Webrwanda Backend

Blog

  • Umunyarwenya Anne Kansiime yambitswe impeta n'umukunzi we – YEGOB #rwanda #RwOT

    Umunyarwenya ukomeye cyane muri Uganda, Anne Kansiime yambitswe impeta n'umusore baherutse kubyarana imfura akaba n'umuhanzi witwa Abraham Tukahiirwa uzwi nka Skylanta.

    Kuri uyu wa 16 Kamena 2021 nibwo Anne Kansiime yambitswe impeta n'uyu musore baherutse kubyarana umwana wabo w'imfura muri Mata 2021.

    Ni impeta ije nk'ihoza amarira Anne Kansiime wari umaze iminsi mu gahinda ko kubura umubyeyi we witabye Imana mu ntangiriro za Kamena 2021.

    Umukunzi we yamutunguye amwambika impeta nk'isezerano ry'uko bifuza kubana nk'umugore n'umugabo.

    Anne Kansiime nyuma yo kwambikwa iyi mpeta, yijeje umukunzi we ko agiye kumwishyura urukundo amuha.

    Ati 'Mbega isezerano ryiza! Skylanta warakoze kunkunda […] nanjye nkwijeje ko nzagukunda, ntabyo uzi!'

     

    Source : https://yegob.rw/umunyarwenya-anne-kansiime-yambitswe-impeta-numukunzi-we/

  • Polisi iributsa abakoresha umuhanda kurwanya ikwirakwira rya COVID-19 #Rwanda #RwOT via @kigalitoday #rwanda #RwOT

    Ubu bukangurambaga bugamije kubakangurira gukomeza gushyira mu bikorwa ingamba zashyizweho na Leta zigamije kurwanya no gukumira ikwirakwira rya Covid-19, Polisi y’u Rwanda ikabibutsa ko kuzikurikiza ari inshingano za buri muturarwanda.

    Intego y’ubu bukangurambaga ni ukongera kwibutsa abakoresha umuhanda barimo abatwara imodoka, amapikipiki, abatwara ibinyamitende n’abagenda n’amaguru kwambara neza agapfukamunwa nk’uko bikwiye, gukaraba intoki n’isabune n’amazi meza, kugera mu rugo ku masaha yagenwe, kubahiriza guhana intera batwara abagenzi batarenza 50% mu modoka za rusange zitwara abagenzi ndetse n’abatwara imodoka zabo ku giti cyabo bakubahiriza amabwiriza yose ajyanye no kwirinda no kurwanya ikwirakwira rya Covid-19.

    Ubu bukangurambaga bwatangiriye ahantu hatandukanye mu Mujyi wa Kigali aho Assistant Commissioner of Police (ACP) Teddy Ruyenzi umuyobozi wungirije ushinzwe imiyoborere muri iri shami rya Polisi rishinzwe umutekano wo mu muhanda yabutangirije mu Karere ka Nyarugenge mu Murenge wa Muhima ahazwi nko kuri Yamaha,yakanguriye abakoresha umuhanda kubahiriza amabwiriza yose ajyanye no kwirinda no kurwanya ikwirakwira rya Covid-19.

    ACP Ruyenzi aganira n’itangazamakuru yarisobanuriye ko ikigamijwe muri ubu bukangurambaga ari ukwibutsa abakoresha umuhanda ko kubahiriza amabwiriza yo kwirinda no kurwanya Covid-19 ari inshingano zabo.

    Yagize ati “Ni inshingano y’umushoferi ndetse n’undi wese utwaye ikinyabiziga kureba ko uwo atwaye yambaye agapfukamunwa, hashize iminsi tubona ko abantu bakoresha umuhanda basa naho bari baradohotse ku mabwiriza, yego bamwe turabafata tukabahana ariko ni na ngombwa ko dukora ubu bukangurambaga tubibutsa ko kubahiriza aya mabwiriza bibareba.”

    ACP Ruyenzi yakanguriye abamotari ko mbere yo guha umugenzi ingofero yabugenewe bajya babanza kumubwira akambara agatambaro mu mutwe nabo bagatera umuti iyo ngofero kugira ngo bice mikorobe kandi aho bari hose bagahorana uwo muti (hand sanitizer), yabibukije ko mugihe bahagaze bategereje abagenzi bagomba guparika bahanye intera.

    Yakomeje abwira abatwara ibinyabiziga ko umuntu wese urenze kuri aya mabwiriza yo kwirinda no kurwanya ikwirakwira rya Covid-19 acibwa amande angana n’amafaranga y’u Rwanda ibihumbi 25,000frw n’ikinyabiziga cye kigafungwa iminsi itanu.

