Webrwanda Backend

Blog

  • Rutahizamu Byiringiro Lague yabatijwe mu mazi magari mbere yo gukora ubukwe #rwanda #RwOT

    Ni igikorwa cyabaye ku munsi w’ejo hashize ku wa Kabiri tariki ya 17 Ugushyingo 2021, kibera Nyarutarama.

    Lague yabatirijwe mu idini rya Philadelphi Rhema Church rya Kimironko ariko umuhango nyirizina ukaba wabereye muri piscine yo kuri Tennis Club Nyarutarama.

    Bibaye nyuma y’uko mu kwezi gushize Byiringiro Lague na Kelia basezeranye imbere y’amategeko, ubukwe bwabo bukaba buzaba tariki ya 4 Ukuboza 2021.

    Uyu musore w’imyaka 21, yatsinze ibitego bitandatu muri Shampiyona ya 2019/20 n’ibitego bitanu muri 2020/21.

    Kuri ubu, ntabwo ari gukina nyuma yo gukomereka mu guhanga ubwo u Rwanda rwakinaga na Kenya mu ntangiriro z’uku kwezi.

    Byitezwe ko azasubira mu kibuga nyuma y’amezi agera hafi kuri abiri ndetse akaba ashobora kuzajya akina yambaye 'casque’ kuko igufa ryo mu gahanga ryangiritse.

    Source : http://www.ukwezi.rw/spip.php?page=article&id_article=13763

  • Kuki ibirego bya gatanya biri kwiyongera mu Rwanda? #rwanda #RwOT

    Kuba hatakibaho umuranga, ubu umusore ahura n'inkumi akishimira, ni bimwe mubishyirwa mu majwi yo kutamara kabiri kw'ingo zimwe na zimwe zishingwa muri iki gihe.

    Ariko hari abandi babona ko no kuba imiryango ishyingirana itaziranye niyo habaye ikibazo bigoye ko cyakemukira mu muryango, nabyo bikaba mu ntandaro kw'isenyuka kw'ingo z'abashakanye, bagasanga hakabayeho kugira igihe gihagije cyo kumenyana no kugisha inama abakuru ngo kuko byagira icyo bitanga.

    Uwitwa Phocas Hategekimana yagize ati 'Ibanga bakoresha ni uko umusore cyangwa se umukobwa, yakwitonda akamenya uwo agiye gushaka uwo ari e n'umuryango agiye gushakamo imico yawo. Biba byiza rero iyo umenye iyo mico.'

    Naho Mukantabana Anonciata yungamo agira ati 'Kumenyana ubwabyo ni byiza, ariko habeho ukuntu imiryango imenyana, kuko haba hari byinshi byasenya ingo. Iyo zitabaye ku mpamvu z'abakundanye, ziba ku mpamvu z'ababyeyi.'

    Alphonse Kubwimana usanzwe yigisha abagiye ku rushinga avuga ko urugo rukenera ibirungo bishya bya buri munsi, kandi ko kwigisha abageni bidahagije ahubwo ko abikorera na leta nabo bakwiye kugira uruhare mu kubanisha neza imiryango.

    Yagize ati 'Umuntu niba ashinze urugo afite akazi, kuki bamujyana i Cyangungu umugore agasigara i Kigali? Uwo mugore azasigarana nande? Yego ni ubuzima dushaka ariko urugo ntirwubakiye ku mafaranga. Ntabwo rwubakiye ku bikoresho byinshi mufite, rwubakiye ku rukundo. Uzakunda se umuntu utabona? Ahubwo ibishuko biziyongera, nibyiyongera rero niho usanga abantu batandukanye, kuko akenshi mu batandukana buriya n'ubusambanyi buzamo.'

    Padiri Jean Pierre Rushigajiki ukorera mu biro bya Cardinal Antoine Kambanda avuga ko amadini yarakwiye kugira umurongo umwe ku bijyanye n'urushako, ngo kuko haraho usanga bamwe babifata nk'ubucuruzi kandi bishobora kugira ingaruka ku buzima bwa benshi.

