Blog

Ibikorwaremezo bigaragazwa n'iyo mibare birimo amahoteli, guest houses, lodges n'ahandi hatandukanye hatangirwa serivisi zo gucumbikira abantu harimo ahahawe inyenyeri na RDB n'ahandi hatarazihabwa bitewe n'igihe hamaze.

Ibyo bikorwaremezo 1.460 byose hamwe bifite ibyumba 25.330 abantu bararamo. Kuva mu 2023 ibyo bikorwaremezo byiyongeyeho 19,4% kuko byabarirwaga mu 1.220.

Iyo mibare igaragaza ko urwego rwo kwakira abantu mu Rwanda rudasigana n'ubukerugendo bukomeje gutera intambwe nk'uko n'imibare y'Ishami rishinzwe Ubukerarugendo mu Rugaga rw'Abikorera mu Rwanda, ibigaragaza.

Umuyobozi Mukuru wa ICT Chamber, Ngenzi Yves yabwiye IGIHE ko urwego rwo kwakira abantu rujyana n'ubukerarugendo bwaba ubukorwa n'abenegihugu ndetse n'abanyamahanga.

Ati 'Ni ibintu bijyana byombi kuko nta buryo wakora iby'amahoteli nta bukerarugendo buhari kandi ntiwakora ubukerarugendo udafite aho wakirira abantu. Bijya kure bikajya no mu bwikorezi kuko nka ba mukerarugendo bo mu mahanga bakenera indege zo kugendamo'.

Ngenzi yavuze ko kugeza muri Mata 2025 ibigo bitwara ba mukerargendo n'ibibatembereza bibereye 'Tourism Chamber' abanyamuryango byari bigeze kuri 270, naho ibigo bitanga ubumenyi mu byo kwakira abantu n'ubukerarugendo birimo amashuri yisumbuye na kaminuza byo byari bimaze kuba 17.

Ibikorwaremezo byo kwakira abantu kandi bibereye 'Tourism Chamber' abanyamurayango birimo amahoteli, amacumbi, restaurants, utubari n'ibindi bitandukanye bimaze kugera kuri 763.

Ni mu gihe kandi ibigo byo gutegura no kwakira inama bibereye 'Tourism Chamber' abanyamuryango byari bimaze kuba 30, naho ibikora by'ubukerarugendo bushingiye ku duce runaka byari bimaze kuba 15.

Abafasha ba mukerarugendo gutembere mu bice binyuranye mu Rwanda bo bari bageze ku 140.

Imibare y'Ikigo cy'Igihugu cy'Ibarurishamibare (NISR) yo mu 2024 igaragaza ko urwego rwa serivisi rwaje ku mwanya wa mbere mu guha Abanyarwanda benshi akazi kuko rwihariye 44% by'abafite icyo bakora mu Rwanda.

Urwego rwa serivisi rwari rusimbuye kuri uwo mwanya wa mbere ubuhinzi bw'umwuga.

Raporo ngarukamwaka y'Urwego rw'Igihugu rw'Iterambere ya 2024 igaragaza ko ubukerarugendo bwinjirije u Rwanda miliyoni 647$ [arenga miliyari 932 Frw], bingana n'izamuka rya 4,3% ugereranyije n'umwaka wa 2023.

Hoteli The Pinnacle Kigali ni imwe mu ziherutse kwiyongera ku mahoteli u Rwanda rufite

Muhawenimana uri muri 360 bageze mu Rwanda ku ikubitiro, tariki 17 Gicurasi 2025 bavuye muri Repubulika iharanira Demukarasi ya Congo, Ubuyobozi bw'Akarere ka Nyabihu buvuga ko yibarutse ku wa 18 Gicurasi 2025.

Kuri uyu wa 20 Gicurasi 2025, Akarere ka Nyabihu kabinyujije ku rukuta rwa X katangaje ko umuyobozi wako yahaye Muhawenimana ibikoresho byo kumufasha.

