Blog

Guverineri w’Intara y’Iburasirazuba, Emmanuel K. Gasana

Yabitangaje kuri uyu wa Kane tariki ya 05 Kanama 2021, mu nama nyunguranabitekerezo yamuhuje n’abayobozi mu nzego z’ibanze, iz’umutekano, abahagarariye abikorera, imiryango ishingiye ku myemerere n’urubyiruko rw’abakorerabushake mu mirenge ihana imbibi n’uturere twa Gicumbi na Nyagatare.

Ibyaha bikunze kurangwa mu bice bihana imbibi n’umupaka wa Uganda ni ubufutuzi cyangwa uburembetsi (kwinjiza ibiyobyabwenge mu gihugu), bitewe n’agace, ndetse na magendu ahanini y’ibicuruzwa.

Umuyobozi wa Polisi mu Ntara y’Iburasirazuba, CP Hatari Emmanuel, yavuze ko abantu bamaze gufatirwa muri ibi byaha 17% ari bo bakomoka mu Karere ka Nyagatare, bivuze ko hari n’abandi babikora baturuka mu tundi tugize Intara y’Iburasirazuba.

Umuyobozi w’urubyiruko rw’abakorerabushake mu Murenge wa Kabarore, Sebatware Clement, yavuze ko urubyiruko rufite uruhare mu kurwanya no gukumira ibyaha birimo icuruzwa ry’ibiyobyabwenge, batanga amakuru ku buyobozi.

Yagize ati “Twebwe urubyiruko dufite uruhare runini mu gukumira ibi byaha ahanini dutanga amakuru ku hantu ibiyobyabwenge bicuruzwa kuko ni twe tugenda cyane rimwe na rimwe tukamenya ababikora kandi natwe harimo abajya kubitunda.”

Guverineri w’Intara y’Iburasirazuba, Gasana K. Emmanuel, yasabye abayobozi mu nzego zitandukanye mu Karere ka Gatsibo kunoza inshingano zabo zirimo guhuza ibikorwa, kumenyekanisha ibyo bakora, gukurikirana, kugenzura, kwemera kubazwa inshingano no kwishakamo ibisubizo byose bishakira umuturage iterambere.

Agaruka ku barembetsi, abinjiza magendu n’ibindi byaha byambukiranya umupaka, yavuze ko kuva aho hatangirijwe ubukangurambaga bwo kubirwanya hamaze kumenyekana inzira 70 zifashishwa n’aba bakora ibyaha.

Yasabye abaturage n’abayobozi mu nzego zitandukanye gufatanya mu kurwanya abarembetsi n’abakora magendu kuko bafite indi migambi itari myiza ku gihugu.

Yagize ati “Aba bantu bafite indi migambi itari myiza ku gihugu cyacu, utitonze cyane wakwisanga ahabi. Iyi ni gahunda twese hamwe dukwiye gufatanya, abikorera bakabibwira bagenzi babo kugira ngo bakore ibyemewe n’amategeko, abanyamadini na bo begere abaturage babigishe bifashishije ijambo ry’Imana, abayobozi b’Inzego z’ibanze na bo batangire amakuru ku gihe”.

Imwe mu myanzuro yafatiwe muri iyi nama harimo ubufatanye bw’inzego, gukaza amarondo, guhana abafatiwe mu burembetsi, magendu n’ibindi byaha byambukiranya umupaka, gukora urutonde rw’abakekwa no gutegura amarushanwa mu mihigo.

Ayo masezerano ajyanye no kuvugurura inzego z’umutekano muri Repubulika ya Santarafurika zirimo Igisirikare na Polisi zikaba iz’umwuga, ubucukuzi bw’amabuye y’agaciro, guteza imbere ubwikorezi (transport) hakaba n’amasezerano y’ubufasha ndetse n’ay’ubufatanye mu bijyanye n’igenamigambi.

Perezida Faustin-Archange Touadéra avuga ko u Rwanda ruzafasha cyane Repubulika ya Santarafurika, nk’igihugu gikeneye kwiyubaka gifatiye urugero kuri gahunda z’u Rwanda zijyanye n’ubukungu, kwigira, ubwiyunge ndetse no kubana mu mahoro.

Yagize ati “Uruzinduko rwacu hano i Kigali ni amahirwe yo kubaka imibanire itajegajega, ndetse no kungurana ibitekero ku bijyanye n’inyungu duhuriyeho ziri ku rwego rw’ibihugu byombi no ku rwego mpuzamahanga”.

Yavuze ko Repubulika ya Santarafurika itarageramo umutekano kuva yagera ku buyobozi muri 2016, kuko bagifite imitwe y’abarwanyi igera kuri 14.

N’ubwo Leta ye yagiranye amasezerano y’amahoro n’iyo mitwe, ngo ntibyabujije ko mu mwaka ushize uwari Perezida François Bozizé ayikoresha mu gushaka kuburizamo amatora no guhungabanya inzego ziyobora igihugu.

