Webrwanda Backend

Blog

  • Nsabimana Callixte yahakanye icyaha cyo kurema umutwe w’iterabwoba wa FLN #Rwanda #RwOT via @kigalitoday #rwanda #RwOT

    Nsabimana Callixte wiyise Sankara
    Nsabimana Callixte wiyise Sankara

    Yabitangaje kuri uyu wa Gatatu tariki ya 23 Kamena 2021, ubwo yisobanuraga ku bihano yasabiwe n’ubushinjacyaha ku byaha aregwa.

    Nsabimana Callixte yahakanye icyaha cyo kurema umutwe w’iterabwoba wa FLN, kuko yawuhasanze ahubwo yemera ko yagiye mu mutwe w’iterabwoba wa FLN.

    Ati “FLN yashinzwe tariki 10 Kamena 2016 ari umutwe w’ingabo za CNLD, yaje kuba umutwe w’ingabo z’impuzamashyaka MRCD tariki ya 04 Nyakanga 2017”.

    Nsabimana Callixte avuga ko atari mu bashinze FLN ahubwo we yabaye umuvugizi wayo.

    Ibisobanuro bye akaba yabishingiye ku mvugo za bamwe mu baregwa muri urwo rubanza ndetse n’iz’ubushinjacyaha ku bandi bareganwa mu rubanza.

    Yakomeje avuga ko n’ubwo FLN zari ingabo za MRCD, ariko amabwiriza yose yatangwaga na CNLD ari yo yari nyiri ingabo.

    Agira ati “Tuganira ku meza dushyiraho MRCD, CNLD yazanye ingabo ari zo FLN iba ari na yo ikomeza gutanga amabwiriza. Abandi twari dufite ibindi tuzana bijyanye na Politiki”.

    Nsabimana Callixte avuga ko yageze mu mpuzamashyaka MRCD, abarwanyi ba FLN baramaze kugera mu Burundi zije mu bitero i Nyaruguru.

    Avuga ko atiyumvisha ukuntu ari we na Rusesabagina baregwa kurema umutwe w’iterabwoba wa FLN nyamara hari abawushinze.

    Ati “Kuki ari jye na Rusesabagina turegwa kurema FLN nyamara hari abasirikare barenga 80 bitandukanyije na FDLR-FOCA, bagashinga CNLD ifite umutwe w’ingabo wa FLN, ari na bo bayoboraga uwo mutwe?”

    Nyamara mu iburanisha ryo ku wa 23 Gicurasi 2019, Nsabimana yari yemeye ibyaha byose aregwa uko byari 16.


  • Nyamata : Baramukiye muri Gare gutega imodoka zijya i Kigali bamwe banazicaramo ariko ntizabajyana #rwanda #RwOT

    Kuri uyu wa Gatatu tariki 23 Kamena 2021 ni bwo mu Rwanda hose hatangiye kubahirizwa amabwiriza mashya yo kwirinda ikwirakwira ry’icyorezo cya COVID-19 avuga ko ingendo hagati y’Umujyi wa Kigali n’izo hagati y’Uturere n’utundi zibujijwe mu gihe cy’ibyumweru bibiri.

    Mu minsi yashize ubwo iyi gahunda izwi nka Guma mu Karere yabagaho, abatuye mu bice bimwe na bimwe byegereye Kigali bemererwaga gukomeza kujya mu Mujyi wa Kigali kuko basanzwe bahafite ibyo bahakora ndetse hakaba hari n’abasanzwe bakora muri Kigali ariko bagataha muri ibyo bice.

    Ibyo bice no muri Nyamata ituwemo na benshi birirwa muri Kigali ariko bagataha muri kariya gace k’i Bugesera, hakaba kandi no muri Ruyenzi mu Karere ka Kamonyi.

    Bamwe mu batuye muri Nyamata, uyu munsi bazindukiye muri Gare bazi ko bakomeza gukorera ingendo mu Mujyi wa Kigali nk’uko bisanzwe bamwe yewe baninjira mu modoka bahasanze ariko bategereza ko zihaguruka baraheba.

