Blog

Ishami ry’umuryango w’abibumbye rishinze ubuzima ku isi (OMS), ritangaza ko abantu barenga 700 000 bapfa bazize kwiyahura buri mwaka ku isi hose, ni ukuvuga ko umuntu umwe apfa mu masegonda 40 azize kwiyahura. Hari ibimenyetso kandi byerekana ko kuri buri muntu mukuru wapfuye azize kwiyahura, hashobora kuba hari abandi barenga 20 bagerageje kwiyahura.

OMS ivuga ko Kwiyahura ari ibintu byugarije isi; kuburyo 77% by’abantu biyahura babarizwa mu bihugu bikiri mu nzira y’amajyambere. Bagaragaza ko mu 2019 kwiyahura byagize 1,3% by’abantu bapfuye ku isi yose, bikaba ku mwanya wa 17 mu bahitanywe n’imfu muri uwo mwaka.

Mu Rwanda nubwo nta mibare igaragara y’abantu biyahura, ariko ni ibintu bigenda byumvikana hirya no hino mu gihugu. Urugero rwa vuba ni mu ntangiriro z’icyi cyumweru tariki 14 Kamena 2021, aho umusore n’umukobwa Mbitsemunda Jean Baptiste w’imyaka 25 na Mukarukundo Sandrine w’imyaka 20 bombi bakomoka mu karere ka Ngorororero biyahuriye mu mugezi wa Nyabarongo, bazirikanyije amaboko. Si abo gusa kandi hari n’izindi ngero tutarondora z’abiyahura mu Rwanda, ibintu bimaze gufata indi ntera ku buryo hatagize igikorwa mu minsi ya vuba imfu z’abiyahura zishobora kuzahitana abantu kurenza abishwa n’indwara.

Mu 2019 OMS yavuze ko umubare w’ibihugu byashyizeho ingamba zo gukumira no kurinda abantu kwiyahura ari bikeya nubwo hari intambwe yari imaze guterwa kuva mu myaka 5 yari ishize. Yagaragazaga ko ibihugu 38 byonyine ku isi ari byo byashyizeho izo ngamba zihamye zo gufasha abantu kwirinda kwiyambura ubuzima. Aha rero ni ho yahereye isaba za leta z’ibihugu gushyiraho ingamba zihamye zizahangana n’icyo kibazo ku buryo burambye.

Umuyobozi mukuru wa OMS, Dr Tedros Adhanom Ghebreyesus yagize ati: “Umuntu umwe apfa buri masegonda 40 azize kwiyahura.” Ati: 'Urupfu rwose ni amahano ku muryango, ku nshuti ndetse na bagenzi bawe. Nyamara kwiyahura bishobora kwirindwa. Turahamagarira ibihugu byose gushyira mu bikorwa ingamba zashyizweho zo gukumira imfu ziterwa no kwiyahura hagam ijwe iterambere ry’ubuzima burambye.'

Ese kwiyahura biterwa n’iki? Byakumirwa gute?

Kwiyahura ni igikorwa cyo gutegura kwiyica ubwawe. Kwiyahura biterwa no kugira agahinda gakabije (depression). ni ikiza kitareba gusa uhombye ubuzima, ahubwo bigira ingaruka mbi ku muryango kuko usigarana agahinda, ubwigunge, urwikekwe n’ikimwaro… Kwiyahura kandi bigira ingaruka mbi ku muryango mugari, ku itorero, no ku gihugu muri rusange.

Abantu biyahura hafi ya bose babanza kugira ibibazo byo mu bwonko (mental disorders). Ikindi gishobora gutera kwiyahura ni indwara nka kanseri, indwara y’umutima. kwiyahura ntibishobora guhagarikwa n’amasengesho gusa, ahubwo hari n’abaganga bashinzwe gukurikirana abafite ibibazo birebana n’imikorere y’ubwonko.

Bibiliya ibivugaho iki?

Bibiliya itwereka ingero z’abantu bagiye biyahura harimo Sawuli umwami w’abisiraheri 1Samweli 31:4-5, Samusoni wari intwari cyane ariko yarababajwe bituma akurizamo kwiyahura (Abacamanza 16: 29-30), uwitwa Zimuri nawe yariyahuye ubwo yabonaga abisilayeli bamaze kugota I Tirusa, Zimuri abibonye yinjira mu gihome cy’umwami yitwikiramo.(1Abami 16:18). Nubwo bimeze bityo ariko nyamara kwiyahura cyangwa kwivutsa ubuzima ni igikorwa kibi cyane!