    Ngarambe Ildephonse umushoferi utwara abagenzi mu Mujyi wa Kigali mu modoka za rusange rusange yavuze ko mbere y’uko ahagurutsa imodoka abanza kugenzura ko abagenzi atwaye bubahirije amabwiriza arimo kwambara agapfukamunwa neza ndetse banahanye intera, ubyanze akamusohora.

    Ngendahimana Emmanuel umugenzi ku maguru waruturutse Rwandex yerekeza mu Mujyi yavuze ko ingamba akoresha mu kurwanya ikwirakwira rya Covid-19 yambara agapfukamunwa neza, agakaraba kenshi n’isabune n’amazi meza yajya gufata ikinyabiziga yaba adafite umuti wabugenewe akabanza kujya gukaraba, yagiriye inama abagenzi muri rusange ko kugira ngo tubashe guhashya iki cyorezo cya Covid-19 abantu bakwiye kubigiramo uruhare bakurikiza amabwiriza yose uko yashyizweho kubera ko iki cyorezo kitacika tudafashe iya mbere mu kwirinda.

    Ubukangurambaga bwabereye ahantu hatandukanye mu turere tugize Umujyi wa Kigali bukaba buzamara icyumweru, aho abapolisi bashinzwe umutekano wo mu muhanda bazakomeza gukangurira abakoresha umuhanda kurwanya ikwirakwira rya Covid-19.

    Ni inkuru dukesha Polisi y’u Rwanda

  • Kansiime yambitswe impeta n’umusore baherutse kubyarana #Rwanda #RwOT via @kigalitoday #rwanda #RwOT

    Abo bombi bamaze igihe kinini bakundana, muri Gicurasi uyu mwaka bibarutse imfura yabo y’umuhungu, ibyo bisa n’aho byongereye imbaraga urukundo rwabo kuko biyemeje kubana akaramata nk’umugabo n’umugore.

    Iyo mpeta Kansiime ayambitswe nyuma yo gushyingura nyina wapfuye mu byumweru bibiri bishize, mu muhango wo kumuherekeza byari ibirori birimo imbyino nk’uko umuryango we wavuze ko bariho bamuherekeza bishimira ubuzima wabayeho.

    Abinyujije ku mbugankoranyambaga ze, Kansiima yagize ati “Isezerano ryiza? Nshobora kuba niboneye uwo tuzafatanya ubuzima mu mikino. Muze mumfashe kwishimira ibi bihe byiza. Skylanta urakoze kunkunda no kumbera ubwihisho, urakoze kwiyemeza kubana n’ubusazi bwanjye. Nanjye ngiye kugukunda”.

  • Abana bafite ubumuga bakiba mu bigo bagiye gushakirwa imiryango barererwamo #Rwanda #RwOT via @kigalitoday #rwanda #RwOT

    Muri ADAR-Tubahoze ubu hari abana bafite ubumuga bwo mu mutwe 23 harimo 18 bafite imiryango izwi
    Muri ADAR-Tubahoze ubu hari abana bafite ubumuga bwo mu mutwe 23 harimo 18 bafite imiryango izwi

    Byatangajwe na Oswald Tuyizere, umuhuzabikorwa wa gahunda yo gufashiriza abafite ubumuga mu miryango mu Nama y’igihugu y’abafite ubumuga, kuri uyu wa 17 Kamena 2021, ubwo yatangirizaga iyo gahunda mu kigo cyita ku bana bafite ubumuga bwo mu mutwe ADAR-Tubahoze, i Huye.

    Iyo gahunda yayitangije nyuma y’uko tariki 31 Gicurasi 2021, Guverinoma y’u Rwanda yemeje politiki y’abantu bafite ubumuga, kandi muri yo hakaba harimo ingingo ivuga ko umwana wese agomba kurererwa mu muryango, ufite ibyo akeneye gufashwa agafashwa, ariko ari mu muryango.

    Tuyizere kandi avuga ko ibi byemejwe nyuma y’uko muri 2013 Leta y’u Rwanda yari yafunze ibigo by’imfubyi, ivuga ko abana bose bakwiye kurererwa mu miryango, ariko abafite ubumuga bo bakabura imiryango ibakira.

    Agira ati “Gahunda yo kurerera Abanyarwanda mu miryango yatangiriye ku bana bari mu bigo by’imfubyi, ariko twasanze hari abana bafite ubumuga basigayeyo, babuze imiryango ibakira kubera kubanena no kuba hari abatekereza ko uwo mwana yamwanduza ibyo bita imyuka mibi, amagini n’ibindi, babaha akato”.

    Nyamara kandi, ngo abana bafite ubumuga na bo baba bakeneye urukundo rwo mu muryango akitabwaho.

