Webrwanda Backend

Blog

  • Uwimana Agnes yahagaritse gukora umwuga w’itangazamakuru mu Rwanda – #rwanda #RwOT

    Itangazo RMC yashyize hanze kuri uyu wa Kabiri tariki 14 Nzeri 2021, rivuga ko nyuma yo gusubiza ikarita yari yarahawe, Uwimana Agnes atakiri umunyamakuru w’umwuga wemerewe gukorera itangazamakuru mu Rwanda.

    Rigira riti “Madamu Uwimana Nkusi Agnes, yarwandikiye ibaruwa kuwa 13/09/2021 arusubiza ku bushake ikarita N° 14/168-63 yo gukora umwuga w’itangazamakuru yari yarahawe n’uru rwego tariki 02/08/2021.”

    Itangazo rikomeza rigira riti “RMC iramenyesha ko Madamu Uwimana Nkusi Agnes atakiri umunyamakuru w’umwuga wemerewe gukora itangazamakuru mu Rwanda nk’uko yari yarabiherewe uburenganzira na Rwanda Media Commission.”

    Uwimana aretse itangazamakuru nyuma y’iminsi hari amajwi menshi asaba ko yakurikiranwa n’ubutabera, aho bamushinja kwihisha inyuma y’itangazamakuru agakwirakwiza imvugo zipfobya Jenoside yakorewe Abatutsi, ndetse n’izibiba urwango ahanini yifashishije imiyoboro ya YouTube.

    Muri Gicurasi uyu mwaka, Umuryango w’Abanyarwanda biyemeje kurwanya abahakana n’abapfobya Jenoside, [Umurinzi Initiative] wahamagariye Abanyarwanda gusinya ku nyandiko isaba inzego z’ubutabera gukurikirana Uzaramba Aimable Karasira n’umunyamakuru Agnès Uwimana Nkusi ku byaha byo gupfobya Jenoside.

    Uyu muryango uyoborwa na Ingabire Marie Immaculée nka Perezida wawo bahagamagariye abantu gusinya intabaza [petition] nyuma yo kubona ko abarimo Uwimana Agnes n’abandi bakomeje gukora ibikorwa babona ko bigize ibyaha by’ingengabitekerezo ya Jenoside, gupfobya no guhakana Jenoside yakorewe Abatutsi.

    Mu mwaka wa 2010 Uwimana Nkusi Agnes yafashwe ashinjwa ibyaha byo gusebya Umukuru w’Igihugu no guhungabanya umudendezo w’igihugu, aza no guhamwa nabyo ndetse abifungirwa imyaka ine.

    Inkuru bijyanye:Icyihishe inyuma y’ubuhezanguni bwa Rashid, Idamange, Karasira, Cyuma n’abandi

    Leta yijunditswe ku kureberera abahakana n’abapfobya Jenoside bitwikiriye YouTube

    Itangazo RMC yashyize hanze

    Uwimana yasubije RMC ikarita yamwemereraga gukorera itangazamakuru ku butaka bw’u Rwanda

    source : https://ift.tt/3tKhsw6

  • Impunzi zo mu nkambi ya Gihembe zifite impungenge zo kwimurirwa i Mahama – #rwanda #RwOT

    Inkambi ya Gihembe ituwemo n’impunzi z’abanye-Congo. Bamwe mu bayivukiyemo bavuga ko batishimiye icyemezo cya Minisiteri y’Ibikorwa by’Ubutabazi cyo kubimura bagatuzwa mu nkambi yahoze ituwemo n’impunzi z’Abarundi i Mahama mu Karere ka Kirehe.

    Abaganiriye na IGIHE biganjemo urubyiruko rwavukiye muri iyi nkambi, rwagaragaje ko rutishimiye ubuzima bwo gusiragizwa mu nkambi zinyuranye cyane ko aho bari bamaze kumenyera ikirere n’imikorere yahoo.