Ubutumwa bugira buti 'Umuyobozi w'Akarere, Mukandayisenga Antoinette, yasuye umubyeyi Muhawenimana Ntagisanimana, ufite imyaka 24, akaba yaribarutse umwana w'umukobwa wiswe Uwamahoro Gentille, amaze umunsi umwe ageze mu kigo cya Kijote. Ni mu rwego rwo kumuha iby'ibanze umubyeyi akenera.'

Umuyobozi w'Akarere ka Nyabihu, Mukandayisenga Antoinette, yabwiye IGIHE ko byakozwe mu kumufasha kubona iby'ibanze.

Ati 'Umubyeyi wabyaye aba akeneye kwitabwaho, umwihariko kuri Ntagisanimana ni uko nta mugabo yazanye na we, ariko yabyaye neza, kandi abyarira kwa muganga mu Kigo nderabuzima cya Bigogwe.'

Yakomeje avuga ko yaba we ni abanda bazanye muri iki kigo cya Kijote bazafashwa gusubizwa mu buzima bazasubizwe mu minsi iri imbere.

Abanyarwanda barenga 2.500 nibo bamaze kumenyekana ko bazataha mu Rwanda, igikorwa kizagirwamo uruhare n'Ishami ry'Umuryango w'Abibumbye ryita ku Mpunzi, HCR, ribakira mu Burasirazuba bw'u Rwanda, rikaganira n'u Rwanda rirumenyesha ko bifuza gutaha, narwo rugatangira kwitegura uko ruzabakira.

Umuyobozi w’Akarere ka Nyabihu, Mukandayisenga Antoinette yashyikirije umubyeyi uheruka kwibaruka mu kigo cya Kijote ibikoresho by’isuku n’imyambaro

Umuyobozi w’Akarere ka Nyabihu, Mukandayisenga Antoinette kumwe n’Umuyobozi w’inkambi y’agateganyo ya Kijote

Muhawenimana Ntagisanimana w'imyaka 24 yacishagamo akamwenyura nyuma yo gusurwa n’Ubuyobozi bw’Akarere ka Nyabihu

Aya makuru y'urupfu rwa Iradukunda yamenyekanye mu gitondo cyo kuri uyu wa Kabiri, tariki 20 Gicurasi 2025 ku isaha ya saa 07h30', bikaba byabereye Murenge wa Busogo, Akagali ka Gisesero ho mu Mudugudu wa Gahanga.

Umuvugizi wa Polisi mu Ntara y'Amajyaruguru, SP Jean Bosco Mwiseneza yahamirije IGIHE aya makuru avuga ko icyamwishe kitaramenyekana.

Ati 'Ni byo koko muri iki gitondo ahazwi nko mu Byangabo habonetse umurambo w'umusore witwa Iradukunda Patience w'imyaka 27, nyina wa nyakwigendera yavuze ko amuheruka kuwa 19 Gicurasi 2025, ku isaha ya saa mbili z'ijoro. Kugeza ubu ntiharamentekana icyamwishe.'

Akomeza avuga ko iperereza ku cyateye uru rupfu rwa nyakwigendera kitaramenyekana.

Umurambo wa nyakwigendera wahise woherezwa ku bitaro bya Ruhengeri gukorerwa isuzumwa mbere y'uko ushyingurwa.

Ku rundi ruhande, muri ako karere n'ubundi undi mugabo witwa Sebaganda Denis w'imyaka 60 yaguye mu cyobo bacukuyemo umucanga bubaka inzu y'umuturanyi we na we arapfa, hakekwa ko byatewe n'agasembuye.

Ibi byabereye mu Murenge wa Musanze, Akagali ka Rwambogo ho mu Mudugudu wa Kirerema, mu ijoro ryo kuri uyu wa mbere, tariki 19 Gicurasi 2025 ku isaha ya saa 23h00 z'ijoro.

Umuvugizi wa Polisi mu Ntara y'Amajyaruguru, SP. Jean Bosco Mwiseneza yahamirije IGIHE aya makuru avuga ko yaguye mu cyobo acuramye agakubita umutwe ku ibuye.