    Ati “Gukora icyo gikorwa ni uko tubona iyo umuntu ari mu muryango ari bwo abasha kubona urukundo, abasha kumva ko na we ari umuntu. Ariko n’umuryango wamubyaye ukumva ko umwana agomba kwitabwaho n’umuryango we mbere y’abandi”.

    Biteganyijwe ko ku bufatanye bw’abafite ibigo byita ku bana bafite ubumuga babibamo, n’inama y’igihugu y’abafite ubumuga ndetse n’ikigo gishinzwe imikurire y’umwana no kumurengera, abafite imiryango bazayisubizwamo, n’abatayifite bakazashakirwa ba Marayika murinzi babakira.

    Abo bana kandi bazakomeza gukurikiranwa nk’uko bivugwa n’Umuyobozi w’Akarere ka Huye wungirije ushinzwe imibereho myiza, Annonciata Kankesha.

    Ati “Ibyabafashaga mu kigo bizabaherekeza mu buzima busanzwe, kandi bazajya basurwa n’abashinzwe abana, igihindutse cyose tukimenye”.

    Icyakora, abasanzwe bita ku bana bafite ubumuga bwo mu mutwe muri ADAR Tubahoze i Huye, bafite impungenge z’uko bazabaho mu miryango badafite ubakurikirana umunsi ku wundi nk’uko byari byifashe mu kigo.

    Mu bana barererwa muri ADAR-Tubahoze harimo abo umuyobozi w
    Mu bana barererwa muri ADAR-Tubahoze harimo abo umuyobozi w’ikigo atekereza ko nta muryango ku giti cyawo wshobora kubitaho

    Musabyemariya Josepha uyobora icyo kigo avuga ko atewe impungenge n’abakobwa b’inkumi kuko atekereza ko bashobora kuzaterwa inda, ariko na none agaterwa impungenge n’abo bigaragara ko nta bwenge bwo gutoranya ikibi n’icyiza bafite.

    Ati “Hari abo ubona bibera mu isi yabo, akaba yarya imyanda, noneho nkabona n’uwaba afite umuryango bazamwica, nk’uko byagendaga kera”.

    Muri ADAR-Tubahoze ubu hari abana bafite ubumuga bwo mu mutwe 23. Muri bo 18 bafite imiryango bakomokamo. Kuri 23 kandi, 10 bose ni abafite ikibazo cyo kutabasha gutandukanya icyiza n’ikibi, ari na bo Musabyemariya afitiye impungenge ko imiryango itazabasha kubitaho.

    Ni na yo mpamvu atekereza ko Leta ikwiye kuzabashakira uko babaho kuko we abona nta muryango ku giti cyawo wabitaho ngo ubashobore.


  • Rwanda: Habonetse abarwayi bashya 422 ba Covid19 #rwanda #RwOT

    Mu Rwanda abantu 422 banduye Covid_ 19 , abakize ni 9 uwo yahitanye ni umuntu umwe ( 1), naho abarembye bikabije ni icyenda ( 9) nk' uko Minisiteri y'Ubuzima mu Rwanda yabitangaje kuwa17 Kamena 2021.

    Iyi Minisiteri yatangaje ko abantu 246,289 bamaze guhabwa doze ya kabiri y'urukingo rwa COVID-19 (AstraZeneca) barimo 1,082 bayihawe kuri iyi tariki twavuze.

    Uwahitanywe nayo ni umusore w'imyaka 19 i Kigali.

    17.06.2021 Amakuru Mashya | Update

    Abantu 246,289 bamaze guhabwa doze ya kabiri y’urukingo rwa #COVID19 (AstraZeneca) barimo 1,082 bayihawe uyu munsi / Twihanganishije umuryango w'umugabo w'imyaka 19 witabye Imana i Kigali. pic.twitter.com/NrM3SWIlH9

    — Ministry of Health | Rwanda (@RwandaHealth) June 17, 2021

    Source : https://impanuro.rw/2021/06/18/rwanda-habonetse-abarwayi-bashya-422-ba-covid19/

  • Miss Muyango na Kimenyi baritegura kwibaruka imfura #rwanda #RwOT

    Umunyezamu w'ikipe y'igihugu Kimenyi Yves na Miss Photogenic 2019, Muyango Claudine baritegura kwiburuka umwana wabo w'imfura mu gihe cya vuba.

    Amakuru avuga ko Muyango Claudine atwite inda nkuru yitegura kwibaruka umwana we w'imfura.

    Muyango Claudine na Kimenyi Yves bamaze imyaka isaga ibiri bakundana, ndetse babihamije tariki 28 Gashyantare 2021, ubwo uyu musore yateraga ivi akamwambika impeta amusaba ko bazabana.

    Ibi byabaye nyuma y'ubukwe bwabo bwavuzwe cyane mu mwaka ushize ariko bose babyamaganira kure.

