Webrwanda Backend

Blog

  • Afitanye amafoto na Rihanna na Neymar: Ubuzim… – #rwanda #RwOT

    Didi Stone Olomide ni umukobwa Koffi Olomide yabyaranye na Aliane Olomide. Yavukiye mu Bufaransa kuwa 19 Nyakanga 1999, akaba ari umunyamideli w'umufaransa ndetse n'umushabitsi. Iteka ahorana imyambarire idasanzwe ikoze mu buryo bw'udushya n'insokozo yihariye. Yagiye asohoka mu binyamakuru bikomeye mu mideli birimo VOGUE.

    Se ni Koffi Olomide umunyabigwi mu muziki ukomoka mu gihugu cya Congo Kinshasa naho nyina akitwa Aliana Olomide. Umuhate agira mu byo akora byose awuterwa na se kandi afatira urugero no kutagira ubwoba mu mwuga we kuri Rihanna.

    Uyu mukobwa wa Koffi Olomide afite ubutunzi bubarirwa muri Miliyoni magana 500 na 800 Frw. Didi akaba kandi yaragiye anyura mu myiyereko mpuzamahanga inyuranye irimo iya VOGUE, L'Oreal Paris, This Summer…..

    Didi Stone Olomide  yavukiye mu Bufaransa  Ni umwe mu bakobwa bafite agatubutse bakiri batoKenshi iyo abajijwe ku bibazo by’ibyaha se ashinjwa avuga ko ntacyo yabivuga kuko atari ibyeDidi Stone yagiye asohoka mu binyamakuru bikomeye by’imideliNi umwe mu bana ba Koffi Olomide bakunze kugaragara mu ruhameDidi Stone ari kumwe na Rihanna anafatiraho urugeroNeymar Junior ari kumwe na Didi Stone Olomide

    Source : https://inyarwanda.com/inkuru/112210/ubuzima-bwumukobwa-wa-koffi-olomide-utunze-hafi-miliyari-1frw-ku-myaka-22-amafoto-112210.html

  • Rev Alain Numa n’umugore we basubukuye ibiror… – #rwanda #RwOT

    Nk’uko bari babitangaje icyo gihe, iki gikorwa cyari kuba tariki 27/12/2020, ariko kiza guhagarikwa n’amabwiriza yo Guverinoma y’u Rwanda yo kwirinda Covid-19 yavugaga ko ibirori byose bitemewe. Nyuma y’uko ibirori bikomorewe ariko bikaba mu buryo bwubahirije amabwiriza yo kwirinda Covid-19 aho ababyitabira bagomba kuba barikingije ndetse banipimishije Covid-19, Rev. Numa n’umugore we nabo basanze ari byiza ko basubukura ibirori bise ‘Let’s Fix It Couples Night’.

    Insanganyamatsiko y’ibi birori iragira iti “Let’s Fix It”, ubigereranyije mu kinyarwanda, bisobanuye “Mureke tubikosore/Mureke twisuzume”. Ni insanganyamatsiko bakuye mu Abefeso 4:32. Alain Numa yabwiye InyaRwanda.com ko ibi birori bizaba tariki 23/12/2021, bibere mu mujyi wa Kigali mu Kiyovu kuri Mythos Hotel kuva saa Moya z’umugoroba kugeza saa Tatu z’ijoro.

    Abazitabira ibi birori bazagira umwanya uhagije wo kuganira ku rushako ndetse banaganirizwe amagambo y’Imana n’umukozi w’Imana Bishop Olive Murekatete Umushumba Mukuru wa Shiloh Mountain Church. Bazaganira barimo no gusangira ifunguro rya nimugoroba, bityo buri ‘Couple’ izitabira ikaba isabwa kwishyura ibihumbi 30 y’amanyarwanda. Ushaka kwitabira ibi birori ahamagara iyi nimero: 0787777771. 