    Ati 'Haraho ujya kubona umuntu aje muri kiliziya gushyingirwa, bakamubwira bati ariko hari ibyo utarategura! Agahita asimbukira ku mu pasiteri runaka ntanamutegure akamubwira ati wowe icyo usabwa ni iki. Wenda ni fagitire igera ku  300.000 Rwf hanyuma ndagushyingira ku wa Gatandatu. Nabagira inama yo kudahubuka kandi nabo bagatangira kwinjira muri gahunda yo gutegura abageni, guhera mu bwana bwabo, mu kubyiruka kwabo, no kugeza cyagihe bavuga bati noneho twakundanye, noneho na gahunda yo gukomeza guherekeza ingo ku buryo bwa roho n'inama z'ubuzima zigakomereza aho. Icyo cyaba ari ikintu gikomeye cyane.'

    Umuyobozi w'Akanama Ngishwanama k'Abahuza, Prof Sam Rugege, mu kiganiro aherutse kugirana na IGIHE.com, yahuje izi mpinduka n'iterambere ry'abagore aho basigaye biga, bakajya no mu mirimo ituma bashobora kwibeshaho ndetse bakamenya uburenganzira bwabo.

    Ibi ngo biri mu bituma utishimiye urugo ahitamo gufata iya mbere kwaka gatanya, ndetse ashimangira ko abagore barenze imbibi zashyirwagaho n'umuco, kuko wabahatiraga kuguma mu rushako batishimiye kubera abana.

    Kugeza ubu imibare y'inkiko yerekana ko muri 2019 hinjiyemo ibirego 2.796 mu gihe mu mwaka 2020 zakiriye ibirego 3.213

    CYUBAHIRO GASABIRA Gad

    The post Kuki ibirego bya gatanya biri kwiyongera mu Rwanda? appeared first on Flash Radio TV.

    Source : https://flash.rw/2021/11/17/kuki-ibirego-bya-gatanya-biri-kwiyongera-mu-rwanda/?utm_source=rss&utm_medium=rss&utm_campaign=kuki-ibirego-bya-gatanya-biri-kwiyongera-mu-rwanda

  • Nyagatare-Rwimiyaga: Amavomo bahawe amaze umwaka atarazamo amazi #rwanda #RwOT

    Bamwe mu baturage batuye mu kagali ka Nyendo, umurenge wa Rwimiyaga karere ka Nyagatare, baravuga ko bubakiwe amavomo y'amazi umwaka ukaba ushize nta mazi arazamo ngo bavome.

    Barashaka gusobanurirwa impamvu aya mavomo adatanga amazi, dore ko hari n'abatanze amafaranga n'ubutaka mu gihe cyo kuyubaka.

    Ubuyobozi bw'Akarere ka Nyagatare, buravuga ko butamenye iby'aya makuru ariko ngo bugiye gukurikirana iby'iki kibazo.

    Inkuru irambuye ni mu kanya …..

    The post Nyagatare-Rwimiyaga: Amavomo bahawe amaze umwaka atarazamo amazi appeared first on Flash Radio TV.

    Source : https://flash.rw/2021/11/17/nyagatare-rwimiyaga-amavomo-bahawe-amaze-umwaka-atarazamo-amazi/?utm_source=rss&utm_medium=rss&utm_campaign=nyagatare-rwimiyaga-amavomo-bahawe-amaze-umwaka-atarazamo-amazi

  • Amajyepfo: Menya Abajyanama rusange b’uturere batowe #Rwanda #RwOT via @kigalitoday #rwanda #RwOT

    Huye
    Huye

    Kuri 39 biyamamaje, hatowe

    1. Sebutege Ange
    2. Kamana André
    3. Nyiramana Aïsha
    4. Gatari Egide
    5. Gasana Aimé Parfait
    6. Tuyishimire Consolation
    7. Rutayisire Pierre Calver
    8. Nyamihana Camille

    Abari muri Komite nyobozi bose bariyamamaje kandi batsinze amatora. Abo ni Sebutege Ange, Kamana André ndetse na Kankesha Annonciata watsinze amatora mu bajyanama b’abagore bagize 30%.

