Webrwanda Backend

Blog

  • Covidi iyo itashye ubukwe, ibatahira ubukwe mwese-CP Kabera #rwanda #RwOT

    Umuvugizi wa Polisi y'u Rwanda, CP John Bosco Kabera mu kiganiro 'Ubyumva ute'? kuri KT Radio kuri uyu wa 22 Kamena 2021, yongeye gukebura no kwibutsa abakerensa icyorezo cya Coronavirus ko ntawe gisiga iyo cyahawe icyuho. Asaba buri wese kwirinda no kurinda abandi kwandura no kwanduzwa.

    CP Kabera ubwo yabazwaga n'umunyamakuru Anne Marie Niwemwiza wari uyoboye ikiganiro, impamvu abantu bashyira mu majwi Polisi kuba nayo iri mu bavunisha abanyarwanda mu rugamba rwo kurwanya iki cyorezo cya Covid-19, aho yatanze ingero z'ibivugwa n'abantu ko Polisi ikingira ikibaba abica amabwiriza, nk'aho ngo utubari dukorera hafi na kure y'aho Polisi inyura cyangwa ikorera, ariko ngo ikabibona ikicecekera, CP Kabera yabihakanye yivuye inyuma.

    Ati' Ntabwo aribyo, ntabwo aribyo! Ibyo birazwi neza ko buri gihe tujya twerekana abantu bacuruje utubari tukadufunga, abajyanye abantu mu I Hoteli badapimwe cyangwa se bapimwe bakavamo ibisubizo bitaraboneka tukayifunga, abantu tukabafunga, abantu bagiye mu bukwe tukabafunga, utubari tukadufunga…!'.

    Akomeza yibutsa ko abaturage beza ari abagendera ku mabwiriza n'amategeko, ko atari abashaka guhatirwa kumvira amabwiriza n'amategeko. Yibukije kandi ko iki cyorezo cya Covid-19 kitarobanura, ko n'iyo gihawe icyuho nk'aho abantu bakoze ibirori, nk'ubukwe kitabutahira umwe ngo abandi basigare, mbese ko ababutanshye ntawe kirobanura.

    Ati' Iyo tubonye amakuru turayakoresha tugakora ibikwiye, ariko ufite ikibazo cy'uko Polisi itakora ibikwiye nawe arabivuga tukabikurikirana, ariko noneho inshingano ya mbere ni ku muturage, ni ku munyarwanda, kwirinda kino cyorezo, kudakora ibibujijwe, kutihisha Polisi kuko ntabwo wihisha Coronavirus, kutihisha inzego z'ibanze kuko ntabwo wihisha Coronavirus, Kutirara kuko Coronavirus ntiyirara, kutumva yuko wowe ukwiye kuvuga ngo 'ngiye kwishimisha ntahe ubukwe, Covidi iyo itashye ubukwe, ibatahira ubukwe mwese'.

    Muri iki kiganiro' Ubyumva Ute'?, cyatumiwemo Minisitiri w'Ubutegetsi bw'Igihugu, Gatabazi Jean Marie Vianney, Umuyobozi wa RBC, Dr Nsanzimana Sabin hamwe n'Umuvugizi wa Polisi y'u Rwanda, CP John Bosco Kabera. Abakerensa icyorezo cya Covid-19 basabwe kwibuka ko idatoranya, ko uzarenga ku ngamba n'amabwiriza atazihanganirwa.

    Munyaneza Theogene / intyoza.com

    Source : https://www.intyoza.com/covidi-iyo-itashye-ubukwe-ibatahira-ubukwe-mwese-cp-kabera/

  • Niba ujya ugira impumuro mbi mu myanya yawe y'ibanga, ibi byagufasha! – YEGOB #rwanda #RwOT

    Impumuro mbi ikunze kumvikana nyuma yo gukora imibonano ntukarabe nuko uruvange rw'amasohoro n'ububobere bwo mu gitsina n'andi matembabuzi n'amavangingo bikabyara impumuro yihariye. Ibi ariko nyuma yo koga bihita bishira

    Igitsina cy'umugore bitewe n'uko giteye ni ahantu usanga hakwiriye isuku kurenza ahandi dore ko isuku ari isoko y'ubuzima.

    Nubwo mu Kinyarwanda bakunda kuvuga ngo 'Gishira abana ntigishira umunuko' ariko mu by'ukuri hari impumuro ituruka mu gitsina usanga na nyirayo atakibasha kuyihanganira.

    Gusa nanone ntitwabura kuvuga ko igitsina kizima kiba gifite impumuro yacyo, ariko ni impumuro itabangamira nyirayo cyangwa uwo begeranye.

    Nubwo impamvu zitera impumuro mbi mu gitsina ari nyinshi kandi zinyuranye, iz'ingenzi muri zo twavuga:

    • Indwara ziterwa na bagiteri (nk'imitezi na mburugu)
    • Tirikomonasi
    • Impinduka mu misemburo (kuba uri mu gihe cy'uburumbuke, waracuze cyangwa uri mu mihango)
    • Isuku idahagije no kubira ibyuya cyane cyane ku babyibushye cyane
    • Kwambara pad (cotex) igihe kinini utarayihindura kuko ubusanzwe yagahinduwe buri masaha 4
    • Bimwe mu byo kurya cyane cyane ibirimo ibirungo byinshi

    Rero mu gihe uzi ko hari kimwe mu bivuzwe hano kikuriho, gerageza kugikuraho niba ari indwara uyivuze wa munuko uzashira. Gusa hano twanaguteguriye ibindi wakora mu kurwanya impumuro mbi mu gitsina

    Ibyo wakora ukarwanya impumuro mbi mu gitsina

    1. Apple cider vinegar

    Iyi vinegar yihariye ifite muri yo ubushobozi bwo kwica bagiteri no gusukura umubiri bikaba biyigira nziza mu gusukura igitsina.  Gusa ntabwo uyogesha mu gitsina imbere ahubwo uyivanga mu mazi yo koga bisanzwe no gusukura igitsina inyuma bikaba byica mikorobi mbi kandi bikirukana impumuro mbi.

