Webrwanda Backend

Blog

  • Umukinnyi wa Sunrise wafatiwe ku kibuga ashinjwa gusambanya umugore w’abandi yafunguwe #rwanda #RwOT

    Mugabo Gariel wari umaze icyumweru afunzwe, yafatiwe ku stade ya Nyagatare ku wa 10 Kamena 2021 ubwo umukino wahuzaga ikipe ye ya Sunrise FC yakinaga na Gasogi United wari uhumuje.

    Uyu mukinnyi yafunguwe kuri uyu wa Gatanu tariki 18 Kamena 2021 mu gihe Urwego rw’Igihugu rw’Ubugenzacyaha ruvuga ko rwari rwamaze gutanga dosiye mu Bushinjacyaha.

    Umukino ukirangira Mugabo Gabriel yahise atabwa muri yombi na Polisi n’Urwego rw’Igihugu rw’Ubugenzacyaha (RIB).

    Icyo gihe Umuvugizi w’Umusigire w’Urwego rw’Ubugenzacyaha (RIB), Dr Murangira B. Thierry yabwiye itangazamakuru ko uyu mukinnyi icyaha akurikiranyweho ari icyo Gukoresha umugore w’undi imibonano mpuzabitsina ku gahato.

    Yagize ati 'Icyaha akurikiranyweho ni ugukoresha ku gahato imibonano mpuzabitsinda umugore w’imyaka 27. Icyaha yagikoze tariki ya 12 Gikurasi agikorera mu Karere ka Nyagatare akaba ari naho yafatiwe.'

    Mu butumwa ikipe ye ya Sunrise FC yanyujije kuri Twitter, yagize iti 'Buri gihe ukuri kuratsinda ! Urakaza neza Gaby.'

    UKWEZI.RW

    Source : http://www.ukwezi.rw/Imikino/article/Umukinnyi-wa-Sunrise-wafatiwe-ku-kibuga-ashinjwa-gusambanya-umugore-w-abandi-yafunguwe

  • Perezida Kagame yihanganishije abanya-Zambia kubw’urupfu rwa Kenneth Kaunda – #rwanda #RwOT

    Kenneth Kaunda yitabye Imana afite imyaka 97 azize indwara z’ubuhumekero mu bitaro bya gisirikare biherereye mu murwa mukuru Lusaka ku wa 17 Kamena 2021.

    Abinyujije ku rukuta rwe rwa Twitter, Perezida Kagame, yihanganishije umuryango we ndetse n’abaturage ba Zambia ku bw’urupfu rw’intwari nka Kaunda waharaniye ubwigenge bw’abanya-Zambia na Afurika muri rusange.

    Yagize ati “Nihanganishije umuryango wa Perezida Kenneth Kaunda n’abaturage ba Zambia. Uruhare yagize mu kubohora Afurika ntiruzigera rwibagirana. Ubuyobozi bwe kuri uyu mugabane ndetse n’umurage asize wo guharanira agaciro n’iterambere bya Afurika bizahora bizirikanwa.”

    My heartfelt condolences to the family of President Kenneth Kaunda and the people of Zambia. His commitment to Africa’s liberation will never be forgotten. His leadership on the continent and legacy of Pan-Africanism will live on for generations to come.

    — Paul Kagame (@PaulKagame) June 18, 2021

    Kenneth Kaunda bakundaga kwita KK yabaye impirimbanyi ikomeye y’agaciro n’ubwigenge bwa Afurika, aho yari ashyigikiye cyane ibikorwa byo kurwanya irondaruhu ryabereye muri Afurika y’Epfo (apartheid), ashyigikira ishyaka riharanira ubwigenge muri Mozambique ndetse no muri Zimbabwe.

    Mu myaka ye ya nyuma yo kuva ku butegetsi, yashyize imbaraga mu gukangurira abantu kwirinda no kurwanya Agakoko gatera SIDA nyuma y’uko umwe mu bahangu be imuhitanye.

    Mu 2002 yabwiye Reuters ati “Twarwanyije ubukoloni. N’ubu dushobora gukoresha imbaraga twakoresheje icyo gihe mu kurwanya SIDA kuko igiye kutumaraho abantu muri Afurika.”

    Muri Kamena 2017 ubwo Perezida Kagame yasuraga Zambia, yahuye na Kaunda ndetse bagirana ibiganiro.

    Mu bihembo byo kurwanya ruswa byiswe ‘Sheikh Tamim Bin Hamad Al Thani International Anti-Corruption Excellence Award’ byatangiwe i Kigali mu Ukuboza 2019, Kaunda yahawe igihembo nyamukuru nk’uwagize uruhare mu kurwanya ruswa mu gihugu cye.

    Kenneth Kaunda yavutse 28 Mata mu 1924, asize abana bane, umugore we batandukanye mu 2012.

    Yanditse ibitabo umunani, harimo ikitwa ‘Letter to My Children’ [Ibaruwa igenewe abana banjye], ‘Zambia will be Free’ [Zambia izabohoka] n’ibindi. Igitabo cya nyuma yanditse cyitwa ‘The Political Philosophy of President Kenneth D. Kaunda of Zambia’, yacyanditse mu 1986.