    Source : https://impanuro.rw/2021/06/18/miss-muyango-na-kimenyi-baritegura-kwibaruka-imfura/

  • Abarwanyi ba Hamas bavumbuye andi mayeri bakoresha mu guhangana na Israel #Rwanda #RwOT via @kigalitoday #rwanda #RwOT

    Ibipurizo birimo umwuka wa gaz bihambiriyeho utundi duturika duto ni byo aba barwanyi barimo gukoresha mu guteza inkongi ku butaka bwa Israel
    Ibipurizo birimo umwuka wa gaz bihambiriyeho utundi duturika duto ni byo aba barwanyi barimo gukoresha mu guteza inkongi ku butaka bwa Israel

    Muri iki cyumweru Leta ya Israel yongeye gukoresha indege kabuhariwe z’urugamba mu kugaba ibindi bitero ku birindiro by’umutwe wa Hamas mu gace ka Khan Younis mu Karere ka Gaza muri Palestine.

    Israel yatangaje ko yagabye igitero gikomeye kuri Hamas nyuma y’uko ibipurizo bihazemo umwuka uturika wa gaz binahambiriyeho utuntu duto duturika birashwe mu kirere cyayo, bivuye muri Gaza.

    Ikomeza ivuga ko abarwanyi bubuye aya mayeri nyuma y’aho intwaro zabo ntacyo ziri kubafasha kuko ibisasu bya misile byabo barwanyi bikomeye byagiye bisandarira mu kirere bikaburizwamo n’ikoranabuhanga ry’igisirikare cya Isreal (IDF), ntacyo birangiza.

    Ubu buryo bw’ibipurizo ngo buri guteza inkongi mu mirima y’ Abanyasiraheli bigatwika imyaka ndetse bugateza n’izindi nkongi nyinshi ku gice gihana imbibi na Gaza.

    Ibi ni ibitero bishya bije nyuma y’aho ku itariki ya 21 Gicurasi impande zombi zemeranyije guhagarika imirwano no guhana agahenge, nyuma y’intambara yashyamiranyije impande zombi yamaze iminsi 11.

    Ntiharamenyakana abandi basivile bashya baguye n’abakomerekeye muri iki gitero ariko igisirikare cya Israel kivuga ko inkongi zatewe n’aba barwanyi zose hamwe ari 20 ariko zateje ibikomere bidakomeye ku baturage bake bageragezaga guhangana no kuzimya kuko batewe batunguwe.

    Yeruzalemu, umujyi umaze imyaka irenga ibihumbi bitanu ubayeho ni wo zingiro ry’amakimbirane kuko ari agace karwanirwa n’impande zombi.

    Ibi bipurizo bibanza kuzuzwamo umwuka wa Gaz
    Ibi bipurizo bibanza kuzuzwamo umwuka wa Gaz

    Mu butumwa umutwe wa Hamas watangaje binyuze ku muvugizi wayo, wavuze ko ukangurira abaturage ba Palestinea gukomeza kwirwanaho mu cyo wise ubutwari bwo gutsimbarara ku rugamba no guharanira uburenganzira bwabo ku mujyi wa Yeluzaremu bafata nk’ubutaka butagatifu bwabo cyane cyane agace k’Iburasirazuba.

    Babivuze mu gihe Israel yiteguraga kwizihiza umunsi ngarukamwaka bafatiyeho Yeluzaremu, by’umwihariko aka gace k’Iburasirazuba Abayahudi na bo bafata nk’umujyi mutagatifu w’abakurambere babo bari baranyazwe bakaza kongera kuwigarurira mu ntambara idasanzwe yo mu Burasirazuba bwo hagati mu mwaka wa 1967.

    Ku wa Kane w’icyumweru gishize nibwo uyu munsi wagomba kwizihizwa n’Abayahudi ariko igipolisi kiza kuwusubika bitewe n’uko byari guteza imirwano kuko umuhanda mugari bakoresha mu mutambagiro mutagatifu wa Yeruzalemu, unyura mu bice bituwe cyane n’abarabu hakiyongeraho ko banahafite umusigiti ukomeye wa Al AQsa. Bavuga ko guhomba ako gace ari uguhomba uwo musigiti bafata nk’umutagatifu, ari na byo byabaye intandaro y’imirwano ikomeye yo mu kwezi gushize.

    Uyu munsi w’Abayahudi waje kongera gusubukurwa na Guverinoma nshya ku wa Kabiri, ariko Minisitiri ushinzwe ububanyi n’amahanga Yair Lapid yanenze abo ku ruhande rwa Isreal yise intagondwa zikomeje kugaragaza amagambo y’urwango n’irondaruhu muri uyu mutambagiro agira ati : Birababaje! Muri twe harimo abafite imyitwarire mibi. Ni gute umuntu afata ibendera ry’igihugu akagenda aririmba ngo urupfu ku barabu, turabihakanye ntabwo twifuza kubiba irondaruhu.

