Blog

Ni uturere twa Rulindo, Gakenke , Nyanza, Muhanga na Kamonyi, Gatsibo na Kayonza.

Mu 2022 utwo turere twose twagaragayemo ibyaha byo kwangiza ibidukikije 86 bigeze mu 2023 biba 65 naho mu wa 2024 biba 75.

Uturere twa Kamonyi na Rulindo ni two dufite imibare iri hejuru kuko muri ibyo byaha 226 twihariyemo ibigera ku 117.

Ibyaha byibasira ibidukije birimo ubucukuzi bw'amabuye y'agaciro butemewe, gutema ibiti mu buryo bunyuranyije n'amategeko n'ibindi.

Ni ibyaha biyobowe n'ubucukuzi bw'amabuye y'agaciro.

Ni na yo mpamvu RIB rwatangije ubukangurambaga bwo kurwanya ibyaha bijyanye no kwangiriza ibidukikije muri utwo turere.

Ni ubukangurambaga bwahereye mu Karere ka Gicumbi mu mirenge ya Miyove Ruvune, Kageyo, Byumba, Rutare ku va ku itariki 7-11 Nyakanga 2025.

Muri ubwo bukangurambaga RIB itafanyaje n'Ikigo cy'Igihugu gishinzwe Mine Peteroli na Gaze, RMB n'inzego z'ibanze.

Begera abaturage bagasobanurirwa ingaruka ziterwa no gukora ubucukuzi bw'amabuye y'agaciro na kariyeri butemewe n'uburyo ubwemewe babukoramo.

Ubwo bukangurambaga buzakomereza no tundi turere dutandatu tugaragaramo ibyaha byinshi bijyanye n'ubucukuzi butemewe n'amategeko ari two Rulindo, Gakenke, Nyanza, Muhanga, Kamonyi, Gatsibo na Kayonza.

RMB igaragaza ko utwo turere ari two tuza ku isonga mu gukorerwamo ubucukuzi butemewe n'amategeko.

Umukozi muri RIB, Ishami ryo kurwanya no gukumira ibyaha, Ntirenganya Jean Claude yavuze ko abaturage bafite imyumvire ikiri hasi ku bucukuzi ari yo mpamvu bishora mu byaha bijyanye na bwo.

Ati 'Abaturage twasanze ubumenyi bafite bukiri hasi kuko uretse gucukura amabuye y'agaciro ibijyanye na kariyeri nk'ibumba n'umucanga usanga babikora uko bishakiye.'

Yakomeje ati 'Usanga umuturage niba azi ko mu isambu ye harimo ibumba, umucanga cyangwa n'ayo mabuye y'agaciro afite uburenganzira bwo kubicukura uko yiboneye kandi si ko amategeko abitegenya. Amategeko agena ko ibiri mu nda y'ubutaka ari ibya Leta rero kubikuramo bisaba uruhushya.'

Ntirenganya yasabye abaturage gukurikiza ibyo amategeko ateganya kuko ibihano kuri ibyo byaha biremereye cyane.

Bagirijabo Jean d'Amour ukuriye ishami rishinzwe ubugenzuzi muri RMB yihanangirije ba rwiyemezamirimo bakora mu bucukuzi, bamara gucukura ntibasibe ibirombe bacukuragamo bigateza ibindi bibazo.

Yavuze ko bagiye guhagurukirwa kuko kuba barahawe impushya bitavuze ko igihe gucukura birangiye inshingano zabo ziba zirangiye.

Abaturage b’i Gicumbi basobanuriwe ibibi byo gukora ibucukuzi uko biboneye

Umukozi muri RIB, Ishami ryo kurwanya no gukumira ibyaha, Ntirenganya Jean Claude yavuze ko abaturage bafite imyumvire ikiri hasi ku bucukuzi ari yo mpamvu bishora mu byaha bijyanye na bwo

Abaturage batunguwe no gusanga bakoraga bimwe mu byaha bijyanye n’ubucukuzi batabizi

Ab’i Gicumbi basobanuriwe uburyo bagomba kubungabunga ibidukikije

Bajyaga bahimba intonde z'abantu bafite amarerero atabaho, abo bantu bakajya bagenerwa amafaranga nk'abafite amarerero mu ngo zabo.

Bikekwa ko abo bantu bahimbye na za konti zikajya zoherezwaho amafaranga yitiriwe ko ari ay'abantu bafite amarerero, bagaca inyuma bakayitwarira. Bikekwa ko babikoze mu bihe bitandukanye.

