Webrwanda Backend

Blog

  • Umunyarwanda ukina umukino w’amagare yinjiye mu buhanzi asohora indirimbo ya mbere #rwanda #RwOT

    Habimana Jean Eric usanzwe ukina umukino wo gusiganwa ku magare mu ikipe ya Skol Adrien Cycling Academy Continental Team (SACA Team), yasohoye indirimbo ya mbere yise ‘Akugarutseho’.

    Uyu mukinnyi w’imyaka 20, akaba yasohoye iyi ndirimbo iri mu njyana yo kuramya no guhimbaza Imana (Gospel).

    ‘Akugarutseho’, ni indirimbo yumvikana avuga uburyo Umwami Yesu ari we uhumuriza abihebye, akiza imvune zo mu mitima, kandi ko yumva gusenga kwa buri umwe bityo ko ntawe azatererana.

    Habimana Jean Eric avuga ko asanzwe afite ubumenyi ku muziki kuko asanzwe azi gucuranga gitari(Guitar) ari nabyo byatumye bagenzi be bakinana bamubwira ko ashatse yakora indirimbo.

    Ati “Nsanzwe nzi gucuranga gitari. Akenshi iyo mvuye mu myitozo ndi kuruhuka nyifashisha nduhuka ncuranga nkanaririmba. Nyuma rero bagenzi banjye dukinana barambwiye bati impano ufite mu muziki uzayikuze ube wakora indirimbo muri studio.”

    'Nyuma naje kubyigaho nsanga nabyo nabikora. Nafashe umwanzuro wo kujya kwa Trackslayer mwereka indirimbo nanditse arayitunganya, irasokoka'

    Kuba yaba ateganya guhita ahagarika umuziki bikarangira, yavuze ko nta gahunda afite ahubwo azakomeza kujya akora indirimbo.

    Ati “Ntabwo nteganya guhagararira kuri iyi ahubwo nzakomeza gukora n’izindi kuko ndazifite nyinshi zanditse, nzajya nsohora imwe nyuma y’indi ku buryo nazagera ku rwego rwo gukora album'

    Habimana Jean Eric yatangiye gukina umukino w’amagare mu 2015 aza kwinjira mu ikipe ya Fly Skol Cycling Team, muri 2016 yatwaye shampiyona y’igihugu mu cyiciro cy’abakiri bato (Junior Category), kuri ubu ni umwe mu bakinnyi bahagaze neza muri uyu mukino kuko anaba mu ikipe y’impuzamashyirahamwe y’uyu mukino ku isi (UCI) ndetse akaba ari mu bakinnyi UCI izifashisha muri Tour de l’Avenir 2021.

    Ni umwe kandi mu bakinnyi bamaze gukina Tour du Rwanda iri ku rwego rwa 2.1 inshuro 2, 2020 na 2021.

    Habimana Jean Eric asanzwe akinira SACA, yasohoye indirimbo ya mbere

    Izina rye rirazwi muri uyu mukino w’amagare

    Source : http://isimbi.rw/siporo/article/umunyarwanda-ukina-umukino-w-amagare-yinjiye-mu-buhanzi-asohora-indirimbo-ya-mbere

  • Kagere Meddie azibukirwa kuki muri shampiyona ya Tanzania? #rwanda #RwOT

    Harabura iminsi mike ngo rutahizamu w’umunyarwanda ukinira ikipe ya Simba SC, Meddie Kagere ngo agere ku musozo w’amasezerano ye muri iyi kipe, ntibizwi niba azongera amasezerano cyangwa se azatandukana n’iyi kipe yagiriyemo ibihe byiza, nta gushindikanya ko mu gihe yaba ayivuyemo agasohoka muri iki gihugu, ni byinshi yazibukirwaho birimo uduhigo yagiye aca.

    Rya buye ryanzwe n’ababutsi burya niryo rikomeza imfuruka, ntawatekerezaga ko uyu rutahizamu utararebwaga neza n’ikipe ya Gor Mahia muri Kenya bakunda gutazira Kogalu, inyenyeri izaka ageze Msimbazi mu ikipe ya Simba SC muri Tanzania.

    Hari mu mpeshyi ya 2018 ubwo uyu rutahizamu yasinyiraga iyi kipe amasezerano y’umwaka umwe, ariko utararangira umuherwe w’iyi kipe, Mohammed Dewji uzwi nka Mo Dewji yafashe umwanzuro wo kumwongerera amasezerano y’imyaka 2.