    Umwe muri bo uvuga ko bari bizeye ko nubundi baza gushyirirwaho umwihariko nk’uko byagiye bigenda, yagize ati 'Byajyaga kugera saa yine RURA yabafunguriye imodoka zijya i Kigali, none ndabona ibiro bigifunze, ngira ngo byakomeye cyane.'

    Imodoka ziri gutwara abantu muri Gare ya Nyamata n’izijya mu bice binyuranye by’Akarere ka Bugesera gusa mu gihe izerecyeza Kigali zaparitse.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Nyamata-Baramukiye-muri-Gare-gutega-imodoka-zijya-i-Kigali-bamwe-banazicaramo-ariko-ntizabajyana

  • Imbeba imwe rukumbi yigize akaraha kajyahe it… – #rwanda #RwOT

    Mu byumweru bibiri biri imbere, abagororwa barenga 400 n’abakozi ba gereza ya Wellington 200 bazimurirwa mu yandi magereza kubera imbeba yabajujubije nk'uko BBC ibitangaza. Gusa n'ubwo havugwa imbeba imwe usanga iba ifatanije n'izindi kwangiza gereza.

    Inkuru ikomeza ivuga ko kiriya gihugu cyibasiwe n'imbeba bikomeye aho zangije ibikorwa remezo bya gereza, harimo insinga z'amashanyarazi z'imbere muri gereza. Imbeba zabaye ikibazo gikomeye ku bahinzi bo muri Australia kuva igihembwe cy'isarura cya 2020 gitangiye.

    Gereza ya New South Wales imaze imyaka ibarirwa muri za mirongo yibasiwe n’imbeba. Igihe cyiza cyo gusarura cyongereye imbeba muri leta y'amajyepfo y’iki gihugu, aho izi mbeba zimaze amezi zangiza byinshi mu bihingwa. Abayobozi ba gereza y’igihugu bavuga ko abagororwa bari muri gereza bazagabanywa kugeza ku mezi ane mu gihe izaba iri gusukurwa, gusanwa by'ibyangiritse.

    Source : https://inyarwanda.com/inkuru/106871/imbeba-imwe-rukumbi-yigize-akaraha-kajyahe-itesheje-umutwe-gereza-bituma-imfunga-400-nabak-106871.html

  • Ngororero: Amashanyarazi bahawe yabarinze ingorane zo kubyariza ku itoroshi #Rwanda #RwOT via @kigalitoday #rwanda #RwOT

    Iki kigo cyashyizwemo amashanyarazi ku buryo batakibyaza bamurikisha itoroshi
    Iki kigo cyashyizwemo amashanyarazi ku buryo batakibyaza bamurikisha itoroshi

    Mu gihe bamwe bakeneye umuriro mu bikorwa by’iterambere, abaganga bo ku kigo nderabuzima cya Gashonyi mu Karere ka Ngororero, bavuga ko bamaze igihe bakoresha itoroshi nijoro bita ku babyeyi n’abarwanyi babagana badafite umuriro w’amashanyarazi bigahora bibahangayikishije.

    Ikigo nderabuzima cya Gashonyi giherereye mu misozi miremire ya Ngororero, kugira ngo ugere ku bitaro biri hafi bya Shyira mu Karere ka Nyabihu, bisaba kwambuka umugezi wa Mukungwa yihuza na Nyabarongo bikaba ikibazo kuyambuka igihe imvura yaguye, mu gihe n’umuhanda uba utameze neza.

    Abaturage bavuga ko bamenyereye gukoresha ingobyi mu gihe cy’imvura kuko imodoka hari aho zidashobora gukora.

    Ikibazo cy’imihanda cyifatanyije no kutagira umuriro ku kigo nderabuzima cya Gashonyi byatumye abaturage bajya mu bwigunge mu kubona serivisi nziza z’ubuzima.

    Kuva babona ikigo nderabuzima cyubatswe na World Vision, kigakurikirwa no kubegereza amazi n’amashanyarazi, ubu bashima Leta y’u Rwanda n’umufatanyabikorwa wayo World Vision bashoboye kubakura mu bwigunge bakaba bahabwa serivisi nziza uko bayishaka.