Mu bakekwa harimo na uwari usanzwe ari umuyobozi ukurikirana imikorere y'ingo mbonezamikurire. Bikekwa ko yakoraga intonde z'abafite amarerero akongeramo n'abarimo umubyeyi we, na we akajya ahembwa kandi nta rerero agira.

Umukozi ushinzwe ubuzima na we akekwaho kuba yarafatanyije yaragize uruhare mu gukora urutonde rw'abantu batabaho, bagashyiraho nimero za konti zikajya zoherezwaho amafaranga bakayatwara.

Bose batawe muri yombi ku wa 10 Nyakanga 2025, bafatiwe mu Karere ka Rutsiro, Umurenge wa Gihango.

Mu bindi byakozwe harimo nk'abaturage bigeze kugira amarerero ariko bakaza guhagarikwa. Abo na bo bakomeje guhabwa amafaranga yo gukomeza kurera abo bana kandi nta serivisi bagitanga.

Umuvugizi wa RIB, Dr. Murangira B. Thierry yabwiye IGIHE ko abo bose uko ari batandatu bafunzwe, bakurikiranweho ibyaha bitatu.

Ati 'Bariya baturage bose uko ari batandatu barafunzwe, bakurikiranyweho ibyaha birimo kunyereza umutungo, gukoresha ububasha bahabwa n'itegeko mu nyungu bwite no gukoresha impapuro mbimbano.'

Ibyaha byo kunyereza umutungo no gukoresha ububasha umuntu ahabwa n'itegeko mu nyungu ze bwite bihanishwa igifungo kitari munsi y'imyaka irindwi ariko kitarenze imyaka 10.

Uwakoresheje ububasha ahabwa n'itegeko mu nyungu ze bwite atanga n'ihazabu itari munsi ya miliyoni 5 Frw ariko itarenze miliyoni 10 Frw.

Ni mu gihe kunyereza umutungo bicibwa ihazabu y'amafaranga yikubye inshuro kuva kuri eshatu kugeza kuri eshanu z'agaciro k'umutungo wanyerejwe.

Itegeko rihana icyaha cyo guhimba, guhindura inyandiko cyangwa gukoresha inyandiko mpimbano riteganya ko gihanishwa igifungo kitari munsi y'imyaka itanu ariko kitarenze imyaka irindwi n'ihazabu itari munsi ya miliyoni 3 Frw, ariko itarenga miliyoni 5 Frw cyangwa kimwe gusa muri ibyo bihano.

Iyo guhimba byakozwe n'umukozi wa Leta mu murimo ashinzwe cyangwa n'undi ushinzwe umurimo w'igihugu, igihano kiba igifungo kitari munsi y'imyaka irindwi ariko kitarenze imyaka 10, n'ihazabu itari munsi ya miliyoni 2 Frw ariko itarenze miliyoni 3 Frw, cyangwa kimwe gusa muri ibyo bihano.

Dr. Murangira yibukije abantu bose bafite gucunga umutungo wa Leta mu nshingano cyangwa abafite aho bahuriye na wo, ko bakwiye kuzirikana ko gukora ibinyuranyije n'icyo amategeko ategenya bihanwa.

Bene abo bibukijwe kandi ko ibyaha byo kunyereza umutungo cyangwa gukoresha umutungo wa Leta nabi ari ibyaha biri mu cyiciro cy'ibya ruswa, ndetse ko bidasaza, igihe cyose ibimenyetso byabonekera bazajya bakurikiranwa.

Yavuze kandi ko RIB itazihanganira abo ari bo bose bafata ibigenewe abaturage bakabiha abo mu miryango yabo.

Ati 'Abaturage barasabwa kudakoresha amarangamutima ngo bashyire imiryango yabo mu byo bakora, ntabwo bikwiye kumva ko ibigenewe abana bo mu irerero bihabwa abo bitagenewe. Ibi bikwiye gucika.'

Abafashwe bafungiye kuri Sitasiyo ya RIB ya Gihango mu gihe hagikomeje iperereza hakorwa dosiye ngo ishyikirizwe Ubushinjacyaha.

Ibiro by’Akarere ka Rutsiro

Ubusanzwe, ikawa n'icyayi bibarirwa mu bihingwa ngengabukungu byinjiza amadevize. Ab'i Nyaruguru ni abahamya babyo kuko ifaranga ryabagezeho kandi bakaba bagikomeje umurego bongera umusaruro.