Imana yahaye buri wese muri twe ubuzima kugira ngo akore umurimo wayo. Imibiri yacu ni iy’Imana, ntituri abacu ngo twigenge. Ni ubushake bwayo kugena igihe umurimo wacu hano ku isi uzarangirira.

Umuntu wese aba agomba kubaha umubiri we kuko ari urusengero rw’umwuka w’Imana 'mbese ntimuzi ko imibiri yanyu ari insengero z’umwuka wera uri mwe, uwo mufite wavuye ku Mana? Kandi ntimuri abanyu ngo mwigenge kuko mwaguzwe igiciro. Nuko rero mutume imibiri yanyu ihimbaza Imana' Abakorinto 6: 19:20

Akenshi duca mu bihe bikomeye mu buzima bwacu, iyo ibintu bitagenze uko twabishakaga nabyo bituma dutakaza ibyiringiro by’ubuzima. Mu bihe nk’ibyo nibwo tuba dukwiye kwiga guca bugufi imbere y’Imana, niho twigira agaciro k’isengesho kandi tukahigira gufasha abandi babaye, nubwo tutagomba gusenga gusa igihe turi mu bibazo ahubwo tugomba gusenga mu byiza no mu bibi . Mu gihe tubona ko ibintu birushijeho kuba bibi, tugomba kumenya neza ko aribwo Imana iba idufitiye urukundo rudasanzwe.

Abantu usanga bibaza niba umuntu upfuye yiyahuye ashobora kubabarirwa akajya mu ijuru, ariko Bibiliya nta gisubizo iduha. Gusa ntaho tubona ishyigikira kwiyahura ahubwo irabyamagana. Abakristo benshi bizera ko icyo Imana yaturemeye ari ukubaho ubuzima bwacu bwose aho kuba ari twe tugena iherezo ry’ubuzima bwacu.

Kugira agahinda gakabije ni kimwe mu bitera abantu kwiyahura.

Ibitekerezo byinshi byo kwiyahura bishamikiye ku ndwara y’agahinda gakabije (depression) ariko gatuma umuntu agira ubwihebe ndetse n’ubwigunge. Mu by’ukuri agahinda gakabije kangiza ubwonko bw’umuntu kugeza aho yiyanga, akumva ko gupfa bimurutira kubaho.

Ubushakashatsi bwakozwe n’ikigo gishinzwe ubuzima bwo mu mutwe (National Institute of Mental Health)bwagaragaje ko agahinda gakabije (depression) ari ukudakora neza k’ubwonko, bikaba byavurwa n’imiti n’abaganga b’inzobere mu kuvura indwara z’ubwonko.

Ibimenyetso by’agahinda gakabije ni ibi bikurikira:

Ibitekerezo byo gutakaza ibyiringiro, guhangayika, gucika intege cyangwa umunaniro, kuvuga gahoro, kwibagirwa buri kanya, kunanirwa gufata imyanzuro, gutakaza appétit, gutakaza ibiro, kunanirwa gusinzira cyangwa gusinzira bikabije, gutekereza gupfa cyangwa kwiyahura. Kurwara umutwe, kugira ibibazo by’igogora nta mpamvu igaragara ibitera kandi bigakomera kubivura.

Dore bimwe mu bimenyetso biranga umuntu ufite ibitekerezo byo kwiyahura:

Guhora avuga ko ashaka gupfa cyangwa kwiyica, gushaka uburyo yakwiyica n’ibikoresho byamufasha gupfa, guhora avuga ko ntacyo kubaho bimaze, gukunda kunywa ibiyobyabwenge, kubura ibitotsi cyangwa gusinzira bikabije, kwiha akato ukitarura abandi, gushaka kwihorera n’ibindi…

Niba wowe ubwawe cyangwa undi muntu uzi, afite agahinda gakabije cyangwa atekereza kwiyahura, ni ngombwa gushaka ubufasha ako kanya. Utibagiwe kandi kwiyambaza impuguke ku bijyanye n’ubuzima bwo mu mutwe kugira ngo ahabwe inama zabugenewe nibiba ngombwa ahabwe n’imiti yamufasha gusubiza ubwenge ku murongo.