    Ayinkamiye Clotilde ni umubyeyi w’imyaka 42, agaragaraza imikorere by’ ikigo nderabuzima cya Gashonyi cyamufashije kitarabona amashanyarazi na nyuma yo kuyabona.

    Agira ati “Iki kigo cyadufashije tutarabona amashanyarazi, cyari gifite inyubako ntoya, kitagira amazi, iyo wazaga mu ijoro wabaga utizeye serivisi uhabwa kuko abaganga bakoreshaga itoroshi, haba mu kubyaza, haba mu gusuzuma ugasanga ababyeyi bamwe batahakunda, bagahitagamo gukora ibilometero bakajya ku bitaro bya Shyira na byo byari mu misozi ihanamye, abandi bakabyarira mu rugo kuko babonaga n’aho babyarira batahizeye.”

    Ayinkamiye avuga ko abaturage bo muri Matyazo bari barasigaye inyuma kubera kutagira amashanyarazi n’amazi.

    Ati “World Vision yaradufashije, kuko nyuma yo kuvugurura inyubako y’ababyeyi baduhaye amazi meza, turuhuka ingendo zo gukora ikilometero dushaka amazi mu mibande, ibi byagabanyije indwara zikomoka ku isuku nke.”

    Ati”Ibi bikorwa byahinduye ubuzima bwacu kuko indwara z’umwanda zaragananutse ndetse dushobora gutunga telefoni kuko tubona aho turahura umuriro, mbere byari ikibazo kubona umuriro ndetse n’iterambere ryari rikeya.”

    Nayino Anoilita utuye mu kagari ka Rwamiko, avuga ko ikigo nderabuzima cya Gashonyi cyagabanyije ababyeyi babyarira mu rugo n’abana bagahura n’ibibazo bavuka.

    Ati “Turishimira ko iki kigo nderabuzima cyavuguruwe, tubona amashanyarazi, ubu ibizami bikorwa byose, umubyeyi uje kubyara aba azi neza ko abaganga bamukurikirana bareba neza badakoresha itoroshi nka kera, tubona amazi meza hano, ubuzima bwabaye bwiza.”

    Nayino akomeza avuga ko abaturage babonye amazi batozwa isuku n’abana babona amazi isuku iriyongera haba mu ngo no ku imashuri.

    Umuyobozi w’ikigo nderabuzima cya Gashonyi, Nzabahiranya Wilhelimine, avuga ko bahuye n’ingorane batarabona amashanyarazi.

    Ati “Mbere ya 2018 ubuzima bwari bugoye kuko nta mashanyarazi twari dufite tugakoresha itoroshi mu kubyaza, ibaze iyo umubyeyi akeneye kongerwa, udafite umuriro ukoresha itoroshi bisaba kwigengesera, dushimira Imana ko nta mubyayi wabigiriyemo ikibazo.”

    Ababyeyi bishimira ko basigaye babyarira ahantu heza
    Ababyeyi bishimira ko basigaye babyarira ahantu heza

    Avuga ko iyo mikorere yatumye ababyeyi batahakunda bigatuma benshi bakora ingendo ndende, abandi bakabyarira mu ngo.

    Imibare itangwa n’ikigo nderabuzima cya Gashonyi igaragaza ko abagore babyarira kwa muganga bari kuri 50% ikigo nderabuzima kitarabuvururwa ngo gihabwe amashanyarazi, none ubu bageze kuri 85%.

    Nzabahiranya avuga ko imbogamizi bagiraga bagifite ari umuhanda kuko mu gihe cy’imvura imbangukiragutabara itabasha kugera ku barwayi. Ati “Tugira ibibazo mu gihe cy’imbura abarwayi bajyanwa mu ngombi.”

    Uwo muyobozi avuga kandi ko amazi yegerejwe abaturage yagabanyije indwara zikomoka ku isuku nke.