    Abayahudi mu mutambagiro baririmba urupfu ku barabu
    Abayahudi mu mutambagiro baririmba urupfu ku barabu

    Muri iki gikorwa cyabaye, Polisi yatangaje ko Abanyepalestina 30 bakomeretse abandi 20 barafungwa mu rwego rwo guharura amayira y’Abayahudi ubwo bari muri uyu mutambagiro.

    Mu mwaka wa 2017 nibwo Leta zunze Ubumwe za Amerika zemeje ku mugaragaro ko zishyigikiye iyimurwa ry’umurwa mukuru wa Israel, ukareka kuba Tel Aviv ugahinduka Yeruzalemu ndetse ihita ifata iya mbere mu kwimurirayo Ambassade ya Amerika, n’ibindi bihugu birakurikira. Icyakora kugeza magingo aya Abanyepalestina ntibaremera ko bahebye ubu butaka, ari yo ntandaro yo gushyamirana.


  • Miss Irebe Natacha wiga muri Kaminuza i Buray… – #rwanda #RwOT

    Irebe Natacha Ursule abitse amakamba atari macye yegukanye mu marushanwa y’ubwiza atandukanye hano mu Rwanda. Yabaye igisonga cya kabiri muri Miss Rwanda 2018 mu irushanwa yahabwagamo amahirwe menshi yo kwegukana ikamba, birangira ryegukanywe na Iradukunda Lilinae. Mu 2015, Natacha yegukanye ikamba rya Miss FAWE (Miss Fawe Girls School), yegukana ikamba rya Miss High School mu 2015, anahagararira u Rwanda mu irushanwa mpuzamahanga rya Miss Africa Calabar mu mwaka wa 2018.

    Kuri ubu ari kubarizwa mu gihugu cya Cyprus aho yagiye kuminuza mu bijyanye n’ubucuruzi (Business Administration) muri kaminuza yitwa Middle East Technical University. Mu kiganiro Miss Irene Natacha Ursule yagiranye na InyaRwanda.com, twatangiye tumubaza uko abayeho muri iki gihugu n’ibintu akumbuye mu Rwanda. Ati “Ubuzima buraho meze neza, ndashima. Mu Rwanda ko nkumbuye byinshi ra! Icya mbere nkumbuye famille yanjye n'inshuti zanjye, ikindi nkumbuye igitoki pe (yahise akubita igitwenge)”.

    Uko Miss Natacha yagize igitekerezo cyo kwigisha abantu guteka n’inzozi afite

    Miss Irene Natacha yabwiye InyaRwanda.com ko yatangiye kwigisha abantu guteka muri ‘Guma mu rugo’ ya mbere nyuma y’uko abonye umwanya uhagije ari mu rugo aho yabashije guteka ubwoko butandukanye bw’ibiryo, gusa icyo gihe akaba atari afite uburyo asangiza abantu ubwo bumenyi, ati “(….) Ibintu byo guteka urebye natangiye kubikora cyane muri ‘Lockdown’ ya mbere ya 2020 kuko nabashije kugira umwanya mwinshi ndi mu rugo nkajya nteka ibintu bitandukanye ariko nta platform mfite mbishyiraho”.

    Uyu mukobwa w’ikimero wasoreje ayisumbuye muri Riviera High School udatewe ipfunwe no kujya mu gikoni agateka ndetse bikarenga urwo rwego akiyemeza kujya abyigisha n’abandi bose batabizi, yavuze ko intego ye ari ukorohereza abantu kunguka ubumenyi mu guteka amoko atandukanye y’ibiryo ndetse vuba, kandi bakarahura ubwo bumenyi ku buntu. Ati “Intego mfite ni ukorohereza abantu baba bashaka kunguka ubumenyi mu guteka kubona icyo nakwita nk’amasomo yo guteka byihuse kandi ibintu byiza bibereye ijisho kandi biryoshye ku buntu”.

    Izi nyama zatetswe na Miss Irebe Natacha wifuza kuzashinga Hotel

    Miss Natacha yakomeje asobanura uko yabitangiye n’uburyo yaje gufata umwanzuro wo kubikomeza agatangiza shene ya Youtube yise Miss Natty, ati “Kugira ngo nyitangize (Youtube channel), ubundi na postingaga kuri Instagram yanjye amafoto y'amafunguro nateguye ubundi abantu bakansaba ‘recipes’ cyangwa se uburyo nateguyemo ayo mafunguro, bihura n'uko inshuti zanjye zambwiraga ngo nzafunguze Youtube channel njye nshyiraho amafunguro nateguye. Ubundi no mu buzima busabzwe ndi umuntu ukunda gusangiza ubumenyi naba mfite na bagenzi banjye”.

