Blog

Senateri Mukabagwiza Edda wanabaye Ambasaderi w'u Rwanda mu bihugu bitandukanye yavuze ko intambwe y'ingenzi u Rwanda rwabanje gutera nyuma kwibohora ari ukwagura imikoranire n'amahanga maze rushinga za ambasade zarwo hirya no hino ku Isi n'iz'ahandi nazo zishingwa i Kigali.

Yagize ati 'U Rwanda rwarebye kure rusanga rutabana n'ibihugu bimwe gusa kuko urebye mbere ya Jenoside yakorewe Abatutsi, ambasade twari dufite zihagarariye ibihugu byazo mu Rwanda ntabwo zarengaga 10.'

'Ambasade twari dufite zihagarariye ibindi bihugu i Kigali na zo ntizarengaga 10. U Rwanda rwasanze ubwo buryo butateza imbere igihugu ngo bunagiheshe isura nziza dushaka.'

Yongeyeho ko indi ntambwe u Rwanda rwateye ari ukubaka amahoro no kuyasigasira ahandi ku Isi kugira ngo amateka mabi rwanyuzemo rutange umusanzu mu kuyakumira ahandi.

Impuguke muri politiki mpuzamahanga akanaba umwarimu muri Kaminuza y'u Rwanda, Dr. Ismael Buchanan we asanga igihugu kimaze kugira ijambo rikomeye ku ruhando mpuzamahanga abishingiye ku cyizere gifitiwe mu guhabwa inshingano zikomeye.

Ati 'Iyo tuvuze Visit Rwanda usanga hari amasezerano igihugu gifitanye n'amakipe akomeye ku Isi. Ubu u Rwanda rumaze kuba igihugu gikomeye gishobora kuyobora imiryango mpuzamahanga ikomeye nk'uw'Ibihugu bikoresha Igifaransa uyobowe na Mushikiwabo Louise. Ibyo ni ikintu gikomeye mu myaka 31 iki gihugu kivuye muri Jenoside yakorere Abatutsi.'

Amb. Nsengimana Joseph wahagarariye u Rwanda muri Loni, mu Muryango wa Afurika yunze Ubumwe no mu bindi bihugu, asanga intambwe ifatika igihugu kimaze gutera muri diplomasi yubakiye ku bwuhabane no kwanga mpatsibihugu.

Ati 'U Rwanda ntirwemera mpatsibihugu, rwemera kubana n'igihugu kirwubaha na rwo rukacyubaha ni cyo kintu cy'ibanze. Ikindi ni uko u Rwanda rudasaba ntirusabirize, ruba rushaka ko mwumvikana mukaba magirirane. Ibyo bikorwa gutyo mu byerekeye dipolomasi, imibanire, ubukungu no mu mutekano.'

Umutesi Liliane utuye i Kigali ariko ukunda gukorera ingendo hanze y'Igihugu yabwiye RBA ko isura u Rwanda rufite mu mahanga iteye ishema ahanini bishingiye ku miyoborere myiza rufite, nyamara mu myaka 31 ishize uwaruvugaga mu mahanga barahitaga bumva Jenoside.

Minisitiri w'Ububanyi n'Amahanga n'Ubutwererane, Nduhungirehe Olivier avuga ko u Rwanda ruzakomeza kwagura umubano n'amahanga mu buryo bunyuranye.

Ati 'U Rwanda ruragenda rwagura amarembo hirya no hino nk'uko biri mu ndirimbo yubahiriza igihugu cyacu mu guhamya umubano n'amahanga yose. Tugenda twagura amarembo n'ibihugu tutari dusanzwe dufitanye umubano.'

'Tuzakomeza kandi no gukuraho za visa haba iza pasiporo z'abanyacyubahiro, iza serivisi n'izisanzwe kuko hari ibihugu twagiye tugirana ayo masezerano.'

Minisiteri y'Ububanyi n'Amahanga n'Ubutwererane igaragaza ko kugeza ubu u Rwanda rufite ambasade 49 hirya no hino ku Isi ndetse ibihugu bifite ambasade zabyo mu Rwanda ni 45 zifite abazihagarariye baba i Kigali n'izindi 70 zifite abazihagariye bataba i Kigali.

Rufite kandi abahagarariye inyungu zarwo mu bihugu 17 ku Isi ndetse ruri mu miryango mpuzamahanga itandukanye.

