Blog

Iyi mpanuka yabaye kuri iki Cyumweru tariki ya 6 Nyakanga 2025 ibera mu Karere ka Rwamagana ahazwi nko mu Kabuga ka Musha mu rugabano rw'imirenge ya Musha na Gahengeri.

Umuvugizi wa Polisi y'u Rwanda Ishami rishinzwe umutekano wo mu muhanda, SP Emmanuel Kayigi, yavuze ko impanuka yatewe no kutaringaniza umuvuduko k'umushoferi wari utwaye imodoka nini yo mu bwoko bwa Scania.

Yagize ati 'Ahagana saa yine ni bwo imodoka nini yagexe mu makorosi yo mu Kabuga ka Musha, umushoferi ananirwa kuringaniza neza umuvuduko, yahise agonga imodoka eshatu zirimo ivatiri n'indi modoka ndetse anagonga coaster yari irimo abagenzi, yayigonze ayiturutse inyuma bituma ita umuhanda iragenda igonga ibiti.''

Yakomeje agira ati ' Abantu 12 bahise bakomereka barimo umwe wakomeretse mu buryo bukomeye, undi umwe rero yahise yitaba Imana. Icyateye impanuka twavuga ko ari ukunanirwa kuringaniza umuvuduko k'umushoferi, hariya hantu ni ahantu hamanuka cyane.''

SP Kayigi yasabye abatwara imodoka bose kwirinda gukorera ku jisho no gucunga ahari Abapolisi cyangwa camera, ubundi bakiruka cyane, yavuze ko gukumira impanuka bireba buri wese cyane cyane umuntu uwo ariwe wese ukoresha ikinyabiziga.

Ati 'Abashoferi nibareke gucunganwa n'abapolisi cyangwa se camera, buri wese natware imodoka yumva ko gukumira impanuka ari inshingano ze, iyo utwariye ku muvuduko wo hejuru ushobora guteza impanuka buri wese nabigire ibye kuko kuko impanuka ishobora kubaho igihe icyo aricyo cyose.''

Kuri ubu abakomeretse bahise bajyanwa kuvurirwa ku bitaro bya Rwamagana aho abakomeretse byoroheje bavuwe bagahita bataha, mu gihe abanda bakitabwaho n'abaganga.

Coaster yagonzwe na scania ihita irenga umuhanda igonga ibiti

Ibi barabivuga mu gihe hashize igihe kitari gito, ku mupaka w'u Rwanda n'u Burundi hatagaragara urujya n'uruza rw'abantu cyangwa ibintu, ibyatumye bamwe mu bagore bo mu karere ka Nyaruguru bahoze bakora ubucuruzi bwambukiranya imipaka, ubu basigaye bacururiza imbere mu gihugu.

Aba bavuga ko nyuma ifungwa ry'imipaka, bafunguye amaso bakongera kwikebuka, bagahuza imbaraga bagamije kwiteza imbere binyuze mu matsinda bakoreramo, kuko bigishijwe kwishakamo ibisubizo no gucunga umutungo bafite banawongera bakora cyane, kandi bibanda ku mahirwe abakikije mu gihugu imbere.

Mukesharugo Dorothée, umwe mu bakuraga ibintu i Burundi, avuga ko mbere y'uko umupaka ufungwa yaranguraga imbuto zitatundukanye azikuye i Burundi, akazicuruza i Huye na Kigali.

Nyuma y'aho umupaka ufungiwe, Mukesharugo na bagenzi be ngo bakomeje ubuzima bw'ubucuruzi bahindura ibikorwa binjira mu bucuruzi bw'imyenda bahuza imbaraga banashinga Koperative bise Ambaruberwe.

Ati ''Twashishikarijwe gukorera mu matsinda, ubu turizigama tukagurizanya. Ubu nkanjye, sinasubiye inyuma, ndiha amashuri y'abana nkanatanga ubwisungane mu kwivuza ku gihe, nta gihunga. Ubu maze kugira aho mva n'aho ngeze.'

Yakomeje avuga ko ifungwa ry'umupaka kuri bo bitavuze no gufunga ibitekerezo, asaba ubuyobozi gukomeza kubaherekeza mu byo bakora kugira bakomeze biteze imbere.

Yagize ati 'Kuba u Burundi bwarafunze, ntibuvuze ko bwanadufunze ibitekerezo, tuzakomeza gukora kuko ahandi hose mu gihugu no mu bindi bihugu bituranye n'u Rwanda ku yindi mipaka tutahahejwe, kandi twizeye gukomeza gutera imbere.'