    Alice Mushimiyimana, umwe muri bo yagize ati “Ntabwo tubyumva neza kuko ni ikintu kitari cyiza kandi tutishimiye. Kumva ko ubarizwa ahantu runaka none bagiye kukwimura, uri impunzi none usa n’ugiye kongera guhunga. Ikintu cyo guhora tugenda bidindiza imitekerereze. Iyo bagukuye hamwe bakakujyana ahandi utekereza ko naho handi bazahagukura. Abenshi twari twararenze imitekerereze y’ubuhunzi none bagaruye kwimuka bituma ingaruka z’ubuhunzi zongera kutugeraho.”

    Yavuze ko kwimurwa byongera kubibutsa koko ko bari mu gihugu kitari icyabo bityo bagasaba ko hatekerezwa uburyo buhamye bwo kubatuza ahantu bazava basubira iwabo.

    Mpatswe Théo yongeyeho ko hari n’abari bamaze kubona imirimo inyuranye mu Karere ka Gicumbi bagiye kuyisiga kandi bari batunze imiryango.

    Ati “Iyo wamenyereye ahantu bakakujyana ahandi ni ibintu bikuvuna kugira ngo umenyere ikirere cyaho. Ababyeyi na bo birabababaza cyane kuko usanga ahangaha baba baramenyereye bajya gucuruza babona n’icyo gihumbi bakaza tukarya none tugiye kwimuka.”

    Umukozi muri Minisiteri y’ubutabazi uyobora iyi nkambi, Murebwayire Goretti, yavuze ko abafite impungenge badakwiye kuzigira kuko icyo cyemezo cyafashwe mu rwego rwo kubatuza aheza kandi hagutse kurushaho.

    Ati “Kuba bagiye kujyanwa i Mahama nta muntu byagateye impungenge kuko aho bagiye n’ubundi bagiye mu nkambi kandi isanzwe ikora. Nubwo bafite impungenge nta kibazo gihari. Uburyo bakoraga kugira ngo babeho bazakomeza n’i Mahama babikore kandi nicyo bafashwaga bazakomeza bagifashwe. Mahama ni nziza pe kuko iraruta inkambi y’aha ngaha.”

    Umuyobozi wa UNFPA mu Rwanda, Mark Bryan Schreiner, yavuze ko kuba impunzi zitujwe muri iyo nkambi zigiye kwimukira i Mahama bitazababuza gukomeza gukorana nazo no kuzishyigikira mu buryo bunyuranye.

    Yagaragaje ko no muri iyo nkambi ibikorwa bizakomeza cyane ko imwe mu mishinga ihari iteganyijwe kuzarangirana na 2023.

    Umuyobozi wa KOICA mu Rwanda, Chon Gyong Shik, yagaragaje ko bamaze gutanga inkunga y’amafaranga asaga miliyoni 5 z’amadorali, ni hafi miliyari eshanu z’amafaranga y’u Rwanda, mu mishinga inyuranye yo gufasha impunzi mu mibereho yazo kandi ko batazahwema gukora ibikorwa nk’ibyo.

    Biteganyijwe Ibikorwa byo kwimura impunzi bizasubukurwa ku wa 20 Nzeri 2021 kandi ku ikubitiro hazagenda impunzi 500 zisanga izindi 2393 zajyanwe muri Gicurasi uyu mwaka zibarurwa mu miryango 520.

    Muri rusange impunzi 9922, zigize imiryango 2227 nizo zicumbikiwe muri iyo nkambi. Hifuzwa ko mu Ukuboza 2021 zose zaba zamaze kugezwa mu nkambi ya Mahama ndetse kubigeraho ngo bizasaba ko buri icyumweru hazajya hoherezwa abanyu nibura 1000.

    Impunzi z’Abanye-Congo zari zimaze igihe mu nkambi ya Gihembe zatangiye kwimurirwa i Mahama

    source : https://ift.tt/2YWKeOG

  • Nyamirambo: Hashyizweho irondo ryihariye rizatuma Covid-19 iba amateka – #rwanda #RwOT

    Iri rondo rigizwe n’abantu barindwi muri buri kagari kagize uwo murenge. Bafite akazi ko kureba uburyo ingamba zo kubahiriza amabwiriza yo kwirinda ikwirakwira rya Covid-19 zishyirwa mu bikorwa.