    Aha Perezida Kagame yaganiraga na Kenneth Kaunda muri Kamena 2017

    Ubwo Perezida Kagame yahuraga na Kenneth Kaunda mu 2017

  • Amahirwe adasanzwe ahishe mu bucuruzi n’ishoramari hagati y’u Rwanda na Zimbabwe – #rwanda #RwOT

    Ni ibiganiro byari byitabiriwe na Ambasaderi w’u Rwanda muri Zimbabwe, Musoni James; Ambasaderi wa Zimbabwe mu Rwanda, Charity Manyeruke; Umuyobozi Mukuru w’Urwego rw’Iterambere, RDB, Clare Akamanzi; Umuyobozi w’Urwego rw’Igihugu rushinzwe Ubucuruzi muri Zimbabwe, ZimTrade, Allan Majuru.

    Ni inama kandi yitabiriwe n’abarenga 200 barimo kandi n’abandi bayobozi bafite mu nshingano ubucuruzi n’ishoramari ku mpande zombi, ba rwiyemezamirimo n’abahagarariye urwego rw’abikorera mu Rwanda na Zimbabwe.

    Zimbabwe ni igihugu kiri muri Afurika y’Amajyepfo gifite ubuso bwa 390,757 km2. Mu Burengerazuba bw’iki gihugu hari Botswana, Uburasirazuba hari Mozambique, mu Majyepfo hari Afurika y’Epfo, Amajyepfo ashyira Uburengerazuba hari Namibia mu gihe mu Majyaruguru hari Zambia.

    Ibarura ryo mu 2012, rigaragaza ko iki gihugu cyari gifite abaturage barenga miliyoni 13,1, mu gihe ubwiyongere bw’abaturage bwari kuri 2,3% muri icyo gihe. Muri iki gihugu urwego rw’uburezi rwateye imbere kuko nibura abazi gusoma no kwandika ni 94,7%.

    Ubukerarugendo buri mu bigira uruhare runini mu musaruro mbumbe w’igihugu aho bugira 12%, ubuhinzi bugira uruhare rungana na 11%, ubucukuzi bw’amabuye y’agaciro 9%, mu gihe serivisi zigira uruhare rwa 16%.

    Zimbabwe ni Umunyamuryango wa SADAC, COMESA ndetse na ACP.

    Umuyobozi Mukuru wa RDB, Clare Akamanzi yavuze ko ibihugu by’u Rwanda na Zimbabwe bisanzwe bifitanye umubano n’ubufatanye mu nzego zitandukanye kuri ubu byombi bikaba biri gufatanya mu kubaka umubano ushingiye ku bucuruzi n’ishoramari.

    Akamanzi yabwiye bagenzi be bo muri Zimbabwe ko bashobora gushora imari mu Rwanda mu nzego zirimo ubucuruzi n’ubuhinzi.

    Ati “Inzego ziza ku isonga mu mahirwe y’ishoramari dufite ni ingufu, ubuhinzi, ubucuruzi, kwakira abantu n’amahoteli, serivisi z’imari n’izindi.”

    Akamanzi yashimangiye ko iterambere ry’ubukungu ryiyongereye cyane mu 2019 aho ryageze ku 9,4% mbere y’uko icyorezo cya COVID-19 cyubika ibyari bimaze kugerwaho, haba mu Rwanda ndetse no ku Isi yose.

    Yakomeje agira ati “U Rwanda rukomeje guharanira kwigaragaza nk’igihugu gihanga udushya. Ni yo mpamvu tukibasha kureshya ishoramari rikomeye nk’uruganda rwa Volkswagen ruteranyiriza imodoka mu Rwanda ndetse n’Ikigo cya Zipline gikomeje gukwiza amaraso mu gihugu cyifashishije indege nto zitagira abapilote (Drones)”

    Akamanzi yakomeje avuga ko ku bijyanye n’ubufatanye bw’ibihugu byombi mu bukungu, imibare yerekana ko ubuhahirane bukiri hasi cyane ku buryo nta wanyurwa n’uko ihagaze ubu.

    Mu 2019, Zimbabwe yohereje ibicuruzwa bya miliyoni 3 z’amadolari ya Amerika mu gihe ibicuruzwa u Rwanda rwohereje muri icyo gihugu byari bifite agaciro k’ibihumbi 152 by’amadolari ya Amerika gusa.

    Ashimangira ko ubufatanye mu guteza imbere ubuhahirane ari ngombwa, ati “Ntekereza ko ubucuruzi hagati y’ibihugu byombi busa n’ubudahari kuko buri hasi cyane ku bihugu biziranye ndetse byifuza kubaka umubano urambye mu by’ubukungu.”

    U Rwanda rwagaragarije aba bashoramari bo muri Zimbabwe ko kugeza ubu urwego rw’ubuhinzi rugira uruhare rungana na 24% ku musaruro mbumbe, inganda zikagira 18% naho serivisi zikagira uruhare rungana na 49% ku musaruro mbumbe.

    Kuri ubu u Rwanda ni Umunyamuryango w’Umuryango wa Afurika y’Uburasirazuba, Umuryango w’ubucuruzi w’ibihugu by’iburasirazuba n’amajyepfo ya Afurika (COMESA), ndetse kiba ari igihugu gifitanye umubano mwiza na Repubulika Iharanira Demukarasi ya Congo.