Umuhinzi w'icyayi wo mu Murenge wa Ruramba wo muri Koperative COTENYA, Ngarukiye Déo, avuga ko yatangiye ubuhinzi bw'icyayi ahereye ku buso bwa Are eshanu ahembwa ibihumbi 5 Frw, nyuma aza kuba umuhinzi w'icyayi wabigize umwuga, aho afite hegitari umunani, akinjiza miliyoni 1 Frw ku kwezi.

Avuga ko ubu yiteje imbere muri byinshi abikesha icyayi.

Nkomejwenayo Eliezer umaze imyaka 15 ahinga ikawa, ubu afite ibiti 2000 byayo. Yabwiye IGIHE ko ikawa imaze kumuteza imbere, aho nyuma yo kubaka inzu atuyemo, yongeyeho kubaka n'indi y'imiryango ine y'ubucuruzi akodesha ku isantere bakamuha amafaranga ndetse ikawa ikaba yaranamufashije kwishyurira abana be batatu amashuri.

Ati “Ku gihembwe, ninjiza hagati y'ibihumbi 900 Frw na milyoni 1 Frw, akamfasha mu iterambere, tubona ikawa ari zahabu yacu rwose. Ubu kuva ikawa yagera ku 1000 Frw ku kilo, buri muturage wese arifuza nibura kuba yatera nk'ibiti 300.”

Umuyobozi w'Akarere ka Nyaruguru, Dr. Murwanashyaka Emmanuel, avuga ko umusaruro w'ikawa n'icyayi muri uyu mwaka wa 2024/25 wahaye abahinzi asaga miliyari 21 Frw aho bamaze kugira inganda enye z'icyayi n'urwa gatanu bategereje.

Ati “Dushyize imbaraga mu buhinzi bw'icyayi na kawa, kuko tuzi neza ko bizamura ubukungu bw'abaturage. Imibare twabonye igaragaza ko agera kuri miliyari 21 Frw yakwirakwiye mu baturage avuye mu musaruro babonye, kandi ubwo bivuze iterambere n'ubushobozi mu baturage.”

Meya Dr. Murwanashyaka akomeza avuga ko akarere gafite gahunda yo gukomeza kongera ubuso buhingwaho icyayi, aho nibura buri mwaka bazajya bongeraho hegitari zibarirwa hagati ya 600 na 800 ku mwaka ndetse bakanegereza ingemwe abahinzi bashaka guhinga kawa kugira ngo bakomeze kongera ubuso.

Ati “Tugira amahirwe hano i Nyaruguru, ahahingwa kawa si ho hahingwa icyayi, bityo bigatuma nta kurwanira ubutaka ku bihingwa kubaho.”

Yavuze ko icyayi kiganje mu gice cy'imisozi miremire nka Kivu, Nyabimata, Ruheru, Ruramba, Kibeho, Munini, Mata n'indi.

Ni mu gihe ikawa yiganje mu mirenge ya Cyahinda, Nyagisozi, Rusenge, Ngera na Ngoma.

Imibare dukesha Umukozi ushinzwe Ibihingwa Ngengabukungu mu Karere ka Nyaruguru, Muhayimana Nelson, igaragaza ko mu Karere ka Nyaruguru habarurwa hegitari 9000 z'icyayi n'ibiti bisaga miliyoni eshanu bya ikawa.

Habarurwa kandi abahinzi b'icyayi basaga 6000 bibumbiye muri za koperative, abandi basaga 3000 bahinga kawa bagemura mu nganda umunani ziyitunganya ndetse hakanaba abakozi basaga ibihumbi 12 bakora imirimo yo gusarura icyayi muri aka karere.

Icyayi cy’i Nyaruguru cyakamiye ab’i Nyaruguru agera kuri miliyari 12 Frw muri uyu mwaka w’ingengo y’imari twasoje vuba aha

Igihingwa cya kawa cyinjije agera kuri miliyari 9 Frw mu karere ka Nyaruguru mu mwaka wa 2024-2025

I Nyaruguru hakomeje gahunda yo kongera ubuso bw’icyayi, aho buri mwaka haterwa byibura hegitari 600 ziyongera ku zisanzwe

Inganda z’cyayi zikomeje kuzamuka muri Nyaruguru, urwa vuba ruheruka kubakwa ni urwa Kibeho

RIB yatangaje ko aba baturage bose bafunzwe kuva tariki ya 5 Nyakanga 2025. Ibi bikaba byarabereye mu Karere ka Karongi, Umurenge wa Gitesi, Akagari ka Munanira mu Mudugudu wa Gahigiro.