    Ati “Indwara z’abana zari nyinshi mu gihe batagiraga amazi meza, ibipimo bigaragaza ko indwara z’impiswi ziterwa n’umwanda zari kuri 65%, ubu zigeze kuri 40% kandi ubukangurambaga burakomeje.”

    Umuyobozi w’Akarere ka Ngororero wungirije ushinzwe imibereho myiza y’abaturage avuga ko bashima World Vision yabafashije kubaka ibikorwa remezo bifasha abaturage kubona serivisi nziza.

    Ati “Badufashije mu kubaka ikigo nderabuzima cya Gashonyi, ariko banadufashije mu bindi bikorwa bifasha abaturage kugira imibereho myiza nko kubaka ibyumba by’amashuri tugabanya ubucucike, badufashije kubona intebe mu mashuri, bafasha Akarere kwegereza abaturage amazi meza dusezerera indwara zikomoka ku isuku nke, badufashije mu kubaka amasoko mato abaturage bashobora kugeza umusaruro ku isoko bihindura ubuzima bwabo.”

    Jérôme Sezibera Ayingoma umukozi wa World Vision avuga ko ibikorwa bakora bagamije guteza imbere imibereho y’umwana, cyane cyane abakomoka mu miryango icyennye.

    Asobanura ko World Vision yita ku bukungu n’iterambere, ubuhinzi, ibindi biri mu buzima, amazi, isuku n’isukura, hamwe n’uburezi, kugira ngo bifashe umwana kugira ubuzima bwiza.


  • Bugesera: Abagenzi bazindukiye muri gare bizeye kujya i Kigali ntibyabakundira #Rwanda #RwOT via @kigalitoday #rwanda #RwOT

    Bazindukiye muri gare bizeye kujya i Kigali ntibyabakundira
    Bazindukiye muri gare bizeye kujya i Kigali ntibyabakundira

    Mu nama y’Abaminisitiri idasanzwe yateranye ku wa Mbere w’iki cyumweru, yemeje ko ingendo hagati y’Umujyi wa Kigali zihagaze, ndetse n’ingendo hagati y’uturere zikaba zihagaze, abantu bakaguma mu Karere barimo. Ibyo byagombaga gutangira gushyirwa mu bikorwa kuri uyu wa Gatatu tariki 23 Kamena 2021.

    Hari abagenzi bo mu Karere ka Bugesera bibwiye ko ibyo bitabareba, ko biza kugenda uko bisanzwe bigenda, bakinjira muri Kigali nta kibazo.

    Abenshi bazindukiye muri gare ya Nyamata, ndetse bicara mu mamodoka bategereje ko bemererwa kugenda ariko ntibyakunda, barambiwe batangira gusubira mu ngo zabo, n’ubwo n’ubu bakomeje kuza umwe umwe ku biro bya ‘agence’ zisanzwe zitwara abagenzi i Kigali, babaza niba bitaremerwa ko bagenda.

    Umwe muri abo baza baje kubaza ko bitaremerwa witwa Nyabyenda Martin ati “Ubusanzwe byajyaga kugera saa yine RURA yabafunguriye imodoka zijya i Kigali, none ndabona ibiro bigifunze, ngira ngo byakomeye cyane. Numvise ko no mu nzira ugana i Kigali ngo harimo za bariyeri nyinshi z’Abapolisi.Ubuzima bugiye kutugora kuko bizinesi nyinshi tuzikorera i Kigali”.

    Ubu muri gare ya Nyamata imodoka ziraparitse, harakora imodoka zijyana abantu mu bice bitandukanye byo mu Karere ka Bugesera.

    N’ubwo abagenzi bari bategereje ko byemerwa bakajya i Kigali, ariko Umuyobozi w’Akarere ka Bugesera abinyujije ku rubuga rwa Twitter yasobanuye ko abantu bagomba kuguma mu Karere, kuko abafite impamvu zihariye zituma bajya muri Kigali bashyiriweho uburyo bafashwamo.