Yakomeje avuga ko umurambo wari ufite ibikomere mu maso no mu mutwe kuko yawubanje mu mwobo.

SP Jean Bosco Mwiseneza yibukije abaturage ko Polisi y'u Rwanda ibagira inama yo kwirinda ubisinzi bakubahiriza gahunda ya Tunywe Less, bazigama ndetse bakanateganyiriza imiryango yabo ejo hazaza.

Umurambo wa Sebaganda wahise wohereza ku bitaro bya ruhengeri gukorerwa isuzumwa mbere y'uko ushyingurwa.

Urupfu rw’umusore w’imyaka 27 wasanzwe mu isantere ya Byangabo rwateje urujijo

Icyemezo kivuga ko umucamanza ku rwego rw'iperereza yasanze Agathe Kanziga nta bimenyetso byatuma akurikiranwaho ubufatanyacyaha mu mugambi wa Jenoside yakorewe Abatutsi n'ibindi byaha byibasiye inyokomuntu cyamenyekanye ku wa 18 Gicurasi 2025.

Mu kiganiro cyihariye na IGIHE, umunyamategeko Me Gisagara Richard uba mu Bufaransa yavuze ko icyemezo cyafashwe kitavuze ko dosiye ishyizweho akadomo.

Ati 'Ntabwo ari icyemezo kivuga ko dosiye irangiye burundu kubera ko ibyemezo by'umucamanza ku rwego rw'iperereza byose bishobora kujuririrwa. Gishobora kujuririrwa n'Ubushinjacyaha cyangwa abaregera indishyi mu rubanza.'

Me Gisagara yahamije ko na mbere hose ubushinjacyaha bwari bwaragaragaje ko iperereza ryakozwe ridahagije bityo hakwiye kongerwa ibikorwa bikorwaho iperereza no kongera igihe hagasuzumwa ibikorwa byakozwe mbere ya tariki 7 Mata 1994.

Ati 'Ubushinjacyaha bwari bwarangije kugaragaza ko bubona ko iperereza ryakozwe n'umucamanza ridahagiije asaba urwego rwisumbuye rwitwa 'chambre d'instruction', ko rwategeka umucamanza gukora irindi perereza kuko yabonaga ari ngombwa ariko umucamanza atarashakaga kurikora.'

Ubusabe bw'ubushinjacyaha bwari bwatanzwe muri Nzeri 2024 bwigwaho muri Werurwe 2025, icyemezo kikaba kizafatwa ku wa 20 Gicurasi.

Ati 'Ntituzi niba urukiko ruzaha ubushinjacyaha ibyo bwasabye ariko uko byagenda kose umucamanza namara gufata icyemezo cye burundu kivuga ko dosiye ihagaze burundu uriya mudamu atoherejwe kuburana, ubushinjacyaha bushobora kubijuririra.'

Yongeyeho ko 'Twifuza ko ubushinjacyaha bubijuririra kugira ngo hajyeho abandi bacamanza bareba niba ibyakozwe bihagije, bareba niba nta perereza rindi ryakorwa kugira ngo uriya mugore ashyikirizwe ubucamanza.'

Kuki u Bufaransa bwanambye kuri Kanziga?

Agathe Kanziga yahungishijwe ku wa 9 Mata 1994, na Leta y'u Bufaransa yari iyobowe na François Mitterrand wari inshuti magara ya Habyarimana Juvenal.

Kuva ageze mu Bufaransa nta kazi kazwi yigeze akora uretse ko yatungwaga na Leta y'u Bufaransa gusa.

Umusesenguzi mu bya Politike, Tite Gatabazi yabwiye IGIHE ko impamvu zituma u Bufaransa budashobora gupfa gutanga Agatha Kanziga zikubiye mu bisigisigi byo ku butegetsi bwa Mitterand bikimurindiye umutekano.

Ati 'Afitanye amabanga n'Abafaransa mu ruhare rw'u Bufaransa muri Jenoside. Indege y'u Bufaransa ni yo yaje kumufata hano. Kugeza n'ubu atunzwe na Leta y'u Bufaransa uretse duke akura ku ruhande ariko kuva agezeyo ibiro bya perezida byatanze itegeko ngo ntazagire icyo abura.'

