyi yahagaritswe kugeza imikino itatu ya shampiyona isigaye gukinwa irangiye.

Police FC yashoye amafaranga menshi muri uyu mwaka w'imikino igura abakinnyi batandukanye ifite intego yo kwegukana igikombe cya shampiyona, gusa magingo aya mu gihe habura imikino itatu ngo hamenyekane uwegukanye igikombe cy'uyu mwaka, Police FC iri ku mwanya wa Kane n'amanota 4 ikaba irushwa amanota 6 na APR FC ndetse na AS Kigali ziyoboye urutonde rwa shampiyona.

Haringingo n'abungiriza be bageze muri Police FC mu 2019 bavuye muri Mukura Victoryu Sport yo mu karere ka Huye. Ntiharamenyekana niba Police FC izahita ifata umwanzuro wo kubasezerera burundu cyangwa bazagarurwa mu kazi nyuma y'igihe runaka.

Haringingo yamaze guhagarikwa n’ikipe ya Police FC

Rwaka Claude wungirije Haringingo muri Police FC nawe yahagaritswe

Ibirori bya Mercedes-Benz Fashion Week ni ibirori byamenyekanye cyane biterwa inkunga n'uruganda rukora imodoka rwa Mercedes Benz harimo ibibera muri Ghana, Ububiligi, Turukiya, Amerika, Uburusiya, n'ahandi hatandukanye ku isi.

Mu kiganiro kirambuye na Ndayishimiye Daniel utegura ibirori bya Mercedes-Benz Fashion Week yahaye InyaRwanda.com yavuze ko ubu abiyandikisha byarangiye ahubwo ubu bari kugenda batangaza abemerewe kwitabira ndetse anavuga itariki nyirizina y'ibirori n'impamvu bitazaba mu buryo bwari busanzwe nka mbere kubera ingaruka z'icyorezo cya Covid-19.

Yagize ati ''Ku basaba kwiyandikisha ho byararangiye, ibirori nyirizina bizaba ku itariki 10 Nyakanga 2021 naho abashyitsi batandukanye bakomeye bazaba bari muri ibi birori tuzatangira kubatangaza mu mpera z'iki cyumweru. Ni ibirori bizagaragaramo impinduka bitewe n'ingaruka z'icyorezo cya Covid-19. Danny yavuze ko bizanyura imbonankubone kuri KC2.''

Daniel kandi yavuze ko bari kugenda berekana abatoranyijwe harimo abo batangiye gushyira ku mbuga nkoranyambaga zabo ndetse hari n'abo bari bushyireho uyu munsi kugeza umunsi nyirizina w'ibirori.

Mu mwaka wa 2019 nibwo Ibirori bya Mercedes Benz Fashion Week Kigali byari bibereye mu Rwanda ku nshuro ya mbere, byamurikiwemo imideli itandukanye yiganjemo iyahanzwe n'Abanyarwanda, iyi ikaba ari inshuro ya kabiri bigiye kuba.

U Rwanda rukaba rwarabaye igihugu cya kabiri muri Afurika byari bibereyemo nyuma ya Ghana aho bibera mu Mujyi wa Accra.

Ibi birori ubwo byabaga byabimburiwe no kwifotoza kw'abanyamideli mu myambaro isanzwe (Street Style) mu gikorwa cyabereye hanze ya Kigali Convention Centre mbere y'uko ibirori nyir'izina bitangira gusa abantu bari bemerewe no kubyitabira ariko kuri iyi nshuro bikazaca imbonankubone kuri KC2.

Ndayishimiye Daniel utegura Mercedes-Benz Fashion Week

Nyuma yo gutsindwa na Etincelles 2-0 mu mukino w’umunsi wa 4 w’amakipe ahatanira kutamanuka mu cyiciro cya kabiri, perezida wa Gasogi United, Kakooza Nkuriza Charles[KNC], yarakaye atangaza ko abakinnyi be batazi icyo bashaka ndetse basekeje.

Ku wa Kane w’icyumweru gishize tariki ya 10 Kamena, Gasogi United yanganyije na Sunrise 1-1 i Nyagatare mu mukino w’umunsi wa 3 w’iki cyiciro, ku munsi w’ejo hashize ku wa Mbere ikaba yaratsindiwe mu rugo na Etincelles 2-0.

Ibi byababaje perezida w’iyi kipe uba wiriye akimara kugira ngo buri kimwe kigende neza cyane ko ari mu makipe make ahembera igihe.