Umuvugizi wa RIB, Dr. Murangira B. Thierry mu kiganiro na IGIHE, yavuze ko ibyaha bakurikiranweho byakozwe mu minsi itandukanye.

Ati “Bariya bose bakurikiranyweho icyaha cyo gusambanya umwana n'icyaha cyo kuzimanganya ibimenyetso. [Hari] ukurikiranyweho icyaha cyo gusambanya umwana w'umukobwa ufite imyaka 15 mu gihe abandi bakurikiranyweho icyaha cyo kuzimanganya ibimenyetso, aho yamusambanyije tariki ya 1 Nyakanga 2025, mu gihe abandi bo bakoze icyaha cyo kuzimanganya ibimenyetso tariki ya 2 Nyakanga 2025 ubwo bumvikanaga na Se w'umwana ko bamuha amafaranga ibihumbi 200 Frw kugira ngo basibanganye ibimenyetso akabyemera, nyuma bakarabya uwahohotewe.'

RIB iributsa abaturarwanda ko itazihanganira uwakora icyaha nk'iki cyo gusambanya umwana n'icyaha cyo kuzimanganya ibimenyetso.

Inakangurira abantu gukomeza kwirinda guhohotera abana kuko ari icyaha gihanwa n'amategeko kandi ko ubikoze wese azafatwa agashyikirizwa ubutabera kuko gisigaye ari n'icyaha kidasaza.

Abafashwe bafungiye kuri Sitasiyo ya RIB ya Bwishyura mu gihe dosiye yakozwe ikaba isigaje kohererezwa Ubushinjacyaha.

Gusambanya umwana ni icyaha giteganwa n'ingingo ya 14 y'itegeko nº 058/2023 ryo ku wa 04/12/2023 rihindura itegeko nº 027/2019 ryo ku wa 19/09/2019 ryerekeye imiburanishirize y'imanza z'inshinjabyaha, aho igifungo kiva ku myaka 20 ariko ntikirenze imyaka 25.

Ni mu gihe icyaha cyo kuzimanganya ibimenyetso, icyaha giteganwa n'ingingo ya 245 y'Itegeko N068/2018 ryo ku wa 30/08/2018 riteganya ibyaha n'ibihano muri rusange, Igifungo cyacyo kiva ku myaka ibiri ariko kitarenze imyaka itatu n'ihazabu y'amafaranga y'u Rwanda kuva ku bihumbi 500 Frw ariko atarenze miliyoni 1 Frw.

Yabitangaje ku mugoroba wo ku wa 11 Nyakanga 2025, ubwo Ambasade y'u Bushinwa mu Rwanda yizihizaga isabukuru y'imyaka 98 Igisirikare cy'u Bushinwa (Chinese People's Liberation Army: PLA) kimaze.

Maj Gen Alex Kagame yashimiye Igisirikare cy'u Bushinwa ku ntambwe ikomeye mu guteza imbere umutekano haba mu Bushinwa no ku Isi muri rusange.

Yavuze ko urugendo Igisirikare cy'u Bushinwa cyanyuzemo, ari urugero rw'ibishoboka haba mu bijyanye n'umurava, ubwitange ndetse n'umuhati wo kurinda ubusugire bw'igihugu no guharanira ubumwe bw'abaturage.

Yavuze ko ari indangagaciro n'u Rwanda rwubaha ndetse rusangiye n'u Bushinwa kuko amateka yarwo na yo yaranzwe n'urugamba rw'impinduramatwara, hatangwa ibitambo byinshi kugira ngo rwibohore.

Ati 'Ni yo mpamvu Ingabo z'u Rwanda zihora zirajwe ishinga no kubungabunga amahoro n'umutekano haba mu rugo, mu Karere n'ahandi.'

Maj Gen Alex Kagame yavuze ko RDF izirikana indangagaciro z'Igisirikare cy'u Bushinwa cyane cyane ku buryo gikomeje kugira uruhare mu kubaka ubunyamwuga n'ubushobozi bw'Ingabo z'u Rwanda, binyuze mu mahugurwa no gusangira ubunararibonye.

Ati 'Biteye ishema kuzirikana ko abasirikare barenga 300 ba RDF basoje amasomo mu bigo bitandukanye by'u Bushinwa mu myaka 10 ishize.'

Yagaragaje kandi ko u Rwanda rurajwe ishinga no gukomeza kuzamura umubano n'u Bushinwa hagamijwe guteza imbere ibihugu byombi.