    Yavuze ko mu byo azi guteka neza ku buryo ukibikubita amaso amerwe ahita akwica, ku isonga ari inyama, ati “Ubusanzwe nkunda kugerageza guteka ibintu byose, ariko by’umwihariko nkunda guteka inyama kuko usanga arizo wateka uburyo bwinshi butandukanye kandi umuntu akabona zinasa neza ziryohereye amaso”. Ati “Ikindi nkunda nzi no guteka ni amakoroni kubera kuyateka biroroshye kandi birihuta. Kuyateka ni ikintu kitajya kingora pe. Iyo nshaka akantu koroshye ko guteka burigihe nisanga ariyo ndi guteka”. 

    Umuntu uzi guteka burya nawe aba afite ubwoko bw’ibiryo akunda cyane, na Natacha ni ko bimeze kuko yihebeye igitoki, gusa akaba ababazwa no kuba atakibona muri Cyprus aho ari kubariza muri iyi minsi ku mpamvu z’amasomo. Ati “Ubundi nkunda kurya igitoki cyane ku buryo ari nacyo kintu cya mbere namenye guteka ndi mu Rwanda, gusa ikimbabaza ni uko nageze hano igitoki nkakibura”.

    Kwigisha abantu guteka ibiryo bibereye ijisho niyo ntego ya Natacha

    Uyu mukobwa uri kwigisha abantu guteka kadi ku buntu, yagize ubutumwa agenera abantu bose bakunda guteka, anagira icyo asaba abantu batabikunda, ati “Ku bantu bakunda guteka nababwira courage, guteka ni ibintu biryoha cyane noneho iyo ubikora unabikunda bikaba akarusho. Ku batabikunda, abantu baratandukanye ariko bazagerageze nanjye mbere sinumvaga ko nshobora kubikunda bigeze aha! Ariko narabigerageje nsanga ari ibintu bitagoye kandi biryoha ni kubikora”.

    Ati “Waba uri umuhungu cyangwa umukobwa wabikora kandi ukabishobora. Cyane ko nkitangira no kwiga Kaminuza naje ntazi guteka nari nzi guteka ibintu nk'ifiriti, omelette utuntu nk’utwo gusa pe. Ariko uko iminsi yagiye igenda nagiye mbyiga ngera aho ndabimenya. Nkibitangira nabikoraga nka fun kuko ari ibintu numvaga ndi gukunda noneho abacuti banjye bagakomeza bambwira ngo ibiryo nteka biba bisa neza, biryoshye bituma nkomeza nigirira icyizere mpita nafungura YouTube channel”. 

    Yafunguye umuyoboro kuri Youtube yigishirizaho abantu guteka 

    N’ubwo yabitangiye yikinira, Natacha avuga ko yarushijeho kubikunda cyane ndetse ko “Ubu noneho mba numva hagize umuntu uza cyangwa hotel bansaba gukorana nabo nabyemera kuko byanyereka ko bishimiye ibiryo nteka kandi nanabigiraho ibintu bishyashya byo guteka ntarinzi”. Twamubajije niba mu nzozi afite haba harimo gushinga Resitora cyangwa Hoteli, avuga ko Imana imufashije yazabikora. Ati “Restaurant cyangwa hotel byo ubu sindabitekereho neza gusa Imana imfashije nkashobora kubikora mu gihe kizaza nabyishimira cyane”.

    Ku bijyanye n’abantu bakwifuza ko abagezaho ibyo kurya yateguye, Natacha yavuze ko ubu byagorona, ati “Ubu nta buryo mfite bwo kugezaho abantu bifuza kugerageza ibiryo natetse, ariko no mu mpamvu nafunguye YouTube channel yanjye ni ukugira ngo abo bantu bose bashaka kubigerageza barebe uko mbiteka ubundi babigerageze nabo kuko uburyo mbiteka nta kintu nsimbuka iyo ndi gufata video. Ni ukuvuga ngo iyo amafunguro yabo ahiye ni nk’aho tuba turi kumwe! Ariko Imana nibimfashamo igihe kizagera mbashe gusangiza abakunzi banjye amafunguro ntegura”.