    Ruhango
    Ruhango

    Ku bakandida 32 bemerewe kandidatire, hatowe

    1. Habarurema Valens
    2. Mukangenzi Alphonsine
    3. Rusiribana J.M.V
    4. Ntaganda Peter
    5. Byabarumwanzi François
    6. Nsaziyinka Prosper
    7. Rutagengwa G Jérôme
    8. Nshimyumuremyi Jérôme

    Abari bagize komite nyobozi icyuye igihe bose bariyamamaje kandi bose batsinze amatora. Abo ni Habarurema Valens, Mukangenzi Alphonsine na Rusiribana J.M.V.

    Kamonyi
    Kamonyi

    Kuri 47 biyamamaje, hatowe

    1. Niyongira Uzziel
    2. Nyoni Emilien Lambert
    3. Ingangare Alex
    4. Mbabajende Said
    5. Uwiringiye M. Josée
    6. Zinarizima Diogène
    7. Nahayo Sylvère
    8. Ngirinshuti Fidèle

    Akarere kahoze kayoborwa na Alice Kayitesi wabaye Guverineri w’Intara y’Amajyepfo. Abayobozi bari bamwungirije bombi, ari na bo bari basigaye bayobora akarere, ntabwo bongeye kwiyamamaza n’ubwo bari barangije manda imwe.

    Muhanga
    Muhanga

    Kuri 32 biyamamaje hatowe

    1. Rudasingwa Jean Bosco
    2. Bizimana Eric
    3. Usengimana Emmanuel
    4. Habinshuti Philippe
    5. Nshimiyiman Gilbert
    6. Mugabo Gilbert
    7. Nshimiyimana Octave
    8. Nyiramajyambere Scolasticat

    Aba bajyanama bose ni bashyashya. Uwari umuyobozi w’akarere wungirije ushinzwe ubukungu ntiyabashije gutsinda amatora, ariko uwari ushinzwe imibereho myiza we ntiyongeye kwiyamamaza. Icyakora uwari Umuyobozi w’Akarere, Kayitare Jacqueline, yiyamamaje mu bagore bagize 30% kandi aratsinda.

    Nyanza
    Nyanza

    Ku bakandida 21 bari biyamamaje, hatowe

    1. Ntazinda Erasme
    2. Kajyambere Patrick
    3. Ngabonziza Julien
    4. Ntawukuriryayo Ismael
    5. Dr Hakizimana Emmanuel
    6. Niyongira Wellars
    7. Ntabana Innocent
    8. Ruberangeyo Théophile

    Uwari umuyobozi w’Akarere, Ntazinda Erasme, hamwe n’uwungirije ushinzwe ubukungu, Kajyambere Patrick, bongeye kwiyamamaza kandi batsinda amatora. Aka karere kari kamaze igihe nta muyobozi wungirije ushinzwe imibereho myiza gafite, kuko uwakoraga iyi mirimo yari yahawe izindi nshingano (mu Kujyi wa Kigali).

    Gisagara
    Gisagara

    Kuri 30 biyamamaje, hatowe

    1. Rutaburingoga Jérôme
    2. Habineza Jean Paul
    3. Mbonirema Jérôme
    4. Uwimana Innocent
    5. Dusabe Denise
    6. Samvura Valens
    7. Karinganire Ignace Steven
    8. Nshimiyimana Alphonse Marie

    Rutaburingoga Jérôme n’ubundi yari asanzwe ari umuyobozi w’aka karere, na ho Habineza Jean Paul yari umuyobozi w’akarere wungirije ushinzwe ubukungu. Uwari umuyobozi wungirije ushinzwe imibereho myiza, Clémence Gasengayire, we ntiyabashije gutsinda amatora.

    Nyamagabe
    Nyamagabe

    Kuri 41 biyamamaje, hatowe

    1. Habimana Thaddée
    2. Uwamahoro Clothilde
    3. Munyemana Gatsimbanyi Pascal
    4. Niyomwungeri Hildebrand
    5. Nizeyimbabazi Jean de Dieu
    6. Bizimana Evariste
    7. Uwimana Abraham
    8. Mugisha Stephen

    Uwari umuyobozi w’akarere hamwe n’umuyobozi w’Akarere wungirije ushinzwe imibereho myiza ntabwo bongeye kwiyamamaza, icyakora uwari umuyobozi w’akarere wungirije ushinzwe ubukungu, Kabayiza Lambert, we yariyamamaje ariko ntiyabashije gutsinda amatora.