Mu kiganiro Rirarashe cyo kuri uyu wa Kabiri kinyura kuri Radio1 abereye umuyobozi, KNC yavuze ko uretse gutsindwa yatunguwe n’imyitwarire y’abakinnyi b’abanyarwanda aho batsindwa ukabona babifashe nk’ibisanzwe nta kintu bibabwiye.

Ati'Ariko njyewe ikintu cyantangaje kuri aba bakinnyi b’abanyarwanda, ntibazi ko umukino mu kibuga ari urugamba nk’urundi? Ukabona abantu batsinzwe barasohoka bisetswaaaa!!! Bari aho ngaho batazi n’ibyo barimo bakina nabyo, uhereye kuri abo bakinnyi bitwa ko ari abakinnyi bakuru ukabona baritwara nk’abana bo mu irerero? Uzi ko ejo nababonye nkabona bararutwa n’abana nigeze kugira mu cyiciro cya kabiri?'

Yakomeje avuga ko bakwiye kureka imikino bakamenya ko ari akazi baba barimo, ngo ntiyumva uburyo bashyirirwaho n’ishimwe ku kazi bakagombye gukora ariko bikabananira.

Ati'Ibi biratangaje, mbibona ku bakinnyi bose b’abanyarwanda, bagomba kumenya ko ibyo barimo barakina ariko ni akazi, niba uzi ko biguhemba, nibo bantu bonyine bashimirwa ko batsinze kandi ari cyo bahemberwa, bivuze ko bashimirwa ko bakoze ibyo bagomba gukora, nabyo byabananiye, uraho uratagangara nk’inka irwaye intandara.'

KNC avuga ko ashengurwa no kuba iyi kipe ibayeho neza kurusha uko we abayeho mu rugo rwe ariko akaba abona ikipe ye isekeje cyane.

Ati'Iyi ni ikipe ibaho kuruta uko mbaho mu rugo iwanjye mu buzima busanzwe, ni ikipe ifite firigo zigera muri 3, iy’inyama z’umweru, iy’inyama z’umutuku n’indi igenewe amata, ndashaka nkubwire ni ikipe aho yagiye hose uvanyemo Muhanga, bafata hoteli ngo birinde kunanirwa.'

'Ni ikipe itajya iraranya ushaka kumbwira ko iyo kipe, ahubwo yararenzwe igera kuri ruriya rwego, ni ikipe igomba kwitekerezaho(…) iyi ni ikipe hari abajya bavuga ngo impfube iyi irenze impube, iyi niyo kipe ya mbere isekeje, ahubwo n’aho baca bajye biseka.'

Kugeza ubu mu cyiciro cy’amakipe arwana no kutamanuka, Gasogi United iri ku mwanya wa 5 n’amanota 5, isigaje imikino 3 uwa Mukura VS, AS Muhanga na Kiyovu Sports, ikaba isabwa kudakora ikosa kuko irebye nabi yahita yisanga imanutse.

KNC yarakajwe n’imyitwarire y’abakinnyi be

Abakinnyi ba Gasogi United ngo babayeho neza ariko barasekeje

Uyu munsi hacicikanye amakuru avuga ko uyu muhanzikazi yambuye miliyoni 1,3 Frw uwitwa Munezero Rosette.

Inyandiko itanga ikirego igaragaza ko uyu Munezero Rosette yambuwe na Knowless Butera ariya mafaranga mu byerekeye ikimina cyo kugurizanya ikitwa Pyramid Schene.

Munezero yanditse agira ati 'Mu by’ukuri ndarega Butera Knowless. Icyo gihe ntanga amafaranga 1 350 000 Frw ni we wari ugezweho gufata, birangiye birapfa, abandi bari kumwe bansubije amafaranga ariko we ntiyigeze anashaka ko twumvikana.'

Butera Knowless yagize icyo avuga kuri ibi ashinjwa, akaba yatangaje ko uriya umushinja kumwambura atamuzi ndetse ko amazina ye ari ubwa mbere ayumvise.

Ati 'Ikindi yavuze ko yampaye amafaranga nkanga kuyamusubiza ubwo niba yaratanze ikirego, yatanze n’ibimenyetso.'

Knowless uheruka kumurika Album ye nshya, avuga ko yiteguye kwitaba RIB 'kugira ngo numve ibyo bintu ibyo ari ari byo nanjye nsobanukirwe. Nanjye nkeneye kugira amakuru arambuye ku kirego.'