Ni na ko biri kuri Ahishakiye Suzanna na we uvuga ko hamwe n'abandi, batizanyije imbaraga bakomeza ubucuruzi bw'imbere mu gihugu, agahamya ko abona batazasubira inyuma mu mikorere.

Umuyobozi w'Akarere ka Nyaruguru, Dr. Murwanashyaka Emmanuel, avuga ko n'ubwo umupaka ufunze nta ruhare u Rwanda rwabigizemo, ari nayo mpamvu abawuturiye bakomeje umurego wo gukora cyane babyaza umusaruro amahirwe ari imbere mu gihugu, cyane cyane binyuze mu gukunda umurimo.

Ati 'Ubuyobozi bw'akarere n'abafatanyabikorwa bako bakomeza bashishikariza abaturage gukunda umurimo, bakora cyane ntibarambirize ku kwambuka umupaka, ibyo bakoze bwaba ubucuruzi n'ibindi bakabikora kinyamwuga, bibuka ko bagomba gushakira isoko mu gihugu.'

Abagore bo mu Karere ka Nyaruguru bari basanzwe bakora ubucuruzi bwambukiranya umupaka w'Akanyaru bagera kuri 600, bakaba bakora ibikorwa byiganjemo ubucuruzi.

Nyuma y’aho u Burundi bufungiye umupaka ubuhuza n’u Rwanda, abahakoreraga bishatsemo ibisubizo

Abagore bakoraga ubucuruzi bwambukiranya umupaka i Nyaruguru bavuga ko bakomeje guheranira kwiteza imbere n’umupaka ubahuza n’u Burundi udakora

Ibi ubuyobozi bugiye kubikora nyuma y'aho muri uyu Mujyi hujujwe isoko rya Kijyambere ryuzuye ritwaye miliyari 2,8 Frw. Ni isoko ubuyobozi buvuga ko hubatswe icyiciro cya mbere mu cyiciro cya Kabiri bakazubaka inzu igeretse inshuro eshanu.

Umuyobozi w'Akarere ka Rwamagana, Mbonyumuvunyi Radjab, yavuze ko nyuma yo kubaka iri soko bari bateguje abafite inzu z'ubucuruzi zirikikije ko bagomba kubaka inzu zigeretse mu kubahiriza igishushanyo mbonera.

Ati 'Bariya bacuruzi bacururiza mu nkengero z'isoko twabandikiye mu mwaka wa 2024 muri Kanama tubaha amezi atatu yo kugira ngo babe biteguye kubaka ibijyanye n'igishushanyo mbonera nk'uko natwe twubatse nka Leta, twabahaye urugero rwiza rwo gukurikiza igishushanyo mbonera no kubaka ibintu bijyanye n'igihe, ntabwo tuzaguma muri Nyakatsi nk'abanya-Rwamagana.''

Yakomeje agira ati 'Icyo gihe twabahaye itariki ntarengwa yari 30 Ugushyingo 2024, ubu rero turi mu kwezi kwa Karindwi umwaka wose uruzuye, twongeye kubibutsa ko noneho itariki ntarengwa ari 15 Nyakanga kandi noneho tuzayubahiriza. Uzaba yimutse tuzamwemerera, uzaba atimutse tuzashyiraho ingufuri niko twabiganiriye mu nama zitandukanye twagiranye.''

Meya Mbonyumuvunyi yavuze ko bateguje abafite inzu mu Mujyi wa Rwamagana ndetse n'abacuruzi aho babajyanye mu ngendo shuri mu mijyi wa Musanze na Huye bareba uko abandi bagiye babigenza, bagafunga igice kimwe bakubaka inzu zigeretse.

Yavuze ko nk'Akarere bazafasha aba bacuruzi mu kubahuza na banki zibaha inguzanyo no kubona ibyangombwa byo kubaka mu buryo bwihuse kugira ngo bubake inzu zijyanye n'igihe.

Ati 'Hariya harimo inzu z'ibice bibiri, hari ahari inzu zigeretse kabiri n'izigeretse gatatu nizo twifuza ko bubaka.''

Kugeza ubu amaduka afite imiryango 37 ni yo azabanza gufungwa ku ikubitiro, ubuyobozi bukaba buvuga ko mu isoko rishya rya Rwamagana batanzemo imyanya 25 yakwimukirwamo n'aba bacuruzi bakoreraga muri aya maduka azafungwa.

Abandi bacuruzaga Quincaillerie bazashaka ahandi bakorera kuko bafite ibintu byinshi. Meya Mbonyumuvunyi yavuze ko ku itariki 15 Nyakanga batazigera bayirenza kandi uzashaka kubirengaho ngo azafatwa nk'umuntu ushaka kurenga ku mabwiriza yahawe.