Dore ubuhamya bw’abo Imana yarokoye bagiye kwiyahura, nuko wafasha ugiye kwiyahura

https://www.agakiza.org/Ubuyo-bwiza-bwo-gufasha-umuntu-ushaka-kwiyahura.html

https://www.agakiza.org/Ubuhamya-Uko-Imana-yarokoreye-Ana-kuri-mudasobwa-yari-agiye-kwiyahura.html

https://www.agakiza.org/Ubuhamya-Mama-Keza-washatse-kwiyahura-nyuma-yo-gutabwa-n-umugabo-kubera-umwana.html

https://www.agakiza.org/Nasanze-kwiyahura-atari-wo-muti-w-ibibazo.html

https://www.agakiza.org/Ubuhamya-Nifuzaga-kwiyahura-ubwo-nari-nkomerewe-n-ubuzima-ariko-Yesu-ni-byose.html

[email protected]

Elisabeth Elliot, umugore wabaye intwari yo kwizera n’ubwo yahuye n’amagorwa menshi y’ubuzima agapfakara inshuro ebyiri n’ibindi bibi, ariko yikomeje ku Mana arinda agakiza kayo bituma atabaruka k’intwari.

Elisabeth Elliot yavukiye i Buruseli mu 1926 ku babyeyi b’abamisiyoneri bahise bimukira muri Leta Zunze Ubumwe z’Amerika. Agezeyo akiri muto, yakoze umwuga wo kwizera no gukurikira Kristo. Elisabeth yahise yumva umuhamagaro w’Imana wo kuba umumisiyoneri. Mu 1944, agamije kuba umusemuzi wa Bibiliya, yiyandikishije muri Wheaton College aho yahuye na Jim Elliot bari bahuje umuhamaro kandi bakundana igihe kirekire. Nyuma yo guhabwa impamyabumenyi Elisabeth yahuguye benshi nk’umusemuzi wa Bibiliya maze mu 1952 we na Jim bombi bagiye muri Ecuador gukora nk’abamisiyoneri. Hanyuma, mu 1953 we na Jim barashakanye aho, mu 1955, umukobwa wabo Valerie yavutse.

Muri icyo gihe inzitizi mu bumisiyoneri zarabonetse ku bwoko bwa Amazone, icyo gihe bwitwaga Aucas ariko ubu buzwi ku izina rya Waodani. Ubu bwoko, bwiberaga mu mashyamba akunda kugwamo imvura kandi ururimi rwabo ntirwamenyekanye. Waodani yari ifite kandi izina riteye ubwoba kubera urugomo. (Ubushakashatsi bwerekanye ko ubu bwoko bwagiraga ubwicanyi bukabije).

Bitewe n’ikibazo cya Waodani, itsinda ry’abasore b’abamisiyoneri batanu b’Abanyamerika, barimo Jim Elliot, bahisemo kugerageza kubageraho. Nyuma yo guhura na bo bwa mbere byari ari urugwiro, muri Mutarama 1956 aba basore barishwe.

Iyicwa ry’aba bagabo batanu ryagize ingaruka zikomeye muri Amerika ndetse no ku isi yose. Ibinyamakuru ntabwo byibanze ku byakozwe n’ubwoko bw’abanyarugomo, ahubwo byibanze ku barokotse, cyane cyane Elisabeth n’umwana Valerie. Elisabeth yagiye muri Amerika ari kumwe n’umukobwa we kandi mu byumweru bike, yanditse igitabo 'Through Gates of Splendor'. Iki gitabo cyaragurishijwe cyane atari ukubera ibintu bitangaje byavuzwemo, ahubwo ni ukubera ko Elisabeth yari afite impano yo kwandika ndetse n’ubushishozi bwimbitse.

Kwiyumvamo yahamagariwe n’Imana guhamya abishe umugabo we, Elisabeth yasubiye muri Ecuador n’umukobwa we.Yasenze asaba umwanya wo kuvugana na Waodani. Amaherezo, umugore umwe wo mu bwoko bwa Waodani yagaragaye, yemerera Elisabeth gutangira kwiga urwo rurimi, nyuma yo kwemeranya kubana mu mahoro, Elisabeth, umukobwa we w’imyaka itatu na Rachel Saint (mushiki w’umushoferi wishwe) bagiye kubana na Waodani.Igitekerezo cy’uko Elisabeth, nk’umubyeyi urera abana wenyine, yajyanaga umukobwa we muto kubana n’umuryango w’abanyarugomo bishe umugabo we byari bitangaje. Igitangaje cyane ni uko mu1950 Elisabeth ari we wafashe iya mbere mu kwegera ubwoko bw’abicanyi.

Imyaka ibiri abagore Elisabeth na Valerie babanaga na Waodani. Baremewe kandi, biga ururimi, bigisha ishingiro ry’ubukristo. Bashoboye kugaragariza imbabazi abo bagabo bishe abagabo babo bakundaga ndetse no kwerekana icyo kubabarira bisobanura byatesheje agaciro umuco wa Waodani wica abantu.