    Nyaruguru
    Nyaruguru

    Ku bakandida 26, hatowe

    1. Gashema Janvier
    2. Byukusenge Assumpta
    3. Murwanashyaka Emmanuel
    4. Ingabire Veneranda
    5. Mutiganda Innocent
    6. Turamwishimiye Marie Rose
    7. Nsengimana Emmanuel
    8. Rangira Innocent

    Umuyobozi w’Akarere, Gashema Janvier, yongeye kwiyamamaza kandi aratsinda. Uwari umuyobozi wungirije ushinzwe imibereho myiza, Kayitesi Colette, we ntiyabashije gutsinda amatora mu bajyanama b’abagore bagize 30%.


    source : https://ift.tt/3kK6UJZ

  • Nyagatare: Gitifu n’umuyobozi wa koperative bakurikiranyweho gutanga ruswa #Rwanda #RwOT via @kigalitoday #rwanda #RwOT

    Urwego rw’Ubugenzacyaha (RIB) rwatangaje ko bakekwaho gutanga iyo ruswa kugira ngo imodoka ya koperative irekurwe kandi yafatiwe mu cyaha.

    Habineza na Twiringiyimana bombi bafungiwe kuri sitasiyo ya RIB ya Nyagatare mu gihe iperereza rikomeje kugira ngo hakorwe dosiye ishyikirizwe Ubushinjacyaha.

    RIB yaboneyeho kwibutsa abaturarwanda ko ruswa ari icyaha kitihanganirwa kandi gifite ibihano biremereye, isaba abantu gukomeza gutunga agatoki aho ruswa ivugwa kugira ngo habeho ubufatanye mu kuyirwanya.

    source : https://ift.tt/3wVC2uI

  • Abafite imyaka 12 kuzamura bagiye gutangira gukingirwa Covid-19 #Rwanda #RwOT via @kigalitoday #rwanda #RwOT

    Byatangajwe na Minisitiri w’Ubuzima, Dr Daniel Ngamije ku wa Kabiri tariki 16 Ugushyingo 2021, ubwo yagarukaga ku gikorwa cyo gukingira abanyeshuri n’abandi bacikanywe.

    Ni nyuma y’uko mu Mujyi wa Kigali abari bamaze gukingirwa babarirwa hejuru ya 93% by’abantu bafite imyaka 18 kuzamura, ariko guhera tariki 16 Ugushyingo 2021, abacikanywe n’inkingo muri icyo cyiciro bakaba bahawe andi bahirwe aho batangiye gukingirirwa muri za gare zitandukanye zirimo Nyabugogo, Remera, Kimironko, Nyanza na Nyarugenge ahazwi nka (Down Town).

    Ureste abatuye mu Mujyi wa Kigali kandi ku wa 16 kugera 21 Ugushyingo 2021, abanyeshuri bose baba aba Kaminuza, abo mu mashuri abanza ndetse n’ayisumbueye bo mu gihugu bafite imyaka 18 kuzamura, batangira guhabwa urukingo rwa Covid-19, basanzwe ku bigo byabo by’amashuri bakazajya babanza kubimenyeshwa.

    Minisitiri w’ubuzima, Dr. Daniel Ngamije, avuga ko uko inkingo zizagenda ziboneka bazatangira gukingira n’abo mu bindi byiciro birimo abafite imyaka 12 kuzamura.

    Ati “Uko inkingo ziboneka turamanuka, tube twanagera ku myaka 12 kuzamura, ubwo birumvikana y’uko na bo tuzabageraho kugira ngo dukingire umubare munini w’Abanyarwanda. Turavuga abari mu buzima busanzwe nk’abanyeshuri bajya kwiga, abakozi bo kwa muganga, abantu bose twumva bakeneye gukingirwa mbere y’abandi bose tuzabagezaho urukingo”.

    Minisiteri y’Ubuzima ivuga ko ibikorwa byo gukingira Covid-19 mu gihugu hose bigeze ku kigero cya 25%, mu gihe igihugu gifite intego yo gukingira abantu miliyoni 7 n’ibihumbi 800, aho byibuze biteganyijwe ko hagomba gukingirwa abantu 40% mbere y’uko uyu mwaka urangira.

    source : https://ift.tt/3HuuXGz

  • Platini na Producer Element berekeje muri Nigeria, Dj Brianne arabasangayo #rwanda #RwOT

    Umuhanzi nyarwanda, Nemeye Platini yerekeje muri Nigeria mu bihembo bya Afrima, akaba yagiye aherekejwe na Dj Brianne ndetse na Producer Element n’ababyinnyi 4.