Intambwe ya dipolomasi u Rwanda rumaze gutera mu myaka 31 iri mu byishimirwa

Izi nzu zubatswe mu turere turindwi tw'Intara y'Amajyaruguru n'Uburengerazuba, aho Akarere ka Nyabihu ariko kamaze kubakwamo nyinshi, kuko 794 zamaze kuzura ndetse zishyikirizwa ba nyirazo, mu gihe izigera kuri 327 imirimo yo kuzubaka igikomeje.

Akarere kamaze kubakwamo inzu nke ni aka Musanze, kuko hamaze kuzura 115 izindi 200 zisigaye imirimo yo kuzubaka iracyakomeje.

Akarere ka Rubavu kabarurwamo inzu 870 zikiri kubakwa zitaruzura, mu gihe izamaze kuzura ari 461.

Izi nzu zubatswe na Leta y'u Rwanda ku bufatanye na Banki y'Isi, zubakiwe imiryango 115 yo mu Karere ka Musanze yasenyewe n'ibiza, zuzuye yitwaye miliyoni 870 Frw.

Izi nzu zashyikirijwe ba nyirazo kuri uyu wa Gatatu, tariki 9 Nyakanga 2025, zubatswe mu Karere ka Musanze, Umurenge wa Musanze, Akagari ka Kabazungu.

Mu byishimo byinshi, bamwe mu baturage bahawe inzu mu kiganiro na IGIHE bavuze ko ibyo bakorewe bibereka ko Ubuyobozi bwiza bw'Igihugu bubakunda.

Nyiramwiza Jeanette yagize ati 'Nabaho nibwo nakandagira mu nzu nk'iyi irimo sima n'ibirahure, imvura yaragwaga nkikinga ku kirago tukumva ko ubuzima burangiye, none ubu ntabwo tugihungabanye na rimwe kuko twahawe inzu y'ibyumba bitatu, uruganiriro na koridoro.'

Komayombi Jean Bosco ati 'Mfite umunezero w'uko twabaga mu buzima bubi nyuma yo gusenyerwa n'ibiza, none twabuvanwemo kandi nta mpungenge y'uko imvura yakongera kudusenyera kuko twatujwe heza.'

Guverineri w'Intara y'Amajyaruguru, Mugabowagahunde Maurice yasabye abagize imiryango yatujwe muri izi nzu kuzibungabunga ndetse no kuyoboka urugamba rwo kwiteza imbere.

Minisitiri w'Ibikorwa by'Ubutabazi, Gen Maj (Rtd) Albert Murasira ubwo yashyikirizaga imiryango 115 yo mu Karere ka Musanze inzu yubakiwe, yayibukije ko ari igishoro cy'ubuzima ihawe, nabo bakwiye kuvana amaboko mu mifuka bagakora bakiteza imbere, bagateza imbere n'Igihugu kuko nacyo kibakunda.

Ati 'Umukuru w'Igihugu arabakunda kandi imvugo ye niyo ngiro, ubwo ibiza byabibasiraga muri 2023 yabasezeranyije kuzabatabara, inzu muhawe zibabere igishoro cy'ubuzima kuko ni inzu zizamara igihe, muryame neza kandi mutekereze ibibateza imbere n'ogihugu.'

Uturere twa Karongi, Rutsiro, Rubavu, Nyabihu, Ngororero, Burera na Musanze na Burera nitwo tumaze kubakwamo inzu 2665, mu gihe izikiri kubakwa ari inzu 2,978.

Minisitiri w'Ibikorwa by'Ubutabazi, Gen Maj (Rtd) Albert Murasira yasabye imiryango yahawe inzu gukura amaboko mu mufuka bagakora bakiteza imbere

Minisitiri w'Ibikorwa by'Ubutabazi, Gen Maj (Rtd) Albert Murasira yacinye akadiho ari kumwe n’abaturage bahawe inzu

Minisitiri w'Ibikorwa by'Ubutabazi, Gen Maj (Rtd) Albert Murasira ashyikiriza Nikuze Elizabeth inzu yubakiwe

Inzu zatanzwe zizamara igihe kinini kuko zubatswe mu buryo bwiza kandi bugezweho

Iyi kaminuza iri gutanga izi buruse binyuze mu bufatanye ifitanye n'Ikigo Shaba Ventures & Tours gikorera mu Rwanda.

Ni buruse ziri gutangwa mu masomo y'icyiciro cya kabiri cya kaminuza n'icya gatatu mu mashami y'ubuvuzi nka Optometry , Radiography, Imaging Technology, Dialysis Technology n'andi harimo Engineering n'ibijyanye n'ubwenge buhangano.