    Ntugire amashyushyu kuko nawe ibi biryo wabasha kubiteka uramutse ukurikiye amasomo atangwa na Miss Natacha kuri shene ye ya Youtube yitwa ‘Miss Natty’

    Natacha yabaye Miss High School mu 2015

    Natacha yabaye Igisonga cya kabiri cya Miss Rwanda 2018

    Natacha wabaye Miss FAWE mu 2015 yatangiye kwigisha abantu guteka

    Miss Natacha yifuza kuzashinga Resitora na Hoteli Imana nimufasha

    REBA AMASHUSHO YA MBERE MISS NATACHA YASHYIZE KURI YOUTUBE YIGISHA ABANTU GUTEKA

    REBA HANO NATACHA YIGISHA ABANTU GUTEKA ‘EGGS & SALAMI FRENCH TOAST’

    REBA AMASHUSHO NATACHA AHERUKA GUSHYIRA KURI YOUTUBE YIGISHA ABANTU GUTEKA

    Source : https://inyarwanda.com/inkuru/106672/miss-irebe-natacha-wiga-kaminuza-muri-cyprus-yatangiye-kwigisha-abantu-guteka-anakomoza-ku-106672.html

  • Irakunzwe! Knowless yasohoye amashusho y’i… – #rwanda #RwOT

    'Asante' niyo ndirimbo ya mbere muri 11 Butera Knowless yakubiye kuri Album ye ya Gatanu yise 'Inzora' yitiriye abakobwa be. Iyi ndirimbo iri ku mwanya wa Kabiri mu ndirimbo ziri kuri iyi Album zimaze kurebwa n'umubare munini ku rubuga rwa Youtube.

    KANDA HANO WUMVEINDIRIMBO 'ASANTE' KNOWLESS YAKORANYE NA GAHONGAYIRE

    Indirimbo 'Akantu' Knowless yakoranye na Social Mula niyo iri ku mwanya wa mbere aho imaze kumva n'abantu ibihumbi 20.

    Ku mwanya wa kabiri hari indirimbo 'Asante' yakoranye na Aline Gahongayire ndetse na 'Ikofi' yakoranye na Igor Mabano, Nel Ngabo, Platini na Tom Close, kuko zose zimaze kumva n'abantu ibihumbi 12.

    'Asante' niyo ndirimbo ya mbere Knowless akoranye na Aline Gahongayire, bombi ni inshuti z'akadasohoka.

    Tariki 14 Kamena 2021, ni bwo Butera Knowless yashyize ku mbuga zizwi zicururizwaho umuziki Album ye ya Gatanu yitiriye abana be b'abakobwa, imfura ye Ishimwe Or Butera n'ubuheta yise ‘Inzora’.

    Iyi Album yayishyize kuri Amazon, deezer, Apple.com, Spotify n'izindi. Nko kuri Amazona, iyi CD ya Album iri mu bwoko bwa MP3 iragura amadorali 5.99 ni 6045 Frw.

    Ni mu gihe buri ndirimbo igura amadorali 1.29 ni hafi 1301.97. Bivuze ko uguze indirimbo 11 watanga 14, 321.67.

    Album ya Knowless iriho indirimbo 11, harimo ebyiri gusa yabanje gusohora zizwi hanze aha, harimo 'Nyigisha' imaze amezi 11 isohotse ndetse na 'Papa' imaze amezi ane isohotse.

    Ni Album yakozweho n'abacuranzi batandukanye bo mu Rwanda, aba Producer bagiye baza mu Rwanda mu bihe bitandukanye, Producer Bob Pro n'abandi.

    Amajwi y'iyi ndirimbo ‘Asante’ yatunganyijwe na Ishimwe Clement n'aho amashusho yakozwe na Meddy Saleh. Butera Knowless yakoranye indirimbo n'inshuti ye magara, Aline Gahongayire

    KANDA HANO UREBE AMASHUSHO Y'INDIRIMBO 'ASANTE' YA KNOWLESS NA GAHONGAYIRE

    “>

    Source : https://inyarwanda.com/inkuru/106701/irakunzwe-knowless-yasohoye-amashusho-yindirimbo-ya-mbere-kuri-album-yakoranye-na-aline-ga-106701.html

  • Tanzania: Minisitiri Mbarouk Nasser ushinzwe… – #rwanda #RwOT

    Miss Mutesi Jolly yanditse kuri konti ye ya Twitter kuri uyu wa 17 Kamena 2021, avuga ko ibiganiro bye nka Visi-Perezida w'irushanwa rya Miss East Africa na Minisitiri Mbarouk Nasser byibanze ku kubaka umubano mwiza w'iri rushanwa n'imitegurira yaryo.

    Uyu mukobwa uri muri Tanzania kuva mu Cyumweru gishize yagiranye ibiganiro na Minisitiri Mbarouk Nasser aherekejwe na Mariam Ikoa ushinzwe imigendekere y'iri rushanwa rya Miss East Africa.

    Miss Mutesi Jolly yavuze ko urugendo rukurikiyeho ari ukuganira n'abaterankunga b'iri rushanwa Tanzania izakira mu Ugushyingo 2021.