    Platini uretse kuba ari umuhanzi uzaririmba mu muhango wo gutanga ibi bihembo, ni umwe mu bahataniye ibihembo aho ari mu cyiciro cya 'Best Artist, Duo or Group in African Contemporary’, indirimbo ye 'Atansiyo’ ikaba ihatanye n’izindi nka; Fada ya Sooking, Ngayi ya Borgia ft. Jack Inga na Running to You ya Chike ft. Simi.

    Amakuru ISIMBI yamenye ni uko uyu muhanzi we yamaze guhaguruka mu Rwanda aho yajyanye na Producer Element, ni mu gihe Dj Brianne we n’ababyinnyi bane baza guhaguruka mu Rwanda ku isaha ya saa 12h zo mu Rwanda, ni mu gihe bagomba kuba bageze ku kibuga cy’indege saa 11h.

    Uretse Platini, undi muhanzi nyarwanda, Meddy ahatanye mu cyiciro cyitwa 'Best East Africa Male Artist’ aho indirimbo ye 'My Vow’ ihatanye n’izindi zirimo; Waah ya Diamond na Koffi Olomide, Weekend ya Eddy Kenzo, Proud of you ya Darassa na Ali Kiba, Attitude ya Harmonize na Awilo Longomba, Kelebe ya Rayvanny na Inno’s B kimwe n’izindi.

    Ibi bihembo biteganyijwe kuzatangwa tariki ya 21 Ugushyingo muri Convention center, Eko Hotels mu mujyi wa Lagos muri Nigeria, bizaba byabanjirijwe na 'African Music Business Summit’ izaba tariki ya 19 Ugushyingo.

    Platini na Element bo bamaze kujya muri Nigeria

    Dj Brianne arajyana na we arabasangayo

    Source : http://isimbi.rw/imyidagaduro/article/platini-na-producer-element-berekeje-muri-nigeria-dj-brianne-arabasangayo

  • Uburanga n'ubwiza bw'umuhanzikazi wagomesheje Niyonzima Olivier 'Seifu' i Nairobi #rwanda #RwOT

    Ku munsi w'ejo mu masaha ya mugitondo tariki ya 16 Ugushyingo , nibwo Ishyirahamwe ry'umupira w'amaguru mu Rwanda,FERWAFA,ryatangaje ko ryahagaritse umukinnyi,Niyonzima Olivier uzwi nka “Seif” kubera imyitwarire mibi aho byamenyekanye ko yashyamiranye na Perezida waryo “Nizeyimana Olivier”.

    Nyuma y'amasaha make hasohotse iri tangazo, hasohoka amashusho ya Niyonzima ari mu kabyiniro n'inkumi zituye i Nairobi muri Kenya.

    Bivugwa ko Niyonzima yatorotse Ikipe y'Igihugu nyuma y'umukino wahuje u Rwanda na Kenya, akajya mu kabyiniro kwishimisha, aha akaba ari ho yahuriye n'izi nkumi.

    Mu nkumi zagaragaye muri aya mashusho harimo umuhanzikazi Tabz akaba mushiki wa David Pro.

    Tabz amaze iminsi ari muri Kenya aho we na musaza we basigaye bakorera ibikorwa bijyanye na muzika.

    Bivuzwe ko ari mu itsinda ry'abakobwa bagomesheje Niyonzima nyuma y'iminsi mike cyane asohoye indirimbo ye nshya yise Bad.

    Tabz yamenyekanye nk'inkingi ya mwamba muri Neptunez Band, itsinda ry'abacuranzi rizwi cyane mu bitaramo bya Kigali Jazz Junction rikaba rinafasha abahanzi batandukanye ku rubyiniro.