    INKURU WASOMA: Alain Numa: Uko yagiye mu gisirikare, kujya mu barokore avuye muri Gatolika n’uko yigize umwana w’umupilote watwaraga Perezida-VIDEO

    Mu kiganiro na InyaRwanda.com, Rev Alain Numa uzwi cyane mu kigo cy’itumanaho cya MTN Rwanda amazemo imyaka igera kuri 20, akaba n’umupasitori muri Shiloh Prayer Mountain church-inshingango yahawe kuwa 21 Ukuboza 2019, yadutangarije ko urugo ari urugendo rubamo ibintu byinshi birimo ibibi n’ibyiza, akaba ariyo mpamvu yatekereje guhuriza hamwe abubatse ingo n’abitegura kurushinga kugira ngo baganire, bahugurane, bishimane, n’ibindi. Ati:

    Burya urugo ni urugendo rubamo byinshi, habamo ahamanuka, ahazamuka, amabuye, imyobo n’ibindi byinshi. Rero umwaka iyo urangiye numvise byaba byiza habayeho umugoroba wo kongera gusubiramo ibyo twahuye nabyo tukongera tukisuzuma ndetse tukagira n’ibyo twongeramo akabaraga kugira ngo n’ubutaha iyo mihanda tuyinyuremo ntakiduhungabanya duharanira kugira urugo rwubakiye ku Mana yacu kuko ari yo yonyine itanga urugo rwiza.

    Rev Alain numa hamwe n’umugore we Pastor Umurerwa Jacqueline

    Rev. Numa yavuze ko bateguye iki gikorwa bagendeye ku Ijambo ry’Imana riri mu Abefeso 4: 32, ati “Turi kugendera mu ijambo ry’Imana “Abefeso 4:32″《Mugirirane neza, mugirirane imbabazi, mubabarirane ibyaha nk’uko Imana yabababaririye muri Kristo.. Yongeyeho ati “Ibi birareba abubatse ingo n’abitegura kurushinga”.

    Muri uwo mugoroba hateganyijwe kumva ubuhamya bwa Rev Numa n’umugore we, gusangira ku bunararibonye bavanye mu rugendo bamazemo imyaka 23. Bijyanye n’amabwiriza ya Minisiteri y’Ubuzima yo kwirinda icyorezo cya Covid-19, Rev. Numa yavuze ko imyanya y’abazitabira ibaze, bityo ubyifuza wese akaba yakwiyandikisha hakiri kare kugira ngo atazacikanwa. Ati “Azaba ari n’umugoroba wo gusangira (Dinner) ariyo mpamvu harimo n’ikiguzi. Birasaba kwiyandikisha/gukora Booking kugira ngo imyiteguro igende neza kandi imyanya ikaba ibaze”.

    Kuwa 21 Ukuboza 2019 ni bwo Alain Numa yimitswe agirwa Rev.Pastor

    Abashakanye n’abitegura kurushinga bateguriwe igikorwa cyiswe ‘Let’s fix it couples night’

    Source : https://inyarwanda.com/inkuru/112212/rev-alain-numa-numugore-we-basubukuye-ibirori-lets-fix-it-couples-night-bateguriye-abashak-112212.html

  • Gatete Jimmy yaciye amarenga ko ashobora kuga… – #rwanda #RwOT

    Kuva Jimmy Gatete yahagarika umupira w’amaguru mu mwaka wa 2010, yatandukanye burundu igisa n’umupira w’amaguru, ndetse amakuru ye yamenyekanaga yazaga adafite aho ahuriye n’umupira w’amaguru by’umwihariko ku Rwanda. 

    Nk’ibindi bihugu, abanya-Rwanda bibwiraga ko Jimmy Gatete nasezera umupira w’amaguru hagendewe ku bihe byiza yari yagize mu Amavubi, ashobora kuzaba nk’umutoza cyangwa agakora ikindi ariko gifite aho gihuriye n’umupira, gusa siko byagenze.

    Mu kiganiro yagiranye na Radio B&B FM, Gatete Jimmy yatangaje ko agomba kugaruka mu mupira w’amaguru ariko avuga ko atazaza nk’umutoza. Yagize ati: “Mu by’ukuri sinibaza ko nzatoza simbibona pe, ariko ikintu nabizeza umupira nawuvukiyemo, narawukinnye, nkwukuriramo, na n’ubu urankurikirana. Kuri ubu sinywurimo ariko ndumva hari ikintu kiri kunsunika gishaka kungaruramo, numva umunsi umwe nzawugarukamo”. 