Amafaranga y'ishuri yose umunyeshuri wemerewe umwanya arayishyurirwa mu myaka yose. Umunyeshuri asabwa amafaranga make yo kumufasha mu mibereho ku ishuri yishyurwa mu byiciro bibiri kugira ngo biborohere.

Shaba Ventures & Tours ni yo ifasha abanyeshuri bashaka kwiga muri iyi kaminuza kwiyandikisha ndetse ikanabashakira ibyangombwa by'inzira.

Izo buruse zitangwa kabiri mu mwaka aho icyiciro kimwe kizagenda muri Kanama 2025 ikindi kikazagenda mu Ukuboza 2025 ndetse kwiyandikisha ubu byaratangiye.

Umuyobozi ushinzwe Ibikorwa muri Shaba Ventures & Tours, Abayisenga Julia, yabwiye IGIHE ko Royal Global University isanzwe ifitanye imikoranire n'icyo kigo yo kwishyurira abanyeshuri igice cy'amafaranga y'ishuri ariko ubu hakaba hatewe intambwe yo kubishyurira yose.

Yagize ati 'Iyi kaminuza twari dusanzwe dukorana aho yishyuriraga abayeshuri banyuze iwacu 75% by'amafaranga y'ishuri. Gusa mu bo yishyuriraga buruse 100% Abanyarwanda ntabwo babaga barimo. Twagiranye imikoranire na bo babongeramo. Ubu bashobora kwiga ariya masomo bishyuriwe byuzuye.'

Abayisenga yongeyeho ko Shaba Ventures & Tours iherekeza abayeshuri bamaze kwemererwa aho iturukana na bo i Kigali bakagerana ku ishuri ku buryo nta mpungenge ababyeyi bakwiye kugira ku ngendo zabo.

Ikindi cy'akarusho ni uko mu rwego rwo kwita ku banyeshuri biganjemo abanyamahanga, mu mafaranga make abafasha mu mibereho bishyura, iyo kaminuza ibahamo amacumbi,amafunguro n'ubuvuzi

Umunyeshuri ushaka gusaba kwiga muri Royal Global University muri ubu buryo bwo kwishyurirwa 100% by'amafaranga y'ishuri ajyana impamyabumenyi y'amashuri yisumbuye cyangwa iy'icyiciro cya kabiri cya kaminuza aho Shaba Ventures & Tours ikorera, noneho ubusabe bwe bukoherezwa muri iyi kaminuza.

Shaba Ventures & Tours ikorera mu Kiyovu kuri Hotel Sainte Famille ndetse ifite n'ishami i Musanze hafi ya La Paillote.

Ibyo nta kiguzi bisaba kuko umunyeshuri iyo amaze kwemererwa umwanya muri Royal Global University, ikigo Shaba Ventures & Tours kimufasha gushaka ibyangombwa by'inzira.

Iyo ibyangombwa by'inzira bidahise biboneka kandi umunyeshuri yaramaze kwishyura amafaranga ye, arayasubizwa akazongera kugerageza amahirwe mu kindi cyiciro.

Ushaka kubavugisha abo Shaba Ventures & Tours ashobora no kunyura kuri aha cyangwa ugahamagara 0794279420.

Royal Global University iherereye mu Karere ka Guwahati mu Ntara ya Assam iri mu Majyaruguru y’Uburasirazuba bw’u Buhinde

Akarere ka Kamonyi kitabye PAC ku wa 9 Nyakanga 2025, kisobanura ku makosa yagaragaye muri raporo y'Umugenzuzi Mukuru w'Imari ya Leta mu mwaka warangiye muri Kamena 2024.

Mu makosa agaragara muri iyi raporo harimo umuyoboro w'amazi wa Kivumu udakora nyamara hari abaturage benshi wagezagaho amazi ubu bakora ingendo ndende bajya gushaka amazi.

Umunyamabanga Nshingwabikorwa w'Akarere ka Kamonyi, Bushayija Fred, yavuze ko amazi y'isoko igaburira umuyoboro w'amazi wa Kivumu yakamye.

Ati 'Umuyoboro w'amazi wo muri Kivumu wubatswe mu 2009, abaturage barawukoresha ariko kubera isoko yari yafashwe yari ifite amazi make amazi aza gukama. Mu gihe rero basuzumaga basanze umuyoboro w'amazi udakora ariko tukaba dufite icyizere ko hari inyigo iri gukorwa izakura amazi muri Muhanga turimo gufatanya na WASAC Group uwo muyoboro wa Kagaga ukaba uzaza ugaca hariya mu Kivumu, twababwira ko biriya bigega n'amavomo ari byo bizasanwa, bizaherwaho mu by'ukuri igihe bazaba bari kubaka twabizeza ko uri mu nzira ukazaha amazi abaturage.'

