Blog

Byabaye ku wa 03 Kamena 2025 mu masaha ya saa sita z'amanywa mu Mudugudu wa Mukoni, Akagari ka Kavumu, mu Murenge wa Busasamana mu karere ka Nyanza.

Amakuru yamenyekanye avuga ko uwo musore yacunze uwo mugore arwaye kandi ari wenyine mu rugo maze yinjira mu nzu amufata ku ngufu.

Ngo uyu mugore yahise atabaza, maze abaje kumutabara bafata uwo musore, n'uwo mugore bamugira inama yo kujya gutanga ikirengo ku Rwego rw'Igihugu rw'Ubugenzacyaha (RIB).

Umunyamabanga Nshingwabikorwa w'Umurenge wa Busasamana, Bizimana Egide, yabwiye IGIHE ko RIB yatangiye iperereza kuri uwo musore, aho ubu 'afungiye kuri Sitasiyo ya RIB ya Busasamana.'

Uyu muyobozi yaboneho umwanya wo gusaba abaturage kuzibukira ibyaha byose kuko biganisha ahabi.

Byatangajwe na raporo y'urwo rwego rw'iperereza yagiye hanze ku wa 6 Kamena 2025 nyuma y'iminsi irenga 200 ibyo bibaye.

Kabera wari utuye muri Canada n'umuryango we yarashwe n'abapolisi ku wa 9 Ugushyingo 2024, arasirwa aho yari atuye.

Icyo gihe Polisi yatangaje ko yatabajwe n'umuntu utaravuzwe imyirondoro.

Ubwo polisi yahageraga, yahise ibona Kabera Erixon ihita imurasa urufaya rw'amasasu. Habanje gutangazwa ko habaye kurasana nyuma ivuga ko Kabera atigeze arasa ariko ko yari afite imbunda.

Muri iri perereza rimaze iminsi 200 ritegerejwe n'umuryango wa nyakwigendera, ryagaragaje ko Kabera yari afite igisa n'imbunda mu biganza ngo byatumye abapolisi bakeka ko ari imbunda ya nyayo.

Iti 'Icyo kintu yari afite si imbunda nyayo, ariko cyari gifite ishusho isa neza n'imbunda ya pistol”.

Nubwo hatatangajwe uwatabaje polisi, iperereza ryagaragaje ko ngo yahamagaye avuga ko hari umuntu uri ku mukomangira cyane, afite imbunda kandi ashaka kumwinjirana.

Umuyobozi wa SIU, Joseph Martino, yavuze ko mu isesengura, nta mpamvu igaragaza ko ibyo abapolisi bakoze babikurikiranwaho nk'icyaha.

Ati 'Dushingiye ku isesengura ku bimenyetso, nta mpamvu yumvikana yatuma umuntu yemeza ko hari n'umwe muri bariya bayobozi wagize uruhare mu cyaha kijyanye n'urupfu.”

Iyo raporo ikomeza ivuga ko ubwo Kabera yegeraga abo bapolisi, yabatunze cya kintu gisa n'imbunda, batangira kumurasa amasasu menshi basubira inyuma.

Nyuma yo kubona ko adafite ubwoba bw'amasasu ngo umupolisi umwe yamukubitishije umuriro w'amashanyarazi (Laser), undi amurasa amasasu arindwi cyangwa umunani ahita agwa hasi yubamye.

Umuryango wa Erixon Kabera wagaragaje ko utanyuzwe n'ibyavuye mu iperereza, wongera gushimangira ko nyakwigendera yari umuntu mwiza ukundwa na bose.

Itangazo ryakomeje rigaragaza ko hari kurebwa uburyo ushobora kwifashisha inzira z'amategeko kugira ngo bashake ubutabera.

Umuryango we wakunze kugaragaza ko yishwe nk'imbwa, ugusaba ko yahabwa ubutabera bukwiye.