    Yakomeje ati “Sinzi uburyo nzabigarukamo, sinzaba umutoza byo, ariko sinzi uburyo nzabigarukamo kuko ni ibintu nkunda, ni ibintu nibaza ko nzi, nibaza mbigarutsemo sinabura icyo mfasha n’iyo yaba ikipe yo mu muhanda nagaruka nkayifasha.”

    Source : https://inyarwanda.com/inkuru/112206/gatete-jimmy-yaciye-amarenga-ko-ashobora-kugaruka-mu-mupira-wamaguru-112206.html

  • Yayituye abafite ubukwe n’ibindi birori: Clap… – #rwanda #RwOT

    Iyi ndirimbo itangira humvikana ijwi rya Serge Iyamuremye aho aba aririmba ati “Today is your day (uyu munsi ni uwawe)”. Akomeza aririmbamo ko iyo Imana ikinguye ntawe ushobora gukinga, kuko itajya yivuguruza. Clapton amwakira agira ati “Ndi umutsinzi, sindi umuntu utsindwa, ntakizantera ubwoba….Congratulations, uyu munsi Imana irakwibutse, uyu munsi ni uwawe, Ayiiii, bwira mugenzi wawe ngo Ayiiii, …” 

    Amashusho yayo agaragaramo abakinnyi ba Cinema nyarwanda bakunzwe cyane muri iyi minsi. Iyi ndirimbo irimo udukoryo twinshi nk’aho Clapton agaragara mu isura y’umusirikare ukomeye wakoze ubukwe akikijwe na bagenzi be b’inyenyeri nyinshi. Serge Iyamuremye bakoranye iyi ndirimbo, agaragara muri iyi ndirimbo acungiye umutekano Clapton uba wakoze ubukwe. Hari aho indirimbo igera, umukwe n’umugeni n’abanyacyubahiro babatahiye ubukwe, bagashyira hasi icyubahiro cyabo bagaceza umuziki kakahava.  

    REBA HANO INDIRIMBO ‘HE MADE A WAY’ YA CLAPTON FT SERGE

    Mu kiganiro na InyaRwanda.com, Clapton Kibonge yavuze ko yakoze iyi ndirimbo mu rwego rwo gushima Imana ku byo yamukoreye byose ndetse no kwifatanya n’abandi bantu bose bafite amashimwe ku Mana aho yabatuye iyi ndirimbo ye abasaba kujya bayiririmba mu birori byabo. Ati “Ni indirimbo yo gshimira Imana mu byo nagezeho, icyo nari igamije ni ugusubira inyuma mu byo nagiye ntambukamo nkabyishimira binyuze mu ndirimbo”.

    Mugisha wakunzwe mu ndirimbo ‘Fata telefone Mana’, yunzemo atI “Gushimira ko yantsindishirije yaba ku mwuga wanjye ndetse no ku muryango wanjye”. Yanavuze impamvu yahisemo Serge kuba ari we bakorana iyi ndirimbo, ati “Nahisemo Serge kubera ko ari we ushoboye injyana zigezweho ‘Urban music’, niwe wari usanzwe yarakozeho indirimbo zimeze nkazo, zibyinitse. Ikindi akaba ari n’inshuti yanjye ya hafi”.

    Clapton hamwe na Serge bakoranye indirimbo ‘He made a way’

    Yasabye abantu bari bwumve iyi ndirimbo ye gufashwa nayo mu bihe barimo “bakayifashisha mu birori byabo, mu kwishima yaba ari umunsi w’amavuko, yaba ari ubukwe, Graduation, ibirori ibyo ari byo byose, bakayifashisha, nanjye byamfasha cyane kuko byaba ari byiza ndamutse mvuze mu ijwi ryanjye ariko nkavugira benshi”. Yavuze ko iyi ndirimbo yamuhenze ariko yirinda gutangaza amafaranga yamutwaye ati:

    Indirimbo yarampenze ariko ntabwo ndi butangaze amafaranga nayitanzeho mu rwego rwo kwirinda impaka, kubera ko ibintu nk’ibyo ngibyo akenshi iyo umuntu avuze amafaranga runaka, abantu batangira kubara bakurikije video barebye ariko ibintu bitwara amafaranga sibyo bareba, ni ibintu bitagaragara, icyo cyo baranyihanganira, gusa yatwaye amafaranga atari macye kandi harimo n’inkunga cyane cyane nko ku bakinnyi dukorana bagaragara mu mashusho, byari ukunshigikira, nta mafaranga bahembwe runaka.