Amaherezo, Elisabeth yavuye i Waodani akorana n’ubundi bwoko kugeza mu 1963. Yahise yibanda ku kwandika no kuvuga. Ntabwo yigishije ibijyanye n’ubutumwa gusa ahubwo yanigishije ibintu byinshi mu buzima bwa gikristo. Mu myaka ya za 1960 yazanye impinduka nini mu muco, yasanze atanga ibisobanuro ku ruhare rw’umugore.

Mu 1969, Elisabeth yongeye gushakana na professor wa tewolojiya. Ikibabaje ni uko yapfuye azize kanseri mu 1973.Yongeye kuba umupfakazi, Elisabeth yakomeje umurimo we ku isi yose, yongera ku nshuro ya gatatu mu 1977 n’umuyobozi w’ibitaro. Amaze imyaka cumi n’itatu yakiriye gahunda yo gukora ikiganiro cyabaga buri munsi kuri ya radio ya gikristo. Hamwe n’ikinyejana gishya byaje kugaragara ko Elisabeth yari atangiye kurwara umutwe maze arekera aho kuvuga mu ruhame mbere y’uko apfa mu 2015.

Urupfu rwa Elisabeth Elliot

Elisabeth Elliot yapfiriye ahitwa Magnolia, muri Leta ya Massachusetts Kuwa 15 Kamena, afite imyaka 88 azize indwara yo kwangirika k’ubwonko (dementia) yari amaranye imyaka 10.

Dore ibintu 3 by’ingenzi twakwigira ku buzima bwa Elisabeth Elliot:

Icya mbere, kwizera kwe kwerekanaga kumvira Imana cyane: Elisabeth yabonaga ubukristo nk’ikintu kirimo kumwigisha kumvira Kristo byuzuye. Uku kwemera kuyoborwa n’Iman ni byo byamuhatiye guhura n’abicanyi b’umugabo we akabababarira.

Icya kabiri: Kwizera kwe kwaranzwe no kwemera Imana kwimbitse. Elisabeth yahanganye n’imibabaro yagize: Urupfu rw’abagabo be babiri, kwicwa kw’abakozi bakoranaga n’izindi ntambara nyinshi. Yanze kugerageza gushaka ibisobanuro kuri ibyo bintu. Icy’ingenzi yigishije ko tugomba kwemera ibyo twahawe n’Imana.

Icya gatatu: Kwizera kwa Elisabeth kwamuhaye ubwigenge bukomeye imbere y’isi.

Itumanaho rya gikristo ryose rishobora guhumuriza cyangwa kugorana. Elisabeth yanze gutanga ibyo abantu basabye ahubwo mugihe yajyaga i Waodani bari bategereje ko azavuga nabi ku bamwiciye abantu. Nyamara we yanditse avuga ko ari abantu beza.

Ubuzima bwo kuba umwizerwa no kwera imbuto bwa Elisabeth Elliot buduha urugero rwiza rwo guhindura abantu abigishwa ba Kristo. Muri iki gihe dukwiriye kumwibuka ndetse no kumwigiraho.

Source: www.canonjjohn.com

[email protected]

'Ariko indi mirimo ya Yotamu, n’intambara ze zose n’ingeso ze, byanditswe mu gitabo cy’Abami b’Abisirayeli nab’Ababayuda. Nuko Yotamu aratanga asanga ba sekuruza, bamuhamba mu mudugudu wa Dawidi, maze umuhungu we Ahazi yima ingoma ye '(2 Ngoma 27:7, 9).

Mu buzima bwa buri munsi hari ishusho umukirisito aba afite mu bo abana nabo, ndetse muhuye bwa mbere hari ingeso umuntu yabonekwaho akaba yacirwa urubanza n’abandi ko yaba akijijwe by’ukuri. Akenshi iyo twisuzumye neza, Umwuka wera akaturondora, ntiducirirwa urubanza n’abandi ko dufite umugayo. Bibiliya igira iti” Ariko twakwisuzuma ntitwagibwaho n’urubanza” (1Abakorinto11:31).

Hari ubwo abizera bakora imirimo ndetse myiza nk’uko bahamagawe, ariko ari abanyangeso mbi. Iyo twakiriye Yesu atera imbuto y’Umwuka Wera muri twe, natwe tukarerwa, tukigishwa ingeso nziza, imwe mu mbuto z’Umwuka wera (Abalatiya5:22-26).