Ku rundi ruhande ariko Polisi ya Hamilton yavuze ko izirikana ingaruka urupfu rwa Kabera rwagize ku muryango we, n'umuryango mugari muri rusange, ishimangira ko yiteguye kuwegera no gukorana n'abayobozi b'Umuryango w'Abanyarwanda baba muri Canada mu gushakira hamwe igisubizo.

Mu bapolisi babiri bagize uruhare muri iryo raswa, byasobanuye ko umwe ari we wemeye kubazwa n'inzego z'iperereza mu gihe undi yabiteye utwatsi gusa agatanga ubuhamya bwanditse.

Nyuma y'urupfu rwe, Abanyarwanda batandukanye batuye muri Canada basabye ubuyobozi bw'icyo gihugu gutanga ubutabera.

Izindi nkuru wasoma: https://igihe.com/amakuru/article/umugore-wa-erixon-kabera-warasiwe-muri-canada-yavuze-ko-yishwe-kinyamaswa

https://www.igihe.com/amakuru/article/abanyarwanda-baba-muri-canada-basabye-iperereza-ritabogamye-ku-rupfu-rwa-kabera

Erixon Kabera yishwe arashwe amasasu 24

Iperereza ryari rimaze iminsi igera kuri 200

Nyuma y’iraswa rye hahise hatangira iperereza ariko ibyavuyemo ntabwo byishimiwe n’umuryango wa Erixon Kabera

Abayisilamu barenga 600 baturutse muri Repubulika Iharanira Demukarasi ya Congo, mu Mujyi wa Goma, bifatanyije na bagenzi babo bo mu Rwanda mu kwizihiza Umunsi Mukuru w'Igitambo uzwi nka Eid Al-Adha, mu gikorwa cyabereye kuri Stade Umuganda mu Karere ka Rubavu.

Imam w'Umuryango w'Abayisilamu mu Ntara y'Iburengerazuba, Sheikh Iyakaremye Ahmad, yasabye Abayisilamu kunga ubumwe.

yavuze ko uyu munsi mukuru ubibutsa umunsi w'igitambo kandi ko banejejwe no kwizihizanya n'abaturanyi baturutse mu mujyi wa Goma. Ati “Turabibutsa kunga ubumwe no gusenyera umugozi umwe, gufashanya no kubungabunga umutekano w'igihugu ndetse no kwitabira gahunda za Leta.'

Yongeyeho ko kwakira Abayisilamu baturutse i Goma ari ikimenyetso cyo gufatanya.

Ati “Kwakira abarenga 600 baturutse i Goma, bisobanuye ko abaturage bunze ubumwe kandi bizeye umutekano w'u Rwanda, dore ko no mu Mujyi wa Kamembe habarurwa abagera kuri 200 bavuye muri Repubulika iharanira Demukarasi ya Congo.”

Abayisilamu barimo n’abaturutse muri RDC bakoreye isengesho ryabo mu Karere ka Rubavu

Imam w'Umuryango w'Abayisilamu mu Ntara y'Iburengerazuba, Sheikh Iyakaremye Ahmad, yasabye Abayisilamu kunga ubumwe

Ibi ubutumwa buje mu gihe ku mbuga nkoranyambaga hamaze iminsi hakwirakwizwa amashusho n'amafoto y'abantu bakomeretse, abaguye mu mpanuka ndetse n'abiyahuye.

Umuvugizi wa RIB, Dr. Murangira B. Thierry, n'uwa Polisi y'u Rwanda, ACP Boniface Rutikanga, bagarutse ku byo abantu bakwiriye kwirinda mu gihe batangaza inkuru z'abantu biyahuye, abaguye mu mpanuka n'abakomeretse.

Dr. Murangira yavuze ko ari ngombwa ko abantu birinda gusakaza impamvu yateye kwiyahura, ati “Abantu barasabwa kureka kwihutira gutanga impamvu y'urupfu, ahubwo bajye bategereza ibyavuye mu iperereza mu rwego rwo kwirinda ko byabangamira iperereza mu buryo bumwe cyangwa ubundi.”