  • FDLR mu marembera. Abarwanyi bayo bakomeje gupfa nk'udushwiriri, abarokotse bakishyira mu maboko y'ingabo za Kongo. #rwanda #RwOT

    Amakuru dukesha abari bahibereye, arahamya ko mu ntangiriro z'iki cyumweru, ahitwa Kichanga muri Kivu y' Amajyaruguru, FDLR yakubiswe ikibatsi cy'umuriro gikaze, maze 10 mu barwanyi bayo barayamanika, bahita bishyira mu maboko y' Ingabo za Repubulika Iharanira Demokarasi ya Kongo, FARDC. Umubare w'abahasize agatwe ntiwatangajwe, gusa abaduhaye amakuru yizewe bemeza ko imirambo yari myinshi cyane.

    Abo barwanyi barimo n'ufite ipeti rya Major kandi, bashyikirije FARDC imbunda nyinshi zirimo RPG, Sub-mashine gun na AK47. Iki rero ni ikindi kimenyetso ko uyu mutwe w'iterabwoba wa FDLR uri mu marembera, kuko nta munsi wira abarwanyi bawo batishwe nk'udushwiriri, abadafashwe mpiri bakishyira mu maboko ya FARDC yahagurukiye kubahashya.

    Aka kaga FDLR irimo kariyongera ku macakubiri amaze igihe yaramunze FDLR ubwayo, abayobozi bayo bakaba bagiye kumarana, bapfa ibisahu bambura abaturage b' Abanyekongo n'imisanzu basaruza mu Nterahamwe n'ibigarasha biba hirya no hino ku isi.
    Ikindi gitumye FDLR irushaho kujya mu manegeka, ni uko umutwe wa Mai Mai-Nyatura wayitabaraga rwahinanye nayo isigaye ku izina, nyuma y'aho izo nyeshyamba z'Abanyekongo zigiraniye amasezerano na FARDC yo gushyira intwaro hasi.

    Amakuru ava aho i Kichanga kandi aravuga ko abo barwanyi ba FDLR bari mu maboko ya FARDC bazoherezwa mu Rwanda, nk'abandi benshi bagiye bafatirwa ku rugamba bakoherezwa i Mutobo, kugirango bagangahurwe, bavanwemo ubugome n'ingengabitekerezo batorejwe mu mashyamba ya Kongo.

    The post FDLR mu marembera. Abarwanyi bayo bakomeje gupfa nk'udushwiriri, abarokotse bakishyira mu maboko y'ingabo za Kongo. appeared first on RUSHYASHYA.

    Source : https://rushyashya.net/fdlr-mu-marembera-abarwanyi-bayo-bakomeje-gupfa-nkudushwiriri-abarokotse-bakishyira-mu-maboko-yingabo-za-kongo/?utm_source=rss&utm_medium=rss&utm_campaign=fdlr-mu-marembera-abarwanyi-bayo-bakomeje-gupfa-nkudushwiriri-abarokotse-bakishyira-mu-maboko-yingabo-za-kongo

  • Umunyezamu wa Rayon Kwizera Olivier agiye gutangira kuburanishwa #rwanda #RwOT

    Uyu munyezamu ujya anahamagarwa mu ikipe y’Igihugu, yatawe muri yombi mu ntangiro z’uku kwezi tariki 04 Kamena 2021 ubwo Ikipe y’Igihugu yari no mu mikino ya gicuti n’iya Centrafrique ariko we akaba atarayihamagawemo.

    Uyu munyezamu wakunze kuvugwaho kuba afite impano muri ruhago, yafatanywe n’abandi bakinnyi barimo myugariro Runanira Hamza na we wakiniye Rayon Sports n’andi makipe anyuranye.

    Umuvugizi w’Urwego rw’Igihugu rw’Ubugenzacyaha (RIB), Dr Murangira Thierry aherutse gutangaza ko uriya munyezamu Kwizera Olivier yafatanywe urumogi ari kumwe n’abandi bantu umunani bari mu rugo rwe.

    Bariya bantu bose bahise bajyanwa gukorerwa ibizamini muri Laboratwari y’Igihugu y’Ibimenyetso bya gihanga (Rwanda Forensic Laboratory).