Uyu muhanzikazi ufatwa nk’aho ari we wa mbere mu b’igitsinagore baririmba indirimbo za vuba mu Rwanda, avuga ko asanzwe azi buriya buryo bwo guhererekanya amafaranga buzwi nka Pyramid Scheme ariko ko abwumva ku mbuga nkoranyambuga gusa atarabwitabira.

UKWEZI.RW

Impamvu yo kwibaza ku buziranenge bw'ibizaba biri kuri iri soko ni uko ryitezweho kongera inyota yo guhanga udushya ku baturage, ubwiyongere bw'inganda n'ibikorwa bihindura imibereho ya rubanda. Ibi byose ariko bidafite ubuziranenge n'ubundi byaba ari ukuvomera mu rutete.

Mu 1977 nibwo Afurika Yunze Ubumwe yashyizeho Umuryango Nyafurika ushinzwe Ubuziranenge [African Organisation for Standardisation (ARSO)], mu gihe ibihugu bya Afurika byari biri mu nkundura yo kwigobotora ubukoloni, bityo bitekereza uko byakwishyira hamwe mu kubaka ubukungu.

Mu kiganiro cyatambutse kuri RBA, Umuyobozi wa ARSO, Dr Nsengimana Hermogène, yavuze ko mbere uyu muryango wari uhuriyemo ibihugu bibarirwa muri 20, ariko kuva isoko rusange ryatekerezwa ibihugu byahise bishyiraho ingamba zikomeye kugira ngo ibihugu byose bigize AU bibashe kujya mu muryango kugira ngo ubucuruzi hagati y'ibihugu butere imbere.

Avuga ko kugeza ubu hashyizweho politiki ishinzwe ubuziranenge ku rwego rwa Afurika ndetse n'amategeko ashyirwaho kugira ngo ikintu kibashe kwinjira mu gihugu.

Ati 'Ubundi buryo ni ubwo kwemera ikirango, tukavuga ngo ikirango cy'ubuziranenge gitanzwe mu Rwanda, Nigeria, Afurika y'Epfo cyangwa ikindi gihugu bashobora kucyemera? Dufite intego yo kugira ibwiriza, ikirango n'igipimo kimwe, ku buryo abashakashatsi bahurira hamwe na laboratwari zemewe cyangwa zemeranya ku bushobozi bw'igihugu ku kindi.'

Umuyobozi Mukuru w'Ikigo cy'Igihugu gishinzwe Ubuziranenge, RSB, Murenzi Raymond, yavuze ko mu Rwanda hamaze kuboneka ibicuruzwa bigera kuri 700 bimaze kubona ibirango by'ubuziranenge ku buryo byacuruzwa ku isoko rya Afurika.

Ati 'Ibyo rero biduha icyizere ko bishobora no kwiyongera, uko inganda zikomeza kwiyongera, uko abantu benshi bakomeza kujya mu bucuruzi, bitwereka ko ibyo bicuruzwa bigenda byiyongera kandi n'ababikeneye bakiyongera.'

Murenzi yavuze ko ubu ingamba ziriho ari ugukomeza gukora amabwiriza ahamye y'ubuziranenge kandi ari mpuzamahanga ndetse no gushyira imbaraga mu kugira ngo ibicuruzwa byose bijye byinjira mu gihugu runaka habanje kubaho ubugenzuzi bwo kureba niba byujuje ubuziranenge.

Ubusanzwe ibigo bishinzwe kugenzura ubuziranenge muri Afurika bikorana hagendewe ku itegeko rigenga ubuziranenge riba ryarashyizweho ari naryo rigena uburyo ubuziranenge bugenzurwa, ibirango by'ubuziranenge ku buryo igicuruzwa kivuye mu gihugu kimwe kijya mu kindi ari uko ubuziranenge bw'aho cyaturutse bwamaze kubyemeza.

Mu bindi bihugu bidasanzwe bifitanye ayo masezerano cyangwa bitabarizwa muri uwo muryango, bigerayo hakabanza kubaho kugenzura ubuziranenge, bikongera bigasubira muri za laboratwari zipima ubuziranenge n'ibindi bituma habaho ubukererwe n'amananiza.

Murenzi ati 'Ibyo rero bituma koroshya ubucuruzi bitaba bishoboka, bituma n'ikiguzi cyo gukora ubucuruzi kiyongera.'