Yavuze ko amasezerano impande zombi zigiye gusinya ajyanye no gufatanya mu bya gisirikare azafasha mu kubaka urwego rwa gisirikare rukomeye kurushaho.

Uhagarariye ibikorwa bya gisirikare muri Ambasade y'u Bushinwa mu Rwanda, Senior Navvy Captain Li Dayi, yagaragaje ko kuva Igisirikare cy'u Bushinwa cyavuka mu 1927, ari urugendo rw'imyaka 98 rwaranzwe n'iterambere ndetse n'amavugurura atandukanye, ari na ko kigira uruhare mu kubungabunga umutekano ku Isi.

Yavuze ko kuva mu 1990, Ingabo z'u Bushinwa zagize uruhare mu bikorwa by'ubutumwa bw'amahoro bwa Loni bugera kuri 25.

Ati “U Bushinwa bwohereje ingabo zirenga ibihumbi 50 mu butumwa bw'amahoro. Ni benshi ugereranyije n'abandi banyamuryango bahoraho b'Akanama ka Loni gashinzwe Umutekano. Igisirikare cy'u Bushinwa kirwanira mu mazi, cyarindiye umutekano ubwato 7000 bw'u Bushinwa n'ubw'ibihugu by'amahanga mu Kigobe cya Aden hafi ya Somalia.”

Senior Navvy Captain Li Dayi yavuze ko ibyo byajyanye no kwagura umubano wa PLA na RDF, ko uwo mubano watanze umusaruro uko imyaka yagiye isimburana hashingiye ku cyizere no ku bwubahane, bagasangira ubunararibonye, amasomo ndetse u Bushinwa bugafasha u Rwanda mu bijyanye n'ibikoresho.

Yavuze ko u Bushinwa bwiyemeje gukomeza gukorana na Afurika by'umwihariko u Rwanda mu kwagura ubufatanye mu bijyanye n'igisirikare, hagamije guhangana n'ibibazo by'umutekano muke, hubakiwe ku ngingo y'uko Afurika igomba kwikemurira ibibazo.

Umugaba Mukuru w'Inkeragutabara Maj Gen Alex Kagame (hagati) yifatanyije n’Abashinwa kwishimira imyaka 98 igisirikare cy’iki gihugu cyo muri Aziya kimaze

Uhagarariye ibikorwa bya gisirikare muri Ambasade y'u Bushinwa mu Rwanda, Senior Navvy Captain Li Dayi yashimiye ubufatanye bw’u Rwanda n’u Bushinwa mu bya gisirikare

Ibirori byo kwishimira imyaka 98 igisirikare cy’u Bushinwa kimaze byitabiriwe n’abayobozi batandukanye

Abasirikare ba RDF batandukanye na bo bari mu birori byo kwishimira imyaka 98 igisirikare cy’u Bushinwa kimaze

Ubwo Umugaba Mukuru w'Inkeragutabara Maj Gen Alex Kagame, yari ageze ahagombaga kubera ibirori byo kwishimira imyaka 98 igisirikare cy’u Bushinwa kimaze

Ubwo abasirikare ba RDF bari bageze ahagombaga kubera ibirori byo kwishimira imyaka 98 Igisirikare cy’u Bushinwa kimaze

Ku munsi abaturage bo mu Mujyi wa Kigali, bakenera amazi angana na meterokibe ibihumbi 210 mu gihe WASAC itanga izingana n'ibihumbi 142 gusa, bigaragaza ko hakiri icyuho cya meterokibe ibihumbi 68 ugerereranyije n'uko abaturage bayakeneye.

Umuyobozi Mukuru wa WASAC Group, Prof. Omar Munyaneza, yavuze ko kuko mu gihe cy'impeshyi amazi aba macye, hashyizweho uburyo bwo kuyasaranganya ku baturage bose no kongerera ubushobozi inganda ziyatunganya mu gukuraho icyo cyuho.

Ati 'Tugiye gutangira gukoresha uburyo bwo gusaranganya amazi neza aho abantu bari basanzwe bayabona umunsi ku wundi tugiye kujya tubakuraho rimwe mu cyumweru kugira ngo tubashe gusaranganya n'abatayafite. Ikindi hari inganda tugiye kongerera ubushobozi kugirango zibashe kongera ingano y'amazi zitunganya.'