    Hari amahirwe menshi ko uyu rutahizamu yatandukana n’iyi kipe nyuma y’umwaka w’imikino uzashyirwaho akadomo ku Cyumweru tariki ya 27 Nyakanga 2021 ubwo bazaba bakina na Yanga umukino wa nyuma wa FA Cup, ni nyuma y’uko umwaka we wa nyuma atabonye umwanya uhagije wo gukina.

    Amakuru avuga ko hari amakipe yo muri Tanzania amwifuza ariko binashoboka ko ashobora kuyisohokamo, mu gihe yaba asohotse muri iki gihugu cyangwa atandukanye na Simba SC azibukirwa kuki?

    Ni rutahizamu uzibukirwa kuri byinshi, kuko ku mwaka we wa mbere yari akuyeho uduhigo twa ba rutahizamu muri iyi shampiyona mu myaka 10 yari ishize.

    Muri uwo mwaka nibwo Meddie Kagere yatsinze ibitego 23, aba rutahizamu wa mbere utsinze ibyo bitego byinshi mu mateka y’iyi shampiyona mu myaka 10 yari itambutse, yabaye rutahizamu wa 3 wari ugejeje ibitego 20 muri iyi shampiyona nyuma ya Amiss Tambwe wakiniraga Young Africans watsinze 21 mu mwaka w’imikino 2015/2016 na Emmanuel Okwi wa Simba SC, uyu mugande yatsinze 20 mu mwaka w’imikino 2017/2018.

    Mu mwaka w’imikino wa 2019-2020, yashyizeho akandi gahigo ko kuba ari we mu myaka 12 itambutse wabashije kuba rutahizamu watsinze ibitego byinshi muri iyi shampiyona inshuro 2 yikurikiranya kandi zose ageza ibitego 20, kuko muri uwo mwaka bwo yatsinze ibitego 21.

    Uyu rutahizamu kandi afite agahigo ko kuba ari we wujuje ibitego 50 muri iyi shampiyona mu gihe gito, aho yabigezemo tariki ya 17 Ukuboza 2020 ubwo batsindaga KMC 1-0 cy’uyu rutahizamu, yahise yuzuza ibitego 50 muri iyi shampiyona aho byamutwaye imyaka 2, amezi 5 n’iminsi 22.

    Uyu mukinnyi kandi akaba ari we uyoboye abandi ba rutahizamu muri iyi myaka 3 aho muri iyi shampiyona afite ibitego 58 amaze kuyitsindamo.

    Mu myaka 3 ahamaze yatanze akazi gakomeye kuri ba rutahizamu

    Ibitego byo yarabitsinze

    Ni rutahizamu utazapfa kwibagirana muri iyi shampiyona

    Ibyo byose yakoze byanaga n’ibikombe yegukanye

    Source : http://isimbi.rw/siporo/article/kagere-meddie-azibukirwa-kuki-muri-shampiyona-ya-tanzania

  • Nyagatare : Baje bitwaje udufuka tw’ibendera ry’u Rwanda two gufatiramo ibiribwa badutahana uko batuzanye #rwanda #RwOT

    Aba baturage batangaje ko bari baraye bizejwe ko bazindukira ku Biro by’Umurenge gufata ibiribwa biri gutangwa muri ibi bihe bya COVID-19, baza bitwaje udufuka bari bahawe n’ubuyobozi turimo udufite amabara y’ibendera ry’u Rwanda.

    Gusa ngo batunguwe no kuba bageze ku biro by’Umurenge bakabwirwa ko nta biribwa bihari bigatuma bataha amaramasa na biriya bikapu bakabicyura uko babizanye.

    Aba baturage babwiwe ko ibiribwa biri gutangirwa mu Midugudu ni ko guhindukira basubira mu Midugudu batuyemo kugira ngo babihabwe.

    Ubuyobozi bw’Akarere ka Nyagatare, bwasubije ubutumwa bwa Flash FM bwavugaga ko bariya baturage babeshywe ibiribwa, ni bwo bwasobanuye uko byagenze.

    Ubutumwa bw’Ubuyobozi bw’Akarere ka Nyagatare kuri Twitter, bugira buti 'Aba baturage bageze ku Murenge wa Nyagatare babwirwa ko ibiribwa biri gutangirwa mu Midugudu batuyemo, mu rwego rwo kwirinda imirongo y’abantu ku Murenge ishobora no gukwirakwiza icyorezo.'