    Ikindi uyikoresha ni ukuyinywa buri munsi. Hano uvanga ikirahure cy'amazi n'akayiko gato ka vinegar, bikaba byiza kubinywa mu gitondo ukibyuka

    2. Bicarbonate

    Uyu munyu nawo uri mu bintu bimaze kuboneka ko bifite imimaro myinshi cyane cyane mu isuku. Ikaba ari nziza mu kuringaniza pH y'umubiri kandi iyo iyi pH yo mu gitsina iri ku rugero rwiza na wa munuko ntiwaza.

    Uko ikoreshwa nayo ushyira ibiyiko byibuze bibiri mu mazi yo koga (nka 5L) ugategereza iminota hagati ya 15 na 20. Ibi birangiye ukayoga umubiri wose, warangiza ukihanagura neza ku buryo nta tuzi na ducye tugusigaraho cyane cyane mu mayasha n'ahegereye igitsina kuko uyu munyu wakubabura uhatinze.

    3. Probiotic

    Iyo tuvuze probiotic tuba tuvuze bagiteri nziza ku buzima by'umwihariko zifasha mu gusukura mu gitsina nuko zikahirukana impumuro mbi. Urugero rwa probiotic yoroshye kubona ni yawurute ariko y'umwimerere (itongewemo amasukari) ikaba ikungahaye kuri lactobacilli zikaba bagiteri zirwanya indwara ziterwa n'imyege nka candida imwe mu mpamvu nyamukuru itera impumuro mbi mu gitsina.

    Ntabwo ari ukuyogeshamo ahubwo ni ukuyirya, byibuze rimwe mu minsi ibiri.

    4. Vinegar ivanze n'umunyu

     

    Iyi ni ya vinegar isanzwe twakita vinegar y'umweru ikaba nayo iringaniza igipimo cya pH aho ikora mu gushwanyaguza poroteyine zitera impumuro bityo bikirukana impumuro mbi mu gitsina.

    Vanga agace k'agakombe ka vinegar n'ikiyiko cy'umunyu (byiza ni umunyu wo mu Nyanja) mu mazi y'akazuyazi yo koga ujye ubikora kenshi mu cyumweru

    5. Tungurusumu

    Biragoye kwiyumvisha ukuntu wakoresha ikintu gifite impumuro idasanzwe ugirango wirukane iyindi nyamara tungurusumu izwiho kuba yica bagiteri n'imiyege. Ni antibiyotike y'umwimerere ikaba yaba umuti mwiza mu kwirukana impumuro mbi mu gitsina.

    Icyo usabwa ni ukuzirya waba uzihekenya cyangwa se uzitetse mu byo kurya. Gusa byiza ni ukuzihekenya (udutete byibuze tubiri) ukarenzaho ikirahure cy'amazi ashyushye.

    6. Imbuto n'imboga

    Imboga n'imbuto bikiri bishyashya kandi by'umwimerere Atari ibituburano ni isoko nziza ya za vitamin n'imyunyungugu binyuranye. By'umwihariko vitamin C iboneka mu mbuto nyinshi yongerera ingufu ubudahangarwa bw'umubiri . imboga nazo zituma amaraso atembera neza nuko bikarinda mu gitsina kuma. Imboga ukwiye kwibandaho ni amashu mu bwoko bwose, epinari, poivron naho imbuto ni amacunga, amapera inkeri n'imyembe hamwe n'inanasi.

    Ntuzibagirwe na avoka kuko yongera ubushake igatuma uhorana ububobere ari byo bituma za lactobacilli zororoka kandi harimo vitamin B6 na potasiyumu bifatanya mu kurinda ubwandu bwafata mu gitsina

    7. Utubuto n'ubunyobwa

    Utubuto tuvugwa hano ni nk'ibihwagari, amande, ubunyobwa bwaba ubuyobe cyangwa ubwera ku giti. Byose bikungahaye kuri vitamin E irinda kumagara mu gitsina na zinc iringaniza imisemburo ikanarinda uburyaryate bushobora kuza mu gihe cy'imihango. Ibi byose bikaba birinda kuba haza impumuro mbi mu gitsina.

    8. Amazi

    Akamaro k'amazi mu buzima bwa buri munsi ntiwakavuga ngo ukarangize. Igitsina cy'umugore nacyo gikenera amazi ngo gihore gihehereye kuko nibyo birinda kuba hazamo ubwandu bunyuranye. Kandi uko gihehera ku gipimo cyiza nibyo bifasha mu kwirukana ya mpumuro mbi ushobora gusangamo.

    Uyakoresha uyoga haba ku mubiri bisanzwe ndetse no mu gitsina kandi ukanayanywa ku gipimo byibuze cya litiro ebyiri ku munsi

     Icyitonderwa

    Ushobora gukora ibi byose tuvuze haruguru nyamara impumuro mbi ntigabanyuke. Nko mu gihe warwaye fistule cyangwa kanseri y'inkondo y'umura iyi mpumuro mbi ihoraho, niyo mpamvu uba ugomba kugana kwa muganga.