    Kuba Zimbabwe yakorana ubucuruzi cyangwa igashora imari mu Rwanda ni amahirwe adasanzwe yo kuba ibikorwa byo muri icyo gihugu biri ku isoko rya EAC rifite abaturage basaga miliyoni 117, ukongeraho n’abo muri RDC, igihugu nacyo kitegura kwakirwa mu muryango w’ibihugu byo mu karere.

    Umuyobozi Mukuru wa ZimTrade, Allah Majuru yavuze ko ibi biganiro ari amahirwe adasanzwe ndetse mu kwezi gutaha ibigo bisanga 100 byo muri Zimbabwe bizaza mu Rwanda mu nama izahuza ibihugu byombi.

    Ati “ZimTrade izazana ibigo 100 mu Rwanda, mu nama ku ishoramari n’ubucuruzi kandi tuzubahiriza amabwiriza yo kwirinda icyorezo cya Covid-19, itsinda rizaza mu Rwanda rizaba riyobowe na Minisitiri w’Ububanyi n’Amahanga, Frederick Shava.”

    Yakomeje agira ati “Twizera ko ubucuruzi hagati y’u Rwanda na Zimbabwe ari ingenzi kandi iyi nama ku ishoramari izagira uruhare runini mu gufungura amahirwe y’ishoramari hagati y’ibihugu byombi.”

    Biteganyijwe ko hagati ya tariki 28 na 30 Nyakanga 2o21, aribwo iyi nama y’ishoramari ihuza abashoramari bo mu Rwanda n’abo muri Zimbabwe. Ni inama izabera i Kigali mu gihe hazaba hari no kubera Imurikagurisha Mpuzamahanga.

    Muri 2017, nibwo RwandAir yatangiye gukorera ingando muri Zimbabwe

    Abikorera bashyizwe igorora

    Muri ibi biganiro byahuje impande zombi, Ambasaderi wa Zimbabwe mu Rwanda Charity Manyeruke, yasabye abashoramari bo mu bihugu byombi kudacikanwa n’aya mahirwe ashingiye ku mategeko ahuza ibihugu byombi n’ubushake bwa Politiki.

    Yavuze ko ingano idahagije y’ubucuruzi bwakorwaga hagati y’ibihugu by’ibivandimwe ikwiye gukubwa inshuro nyinshi kuko nta nzitizi zihari zatuma bidashoboka.

    Ku rundi ruhande, abikorera bagaragaje inyota yo kubyaza umusaruro aya mahirwe bashyirweho n’ibihugu byombi.

    Nk’ikigo cya Pan African Logistics, gikora iby’ubwikorezi bwo ku butaka, mu mazi, mu ndege no kukemyekanisha ibicuruzwa, cyagaragaje ko kuba Zimbabwe yegeranye na Afurika y’Epfo ari amahirwe ku bicuruzwa byaba iby’abanyarwanda, ibyo mu Karere ndetse n’ahandi.

    Umuyobozi wa Pan African Logistics, Nyarwaya Shyaka Michael yagize ati “Ni amahirwe ku mpande zombi, kuko nkatwe twiteguye kujya dufasha mu kuzana ibyo bicuruzwa cyangwa ibyo mu Rwanda bizakenera kujya muri kiriya gihugu.”
    Yakomeje agira ati “Nk’ubu ni amahirwe ku kuba ibicuruzwa byacu biri muri kontineri byajya biva muri Zimbabwe kuko yegereye Afurika y’Epfo, bikava muri Afurika y’Epfo biza Dar es Salaam, bikahava bigera i Kigali. Ntabwo twari dufite umurongo w’uburyo ibintu bishobora kuza.”

    Zimbabwe nk’igihugu kinini, gifite ubutaka bunini, kikagira amabuye y’agaciro arimo zahabu na Diamant ndetse gikora ibikorwa by’ubuhinzi mu buryo bwateye imbere, ku buryo nk’umusaruro w’ingano, ibigori n’ibindi bishobora kuva muri icyo gihugu biza gucuruzwa mu Rwanda.

    Umuyobozi Mukuru w’Ikigo gikomeye mu by’itumanaho cya AB Communications ari nacyo gifite ibitangazamakuru bya Business Times, ZiFM Stereo, 98.4 FM Midlands na Hevoi FM, Benson Mwebwe, yavuze ko inama nk’izi ari amahirwe adasanzwe ku bacuruzi n’abashoramari muri rusange aho bagiye gutangira kureba uko bayabyaza umusaruro.

    Ati “Aya agiye kuba amahirwe adasanzwe kuri twe turi mu bucuruzi kandi tuzakomeza kureba uburyo twatangira kuyabyaza umusaruro.”

    U Rwanda na Zimbabwe bifitanye amasezerano y’ubufatanye yagiye asinywa mu bihe bitandukanye harimo ayo muri Werurwe uyu mwaka ashyiraho Komisiyo ihuriweho ishinzwe kugenzura ishyirwa mu bikorwa ry’ubufatanye bw’ibihugu byombi ndetse bikaba biteganyijwe ko mu nama izabera i Kigali hazasinywa andi masezerano.