Uyu Muvugizi kandi yongeyeho ko atari byiza gukwirakwiza amafoto y'abantu bapfuye, ati “Si byiza kwihutira gufata no gusakaza amafoto y'abantu bapfuye cyangwa bakomeretse, kuko bitesha agaciro umuntu n'umuryango we kandi bishobora no gutera ihungabana.”

Ku rundi ruhande, Umuvugizi wa Polisi y'u Rwanda, ACP Boniface Rutikanga, abinyujije ku rubuga rwa X, yatangaje ko nubwo gutangaza amakuru ari uburenganzira bw'abantu, ariko bikwiriye gukorwa mu buryo bwiza.

Ati “Tuributsa ko gufata cyangwa gukwirakwiza amafoto n'amashusho y'abantu bakomeretse cyangwa umurambo, by'umwihariko ahabereye impanuka, icyaha, kwiyahura, cyangwa umuntu uri mu kaga, ari imyitwarire itemewe na gato.”

Yakomeje avuga ko “Ibi bikorwa byambura agaciro uwahuye n'ikibazo, bikongera intimba ku miryango yabuze ababo, bivogera ubuzima bwite bw'umuntu ndetse bishobora no gukoma mu nkokora iperereza.”

Yibukije abantu kureka iyi myitwarire, ati “Abantu baributswa guhagarika iyi myitwarire mibi, kuko itesha agaciro umuntu wagize ikibazo n'abagize umuryango we.

Abashinyagurira abiyahuye n’abaguye mu mpanuka baburiwe

Byatangajwe mu nama nyunguranabitekerezo izwi nka 'Rwanda Internet Governance Forum (IGF)' yateguwe n'Ikigo gihagarariye abakoresha murandasi no guteza imbere ibijyanye n'imiyoborere n'imikoreshereze y'indangarubuga ya [.RW], RICTA.

Perezida wa IGF, Robert Ford Nkusi, yavuze ko ashima aho iterambere mu ikoranabuhanga rigeze, ariko hari byinshi bikwiriye gukorwa mu kurushaho guteza imbere ikoranabuhanga no kurisaruramo umusaruro ushimishije.

Ati 'Abanyafurika benshi duha agaciro ibintu bifatika gusa nyamara iby'ingenzi nk'ubumenyi, ibitekerezo, itumanaho bitagaragarira amaso ntibyitabweho. Ibyo biratudindiza kuko nta makuru dufite, duhugiye mu biri aho gusa turasinziriye mu gihe abandi bakataje mu ikoranabuhanga.'

Yongeyeho ubu amakuru asigaye akwirakwira mu buryo bugoye kugenzura, ari nayo mpamvu ibihuha byabaye byinshi ndetse n'ingaruka zibikomokaho zikiyongera.

Yagaragaje ko abakoresha imbuga nkoranyambaga bakwiye kugira amakenga ku makuru yabo bashyira kuri internet kuko bishobora kubagiraho ingaruka.

Ati 'Mumenye ibyo mushyira kuri internet ejo bizabagiraho ingaruka. Abasambana, abicana, abashyira hanze imyanya y'ibanga yabo, byose barabishyira kuri internet. Abantu bakwiye kubika ayo mabanga kuruta uko mubika umutungo wanyu mu mabanki.'

Umukozi mu kigo gishinzwe kurinda umutekano w'ibikorerwa ku ikoranabuhanga, akaba n'umunyeshuri muri AUCA, Mugisha Prince, yasabye urubyiruko kugira inshingano n'uruhare mu gucunga umutekano w'amakuru aberekeyeho.

Ati “Nshingiye no ku makuru amaze iminsi acicikana ku rubyiruko rwisanga hamwe na hamwe rwageze muri byo byago kubera ko rwakoresheje nabi iryo koranabuhanga, hari nk'abo RIB igenda igarura bari baragiye gushaka akazi bakisanga mu icuruzwa ry'abantu. Nabwira urubyiruko ko buri wese afite inshingano yo kugira uruhare mu gucunga umutekano we bwite.”