Umujyi wa Kigali ufite inganda enye ziwuha amazi mu bice bitandukanye harimo urunini rwo mu Nzove rutanga meterokibe ibihumbi 83 ruvuye ku bihumbi 76 mu kwezi gushize.

Hari uruganda rwa Kimisagara rutanga meterokibe ibihumbi 21, urwa Karenge rutanga amazi ku gice cya Kabuga angana na meterokibe ibihumbi 8.400 na Kanzenze rugomba gutanga meterokibe ibihumbi 30 ku munsi ariko kuri ubu ruri gutanga ibihumbi 26 kubera ikibazo cya Nyabarongo yagabanutse ndetse n'ibikoreshwa mu gukurura amazi byangiritse.

Prof. Munyaneza yagaragaje ko hari uduce tuzwi dufite ibibazo cyane twatangiye gufashwa, aho batangiye gushyiraho 'valves', udukoresho twifashishwa mu kugabanya amazi kugira ngo asaranganywe n'abatayafite.

Ati 'Hari aho tubona hari ikibazo kijyanye no gusaranganya amazi cyane ni muri Kanombe na Kicukiro, icyo turi gukora hari aho twateye 'Valves' kugira ngo turebe ko twajya tugira hamwe dufunga noneho n'abandi tukabasha kubaha amazi.'

Aha kandi hiyongeraho ikijyanye no kwagura inganda zitunganya amazi zikongererwa ubushobozi bw'ayo zitanga.

Urugero ni uruganda rwo mu Nzove rushaje rutabasha gutanga amazi kuko ku munsi rutanga meterokibe ibihumbi bitanu gusa bityo rugiye kwagurwa rukagera ku bihumbi 40 ku munsi.

Ati 'Ibi bizadufasha kugabanya icyuho cya meterokibe ibihumbi 68 Umujyi wa Kigali ugifite kuko ruzongera ibihumbi 35 ku zo twari dusanzwe dutanga.'

Hari kandi imirimo igiye gutangira yo kwagura uruganda rwa Karenge rukazava kuri meterokibe ibihumbi 22 rukagera ku bihumbi 48 mu myaka ibiri iri imbere.

Umujyi wa Kigali ufite icyuho cy'amazi angana na meterokibe ibihumbi 68

Ku wa 7 Nyakanga 2025, gahunda yihariye y'Intore mu Ikoranabuhanga (Digital Ambassador) y'u Rwanda yahawe igihembo cya WSIS+20 Champion kubera uruhare rwayo rukomeye mu kongerera Abanyarwanda ubumenyi bw'ibanze mu ikoranabuhanga no kubafasha kugera kuri serivisi za Leta hifashishijwe ikoranabuhanga.

Nyuma y'iminsi itatu gusa, ku wa 10 Nyakanga, u Rwanda rwongeye guhabwa ishimwe rya WSIS+20 Partner Certificate, rishimangira ko igihugu gifite umusanzu ukomeye mu bikorwa by'Inama Mpuzamahanga ku Iterambere ry'Imibereho Isesuye ishingiye ku Ikoranabuhanga (WSIS) no mu bufatanye mpuzamahanga mu ikoranabuhanga.

Ibi bihembo byombi byakiriwe na Urujeni Bakuramutsa, Ambasaderi w'u Rwanda mu Busuwisi akaba n'Intumwa Ihoraho y'u Rwanda mu Biro by'Umuryango w'Abibumbye i Genève.

Gahunda y'Intore mu Ikoranabuhanga (DAP) yatangijwe mu 2017 mu rwego rwo gushyira mu bikorwa gahunda yo kwihutisha iterambere icyiciro cya mbere (NST1), igamije guhangana n'ikibazo cy'ubumenyi buke mu ikoranabuhanga, icyo gihe abantu bafite ubumenyi bw'ibanze bari munsi ya 10 %. Intego yari ukugera kuri 60 % mu 2024, ubu ikaba igamije kugera ku bumenyi bw'ikoranabuhanga kuri bose bitarenze 2029 nk'uko biteganywa na NST‑2.

DAP yifashisha urubyiruko rufite ubumenyi mu ikoranabuhanga, abarangije amashuri yisumbuye n'abanyeshuri barangije kaminuza, bakajyanwa mu baturage nk'abambasaderi mu ikoranabuhanga. Bahugura abaturage ku ikoreshwa rya serivisi za leta zitangirwa ku ikoranabuhanga, gukoresha serivisi z'imari n'ubucuruzi kuri murandasi, kwishyura mu buryo bwizewe ndetse n'imikoreshereze myiza ya telefoni na mudasobwa. Yatangiye n'abambasaderi 50, ubu igeze ku barenga 2000 bafashwa n'abagenzuzi 60 ku rwego rw'uturere.