    Kuva mu mpera z’icyumweru gishize, Guverinoma y’u Rwanda yatangiye kugeza ibiribwa ku babikeneye basanzwe barya ari uko bakoze imirimo y’umubyizi.

    Minisitiri w’Ubutegetsi bw’Igihugu, Hon Gatabazi Jean Marie Vianney yavuze ko ibiribwa bihari bihagije kabone nubwo hazatangwa iby’ibanze bifasha abantu kubaho aho gutanga ibyo umuntu yakwifuza nk’inyama cyangwa ibinyobwa bigurwa n’abashaka kwinezeza nk’inzoga.

    Hon Gatabazi kandi yavuze ko abana bo muri iriya miryango iri guhabwa ibiryo, bazahabwa amata ndetse n’ifu y’igikoma kimwe n’ababyeyi batwite bakazahabwa ibindi bitunga umubiri bibafasha gukomeza kumererwa neza.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Nyagatare-Baje-bitwaje-udufuka-tw-ibendera-ry-u-Rwanda-two-gufatiramo-ibiribwa-badutahana-uko-batuzanye

  • Israël Mbonyi agiye gususurutsa ab’i Bujumbura #Rwanda #RwOT via @kigalitoday #rwanda #RwOT

    Israël Mbonyi
    Israël Mbonyi

    Israël Mbonyi yamaze kubyemeza abicishije kuri Twitter, ndetse ateguza abatuye mu mujyi wa Bujumbura mu gihugu cy’u Burundi, kwitegura kwishimana na we mu ndirimbo zihimbaza Imana.

    Yagize ati “Muraho neza Burundi, ndabasuhuza mu izina rya Yesu. Ndashaka kubabwira ko vuba aha, ndabaririmbira imbonankubone kuva ku itariki 13-15 Kanama 2021. Mu minsi iri imbere ndabagezaho amakuru arambuye y’ibitaramo banjye”.

    Israël Mbonyi izaba ari inshuro ye ya mbere agiye kuririmbira muri icyo gihugu akunzwemo, ndetse azanaririmba indirimbo ze nshya nk’iyitwa “urwandiko”.

    Israël Mbonyi yatumiwe kenshi kujya gutaramira abatuye umujyi wa Bujumbura ariko ntibishoboke, icyakora ubu hari ikizere ko bizakunda, abatuye umujyi wa Bujumbura bakamwumva bamureba.

    Uwo muhanzi amaze kwigarurira imitima ya benshi kubera injyana ye ibyinitse kandi ibohora umutima mu indirimbo zihimbaza Imana.

    Yahawe ibihembo bitandukanye mu Rwanda bitewe na album ye “Mbwira”, amaze gusohora indirimbo zirenga 20 ariko ntawe ushobora kuzivuga nabi kubera uburyo zikozemo.

    Indirimbo nka Naho, urwandiko, umukunzi, karame, nzaririmba, imuhira, zimaze kurebwa na benshi kandi bagenda bazisubiramo.

    Israël Mbonyi afite umwihariko wo kuririmba injyana ze, zumvikana nk’iziri mu gitaramo, bigatera abazumva kubakumbuza no kubashyira mu mwanya wo kwishima no guhimbaza Imana.

  • Huye: Abantu 12 bafatiwe muri butike bayihinduye akabari #Rwanda #RwOT via @kigalitoday #rwanda #RwOT

    Bafatiwe muri butike y’uwitwa Birori Christante w’imyaka 28, iyo butike ikaba iherereye mu Karere ka Huye, Umurenge wa Tumba, Akagari ka Cyarwa, Umudugudu wa Agasengasenge, nk’uko bigaragara ku rubuga rwa Internet rwa Polisi y’u Rwanda.

    Umuvugizi wa Polisi mu Ntara y’Amajyepfo, SP Theobald Kanamugire, yavuze ko abo bantu uko ari 12 bari barenze ku mabwiriza menshi yo kurwanya icyorezo cya Covid-19.

    Ati “Uriya muturage yafashe icyari butike ayigira akabari, ubwaho harafunganye bari bicaye begeranye cyane. Nta gapfukamunwa bari bambaye, nta kandagirukarabe ihari. Ikigeretse kuri ibyo bari barengeje amasaha yo kuba buri muntu yageze aho ataha kuko Akarere ka Huye kimwe n’ahandi bagomba gufunga ibikorwa by’ubucuruzi saa kumi n’imwe z’umugoroba, ingendo zigahagarara guhera saa kumi n’ebyiri z’umugoroba”.