    Dore imwe mu ndirimbo y'umuhanzikazi Tabz



    Source : https://umuryango.rw/imyidagaduro/article/uburanga-n-ubwiza-bw-umuhanzikazi-wagomesheje-niyonzima-olivier-seifu-i-nairobi

  • Bigenda bite nyuma yo gupfa #rwanda #RwOT

    Mu myizerere ya Gikristo, harimo gucanganyikirwa kwinshi cyane, ku byerekeye ikintu gikurikiraho iyo umuntu amaze gupfa. Bamwe bashyigikira ko nyuma yo gupfa, buri muntu ‘asinzira’ kugeza ku munsi wa nyuma w’urubanza, kandi ko nyuma y’ibyo umuntu yoherezwa mu ijuru cyangwa mu ihaniro ry’iteka.

    Abandi bemera ko ku munsi w’urupfu, abantu bahita bacirwa urubanza ako kanya, maze bakwoherezwa aho bagomba kuba ubuziraherezo. Ndetse hari n’abandi bahamya ko iyo umuntu apfuye, umwuka we woherezwa ‘by’agateganyo’ mu ijuru cyangwa mu ihaniro ry’iteka, ugategereza umuzuko wa nyuma, urubanza rwa nyuma, n’iherezo ry’aho ugomba kuba ubuziraherezo. Nyuma y’ibyo, Bibiliya yo ivuga ko bigenda bite nyuma yo gupfa?

    Icya mbere, ku muntu wizera Yesu Kristo, Bibiliya itubwira ko nyuma yo gupfa umwuka w’abizera ujyanwa mu ijuru, kuko baba bababariwe ibyaha byabo, nyuma yo kwakira Kristo nk’Umucunguzi wabo (Yohana 3:16, 18, 36). Ku bizera, urupfu ni ‘ukwitandukanya n’umubiri no kubana n’Umwami wacu’ (2 Abakorinto 5:6-8; Abafilipi 1:23). Nyamara, mu bice byo mu 1 Abakorinto 15:50-54 no mu 1 Abatesalonike 4:13-17 havuga ko abizera ari abazuwe kandi bakambikwa imibiri ifite ubwiza bwa Kristo. Niba abizera bagomba guhita bajya kubana na Kristo ako kanya nyuma yo gupfa, uyu muzuko waba umazi iki? Biragaragara ko niba umwuka w’abizera uhita ako kanya ujya kubana na Kristo nyuma y’urupfu, umubiri twambaye usigara mu mva ‘usinziriye.’ Mu gihe cy’umuzuko w’abizera, umubiri twambaye urazurwa, ugahabwa ubwiza bwa Kristo, ndetse ukongera guhuzwa n’umwuka. Uyu mubiri wambitswe ubwiza ukanahuzwa n’umwuka, uzaba ubugingo buhoraho bw’abizera iteka ryose mu ijuru no mu isi nshya (Ibyahishuwe 21-22).

    Icya kabiri, ku bantu batarakira Yesu Kristo nk’Umucunguzi, urupfu rusobanura igihano gihoraho iteka ryose. Ariko, nkuko bigenda ku iherezo ry’abizera, abatizera nabo basa n’aho bemera ko bahita bajya ahantu bazaba by’agateganyo, bategereje umuzuko wa nyuma, urubanza, ndestse n’iherezo ry’iteka ryose. Muri Luka 16:22-23 hatumenyesha ko umutunzi yababajwe cyane, akimara gupfa. Ibyahishuwe 20:11-15 hagaragaza kandi ko abatizera bose bazazurwa, bacirwe urubanza imbere y’intebe y’ubwami nini yera, nyuma bajugunywe mu nyanja yaka umuriro. Abatizera, ntibazahita bajugunywa mu ihaniro ry’iteka (inyanja yaka umuriro) bakimara gupfa, ahubwo bazaba by’agateganyo imbere y’intebe y’urubanza kandi bacirweho iteka. Ariko kandi, n’ubwo abatizera badahita bajugunywa ako kanya mu nyanja yaka umuriro, ikibategereje bakimara gupfa, ntabwo ari ikintu gishimishije na busa. Nkuko umutunzi yatatse cyane ati: ‘Ndimo kubabazwa bikomeye n’uyu muriro’ (Luka 16:24).