Gatabazi yavuze ko mu myaka 31 ishize ubutegetsi mu Bufaransa bwagiye buhinduka ariko Kanziga afite abantu bamukomeyeho.

Ati 'Afite abantu bakimukomeyeho kubera impamvu zitandukanye, hari abahakana Jenoside bamukomeyeho, impamvu nk'izo zikaba zatuma umuntu batamwohereza [mu Rwanda].'

Gatabazi avuga ko abahoze mu butegetsi bwa Mitterand, inshuti zabo n'abo mu ishyaka ry'aba-Scialistes bose kongeraho abashyize imbere guhakana Jenoside yakorewe Abatutsi bagiha abahamijwe ibyaha byo guhakana Jenoside ijambo mu ruhame no ku maradiyo bitwaje uburenganzira bwo gutanga ibitekerezo ari bo bamuri inyuma.

Ati 'Abo bantu bagenda banarenga umurongo wa Leta iriho ni bo bagishyigikiye na Agathe Habyarimana.'

Ku ruhande rwa Me Gisagara asanga hagikenewe gushyira igitutu ku Bufaransa ngo bwumve ko Agathe Habyarimana agomba kugezwa mu rukiko akaburanishwa ku byaha bya Jenoside akekwaho.

Ati 'Ni ngombwa ko dukomeza kubotsa igitutu, ni ngombwa ko abaregera indishyi dukomeza kuziregera, ni ngombwa ko dukomeza gusaba Leta y'u Bufaransa gutanga ubushobozi, igaha ubucamanza ubushobozi buhagije kugira ngo iperereza rihagije ribeho ni na ngombwa ko abantu bose bahaguruka kugira ngo abakorewe Jenoside bahabwe ubutabera.'

Kuva mu 2008, imiryango irengera inyungu z'abarokotse Jenoside yakorewe Abatutsi, yatanze ikirego isaba ko akorwaho iperereza ku ruhare ashinjwa mu Jenoside no ku byaba byibasiye ikiremwamuntu.

Muri Gashyantare 2022, abacamanza bakora iperereza, batangaje ko iyo dosiye ye ifunzwe, gusa muri Kanama 2022, Urwego rushinzwe kurwanya ibyaha by'iterabwoba mu Bushinjacyaha bw'u Bufaransa, PNAT yasabye ko ryongera gukorwa kubera uburemere bw'ibyaha ashinjwa.

Me Richard Gisagara yavuze ko iby’urubanza rwa Kanziga bitarangiye nk’uko abantu babyumva

Ni igikorwa cyatangijwe no gusobanurirwa amateka yose ari mu rwibutso, uhereye mbere y'ubukoroni, mu gihe cyabwo ari bwo bwabibye amacakubiri n'ingengabitekerezo ya Jenoside mu Banyarwanda.

Umuyobozi Mukuru wa ULK Polytechnic Institute, Eng. Musabyimana Jean Pierre, yavuze ko kuzana n'abanyeshuri gusura urwibutso rwa Jenoside ari ukugira ngo bigire ku mateka ariko banabafashe guhangana n'abapfobya Jenoside.

Yagize ati 'Ntabwo twakwigisha ubumenyingiro nta bumuntu, baba bagomba kudufasha guhangana n'abakoresha imbuga nkoranyambaga bapfoya amateka ya Jenoside yakorewe Abatutsi mu 1994 ndetse bakadufasha kugaragaza ukuri.'

Umuyubozi Mukuru wa ULK, Dr. Cyprien Sikubwabo, yavuze ko urubyiruko rutabasha gukumira Jenoside rutazi amateka, ari yo mpamvu bafata umunsi umwanya wo kubigisha amateka kugira ngo bazahangane n'ibyo bazi neza.

Yagize ati 'Iyo baje hano ku rwibutso bakiga, birabafasha kugira ngo na bo mu mutwe wabo bamenye uko Jenoside yateguwe, uko yashyizwe mu bikorwa ndetse n'ingaruka zayo.'