    Izi ngamba zashyizweho muri gahunda y’Akarere ka Nyarugenge izwi nka ’Operation Covid-19 Free’ igamije gutuma ubwandu bugabanuka cyane muri ako Karere kagize Umujyi wa Kigali.

    Umunyamabanga Nshingwabikorwa w’Umurenge wa Nyamirambo, Claudine Uwera, yavuze ko iri tsinda rije ryiyongera ku yandi asanzweho ndetse n’ubundi buryo bwo gukurikirana uko amabwiriza yo kwirinda Covid-19 yubahirizwa, byose bigamije kwirinda ikwirakwira ry’icyorezo cya Covid-19.

    Yagize ati “Iri tsinda ry’abanyerondo twashyizeho rishinzwe kudufasha mu bugenzuzi bw’ahantu hahurira abantu benshi, kugira ngo berebe ko amabwiriza yo kwirinda covid-19 yubahirizwa. Bazajya bafatanya n’abakorerabushake, ndetse twanashyizeho radiyo kugira ngo akazi k’ubukangurambaga karusheho kugenda neza, abantu bagire ishyaka ryo kubahiriza amabwiriza yo kwirinda iki cyorezo.”

    Ubwandu bwa Covid-19 bwaragabanutse cyane mu Mujyi wa Kigali kuko tariki ya 13 Nzeri, handuye abantu 33, bitewe ahanini n’ibikorwa by’ikingira bimaze gukwira henshi muri uyu Murwa w’u Rwanda.

    Muri rusange, abantu barenga miliyoni bamaze gukingirwa icyorezo cya Covid-19.

    Ubuyobozi bw’umurenge wa Nyamirambo bwashyizeho abanyerondo bazagira uruhare mu ishyirwa mu bikorwa ry’amabwiriza yo kwirinda ikwirakwira ry’icyorezo cya Covid-19

    source : https://ift.tt/3CfaDpo

  • Yafashwe akekwaho gushuka abagore n’abakobwa, akabiba nyuma yo kubasambanya – #rwanda #RwOT

    Uyu mugabo usanzwe atuye mu Murenge wa Jali, Akarere ka Gasabo yatawe muri yombi tariki 9 Nzeri 2021 nyuma y’amakuru yatanzwe na bamwe mubo yakoreye ubu bugizi bwa nabi.

    Ubwo yerekwaga itangazamakuru kuri uyu wa Kabiri, yavuze ko ibi bikorwa yabitangiye muri Gicurasi uyu mwaka nyuma y’uko akazi ko kubaka yakoraga gahagaze.

    Yajyaga kuri Facebook akandikira umukobwa, bagatangira baganira bisanzwe ariko nyuma y’igihe uyu mugabo akazabeshya wa mugore cyangwa umukobwa ko afite Ikigo ashaka kuzamuhamo akazi kajyanye n’ubwubatsi

    Ni ibintu byakorwaga mu mayeri akomeye cyane ko n’iki kigo yababeshyaga ko kizabaha akazi nta cyabagaho gusa aba bakobwa n’abagore ngo yabizezaga ko bo bazajya bakora mu bijyanye no gucunga ibikoresho [Stock].

    Ati “Njya kuri Facebook, mpahurira n’inshuti, haza kuvamo imwe y’umukobwa nyisaba ko yaza i Kigali [yari aturutse i Rulindo mu Murenge wa Kisaro] tukabonana nk’abantu twari duhuriye kuri Facebook twamaze kuba inshuti. Araza turabonana ariko muri uko kubonana ibyari bigambiriwe nk’ubucuti siko byagenze kuko nahise mwiba igikapu cye na telefone ndabitwara.”

    Uyu mugabo yakomeje ibi bikorwa bye ku bandi bakobwa n’abagore ndetse ngo hari n’abo yibaga telefone zabo akazikuramo nimero z’abandi bagenzi babo agatangira kubashuka kugeza nabo ahuye nabo.