    Yakomeje avuga ko mu bafatiwe muri iriya butike yahinduwe akabari harimo urubyiruko rw’abanyeshuri batanu biga muri Kaminuza y’u Rwanda ishami rya Huye, akaba yaboneyeho kongera gukangurira urubyiruko gufata iya mbere mu kwirinda icyo cyorezo kandi babitoze n’abandi.

    Ati “Nka bariya basobanukiwe neza ingaruka z’icyorezo cya Covid-19 bagombye gufasha n’abandi kubahiriza amabwiriza yo kucyirinda. Bagombye gutekereza uko byagenda baramutse bavanye icyorezo hariya bakajya kugikwiza mu bandi banyeshuri. Iki cyorezo ntikigitoranya umuto n’umukuru nk’uko mbere hari abari bafite iyo myumvire”.

    SP Kanamugire yibukije abaturage muri rusange by’umwihariko abo mu Ntara y’Amajyepfo, ko imibare itangwa n’inzego z’ubuzima buri munsi igaragaza ko icyorezo kikiriho kandi gikomeje gutwara ubuzima bw’Abanyarwanda.

    Yabasabye kurushaho kubahiriza amabwiriza kugira ngo bitazaba ngombwa ko Intara y’Amajyepfo yazashyirwa muri gahunda ya Guma mu Rugo.

    Abafashwe baganirijwe bibutswa ubukana bw’icyo cyorezo n’ingaruka zacyo, ndetse bapimwa Covid-19 ku kiguzi cyabo. Inzego zibishinzwe zabaciye amande hakurikijwe amabwiriza, butike yo yahise ifungwa nyirayo acibwa amande angana n’amafaranga y’u Rwanda ibihumbi 100.

  • Nyamirambo : Polisi yafunze umusaza wafatiwe mu isoko ashinjwa gutuburira abacuruzi #rwanda #RwOT

    Uyu musaza ushinjwa ubutekamutwe, yafashwe ku gicamunsi cyo kuri uyu wa Gatatu ubwo yari amaze gutuburira bamwe mu bacuruzi akabiba amafaranga.

    Gusa bamwe mu bacuruzi banavuga ko uriya musaza yakundaga kuza mu isoko akabaka ibicuruzwa bakabimuha ku neza aberetse inoti ya 2 000 Frw yarangiza akagenda atabishyuye ariko na bo ntibamenye uko bigenze.

    Hari uvuga ko yinjiye mu iduka rimwe riri hariya ubundi akamwaka inusu y’isukari ubundi amutunga mu maso iyo noti ya 2 000 Frw undi agahita amugarurira 1 500 Frw ariko ntamenye ibibaye.

    Yagize ati 'Yahise agenda ariko kuko bwari ubwa kabiri ahaje undi muntu yahise abwira uwo mucuruzi ngo buriya uriya musaza ntabwo agutuburiye ? nibwo yarebye asanga atamwishyuye.'

    Yakomeje avuga ko uyu musaza bahise bamukurikira basanga amaze kugura ibindi bintu ku wundi mucuruzi na bwo yari agiye atamwishyuye.

    Yavuze ko bakeka ko akoresha izindi mbaraga bitewe n’uburyo asohoka mu maduka atishyuye kandi banyirayo ntibapfe kubimenya.

    'Ubwo bamukurikiye basanga n’ahandi yerekanye ya noti asohoka atabishyuye nibwo bamufashe hahita haza n’abandi bagore bavuga ko ari ko yabibye ejo muri ubwo buryo.'

    Ubuyobozi bwa ririya soko bwahise bwitabaza Polisi y’u Rwanda ihita imuta muri yombi kugira ngo ikurikirane kiriya kibazo.

    Source : http://www.ukwezi.rw/mu-rwanda/Amakuru-anyuranye/article/Nyamirambo-Polisi-yafunze-umusaza-wafatiwe-mu-isoko-ashinjwa-gutuburira-abacuruzi

  • Umuhanzikazi Noëlla Izere yasohoye indirimbo yatuye ababyeyi b’abagore #rwanda #RwOT

    Noëlla Izere umwe mu banzikazi bamaze kwandika izina mu njyana Gakondo, yasohoye indiirimbo yise 'Mama’ yakomoye ku rukundo ababyeyi bakunda abana babo.