  • Ruhango : Abakozi b’Akarere baraye mu biro bakora akazi burinda bucya #rwanda #RwOT

    Abakozi baraye mu biro by’Akarere bukabakeraho, ni abagize Komite nyobozi, Abayobozi b’amashami ndetse n’abakozi bose bafite mu nshingano kubazwa no kunoza imihigo.

    Bamwe muri aba bayobozi b’amashami n’abakozi batangaje ko iki gikorwa cyo gukosora imihigo 94 cyatangiye mu gitondo cyo kuri uyu wa Kane tariki 17 Kamena kigeza mu gitondo cyo kuri uyu wa Gatanu.

    Umwe yagize ati 'Ntabwo Ubuyobozi bwigeze bwita ku bagore bonsa kuko uwakosoje imihigo wese yaraye mu biro by’Akarere.'

    Aba bakozi b’Akarere bavuga kandi ko kurwana n’igikorwa cyo kwesa imihigo batabigaya, ariko bakavuga ko gukosora imyandikire byagombye kuba byarakozwe iminsi 2 mbere y’uko itariki ntarengwa yo kuyohereza mu Kigo cy’Igihugu gishinzwe I barurishamibare igera, kuko basaga nk’abari gutanguranwa na yo.

    Bavuze kandi ko kuyikosora bitarangiye kuko n’abaraye mu biro iri joro, batahawe ikiruhuko ku manywa ngo babashe gusinzira cyangwa ngo bagere mu ngo kureba uko abana, abagore cyangwa abagabo babo baramutse.

    Cyakora bakavuga ko byageze saa kenda (03h00 a.m), Komite nyobozi yakosoraga igataha.

    Undi mukozi ati 'Igikorwa cy’imihigo kirasanzwe ntabwo cyari gutuma turara mu biro by’Akarere kubera ko gukosora ntibyagombaga gufata amasaha 24/24′ abantu bataruhuka.'

    Umuyobozi wungirije ushinzwe Imibereho myiza y’abaturage mu Karere ka Ruhango, Mukangenzi Alphonsine yabwiye avuga ko nta kibazo biteye kuko umukozi wa Leta akora amasaha ashaka.

    Cyakora uyu Muyobozi yirinze kugira byinshi avuga kuri iki gikorwa cy’abaraye mu biro by’Akarere, mu magambo make avuga ko nta kibazo abibonamo.

    Abatashye kare kandi bataha mu tundi Turere bavuga ko batashye saa kenda (03h00 a.m) bagera mu ngo zabo bukeye. Abandi bakomerejeho bakora akazi batageze mu rugo.

    Gusa hari abakeka ko Akarere ka Ruhango kifuza kubona umwanya wa mbere mu mihigo, kuko ngo imbaraga no gutota abakozi birimo gushyirwamo byerekana ko bashaka uwo mwanya ku ngufu.

    UKWEZI.RW

    Source : http://www.ukwezi.rw/mu-rwanda/3/article/Ruhango-Abakozi-b-Akarere-baraye-mu-biro-bakora-akazi-burinda-bucya

  • Niyonsenga Dieudonné wa ISHEMA TV, akomeje gukwiza impuha no guharabika inzego z'umutekano. #rwanda #RwOT

    Uyu Niyonsenga Dieudonné wiyita Cyuma Hassan (ku mpamvu zizwi na nyir'ubwite n'abamukoresha), arakataje mu gukwiza impuha agamije guhindanya isura y'Igihugu, n'iy'inzego z'umutekano by'umwihariko. Ubu noneho igihuha gishyushye arimo gukwirakwiza ngo ni uko abapolisi biriwe ku rugo rwe'bamushakisha ku ngufu bahasiga n'amapingu', nkaho ari ikitabashwa!

    Icya mbere, ntiyavuze impamvu abamushatse'ku ngufu', bataramufata aho yaba aturamye hose. Aramutse yabarushije imbaraga nabyo nta cyamubuza kubyidoga, dore ko we na bagenzi be bumva bahagarikiwe n'ingwe nka Human Rights Watch, Human Rights n' izindi mpirimbanyi z'uburenganzira bw'abanyabyaha.

    Icya kabiri, ayo mapingu avuga basize iwe bagirango azayiyambike, cyangwa ni umutako bari bamusigiye?Ahubwo barebe neza niba ayo mapingu atari ayo agatsiko ka Cyuma kateguye mu mugambi wo kwitirira ibikorwa bibi inzego z'umutekano.

    Icya gatatu, niba Police igushatse, ukaba uzi ko ntacyo wikeka, kuki utayitaba, ahubwo ugahitamo guteza ubwega ubeshya, nk'aho Police ari abagizi ba nabi?

    Ikigaragara, iki ni ikindi 'gitendo' cy'ubushotoranyi no gushimisha abamutuma guteza imidugararo mu Gihugu. Uyu mugabo amaze iminsi yanduranya ariko inzego z'umutekano zikamugendera buhoro zizeye ko azikosora. Yari aherutse kuvuza induru abinyujije muri ISHEMA TV, abeshya ngo hari umuntu ngo warigishijwe, kandi azi neza ko uwo muntu yibereye i Nyagatare, dore ko haje no kumvikana amajwi avugana n'uyu Cyuma Hassan.