Abakoresha imbuga nkoranyambaga basabwe kurangwa n’indangagaciro nzima

Abakoresha imbuga nkoranyambaga basabwe kurinda amabanga yabo kurusha uko bacunga amafaranga

Hagaragajwe ko buri wese agomba kugira uruhare mu gucunga umutekano w’amakuru bwite kuri internet

Ibi babigarutseho kuri uyu wa 6 Kamena 2025, mu gikorwa cyo kwibuka ku nshuro ya 31 Jenoside yakorewe Abatutsi cyabereye muri uru rugo ruherereye mu Murenge wa Kamembe, mu Karere ka Rusizi.

Ni igikorwa cyabanjirijwe n'ijoro ryo kwibuka aho izi ntwaza uko ari 43 zagize umwanya urambuye wo kwibuka abo mu miryango yazo bishwe muri Jenoside yakorewe Abatutsi barenga 300.

Bavugamenshi Verediyana warokokeye mu Karere ka Rubavu, mu buhamya bwe yavuze ko yari afite abana batanu n'umugabo bose bakicwa muri Jenoside, agasigara wenyine mu matongo.

Ati 'Turashimira ubuyobozi bw'igihugu cyacu burangajwe imbere na Perezida Kagame na Jeannette Kagame bashyizeho Ingo z'Impinganzima. Badufashe neza, turarya, turambara, baradusasira, ukeneye amata barayamuha kandi ku gihe.'

Bavugamenshi yashimye gahunda yo kwibuka, avuga ko bimurinda kugira ibitekerezo byinshi mu mutwe ahubwo bigatuma akomera, akumva ko afashwe neza.

Umuyobozi Nshingabikorwa ushinzwe Ubumwe bw'Abanyarwanda n'Ubudaheranwa, yashimye ubutwari bukomeje kuranga Intwaza, avuga ko ubumwe n'izindi ndangagaciro batoje abato bizahora ari inkingi y'ingenzi mu kubaho kw'Abanyarwanda.

Ati 'Kuko abo bato mwareze, ubu na bo babaye ababyeyi barerera u Rwanda. Babyeyi bacu, ntituzahwema kubaha agaciro, tuzaharanira igituma ubuzima bwanyu burushaho kuba bwiza, tuzakomeza kubavomaho ibyiza n'umurage wanyu, muzakomeza kutubera isoko y'ibyishimo.'

Vincent Munyeshyaka wahoze ari Minisitiri w'Ubucuruzi n'Inganda, ubu akaba ari umwe mu bagize Ihuriro Unity Club Intwararumuri, yashimye ubutwari bw'Ingabo za FPR-Inkotanyi zahagaritse Jenoside, barangajwe imbere na Perezida wa Repubulika y'u Rwanda, Paul Kagame.

Ati 'Bagize uruhare rukomeye mu kurokora ubuzima bw'Abatutsi no mu kurokora aba babyeyi baturi imbere uyu munsi.'

Munyeshyaka yashimiye Leta y'u Rwanda ikomeje gufasha mu buryo bwose abarokotse Jenoside yakorewe Abatutsi batishoboye, by'umwihariko abageze mu zabukuru barimo n'ababyeyi b'Intwaza.

Ati 'Twese hamwe dukomeje kurinda igihango dufitanye n'aba babyeyi, ari cyo kubabera abana.'

Urugo rw'Impinganzima rwa Rusizi rutuyemo Intwaza 43 zirimo abasaza batandatu n'abakecuru 37.