Bamwe mu bacururiza mu nkengero z'iri soko bavuga ko imiryango ubuyobozi buvuga ko bwabahaye mu isoko rishya atari byo kuko imiryango myinshi irimo guhabwa abantu badasanzwe bakora ubucuruzi.

Umwe yagize ati ' Mugende murebe abantu bahawe iyo miryango, abenshi ntabwo basanzwe bakora ubucuruzi ni abantu bashya bari kuyihabwa ntabwo ari twebwe, abenshi ni abantu bari bararetse gucuruza babonye isoko ryuzuye baratereta bahabwa ya miryango twari twemerewe ubu twe ntituzi aho tuzerekeza.''

Undi mucuruzi nawe utashatse ko amazina ye akoreshwa mu nkuru, yavuze ko uburyo buri gukoreshwa mu gutanga imyanya budaciye mu mucyo kuko amaduka yo mu isoko ari guhabwa abantu badasanzwe bacuruza.

Abacururiza mu nkengero z'isoko rya Rwamagana bagiye gufungirwa imiryango hubakwa inzu zigeretse

Ibi Umuyobozi w'Akarere ka Rubavu wungirije ushinzwe imibereho myiza y'abaturage, Ishimwe Pacifique, yabitangarije IGIHE nyuma y'uko bamwe mu bagize itsinda ry'abanyamasengesho ribarizwa mu itorero Harvest Christian Church binjiye mu rugamba rwo gufasha akarere kugira abaturage bafite ubwiherero bujyanye n'igihe.

Ati 'Mu ibarura duheruka tariki 26 Mata 2025 ryagaragaje ko imiryango 876 idafite ubwiherero, aho dufite kandi n'indi miryango 1.166 ifite ubwiherero butujuje ibisabwa, akaba ari urugamba tutarebera ngo bihere mu mibare, kuko iyo tubamenye duharanira ko umwaka w'ingengo y'imari dutangiye uzarangira aba bose bamaze kubona ubwiherero, dufatanyije n'abafatanyabikorwa batandukanye.'

Yakomeje avuga ko gufasha iyi miryango yose kubona ubwiherero bwujuje ibisabwa bijyana no gusobanurira abaturage uruhare rwabo mu gutuma iki kibazo gishobora gukemuka.

Visi Meya Ishimwe akomeza avuga ko kuva iki kibazo cyagaragara muri Mata bamaze kubaka ubugera kuri 60 (bwarangiye), mu gihe kandi bamaze gusana ubugera ku 136 (bwarangiye).

Avuga kandi ko mu mbogamizi bagiye babona zigora abaturage harimo abajya kubaka ubwiherero bakabangamirwa n'amakoro, abandi bakabangamirwa n'amanegeka, ari na ho ahera ahamagarira abafatanyabikorwa kugaragaza uruhare rwabo.

Umuturage wo mu Mudugudu wa Nyabagobe wubakiwe ubwiherero, Benimana Therese, avuga ko atari ubwa mbere yubakiwe ubwiherero kuko ubwa mbere bwari bwaraguye.

Ati 'Maze iminsi ntafite ubwiherero kandi si ubwa mbere mbwubakiwe kuko ubwa mbere bwari bwaraguye kubera imvura yaguye, binsaba kugonda uduti ku buryo kubujyamo byari biteye isoni, nta mushyitsi wabujyamo, kandi ni yo nzu ya mbere, kudutekerezaho bitwereka ko tutari twenyine.'

Munyaruhanga Daniel, umwe mubagize itsinda ry'abanyamasengesho ribarizwa muri Harvest Christian Church avuga ko urukundo Imana yabakunze na bo bakwiriye kugira abo barugaragariza.

Ati 'Amasengesho ni meza ariko dukeneye kwereka abantu urukundo Imana yadukunze ari na rwo rutuma natwe twifuza gufasha Abanyarwanda bagenzi bacu, kuko dusenze gusa ntibatumenya ariko iyo dusohotse bibatera kutumenya no kumenya Imana.'

Yaboneyeho gusaba abandi bakirisitu bibera mu byumba kubisohokamo bakegera abababaye bakeneye ubufasha, kuko iyo usengeye umuntu hari icyo wamufashije arushaho kumva iby'Imana.

Umushumba w'Itorero Harvest Christian Church Paruwasi ya Madjengo, Kandoti Ndayisenga Aoron, yagize ati 'Roho nzima ikwiriye kuba mu mubiri muzima, kandi ibikorwa byiza bigomba kuvuga, aho tuzakomeza gufatanya na Leta dukora ibikorwa bihindura imibereho y'abaturage myiza.'