Perezida wa Repubulika ya Santarafurika yashimiye u Rwanda cyane ku kuba rutanga Ingabo mu muryango w’Abibumbye zigamije kubungabunga amahoro muri icyo gihugu (zitwa MINUSCA), hamwe n’izindi zagiyeyo ku bw’amasezerano ibihugu byombi bifitanye.

Perezida Touadéra yashimye kandi ubufasha mu bijyanye no gutwara abantu n’ibintu butangwa na Kompanyi y’indege z’u Rwanda (Rwandair), akomeza ararikira Abanyarwanda kujya gushora imari mu gihugu cye.

Perezida wa Santarafurika avuga ko yaje gushimira “umuvandimwe” Perezida Kagame ku bufasha butandukanye Abanyarwanda bagenera igihugu cye mu bijyanye n’ubukungu ndetse no kubaka umutekano urambye.

Ku rundi ruhande, Perezida wa Repubulika y’u Rwanda, Paul Kagame yavuze ko amasezerano hagati y’ibihugu byombi agira umumaro wo gutabarana mu buryo bwihuse hadategerejwe ubufasha bw’Umuryango w’Abibumbye ngo buza butinze.

Perezida Kagame yashingiye ku bufasha bw’abasirikare batari muri gahunda ya MINUSCA u Rwanda rwahaye Leta ya Touadéra, agira ati “Ndabizi neza MINUSCA ntabwo yifuzaga ko imitwe y’abarwanyi ifata umujyi wa Bangui, ariko ntabwo yari gutabara vuba kubera uburyo bibanza kunyura mu nzego zo hejuru (za UN)”.

Perezida wa Repubulika ya Santarafurika uzamara iminsi ine mu Rwanda, biteganyijwe ko mu nzego n’uduce dutandukanye tw’u Rwanda azasura, harimo Ingoro y’Amateka y’urugamba rwo kubohora igihugu (ku Nteko), hamwe n’umudugudu w’icyigererezo mu Kinigi mu Karere ka Musanze.

Hirya no hino mu gihugu hashyizweho ahantu hatangirwa udukingirizo ku buntu

Byatumye ngo hari abareka gukoresha udukingirizo bitewe no kugira ipfunwe ryo kujya kudushaka ku manywa.

Abakora umwuga w’uburaya rwihishwa bavuga ko bahisemo kureka kujya gushaka udukingirizo mu gihe batabonye uwo batuma.

Uwo twise Nyirangirente, utuye i Nyamirambo avuga ko mbere bagikora mu masaha y’ijoro nta kibazo yagiraga, ariko ngo ubu ntiyajya kudushaka bitewe n’uko hari abavandimwe be benshi batuye mu gace kamwe atifuza ko bamenya gahunda ze.

Ati “Mbere kuko byabaga ari nijoro nagendaga ntawe nikanga ariko ubu sinshobora rwose. Ubwo se hagize uwo mu rugo umbona urumva ntaba mbiteje? Iyo mbonye umujama nshaka umuntu ntuma namubura mbona uwo mujama nta ribi rye duhita tubirangiriza aho, ariko uwo mbona ameze ukuntu mubwira ko ntari mu kazi”.

Mugenzi we twise Nyirarukundo Ati “Ntakubeshye maze no kwibagirwa uko gukoresha agakingirizo bimera kuko nsingaye ngakoresha gacye bishoboka nk’iyo mbonye nka kigingi nkamutuma ariko usanga tutamara iminsi kuko hari na bagenzi banjye bahita batunsaba tukagabana”.

Umuryango utari uwa Leta, Kigali Hope Organization, utangira ubuntu udukingirizo ahantu hatandukanye mu Mujyi wa Kigali ndetse no mu Ntara, watangarije Kigali Today ko imibare y’ababagana yagabanutse bitewe n’uko abenshi bakundaga kuza mu masaha ya nijoro.

Umuyobozi mukuru wa Kigali Hope Organization, Viateur Muragijerurema, avuga ko n’ubwo umubare w’ababagana wagabanutse ariko bahinduye umuvuno ku buryo ubagannye bamuha twinship, bitandukanye na mbere.

Ati “Twongereye umubare w’udukingirizo twatangaga kuri buri muntu kugira ngo niba hari n’umuntu babanaga ugakeneye abe yakamuha cyangwa tutamushirana mbere y’uko twafunze. Ubundi mbere twatangaga udukingirizo umunani kuri buri muntu, ariko ubu dutanga 30 kuri buri muntu kuko hari abantu bishobora kugora kuva mu rugo bitewe n’aho bari. Igihe rero abitse twinshi bishobora gufasha igihe atabonye uko ava mu rugo akaba yakwirinda”.

Kigali Hope Organization ifite udukiyosike 5 aho byibuza muri buri Karere ko mu Mujyi wa Kigali hari ahantu hatangirwa udukingirizo, hamwe n’udukiyosike 3 kamwe kari mu karere ka Huye akandi i Rusizi n’i Rubavu.

Imibare ya Kigali Hope Organization igaragaza ko mu kwezi kwa Kamena 2019 batanze udukingirizo 116,508, naho muri Kamena 2020 batanze 96,848, mu gihe muri Kamena 2021 hatanzwe 184,747 bitewe n’uko bongereye umubare w’utwo batangaga.