Perezida wa PAC, Depite Muhakwa Valens, yavuze ko ikibazo cyo kuba amazi y'isoko yarakamye batakigaragarije umugenzuzi ubwo yasuraga uyu muyoboro.

Bushayija yakomeje kwemeza ko 'Nta mazi arimo muri iriya soko yo muri Kivumu ari na yo mpamvu twabonye ko ariya mazi agiye guturuka muri Muhanga ari menshi ari yo twakwifashisha kugira ngo aho kugira ngo twifashishe umuyoboro udafite amazi ahagije.'

Abadepite bagaragaje ko Akarere ka Kamonyi kahishe amakuru y'ukuri abagenzuzi, kuko katanze impamvu z'uko umuyoboro wangiritse ubu kakavuga ko ari isoko yakamye.

Bushayija ati 'Twari tutaremeza ko isoko yakamye.'

Depite Muhakwa yahise avuga ko ubugenzuzi bwakozwe muri Werurwe 2025 ntibagaragaza ko isoko yakamye, asaba raporo yanditse yemeza ko iyi soko yakamye.

Ati 'mwashyizeho abashakashatsi bavumbura ko ikibazo ari amazi y'isoko adahari, kuva mu 2020 umuyoboro warangiritse, ni na byo dufite muri raporo yanyu…muduhe n'iyo raporo igaragaza ko isoko yakamye.'

Bushayija yavuze ko nta bushakashatsi bwakoreshejwe ngo habe hari raporo yanditse.

Ati 'Ntayo dufite'. Depite Muhakwa yahise amubaza icyo bashingiraho bemeza ko isoko yakamye, asubiza ko bavuganye n'abacunga imiyoboro y'amazi bemeza ko nta mazi igifite.

Depite Muhakwa ati 'Kuva mu 2020 iyi miyoboro ntikora…iyi myaka itanu murumva nta kibazo kirimo?'

Bushayija yemera ko harimo ikibazo ati 'natwe biratubabaje ni yo mpamvu twashakishije uburyo bwo kugira ngo turebe ko twabona isoko ifatika ifite amazi menshi ariko na yo mpamvu iyi ya Kagaga ari yo twafashe kugira ngo ikibazo gikemuke.'

Mu Ntara y'Amajyepfo ingo zikoresha amazi meza zingana na 90%.

Perezida wa PAC, Depite Muhakwa Valens yahamije ko umuyoboro w’amazi umaze imyaka itanu udakora ari uburangare bw’ubuyobozi bw’Akarere

Inguzanyo za VUP ihabwa abaturage batishoboye hagamijwe kubafasha kwikura mu bukene.

Raporo y'Umugenzuzi Mukuru w'Imari ya Leta yagaragaje ko hari arenga miliyoni 270 Frw ataragarujwe mu nguzanyo za VUP mu karere ka Kamonyi.

Ubuyobozi bw'Akarere ka Kirehe ubwo bwisobanuraga ku makosa yagaragaye muri raporo y'umugenzuzi Mukuru w'Imari ya Leta y'umwaka warangiye muri Kamena 2024, ku wa 9 Nyakanga 2025, bwabwiye Komisiyo Ishinzwe gukurikirana imikoreshereze y'Umutungo wa Leta, PAC, ko nyuma y'ubugenzuzi, bagaruje izindi miliyoni 195 Frw.

Akarere ka Kamonyi katanze inguzanyo ya miliyari 1 Frw ku bantu batishoboye ariko igenzura ryagaragaje ko bari bamaze kugaruza miliyoni 726 Frw.

Umunyamabanga Nshingwabikorwa w'Akarere ka Kamonyi, Bushayija Fred, yavuze ko ibibazo byatumye hari amafaranga atagaruzwa harimo abantu bapfuye n'abahombye.

Ati 'Hari ibibazo bigera muri bitatu byari bihari byatumaga atishyurwa. Hari abaturage bitabye Imana muri icyo gihe bahawe inguzanyo aho kugira ngo bishyure bitabye Imana, abagera kuri 31.'

Kugeza ubu amafaranga bagomba kugaruza ni miliyoni hafi 31 Frw yagurijwe abaturage muri gahunda ya VUP.

Inama Njyanama y'Akarere ka Kamonyi yakuyeho umwenda w'abapfuye ukabakaba miliyoni 2 Frw.