Nyuma yibyo wakoze n’ingeso zawe zizavugwa

'Ariko indi mirimo ya Yotamu, n’intambara ze zose n’ingeso ze, byanditswe mu gitabo cy’Abami b’Abisirayeli nab’Ababayuda. Nuko Yotamu aratanga asanga ba sekuruza, bamuhamba mu mudugudu wa Dawidi, maze umuhungu we Ahazi yima ingoma ye '(2 Ngoma 27:7, 9).

Abami babaga baratoranijwe n’Uwiteka cyangwa barimitswe kubera imiryango baturukagamo (Monarchy), kandi bimikirwaga gukora imirimo myinshi.

Tugarutse ku mwami Yotamu, Bibiliya imutangira ubuhamya yuko yari Umwami wakoraga ibishimwa n’Uwiteka, ariko mu iherezo rye bavuga ko imirimo yakoze haraho yanditswe ndetse n’ingeso ze zaranditswe. Nubwo umwanditsi atatubwiye ingeso izo arizo, ariko ab’itorero dukwiye kuzirikana yuko nyuma y’imirimo dukora mu isi, ingeso zacu nziza cyangwa mbi haraho zizandikwa haba mu mpapuro cyangwa ku mitima y’abantu. Ese ni izihe ngeso urikwandikisha zizasigara zivugwa? (Fata akanya ubitekerezeho).

Nkuko byari byarahanuwe n’umuhanuzi Pawulo yuko mu minsi y’imperuka hazaza ibihe birushya kuko abantu bazaba bafite ishusho yo kwera ariko bahakana imbaraga zako (2 Timoteyo3:5a). 'Igihe kizaza ubwo Abashumba bazibwira yuko bari kugaburira intama, nyamara ahubwo udututi mu makoraniro yabo tuzaba twuzuye ihene mu ishusho y’Intama,' byavuzwe na Karoli Sipagiyoni (Charles Spurgeon). Uyu mwigisha mwiza wabayeho kuva 1834-1892 aramutse ageze muri iki kinyejana cya makumyabiri na rimwe yakibonera neza ibyo yahanuraga. Bityo wirinde yuko haricyo wakorera kwishushanya mu makoraniro kuko ari ingeso zizavugwa.

Pawulo, Esiteri, Yobu, ndetse na Yesu basize bandikishije ingeso nziza, ariko hari n’abandikishije ingeso mbi nka Kayini, Aburahamu (nubwo yarinshuti y’Imana yarabeshye), Dawidi (yasize yandikishije ingeso y’ubusambanyi kandi yarakoze neza mu bami babayeho muri Isirayeli,…).

Bityo Mwenedata wandikiwe ururwandiko kugira ngo ujye ugendana ingeso nziza nk’ugendera mu mucyo (Abaroma13:13), kandi uzirikane ko imbuto z’umucyo ari ingeso nziza zose no gukiranuka n’ukuri (Abefeso5:9). Nuko rero zirikana yuko ingeso imwe ishobora gutuma imirimo yose myiza wakoze itabera isomo n’umugisha kubandi.

Tugana ku musozo w’inkuru, 'Ibisigaye bene Data, iby’ukuri byose, ibyo kūbahwa byose, ibyo gukiranuka byose, ibiboneye byose, iby’igikundiro byose n’ibishimwa byose, nihaba hariho ingeso nziza kandi hakabaho ishimwe abe ari byo mwibwira.'(Abafilipi4:8) Mana utwigishe kubara iminsi yacu, uburyo butuma dutunga imitima y’ubwenge (Zabuli 90:12), Amen!

Source: Cepurhuye.org

[email protected]

Benjamin Gicumbi na Jean Luc bashyize umukono ku masezerano yo kwamamaza iyi nzoga kuri uyu wa Gatanu tariki 18 Kamena 2021, mu muhango wabereye kuri Land Mark i Nyarutarama mu Mujyi wa Kigali.

Mu kwamamaza Label 5, aba banyamakuru bazifashisha Radio B&B FM-Umwezi, imbuga nkoranyambaga n'izindi nzira.

Ntihatangajwe amafaranga buri umwe yahawe n'igihe iyi kontaro bashyizeho umukono izamara. Label 5 ni 'liquor' y'icyubahiro iri mu icupa rya Litiro n’agacupa gato ka Cl 25.

Label 5 ni Whisky yengerwa muri Scotland kabuhariwe mu gutegura agasembuye. Mu Rwanda iyi nzoga iri mu biganza bya kompanyi ya Ares Import&Export Ltd ikorera mu nyubako Marthias House i Remera.