    Clapton yakinnye ari umusikare mu ndirimbo yakoranye na Serge

    Ku bijyanye no kuba ari kwandika indirimbo zuje ubutumwa ku muntu uzumva, n’ubwo anyuzamo amashusho asetsa abantu, Clapton yagize icyo abivugaho. Yanavuze impamvu yakoze indirimbo ibyinitse mu gihe ubushize yakoze ituje yo kuramya Imana, avuga ko ari muri gahunda yo gukora injyana zose kugira ngo agere ku bantu bose ati “Ubutaha nshobora gukora Reggae, naho ubundi n’ubwo idasekeje amagambo, ariko video yo irasekeje ntabwo byabura”.

    Clapton Kibonge ni umukinnyi wa Filime, umunyarwenya waryubatse, akaba n’umuhanzi ukora indirimbo zisingiza Imana. Ubwo yacaga amarenga y’indirimbo ye nshya ariyo iyi yasohoye, yasangije abakunzi be kuri Instagam ifoto imugaragaza asa nk’umusirikare ukomeye wakoze ubukwe, iruhande rwe hari umukobwa wambaye agatimba ndetse na Serge Iyamuremye abahagaze iruhunde ameze nk’ucungiye umutekano Clapton. Ni ifoto yateje urujijo mu bantu na cyane ko Clapton atigeze asobanura byinshi kuri yo ahubwo yaranditse ati “Wamenya ari ibiki?”

    Benshi mu babonye iyo foto bibajije ibibazo byinshi, bamwe bakeka ko ari Filime aba bombi bari gukora, abandi bavuga ko Clapton ashobora kuba ‘yasubiyemo ubukwe bwe’, abandi bavuga ko ishobora kuba ari indirimbo bakoranye. Hari uwagize ati “General ararongoye”. Ishimwe Ben ati “Serge yabaye Bouncer, ibi bintu birakaze”. Yves Rugamba ati “Ni ukwamamaza MTN”. Danny ati 'Serge Iyamuremye se aje muri sinema nawe?”. Hari n'undi wavuze ati “Iyi ndirimbo izaba ikomeye pe”.

    Clapton na Serge bakoranye indirimbo irimo udushya twinshi

    Kuwa Kane tariki 02 Ukuboza 2021, ni bwo Clapton yakuye urujijo yateje abantu, maze ashyira hanze ifoto iteguza indirimbo yakoranye na Serge Iyamuremye. Kuri iyo foto, Clapton na Serge bagaragara bombi bambaye amataratara, bari kureba mu kirere. Munsi y’iyo foto, Clapton yaranditse ati “Muriteguye?”. Aha yababazaga niba biteguye indirimbo ye nshya.

    Clapton Kibonge ashyize hanze iyi ndirimbo nshya nyuma y’amezi 11 yari amaze nta ndirimbo nshya dore ko ubusanzwe ubuzima bwe bwa buri munsi aba ari muri Cinema aho akunzwe cyane muri Filime y’uruhererekane yitwa ‘Umuturanyi’ n’izindi akinamo zirimo ‘Seburikoko’ yatumbagije izina rye. Mugenzi we Serge, we hashize ukwezi kumwe ashyize hanze indirimbo yise ‘Lion’ yaje ikorera mu ngata ‘Mwuka Wera’ na ‘Yesu agarutse’ Ft James & Daniella. 

    Ni ubwa mbere Serge na Clapton bahuriye mu ndirimbo. Bombi bahuriye ku kuba bakunzwe cyane n’abiganjemo urubyiruko. Ku ruhande rwa Clapton, urubyiruko rukunda cyane filime ze zisekeje ari nabyo wavuga ko byatumye abengukwa na kompanyi ya MTN Rwanda muri gahunda yayo ya Yolo ikoreshwa n’urubyiruko. Serge nawe akundwa n’abiganjemo urubyiruko bitewe no kuba ari we muhanzi wa Gospel ufite umwihariko wo gukora indirimbo zibyinitse, n’ubwo anyuzamo agakora n’izituje zikundwa n’ingeri zose.