    SRC: Umutihealth

    Source : https://yegob.rw/niba-ujya-ugira-impumuro-mbi-mu-myanya-yawe-yibanga-ibi-byagufasha/

  • Harabura amasaha mbarwa igasohoka! Sogongera… – #rwanda #RwOT

    Mbere y’uko hemezwa ko indirimbo Katapilla ariyo izajya hanze kuwa 24 Kamena yabanzirijwe n'ibintu binyuranye byavugishije abatari bacye kuri uyu muhanzi birimo amasezerano y'amafaranga menshi yasinyiye hamwe n'inzu ngali y'imyidagaduro muri Afurika y'uburasirazuba ibarizwa mu Rwanda ya Kigali Arena. Bidateye kabiri uyu mugabo aba ariwe muhanzi wenyine wabashije kugira ubwisanzure bwo mu rwego rwo hejuru mu marushanwa y'imikino nyafurika y'imikino y'intoki ya Basketball yabereye mu Rwanda.

    KANDA HANO WUMVE AGACE GATO KA ‘KATAPILLA’

    Ni amarushanwa yitabiriwe n'ibyamamare nyafurika n'isi yose mu ngeri zitandukanye maze mu gihe yarimo asa n’asozwa Bruce Melodie abinyujije ku rukuta rwe rwa Instagram asaba abamukurikira kuba bamufasha guhitamo imwe mu ndirimbo ziri kuri Album itarasozwa. Mu magambo ye ati 'Mu gihe Album itararangira kandi iyi Summer ikeneye Anthem, mfite indirimbo 3 ziri tayali mwihitiremo iyo tubanza Jioni, Ndagatora na Caterpillar twagiye….'

    Mu bitekerezo bigera ku 3000 byagiyeho kuva kuwa 02 Kamena 2021 kugera kuwa 16 Kamena ubwo Bruce Melodie yemezaga ko habura iminsi irindwi akabaha indirimbo yitwa Katapila, guhera uwo munsi yagiye asangiza abantu bamukurikira kuri Instagram amafoto abibutsa iminsi ibura akabaha indirimbo y'amateka ihoraho buri mpeshyi nk’uko mu kiganiro yagiranye na INYARWANDA mu minsi ishize yabitangaje yemeza ko ari we muhanzi ushyushya impeshyi.

    Kuri ubu amatsiko akaba yarushijeho kuba menshi nyuma y’uko hasohotse inyongeramatsiko y'amasegonda 28 yumvikanamo Bruce Melodie avuga ko icyo apfa n'abantu bose ari uko nta n’umwe umubwiza kuri. Abayumyise barushijeho kwibaza icyo Katapilla ivugwa ari cyo kuko noneho hari aho agera akavuga ko yiteguye gupfira umukobwa.

    Ariko uko biri kose iyi ndirimbo ifite injyana nziza kandi iryoheye amatwi kandi bitari cyera akabanga yibiye abakunzi be mu masegonda 28 kongeye amatsiko ariko ejo ni wo munsi abakurikira uyu mugabo ku mbuga nkoranyambaga, abakurikirana umuziki nyarwanda, abakunzi ba Bruce Melodie bakamenya icyo Katapilla ihatse.

    Indirimbo nshya Katapilla ya Bruce Melodie irajya hanze kuri uyu wa Kane

    Source : https://inyarwanda.com/inkuru/106869/harabura-amasaha-mbarwa-igasohoka-sogongera-katapilla-bruce-melodie-afata-nka-anthem-yimpe-106869.html

  • Intambara y’umunsi: Ni Ronaldo cya ni Mbappe?… – #rwanda #RwOT

    Ubwo Portugal yatsindwaga n’u Budage mu mukino w’umunsi wa Kabiri mu matsinda mu irushanwa riri kuba muri iyi minsi rya Euro2020, byasize inyota ikomeye y’amanota kuri Portugal na Cristiano Ronaldo. Portugal igomba kwitwara neza imbere ya Abafaransa kugira ngo bazamuke mu itsinda bemeza abantu ko aribo babitse igikombe cy’uburayi giheruka mu 2016.

    Mbappe umukinnyi wo kwitega muri iri joro 

    Portugal iri mu ntangiriro nk’izo yarimo ubwo yakinaga amatsinda mu 2016 yazamutse mu makipe yitwaye neza ariko yarabaye aya gatatu kuko yazamutse mu itsinda F iri ku mwanya wa 3 n’amanota 3.  Ubufaransa buramutse butsinze, Portugal yagumana amanota atatu ndetse yayishyira ahabi mu gihe yaba yatsinzwe ibitego by’ikinyuranyo cyo hejuru y’igitego kimwe.


    Ronaldo umukinnyi wo kwitega muri iri joro 

    Abakinnyi bo kwitega muri uyu mukino:

    Mbappe ukunze kwigaragaza nk’umufana mukuru wa Ronaldo, yabyutse yerekana ndetse anasubiramo imvugo akunze kugaragara ko afana Ronaldo. Kuri uyu munsi hitezwe kureba umukinnyi uza kuganza undi hagati y’aba basore babiri yaba Cristiano Ronaldo uri kubyina avamo ndetse na Mbappe ushaka kuzasimbura Ronaldo ku ruhando mpuzamahanga. Ubwo aya makipe aheruka guhura, Mbappe yari akishakisha ndetse yumva Ronaldo nk’umuntu wa kure.

    Abandi bakinnyi bo kwitega ni Paul Pogba na Bruno Fernandes aba bakinnyi bose byitezwe ko baza guhanganira mu kibuga hagati n’ubwo basanzwe basenyera umugozi umwe muri Manchester United.

     Ese usibye u Bufaransa bwabonye tike, Portugal yo irasabwa iki?

    Gutsinda cyangwa kunganya byemerera Portugal guhita ibona tike ya 1/8 kuko inganyije yahita igira amanota 4 kandi mu makipe ya gatatu hari abiri afite amanota 3.