    Iyi ndirimbo y’uyu muhanzikazi uvukana na Liza Kamikazi, izaba iri no kuri Album yitegura gusohora, yumvikana avuga uburyo umubyeyi w’umumama(ariko mu ndirimbo aba ameze nk’aho ari we wivuga), akunda umwana ataranamubona(akimutwite), yavuka akamwitaho kugeza n’uyu munsi akimwitaho.

    Hari nk’aho agira ati 'Nyina w’umuntu arakagira Imana. Mama wanjye nta mwiza nka we, wankunda nka we, atanzi nka we. Akirengagiza amakosa yanjye. Mama wankunze utarambona, imvune zanjye zose urazemera, wankunze ukinsama, mvutse shenge urantaramira.'

    Noëlla Izere avuga ko nubwo yaririmbye urukundo rw’ababyeyi b’abagore ariko ngo ntabwo yakwirengagiza n’imvune abagabo bahura nazo, ngo ni uko yashatse kuririmba abagore n’abaabo bazagira igihe cyabo.

    Izere yavuze ko ari guteganya gusohora izindi ndirimbo ziri ku album ye ya mbere kugeza ubu atarashakira izina ndetse ataramenya neza igihe izagira hanze, gusa avuga ko izaba iriho indirimbo 10.

    Izere yasohoye indirimbo ye yise ‘Mama’ yatuye ababyeyi b’abagore

    Source : http://isimbi.rw/imyidagaduro/article/umuhanzikazi-noella-izere-yasohoye-indirimbo-yatuye-ababyeyi-b-abagore

  • GUMA MU RUGO YUGARIJE ABAGABO BARANGIZA VUBA, AHO IZARANGIRIRA NGO ABAGORE BENSHI BAZISUBIRIRA KU IVUKO. #rwanda #RwOT

    Kurangiza vuba ubusanzwe bivugwa igihe umugabo arangiza (asohora) mbere y’uko akora imibonano cyangwa se hatarashira iminota ibiri ari mu gikorwa. Ibi akenshi biba atabishaka, bigatera guhangayika, kwigaya ndetse bigateza ibibazo n’umwiryane mu rugo kuko hari nubwo uwo bashakanye amuca inyuma kubera kutamugeza ku byishimo bye bya nyuma (orgasme)

    Iki kibazo gihuriweho n’abagabo benshi, si urw’umwe rero, Gusa biravurwa kandi bigakira burundu.

    Gukoresha REVIVE CAPSULES na Ca-Fe-Zi plus byagufasha kongera kugarura ibyishimo by’urugo rwawe.


    REVIVE na Ca-Fe-Zi plus ni inyunganiramirire zikunda kuboneka mu bihugu byo muri Aziya (China, Korea).

    Revive na Ca-Fe-Zi plud zifashishwa cyane mu kuvura indwara zikomeye ku bagabo nko kurangiza vuba, gucika intege mu gikorwa cyo gutera akabariro, abaguzweho ingaruka no kwikinisha, kurinda no kuvura prostate, kongera ubwiza n’ubwinshi bw’intangangabo kuri bamwe usanga binabatera kubura urubyaro, ndetse no kurinda umubiri indwara zirimo na Kanseri.


    Izi nyunganiramirire Revive na Ca-Fe-Zi plus nta ngaruka zitera ku buzima bwa muntu, ahubwo zifasha mu kurwanya ingaruka zaba zaratewe no gukoresha imiti irimo chemical elements.

    REVIVE ikorwa mu byatsi byitwa Epimedium, N’igihingwa kirandaranda cyiri mu muryango w’ibihingwa bizwi nka berberidacea kiboneka mu majyepfo y’Ubushinwa ndetse no mu bice bimwe na bimwe bya Aziya.
    Naho Ca-Fe-Zi ni uruvange rwa calcium, fer na zinc.

    Iki gihingwa kandi kubera kongera testosterone mu mubiri, binabasha kongera uburebure n’umubyimba w’igitsina cyagwingiye.

    REVIVE na Ca-Fe-Zi byateguwe by’umwihariko kugirango byongere ubushake bw’imibonano mpuzabitsina, byongere ubwinshi no gukomera kw’intanga ndetse binongere imbaraga za ogisijeni mu maraso.