Label 5 iboneka muri Liquor Store zose zo mu gihugu no muri Supermarket zitandukanye.

Benard Nahabwe Umuyobozi Ushinzwe Imenyekanishabikorwa muri kompanyi Ares Import%Export Ltd, yabwiye itangazamakuru ko bahisemo Benjamin Gicumbi na Jean Luc kubera ko bafite umubare munini ubakurikira cyane, kandi babitezeho umusaruro.

Avuga kandi ko bifashishije aba banyamakuru kugira ngo bamamaze Label 5, by'umwihariko muri iki gihe cy'imikino ya Euro 2021. Ati 'Bagiye kutwamamariza cyane cyane muri iki gihe cya Euro 2021…Guhitamo Umunyamakuru cyangwa ukwamamariza icya mbere ni ukuba uzwi.'

Akomeza ati 'Impamvu twabahisemo ni uko babimenyereye, ntabwo ari twebwe bwa mbere bagiye kwamamariza ni abantu basanzwe mu kazi bamamaza kandi bikagenda neza. Twabonye ko bashoboye, baracyari bato, kandi bamaze kubaka izina ryabo.'

  

Jean Luc Imfurayacu ukurikirwa n'abantu barenga ibihumbi 210 yavuze ko yishimiye gukorana na Label 5, kuko ari inzoga y'Abagabo.

Ati 'Label 5 ni ikinyobwa cyiza ngira ngo ku muntu wese usanzwe anywa inzoga cyangwa se akunda agasembuye, inzoga nk'iyi ngiyi y'Abagabo uraza kongera kubona ko ikinyobwa nk'iki cyagarutse mu Rwanda cyangwa se se gihari ku byinshi araza kwishima.'

'Turabashimira rero ko batugiriye icyizere kugira ngo dukorane tubafashe kuyigeza ku banyarwanda, ku badukunda, inshuti zacu zigiye zitandukanye.'

Benjamin Gicumbi ukurikirwa n'abantu barenga 151 kuri Instagram, yavuze ko hari impamvu zirenga eshatu Abanyarwanda bashingiraho banywa Label 5.

Avuga ko ari byiza kwamamaza inzoga nawe anywa, kandi ko yiteguye gukora ibishoboka, inshuti ze, abamukurikira kuri Radio n'abandi bakayoboka iyi nzoga.

Uhereye Ibumoso: Benjamin Gicumbi, Bernard Nahabwe Umuyobozi Ushinzwe Imenyekanishabikorwa muri kompanyi Ares Import%Export Ltd na Jean Luc Imfurayacu

Bernard Nahabwe [Uri iburyo] na Benjamin Gicumbi ugiye kumenyekanisha Label 5

Bernard Nahabwe [Uri iburyo] na Jean Luc Imfurayacu wasinyiye kwamamaza Label 5 Me Steven Gatari Umujyanama mu by'amategeko muri kompanyi GG Entertainment wahagarariye isinywa ry’amasezerano

AMAFOTO: jimmy_adnan44

Miss Mutesi Jolly yanditse kuri konti ye ya Twitter, kuri uyu wa Gatatu tariki 18 Kamena 2021, avuga ko ari iby'icyubahiro kwakirwa no kugirana ibiganiro na Dr Peter Mathuki Umunyamabanga Mukuru wa EAC kuva tariki 27 Gashyantare 2021.

Uyu mukobwa uri muri Tanzania mu gihe cy'ibyumweru bibiri, yavuze ko impanuro yahawe na Dr Peter Mathuki zizafasha mu gutuma ijwi ry'umugore ryumvikana, by'umwihariko binyuze mu irushanwa rya Miss East Africa 2021.

Dr Peter M. Mathuki aheruka mu Rwanda, aho tariki 6 Gicurasi 2021, yakiriwe na Perezida Paul Kagame bagirana ibiganiro n'itsinda yari ayoboye.

Yari aherekejwe na Perezida w'Urukiko rwa EAC, Nestor Kayobora, Perezida w'Inteko Ishinga Amategeko ya EAC, Martin Ngoga n'Umunyamabanga Mukuru Wungirije wa EAC, Christophe Bazivamo.

Dr Mathuki yashyikirije impano Perezida Kagame, anamubwira imigabo n'imigambi ye nk'umuyobozi wa EAC harimo kuzamura 40% by'ubucuruzi bukorerwa muri EAC.

