Blog

Ibi bytangiye kugaragara mu ntangiriro z'uku kwezi, ubwo bamwe mu basirikare ba RDF bagaragaye mu ruhame bari bambaye impuzankano ziriho utwo tudarapo dushya.

Umuvugizi wa RDF, Brig Gen Ronald Rwivanga, yabwiye IGIHE ko impinduka zakozwe ku mpuzankano, ari uko idarapo ryo kukuboko ryari mu mabara acyeye cyane, ubu tukaba turi mu mabara yijimye.

Ati “Ka kandi karabonaga cyane, aka ngaka karijimye, nta kindi. Impamvu ni ukuvanaho ariya mabara acyeye, nk'uko n'impuzankano twavuye ku mabara amwe tukajya ku yandi, kugira ngo ntabone cyane nk'uko yabonaga…Ubundi impuzankano ya gisirikare igomba kugira 'camouflage'.”

Amabara ya camouflage ni amabara yihariye akoreshwa kugira ngo umuntu, inyamaswa, cyangwa ikintu kitagaragara neza aho giherereye, kibashe kwibumbira mu mabara y'ibidukikije bikigose. Ayo mabara akunze kujya mu myenda cyangwa ku bintu mu buryo buvanze kugira ngo bishobore guhisha icyo kintu.

Camouflage ifasha kwihisha cyangwa kutagaragara neza, cyane cyane mu gihe hari ibyago byo kugabwaho igitero cyangwa mu gihe cy'ubwirinzi.

Utudarapo two ku mpuzankano ya RDF ni uku tugaragara

Umugaba Mukuru w’Inkeragutabara, Maj Gen Alexis Kagame, ubwo yari i Nyagatare ubwo hatahwaga inzu 16 zubakiwe abaturage, yari yambaye impuzankano iriho idarapo rishya

Umugaba Mukuru w’Ingabo z’u Rwanda, Gen Mubarakh Muganga, ubwo yatahaga ivomo ryubakiwe abaturage i Kayonza yari yambaye impuzankano iriho idarapo rigaragara mu buryo bushya

Umugaba Mukuru w’Ingabo z’u Rwanda mu mpuzankano iriho idarapo rishya

Idarapo ryari ku mpuzankano mbere ni uku ryagaragaraga

Ibi biro bishya byatashywe kumugaragaro kuri uyu wa Kane tariki ya 3 Nyakanga 2025, mu gitaramo cyo kwishimira umunsi wo Kwibohora ku nshuro ya 31.

Ibi biro bishya bigizwe n'ibyumba bitandatu birimo icyumba kizajya gikoreramo Umunyamabanga Nshingwabikorwa w'Akagari, icyumba cy'inama kinini, icyumba kizajya gikoreramo SEDO, icyumba cyahariwe Umukuru w'Umudugudu, icyumba cy'Abunzi, ubwiherero bubiri bwo mu nzu n'ubwo hanze ndetse n'ibikoresho byo mu biro.

Umunyamabanga Nshingwabikorwa w'Umurenge wa Munyiginya, Mukantambara Brigitte, yavuze ko bari basanganwe ibiro by'Akagari ka Binunga bishaje ku buryo byari biteye ipfunwe. Ubwo bari batangiye gushaka uko bakwiyubakira ibiro bishya, umwe mu baturage bahavuka yabemereye kububakira ibiro bishya bigezweho ahita anabyubaka mu kwezi kumwe.

Ngarambe Godfrey utuye mu Mudugudu w'Umuhumuro mu Kagari ka Binunga yagize ati 'Ni ibiro rwose byaduteraga ipfunwe kuko amabati yari ashaje cyane ndetse anava, inzugi zari imbaho, sima yararobaguritse, ibirahure byaravuyemo. Ubu rero turishimye iki ni ikimenyetso cyo kwigira no kwishakamo ibisubizo.''

Mukakarangwa Donine, yavuze ko ibiro by'Akagari byari bisanzwe byabaterafa ipfunwe, yashimye ko mu kubaka ibiro bishya yahawe akazi ko gusiga amarange ku buryo byamufashije mu kwiteza imbere.

Umuyobozi w'Akarere ka Rwamagana, Mbonyumuvunyi Radjab, yavuze ko ibiro bishya by'Akagari ka Binunga byuzuye biri mu mujyo wo Kwibohora ku kuva gukorera ahantu habi abantu bakorera ahantu heza.