Iki gikorwa cyabereye mu Rugo rw’Impinganzima rwa Rusizi

Vincent Munyeshaka yashimye Inkotanyi zahagaritse Jenoside zikanashyira imbaraga mu kwita ku barokotse Jenoside batishoboye

Umuyobozi Nshingwabikorwa, muri MINUBUMWE, Uwera Kayumba Alice yashimye umusanzu w’Intwaza mu kubaka ubumwe mu bakiri bato

Verediyana Bavugamenshi yashimye ubuyobozi bukomeje kwita ku barokotse Jenoside

Abana biga mu mashuri abanza bifatanyije n’Intwaza mu gikorwa cyo kwibuka ku nshuro 31 Jenoside yakorewe Abatutsi

Abo bakozi basuye Urwibutso rwa Jenoside rwa Kigali ruherereye ku Gisozi, bunamira Abatutsi basaga ibihumbi 250 baharuhukiye bishwe muri Jenoside.

Umuyobozi Mukuru wa Aegis Trust, Munyantwali Alphonse, yabasobanuriye amateka ya Jenoside, uko yahemberewe n'ingengabitekerezo y'amacakubiri, gusa asobanura ko u Rwanda rushya rutanga icyizere.

Ati 'Ahari umwijima ubuyobozi bwahashyize urumuri, ahari urwango hashyirwa urukundo, kugarura umutekano w'Abanyarwanda n'icyizere cyabo, gucyura impunzi, gukura ubwoko mu ndangamuntu no guha Umunyarwanda agaciro. Kuri ubu nta muntu ukijya hanze ngo agire ipfunwe ryo kuvuga ko ari umunyarwanda.'

Yerekanye uburyo u Rwanda rumaze kugera ahantu hashimishije nubwo urugendo rwo kwiyubaka no kubaka igihugu rugihari ariko akerekana uburyo Abanyarwanda.'

Umuyobozi Nshingwabikorwa w'Akarere ka Nyarugenge, Ingangare Alexis, yaragaje ko u Rwanda rwimitse urumuri rw'icyizere no kurwanya ingengabitekerezo ya Jenoside, aboneraho no kunenga ababyeyi bakiyibiba mu bana babo.

Ati 'Turasaba abantu gutanga amakuru y'abacu bishwe batarashyingurwa mu cyubahiro aho bari kugira ngo bashyingurwe.'

Umuyobozi ushinzwe Abakozi ba Serena Hotel, Eric Mugesera, yavuze ko ntako bisa guhuza urubyiruko rukorera muri Serena Hotel ya Kigali n'iya Gisenyi kugira ko rwige amateka kuko usanga hari nk'ababa bahageze bwa mbere.

Ati 'Iyo bamaze kwiga amateka, bafasha kurwanya ingengabitekerezo ya Jenoside, bakarwanya n'abapfobya Jenoside yakorewe Abatutsi, kuko hirya no hino hari abagihari ariko urubyiruko nk'uru rukoresha imbuga nkoranyambaga biraborohera kwerekana ko icyiza gitsinda ikibi.'

Yavuze ko abakozi bakwiye kuba urumuri rumurikira abandi cyane muri iyi minsi 100 yo Kwibuka Jenoside yakorewe Abatutsi mu 1994, asobanura ko kuba urumuri ari ukurwanya ingengabitekerezo ikomeje kugaragara.

Umuyobozi Mukuru wa Serena Hotel mu Rwanda, Frankline Nyakundi, yavuze ko yatangajwe cyane n'aho u Rwanda rugeze nyuma yo kwikura mu mateka akomeye y'akababaro n'amahano yarugwiriye ariko rukaba rugeze ku iterambere rishingiye ku bumwe, kwihangana no kwizera ejo hazaza.

Ati 'Dukomeze gufatanya twubake Isi irangwa n'ubumwe dutsinda amacakubiri, aho impuhwe zisimbura urwango, kandi aho buri buzima bwose bwubahirizwa, bukarindwa, kandi bukibukwa.'

Mu minsi 100 u Rwanda yo kwibuka Jenoside yakorewe Abatutsi mu 1994, Serena Hotel yifatanya n'Abanyarwanda muri ibi bikorwa byose, aho inaremera abayirokotse kuko mbere y'uko ukwezi kwa Kamena kurangira izagabira inka imiryango icumi y'Abarokotse Jenoside.