    Kwizera Olivier agiye kuburanishwa kuri iki cyaha cyo gukoresha ikiyobyabwenge cy’urumogi nyuma y’uko umuhanzi Tuyishime Joshua uzwi nka Jay Polly na we afatiwe icyemezo cyo gufungwa iminsi 30 kuko akurikiranyweho na we icyaha cyo gukoresha ikiyobyabwenge cy’urumogi.

    Uyu muhanzi uregwa hamwe na bagenzi be bajuririye kiriya cyemezo cyo kubafungwa by’agateganyo cyafashwe n’Urukiko rw’Ibanze rwa Gasabo ariko Urukiko Rwisumbuye rwa Gasabo rwaburanishije ubujurire bwabo, ruza kubutera utwatsi.

    UKWEZI.RW

    Source : http://www.ukwezi.rw/Imikino/Umunyezamu-wa-Rayon-Kwizera-Olivier-agiye-gutangira-kuburanishwa

  • Vivo Energy Rwanda yateye inkunga abanyeshuri 10 binyuze mu Imbuto Foundation #Rwanda #RwOT via @kigalitoday #rwanda #RwOT

    Ubwo Vivo Energy Rwanda yashyikirizaga iyo nkunga ngarukamwaka Imbuto Foundation
    Ubwo Vivo Energy Rwanda yashyikirizaga iyo nkunga ngarukamwaka Imbuto Foundation

    Iyo nkunga ikomoka ku masezerano uwo muryango wagiranye na Imbuto Foundation mu myaka itanu ishize, ajyanye no gufasha abana 10 batishoboye biciye muri gahunda yo gufasha mu myigire ya ‘Edified Generation’.

    Umuyobozi mukuru wa Vivo Energy Rwanda, Mr. Saibou Coulibaly, yavuze ko uburezi kuri uwo muryango ari ingenzi.

    Yagize ati “Twishimiye kuba twabashije gufasha abana b’Abanyarwanda. Uburyo nibuboneka bamwe muri bo tuzabashyira muri gahunda ya ‘Young Talent Programme’, iyo ikaba ari gahunda yo guha ibikoresho abarangije kwiga, biciye mu imenyerezamwuga kuri Vivo Energy Rwanda”.

    Biciye muri ubwo bufasha, urwo rubyiruko ruzabona impinduka mu buzima, birufashe mu iterambere ry’igihe kirekire kiri imbere, cyane ko Vivo Energy Rwanda ari umufatanyabikorwa mwiza wa Imbuto Foundation, kandi wiyemeje gukomeza gutera inkunga urubyiruko.

    Gahunda yo gufasha mu myigire ya Imbuto Foundation ya ‘Edified Generation’ yatangiye muri 2002, ifite intego yo guha ubushobozi abanyeshuri bo mu mashuri yisumbuye baturuka mu miryango ikennye, bahabwa Amadolari ya Amerika 300 buri mwaka ku mwana, yo kubafasha mu mibereho, ubwishingizi bw’ubuzima n’ibikenerwa ku ishuri.

    Biciye muri iyo gahunda, abanyeshuri b’abagenerwabikorwa bakora ingando mu biruhuko, bikabafasha kumenya uko bakwitwara mu buzima, gucunga umutungo ndetse bakanagirwa n’inama zitandukanye ku bijyanye n’ibyo biga. Kugeza ubu abanyeshuri 9,601 bahawe ubwo bufasha mu myigire.

    Mu gihe Umuryango Imbuto Foundation wizihiza imyaka 20 umaze utanga ubufasha ku muryango nyarwanda, ufite gahunda yo gukomeza gufasha abanyeshuri b’abahanga ariko babura ubushobozi bwo kujya mu mashuri abacumbikira, ubishyurira amafaranga akenerwa kugira ngo bige muri ayo mashuri ndetse unabafashiriza mu ngando zo mu biruhuko.