Ati 'Ibi biro by'Akagari bivuze ikintu kinini, bivuze intambwe abaturage b'Abanyarwanda bamaze kugeraho mu kumva uruhare rwabo mu bibakorerwa, mu kumva y'uko bafite ishema n'ishyaka ryinshi ryo kugira ngo babeho neza, bahabwe serivisi nziza bazihererwe ahantu heza, ni muri urwo rwego umuturage uvuka muri aka Kagari yadufashije mu kubaka ibi biro bishya.''

Meya Mbonyumuvunyi yavuze ko basaba abayobozi bazatangira serivisi muri aka Kagari gutanga serivisi nziza, ku buryo abaturage bazabagana bazajya bahava bishimiye serivisi bahawe.

Ibi biro bishya byuzuye bitwaye miliyoni 64 Frw

Meya Mbonyumuvunyi ataha ibi biro by’akagari

Ibi ni byo biro aka kagari kakoreragamo

Yabigarutseho kuri uyu wa Kane tariki ya 3 Nyakanga 2025, ubwo ku bitaro biri ku rwego rwa Kabiri bya Kibungo hasorezwaga ibikorwa by'ubuvuzi byari bimaze icyumweru bikorwa n'abasirikare b'inzobere mu buvuzi bo mu bihugu bigize Umuryango w'Afurika y'Iburasirazuba, EAC-CIMIC.

Ni igikorwa cyabaye umwihariko muri uyu mwaka kuko cyabaye impurirane y'ibikorwa by'Ingabo zisanzwe zikora buri mwaka imbere mu gihugu, ibikorwa byo kuvura abaturage bya EAC ndetse no kwizihiza imyaka 25 Polisi y'u Rwanda imaze ifatanya n'abaturage.

Muri iki Cyumweru abaturage bavuwe indwara icumi zirimo indwara zo mu mubiri, iz'amaso, iz'ababyeyi, indwara zo mu kanwa, iz'abana, kubaga amagufa n'izindi nyinshi.

Minisitiri w'Ubuzima, Dr. Sabin Nsanzimana, yavuze ko ibikorwa byakozwe n'ingabo za EAC muri uyu mwaka byaje bisanga ibisanzwe bikorwa n'Ingabo na Polisi by'u Rwanda bimara amezi atatu, avuga ko byatanze umusaruro kuko abaturage barenga ibihumbi 40 bahawe ubuvuzi.

Ati ''By'umwihariko rero mu buzima, muri aya mezi atatu gusa havuwe abaturage barenga ibihumbi 40. Ni umubare munini ugereranyije n'uko dusanzwe tuvura, dufite abaganga bake, tukagira abarwayi benshi ari nayo mpamvu dufite gahunda yo kongera abaganga. Iyo hajemo izi gahunda z'ingabo ndetse bigahabwa umwihariko birihuta bikagera no kuri ba baturage bari bafite gahunda yo kuzavurwa mu gihe kiri imbere.''

Minisitiri Nsanzimana yakomeje avuga ko bifuza ko iki gikorwa cyaguka kikajya kiba inshuro nyinshi kuko basanze bifasha abaturage benshi.

Ati ''Ni igikorwa cyiza kijyanye n'umunsi wo kwibohora ku nshuro ya 31, bikaba binakorwa mbere. Kwibohora rero ntabwo ari iby'urugamba gusa ni no kwibohora indwara, ubukene n'ibindi byose bibangamira ubuzima bw'umuturage ari nayo mpamvu ingabo zibizamo tugafatanya twese.''

Habiyakare Jean Baptiste waturutse mu Murenge wa Rurenge mu Kagari ka Rujambara, yavuze ko yarwaye indwara yo kutabasha kujya mu bwiherero aho yari ayimaranye amezi icyenda. Yavuze ko yari asanzwe ajya kwa muganga bakamupima bakamubwira ko ari inzoka ariko uyu munsi ingabo zikaba zamuvuye.

Ati 'Icyo ingabo zamfashije naraje banyakira neza, bamfata ibipimo byose kandi ku buntu mu buryo bwihuse, baraye bancishije mu cyuma ku mugoroba ubu naje gufata imiti. Ubu mfite ishimwe ry'uko nshobora gukira nkurikije uko bansuzumye n'uko banyitayeho.''

Kankindi Espérance wavuye mu Kagari ka Rugese mu Murenge wa Rurenge, yavuze ko yari amaze imyaka itandatu arwaye mu gatuza ndetse no mu ngingo.

Yavuze ko yajyaga ajya kwivuza ntahabwe ubuvuzi mu buryo bumeze neza nk'ubwo ingabo zamuhaye.