    Kuwa Kane Clapton yabajije abakunzi be niba biteguye indirimbo ye nshya bamusubiza ko amatsiko ari yose

    Serge Iyamuremye ari mu baramyi bakunzwe cyane mu gihugu

    Clapton Kibonge yahaye impano y’indirimbo abantu bose bafite ubukwe n’ibindi birori

    REBA HANO INDIRIMBO NSHYA ‘HE MADE A WAY’ YA CLAPTON FT SERGE

    Source : https://inyarwanda.com/inkuru/112181/yayituye-abafite-ubukwe-nibindi-birori-clapton-yasohoye-indirimbo-he-made-a-way-yakoranye–112181.html

  • Messi yategetswe gusenya Hoteli ye nziza cyan… – #rwanda #RwOT

    Messi wegukanye Ballon d'Or ya karindwi ku wa mbere w'iki cyumweru agashyiraho agahigo k'umukinnyi ufite iki gihembo inshuro nyinshi ku Isi, aho arusha bibiri mugenzi we bahora bahanganye, Cristiano Ronaldo, hoteli ye ya miliyoni 26 z'amapawundi yashyizwe mu zigomba gusenywa i Barcelona.

    Iyi hoteli ya Messi y'inyenyeri enye 'MiM Sitges' iherereye mu mujyi wa Barcelona kandi ni hamwe mu hantu yakundaga gusura.

    Nk'uko ikinyamakuru El Confidencial cyabitangaje, ngo icyemezo cy'urukiko cyo gusenya uyu mutungo kiracyategerejwe, ndetse ngo begereye abahagarariye Messi kugira ngo batange ibisobanuro, ariko yaba we cyangwa ikipe ye ntabwo bahisemo kugira icyo bavuga kuri iki kibazo.

    Messi ufite amahoteri muri Ibiza na Majorca afatanyije na Majestic Hotel Group, yakoresheje miliyoni 26 z'ama pound agura Hotel MiM Sitges, iri hafi kuri metero zisaga 100 uvuye ku nyanja, akaba yarayiguze mu 2017.

    Bivugwa ko Messi yabikoze atazi ko Sitges Town Hall igomba gusenywa kubera ko itubahirije amategeko agenga imyubakire.

    Kimwe mu bibazo iyi hoteli ifite ni uko ibaraza ryayo ari rinini cyane kandi yubatswe bishingiye kuri ryo ariyo mpamvu risenywe bishobora gutuma inyubako isenyuka.

    Bivugwa ko Messi yamenyeshejwe gahunda yo gusenywa ku iyi hoteli ubwo ikinyamakuru kimwe cyamwegeraga kugira ngo agire icyo abivugaho.

    Amakuru ava mu nshuti za hafi z'uyu mukinnyi avuga ko ari mu nzira zo kuvugurura hoteri ye y'ibyumba 77 kubera ko yashyizwe mu zitujuje ubuziranenge busabwa n'umujyi.

    Hoteli ya Messi iherereye i Barcelona yashyizwe muzigombna gusenywa

    Messi yiyemeje kuvugurura bundi bushya Hoteli ye ishobora gusenywa

    Source : https://inyarwanda.com/inkuru/112204/messi-yategetswe-gusenya-hoteli-ye-nziza-cyane-iherereye-i-barcelona-amafoto-112204.html

  • Muhanga: Abaturage bijeje ubuyobozi ubufatanye mu kwesa imihigo nyuma yo kuyegerezwa iwabo #rwanda #RwOT

    Abaturage bo mu murenge wa Shyogwe barashimira ubuyobozi bw'Akarere ka muhanga n'abafatanyabikorwa babegereje imihigo iwabo ku murenge. Barasaba ko bakomeza kugera no ku Mudugudu. Barizeza ubuyobozi ubufatanye mu kwesa imihigo iba yahizwe hagamijwe iterambere ry'imibereho myiza y'umuturage,.