Abakozi ba Serena Hotel bafashe umunota wo kuzirikana abarenga miliyoni bazize Jenoside yakorewe Abatutsi mu 1994

Abakozi ba Serena Hotel basabwe gutanga umusanzu mu kurwanya ingengabiterezo ya Jenoside ndetse n’abayipfobya

Abayobozi n'abakozi ba Serena Hotel iya Kigali na Gisenyi bunamiye Abatutsi bishwe muri Jenoside mu 1994

Bamwe mu bayobozi muri Serena Hotel bari bitabiriye igikorwa cyo kwibuka ku nshuro ya 31 Jenoside yakorewe Abatutsi

Abakozi ba Serena Hotel bunamiye Abatutsi bashyinguwe mu Rwibutso rwa Jenoside rwa Kigali

Munyanshoza Dieudonne ni we watanze ubutumwa bw’ihumure mu ndirimbo

Umuyobozi Mukuru ushinzwe abakozi ba Serena Hotel, Eric Mugesera ari gushyira indabo ku mva ishyinguyemo Abatutsi bishwe muri Jenoside mu 1994

Mukamakombe Charlotte warokotse Jenoside yakorewe Abatutsi mu 1994 ari gutanga ubuhamya

Umuyobozi Mukuru wa Serena Hotel mu Rwanda ari gushyira indabo ku mva ishyinguwemo Abatutsi bishwe muri Jenoside mu 1994

Umuyobozi Mukuru wa Serena Hotel mu Rwanda, Frankline Nyakundi na Munyentwali Alphonse bari gucana urumuri rw’icyizere

Umuyobozi Mukuru wa Aegis Trust, Munyantwali Alphonse yabasobanuriye abakozi ba Serena Hotel amateka kuva mu itegurwa rya Jenoside kugeza ishyizwe mu bikorwa

Umuyobozi Mukuru wa Serena Hotel mu Rwanda, Frankline Nyakundi atanga ubutumwa bw’ihumure mu gitabo cy’abashyitsi

Umuyobozi Mukuru wa Serena Hotel mu Rwanda, Frankline Nyakundi yavuze ko bazakomeza kugendana n'Abanyarwanda muri uru rugendo rwo kwiyubaka

Umuyobozi Nshingwabikorwa w'Akarere ka Nyarugenge, Ingangare Alexis yagaragaje ko u Rwanda rwimitse urumuri rw'icyizere no kurwanya ingengabitekerezo ya Jenoside

Umuyobozi Nshingwabikorwa w'Akarere ka Nyarugenge, Ingangare Alexis yunamira abazize Jenosode yakorewe Abatutsi mu 1994

Visi Perezida wa Ibuka mu Karere ka Nyarugenge, Serge Rwigamba yagaragaje ko ubutwari bw’Inkotanyi zahagaritse Jenoside bukwiye kwigirwaho n’ibindi bihugu

Amafoto: Kasiro Claude

Uyu mushinga uzafasha abana bari hagati y'imyaka itatu n'itandatu wiswe 'Inkingi y'Ejo' aho uzahugura abarezi n'ababyeyi ku buryo bwiza bwo kwigisha no gutegura umwana witegura gutangira amashuri abanza, cyane cyane binyuze mu mikino.

Uzakorerwa mu turere dutatu. Ni Ruhango, Rubavu na Kayonza. Uyu muryango uzakorana n'ibigo mbonezamikurire 100, uhugure abarezi 300, n'ababyeyi 2.320.

Kabamba Roger ushinzwe Imishinga ya Right to Play mu Rwanda, yavuze ko uyu mushinga wagiyeho kugira ngo wunganire Leta muri gahunda yayo yo kuzamura umubare w'abana biga mu mashuri y'inshuke ukava kuri 35% ukagera kuri 65%.