Umunyamabanga Mukuru w'Umuryango wa Afurika y'Iburasirazuba, EAC, Veronica Mueni Nduva, yashimiye Leta y'u Rwanda yabashije kwakira neza abasirikare bo muri EAC.

Yakomeje avuga ko guhuza imbaraga muri ibi bikorwa ku ngabo zo mu bihugu bitandukanye bigamije kuzamura ubuvuzi n'ibikorwa bitandukanye bikorwa abaturage muri buri gihugu.

Yavuze ko nubwo ibi bikorwa bibaye ku nshuro ya gatanu byagiye bizamura imibereho myiza y'abaturage binyuze mu buvuzi butangwa, kubaka ibiraro, kubakira inzu abatishoboye n'ibindi bikorwa bihuriweho.

Muri ibi bikorwa kandi hari inzu zirenga 70 z'abatishoboye zubatswe, ibiraro birenga 13 byubatswe, amashuri y'inshuke arenga icumi, amashanyarazi y'izuba yatanzwe n'ibindi bikorwa byinshi bitandukanye.

Abarenga ibihumbi 40 bavuwe n'Ingabo mu mezi atatu

Ni igikorwa cyabaye umwihariko muri uyu mwaka kuko cyabaye impurirane y'ibikorwa by'Ingabo zisanzwe zikora buri mwaka imbere mu gihugu, ibikorwa byo kuvura abaturage bya EAC ndetse no kwizihiza imyaka 25 Polisi y'u Rwanda imaze ifatanya n'abaturage

Minisitiri w'Ubuzima, Dr. Sabin Nsanzimana, yavuze ko ibikorwa byakozwe n'ingabo za EAC muri uyu mwaka byaje bisanga ibisanzwe bikorwa n'Ingabo na Polisi by'u Rwanda bimara amezi atatu

Gutembera ni uburyo bundi bwo kuruhuka bidasabye kwizingira mu mashuka amasaha 10 cyangwa 15 ngo urashaka ikiruhuko, uzarebe, kenshi unabyuka unaniwe.

Gutembera bifasha umuntu kugabanya ibyago byo kurwara umutima, ibyo kugira stress n'umuvuduko w'amaraso, agahinda gakabije, bifasha kubungabunga ubuzima bwo mu mutwe ndetse bigafasha gusubira mu kazi umeze neza.

Buri mwaka abarenga miliyari 1,45 batemberera mu bihugu bitandukanye. Mu gihe abarenga miliyari 19 mu 2024 baraye ahatari iwabo bagiye gusura ibice bitandukanye byo mu bihugu byabo. Baba bagiye gushaka ibyishimo na we wabiyungaho.

Benshi bacyumva iby'ibi biruhuko bikomeza bahise batekereza gutemberera i Rubavu ku mazi, ni byiza kandi na byo birafasha. Ariko hari n'abatarabonye umwanya uhagije bijyanye na ya mirimo myinshi.

Reka mbereke aho mwatemberera kandi hiyubashye, ushobora gusanga ibyo kurya, kunywa wanashaka ukaruhuka kuko hakorerwa ibikorwa bitandukanye.

Le Youkounkoun 1965

Ni 'restaurant' iri mu nshya mu mujyi wa Kigali kuko yatangiye muri Gashyantare 2025. Ikorera muri Simba Center i Gacuriro mu igorofa rya gatatu.

Kuva ku wa Mbere kugera ku wa Kane ifungura guhera Saa Sita z'amanywa kugera Saa Yine z'ijoro, mu gihe kuva ku wa Gatanu kugera ku Cyumweru batangira akazi Saa Sita, bagafunga Saa Tanu z'ijoro.

Le Youkounkoun 1965 ifite umwihariko wo kugira igikoni giteka neza, by'umwihariko imaze kumenyekana ku ndyo z'Abafaransa n'izo mu birwa bya Caraïbes.

Casamia Italian Restaurant

Iyi ni restaurant iri mu Karere ka Gasabo ifite umwihariko wo guteka indyo zo mu Burayi by'umwihariko izo mu Butaliyani.

Niba ujya wibaza uko indyo z'Abataliyani zimera uzatemberere kuri iyi restaurant, unamenye byinshi ku muco wabo.

Inashamikiye kandi kuri Court Boutique Hotel ifite ibyumba byiza byo kuraramo biri mu byiciro bitandukanye kuva ku cya 120$ kugeza ku cya 190$.