    Cyuma Hassan kandi ahimba inkuru avuga ko 'atabariza abaturage', nk'aho arusha Leta kubakunda no kumenya ibiri mu nyungu rusange. Byaragaragaye ko aba agamije gusa kubangisha ubuyobozi, no gukurura icyuka kibi mu Gihugu. Ibi abisangiye n'abafatanyabikorwa be mu gusenya, aribo Ingabire Victoire, Ntaganda Bernard, Idamange Yvonne, Aimable Karasira n'imizindaro yabo nka Agnès Uwimana, William Ntwari n'abandi biyemeje gusenya.

    Buri gihe iyo abaturage batabaje Leta ngo izi nyangabirama zibiryozwe, ntizibura abo zikoma nka Tom Ndahiro, Rushyashya News, Ingabire Immaculée n'abandi bahagurukiye gutamaza abagizi ba nabi. Ibi ariko ntibizakoma mu nkokora Abanyarwanda bafite ubushake bwo kwamagana ikibi, kandi urugamba biyemeje bazarutsinda, kuko ukuri buri gihe ariko gutsinda.

    Abantu bazi neza imibereho ya Cyuma Hassan bahishuye ko ari mu kazi ahemberwa, akaba yakira amafaranga ava imbere mu gihugu ndetse no hanze yacyo, nk'uko byagaragaye kwa Aimable Karasira, utarashobora kugaragaza aho yavanye amamiliyoni yasanganywe.
    Ikindi abasesenguzi bavuga, ni uko uyu Cyuma Hassan yaba ashaka uko azajya kwidederezwa mu mahanga, akaba ategura uko azasaba ubuhungiro agaragaza ko yajujubijwe mu Rwanda!

    N'ikimenyimenyi, iyo ahurutuye igihuha, yihutira kumenyesha abahagarariye ibihugu byabo mu Rwanda, ukagirango bashinzwe umutekano w'Abanyarwanda.

    Ibyo yaba arimo byose, RIB na Police ni inzego zifite inshingano zo kubungabunga umudendezo wa rubanda. Cyuma Hassan n'abamukoresha rero ntibakwiye kwigira kagarara no kwishyira hejuru y'amategeko. Igihugu kidahana cyorora abanyamahano nka Cyuma Hassan n'abo basangiye imigambi mibi.

    The post Niyonsenga Dieudonné wa ISHEMA TV, akomeje gukwiza impuha no guharabika inzego z'umutekano. appeared first on RUSHYASHYA.

    Source : https://rushyashya.net/niyonsenga-dieudonne-wa-ishema-tv-akomeje-gukwiza-impuha-no-guharabika-inzego-zumutekano/?utm_source=rss&utm_medium=rss&utm_campaign=niyonsenga-dieudonne-wa-ishema-tv-akomeje-gukwiza-impuha-no-guharabika-inzego-zumutekano

  • Côte d’Ivoire: Laurent Gbagbo yagarutse mu gihugu cye nyuma y’imyaka icumi #Rwanda #RwOT via @kigalitoday #rwanda #RwOT

    Laurent Gbagbo
    Laurent Gbagbo

    Hari hashize amazi makeya Urukiko mpuzamahanga mpanabyaha rw’i La Haye rwanzuye ko ibyaha Gbagbo yari akurikiranyweho bitamuhama, bityo ko atagikurikiranwa kuri ibyo byaha abaye umwere. Urukiko rwatangaje umwanzuro wo kugira Gbagabo umwere tariki 31 Werurwe 2021.

    Kugaruka kwa Laurent Gbagbo mu gihugu cye ngo bifatwa nk’inzira igana ku mahoro n’umudendezo muri Côte d’Ivoire. Perezida Alassane Ouattara, uyoboye icyo gihugu muri iki gihe, ngo yemeye ko Gbagbo agaruka mu gihugu mu rwego rwo kugira ngo habeho ubwiyunge.

    Urukiko mpanabyaha rw’i La Haye (ICC), rwemeje ko Gbagbo adahamwa n’ibyaha by’intambara n’ibyaha byibasiye inkoko muntu byakozwe muri Côte d’Ivoire hagati y’umwaka wa 2010-2011 mu mvururu zakurikiye amatora zigahitana ubuzima bw’abantu basaga 3.000.

    Ibyo Laurent Gbagbo ubu ufite imyaka 76 y’amavuko ateganya gukora mu gihe kizaza nyuma yo kugaruka mu gihugu cye, byo ntibyatangajwe .


  • Kamonyi- Nyarubaka: Barimo kwiyubakira ibibuga by'imikino irimo n'iyo batari bamenyereye #rwanda #RwOT

    Abaturage bo mu murenge wa Nyarubaka, Akagali ka Nyagishubi baravuga ko bafatanije n'ubuyobozi bwabo barimo gukora ikibuga cy'ahazwi nko mu Rugando, kimaze hafi imyaka 8 kidakoreshwa kubera ibiza byacyangije, bikagisiba. Bari kandi gukora ibindi bibuga bizakinirwaho imikino benshi bamenyereye ko ikinirwa ku nkombe z'ibiyaga ahaba umucanga, ibyo bavuga ko ari agashya bazanye.