Akomeza asobanura ko byagaragaye ko mu mikino ari bwo abana bafata vuba kandi ntibarambirwe, ari yo mpamvu bazahugura ababyeyi n'abarezi bigisha abo bana, kubera ko ari ho hakiri icyuho.

Yagize ati 'Haracyari imbogamizi nyinshi, hari abarezi bakigisha bakoresheje uburyo bwa kera bw'imyigishirize butuma umwana yumva yanze ishuri ejo ntazagaruke.”

Hari n'ababyeyi bacyumva ko umwana azaba ajya kwiga yaragejeje imyaka itandatu ntajyane umwana kwiga.

Akomeza ati 'Niyo mpamvu rero twashyizeho uyu mushinga kugira ngo dutange umusanzu wacu twigishe abo barezi n'ababyeyi uburyo bwo kwigisha abana bagakunda ishuri.'

Umuyobozi Mukuru w'Ikigo cy'Igihugu Gishinzwe Imikurire no Kurengera Umwana (NCDA), Ingabire Assumpta, yavuze ko hari ibibazo bikigaragara mu burezi bw'ibanze birimo abarimu badafite ubumenyi buhagije bwo kwita ku bana bafite ubumuga, bityo ko kugira ngo bikemuke, abarezi n'ababyeyi bagomba kurushaho guhugurwa.

Yagize ati 'Tugomba gukangurira ababyeyi kurushaho kwitabira ibigo mbonezamikurire ndetse tugashyira imbaraga mu guhugura abarezi haba abashya n'abasanzwe kugira ngo twizere ko ubumenyi batanga bufasha abana bose gukunda kwiga.'

Uyu mushinga uzamara imyaka itatu, uzaba ukubiyemo kongera amashuri mbonezamikurire mu turere uzakoreramo ndetse utange ibikoresho bifasha abana kwiga.

Umushinga wa Inkingi y’Ejo uzahugura abarezi n’ababyeyi ku buryo bwo gukundisha umwana kwiga binyuze mu mikino

Inkingi y’Ejo ni umushinga ugamije kongera umubare w’abana bitabira uburezi bw’ibanze ndetse n’abana bagira ku ishuri ku gihe

Umuyobozi wa Right to Paly mu Rwanda, Amadou Cissé, yavuze ko biyemeje gufatanya n’u Rwanda gufasha abana kwitabira ishuri hakiri kare

Kabamba Roger yasobanuye ko Inkingi y’Ejo izafasha no kongera umubare w’ibigo mbonezamikurire

Hari abanywa inzoga ariko hakaba n'ababatwa na zo. Benshi mu bo zagize imbata, usanga ari ba bandi binywera iza make, nyamara byagaragaye ko nyinshi muri izo nzoga ziba zitujuje ubuziranenge ndetse zigira ingaruka mbi ku buzima bw'abazinywa.

Mu minsi ishize, Ikigo gishinzwe kugenzura ibiribwa n'imiti, Rwanda FDA, cyakuye ku isoko inzoga yitwa Ubutwenge yakundwaga na benshi mu Majyaruguru, ariko ikaba yarakorwaga mu buryo butemewe, kandi itujuje ibipimo by'ubuziranenge.

Iyo ni imwe mu binyobwa byinshi bikorwa bitujuje ubuzirange, aho biba bikoze ahanini mu ruvange rwa alcohol, isukari, ibisigazwa bya tangawizi, ndetse rimwe na rimwe hakongerwamo ibihumuza by'ibikorano.

Izi nzoga zitujuje ubuziranenge cyangwa abandi bita 'iz'inkorano,' zikomeje kwiyongera cyane mu bice by'icyaro, aho usanga zikorerwa mu nganda ntoya zidafite ibyangombwa, cyangwa rimwe na rimwe hari izikorerwa mu ngo.