    REVIVE na Ca-Fe-Zi plus birinda kandi bikavura gusohora imburagihe ndetse bikanavura ingaruka ziterwa no kwikinisha.

    IBYIZA BYO GUKORESHA REVIVE na Ca-Fe-Zi plus.

    ✅Ikiza gusohora imburagihe no gucika intege utera akabariro.

    ✅Yongera libido ku kigero cyo hejuru.

    ✅Irinda ikanavura ububabare bwo mu kibuno.

    ✅Yongera umusaruro w’intanga mu bwiza n’ubwinshi.

    ✅Ituma ubwonko bukora neza ikanongerera umuntu imbaraga.

    ✅Ihangana n’ingaruka zo kwikinisha, ikongera imbaraga za kigabo ndetse ikanafasha mu kongera amasohoro

    ✅Ivura guhorana umunaniro ukabije…

    INGARUKA NZIZA ZO GUKORESHA REVIVE mu rugo iwawe.

    ✅Umugabo wakoresheje revive atuma amarangamutima n’ipfa ry’imibonano ku mugore bishira kubera kukunezeza.

    ✅Irwanya kwiheba no gusa nabi ku mugore.

    ✅Nta ntonganya n’ubwumvikane buke cyangwa gucana inyuma biba mu rugo

    ✅Gukoresha revive bigufasha gusohora mu gihe ushaka gusohora ibyo bikakurinda gupfubya uwo muhuye.

    Ku bashaka revive na Ca-Fe-Zi plus muri iyi minsi ya guma rugo, tuyibasangisha abo bari cyane ku bari muri Kigali.

    Ku bari mu ntara n’inyuma y’igihugu turayiboherereza mu buryo twaganiriyeho.

    Dukorera I Kigali ahazwi nko kuri OKAPI, ku bisobanuro byimbitse nuko twayibagezaho, mwahamagara cyangwa mukatwandikira kuri nomero:
    +250788888963 cyangwa +250788668640

    Source : https://imirasire.com/?GUMA-MU-RUGO-YUGARIJE-ABAGABO-BARANGIZA-VUBA-AHO-IZARANGIRIRA-NGO-ABAGORE

  • Uteye ibuye ikuzimu ntihavumbukamo Abamalayika…Sadate yenyegeje umuriro yakongege yamagana ubutinganyi #rwanda #RwOT

    Uyu mugabo ukunze gukoresha imbuga nkoranyambaga by’umwihariko Twitter, ejo yari yatanze ibitekerezo kuri kapiteni w’Ikipe y’u Rwanda y’abagore muri Basketball, Tierra Monay Henderson usanzwe aryamana n’abo bahuje ibitsina.

    Sadate yari yavuze ko uriya mukobwa akwiye kwamburwa inshingano z’ubukapiteni bw’Ikipe y’Igihugu ndetse n’ubwenegihugu kubera biriya yise amahano.

    Benshi bakoresha imbuga nkoranyambaga baramwatatse baramutwama bamubwira ko ubutinganyi atari ikibazo gihangayikishije u Rwanda kandi ko akwiye kureka buri wese agakora ibijyanye n’amahitamo ye.

    Abandi na bo bavugaga ko umuntu nka Sadate adakwiye kwihandagaza ngo asabe ko hari Umunyarwanda wamburwa ubwenegihugu kuko ibyo biba mu bushishozi bw’inzego zibishinzwe.

    Uyu munsi Sadate yagarukanye imbaraga kuri Twitter, agira ati 'Ku munsi w’ejo namaganye UBUTINGANYI maze nakira ibitutsi byose bibaho.'

    Yakomeje agira ati 'Reka mbisubiremo Ubutinganyi ni ikibi nzacyamagana n’Umutima wanjye wose n’ubwenge bwanjye bwose. Abantutse mwese reka mbabwire nti 'Iyo uteye ibuye mu kuzimu ntiwakwitega ko havumbukayo abamalayika.'

    Ni ijambo buri wese afashe umwanya akarisesengura yabonera igisobanuro, ariko muri macye yashakaga kuvuga ko abamututse bose bari mu buyobe kuko bashyigikiye buriya butinganyi we arwanya.

    Yakomeje agira ati 'Niba ABATINGANYI mwumva mufite uburenganzira bwo gukora ibyo mushaka mwumve ko nanjye mfite uburenganzira bwo kwamagana icyo mbona ko ari kibi muri Sosiyete kandi rwose murabizi ko ntazacika intege.'