  • Kagere Meddie arakorera amateka kuri Haruna Niyonzima? #rwanda #RwOT

    Harabura iminsi 10 ngo Simba SC ya Kagere Meddie ikine na Yanga ya Haruna Niyonzima mu mukino wa shampiyona w’amateka, mu gihe yawutsinda yahita itwara igikombe ikagitwarira kuri mukeba ibintu ikipe ya Yanga yarahiye ko bitabaho.

    Kimwe mu bintu abakunzi ndetse n’ikipe ya Yanga badashaka, ni ukuba iyi kipe yabatwariraho igikombe kuko byaba ari igisebo.

    Simba SC, yifuzaga kugera kuri uyu mukino yamaze gutwara igikombe kugira ngo Yanga izabakomere amashyi, nyuma y’uko bidakunze ubu intego ni ukuyikoreraho amateka bayitwariraho igikombe.

    Kugeza ubu ikipe ya Simba SC irabura imikino 5 kugira isoze shampiyona, ni mu gihe Yanga ibura imikinpo 3. Simba niyo iyoboye urutonde n’amanota 73 Yanga ya 2 ifite 67, mu gihe Simba SC yazatsinda Yanga ku mukino uzaba tariki 3 Nyakanga 2021 yazahita itwara igikombe kuko Yanga niyo yatsinda imikino isigaje itageza amanota 76 umukeba azaba afite.

    Uyu mukino uba warabaye ku wa Gatandatu tariki ya 8 Gicurasi saa 17h zo muri Tanzania bikaba saa 16h zo mu Rwanda uza gusubikwa nyuma y’uko wimurirwe isaha Yanga ikanga gukina bitewe n’uko umukino wimuriwe amasaha bitubahirije amategeko.

    Meddie Kagere na Haruna bazaba bahanganye mu mukino ushobora guhesha Kagere igikombe

    Source : http://isimbi.rw/siporo/article/kagere-meddie-arakorera-amateka-kuri-haruna-niyonzima

  • Abantu batatu mu bakingiwe COVID mu Rwanda bishwe n’iki cyorezo #rwanda #RwOT

    Mu kiganiro yagiranye na Radio&TV 1, Umuyobozi Mukuru w’Ikigo cy’Igihugu cy’Ubuzima (RBC), Dr Sabin Nsanzimana, yavuze ko bariya bantu bapfuye kandi barakingiwe, batishwe n’urukingo ahubwo ko bari basanzwe bafite izindi ndwara zikomeye.

    Muri bo harimo umwe wari urwaye kanseri igeze ku rwego rwa nyuma ndetse n’uwari urwaye indwara y’umutima, n’ubundi aba akaba aria bantu bazahazwa cyane na COVID-19.

    Ikigo cy’Ubuzima kandi giherutse gutangaza ko hari abantu 400 banduye COVID-19 kandi barakingiwe Icyakora ngo abenshi muri aba ni abari barakingiwe inshuro imwe.

    Yibutsa abakingiwe ko batagomba kwirara kuko bashobora kwandura no kwanduza, gusa ngo ntabwo baremba nk’abadakingiye.

    Mu kiganiro aherutse kugirana n’abanyamakuru, Dr Nsanzimana yagize ati 'Mu bipimo tumaze iminsi dufata, hagaragaye abantu 400 banduye kandi baramaze gukingirwa. Abakingiwe ntibagomba kwirara bumva ko gukingirwa bikuraho kwandura no kwanduza abandi.'

    Abamaze gukingirwa mu Rwanda kugeza ubu basaga ibihumbi 400 hakoreshejwe inkingo za Pfizer na AstraZeneca.

    Igerageza ryerekanye ko ziriya nkingo zombi zirinda umuntu wanduye virus ya SARS-CoV-2 itera COVID-19 kuremba 100%, zikarinda uwanduye kugaragaza ibimenyetso kuri 97% na 76% nk’uko zikurikirana.

    UKWEZI.RW

    Source : http://www.ukwezi.rw/mu-rwanda/Ubuzima/Abantu-batatu-mu-bakingiwe-COVID-mu-Rwanda-bishwe-n-iki-cyorezo