    Ni ibikorwa birimo gutunganywa binyuze muri VUP (Vision Umurenge Program), aho ubuyobozi bwatekereje iki gikorwa mu rwego rwo gukangurira abaturage kurinda ubuzima bwabo indwara zitandukanye zitandura, ariko kandi hanagamijwe kuzamura impano z'urubyiruko binyuze mu mikino.

    Umunyamabanga Nshingwabikorwa w'Umurenge wa Nyarubaka, Mudahemuka Jean Damascene, ati' Tujya gutekereza iki gikorwa twashakaga gufasha abaturage bacu mu kurinda ubuzima bwabo indwara zitandura ndetse no kuzamura impano z'urubyiruko ruhaturiye ndetse n'abazava ahandi bakazatugana baje gukora siporo'.

    Yongeyeho ko ibibuga bishobora kuzaba bituranye n'iki cy'umupira w'amaguru harimo ikibuga kizakinirwaho umukino w'intoki-volleyball ikinirwa ku mucanga (Beach Volleyball), ariko kandi ngo baranatekereza ku mupira w'amaguru ukinirwa ku mucanga (Beach Soccer). Avuga kandi ko ubusanzwe iyi mikino akenshi usanga ikinirwa ahantu hari ibiyaga ndetse n'inyanja ariko ngo aka niko gashya bazanye I Nyarubaka,

    Yagize ati' Nibyo dufite igitekerezo cyagutse ku buryo aha haba igicumbi cy'imikino kuko nubwo ikibuga kizakinirwaho umupira w'amaguru cyamaze kuzura, dutegereje ko ubwatsi buhura ariko hiyongeraho inzira y'abakora amasiganwa (Athletisme) ibindi bibuga birimo ibyamaboko bikomatanije harimo volleyball ikinirwa ku mucanga (Beach Volleyball) ndetse n'umupira w'amaguru ukinirwa ku mucanga kuko umucanga ntabwo tuwukura kure ni aha hafi mu mugezi wegereye aha'.

    Akomeza ati' Murabizi ko ubusanzwe iyi mikino isanzwe iba hafi y'ahari ibiyaga cyangwa inyanja, ariko natwe twasanze ibiba hariya bakoresha nk'umucanga tuwufite bityo biduha intege zo kubikora, bityo aka ni agashya twegereje abaturage bacu kugirango n'ishoramari ryaguke muri iki gice cyegeranye n'akarere duhana imbibe ka Muhanga, uzabona yaza kuhakinira azajya amanuka si kure'.

    Ntirandekura Marcel umuturage uturiye hafi aha, avuga ko hashize igihe hadakinirwa ariko ko higeze gukinirwa ikibuga kitararengerwa n'isuri cyera hakibaho ibyahoze ari komini. Yishimira ko ibi bibuga bigiye kuzura ariko kandi agasaba ko hagezwa ibikorwa remezo birimo amazi, amashanyarazi ndetse n'umuhanda.

    Yagize ati' Turashimira Leta yacu idutekerereza ikaduha ibyiza bitubereye. Hashize igihe hano hadakoreshwa kubera ko hari harasibamye kubera ibiza byigeze kubaho, ariko urabona ko hameze neza cyane hatunganyijwe. Cyera higeze kujya hakinira amakomini yaragize Perefegitura ya Gitarama, ukabona hashyushye cyane. Ubwo bahashyize ibi bibuga nibagerageze banahazane amazi n'amashanyarazi ndetse bakore n'umuhanda kuko warapfuye cyane'.

    Umuyobozi w'Agateganyo w'Akarere ka Kamonyi, Tuyizere Thadee avuga ko bashimira abatanze ibitekerezo kugirango ibi bigerweho, nk'ubuyobozi akavuga ko bashimira ubuyobozi bw'uyu murenge kuko bwatekereje ku baturage n'abandi bahaturiye bose bazahakinira. Ashimangira ko nk'ubuyobozi bw'Akarere bazareba icyakorwa cyose mu bushobozi bahabwa kugira ngo bazagure ibikorwa, ariko kandi hanashyirwe ibyo bikorwa remezo.

    Yagize ati' Turashimira abantu bose batekereje ko abaturage bakwiye kongera guhabwa ikibuga cyo gukiniraho. Uyu murenge uzaba isibaniro ry'abafite impano zo gukina ariko natwe nk'ubuyobozi tuzakomeza kubunganira kugirango iki gikorwa kizasozwe ibyifuzwa byose bihari haba amazi, amashanyarazi ndetse n'uyu muhanda, n'iteme tuzareba niba bizakorwa mu bice ariko bihaboneke abantu bakine kandi intego zabo zigerweho'.

    Bitegenyijwe ko iki kibuga kizaba gifite ahantu hakwicarwa n'abantu bareba umupira ariko bakavuga ko habonetse abaterankunga bitababuza kongeraho ibikorwaremezo kugirango hajye hakoreshwa n'abafite impano mu mikino itegenyijwe irimo Basketball, Beach Volleyball, Beach Soccer, umupira w'amaguru ndetse hakaba hategenyijwe n'inzira zikoreshwa basiganwa ku maguru(Athletisme).