Kōzo Kigali

Iyi ni restaurant ifite inkomoko muri Ghana iri ku Kimihurura, ifungura guhera Saa Sita kugeza Saa Cyenda z'amanywa, kubakeneye amafunguro ya Saa Sita, no guhera Saa Kumi n'Ebyiri z'umugoroba kugeza Saa Sita z'ijoro ku mafunguro ya nijoro.

Ifite umwihariko wo kugira amafunguro yo muri Aziya, ibyo kunywa by'ingeri zose n'ibindi bikorwa byo kwishimisha nk'umuziki kuko hatumirwa aba-Dj n'abahanzi batandukanye.

Acacus Park

Iri ku Kabeza mu Karere ka Kicukiro, ifite umwihariko wo kugira ahantu abana bari hagati y'imyaka itandatu na 14 bidagadurira mu mikino yabo baba bateguriwe.

Niba uri umubyeyi cyangwa ufite bishywa bawe bari muri iyo myaka, aha ni ahantu ukwiye kubajyana abana dore na bi bari mu biruhuko.

Fourteenth Avenue

Ni restaurant iri ku Kimihurura, ifite umwihariko wo guteka indyo zigizwe n'ibikomoka mu nyanja n'amako y'umuvinyo (vin) atandukanye, biherekezwa n'ubugeni y'ubakanywe bugaragaza umuco wo mu bihugu byegereye inyanja ya Méditerranée.

Guhera ku wa Mbere kugeza ku wa Kane ifungura Saa Tanu kugeza Saa Tanu z'ijoro, indi minsi ifunga Saa Munani z'ijoro.

The Pinnacle

Niba uri umusirimu ukeneye gutemberera ahantu hiyubashye nkurangiye muri The Pinnacle, hoteli nshya iri i Rebero, yitegeye Umujyi wa Kigali.

Iyi hoteli igira amafunguro ya Saa Sita n'aya nijoro ku muntu wakoze 'reservation'.

Bagira umwihariko wo guteka amafunguro yo muri Aziya, n'indyo zo mu bihugu bikikije inyanja ya Méditerranée.

Mu gihe ibijyanye n'imikino, abakunda koga muri piscine ndetse no gukina padel na bo baributswe.

Boho Restaurant

Boho Restaurant imaze kubaka izina mu gutunganya amafunguro asanzwe ariko ikagira n'amafunguro ya mu gitondo azwi nka 'Boho Breakfast' ushaka ibikozwe mu ifarini bafite n'ishami rizwi nka Boho Bakery ryagufasha.

Iyi restaurant ikorera ku Kimihurura mu Mujyi wa Kigali. Ikorana n'ibigo binini, ibiciriritse n'abantu ku giti cyabo bakenera amafunguro mu ngano yose bashaka haba kuyabashyira cyangwa kuyahafatira dore ko bafite ubushobozi bwo kwakira abantu 200 icyarimwe.

Boho Resraurant yatangiye gukora mu 2022 ikaba itegura amafunguro anyuranye harimo amafunguro asanzwe, imitobe y'amoko yose, ibijyanye n'ikawa n'icyayi, ibinyobwa bisembuye n'ibidasembuye n'ibindi byinshi.

Ntiwavuga aho gusohokera ugiye kwiyakira ngo wibagirwe restaurant nka, La Noche iherereye ku Kimihurura mu Karere ka Gasabo, Atelier du Vin mu Karere ka Kicukiro, La Vana n'ahandi.

Ku bashaka gusohokera ahantu bakora ibikorwa bitandukanye bashaka kuruhura ubwonko ntabwo bakwibagirwa ahazwi nka:

Fazenda Sengha

Ni ahantu hatangirwa serivisi zitandukanye mu Murenge wa Kigali, wajya wenyine cyangwa ujyanye n'inshuti n'umuryango buri wese akahava abonye ikimushimisha kuko huzuye ibyiza byinshi.

Iminsi yose igize icyumweru bakira ababagana bakeneye kugendera ku mafarasi, imigozi yo mu kirere, kurashisha imyambi n'umuheto cyangwa imbunda z'ibikinisho, kugenda ku migozi yo mu kirere, gutwara moto y'amapine ane, imigozi iterera abantu mu kirere (bongee), restaurant, utubari n'ibindi byinshi bituma uwahageze arushaho kunezerwa.

Aka ni agace ko muri Kigali ushobora gusangamo ibintu bitandukanye kandi ukaba wemerewe kubisura bitewe n'ubushobozi bwawe n'uko wifuza kunezerwa.