    Uretse abo yamburaga ariko, mu bantu b’igitsinagore batanu yari amaze gukorera ibi bikorwa harimo babiri yagiye yambura nyuma yo kubasambanya ndetse bivugwa ko hari uwo yanduje indwara zidakira.

    Ku rundi ruhande ariko n’ubwo uyu mugabo avuga ko abo yasambanyije bose babaga babyumvikanyeho cyane ko yabaga yabijeje ko azabaha akazi, ngo bararyamanaga akaza kubaha ibiyobyabwenge bibasinziriza ku buryo bamaraga gusinzira agahita abiba ibyo bari bafite byose akigendera.

    Ati “Ahubwo icyaje kuba ikibazo ni uko nyuma ibyo nabizezaga bitashobokaga bikaza kuba ngombwa ko bantangira ikirego cy’uko nabasambanyije. Nabizezaga nk’abantu baje mu kazi, bahagera bagasanga akazi nta gahari ahubwo nkabiba.”

    Yakomeje agira ati “Abo twaryamanye ni babiri, twabikoreraga mu Gatsata ahantu mu byumba [Lodges]. Ndasaba imbabazi, ndicuza cyane kuko nasebeje umuryango Nyarwanda, ndi ikigwari, ndigaya.”

    Uyu mugabo kuri ubu akurikiranyweho ibyaha bitanu birimo bitatu byo gukoresha undi imibonano mpuzabitsina ku gahato, kwanduza undi indwara no kwihesha ikintu cy’undi hakoresheje uburiganya.

    Umuvugizi wa RIB, Dr Murangira B. Thierry yavuze ko abaturage bakwiriye kugira amakenga ndetse anibutsa ko nta na rimwe abantu nk’aba bazihanganirwa.

    Ati “Abantu bose bagomba kugira amakenga. Ntabwo umuntu wese uguhamagaye akubwira ko agiye kuguha akazi agomba kukaguhera muri ’Lodge’, aguhaye akazi akakubwira ngo uzaze ku biro aha n’aha ariko kujya gushakira akazi no kugaherebwa muri ’Lodge’ urumva ko hari ibindi biba bibyihishe inyuma.”

    Yakomeje agira ati “Bishobora kubyara ibyaha nk’ibyo byo gusambanywa, kwibwa n’ibindi bishobora kuvukamo indwara zidakira.Tukaba tubwira abantu ko bakwiye kugira amakenga no kutizera abantu nk’abo.”

    Dr Murangira yashimye abaturage batanga amakuru kugira ngo abantu nk’aba bafite umugambi mubisha batabwe muri yombi, bagezwe imbere y’ubutabera.

    Ibyaha byakozwe n’uyu mugabo biri mu byaha biremereye aho icyo gusambanya umuntu ku gahato no kumwanduza indwara gihanishwa igifungo cya burundu , mu gihe icyo kwihesha ikintu cy’undi hakoreshejwe uburiganya gihanishwa igifungo cy’imyaka ibiri.

    Uyu mugabo bivugwa ko yashukaga abagore n’abakobwa bagahurira muri lodge, akabasambanya hanyuma akabiba

    Bimwe mu byangombwa bitandukanye uyu mugabo yafatanywe

    Nyuma yo gusambanya abagore n’abakobwa yashutse, uyu mugabo yakurikizagaho kubiba

    source : https://ift.tt/3CcpbWF

  • Uganda yihimuye ku Rwanda irutwara umwanya wa 5 mu gikombe cya Afurika cya Volleyball #rwanda #RwOT

    Uganda yegukanye umwanya wa gatanu muri iki gikombe cya Afurika cya Volleyball mu Bagabo, nyuma yo gutsinda u Rwanda amaseti 3:1. U Rwanda rusoreje iri rushanwa ryaberaga muri Kigali Arena ku mwanya wa gatandatu.