Ati 'Hari imishinga wavuga ko yahombye yari ifite amafaranga agera kuri miliyoni 23 Frw tukaba tugikomeje kureba ko ba nyirayo bashobora kubona ubundi bushobozi bakishyura ariko dufite n'abaturage bimutse tugishakisha aho bagiye kugira ngo dushobore kubishyuza na bo bari barimo miliyoni 5 Frw.'

Depite Mussolini Eugene yagaragaje umwenda w'abantu batangiye ubucuruzi bagahomba ungana na miliyoni 23 Frw ari wo munini cyane ugereranyije n'asigaye kugaruzwa.

Ati 'Ese ntabwo aba bantu bashobora kuba bishyura mu buryo bwo kuvuga ngo bafite inshingano zo kwishyura barangiza bagasubira muri bwa bukene ugasanga umusaruro w'iyi gahunda utagezweho nk'uko wari uteganyijwe? Kuko iyo urebye batweretse miliyoni 23 Frw afite ijanisha riri hejuru ugereranyije n'amafaranga yasigaye.'

Mussolini ahamya ko hari abashobora kwishyura bagasubira mu bukene ariko hakaba n'abashobora kunanirwa kwishyura burundu.

VUP yatangiye mu 2008 igamije guteza imbere abaturage bafite amikoro make by'umwihariko kurinda abaturage bakennye badashobora gukora kugira ngo babashe kubaho.

Kugeza muri Werurwe 2025, Minisiteri y'Ubutegetsi bw'Igihugu yatangaje ko abaturage bari bamaze guhabwa miliyari 41,5 Frw muri gahunda ya VUP binyuze mu gutanga inguzanyo ku batishoboye bafite imishinga n'ibikorwa bigamije iterambere.

PAC yasabye Akarere ka Kamonyi kujya gakemura ibibazo mbere y’uko hakorwa ubugenzuzi

Byagarutsweho ku wa 9 Nyakanga 2025, ubwo Akarere ka Kirehe kisobanuraga ku makosa yagaragaye muri Raporo y'Umugenzuzi Mukuru w'Imari ya Leta, y'umwaka warangiye muri Kamena 2024.

Iyi raporo igaragaza ko Akarere ka Kirehe gafite amakosa mu bijyanye no gutanga amasoko ya Leta, harimo isoko ryo gukanika ibinyabiziga ryatanzweho amafaranga menshi ugereranyije n'ayari ateganyijwe.

Umunyamabanga Nshingwabikorwa w'Akarere ka Kirehe, Kamana Diane, yasobanuye ko isoko ryagaragayemo ibiciro birenze ibyari biteganyijwe byakozwe n'ibigo bishamikiye ku Karere.

Ati 'Isoko ryatanzwe ku giciro kirenze icyagenwe, ni mu bigo bishamikiye ku karere ku Kigo Nderabuzima cya Kigarama bari batanze isoko ryo gukanika ibinyaziga by'imbangukiragutabara na moto, ku kigo nderabuzima, amafaranga yari ateganyijwe yari miliyoni 7,6 Frw isoko riza gutangwa kuri miliyoni 25 Frw. Twagiye kubireba dusanga harimo ikibazo cy'ubumenyi buke bwa bariya dufatanyije mu karere, ni ikibazo cy'uburyo abantu bakoze inyandiko ariko mu by'ukuri ntabwo isoko ryatanzwe ku gaciro karenze akateganyijwe.'

Kamana yavuze ko isoko ryakozwe ku gaciro kari munsi y'amafaranga yari yateganyijwe.

Perezida wa PAC, Depite Muhakwa Valens, yahise abaza ati 'amasezerano yasinywe hagati y'icyo kigo nderabuzima n'iri garaje ni miliyoni zingahe?'

Kamana yasubije ko amasezerano yasinywe arenga miliyoni 25 Frw ariko ngo isoko ryatanzwe rifite agaciro ka miliyoni 9 Frw.

Depite Muhakwa yongeye gushimangira ko iri soko ryasinywe rifite agaciro ka miliyoni 25,5 Frw.

Kamana na we yemeye ko amafaranga ari mu masezerano ari miliyoni 25,5 Frw ariko 'ibyakoreshejwe ntabwo byageze no kuri ariya nari mvuze, bakoresheje miliyoni 5 Frw.'

Ati 'Twagiye kureba turabisesengura dusanga dushingiye ko byaba birimo ikinyuranyo twasanze ayakoreshejwe ari miliyoni 5 Frw amasezerano ari miliyoni 25,5 Frw.'