    Ni cyo gituma, nyuma y’urupfu, umuntu azatura ‘by’agateganyo’ mu ijuru cyangwa mu ihaniro ry’iteka. Nyuma y’ubwo buturo bw’agateganyo, igihe cy’muzuko wa nyuma nikigera, ibidutegereje ntibizahinduka. ‘Ahantu’ nyaho tuzaba tugitegereje iherezo ryacu ubwa nyuma ni ho hazahinduka. Abizera bazakingurirwa imiryango y’ijuru n’isi bishya (Ibyahishuwe 21:1). Abatizera bajugunywe mu nyanja yaka umuriro (Ibyahishuwe 20:11-15). Ubwo ni bwo buturo bw’abantu bose bwa nyuma, kandi butazagira iherezo’bushingiye burundu k’uburyo abantu bazaba barakiriye Yesu Kristo wenyine nk’Umucunguzi cyangwa baranze kumwakira (Matayo 25:46; Yohana 3:36).

    Source: www.gotquestions.org/Kinyarwanda

    [email protected]

    Source : https://agakiza.org/Bigenda-bite-nyuma-yo-gupfa.html

  • Muhanga: Gitifu washinjwaga gusambanya ku gahato no gutera indwara idakira yarekuwe #rwanda #RwOT

    Uwahoze ari umunyamabanga Nshingwabikorwa w'Umurenge wa Muhanga, Ntezirembo Jean Claude, washinjwaga icyaha cyo gukoresha undi imibonano mpuzabitsina ku gahato akanamutera indwara idakira yagizwe umwere ku byaha 2 yari akurikiranweho, we hamwe na Niyomugabo Eric byavugwaga ko ari nawe wamupangiye, bose urukiko rwasabye ko bahita bafungurwa.

    Ibyaha bombi uko ari babiri bari bakurikiranyweho birimo ibyo gukoresha undi imibonano mpuzabitsina ku gahato n'icy'ubwinjiracyaha mu kwanduza undi indwara idakira.

    Ibi byaha bari bakurikiranyweho, bivugwa ko byakozwe tariki ya 9 Kamena 2019 ndetse aba bagabo bombi icyo gihe bahise batabwa muri yombi bafungirwa muri Gereza ya Muhanga nyuma yo guhamwa n'ibi byaha mu rubanza nomero RP 00689/2019/TGI/MHG rwaciwe ku wa 12/12/2019.

    Nyuma yo kujurira kuko batari bishimiye imikirize y'urubanza, isomwa ryarwo ryabaye kuri uyu wa 16 Ugushyingo 2021, urukiko rwisumbuye rwa Muhanga rwemeza ko ikirego cy'ubujurire kuri aba bombi gifite ishingiro, ndetse rwemeza ko ikirego cy'ubujurire bwuririye ku bundi cyatanzwe na Cyuzuzo Angelique uvuga ko yasambanyijwe ku gahato nta shingiro gifite.

    Uru rukiko rwisumbuye rwa Muhanga, rweje ko uwahoze ari Umunyamabanga Nshingwabikorwa w'umurenge wa Muhanga, Ntezirembo adahamwa n'icyaha cyo gukoresha undi imibonano mpuzabitsina ku gahato ndetse n'icy'ubwinjiracyaha mu kwanduza undi indwara idakira.

    Urukiko, rwemeje kandi ko Niyomugabo Eric adahamwa n'icyaha cyo kuba icyitso mu cyaha cyo gukoresha undi imibonano mpuzabitsina ku gahato.

    Uru rukiko rwemeje ko imikirize y'urubanza RP 00689/2019/TGI/MHG rwaciwe ku wa 12/12/2019 n'urukiko rwisumbuye rwa Muhanga ihindutse mu ngingo zayo zose Hemejwe ko Ntezirembo Jean Claude na Niyomugabo Eric bagizwe abere ku byaha bari bakurikiranyweho ndetse rutegeka ko bahita bafungurwa uru rubanza rukimara gusomwa.

    Gusa mu ndishyi zari zasabwe muri uru rubanza, zingana na miliyoni 5 nazo zakuweho ahubwo urukiko rutegeka ko amafaranga y'amagarama y'urubanza aherera mu isanduku ya Leta.

    Source: Intyoza

    Source : https://umuryango.rw/amakuru/mu-rwanda/ubutabera/article/muhanga-gitifu-washinjwaga-gusambanya-ku-gahato-no-gutera-indwara-idakira