    U Rwanda rwari rwatangiye neza rutsinda Uganda amanota 25:21 mu iseti ya mbere y'uyu mukino wo guhatanira umwanya wa gatanu mu Gikombe cya Afurika cya Volleyball mu Bagabo ariko imbaraga zarubanye nkeya mu maseti 3 yakurikiyeho.

    iseti ya kabiri YAtwawe na Uganda yatsinze U Rwanda ku manota 25-23 mu gihe iseti ya gatatu Uganda, yayiitsinze U Rwanda ku manota 25-20.

    Iseti ya nyuma ari nayo mbi cyane u Rwanda rukinnye muri iri rushanwa,Uganda yayitsinze ku manota 25 kuri 13.

    Ni ku nshuro ya kane u Rwanda rwegukanye umwanya wa gatandatu mu Gikombe cya Afurika cya Volleyball mu bagabo mu nshuro zirindwi rumaze gukina iri rushanwa.

    Ahandi ni mu 2005, 2015 na 2017. Mu 2007, rwabaye urwa munani kimwe no mu 2003 mu gihe mu 1987 rwabaye urwa karindwi.

    Mu guhatanira umwanya wa karindwi n'uwa munani, Nigeria yatsinze Repubulika Iharanira Demokarasi ya Congo amaseti 3-0 (25-10, 25-20, 25-22).

    Umwanya wa gatatu niwo wahise ukurikiraho kuri uyu wa Kabiri guhera saa Cyenda hagati ya Maroc na Misiri mu gihe umukino wa nyuma uhuza Tunisia na Cameroun guhera saa Kumi n'ebyiri mbere y'uko haba ibirori byo gusoza irushanwa.



    Source : https://umuryango.rw/imyidagaduro/imikino/article/uganda-yihimuye-ku-rwanda-irutwara-umwanya-wa-5-mu-gikombe-cya-afurika-cya

  • Tunisia yegukanye igikombe cy’Afurika, u Rwanda rusoza ku mwanya wa 6 #rwanda #RwOT

    Igikombe cy’Afurika muri Volleyball mu bagabo cyari kimaze iminsi kibera mu Rwanda, cyasojwe kuri uyu wa Kabiri cyegukanywe na Tunisia yatsinze Cameroon ku mukino wa nyuma amaseti 3-1.

    Aya makipe yombi yahuye ku mukino nyuma, nyuma y’uko muri 1/2 Cameroon yasezereye Morocco n’aho Tunisia isezera Misiri.

    Uyu mukino wabereye muri Kigali Arena, Cameroon yatsinze iseti ya mbere mu buryo bworoshye, amanota 25-16, yaje gutungurwa ubwo Tunisia yayitsindaga amaseti 2 akurikiyeho, buri imwe kuri 25-21. Iseti ya nyuma Tunisia yayitsinze ku manota 25-16.

    Mu guhatanira umwanya wa gatatu, Misiri yatsinze Maroc amaseti 3-1 (23-25, 28-26, 25-21, 25-18).

    U Rwanda rwasoreje ku mwanya wa gatandatu rutsinzwe na Uganda amaseti 3-1 (25-21, 23-25, 20-25, 13-25) mu gihe Nigeria yabaye iya karindwi itsinze Repubulika Iharanira Demokarasi ya Congo amaseti 3-0 (25-10, 25-20, 25-22).

    Kenya, Mali, u Burundi, Niger, Burkina Faso, Sudani y’Epfo, Ethiopia na Tanzania byasoreje mu myanya icyenda ya nyuma.

    Tunisia yegukanye igikombe itsinze Cameroon ku mukino wa nyuma

    Source : http://isimbi.rw/siporo/article/tunisia-yegukanye-igikombe-cy-afurika-u-rwanda-rusoza-ku-mwanya-wa-6

  • Pastor Habineza Joseph ufitanye indirimbo na… – #rwanda #RwOT

    Pastor Joe ni ryo zina akoresha mu buhanzi, akaba atari mushya mu muziki kuko anafite indirimbo yakoranye na The Ben mu 2015, akaba ari nayo yasubiranyemo n’abaramyi bakunzwe cyane mu Rwanda ari bo Aime Uwimana na Rachel Uwineza. Iyi ndirimbo agiye gushyira hanze yitwa ‘Igorigota’, ikaba izajya hanze tariki 18 Nzeri 2021 iri kumwe n’amashusho yayo yafatiwe mu Rwanda na Doux naho amajwi (Audio) yayo akaba yarakozwe na Boris.