Nyandungu Urban Wetland Eco-Tourism Park

Pariki y'Ubukerarugendo bubungabunga ibidukikije ya Nyandungu ni hamwe mu hantu hashya abari wasura ukaryoherwa n'amahumbezi n'urusobe rw'ibinyabuzima.

Iyi pariki iherereye mu Karere ka Gasabo na Nyarugunga muri Kicukiro, ikaba yarubatswe ahari igishanga, hakorwa neza hahindurwa pariki itatswe n'ibyiza bitandukanye.

Iri ku buso bwa hegitari 121, zigera kuri 70 muri zo zigizwe n'ibishanga, 50 ziteyeho ibiti.

Wasangamo ibikorwa bitandukanye birimo ibiyaga by'ibikorano, ubusitani bw'imiti ya Kinyarwanda, restaurant n'ahashobora kureberwa cyangwa gukinirwa ikinamico.

Harasurwa cyane kuko nko mu 2024 hasuwe n'abarenga ibihumbi 76. Biteganyijwe ko izagurwa ikongerwago hegitari 43.

Umusambi Village

Umusambi Village ni agace k'igishanga cyatunganyijwe mu Karere ka Kicukiro aho abantu bakunda kurebera ubwiza bw'urusobe rw'ibinyabuzima.

Usibye umwihariko w'imisambi hakorerwa ibikorwa birimo kureba inyoni zigera ku moko 100, kwerekwa ibinyabuzima biri muri aka gace, gusura ubusitani butewemo ibimera bikorwamo imiti, n'imikino y'abana.

Kigali Pottery

Kigali Pottery Collections ni inzu iherereye ku Kacyiru yigisha ibijyanye n'ububumbyi.

Niba ujya wibaza byinshi mu bikoresho bikoze mu ibumba, uzasure iyi nzu, usobanukirwe byinshi ku bijyanye no kubumba ndetse ube wanabumba igikoresho ushaka.

Imibare y'ibarura rusange rya 2022 igaragaza ko mu Rwanda hari ingo 3.312.743 na ho urugo rumwe rukabarirwa abantu nibura bane barubamo.

Minisitiri w'Intebebe, Dr. Edouard Ngirente aherutse kubwira Inteko Ishinga Amategeko ko umusaruro w'ibikomoka ku buhinzi n'ubworozi wiyongereye mu myaka ishize bituma amafunguro yiyongera ku baturage mu bwinshi no mu bwiza.

Ati 'Dufashe urugero, mu 2017 ingano y'ingo zihagije mu biribwa zari 80%, mu gihe cya COVID umanukaho gato ugera kuri 79,4% ariko kubera imbaraga zashyizwe mu buhinzi n'ubworozi, ingo zihagije mu biribwa zariyongereye muri iyi myaka ine ishize, ubu zikaba zigeze kuri 83%.'

Amata Abanyarwanda banywa yavuye kuri litiro 66 z'amata ku mwaka 2017, zigera kuri litiro zirenga 79 mu 2024.

Ubuhinzi bukorwa n'abarenga 69% mu gihe abakora ubuhinzi bugamije isoko bavuye kuri 37,3% mu mwaka wa 2017, bagera kuri 49% mu mwaka wa 2024.

Ubushakashatsi ku mibereho rusange y'ingo bwa karindwi (EICV 7) bugaragaza ko Umunyarwanda ushobora gukoresha arenga ibihumbi 560 Frw agura ibiribwa, imyambaro n'ibindi atabarizwa munsi y'umurongo w'ubukene.

Imibare igaragaza ko abantu barenga miliyoni 1,5 bavuye mu bukene hagati ya 2017 na 2024.

Ibirayi ni kimwe mu bihingwa byera mu bice byinshi by’igihugu kandi biribwa na benshi

Ni ku nshuro ya kane uyu munsi mpuzamahanga wizihijwe, ibirori bikaba bibera mu bihugu bigize EAC mu buryo bwo gusimburana.

Insanganyamatsiko y'uyu mwaka igira iti 'uburezi budaheza n'iterambere rirambye.'

Ibizibandwaho muri uyu munsi bizagaruka ku ruhare rw'Igiswahili nk'ururimi rwafasha mu kwihuza kw'Akarere, uburezi, dipolomasi n'iterambere ry'ubukungu.

Minisiteri y'Uburezi mu Rwanda yahamije ko uyu munsi mpuzamahanga uzanaganiriwamo ibijyanye n'ubwenge buhangano no kwimakaza umuco w'amahoro muri EAC.