    Ejo ku wa Gatatu tariki 16 Kamena 2021, Miss Mutesi Jolly n'ikipe bari gukorana mu gutegura iri rushanwa bakiriwe n'Inteko Ishinga Amategeko ya Tanzania.

    Mu kiganiro yagiranye n'ibitangazamakuru byo muri Tanzania, nyuma yo kwakirwa n'Inteko y'Abadepite muri Tanzania, Miss Mutesi Jolly yavuze 'bigaragaza ko Miss East Africa igiye kwihutishwa mu gutegurwa'.

    Uyu mukobwa yavuze ko bagenzwaga no kubwira Inteko Ishinga Amategeko isubukurwa ry'irushanwa ry'ubwiza rya Miss East Africa ryaherukaga kuba mu myaka icyenda ishize.

    Avuga ko iri rushanwa rigamije gushyigikira urugendo rw'iterambere rw'umwana w'umukobwa, akagira amahirwe angana n'abandi kandi ko bifuza gushyiraho inzira nyinshi zo gufasha umukobwa kugera no kurotora inzozi ze.

    Miss Mutesi Jolly yavuze ko hari amarembo amwe namwe yagiye afungwa ku bakobwa, ko igihe kigeze kugira ngo umwana w'umukobwa 'akure yizera neza ko afite imbaraga n'ubushobozi bwo gukora ibidasanzwe mu buzima bwabo'.

    Uyu mukobwa avuga ko agaciro ku mukobwa kadakwiye kureberwa mu bwiza gusa. Ko irushanwa rya Miss East Africa rigamije kubabera ikiraro cy'inzozi zabo, kurusha uko benshi batekereza ko ari ahantu 'ho kumenyekanira'. Ati 'Bakoreshe aya mahirwe mu kuba ingirakamaro kuri sosiyete.'

    Avuga ko iri rushanwa rizagirira akamaro Akarere k'Afurika y'Uburasirazuba mu kumenyekanisha ibyo bakora, by'umwihariko Tanzania izakira iri rushanwa.

    Mu kiganiro aherutse kugirana n'ikinyamakuru Mwanaspoti, Miss Jolly, yavuze ko imyiteguro yo gutangiza iri rushanwa igeze kure, ashishikariza abakobwa gutangira kwitegura kwitabira iri rushanwa.

    Uyu mukobwa uri muri Tanzania mu gihe cy'ibyumweru bibiri, yavuze ko afite icyizere cy'uko iri rushanwa rizitabirwa cyane n'abarimo abanyacyubahiro.

    Miss Mutesi Jolly yavuze ko iri rushanwa rizatambuka imbona nkubone kuri Televiziyo, bikaza ari amahirwe kuri Tanzania yo kugaragaza isura y'ubukerarugendo muri iki gihugu, ahari amahirwe ho gushora imari n'ibindi.

    Ati 'Aya ni mahirwe akomeye ku bigo bishaka kwamamaza ibyo bakora imbere mu gihugu ndetse no mu mahanga binyuze muri iri rushanwa ry'ikirenga.'

    Mutesi avuga ko ibihugu 16 byamaze kwemeza kwitabira iri rushanwa birimo Kenya, Uganda, Rwanda, Burundi, Ethiopia, Eritrea na Djibouti. Hari kandi Somalia, Madagascar, Malawi, Seychelles, South Sudan, Comoros, Reunion na Mauritius.

    Miss East Africa yatangiriye muri Tanzania mu 1996 itangijwe n'umunya-Tanzania Rena Callist, mu birori byabereye muri Sheraton Hotel [Seran y'iki gihe]. Iri rushanwa ryanabereye mu Burundi bigizwemo uruhare na Perezida Nkurunziza witabye Imana.

    Iri rushanwa ryaherukaga kuva mu 2012, icyo gihe ryabereye ahitwa Mlimani City Hall mu Mujyi wa Dar es Salaam muri Tanzania. Iri rushanwa ritegurwa na Sosiyete Rena Events yo mu Mujyi wa Dar es Salaam, Tanzania, hari intego y'uko noneho rizajya riba buri mwaka. 

    Umunyamabanga wa Leta muri Minisiteri y’Ububanyi n’Amahanga akaba anashinzwe Afurika y'Uburasirazuba Hon. Amb. Mbarouk Nasser muri Tanzania, yakiriye mu biro bye Mutesi Jolly Miss Mutesi Jolly yashimye Minisitiri Mbarouk Nasser wamwakiriye na Mariam Ikoa bari gufatanya gutegura irushanwa rya Miss East Africa

    Source : https://inyarwanda.com/inkuru/106698/tanzania-minisitiri-mbarouk-nasser-ushinzwe-eac-yakiriye-mu-biro-bye-miss-mutesi-jolly-106698.html