    ‘Igorigota’ ya Pastor Joe Ft Aime Uwimana & Rachel Uwineza, izaza isanga ‘Ibyiringiro’ yakoranye na The Ben n’iyitwa ‘I surrender’ yitegura gusohorera amashusho mu gihe cya vuba, bikaba biteganyijwe ko azakorwa na Licky Licky. Pastor Joe avuga ko uwakenera indirimbo ze yazisanga kuri shene ye ya Youtube ariyo JIH Joe na Instagram ni JIH_Joe ndetse no kuri Facebook yitwa JIH Joe, ati “Byose ni bishya kubisura ni inkunga ikomeye”.

    Pastor Habineza Israel Joseph arakataje mu muziki

    Mu kiganiro yagiranye na INYARWANDA, Pastor Joe yadutangarie ko afite imishinga myinshi yiteguye gukorera hano mu Rwanda harimo ibitaramo, gushyira hanze izindi ndirimbo zivuga ubutumwa bwiza no guhumuriza no gusana imitima ya benshi. Yagize ati: “Mbinyujije muri HABINEZA HOPE FOUNDATION niteguye gukora ibitaramo byinshi, nzifashisha n'abandi bahanzi ariko intego nyamukuru ari ugufasha abana b’imfubyi cyangwa abana baba mu miryango itishoboye”.

    Yakomeje agira ati “Nta yindi ntego nfite ku mutima wanjye usibye kurengera abatishoboye n'abandi bahuye n'ibibazo bikomeye mu gihugu cyacu binyuze muri iyo Foundation. Mugiye kujya mubona indirimbo nyinshi n'ibitaramo byinshi nkoresheje iyi mpano Imana yampaye, nzanjya nzana n'abandi bahanzi b’ino muri USA tuvuge ubutumwa, ikivuyemo cyose 100% kizajya gifasha abo twavuze haruguru”.

    Pastor Joe ubarizwa muri USA muri Leta ya Idaho, ni umunyarwanda watangiye umurimo w'Imana akiri muto ku myaka 8 mu ishuri ryo ku Cyumweru (Sunday School) muri AEBR Kacyiru, akomereza mu ma korali no muri Kaminuza yakomeje umurimo wo kuririmba. Yaje kwerekeza muri Nigeria ahiga ibijyanye na ‘Theology’, akomereza umurimo w'Imana muri Amerika akaba ari ho atuye n’umuryango we. Avuka mu muryango w’abakristo ndetse Se umubyara Rev. Dr Bashaka Faustin yayoboye Itorero AEBR imyaka itari micye.

    Pastor Joe ni yo mazina akoresha mu muziki

    Pastor Joe agiye gushyira hanze indirimbo yakoranye na Aime Uwimana na Uwineza Rachel

    The Ben afitanye indirimbo na Pastor Joe yitwa ‘Ibyiringiro’

    Uwineza Rachel umuramyi uri mu bakunzwe cyane mu Rwanda

    Aime Uwimana afatwa nka Bishop w’abahanzi kubera uburyo benshi bamufatiraho urugero mu muziki

    Urusengero Pastor Joe akoreramo umurimo w’Imana muri Amerika

    REBA HANO ‘IBYIRINGIRO’ INDIRIMBO YA PASTOR HABINEZA JOE FT THE BEN

    Source : https://inyarwanda.com/inkuru/109520/pastor-habineza-joseph-ufitanye-indirimbo-na-the-ben-yateguje-indi-nshya-yakoranye-na-aime-109520.html

  • Volleyball: U Rwanda rutsinzwe na Uganda ruso… – #rwanda #RwOT

    Ni umukino utoroheye u Rwanda n’ubwo rwari rwatangiye neza umukino rutsinda iseti ya mbere, ariko ibyakurikiyeho ntabwo byabaye byiza kuko iseti eshatu zose zegukanwe na Uganda.Uyu mukino wabereye muri Kigali Arena, ntabwo wari witabiriwe n'abafana benshi nk'ibisanzwe, kuko wabaye mu masaha y'akazi, atorohereza umufana kubibangikanya kuza ku kibuga.