RSB ivuga ko kugeza ubu laboratwari zayo zamaze kubona ibirango by'ubuziranenge mpuzamahanga ku buryo uwahawe serivisi nazo ibicuruzwa yajyana mu gihugu icyo aricyo cyose cyaba icyo muri Afurika, i Burayi na Amerika.

Murenzi ati 'Turi kubaka ubushobozi kugira ngo ikigo cyacu kibe cyabasha gutanga serivisi inoze kandi yemerwa n'ibihugu byose ku Isi, uyu munsi navuga ko laboratwari zacu zamaze kubona ibirango by'ubuziranenge mpuzamahanga ku buryo uwo twafashije igicuruzwa cye cyajya mu bihugu byose kikemerwa.'

Yakomeje agira ati 'Yaba ari za laboratwari zacu zamaze kubona ibirango mpuzamahanga, zaba ari serivisi zo gusuzuma ubuziranenge nazo zamaze kubona ibirango mpuzahanga ndetse na serivisi zo gukora amabwiriza y'ubuziranenge ku buryo uyu munsi twizeye neza ko aho igicuruzwa cy'u Rwanda cyakenera kujya cyagenda kikahagera kandi gifite icyizere cy'uko kigomba kwemerwa.'

Made in Africa?

Imwe mu ntego zo gushyiraho Isoko Rusange rya Afurika, ni ukuvanaho igisebo ku Mugabane wa Afurika ukorana ubucuruzi n'indi migabane kurusha uko ukorana ubucuruzi hagati yawo. Ibi kandi ngo bigomba kujyana no kuba ibicuruzwa bizajya bijyanwa hanze ya Afurika bizaba bifite ikigaragaza ko byakorewe muri Afurika.

Ubuyobozi bw'Umuryango Nyafurika ushinzwe Ubuziranenge muri Afurika, buvuga ko kugeza ubu amabwiriza azagenga ibikorerwa muri Afurika [Made in Africa], bikaba bizatuma abantu bashobora gushora imari muri Afurika kugira ngo ikintu cyabo kizajye kitwa Made in Africa.

Dr Nsengimana ati 'Intego nyamukuru ya Made in Africa ni ukugira ngo inganda zacu zitangire kwikorera ibintu atari ukuvuga gusa ngo ibintu byaturutse hanze. Tutaba ba bantu abandi bazaza bagakoresha Isoko Rusange rya Afurika bagatera imbere aho kugira ngo ibihugu bya Afurika abe aribyo bitera imbere.'

Yakomeje agira ati 'Ni ibintu biguha imbaraga zo kuva ku isoko gusa wari uriho ukavuga ngo iki kintu gifite ubushobozi bwo kujya mu bihugu 55, ariko birerekana kandi ubushobozi bwa Afurika aho guhora tuvuga ko ibikorerwa muri Afurika biri hasi.”

Murenzi avuga ko ibigo byo mu Rwanda bishobora kungukira cyane muri Made in Africa kuko ari politiki yose igamije guteza imbere ibikorerwa mu bihugu bya Afurika.

ARSO ivuga ko kugeza ubu ibiganiro n'ibihugu binyamuryango ku bijyanye na politiki n'amabwiriza ashyiraho Made in Africa ndetse bikaba biteganyijwe ko mu mpera z'uyu mwaka hazaba hamuritswe aya mabwiriza mu gihe ibijyanye n'ikirango cya Made in Africa byo bizakorwa umwaka utaha.

Amasezerano ashyiraho iri soko avuga ko ibicuruzwa 90% bizakurirwaho imisoro mu gihe biri gucuruzwa hagati y'Umugabane wa Afurika kandi byahakorewe, intego igomba kuzaba yagezweho nibura mu 2034.

Icyo gihe, Afurika izaba ituwe na miliyari 1,8 z'abantu, bavuye kuri miliyari 1,3 bariho uyu munsi. Mu gihe rero Isoko rusange rya Afurika rizaba impamo, byitezwe ko rizazahura ubukungu bw'uyu mugabane ndetse rigatanga imirimo irenga miliyoni 100 hirya no hino.

Inganda z’u Rwanda zikomeje kongera ubushobozi buzibashisha gukora ibintu bishobora guhangana ku isoko mpuzamahanga

Ikigereranyo cy’abakobwa icumi Yesu yagaragaje muri uyu mugani, ni indorerwamo buri mukristo wese agomba guhora yireberamo buri kanya kugira ngo agenzure neza niba koko ashoboro kuzataha ubukwe bw’Umwana w’Imana.