Umurenge wa Cyanzarwe niwo ufite abaturage benshi badafite ubwiherero, mu gihe uwa Gisenyi ariwo ufite abaturage bake nabo biganje mu Kagari ka Nengo ho mu Mudugudu wa Nyabagobe.

Umunyamabanga nshingwabikorwa w’Umurenge wa Gisenyi, Uwineza Francine ni umwe mu bitabiriye umuganda wo kubakira abaturage ubwiherero batagiraga aho bihengeka

Imiterere y’ubutaka bwo mu Karere ka Rubavu iracyari ikibazo ku kugira ubwiherero bwujuje ibisabwa – Copy

Brig Gen Rwivanga yabwiye RBA ko ntawe ukwiye gushidikanya ku kuba Ingabo z'Igihugu zibumbatiye umuteko mu buryo bwuzuye kuko ubwo bushobozi bugaragarira mu bikorwa.

Ati 'Ndagira ngo mbwire Abanyarwanda ko umutekano wuzuye kuko turinda imipaka yacu kandi biragaragara kuko ibitero byose bigerageje kuza ntabwo bigera kure. Ingabo zacu ziriteguye zirakora akazi nk'uko bikwiye turabizeza ko tuzarushaho kugakora neza ahubwo kugira ngo datange umutekano wuzuye.'

Umuvugizi w'Ingabo z'u Rwanda yasobanuye ko ubushobozi bwa RDF bwiyongeye mu buryo bwose ku buryo bishoboza Ingabo z'Igihugu kukirinda byuzuye zigasaguriraho n'amahanga.

Ati 'Dufite ubushobozi, twahawe amahugurwa kandi dushoboye kurinda umupaka wacu tugafasha n'abandi kugira ngo bagere ku byo twagezeho. Ubushobozi bwariyongereye mu buryo bw'amahugurwa, ibikoresho, ubumenyi n'ubunyamwuga biri ku rwego rwo hejuru. [..]. RDF izakomeza kurinda ubusugire bw'Igihugu ku buryo bushoboka.'

Umuyobozi w'Ingabo za Loni ziri mu Butumwa bwo Kugarura Amahoro muri Centrafrique (MINUSCA), Lt Gen Humphrey Nyone, aherutse kuvuga ko ubunararibonye bw'Ingabo z'u Rwanda bwivugira kuko aho zigeze umutekano ugaruka.

Ati 'Nterwa ishema n'akazi k'Ingabo z'u Rwanda muri ubu butumwa. Aho zikorera hose ntiwakumva umuntu n'umwe uzinenga kubera icyizere zigirirwa n'ubushobozi zigaragaza. Burya abantu baba bashaka ibikorwa bifatika si amagambo kuko ubushozi buravuga bugatuma wigarurira imitima y'abaturage.'

Mu nkingi umunani zigize igipimo cy'imiyoborere mu Rwanda, iy'umutekano ni yo iza imbere mu kugira amanota menshi ashingiye ku kwishimirwa n'abaturage.

Mu bushakashatsi ngarukamwaka ku miyoborere bukorwa n'Urwego rw'Igihugu rw'Imiyoborere (RGB) buzwi nka Rwanda Governance Scorecard (RGS), ubwasohotse mu Ugushingo 2024 bugaragaza ko inkingi y'umutekano n'ituze ry'abaturage ari yo yaje ku isonga mu byishimiwe n'abaturage muri uwo mwaka aho ifite amanota 93.82%.

Umuvugizi w'Igisirikare cy'u Rwanda (RDF), Brig Gen Ronald Rwivanga, yijeje Abanyarwanda ko Ingabo z'Igihugu zitazatezuka mu kubaha umutekano usesuye

Umwarimu wujuje ibisabwa ku rwego rw'amashuri y'inshuke n'abanza asabwa nibura kugira impamyabumenyi y'amashuri yisumbuye ijyanye no kwigisha iki cyiciro nubwo ashobora kugira iyirenze.

Uwigisha amashuri yisumbuye asabwa kugira impamyabumenyi y'icyiciro cya kabiri cya kaminuza (uwigisha mu cyiciro rusange) n'icyiciro cya kabiri cya kaminuza ku bigisha abo mu cyiciro gisoza ayisumbuye (upper secondary). Mu mashuri makuru na kaminuza basabwa kuba 30% by'abarimu bafite PhD.