    Ikipe y'igihugu y'u Rwanda yatangiye neza umukino itsinda iseti ya Mbere ku manota 25-21, gusa Uganda yisubiyeho igarukana imbaraga mu gace ka kabiri itsinda u Rwanda ku manota 25-23, inatsinda iseti ya gatatu ku manota 25-20, inatsinda iseti ya Kane biyoroheye cyane ku manota 25-13, bituma isoza itsinze umukino kuri seti 3-1.

    Uganda yaherukaga gutsindwa n'u Rwanda mu mukino wo mu itsinda A amakipe yombi yari aherereyemo kuri seti 3-2, uyu munsi yanze gutsindwa n'u Rwanda imikino ibiri yikurikiranya, yihagararaho n’ubwo yakinaga n'ikipe iri mu rugo.

    Uganda yasoje irushanwa yegukanye umwanya wa Gatanu yahataniraga n'u Rwanda, mu gihe u Rwanda rwasoje ku mwanya wa Gatandatu. Umwanya mwiza u Rwanda rwegukanye muri iri rushanwa nyafrika ni uwa Gatanu, rwegukanye mu mwaka wa 2017 rutsinze Libya amaseti 3-1 mu mikino yari yabereye mu Misiri.

    Umukino uhuza ibi bihugu byombi iteka uba ukomeye cyane

    Uganda yihimuye klu Rwanda irutwara umwanya wa Gatanu

    U Rwanda rwananiwe gutsinda Uganda imikino ibiri yikurikiranya

    Uganda yasoje irushanwa ku mwanya wa Gatanu nyuma yo gutsinda u Rwanda

    Source : https://inyarwanda.com/inkuru/109519/volleyball-u-rwanda-rutsinzwe-na-uganda-rusoza-ku-mwanya-wa-gatandatu-mu-gikombe-cya-afuri-109519.html

  • Umuhanzi The Flowolf wo muri Nigeria uri mu R… – #rwanda #RwOT

    INYARWANDA yahawe amakuru avuga ko uyu muhanzi yageze mu Rwanda ari kumwe na Mubyara w'umuhanzi Davido akaba ari nawe mujyanama wabo.

    Bageze ku kibuga cy'indege Mpuzamahanga cya Kigali bari mu indege yihariye (Private Jet). Mubyara wa Davido ni umunyamafaranga ku buryo bivugwa ko afite 'Private Jet' zirenga eshatu, binatuma ari we ushora imari mu muziki w'uyu muhanzi.

    Akigera mu Rwanda, The Flowolf yakoranye indirimbo eshatu na Igor Mabano. Ndetse uyu muhanzi yanakoranye indirimbo n'umuraperi OG The General, umuhungu wa Albert Rudatsimburwa washinze Contact Tv akaba n'umusesenguzi muri Politike.

    Umuhungu we yabaye igihe kinini mu Bubiligi ahakorera umuziki, ndetse mu myaka icyenda ishize yakoranye indirimbo 'Boum boum' na Ai Kiba.

    OG The General yatangiye umuziki mu myaka ya 2006 na 2007 akorana cyane na TFP hamwe n'itsinda rye ryitwaga UCT.

    Flowolf uri mu Rwanda ni umuhanzi w'umunya-Nigeria, umuririmbyi akaba n'umwanditsi w'indirimbo. Yavutse tariki 19 Ukwakira 1994, akurira mu Mujyi wa Lagos muri Nigeria ari naho yize amashuri abanza n'ayisumbuye.

    Uyu muhanzi yakuriye muri korali kugeza ubwo atangiye urugendo rw'umuziki nk'umuhanzi wigenga mu 2015 asinya amasezerano mu inzu abahanzi bya muzika ya Ocho Records.