Visi Perezida wa PAC, Murumunawabo Cecille yavuze ko ibisobanuro by'Akarere birimo ibibazo byinshi ndetse byumvikana ko bakina mu mafaranga ya Leta.

Ati 'Amafaranga yari ateganyijwe yari miliyoni 7,6 Frw, bagiye gusinya basinya amasezerano ya miliyoni 25,5 Frw, ibyo bindi badusobanuriye byahindutse mu mikorere na byo ni ikibazo ariko wakwibaza, waba ufite miliyoni 7 Frw ugasinyira umuntu 25 Frw hanyuma bikazaba miliyoni 5 Frw, iyi mikorere n'imikoreshereze y'amafaranga iteye ite? Umutungo wa Leta urakinwamo ute muri iyi mibare?'

PAC yasabye akarere gukurikiza amategeko agenga amasoko n'andi yose agenga ibikorwa bakora bagamije kurushaho kunoza imikoreshereze y'umutungo w'igihugu.

Abadepite bagize PAC basabye Akarere ka Kirehe kubahiriza inama z’umunyamategeko wabo

Ni ibikorwa byatangiye mu minsi ishize ubwo hafatwaga abagera kuri 12, mu gihe mu ijoro ryacyeye hafashwe abandi batanu. Bose bafatiwe mu Mudugudu wa Akabenda mu Kagari ka Cyarukamba mu Murenge wa Munyiginya, iyi santere ikaba inakora ku Murenge wa Mwulire.

Muri iki gice cyegereye inganda hakunda kuboneka urugomo rwinshi ruturuka ku businzi rukunze gukorwa n'urubyiruko.

Umuvugizi wa Polisi y'u Rwanda mu Ntara y'Iburasirazuba, SP Twizeyimana Hamdun, yabwiye IGIHE ko uru rubyiruko rwafatiwe mu isantire y'Akabenda ihana imbibi n'imirenge ibiri, aho hari urujya n'uruza ku buryo ari agace kabonekamo ibyaha byinshi.

Yagize ati 'Ni isantire ihana imbibi n'imirenge ibiri ku buryo hari urujya n'uruza, ubona ko ari mu gace kahariwe inganda ku buryo hagaragara imirimo myinshi. Bituma rero hahora urujya n'uruza rimwe na rimwe hakaba hanagaragara urugomo.''

Yakomeje agira ati 'Mu minsi ishize hakozwe ibikorwa bihuriwe n'inzego z'ibanze na Polisi, hafatirwa urubyiruko rugera kuri 12 bakoraga ibikorwa by'urugomo, ubusinzi, kwicuruza, bose bagejejwe mu kigo ngororamuco ubu bari kugororwa.''

SP Twizeyimana yavuze ko mu byo bafatiwe harimo gukubita no gukomeretsa, kunywa ibiyobyabwenge ndetse no kubicuruza, aho hanamenwe inzoga z'inkorano za kanyanga litiro zirenga 3000, hanafatirwa urumogi.

SP Twizeyimana yakomeje agira ati ''Ubutuma dutanga ni uko abaturage bakwiriye kugira uruhare mu kwicungira umutekano, birinda ibikorwa byose binyuranyije n'amategeko ndetse bajya inama ku baturage bagenzi babo kwirinda kwinjandika mu bikorwa binyuranyije n'amategeko, bagatanga amakuru ku babirenzeho ku buryo tubasha gukumira icyaha kitaraba no gukumira ubundi bugizi bwa nabi.''

Muri iyi santere haherutse gupfira umusore w'imyaka 20 wari waturutse mu Karere ka Gatsibo aje kureba umuvandimwe we, bigakekwa ko yishwe n'abantu babanje kumwambura amafaranga yari yagurishije isambu.

Urubyiruko rugera kuri 17 rwatawe muri yombi kubera urugomo n'ubusinzi

Abagenda mu Mujyi wa Gisenyi, mu Karere ka Rubavu bazabona inyubako y'umuturirwa wa mbere muremure ukora ku mihanda ibiri ya kaburimbo imbere y'isoko rya Gisenyi rishaje, yashibutse ku bucuruzi bw'umugati ikuzura itwaye arenga Miliyari 2 Frw.

Umugati wo kwa Habib watangiye gukorwa mbere gato yo mu 1975, bivuze ko umaze imyaka irenga 50 ukorwa ndetse utaranahindurirwa umwihariko wawo nk'uko Uwineza Johnson, Umuyobozi wa Habib Center Building yabitangarije IGIHE.