Raporo ya Minisiteri y'Uburezi y'ibikorwa by'umwaka wa 2023/2024 igaragaza ko abarimu bigishaga mu mashuri abanza bari bujuje ibisabwa ari 68.207 barimo abagabo 29.540 n'abagore 38.667.

Abatujuje ibisabwa mu mashuri abanza bari 119, bangana na 0,2% by'abarezi bose bari muri icyo cyiciro.

Abarimu bujuje ibisabwa mu mashuri yisumbuye ni 24.600 barimo abagabo 15.891 n'abagore 8.709. Abatujuje ibisabwa ni 3.816 bangana na 13,4%.

Mu cyiciro cy'imyuga n'ubumenyingiro habarirwa abarimu 4.743 bujuje ibisabwa, muri bo abagabo bakaba 3.538 mu gihe abagore ari 1.205. Abatujuje ibyangombwa ni 1.165 bangana na 19,7%.

Mu bafite PhD hari umwe wigisha mu mashuri abanza

Umuntu ufite impamyabumenyi y'ikirenga (PhD), ni umushakashatsi ndetse henshi amenyerewe kuba yigisha muri kaminuza cyangwa ari mu mwanya ukomeye.

Imibare ya MINEDUC igaragaza ko mu mashuri abanza harimo umwarimu umwe ufite Impamyabumenyi y'Ikirenga (PhD), mu gihe abandi 10 bigisha mu mashuri yisumbuye.

Uburezi bw'u Rwanda burimo abarimu bafite PhD barenga 1100, benshi biganje mu mashuri makuru na za kaminuza kuko hariyo 1091.

Abafite icyiciro cya gatatu cya kaminuza (Masters' degree) barimo umwe wigisha mu mashuri y'incuke, 15 bigisha mu mashuri abanza na 131 bigisha mu yisumbuye, mu gihe 27 bigisha mu mashuri y'imyuga n'ubumenyingiro.

Abafite Masters' bigisha mu mashuri makuru na za kaminuza ni 2.177.

Abarimu benshi mu bigisha mu mashuri abanza bujuje ibyangombwa

Abarimu bazi icyongereza baracyari mbarwa

Raporo igaragaza gahunda ziteganyijwe mu kuzamura ireme ry'uburezi u Rwanda ruzafatanyamo n'abafatanyabikorwa batandukanye kuva mu 2023-2027, yerekana ko umwarimu umwe muri batatu bashya binjira mu kazi aba adafite ubushobozi bwo kwigisha mu cyiciro cy'ubumenyi bw'ibanze, ni ukuvuga gusoma, kwandika no kubara.

Raporo yakozwe na Banki y'Isi mu 2018, yagaragaje ko hakenewe cyane amahugurwa y'abarimu mu Cyongereza kuko 38% by'abigisha kuva mu wa Mbere kugera mu wa Gatatu ari bo bonyine bari bafite ubumenyi buhagije mu Cyongereza.

Inyandiko yasohowe na Minisiteri y'Uburezi muri Gashyantare 2024, igaragaza ko 'Abarimu 4% gusa mu basanzwe bigisha bafite ubumenyi kuva ku bwo hagati kugeza ku bwisumbuye mu Cyongereza, ari na rwo rurimi rwifashishwa mu kwigisha.'

Minisiteri y'Uburezi igaragaza ko muri gahunda ziteganyijwe harimo n'izo kuzamura ubushobozi bwa mwarimu, by'umwihariko ibyerekeye ubumenyi no mu rurimi rw'Icyongereza.

Minisitiri w'Intebe Dr. Edouard Ngirente aherutse gutangaza ko abarimu bose bari mu burezi bazahabwa amahugurwa y'Icyongereza abazagitsinda bakaguma mu kazi mu gihe abazagitsindwa bazasezererwa.

Ati 'Iyo gahunda izamara imyaka itatu ariko bazajya bigishwa imyaka ibiri banigisha, wakwerekana ko udashoboye kwigisha mu Cyongereza ukaba werekanye ko udashoboye kuba umwarimu.'

Yahamije ko abarimu bazi neza Icyongereza bategerejwe mu bagiye kurangiza amasomo mu mashuri nderabarezi (TTC) bigishijwe muri porogaramu nshya bafashijwemo n'abanya-Zimbabwe.

Dr. Ngirente ati '[TTC] ntabwo zasohora abarimu bashobora guhita bigisha mu mashuri yose y'u Rwanda. Tuzagenda tubasimbuza igihe abariga muri TTC bazi Icyongereza bazasohoka ubu n'abazakurikiraho.'

Abarimu bigisha mu mashuri yisumbuye barimo benshi bujuje ibisabwa