    Abaturage, ibi babyijeje ubuyobozi mu muhango wo kumurika ibyapa bimanitseho imihigo 89 irimo gushyirwa mu bikorwa mu mwaka wa 2021 -2022, igikorwa cyabaye ku gicamunsi cyo kuri uyu wa 03 Ukuboza 2021.

    Mushimiyimana Marie Claire, avuga ko iki cyapa kigaragaraho imihigo kigiye kubafasha gukurikirana neza imihigo barebera hamwe uko igenda ishyirwa mu bikorwa.avuga ko bayigiraga mu makaye gusa, ariko ubu iri aho buri wese atambuka ayireba, ko rero bagiye gufatanya n'ubuyobozi kuyishyira mu bikorwa.

    Yagize ati' Turishimye cyane kuko hano niho dukorera inama zose, tuzajya tugira uruhare rwo gufasha akarere kugera kubyo biyemeje muri iyi mihigo. Twagiraga amakaye ariko turishimira ko bizagenda neza kurushaho nidufatanya'.

    Kabandana Pascal, avuga ko ibikwiye kwitabwaho cyane ari mu buhinzi bakabaha imbuto z'indobanure, amafumbire ndetse n'ibindi kugirango bakomeze kwesa neza imihigo iba yahizwe bakabashakira nuko bajya buhira mu gihe ikirere cyabaye kibi.

    Abayobozi batandukanye mu gikorwa cyo kwegereza abaturage imihigo.

    Umuyobozi uhagarariye Imiryango itari iya Leta mu Karere ka Muhanga, Mutakwasuku Yvonne, avuga ko aho ibyapa by'imihigo biri ari ahantu abaturage bakunze guhuririra bityo ko bahawe rugari mu bibakorerwa.

    Yagize ati' Nibyo bahawe ibizabafasha kugirango bagire uruhare rw'ibibakorerwa kuko ibi byapa byashyizwe ahantu hakunze guhurira abantu benshi kugirango bijye bibibutsa ko bakwiye gufatanya n'ubuyobozi kwesa neza imihigo iba yahizwe'.

    Umuyobozi w'Akarere ka Muhanga, Kayitare Jacqueline yemeza ko imihigo abaturage begerejwe idakwiriye kuba amasigaracyicaro kuko iyi mihigo yavanywe mu bitekerezo byatanzwe n'abaturage, ko ari nabo bitangiye ibiri gushyira mu bikorwa.

    Meya Kayitare, akomeza avuga ko abaturage bagomba kuzajya bareba iyo bemerewe bakareka kuyitirira abayobozi no kuyibaharira kuko bidakwiye. Ahamya ko aribo bafite uruhare runini mu kuyesa neza kuko ari iyabo.

    Abaturage bijeje ubuyobozi ubufatanye mu kwesa imihigo.

    Mu imurikwa ry'ibi byapa kandi, abaturage babajijwe ibibazo ku mihigo imwe nimwe maze abatsinze neza bahabwa amaradiyo yo kubafasha gukomeza gukurikiranira ho gahunda za Leta. Abatsinze kandi bahembwe ibitenge byo kwambara bakangurirwa gukomeza gufasha ubuyobozi kabagezaho iterambere.

    Nubwo icyorezo cya COVID-19 cyazambije ibintu byinshi, yemeza ko imihigo 89 yose igeze hejuru ya 50% mu gihembwe cya 2 cy'uyu mwaka w'ingengo y'imari itangira mu kwezi kwa Nyakanga 2021 ikazarangira mu mpera z'ukwezi kwa Kamena 2022.

    Akimana Jean de Dieu

    Source : https://www.intyoza.com/muhanga-abaturage-bijeje-ubuyobozi-ubufatanye-mu-kwesa-imihigo-nyuma-yo-kuyegerezwa-iwabo/

  • Imbogamizi abatumva n’abatavuga bahura na zo iyo bahohotewe – #rwanda #RwOT

    Ibi babigaragaje ku wa Kane tariki ya 2 Ugushyingo 2021, ubwo herekanwaga ibyavuye mu bushakashatsi bwakozwe hagamijwe kureba uko ibigo bya Isange One Stop Centre biha serivisi abafite ubumuga.