    Akimana Jean de Dieu

    Source : https://www.intyoza.com/kamonyi-nyarubaka-barimo-kwiyubakira-ibibuga-byimikino-irimo-niyo-batari-bamenyereye/

  • Rusizi : Abubatse ishuri ntibahembwe baramukiye ku Murenge bishyuza ngo barashonje #rwanda #RwOT

    Aba baturage bubatse ibyumba by’amashuri by’ishuri ribanza rya Rubenga I riherereye mu Mugugudu wa Rubenga I, Akagari ka Kagara mu Murenge wa Gihundwe, kuri uyu wa Kane tariki 17 Kamena 2021 ni bwo bazindukiye ku Biro by’Umurenge kwishyuza amafaranga bakoreye.

    Abaturage bifuza ko bahembwa amafaranga bakoreye kugira ngo bishyure amadeni bagiye bafata bizeye ko bazishyura na bo bahembwe, kuri bo ngo bahindutse ba bihemu ku babahaye ayo madeni.

    Intero yabo igira iti 'Nibatwishyure amafaranga twakoreye, turababaye turashonje.'

    Hari umwe muri bo ugira ati 'Duhembwa mu minsi icumi, ufata amadeni kuri butiki wizeje umuntu ngo uzayamuha mu munsi 10, ikarangira ari makumyabiri, mirongo utarishyura nyirayo aba yaratangiye kunguka.'

    Abaturage bakomeza bavuga ko bafite impungenge ko batazabona ubwishyu bw’umusanzu w’ibwisungane mu kwivuza (mutuelle de sante), ku bandi ngo ntibazabona amafaranga yo kwishyura amafaranga amashuri asaba abanyeshuri.

    Ubuyobozi bw’umurenge bavuga ko amafaranga yari yateganyijwe mu bwubatsi yarangiye, ariko bukamara impungenge abaturage ko hari ikigiye gukorwa ku bufatanye n’Akarere ka Rusizi, ku buryo mu Cyumweru gitaha 'bitarenze ku wa Mbere bazishyurwa amafaranga yabo.'

    Niyibizi Jean de Dieu ni umuyobozi w’Umurenge wa Gihundwe, yagize ati 'Amafaranga twari dufite yararangiye, arangira imirimo ikomomeje, twabigaragaje mu nama zitandukanye ku rwego rw’Akarere batugaragarije ko amafaranga ari gushakwa, tugiye kureba ko ayo mafaranga aho yava mu akoreshwa izindi gahunda tube tuyigurije abaturage babashe kuba bakwishyurwa, ntabwo birenga ku wa Mbere batarayabona.'

    Ibi byumba by’amashuri abanza byubatse mu buryo bwa etaje ku bufatanye bwa Leta y’u Rwanda na Banki y’Isi byatangiye kubakwa muri Nyakanga 2020 muri gahunda yo kugabanya urugendo rurerure abana bakora bajya ku ishuri ndetse no kugabanya ubucucike mu mashuri.

    Source : http://www.ukwezi.rw/mu-rwanda/Amakuru-anyuranye/article/Rusizi-Abubatse-ishuri-ntibahembwe-baramukiye-ku-Murenge-bishyuza-ngo-barashonje

  • Abagabye ibitero i Rusizi basabiwe ibihano #Rwanda #RwOT via @kigalitoday #rwanda #RwOT

    Uwitwa Bizimana Cassien, Matakamba Jean Berchmas na Shabani Emmanuel bo basabiwe ibihano ku wa Kane tariki ya 17 Kamena 2021 kubera uruhare bakekwaho ku byaha by’iterabwoba.

    Kuri uyu wa Gatanu hari hatahiwe bagenzi babo bafatanyije mu gukora ibi byaha ari bo Ntibiramira Innocent, Byukusenge Jean Claude, Nikuzwe Simeon na Ntabanganyimana Joseph.

    Ubushinjacyaha bwasobanuriye urukiko rukuru urugereko ruburanisha ibyaha mpuzamahanga n’ibyambukiranya imipaka ko Ntibiramira Innocent yemeye ibyaha byose aregwa uko ari bine ndetse abisabira imbabazi haba mu bugenzacyaha, ubushinjacyaha, mu rukiko aburana ifunga n’ifungurwa ry’agateganyo ndetse no mu rukiko yisobanura ku byaha aregwa.

    Ubushinjacyaha bwasabye urukiko, gushingira ku bisobanuro bwatanze maze rukemeza ko Ntibiramira Innocent ahamwa n’ibyaha akurikiranyweho kandi ko ukwemera ibyaha kwe gufite ishingiro, bityo agabanyirizwa ibihano.

    Ubushinjacyaha bukaba bwasabiye Ntibiramira Innocent igifungo cy’imyaka 20 aho kuba iyari iteganyijwe ku gihano ntarengwa cyo hejuru giteganyijwe ku cyaha kirusha ibindi gukomera aricyo igihano cy’igifungo cy’imyaka 25.