Kuva 2017 kugeza 2024, DAP yahuguye Abanyarwanda barenga miliyoni 3,2, izamura urugero rw'ubumenyi bw'ibanze mu ikoranabuhanga ruvuye munsi ya 10 % rukagera kuri 75.2 %. Gahunda yatanze umusaruro ugaragara, urimo kwiyongera kw'imikoreshereze ya telefoni zigezweho, kunoza imitangire ya serivisi za Leta, kongera amahirwe y'akazi ku rubyiruko no gukura kw'ubucuruzi bushingiye kuri murandasi.

Igihembo cya WSIS+20 Partner Certificate kigaragaza umwete w'u Rwanda mu kubaka ikoranabuhanga rigeza serivisi kuri bose, binyuze mu bigo nka RISA na RURA bikomeje gushora imari mu bikorwa remezo, guteza imbere e‑serivisi no kurengera inyungu z'abaturage mu ikoranabuhanga.

Minisitiri w'Ikoranabuhanga na Inovasiyo, Paula Ingabire, yashimye iri tsinda ati 'Dutewe ishema n'iki gihembo gihamya ko impinduka z'ukuri mu ikoranabuhanga zitangirira ku baturage, bafite ubumenyi n'ubushobozi mu ikoranabuhanga bubafasha gukorera imiryango yabo. Dushimira abaterankunga bacu, Banki y'Isi, AIIB na KOICA ku bufasha baduha. Twiyemeje kubaka u Rwanda rufite abaturage bakataje ikoranabuhanga, nta n'umwe usigaye inyuma.'

U Rwanda ni rumwe mu bagize Inama y'Ubuyobozi ya ITU (2023—2026) kandi ruziyamamaza kongera gutorerwa manda ya 2027—2030 mu nama ya ITU Plenipotentiary iteganyijwe mu Ugushyingo 2026 i Doha, muri Qatar.

Ibihembo bibiri bya WSIS+20 byongeye gushyira u Rwanda ku ikarita nk'igihugu kiyoboye Isi mu guca icyuho cy'ikoranabuhanga no mu gufatanya n'abandi mu kugena uburyo bushya bw'iterambere rigera kuri bose.

Iki gikorwa cyari cyitabiriwe n’abantu batandukanye

U Rwanda rwegukanye ibihembo bibiri ku Isi mu guteza imbere ikoranabuhanga rigera kuri bose

Ibiganiro byabo byagarutse ku ngamba zigamije gushaka amahoro arambye mu Burasirazuba bw'icyo gihugu binyuze mu gukemura impamvu muzi y'ibibazo byateje intambara.

Ibi biganiro bihuje Abanye-Congo biri kubera muri Qatar, aho Ihuriro rya AFC/M23 riri mu biganiro na Leta ya Repubulika Iharanira Demokarasi ya Congo, mu buhuza burimo n'abandi bafatanyabikorwa.

Kugira ngo ibi biganiro bizatange umusaruro wifuzwa, ni ingenzi cyane ko impande zombi ziganira ku mpamvu muzi ituma ibibazo by'intambara mu Burasirazuba bwa Congo biba agatereranzamba.

Tariki ya 27 Werurwe, Umuyobozi wungirije wa AFC/M23, Bertrand Bisimwa, n'Umuyobozi ushinzwe Ubutasi n'Ibikorwa bya Gisirikare, Colonel Nzenze Imani John bagiye i Doha, baganira na Leta ya Qatar ku byifuzo byabo.

Kenyatta ari mu bahuza batanu bashyizweho na EAC na SADC kugira ngo bagire uruhare mu gukemura ikibazo cy'intambara zimaze igihe mu Burasirazuba bwa Congo.

Abandi ni Olusegun Obasanjo wayoboye Nigeria, Catherine Samba Panza wayoboye Repubulika ya Centrafrique, Kgalema Motlanthe wayoboye Afurika y'Epfo na Sahle-Work Zewde wayoboye Ethiopia.

Perezida Kagame yakiriye Uhuru Kenyatta muri Village Urugwiro

Perezida Kagame yaganiriye na Uhuru Kenyatta ku bijyanye no gukemura impamvu muzi y’ibibazo bikunze kugaragara mu Burasirazuba bwa RDC

Perezida Kagame yakiriye Uhuru Kenyatta

Ni uruganda rwuzuye rutwaye asaga miliyoni 199 Frw.