Umuyobozi w'Ishami rishinzwe kugenzura Ubuziranenge bw'Ibiribwa no Gutanga Ibyangombwa mu kigo cy'Igihugu gishinzwe Kugenzura Ibiribwa n'imiti, Rwanda FDA, Dr. Nyamwasa Innocent, yabwiye The New Times ko nubwo hari abakora inzoga mu buryo bwemewe n'amategeko, hari abandi benshi bazikora bakanazigurisha nta mabwiriza n'amwe y'ubuziranenge bubahirije.

Yagize ati 'Rwanda FDA igenzura ikorwa n'ikwirakwizwa ry'ibinyobwa bisembuye n'ibindi birimo ibikorwa mu bimera cyangwa ibirimo tangawizu, binyuze mu mabwiriza agenga uru rwego […] abakora ibyo binyobwa basabwa kubanza kubona uruhushya mbere yo kubishyira ku isoko, birimo icyangombwa cy'uruganda bakoreramo, gukurikiza amahame agenga ikorwa ryabyo (GMPs), ndetse no kwandikisha ibicuruzwa nyir'izina.'

Aya mabwiriza akubiye mu nyandiko ebyiri z'ingenzi, harimo iy'amabwiriza ajyanye no kwandikisha no gutanga ibyangombwa by'aho ibiribwa bikorerwa, ndetse n'amabwiriza ku mahame y'imikorere myiza y'inganda (GMPs). Ikurikizwa ry'aya mabwiriza rigenzurwa binyuze mu bugenzuzi buhoraho ku masoko ndetse n'ubugenzuzi butunguranye.

Rwanda FDA igaragaza ko mu nzoga zidafite ibyangombwa hashobora kubamo igipimo cya alcohol gikabije, ndetse kirenze igisanzwe kidateje ikibazo. Ingaruka ku buzima biteza ni nyinshi.

Dr. Nyamwasa ati 'Kunywa ibinyobwa bifite alcohol nyinshi bigira ingaruka mbi nyinshi ku buzima, zirimo kugirwaho ingaruka n'uburozi bw'inzoga, kwangirika k'umwijima, ndetse no kugira ibyago byinshi byo kurwara indwara zidakira.'

'Ibinyobwa bitagenzuwe bishobora no kuba birimo imyanda yangiza ubuzima kubera uburyo bubi biba byatunganyijwe, bikarushaho gushyira ubuzima bw'ababinywa mu kaga.'

Methanol, by'umwihariko, ni ikinyabutabire kigira ingaruka zitandukanye kiboneka mu binyobwa biba byatunganyijwe nabi. Iba mu bwoko bwa alcohol itagira ibara, ariko yangiza, bishobora gutera kuruka, ubuhumyi ndetse bikaba byatera n'urupfu iyo bikoreshejwe ku kigero cyo hejuru.

Abagura ibinyobwa basabwe kuba maso ndetse no kugira amakuru ahagije.

Rwanda FDA isaba abantu kwitondera inzoga ziba mu macupa ya pulasitiki babwirwa ko ziba zavuye hanze ariko zikaba zidafite ibirango byerekana ko byagenzuwe byujuje ubuziranenge, isaba kandi kwirinda izigurishwa ku giciro cyo hasi bikabije ziba mu macupa adafite ibirango cyangwa ateje impungenge.

Nubwo tangawizi ikunze gufatwa nk'ikimera gifasha ubuzima, kuba yongewe mu nzoga ntibisobanura ko ishobora gukuraho ingaruka ziterwa n'imikorere mibi mu ikorwa ryayo cyangwa ngo ikuremo uburozi burimo.'

Uko ibibazo by'ubuzima bishingiye ku kunywa inzoga zirimo tangawizi zitujuje ubuziranenge bikomeza kumenyekana, ubutumwa buva ku nzego zigenzura buvuga ko ku bakora ibyo binyobwa bakwiye gushyira ubuzima bw'abazinywa mbere y'ibindi byose.

Izi nzoga zitujuje ubuziranenge zitera ingaruka zishobora kugera no ku rupfu

Inzoga yitwa Ubutwenge iherutse gukurwa ku isoko na Rwanda FDA