    Abafite ubumuga bagaragaje ko bagorwa cyane no kugera mu nyubako ibigo bya Isange One Stop Centre bikoreramo bitewe n’imiterere yazo aho usanga nta nzira zabateganyirijwe zihari.

    Umunyamabanga Nshingwabikorwa w’Inama y’Abantu bafite ubumuga mu Rwanda (NCPD), Ndayisaba Emmanuel, yabwiye IGIHE ko imikoranire ya Isange One Stop Centre imaze kugera ku rwego rushimishije uretse ko bagifite imbogamizi z’uko abakozi b’iki kigo batabasha kumvikana neza n’abafite ubumuga bwo kutavuga no kumva.

    Ati “Mu mbogamizi ihari harimo no kuba batabasha kuganira n’abo baba bagannye bashaka serivisi, icyo tugomba gukora ni uko bariya bantu bagomba guhugurwa kuko ni ingenzi. Kuba umuntu yabura ubutabera na serivisi nk’iriya yahotewe ni ikintu kiba kibabaje cyane.”

    Umuyobozi w’Umuryango Nyarwanda w’abagore bafite ubumuga UNAB, Mushimiyimana Gaudence, na we yavuze ko abafite ubumuga bwo kutavuga no kutumva bibasirwa cyane n’ihohoterwa.

    Umuvugizi w’Urwego rw’Ubugenzacyaha, Dr Murangira Thierry, we yemeza ko bafite abantu bafite ubushobozi bwo kubavugisha anabashishikariza kujya batanga ibirego kugira ngo uburenganzira bwabo bwubahirizwe.

    Ati “Icyo ni ikibazo ariko uje wese afite ikibazo cyo kutumva cyangwa icyo kutabona twitabaza abantu bafite ubushobozi bwo kuba bavugana nabo bakabasobanurira kubera ko muri icyo gihe aba ari nk’umunyamahanga utazi ururimi.”

    Akomeza avuga ko nta muntu wakagombye kureka gutanga ikirego cyangwa bimutere isoni kuko abafite ubumuga na bo ari abantu nk’abandi ndetse uburenganzira bwabo buba bugomba kubahirizwa.

    Umunyamabanga Nshingwabikorwa w’Inama y’Abantu bafite ubumuga mu Rwanda (NCPD), Ndayisaba Emmanuel

    Umuyobozi w’Umuryango Nyarwanda w’abagore bafite ubumuga UNAB, Mushimiyimana Gaudence, yavuze ko abafite ubumuga bwo kutavuga no kutumva bibasirwa cyane n’ihohoterwa

    source : https://ift.tt/3DiidQ4

  • Rurambikanye hagati ya Hubert Védrine na Guillaume Ancel bapfa ibyatangajwe na Raporo ya Duclert – #rwanda #RwOT

    Nyuma y’aho iyo raporo isohokeye, benshi mu bahoze mu buyobozi bw’u Bufaransa barayikomye n’ugerageje kubagarukaho akaba ikibazo kuri bo.

    Umwe muri bo ni Hubert Védrine wari Umunyamabanga Mukuru w’Ibiro bya Perezida w’u Bufaransa (Elysée). Yajyanye mu nkiko Guillaume Ancel wari umwe mu basirikare b’u Bufaransa bari mu Rwanda wakunze gusaba ko uruhare rwe mu byabaye rumenyekana.

    Muri Kamena nyuma gato y’aho Raporo ya Duclert yari imaze gusohoka, Védrine yatangiye kunenga Guillaume Ancel wandikaga ku mbuga nkoranyambaga avuga ko uyu mugabo agomba kuryozwa ibyo yakoze.

    Undi ntabwo yigeze yishimira ibyo, ahubwo ubu yatanze ikirego avuga ko Guillaume yamusebeje. Urukiko ruzumva impande zombi tariki 18 Gashyantare 2022.

    Guillaume wanditse ibitabo bigaragaza uruhare rwa bamwe mu bayobozi b’u Bufaransa mu mahano yagwiriye u Rwanda, yanze kuripfana, yongera agaruka kuri Védrine.