    Eder igitego yatsinze ni cyo cyahesheje igikombe Portugal mu 2016 

    Portugal iramutse itsinzwe na Abafaransa ikinyuranyo kitari hejuru y’igitego kimwe ni ukuvuga ibitego 2-1, 3-2, 8-7, nabwo Portugal yakomeza kuko yasigara nta gitego izigamye ndetse nta n’umwenda irimo kandi ikagumana amanota 3, mu gihe mu makipe yabaye aya gatatu afite amanota 3 yose yarangije imikino kandi afite umwenda w’ibitego. Ibi byose twavuze ntacyo byahungabanywaho n’umukino wa Abadage na Hungary.

    Mu mikino 6 iheruka Ubufaransa bumaze gutsindamo 5 banganya umwe mu gihe Portugal imaze gutsinda itatu banganya ibiri batsindwamo umwe w’ejo bundi.

    Source : https://inyarwanda.com/inkuru/106874/intambara-yumunsi-ni-ronaldo-cya-ni-mbappe-urukundo-no-kwemerana-bigiye-gushirira-mu-kibug-106874.html

  • CP Kabera yifashishije indirimbo Saa Moya y… – #rwanda #RwOT

    Kuri uyu wa Kabiri tariki 21 Kamena 2021, nibwo RBA yagiranye ikiganiro n'abayobozi batandukanye barimo Minisitiri w'Ubuzima Dr Ngamije Daniel, na Minisitiri w'Ubutegetsi bw'Igihugu Gatabazi JMV, Minisitiri w'Ubucuruzi n'Inganda Beata Habyarimana n'Umuvugizi wa polisi CP John Bosco Kabera. Iki kiganiro kibanze ku myanzuro y'inama y'abaminisitiri yayobowe na Perezida Paul Kagamye yateranye kuwa Mbere igashyiraho ingamba nshya zo kwirinda icyorezo cya COVID-19, zikaba zitangira kubahirizwa uyu munsi tariki 23 Kamena 2021.

    CP Kabera yifashishije indirimbo “Saa Moya” ya Bruce Melodie mu kwibutsa abantu kubahiriza amabwiriza mashya yo kwirinda Covid ari butangire kubahirizwa uyu munsi

    Mu ngamba nshya harimo ko indendo hagati y'uturere n'umujyi wa Kigali zitemewe. Kuva uyu munsi mu gihe cy'ibyumweru bibiri buri muntu agomba kuba yageze mu rugo saa moya.

    Muri iki kiganiro CP Kabera nk'uhagarariye urwego [police] rwatanze umusanzu ukomeye mu gufasha abanyarwanda kwirinda COVID-19, yasabwe ku gira icyo avuga ku ngamba zitangira kubahirizwa uyu munsi, maze abanza kwibutsa abanyarwanda ko iki cyorezo kitagaragarira amaso, bityo buri wese akaba asabwa kubahiriza amabwiriza n'ingamba zo kukirinda ijana ku ijana.

    CP Kabera yahise ashimangira ko ingendo zibujijwe guhera saa 7:00 z'ijoro kugera saa 4:00 za mu gitondo ari naho yahise abihuza n'indirimbo ya 'Saa Moya' ya Bruce Melodie akayifashisha mu kwibutsa abantu kubahiriza iyi saha. Yagize ati 'Bivuze ko saa moya buri wese agomba kuba yageze iwe atari igihe cyo kuba avuye aho akorera'.

    Indirimbo “Saa Moya” igisohoka abatari bake bavuze ko yuzuyemo ibishegu

    Yakomeje agira ati 'Igihe gishize abantu batahaga saa moya dore ko yavuyemo no guhanga indirimbo ndetse n'abahanzi ahubwo bahange izindi zo kugira ngo abaturage bubahirize ano mabwiriza. Bavugaga y’uko saa moya itera ibibazo! Itera ambutiyaje cyangwa se umuvundo mu muhanda, itera impanuka ibyo ntaho bihuriye. Saa moya ntabwo itera impanuka kwirinda Covid-19 ntibitera impanuka'.

    Yakomeje ashimangira ko abazabirengaho bazabihanirwa. Indirimbo 'Saa Moya' ya Bruce Melodie imaze amezi icumi, yatijwe umurindi na ‘Guma mu rugo’ ya mbere ubwo hashyirwagaho ingamba zo gutaha saa Moya. N'ubwo abatari bake bavugaga ko irimo ibishegu, gahunda yo gutaha Saa Moya, yatumye iyi ndirimbo yamamara karaha,  irakundwa mu buryo bukomeye. Mu mezi icumi imaze ishyizwe kuri Youtube abamaze kuyireba barenga miliyoni 3.

    REBA HANO INDIRIMBO SAA MOYA YA BRUCE MELODIE

    REBA HANO IKIGANIRO CP KABERA YAGIRANYE NA RBA

    Source : https://inyarwanda.com/inkuru/106872/cp-kabera-yifashishije-indirimbo-saa-moya-ya-bruce-melodie-mu-kwibutsa-abantu-kubahiriza-a-106872.html

  • Harmonize yagaragaye akaraba inzoga yubashywe n'ibyamamare ku Isi #rwanda #RwOT

    Abahanzi bakomeye muri Afurika y'Iburasirazuba bo muri Tanzania ari bo Diamond na Harmonize, bakomeje guhangana mu buryo budasanzwe ubu umwe yafashe inzoga isanzwe yubahwa na mugenzi we, ayikarabisha intoki nk'amazi.

    Iyi nzoga ya Belaire isanzwe ari ikimenyabose mu bahanzi dore ko uretse kuba yamamazwa na Diamond, inamamazwa n'Umuraperi w'Ikirangirire mu Isi Rick Ross wo muri Leta Zunze Ubumwe za America.

    Harmonize umaze iminsi adacana uwaka na Diamond yagaragaje agasuzuguro karenze kuri iriya nzoga ubwo yayikarabiraga mu kabari nk'amazi cyangwa sanitizer ubu zigezweho mu gusukura ibiganza.