Itangazo rihuriweho ry'ibihugu bigize EAC rivuga ko 'ibirori by'uyu mwaka bizashimangira uruhare ntagereranywa rw'Igiswahili mu kwihutisha ukwihuza kw'Akarere, ikirango cy'umuco, n'iterambere ry'imibereho myiza n'ubukungu bw'umugabane.'

Mu Rwanda Igiswahili cyigishwa mu mashuri ndetse kiri mu ndimi z'ubutegetsi.

Imibare y'ibyavuye mu Ibarura rusange rya 2022 bigaragaza ko mu bantu bafite imyaka 15 kuzamura, harimo abashobora kuvuga Ikinyarwanda, Icyongereza n'Igiswahili 1%.

Magingo aya Igiswahili kivugwa n'abantu barenga miliyoni 200 ku Isi yose, bituma kiba ururimi rwo muri Afurika ruvugwa n'abantu benshi.

Igiswahili kicugwa cyane muri Afurika y’Iburasirazuba

Ni gahunda yatangiye nyuma y'umwanzuro w'inama y'abaminisitiri yakuyeho gahunda yo gufasha abaturage hagendewe ku byiciro by'ubudehe nyuma yo gutahura ko iyi gahunda ituma hari abakoresha nabi inkunga bahabwa kugira ngo bazakomeze bafashwe.

Iyi gahunda yasimbujwe gahunda yo gufasha umuturage kwifasha, aho umuturage uhabwa ubufasha asabwa gushyiraho ake kugira ngo ave mu bukene abigizemo uruhare.

Isesengura ryakozwe mu Karere ka Nyamasheke, ryagaragaje ko gafite abaturage 41039 bakennye. Ni abaturage aka karere kasanze kagomba guherekeza mu gihe cy'imyaka ine gatangirana icyiciro cya mbere n'imiryango 24944 ari nabo kuri ubu bamaze imyaka ibiri bafashwa, iyo myaka ikaba yararangiranye na Kamena 2025.

Ni igikorwa akarere kafatanyanyije n'abafatanyabikorwa barimo n'umuryango Compassion international ukunze gutanga ubufasha bukagera ku bafatanyabikorwa binyuze mu materero ya gikirisitu by'umwihariko itorero rya ADEPR.

Muri mwaka w'ingengo y'imari 2024/2025, uyu muryango wahaye abatishoboye bo mu Karere ka Nyamasheke inka 90, ihene 1469, intama 21 n'ingurube 1103.

Muri iyi gahunda nshya yo gufasha abaturage kuva mu bukene umuturage niwe uhitamo ubufasha abona bwamukura mu bukene burundu.

Mu matungo yatanzwe n'uyu muryango harimo ingurube 166 n'ihene 50 aherutse guhabwa imiryango irenga 250 yo mu murenge wa Shangi.

Mukeshimana Josephine wo mu Kagari ka Buhimba wahawe ingurube, yavuze ko igiye kumufasha kuva mu bukene binyuze mu ifumbire ndetse no kuba izabyara akagurisha akabona amafaranga.

Muhawenimana Faustin uyobora umushinga RW0874-ADEPR Mugera, yavuze ko bafite intego yo kugobotora umwana mubukene mu izina rya Yesu, agaragaza uko ingurube imwe yafasha umuryango gusezerera ubukene.

Ati “Mu mwaka ingurube ibyara kabiri, kandi icyana cy'ingurube gicutse kigura ibihumbi 80Frw, iyo ubihuje n'uko ingurube ibyara ibyana 10, usanga uwo muryango ku mwaka wakwingiza miliyoni 1,6Frw. Aya mafaranga umuryango wayaheraho ugasezerera ubukene burundu”.

Umuyobozi wungirije w'Akarere ka Nyamasheke yashimye uruhare rwa Compassion International mu gufasha abaturage mu bukene, avuga ko uyu muryango ufasha abaturage binyuze mu kwishyurira abana amashuri no kubaha ibikoresho, gutangira imiryango ubwisungane mu kwivuza, kubakira abadafite aho kuba no guha imiryango itishoboye amatungo magufi n'amaremare.

Ati “Uruhare rw'abafatanyabikorwa muri gahunda yo gufasha abaturage kwivana mu bukene ni ntagereranwa”.

Mu Karere ka Nyamasheke imiryango irenga ibihumbi 24 iri gufashwa kuva mu bukene

Imiryango irenga 250 yahawe amatungo magufi yo kuyifasha kuva mu bukene