    Yasoje agira ati 'Nyagasani abimfashemo.'

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Uteye-ibuye-ikuzimu-ntihavumbukamo-Abamalayika-Sadate-yenyegeje-umuriro-yakongege-yamagana-ubutinganyi

  • Nyagatare: Hari abinubira ko ibiribwa byagenewe abakene birimo guhabwa abishoboye #Rwanda #RwOT via @kigalitoday #rwanda #RwOT

    Ibiribwa ngo hari aho birimo guhabwa abifashije
    Ibiribwa ngo hari aho birimo guhabwa abifashije

    Ku wa 19 Nyakanga 2021, ni bwo mu Karere ka Nyagatare imiryango 7,190 yatangiye guhabwa ibiribwa, kubera kugirwaho ingaruka na Covid-19.

    Umubyeyi utashatse ko amazina ye atangazwa, avuga ko ibiribwa byagenewe abagizweho ingaruka n’icyo cyorezo byahawe abishoboye, nyamara hari abandi bari basanganywe imibereho itari myiza batunzwe no guca inshuro bitagezeho.

    Uwo mubyeyi atanga urugero ko ibiribwa mu Kagari kabo ka Kabare, byahawe abacuruzi ndetse n’abamotari abandi babwirwa ko bajya gushaka ibyate kuko ibikorwa by’ubuhinzi byemewe.

    Ati “Hari umugabo witwa Phocas ni umucuruzi ni we duhahiraho, hari Kazungu ni umucuruzi ibintu byose ni ho tubihahira, urugo rwa Casmir babiri mu muryango we barafashe. Nyamara hari umugore uherutse gupfusha umugabo yasigaranye abana adashoboye no gutungira mu ikode barabimwimye. Ngo ubuhinzi buremewe tujye gushaka ibyate, twese twari dutunzwe n’umujyi wa Nyagatare none ntitujyayo, kuki batatumenya?”

    Umujyamana mu nama Njyanama y’Akagari ka Kabare, Musoni Soteri, avuga ko batunguwe n’urutonde beretswe rw’abagomba guhabwa ibiribwa.

    Avuga ko n’ubwo ngo ibiribwa byagenewe ibyiciro runaka by’abantu, ariko na none hari icyo birengagije kuko hari uwagira ikibazo ubucuruzi bwe bugahagarara ariko afite ahandi akura.

    Ati “Twaratunguwe tukibona urwo rutonde, twararwanze ariko nta kundi byakagenze. Ariko twiyemeje ko ubutaha tutazongera kwemera urwo rutonde kuko niba umucuruzi ibikorwa bye byarahagaze, afite ahandi akura, umumotari afite ahandi, ariko hari abaturage tuzi bafite ibibazo kandi na bo bagizweho ingaruka na COVID-19”.

    Umuyobozi w’Akarere ka Nyagatare, Mushabe David Claudian, avuga ko mu itangwa ry’ibyo biribwa hashobora kubamo amakosa bityo ufite ikibazo akwiye gushaka uko yamenyesha ubuyobozi. Avuga ko bagiye gukurikirana icyo kibazo kugira ngo gihabwe umurongo.

    Yizeza abatabashije kubona ibyo biribwa ko ikiciro gikurikiraho amakosa ashobora kuba arimo azaba yakosowe ku buryo bizabageraho.

    Agira ati “Burya umuntu ajya gutaka ababaye kandi yashatse ibiryo yabibuze, baba bakwiye kumureba bakabimuha kuko abantu bose ntibari ku rutonde, ariko mu gihe habonetse undi ubikeneye akaba ataragaragaye ku rutonde, aba akwiye kwandikwa kuko n’ubundi tuzakomeza ubutaha tukabimuha”.

    Mu Karere ka Nyagatare imiryango 7,190 ni yo yahawe inkunga ya mbere y’ibiribwa bigizwe na Kawunga, Umuceri ndetse n’Ibishyimbo.

    Icyakora na mbere y’uko ibiribwa bitangwa, ubuyobozi bwari bwizeje ko abazacikanwa n’ikiciro cya mbere nabo bizabageraho.

    Ubundi abagomba kugerwaho n’iyi nkunga ni abarwaye Covid-19 ndetse n’abagizweho ingaruka na Guma mu Rugo, Akarere ka Nyagatare katangiye ku wa 17 Nyakanga 2021 ikazamara iminsi 10.