    Harmonize yakoze iki gikorwa cyo gukaraba Belaire ubwo yari ari mu kabari kitwa BClub ko muri Kenya.

    Harmonize wigeze gukorera umuziki mu nzu ya Diamond akaza kumwipakurura, ubu basa nk'abahanganye ndetse buri umwe akunze kwirata ibigwi ko ari we uri ku rwego rwo hejuru.

    Mu minsi yashize Diamond aherutse gukorana indirimbo n'umuhanzi w'ikirangirire ukomoka muri Repubulika Iharanira Demokarasi ya Congo ari we Koffi Olomide, bidateye kabiri Harmonize na we ahita akorana na Awilo Longomba na we ukomoka muri DRC.

    Kugeza ubu indirimbo Waah Diamond yakoranye na Koffi Olomide kuri YouTube imaze kurebwa inshuro 72 293 383 mu gihe iya Harmonize afatanyije na Awilo Longomba yitwa Attitude imaze kurebwa inshuro 11 930 774.

    Source : https://impanuro.rw/2021/06/23/harmonize-yagaragaye-akaraba-inzoga-yubashywe-nibyamamare-ku-isi/

  • Rayon Sports ikomeje kugorwa no kubona intsinzi, ni nyuma yo kunanirwa kugera ku ntego yo kuzahagararira u Rwanda mu mikino mpuzamahanga. #rwanda #RwOT

    Ikipe ya Rayon Sports izwi nka Gikundiro ntabwo umwaka w'imikino wa 2020-2021 ukomeje kuyibera ingorabahizi bitewe n'uko uyu mwaka urimo gusozwa mu kiciro cy'amakipe umunani ya mbere udakomeje kuyibera mwiza.

    Umusaruro utari mwiza kuri iyi kipe ikomoka i Nyanza uragaragarira mu mikino imaze gukina ubwo hari hamaze kwemezwa ko shampiyona ya 2020-2021 izakinwa mu buryo bw'amatsinda, nk'uko bigaragara Rayon Sports imaze gukina imikino 12 ikaba yaratsinze imikino itatu, itsindwa imikino 4 ndetse ikaba imaze kunganya incuro 5.

    Ubwo uyu mwaka w'imikino wari watangijwe mu kwezi k'Ukwakira 2020 nyuma ikaza gusubikwa kubera icyorezo cya koronavirusi ikaza kongera gusubukurwa muri Mata 2021 igasubukurwa mu buryo bw'amatsinda, ikipe ya Rayon Sports yaje kwisanga mu itsinda rimwe n'ikipe ya Gasogi United, Kiyovu Sports ndetse na Rutsiro FC.
    Muri iyi nkuru reka turebere hamwe bimwe mu byatumye ikipe ya Rayon Sports itagera ku musaruro mwiza yifuzaga muri uyu mwaka w'imikino wa 2020-2021.

    Ubwo iyi kipe y'iyubakaga ntiyahiriwe na bamwe mu bakinnyi yari yizeye.

    Iby'umusaruro muke ku ikipe ya Rayon Sports byatewe n'impamvu nyinshi, harimo kuba yatakaje abakinnyi benshi hanyuma yo ntiyiyubake, aha twavuga nko kugenda kwa bamwe mu bakinnyi barimo Kimenyi Yves, Rutanga Eirc, Nizeyimana Mirafa, Iranzi Jean Claude,Iradukunda Eric uzwi nka Radu,…

    Mu kwiyubaka yo ntabwo yabashije kujya ku isoko ngo ikureyo intwaro zagombaga kuyifasha bigendanye no kubura kw'amikoro yayo kuko yazanye bamwe mu bakinnyi bakiri bato batari bamenyera amarushanwa, aha twavuga nka Rudasingwa Prince, Mujyanama, Clement, Nishimwe Blaise aha kandi iyi kipe yongeye gutira rutahizamu Sugira Ernest yakuye muri APR FC ndetse n'abandi.

    Bijya kuba bibi iyi kipe ntiyabashije kubona Omar Sidibe ngo ayikinire kubera ibibazo by'amafaranga, muri iyi minsi yasinyishije Muhire Kevin nyuma agira ikibazo cy'imvune cyatumye umwaka we w'imikino urangira, aha twakongeraho kandi Mugisha Gilbert nawe wagize imvune itaramwemereye gukomezanya na bagenzi be.

    Aha ntawakwibagirwa ibura rya Kwizera Olivier uherutse gufatwa n'abashinzwe umutekano akekwaho gukoresha ibiyobyabwenge, hari n'ikindi cyiciro cy'abakinnyi Rayon Sports yari yizeye ko bazatanga umusaruro ariko nabo birangira bagaragaje urwego rutari hejuru cyane ku buryo baheka Gikundiro.

    Guhinduka kw'abayobozi muri Rayon Sport:

    Ubuyobozi bwa Rayon Sports warahindaguritse mu gihe gito, mu mwaka wa 2020 iyi kipe yayoborwaga na Munyakazi Sadate wari uje kuri uyu mwanya asimbuye Paul Muvunyi, benshi bari bamwitezeho kuba umucunguzi ariko siko byake kugenda benshi murabyibuka.

    Nyuma yaje gusimbura na Jean Fidele Uwayezu nawe utarahiriwe n'isoko tyo kugura abakinnyi ku buryo iyi kipe yari bwiyubake nk'uko bamwe babikekaga.

    Ibura ry'amafaranga mu baterankunga:

    Gikundiro ikipe ikunzwe kurusha izindi mu gihugu yahuye n'ibibazo by'amikoro cyane cyane uhereye ku mutenkunga wayo w'imena SKOL, uruganda rukora ibinyobwa bisembuye ndetse n'ibidasembuye.