'Icyo gihe ubwami bwo mu ijuru buzagereranywa n’abakobwa cumi bajyanye amatabaza yabo, bajya gusanganira umukwe. Ariko muri abo cumi, abatanu bari abapfu, abandi batanu bari abanyabwenge. Abapfu bajyanye amatabaza yabo ntibajyana n’amavuta, ariko abanyabwenge bo bajyana amavuta mu mperezo zabo hamwe n’amatabaza yabo. Umukwe atinze bose barahunikira, barasinzira. 'Ariko nijoro mu gicuku habaho urusaku ngo 'Umukwe araje, nimusohoke mumusanganire!’ Maze ba bakobwa bose barahaguruka baboneza amatabaza yabo.

Abapfu babwira abanyabwenge bati 'Nimuduhe ku mavuta yanyu, kuko amatabaza yacu azima.’ Ariko abanyabwenge barabahakanira bati 'Oya, ntiyadukwira twese, ahubwo nimujye mu bahanjuzi muyigurire.’ Bagiye kugura, umukwe araza, abari biteguye binjirana na we mu bukwe, urugi rurakingwa. 'Hanyuma ba bakobwa bandi na bo baraza, barahamagara bati 'Nyakubahwa, dukingurire.’ Na we arabasubiza ati 'Ndababwira ukuri yuko ntabazi.’ 'Nuko mube maso, kuko mutazi umunsi cyangwa igihe”. Matayo 5:1-13

Nta bucukumbuzi bwimbitse twakoze kuri iyu mugani, icyakora nanone abantu benshi bagiye bawukuramo isomo rikomeye. No mu buzima busanzwe tekereza nawe ubaye umaze igihe witegurira hamwe n’abandi gutaha ubukwe, hanyuma ku munota wa nyuma ukisanga utari mu mubare w’abari butahe ubukwe! Ntabwo muri uyu mugani tubwirwa imyifatire y’abariya bakobwa basigaye, ariko bishoboke ko bagize agahinda kadasanzwe kubwo gusigara.

Ibi rero ni nako ejobundi impanda nivuga bizagendekera bamwe mu bantu bari bazi ko bari mu nzira y’agakiza nyamara bishuka! Aha nta muntu nakwifuriza kuzatungurwa n’impanda kuko biragatsindwa kuzahera mu keregati kuri uwo munsi, aho abari bazi ko umuntu ari umukiranutsi bazisanga hamwe, n’abari bazi ko bari kumwe mu rugendo rujya mu i Juru bababuze( Aha twirinde kuba akazuyazi).

Muri uyu mugani, Yesu yagaragaje ko buri wese yari afite irye tabaza. Uku niko umuntu wese yahamagawe ku giti ke agahabwa agakiza, agasabwa gushaka no gusaba Umwuka Wera ari nawo ugereranywa n’amavuta mu itabaza, kandi Umwuka Wera ninawe uzazamura itorero. Ntibishoboka rero ko umuntu azajya mu i Juru adafite Umwuka Wera(amavuta)

Umupasiteri umwe yagize ati” Ibyiringiro by’itorero ni uko Yesu azagaruka, ni ukuri azaza! Kandi nagira ngo mbibutse ko n’ubwo duhuze, imishinga yacu ntizabuza Yesu kugaruka: Ubukwe bugeze mu marembo impanda ishobora kuvuga, inzu wubatse hasigaye icymweru ngo uyitahemo impanda ishobora kuvuga, umushahara wageze kuri konte impanda ishobora kuvuga. N’umuntu usigaje umunsi umwe ngo abyare impanda ishobora kuvuga! Ibyo ukora byose rero, ujye ubikora uteganya ko n’impanda ishobora kuvuga. Abera bazataha” Pasiteri Habyarimana Desire

Yesu rero yasize abwiye abigishwa be, natwe kandi biratureba ko “Dukwiye kuba maso, kuko tutazi umunsi cyangwa igihe”

Nkwifurije ko wahora wigenzura buri munsi, wiyeza kugira ngo utazatungurwa n’impanda. Bibiliya idukangurira ko dukwiye kurinda ibice bitatu bigize umuntu: Umwuka, ubugingo n’umubiri.

[email protected]