Dr. Sikubwabo akomeza asaba abakiri bato kurushaho gukangurira bagenzi babo kwirinda ingengabitekerezo ya Jenoside.

Umuyobozi w'Ikigo gishamikiye kuri ULK cya Glory Academy, Izabayo Musinga Fred, yavuze ko kubona abana bakiri bato bababazwa n'ibyabaye, bibaha icyizere ko igihe abantu bakuru babonye ibyabaye bazaba batakiriho, bazaba bafite ababahagarariye.

David Ishimwe uhagarariye abanyeshuri muri ULK Polytechnic Institute yavuze ko gusobanurirwa amateka bituma barushaho kumenya uko bakwirinda ababa bashaka kongera gusubiza igihugu mu icuraburindi.

Nyuma y'iki gikorwa ULK yahaye abanyeshuri bayo ikiganiro kirambuye cyatanzwe na Prof. Rwigamba Balinda washinzze iyo kaminuza, ku mateka y'u Rwanda na we asaba abanyeshuri guhangana abapfobya Jenoside n'abagifite ingengabitekerezo yayo aho ababbari hose.

ULK yunamiye Abatutsi basaga ibihumbi 250 bashyinguwe mu Rwibutso rwa Kigali ruri ku Gisozi

Abayobozi b’abanyeshuri ba ULK bibutse ku nshuro ya 31 Jenoside yakorewe Abatutsi

Prof. Rwigamba Balinda, yavuze ko abana b’u Rwanda bagomba guharanira ko amateka mabi yaruranze atazasubira

Abanyeshuri ba ULK na bo biyemeje kurwanya uwo ari wese washaka kugoreka amateka y’u Rwanda

Abayobozi, abakozi n’abanyeshuri bo muri ULK bakoze urugendo rwo kwibuka rwerekezaga ku Rwibutso rwa Jenoside Kigali

Abayobozi bombi Perezida Kagame yabakiriye mu biro bye, Village Urugwiro ku wa 20 Gicurasi 2025, bagirana ibiganiro byibanze ku mutekano mu karere n'uruhare rw'u Rwanda mu kugarura amahoro muri Centrafrique.

Ubutumwa bwashyizwe ku rukuta rwa X rw'Ibiro by'Umukuru w'Igihugu bugaragaza ko 'Ibiganiro byabo byibanze ku mutekano mu karere banagaruka ku musanzu w'u Rwanda mu bikorwa byo kugarura amahoro muri Repubulika ya Centrafrique.'

U Rwanda rufite Ingabo muri Centrafrique zirimo ibyiciro bibiri. Hari iziri mu butumwa bwa Loni, Minusca, n'iziriyo bishingiye ku masezerano yasinywe hagati y'ibihugu.

Iziri mu butumwa bwa Loni ni zo zishinzwe kurinda Umukuru w'Igihugu n'ibindi bikorwaremezo bikomeye mu gihugu nk'Ikibuga cy'Indege n'imihanda imwe n'imwe yinjira mu Mujyi wa Bangui iturutse muri Cameroon na Sudani.

Uretse abasirikare, u Rwanda rufite n'abapolisi muri iki gihugu bari mu butumwa bwa Loni, bafite inshingano zikomeye zirimo no kurinda Minisitiri w'Intebe wa Centrafrique.

Ku wa 9 Gurasi 2025, Abapolisi b'u Rwanda 160 bagize itsinda RWAFPU2-10 berekeje mu butumwa bw'Umuryango w'Abibumbye bwo kubungabunga amahoro muri Centrafrique (MINUSCA) basimbuyeyo bagenzi babo bari bageze mu Rwanda ku wa 8 Gicurasi.

U Rwanda rwatangiye kohereza Ingabo n'Abapolisi mu butumwa bw'amahoro muri Repubulika ya Centrafrique mu 2014.

Perezida Kagame yakiriye Amb Valentine Rugwabiza baganira ku mutekano mu karere