    Habayeho kutumvikana kwa hato na hato hagati yabo bombi byatumye Rayon Sports itaboner ku gihe amafaranga yo kwiyubaka mu gihe abafana bo batabonekaga ku kibuga aha twavuga nko muri ibi bihe bya Koronavirusi.

    Guy Bukasa yasezeye Rayon Sport abura iminsi 13 ngo asoze amasezerano ye muri Gikundiro:

    Umunyekongo Bukasa Guy yasezeye ku ikipe ya Rayon Sports ku mugoroba wo kuri uyu wa gatatu tariki ya 16 Kamena 2021, ni nyuma yaho uyu mutoza yari amaze gutsindwa na APR FC igitego kimwe ku busa mu mukino wa gatanu wa shampiyona ku makipe ahatanira gutwara igikombe.

    Gutsindwa uyu mukino byahise bishyira akadomo ku cyifuzo ikipe ya Rayon Sports yari ifite cyo kuba yazasohokera u Rwanda mu mikino nyafurika y'umwaka wa 2020-2021, aho kugeza ubu iyi kipe ikaba irimo gutozwa na Kayiranga Babptitse wagombaga gutoza iyi kipe mu mikino ibiri isoza shampiyona.

    Umukino we wa mbere muri Rayon Sports nk'umutoza mukuru yaraye awutsinzwe n'ikipe ya Rutsiro FC ibitego 2-0, ni umukino wabereye kuri Sitade ya Bugesera aho iyi kipe yakinnye uyu mukino idafite umunyekongo Luvumbu umwe mubafashije iyi kipe kwitwara neza mu mikino iheruka.

    Kugeza ubwo habura umunsi umwe ngo shampiyona irangire, ikipe ya Rayon Sport iri ku mwanya wa 6 mu makipe umunani ahatanira igikombe cya Shampiyona aho ifite amanota 5.

    The post Rayon Sports ikomeje kugorwa no kubona intsinzi, ni nyuma yo kunanirwa kugera ku ntego yo kuzahagararira u Rwanda mu mikino mpuzamahanga. appeared first on RUSHYASHYA.

    Source : https://rushyashya.net/rayon-sports-ikomeje-kugorwa-no-kubona-itsinzi-ni-nyuma-yo-kunanirwa-kugera-ku-ntego-yo-kuzahagararira-u-rwanda-mu-mikino-mpuzamahanga/?utm_source=rss&utm_medium=rss&utm_campaign=rayon-sports-ikomeje-kugorwa-no-kubona-itsinzi-ni-nyuma-yo-kunanirwa-kugera-ku-ntego-yo-kuzahagararira-u-rwanda-mu-mikino-mpuzamahanga

  • Nta birori bizaba kubera Covid-19! Ni inde uz… – #rwanda #RwOT

    Umukobwa uzegukana ikamba azagaragirwa n'ibisonga bine. Hazahita kandi hamenyekana abakobwa batatu bazaserukira u Rwanda mu marushanwa Mpuzamahanga akorana na sosiyete Embrace Africa itegura Miss Global Beauty.

    Iri rushanwa ryabaye mu gihe Isi ihanganye n'icyorezo cya Covid-19

    Kimwe mu byo iri rushanwa ryashyize imbere ni ugukoresha ikoranabuhanga mu gutumanaho n'abakobwa 33 biyandikishijemo. Buri mukobwa yasabye kwifata amashusho asobanura uwo ariwe, anasaba abantu kumushyigikira ubundi akayoherereza abateguye iri rushanwa.

    Kuva ku kwiyandikisha muri iri rushanwa kugera ku matora byose byakozwe kuri internet. Ndetse, inshuro nke aba bakobwa bagiye bahura n'abateguye iri rushanwa babaga bubahirije amabwiriza yo kwirinda icyorezo cya Covid-19.

    Ibiganiro bitandukanye aba bakobwa bagiye bagirana n'ibitangazamakuru birimo na INYARWANDA, buri wese yabaga afite umunsi agomba gukoreraho ikiganiro cye. Iri rushanwa rigiye gusozwa n'ubundi mu gihe imibare y'abandu Covid-19 ikomeje kwiyongera mu Rwanda.

    Mu kiganiro na INYARWANDA, Ndekwe Paulette uri gutegura iri rushanwa yavuze ko igikorwa cyo kwambika amakamba no gutanga ibihembo ku bakobwa bakomeje mu cyiciro cya nyuma 'kirakomeje'.

    Avuga ko 'bizakorwa hakurikizwa amabwiriza yo kwirinda icyorezo cya Covid-19.' Ati 'Abakobwa bose bagomba kuba bipimishije, abazafata amashusho n’undi wese uzagera aho uwo muhango uzabera.  Icyorezo kirahari, twe nk’urubyiruko rugize umuryango wa MGBR ni twebwe dukwiye gufata iya mbere mu kukirwanya no kubahiriza amabwiriza yo kwirinda. Ni ibyo twiteguye gukora.'

    Yavuze ko ingamba zakajijwe zo kwirinda Covid-19 mu gihe bari bateguye ko nyuma y'iri rushanwa hazabaho umusangiro, ariko ko bahisemo kubikuramo.

    Ati 'Nubwo twari twateguye gusangira fanta, bitewe n'uko ubwandu bwongeye kwiyongera cyane, nk’uko bigaragazwa na Minisiteri y’Ubuzima, ntabwo tuzakora ubusabane mu buryo bwo kwirinda.”

    “Umuhango wo kwambika amakamba abatsinze nurangira, buri wese azasubira mu rugo kwishimana n’abavandimwe basanzwe babana. Nta birori biteganyijwe, twahisemo kwirinda no kurinda bagenzi bacu.'

    Ndekwe Paulette yavuze ko intego yabo ari ukugira amagara mazima azira Covid-19. Akavuga ko bamaze kuvugana na Canal Olympia izakira uyu muhango, ibabwira ko mu gihe cyose baba bakurikije amabwiriza yo kwirinda Covid-19 nta kizabuza uyu muhango kuba.