Dr Peter Mathuki yatangiye kuyobora EAC asimbuye Libérat Mfumukeko wo mu Burundi. Yari asanzwe ari Umuyobozi Nshingwabikorwa w'Inama y'Ubucuruzi ya EAC, kuva mu 2018.

Ejo, ku wa Kane tariki 17 Kamena, Miss Mutesi Jolly yagiranye ibiganiro n'Umunyamabanga wa Leta muri Minisiteri y’Ububanyi n’Amahanga akaba anashinzwe Afurika y'Uburasirazuba Hon. Amb. Mbarouk Nasser.

Dr Peter Mathuki Umunyamabanga Mukuru w'Umuryango wa Afurika y'Uburasirazuba, yagiranye ibiganiro na Mutesi Jolly Visi-Perezida wa Miss East AfricaMiss Mutesi Jolly yatangaje ko impanuro yahawe na Dr Peter Mathuki zizafasha mu kuzamura ijwi ry'abakobwa, by'umwihariko muri Miss East Africa 2021

Umurava, urukundo, ubwitange, icyizere cy’ejo hazaza, gukora cyane, ndetse n’ikinyabupfura, ni bimwe mu byaranze Imurora Japhet. 

Imurora Japhet yakiniye amakipe atatu mu Rwanda arimo Marine FC, Musanze FC, na Police FC. Gusa Musanze yayikiniye inshuro ebyiri.

Mu kiganiro yagiranye ni InyaRwanda.com ubwo yari amaze gusezera, yatugarukiye ku rugendo rwe avuga ko rwaranzwe no kwihangana ari bimwe mu byatumye ahirwa mu mupira w’amaguru. Ati: “Murakoze, kuri uyu munsi nsezeye kuri Ruhago yatwaye igice gikomeye cy’ubuzima bwanjye, ariko birangiye iminsi igeze ku musozo”. 

“Ndashima cyane urugendo nanyuzemo kugira ngo ubu mbe ndi aha. Ndibuka neza natangiye umupira w’amaguru ndi umuzamu, aha nigaga, kuri Esa Gisenyi, mpava njya kuri Auto Gitarama ariho natangiye gukina nka Rutahizamu. Ndangije amashuri y’isumbuye, nahise njya i Gisenyi ariho nyuma nisanze  muri Marine FC icyo gihe nari mfite imyaka 18, Marine nyikinira kuva 2007 kugera 2009”.

Marine nayo yari yazanye impano nk’umukinnyi wabakiniye 

“Sinzibagirwa umunsi nahembwaga ibihumbi 15 ariyo mafaranga ya mbere nakuye mu mupira w’amaguru” Imurora Japhet. Yakomeje ati “Nkigera muri Marine ntabwo nahise mpabwa ibyangombwa ariko nahabwaga amafaranga ibihumbi 15 by’umushahara, nyuma naje kugira amahirwe Bekeni ampa umwanya nza gukina umukino wa mbere twahuyemo na Police FC nsindamo n’igitego cyari icya mbere muri shampiyona nsinze kikaba ari nacyo gikorwa nibuka mu mupira w’amaguru cyiza cyambayeho.”

Imurora Jephet yavuye muri Marine ahembwa ibihumbi 40 agurwa na Musanze ibihumbi 800, atangira ubuzima bushya mu rugo.

“Mu Musanze ntabwo twatangiye neza kuko ikipe amafaranga yari yaratwemereye itayaduhaye, ahubwo hajemo ibibazo kugeza ubwo ikipe imanutse mu cyiciro cya 2 ariko itabarwa n’uko Atraco FC yari imaze gusenyuka.” Imurora Japhet aracyatuganiriza.

Nyuma ikipe yaje kumanuka mu cyiciro cya 2, mu 2011-2012 ihita izamuka itwaye igikombe cy’icyiciro cya 2 ari nacyo gikombe cya mbere yari yegukanye mu buzima bwe. Mu myaka 6 yakiniye Musanze mbere yo kwerekeza muri Police yari umukinnyi ngenderwaho, ndetse byatumye atangira ubuzima bushya muri Police FC aho yagiye muri iyi kipe aguzwe Miliyoni 2 ku mwaka umwe yari asigaranye w’amasezerano.

Ati: “Muri Police nasanzemo Cassa nk’umutoza mukuru, gusa ubuzima bwarangoye, kuko nasanze Tuyisenge Jacques ariwe Kapiteni kandi twarakinaga ku mwanya umwe. Nyuma yaragiye nanjye ntangira gukina, twegukana igikombe cy’Agaciro mu 2014-2015 cyari igikombe cya 2 negukanye mu buzima bwanjye.”