Ati 'Habib Center, ni inzu yubatse ku buso bwa metero kare 1,100 yashibutse ku mugati watangiye gukorwa mbere gato ya 1975, n'uyu munsi ukaba utarahindurirwa umwihariko wawo, kandi uzagumaho.'

Uwineza avuga ko iyi nyubako imaze amezi ane itangiye gukorerwamo, ndetse yose ikorerwamo ku kigero cy'i 100%.

Akomeza avuga ko iyi nyubako igeretse gatanu, hatabariwemo igice cyayo cyo hasi (Ground Floor) kigiye kwimukiramo iguriro rya Habib Supermarket, mu gihe hagitegerejwe ko aho yari isanzwe ikorera naho hubakwa indi nyubako kuko hatakijyanye n'igihe.

Uwineza ahamya ko iyi nyubako ifite agashya yihariye yonyine 'Nitwe twenyine dufite inyubako ifitemo Parking mu nyubako yo hejuru.'

Ntibisanzwe ko inyubako z'imiturirwa uzasanga ibice byazo byo hejuru bikodeshwa amafaranga menshi, ariko kuri iyi nyubako igice cyayo cyo hejuru gikodeshwa amafaranga angana n'icyo hasi, kuko hari Restaurant ifite umwihariko wo kuba uhari wese aba yitegeye Umujyi wa Goma n'inkengero zawo, utibagiwe n'ikiyaga cya Kivu.

Iyi nyubako kandi ibice byayo binini byafashwe n'ibigo binini birimo banki, Restaurant na Gym, ikorerwamo n'abanyamahanga bakomoka mu bihugu bitandukanye nka Amerika, u Buhinde n'Abanyarwanda baje gushora imari mu Karere ka Rubavu.

Uwineza avuga ko mu ntego za Habib wubatse iyi nyubako yifuzaga kugira uruhare mu gutuma Gisenyi isa neza.

Ati 'Si ugutuma Umujyi wa Gisenyi usa neza gusa, kuko Habib yanifuzaga ko umugati wacururizwa mu nyubako isa neza, ari nayo mpamvu igice cy'inyubako cyo hasi kigiye kwimukiramo iguriro.'

Iyi nyubako ifite uburyo bwinshi bwashyizweho bukoreshwa mu kurengera ibidukikije, nk'aho hakoreshwamo ingufu zikomoka ku mirasire y'izuba ngo zunganire amashanyarazi.

Mu kubaka iyi nyubako abafite ubumuga ntibibagiranye kuko abayicunga bahuguwe ku kwita ku bafite ubumuga kugira ngo bajye babafasha kugera ahatangirwa serivisi bakeneye.

Uwineza yavuze ko mwikorezi (Ascenseur) yabaye inkuru muri Gisenyi.

Ati 'Kuva twatangira gukorera muri iyi nyubako Ascenseur yabaye inkuru, kubera abantu benshi baza batazi kuyikoresha, bamwe bakayoba abandi bakaza kuyifotorezamo.'

Inyubako ya mbere ndende mu Karere ka Rubavu yubatse ku buso bwa metero kare 1,100

Boulangerie ya Habib icururizwamo umugati kuva mu myaka 50 ishize

Mu bice binini by’iyi nyubako hari icyashyizwemo Gym

Parking y’inyubako iri mu nzu zo hejuru

Umunyamerika washoye imari mu Rwanda, ni umwe mu bakorera muri iyi nyubako

Ni icyemezo Gen. Muhoozi usanzwe ari n'umuhungu wa Perezida Museveni yatangaje kuri uyu wa Gatatu tariki 9 Nyakanga 2025.

Yavuze ko 'Muzehe yemeye kwirukana Ambasaderi w'u Budage muri Uganda. Uganda ikwiriye ibyiza.'

Ubu butumwa bwa Gen. Muhoozi bwagiye hanze bukurikira ubundi yanditse, avuga ko 'imyigaragambyo yonyine yashyigikira ari iyo kwamagana Ambasaderi w'u Budage[…] narekuye amagambo menshi y'ibitutsi kuri Ambasaderi w'u Budage mu byumweru bike bishize. Nta na kimwe nsabira imbabazi, ntabwo nanyuzwe n'indeshyo n'izuru bye.'

Ambasaderi w'u Budage muri Uganda, Matthias Schauer, amaze igihe atarebana neza n'abayobozi b'iki gihugu kuko ashinjwa gushyigikira imitwe y'abantu barwanya ubutegetsi bwa Perezida Yoweri Museveni.