    Ati 'Twavuganye n'ababishinzwe batubwira ko mu gihe twubahirije amabwiriza (twese twipimishije salle ikakira 30%) ntabusabane buhari. Ntakabuza igikorwa cyakomeza. Kuko nta kirori giteganyijwe cyangwa ubusabane bugitenganyijwe ni umuhango wo kuvuga abatsinze.'

    Iri rushanwa ryahuje abakobwa bashya mu marushanwa y'ubwiza, abayafitemo ubumenyi n'abandi

    Abakobwa 33 nibo bitabiriye Miss Global Beauty Rwanda barimo Mukamwiza Yvette wegukanye ikamba rya Miss Career Africa mu 2019, Shema Hortense wabaye igisonga cya mbere cya Miss Nation yabereye mu Mujyi wa Dubai, ariko ryabaye hifashishijwe internet kubera icyorezo cya Covid-19.

    Mugabe Sheilla, Dushyirehamwe Anne Marie, Dorinema Queen, Teta Cynthia na Uwimana Clementine bitabiriye irushanwa rya Miss Rwanda 2021.

    Hari kandi Uwase Aisha witabiriye Miss Rwanda inshuro ebyiri, Miss Supranational 2019 ndetse n'irushanwa rya Miss Africa Calabar 2020.

    Iri rushanwa rya Miss Global Beauty Rwanda kandi ryahatanyemo Bayizere Diane wabaye igisonga cya mbere cya Miss w'Ishuri rya Ecole Technical Muhazi Rwanda (ETMR) ryo mu Mujyi wa Kigali mu Karere ka Nyarugenge mu 2016.

    Hari kandi umukinnyi wa filime Umutoniwase Nadia ugaragara muri filime 'Umuturanyi' ya Clapton Kibonge iri mu zikunzwe muri iki gihe.

    Miss Tourism Global Rwanda yari ifite ubushobozi bwo gufata umukobwa umwe gusa mu guhagararira u Rwanda mu marushanwa yaryo azabera mu gihugu cy'u Bushimwa.

    Miss Global Beauty Rwanda yasimbuye Miss Tourism Global Rwanda izohereza abakobwa batatu mu marushanwa y’ubwiza azabera hirya no hino ku Isi.

    Abakobwa ba mbere batsindiye amakamba muri Miss Global Beauty Rwanda

    Mu ijoro rya tariki 01 Kamena 2021, hatangajwe abakobwa batatu barimo Landrine Gisagara Uwicyeza, Nadi Umutoniwase na Gretta Iwacu begukanye amakamba ya mbere muri iri rushanwa.

    Landrine Gisigara Uwicyeza yegukanye ikamba rya Miss Global Beauty Rwanda Photogenic 2021. Uyu mukobwa ufite nimero 07 mu irushanwa, mu matora yo kuri internet yari imbere y'abandi n'amajwi 10,287.

    Nadia Umutoniwase ugaragara muri filime 'Umuturanyi' ya Clapton yegukanye ikamba rya Miss Global Beauty Rwanda Popularity 2021. Nadia mu matora yo kuri internet yari ku mwanya wa munani n'amajwi 2,275.

    Gretta Iwacu ufite nimero 10 yegukanye ikamba rya Miss Global Beauty Congeniality 2021. Uyu mukobwa mu matora yo kuri internet yari ku mwanya wa kabiri n'amajwi 10,172.

    Dushyirehamwe Anne Marie yagaragaje impano idasanzwe ubwo yakoreshaga umwiko akabumba igihangano bituma ahigika bagenzi be yegukana ikamba rya 'Talent Winner'.

    Abakobwa 33 bahatanye muri iri rushanwa, buri wese yagaragaje impano yifitemo. Dushyirehamwe ufite nimero 04 yahigitse abakobwa batanu bageranye mu cyiciro cya nyuma barimo Ineza Vanessa ufite nimero 24, Umutoni Blandine ufite nimero 05, Umutoniwase Nadia nimero 11 na Dorinema Queen ufite nimero 21.

    Nta munyarwanda uri mu Kanama Nkemurampaka ka Miss Global Beauty Rwanda 2021

    Tariki 27 Gicurasi 2021, hatangajwe Akanama Nkemurampaka ka Miss Global Beauty Rwanda katagaragaramo Umunyarwanda.

    Aka kanama kagizwe n'abanyamideli, abitabiriye amarushanwa mpuzamahanga akomeye ku Isi n'abandi barimo umuhanzikazi wo mu Burundi unafite amakamba atandukanye yakuye mu marushanwa akomeye.

    Akanama kagizwe na Andreja Chiche ukomoka muri Macedonia uzatoranya Miss Global Beauty Rwanda Photogenic 2021. Ni gafotozi wihariye, umushoramari ukunda no gukorera ubukerarugendo ahantu hatandukanye.

    Nicole Docee ukomoka muri Leta Zunze Ubumwe za Amerika azifashishwa mu gice cyo guhitamo umukobwa ufite impano kurusha abandi. Uyu mukobwa yagaragaye mu ndirimbo yitwa '911' y'umuhanzikazi uri mu bakomeye ku Isi, Lady Gaga.

    Iyi ndirimbo '911' y'iminota 04 n'amasegonda 42' iri kuri Album ya Gatandatu ya Lady Gaga yise 'Chromatica (2020)'. Yanditswe na Lady Gaga afatanyije na Justin Tranter, BloodPop na Madeon.

    Hari kandi Melanie Gassner akomoka muri Australia, uzifashishwa muri 'Talent Competition'. Uyu mukobwa yatsindiye imidali myinshi ku rwego rw'Isi irimo nk'iya European Vaulting Squad Champ 10&14, ndetse yabaye uwa 19 muri Miss Earth Austria.