    Kuri Byukusenge Jean Claude uregwa ibyaha bine, wireguye yemera ibyaha avuga ko yabitewe n’ubujiji n’ubukene, ubushinjacyaha busanga yaremeye ibikorwa ariko ahakana ibyaha bityo bitafatwa nko kwemera ibyaha kuzuye.

    Ubushinjacyaha bwasabye ko ukwemera ibyaha kwe kutahabwa agaciro bityo ntazagabanyirizwe ibihano.

    Bwamusabiye gihano ntarengwa cyo hejuru giteganyijwe ku cyaha kirusha ibindi gukomera aricyo igihano cy’igifungo cy’imyaka 25.

    Nikuzwe Simeon murumuna wa Shabani Emmanuel nawe uregwa muri uru rubanza, uregwa icyaha kimwe aricyo cyo kuba mu mutwe w’iterabwoba, yireguye yemera icyaha ariko akavuga ko nta bushake bwo kugikora yagize.

    Ubushinjacyaha nawe busanga ubwiregure bwo butahabwa agaciro nk’uwemeye icyaha kuko yahakanye uruhare rwe mu kugikora aho yavuze yakuye gerenade muri Congo, indi akayihabwa na Matakamba Jean Berchmas akizibika iwe ariko ntazitangire amakuru ahubwo zigafatirwa iwe hashize ukwezi azibitse.

    Ubushinjacyaha bwasabye urukiko kwemeza ko ahamwa n’icyaha cy’iterabwoba agahanishwa igihano cy’igifungo cy’imyaka 20.

    Bwasabye kandi ko bwashingira ku bisobanuro byatanzwe n’ubushinjacyaha ntagabanyirizwe ibihano.

    Kuri Ntabanganyimana Joseph wari usanzwe ari umushoferi muri Congo, yireguye ku cyaha kimwe aregwa aragihakana ndetse avuga ko n’inyandiko yakoreye mu bugenzacyaha atayemera kuko atazi gusoma no kwandika.

    Gusa ubushinjacyaha bwagaragaje ko n’ubwo ahakana inyandiko yakoze bidakwiye guhabwa agaciro kuko hari inyandiko zindi yakoreye mu bushinjacyaha ndetse no mu rukiko aburana ifunga n’ifungurwa, yemeye ko yafashije Bugingo Justin kugura ubwato ndetse anamufasha kubona aho buparika hategereye ibirindiro by’ingabo.

    Ikindi ni uko ngo yemeye ko yanahawe igihembo cy’amadolari y’Amelika 100 nyuma y’uko abarwanyi bamaze kwambuka bagana mu Rwanda.

    Ubushinjacyaha bwabwiye urukiko ko ukwiregura kwe kutahabwa agaciro kuko yagiye ahunga ibyaha bityo ibyo yavuze bitafatwa nk’ukuri ahubwo ibyo yavugiye mu bugenzacyaha, mu bushinjacyaha no mu rukiko aburana ifunga n’ifungurwa by’agateganyo.

    Ubushinjacyaha bwasabye urukiko kwemeza ko Ntabanganyimana Joseph ahamwa n’icyaha cyo kuba mu mutwe w’iterabwoba agakatirwa igifungo cy’imyaka 20.

  • Umukunzi wa Kimenyi Yves, Miss Muyango ari hafi kubyara #rwanda #RwOT

    Muyango Claudine wegukanye ikamba rya Nyampinga uberwa n’amafoto 2019(Miss Photogenic 2019) akaba umukunzi w’umunyezamu Kimenyi Yves, aritegura kwibaruka imfura ye n’uyu munyezamu wa Kiyovu Sports.

    Mu mpeshyi ya 2019 nibwo urukundo rw’aba bombi rwamenyekanye, kuva icyo kugeza n’uyu munsi bagiye bagaruka mu nkuru mu bitangazamakuru bitandakanye bitewe n’uburyo badahwema kugaragarizanya urukundo.

    Nyuma yo kumwambika impeta ya Fiancailles muri Gashyantare uyu mwaka, amakuru ISIMBI yamenye ni uko aba bombi bitegura kwibaruka kwibaruka imfura yabo mu minsi iri imbere kuko n’inda ari nkuru.

    Nyuma y’uko Kimenyi amwambitse impeta ya Fiancailles tariki ya 28 Gashyantare 2021, amakuru yavugaga ko aba bombi barimo no gutegura ubukwe ariko shampiyona ihita isubukurwa Kimenyi Yves ahita ajya mu kazi butabaye(ari mu mwiherero n’ikipe ye ya Kiyovu Sports).

    Amakuru aturuka ku bantu bari hafi ya Kimenyi Yves, ni uko ubwo shampiyona izaba isojwe mu cyumweru gitaha tariki ya 23 Kamena, ikintu cya mbere uyu munyezamu azahita ashyira imbere ari ubukwe bwe n’umukunzi we aho bivugwa ko byinshi byamaze no gutunganywa.

    Kimenyi Yves na Muyango baritegura kwibaruka imfura yabo

    Source : http://isimbi.rw/imyidagaduro/article/umukunzi-wa-kimenyi-yves-miss-muyango-ari-hafi-kubyara