Umuvugizi w'igisirikare cya Uganda, Colonel Chris Magezi, ku wa 23 Gicurasi 2025 yatangaje ko mu gihe Uganda yitegura amatora y'Umukuru w'Igihugu azaba mu 2026, hari kuvuka imitwe yitwaje intwaro igamije guhungabanya umutekano w'ahahurira abantu benshi no kwangiza ibikorwaremezo.

Col Magezi yasobanuye ko bamwe mu bafatiwe muri ibi bikorwa harimo abo mu ishyaka NUP riyoborwa n'umunyapolitiki Robert Kyagulanyi uzwi nka Bobi Wine. Ati 'Bamwe baregewe inkiko, bafungirwa muri kasho mu gihe bategereje kuburanishwa.'

Uyu musirikare yasobanuye ko ubwo yakurikiranaga abatera inkunga iyi mitwe irwanya ubutegetsi bw'ishyaka NRM, byagaragaye ko harimo zimwe muri ambasade z'ibihugu bigize Umuryango w'Ubumwe bw'u Burayi (EU) ziri i Kampala, atunga urutoki Ambasaderi Schauer.

Ku Cyumweru tariki 25 Gicurasi 2025, iyi myitwarire ya Ambasaderi Schauer yatumye Igisirikare cya Uganda (UPDF) gitangaza ko cyahagaritse imikoranire yose cyari gifitanye n'u Budage.

Perezida Museveni ashobora kwirukana Ambasaderi w'u Budage, Mathias Schauer

Ni nyuma y'aho Niyikiza Josephine uvuka mu Murenge wa Murundi mu Karere ka Karongi yasuye uyu murenge ari kumwe n'inshuti ze zo mu Busuwisi bakishyurira ubwisungane mu kwivuza abatishoboye barenga 2500.

Nishimwe Elina uri mu bishyuriwe afite umuryango w'abantu batanu yishyuriraga ibihumbi 15Frw ku mwaka.

Ati “Ayo nari kwishyura uyu mwaka ngiye kuyaguramo ingurube. Ndateganya ko umwaka utaha izaba yarabyaye nkabona ayo nongeranya nkishyurira umwana ishuri, ndetse byagenda neza nkaniyishyurira ubwisungane mu kwivuza”.

Nishyirembere Pierre ufite umuryango w'abantu 10, wishyuriwe ibihumbi 30 yabwiye IGIHE ko mu bana afite harimo abiga mu mashuri yisumbuye.

Ati “Ndwaye ikirenge bakeka ko kirimo kanseri hari ibyo abaganga bantegetse, kuba bishyuriye ubwisungane umuryango wanjye biramfasha kwivuza”.

Niyikiza Josephine uyobora umuryango Love4all uharanira imibereho myiza y'abaturage n'iterambere avuga ko we n'inshuti ze bakimenya ko mu Rwanda hari gahunda y'ubwisungane mu kwivuza bayishimye baniyemeza kuyishyigikira.

Ati 'Twatanze 7.560.000 Frw yo kwishyurira abaturage 2520. Uwo twishyuriye tumusaba gukora cyane kugira ngo ubutaha azabashe kwiyishyurira”.

Ku wa 1 Nyakanga buri mwaka ni bwo hatangira umwaka mushya wo kwishyura ubwisungane mu kwivuza kuko uwo mwaka utangirira rimwe n'uw'ingengo y'imari.

Umuyobozi w'Akarere ka Karongi Wungirije ushinzwe imibereho myiza y'abaturage, Umuhoza Pascasie yashimye iki gikorwa avuga ko ari ingenzi mu guteza imbere imibereho myiza y'abaturage kuko ufite ubwisungane mu kwivuza atarembera mu rugo.

Ati “Iki gikorwa cyakozwe n'umuryango Love4all ni ingenzi cyane mu gukemura bimwe mu bibazo abaturage bacu baba bafite. Twacyishimiye, cyane cyakozwe n'umuntu uvuka i Murundi agikorera abaturage azi neza amikoro yabo”.

Umwaka w'ubwisungane mu kwivuza wa 2024/2025 warangiye mu Karere abishyuye ubu bwisungane ari 96.5%.

Niyikiza Josephine uvuka i Murundi ariko akaba atuye mu Busuwisi yishyuriye Mituweli abaturage barenga 2500 b’i Karongi

Mu Karere ka Karongi abagera kuri 60% bamaze kwishyura ubwisungane mu kwivuza bw’umwaka mushya

Itsinda ry’abavuye mu Busuwisi rishyikirana n’abaturage bo mu Karere ka Karongi