    Umuhanzikazi Laure Irene Uwimana wo mu Burundi ukoresha izina rya Iry Tina nawe yashyizwe mu bakemurampaka. Azifashishwa mu gice cyo kugaragaza impano.

    Uyu mukobwa yitabiriye Miss Globe Africa 2020, yegukanye Miss Globe Burundi 2020, Miss Planet int Burundi 2019 na Miss Freindship int Burundi 2019.

    Hari kandi Chelsea Fernandez wo muri Philipines witabiriye Miss Bikini Philippines 2020 akegukana ikamba rya Miss Gandang Contesera Queen 2020 n'ikamba rya Miss Earth Water Philipines 2019.

    Titania Matekuolava wo muri New Zealand, Anastasia Lebediuk [Russia], Andre Luna [Peru], Bianca Paduraru [Romania] watsindiye amarushanwa mpuzamahanga abiri uzaba ari mu bagize akanama nkemurampaka ku munsi wa nyuma w'irushanwa.

    Dr. Tejaswini Manogna witabiriye Miss Earth India 2019 na Barbara Reis witabiriye Miss Supranational agatsindira amakamba atandukanye akaboneka no mu 10 ba mbere muri Miss Supranational ku rwego rw'Isi ahagarariye Brazil.

    Tariki 03 Gicurasi 2021, nibwo Ikigo cya Embrace Africa cyatangaje abakobwa 33 bagomba gutoranywamo batatu mu irushanwa rya Miss Global Beauty Rwanda.

    Umukobwa uzahiga abandi muri Miss Global Beauty Rwanda 2021 azagira amahirwe yo guhagararira u Rwanda muri Miss Tourism Global izabera mu Bushinwa, Miss Africa Golden izabera muri Turikiya, World Top Model, Miss Tourism World na Miss Glamour Face World.

    Abakobwa 10 bazavamo Miss Global Beauty Rwanda 2021

    Uhereye ibumoso: Landrine Gisagara Uwicyeza [Nimero 7], Queen Isabella Irera [Nimero 3], Cynthia Umutesi Rutayisire [Number 9] na Honorine Uwase [Nimero 9]

    Uhereye ibumoso: Diane Bayizere [Nimero 25], Grace Ingabire [Number 6] na Stella Matutina [Nimero 8]

    Uhereye ibumoso: Gretta Iwacu [Nimero 10], Queen Dorinema [Nimero 21] na Clementine Uwimana [Nimero 22]

    Source : https://inyarwanda.com/inkuru/106863/nta-birori-bizaba-kubera-covid-19-ni-inde-uzegukana-ikamba-rya-miss-global-beauty-rwanda-2-106863.html

  • Rayon Sports irifuza abakinnyi 2 mpuzamahanga b’abanyarwanda #rwanda #RwOT

    Nyuma y’amazina atandukanye yagiye avugwa muri Rayon Sports, kuri ubu hiyongereyeho andi abira y’abakinnyi b’abanyarwanda bakina hanze muri Kenya na Uganda.

    Iyi kipe ishobora kuzasezerera abakinnyi benshi mu bo ifite bitewe n’umusaruro batanze muri uyu mwaka w’imikino.

    Iyi kipe ni imwe mu makipe irimo kuvugwamo abakinnyi benshi bashobora kuyerekezamo harimo nka myugariro Emery Bayisenge, Hakizimana Muhadjiri ba AS Kigali, Niyomugabo Claude wa APR FC ndetse na rutahizamu Babuwa Samson ubu urimo gusoza amasezerano muri Kiyovu Sports.

    Kuri ubu iyi kipe hiyongereyemo andi mazina 2 y’abanyarwanda bakina hanze, umunyezamu wa Tusker FC muri Kenya, Emery Mvuyekure na myugariro wa Police FC muri Uganda, Denis Rukundo.

    Amakuru avuga ko iyi kipe imaze iminsi ifite ikibazo cy’amikoro, yamaze kubona umuterankunga wayihaye amafaranga yiteguye guhangana ku isoko ry’umurimo.

    Umunyezamu Emery Mvuyekure arifuzwa na Rayon Sports

    Myugariro Rukundo Denis arifuzwa na Rayon Sports

    Source : http://isimbi.rw/siporo/article/rayon-sports-irifuza-abakinnyi-2-mpuzamahanga-b-abanyarwanda

  • CAF: APR FC na As Kigali zizahagararira u Rwa… – #rwanda #RwOT

    APR FC na As Kigali nizo zizahagararira u Rwanda mu mikino nyafurika kuko imwe niyo izaba iya mbere indi ibe iya kabiri, kandi ikipe ebyiri za mbere muri shampiyona nizo zizahagararira u Rwanda.

    Mu gace ka mbere mu mikino yo gukuranwamo, Umukino ubanza uzaba tariki 10,12 Nzeri naho imikino yo kwishyura ibe kuva tariki 17,19 Nzeri 2021.

    Agace ka kabiri imikino ibanza izaba tariki 15,17  Ukwakira imikino yo kwishyura ibe tariki 22,24 Ukwakira 2021.

    APR FC na As Kigali zigiye gusohokera u Rwanda ku nshuro ya 2 yikurikiranya nyuma y’aho As Kigali umwaka ushize yahagarariye u Rwanda mu mikino ya CAF Confederation Cup ikavamo mu gace ka 3 ikuwemo na CS Sfaxien yo muri Tunisia, naho APR FC yavuyemo rugikubita mu gace ka mbere ikuwemo na Gor Mahia yo muri Kenya.

    Source : https://inyarwanda.com/inkuru/106866/caf-apr-fc-na-as-kigali-zizahagararira-u-rwanda-mu-mikino-nyafurika-zamaze-kumenya-igihe-i-106866.html