    Ubu, ni umwe mu bahanzi babarizwa muri Label ya Davido yitwa Davido Music Worldwide iri mu zikomeye muri Nigeria.

    Uyu muhanzi ushyize imbere injyana na Afro-pop yamenyekanye mu ndirimbo 'No shaking' yakoranye na Mayorkun na Peruzzi. Ndetse afite indirimbo zirimo iyo yakoranye na Davido, Zlatan n'abandi.

    Flowolf [Ufite umusatsi urimo tentire] yagaragaje ko anogewe n'ibihe ari kugurira mu Rwanda Igor Mabano yakoranye indirimbo eshatu na Flowolf wo muri Nigeria 

    Flowolf afashwa mu muziki n'umuhanzi Davido ufite ikuzo muri Afurika

    KANDA HANO UREBE AMASHUSHO Y'INDIRIMBO 'KO BA MI' YA THE FLOWOLF NA ZLATAN

    Source : https://inyarwanda.com/inkuru/109517/umuhanzi-the-flowolf-wo-muri-nigeria-uri-mu-rwanda-ari-gukorana-indirimbo-na-igor-mabano-109517.html

  • Rayon Sports y’amasura mashya harimo na rutahizamu uvuye muri Yanga yatangiye imyitozo(AMAFOTO) #rwanda #RwOT

    Ikipe ya Rayon Sports yatangiye imyitozo yitegura umwaka w’imikino wa 2021-202, ni imyitozo yagaragayemo abakinnyi benshi b’iyi kipe ndetse harimo na bamwe bari mu igeragezwa.

    Ni imyitozo yabereye ku kibuga cy’iyi kipe mu Nzove aho isanzwe ikorera imyitozo, ikaba yayobowe na Lomami Marcel, umutoza wungirije w’iyi kipe, ni mu gihe umutoza mukuru Masudi Djuma akiri i Burundi aho yagiye gushyingura se witabye Imana.

    Mu bakinnyi ba Rayon Sports batakoze imyitozo harimo rutahizamu ukomoka muri DR Congo, Manace Mutatu ndetse n’umunyezamu Kwizera Olivier (we ahamya ko nta masezerano y’iyi kipe afite).

    Abakinnyi bashya bose iyi kipe yaguze barimo Mugisha François Master, Mushimiyimana Mohammed, Mico Justin, Muvandimwe JMV, Byumvuhore Tresor, Mitima Isaac bose bari bahari batangiye imyitozo.

    Uretse aba bakinnyi kandi hari n’abandi barenga batanu baje mu igeragezwa ry’ibyumweru bibiri muri iyi kipe.

    Harimo myugariro Nizigiyimana Kalim Mackenzie ukomoka mu Burundi, hari kandi n’undi murundi Muntore Jean Pipi uherutse gutsindwa igeragezwa muri Yanga yo muri Tanzania.

    Kamoso wakiniraga ikipe ya AS Muhanga, rutahizamu ukomoka muri Cameroon n’abandi.

    Iyi myitozo ya mbere ikaba yitabiriwe kandi na perezida wa Rayon Sports, Uwayezu Jean Fidele.

    Perezida wa Rayon Sports yitabiriye iyi myitozo

    Mackenzie ari mu igeragezwa muri Rayon Sports yahoze akinira

    Muntore Jean Pipi(ibumoso) ahabwa ikaze na Blaise Nishimwe

    Mitima Isaac (ibumoso), Muvandimwe JMV (hagati) na Mico Justin (iburyo) abakinnyi bashya ba Rayon Sports yaguze

    Mugisha François Master mu myitozo ya Rayon Sports yaherukagamo muri 2018

    Abakinnyi ba Rayon Sports benshi bitabiriye imyitozo

    Hakozwe imyitozo itandukanye hatarimo gukora ku mupira

    Byari ibyishimo bikomeye kuri aba bakinnyi

    Source : http://isimbi.rw/siporo/article/rayon-sports-y-amasura-mashya-harimo-na-rutahizamu-uvuye-muri-yanga-yatangiye-imyitozo-amafoto