Umuhango wo gufungura iri kusanyirizo ku mugaragaro, wabaye ku wa 10 Nyakanga 2025 mu Murenge wa Ruli, Akarere ka Gakenke.

Mu 2008 ni bwo iyi koperative isanzwe ihinga ikawa yatangije gahunda yo guha abanyamuryango bayo inka mu rwego rwo kwikura mu bukene.

Kuva icyo gihe inka zirenga 350 zaratanzwe, zirororoka horozwa n'abandi.

Nyuma y'uko abahinzi borojwe inka, koperative yanabashyiriyeho ikusanyirizo rito ry'amata ryatunganyaga umusaruro ungana na litiro 500 ku munsi.

Umukamo wariyongereye cyane ariko iri kusanyirizo ridafite ubushobozi bwo kuyakusanyiriza hamwe ngo bikunde.

Binyuze mu mushinga wa CDAT ugamije guteza imbere ubuhinzi n'ubworozi ku bufatanye n'Ikigo cy'Ikigega gishinzwe guteza Imbere Imishinga Mito n'Iciriritse (BDF) iyi koperative yatewe inkunga yo kongerera ubushobozi iri kusanyirizo.

Umuyobozi Mukuru wa Koperative Dukunde Kawa, Mubera Célestin, yagaragaje ko kuba uru ruganda rwuzuye rugiye gufasha abaturage kwiteza imbere ndetse no kubona ibikomoka ku mata bitandukanye ubundi byasabaga ko bajyaga kubishakira ahandi.

Yagize ati 'Ibyo twashakiraga kure birimo ikivuguto n'ibindi bitandukanye tugiye kuzajya tubibonera hafi cyane.'

Umuyobozi w'Akarere ka Gakenke, Mukandayisenga Vestine, yasabye abaturage kuzafata neza iri kusanyirizo ry'amata babonye ndetse bagerageza kuribyaza umusaruro.

Yagize ati 'Ikintu cya mbere ni uguhitamo icyororo cyiza. Muba mugomba kumenya inka mworoye uko zimeze kubera ko niba ufite inka idatanga umusaruro ntabwo wagakwiriye kwirirwa utegereza amata.'

Yerekanye ko ikindi gikomeye ari uko inka iba ikwiriye kuba ahantu heza, ifite ikiraro cyubatse neza kandi cyujuje ubuziranenge aho kugira ikiraro ariko kidasakaye neza.

Indi ngingo yagarutseho ni uko bakwiriye gufata inka nk'umuntu bakayigaburira neza ku masaha azwi ndetse ikaruhuka bihagije, avuga ko bifasha gutuma itanga umusaruro mwinshi kandi ku gihe.

Mu Karere ka Gakenke habarizwa inka zirenga ibihumbi 72 harimo izirenga 19,000 za Girinka. Zitanga umukamo ungana na litiro z'amata zirenga ibihumbi 13 mu makusanyirizo arindwi ari muri aka Karere.

Koperative Dukunde Kawa yatangiye mu mwaka wa 2000, kuri ubu igizwe n'abanyamuryango basaga 1193. Ikorana n'abahinzi basaga 3500 kandi 80% muri bo ni abagore.

Uruganda rw’amata rwatashywe mu Gakenke rwatwaye agera kuri 199.598.176 Frw. Rufite ubushobozi bwo gutunganya litiro z'amata 5000 ku munsi

Herekanywe imodoka ifite agaciro ka miliyoni zirenga 70 Frw izajya yifashishwa mu gutwara umusaruro w’amata ku masoko atandukanye

Ubwo Umuyobozi w'Akarere ka Gakenke, Mukandayisenga Vestine, n’uwa BDF, Munyeshyaka Vincent bahaga abana bato amata

Umuyobozi Mukuru w'Ikigega gishinzwe guteza Imbere Imishinga Mito n'Iciriritse (BDF), Munyeshyaka Vincent, yashimiye ubuyobozi bwa Koperative Dukunde Kawa bwagize uruhare mu kubaka uruganda rutunganya amata

Umuyobozi w'Akarere ka Gakenke, Mukandayisenga Vestine, yashishikarije abaturage gufata neza uruganda rw’amata bahawe

Koperative Dukunde Kawa itunganya ikawa mu buryo butanu, harimo n’iyi ya Anaerobic Natural Coffee

Amafoto: Cyubahiro Key