Umwaka wa 2017 wari uwa nyuma muri Police ndetse no muri Kigali, gusa byari bigoye kuko icyo gihe Imurora Japhet yashakaga kujya gukina hanze ariko ntibyamukundira ariyo mpamvu yahise asubira muri Musanze ari naho yashoreje umwuga we wo gukina n’ubwo yari yize ibijyanye n’amashanyarazi atigeze akoramo na rimwe.

Jephet yatangiye gukina mu cyiciro cya mbere ku myaka 18 akaba asezeye kuri Ruhago afite imyaka 32.

Ati: “Ndi umuntu ufata ibyemezo bikakaye abenshi batatekerezaga, ari nayo mpamvu mfashe uyu mwanzuro wo gusezera hatazagira nubaza ngo runaka yagiye he. Musanze nziza yabayeho ni iya 2013-2014 yari ikipe nziza twari dukomeye kurenza ikindi gihe cyabayeho, sinzayibagirwa.”

N’ubwo amanitse inkweto yemeza ko ibyo atakoze muri Ruhago ari byo agiye gukora hanze y’ikibuga. Yagize ati “Hari byinshi nashatse kugeraho nkiri umukinnyi ariko mbona bitagikunze ariyo mpamvu nsezeye kuri Ruhago, numvaga nshaka kuzakina hanze ariko ntibyakunze gusa ngomba kuzareba niba nzabikora nshoje cyangwa se nkavamo umutoza ukomeye, umucuruzi, n’ibindi.”

Marine yayikiniye imikino 30 kuva 2007-2009 ayitsindira ibitego 7, Musanze FC kuva 2009-2015 yayikiniye imikino 117 atsindamo ibitego 28, ajya muri Police kugeza mu 2017 ayikinira imikino 49 atsindira ibitego 15, agaruka muri Musanze FC akinamo kugeza uyu mwaka w’imikino asezeye, yari amaze gukina imikino 83 atsindamo ibitego 18.

“Kwinjira mu cyiciro cya mbere mvuye ahantu hatazwi nkaza nkatsinda ibitego, ndi umunyarwanda kuko icyo gihe abanyamahanga bari bemewe 100% icyo gihe ni bwo nagize ibihe byiza ntazanibagirwa.” Imurora Japhet

Hono ni indirimbo yanditswe n'umuhanzi Mr Kagame, itangira ifite umudiho cyane w'ijwi ku bakunda kwibyinira izi mbyino zigezweho ndetse bakabasha kwizihirwa binyuze mu buhanga n'umudiho biri muri iyi ndirimbo yatunganyijwe n'umwe mu ba Producer bagezweho mu Rwanda, Element.

Mu kiganiro uyu muhanzikazi yahaye InyaRwanda.com, yatangiye asobanura byinshi kuri iyi ndirimbo ye nshya n'aho igitekerezo cyavuye kugira ngo isohoke iryoheye amatwi ndetse n'abayireba bayisubiremo inshuro zirenze imwe.

Uyu muhanzikazi yahishuye kandi ko ari indirimbo yanditswe na Mr Kagame, anavuga uburyo yatekereje gukoreshamo umukinnyi ndetse n'umwe mu banyarwenya Rutambi mu ndirimbo aho akina ari nawe ushingirwaho ku bivugwa mu nkuru y'uyu muryango.

Alyn Sano yabwiye abafana be ko aribo akorera umunsi ku wundi

Yagize ati “Iyi ndirimbo ivuga ku bagabo baburira umwanya wabo  abagore bakitwaza akazi buri gihe ariko mu byukuri atar ibyo rero n'ibyo ngibyo nashatse kuvugaho ni igitekerezo cyaje uko nguko.Ni indirimbo yanditswe na Mr Kagame naramwisunze kubera ko ari umwanditsi mwiza kandi ibyo namushakagaho narabibonye.

Ni Video igaragaramo umukinnyi wa Firime witwa Rutambi. Umuhanzikazi Alyn Sano yavuze ko impamvu yatekereje Rutambi ari uko ajyanye n'ibyo we n'ikipe ye bashakaga kandi agaragara neza ni byo bashingiyeho bamukoresha.

Alyn Sano yasoje avuga ko akora umuziki kugira ngo ahe ibyishimo abakunzi be rero nibayireba bakishima araba ageze ku byifuzo bye n'ubundi ahora yifuza mu buzima bwe ko abakunzi be ni bo akorera kugirango bishime.

KANDA HANO UREBE HONO INDIRIMBO NSHYA YA ALYN SANO