    Yanditse kuri Twitter ati “ Hubert Védrine afite ikibazo cyo kwanga kwemera ko ibyo yavuze byose ku Rwanda mu myaka 27 ishize, byateshejwe agaciro na Komisiyo Duclert yashyizwe kandi igasozwa na Perezida Macron i Kigali.”

    Yibaza impamvu Védrine ashaka kumucecekesha mu gihe ibyo avuga bishingiye ku mateka.

    Umunyamategeko wa Védrine, Me Alexandre Mennucci, yatangaje ko we n’umukiliya we icyo badashaka ari umuntu umwibasira by’umwihariko Ancel ngo yamugereranyije na Maurice Papon wagize uruhare muri Jenoside yakorewe Abayahudi.

    Ati “Védrine ntiyigeze akorana n’Abajenosideri. Ntabwo ahakana ko Jenoside yabaye. Arashaka ko agaciro ke karengerwa n’urukiko.”

    Ku rundi ruhande, Ancel we ahakana ko yaba yaragereranyije Védrine na Papon ahubwo ko yavuze ko imikorere yabo ijya kumera kimwe.

    Ati “Kuri njye, ikibangamira Hubert Védrine ni uko tubaza uruhare rwe mu “ruhare rukomeye rwa Élysée” rwagaragajwe na Komisiyo Duclert.”

    Ubwo iyi raporo yari imaze kujya hanze, Prof Vincent Duclert wayoboye abayikoze, yahishuye ko Védrine ari mu ba mbere bayirwanyije bikomeye.

    Muri Kamena ari i Kigali yagize ati “Nubwo muri rusange Abafaransa bayakiriye neza, abari ku isonga mu butegetsi bw’u Bufaransa hagati ya 1990 na 1994, ku isonga Hubert Védrine wari Umunyamabanga Mukuru wa Elysée bagerageje kuyamagana no kuyitesha agaciro.”

    Bose ntibashaka ko hagira uhuza izina ryabo na Jenoside yakorewe Abatutsi, ahubwo bagaragaza ko u Bufaransa bwakoze ibyo bwagombaga gukora kandi ku gihe.

    Mu nyandiko aba bashakashatsi babonye harimo n’iya Pierre Joxe wabaye Minisitiri w’Ingabo hagati ya Mutarama 1991 na Werurwe 1993, wandikiye François Mitterrand amusaba gufata icyemezo cya gisirikare ku byatutumbaga mu Rwanda.

    Duclert ati “Biragaragara ko bifitanye isano n’u Rwanda. Yasabye ko amabwiriza ya Perezida wa Repubulika aba yanditse. […] Hubert Védrine yanze kugeza ubwo butumwa kuri Mitterrand.’’

    Mu kiganiro yagiranye na Jeune Afrique, Prof. Vincent Duclert yabajijwe niba uko raporo yakiriwe biterekana umubano hagati y’inzego za Leta y’u Bufaransa muri Jenoside n’abandi.

    Yasubije ko mu byavuzwe n’aba bagabo hari ibibazo by’ingenzi mu bikubiye mu nyandiko bigikeneye kwibazwaho.

    Ati “Kuri Hubert Védrine, yibanze ku byo twatangaje ku kuba u Bufaransa nta ‘ruhare rutomoye’ rwagize, nk’ijambo twifashishije dushingiye ku nyandiko twashoboye kunyuramo, ku byabaye muri Jenoside.’’

    Yakomeje avuga ko kuba Hubert Védrine ashaka kwishingikiriza ibikubiye muri raporo mu kwerekana ko nta ruhare na ruto u Bufaransa bwagize muri Jenoside atari ari ukuri.

    Ati “Politiki y’u Bufaransa mu Rwanda yagize uruhare mu mugambi wa Jenoside nubwo abayobozi b’Abafaransa batari babizi cyangwa babishaka. Ibyo na byo bikwiye kwemerwa.’’

    Umwanditsi Patrick de Saint Exupery aherutse kuvuga ko Védrine ntaho ataniye na Colonel Théoneste Bagosora wakatiwe n’Urukiko Mpanabyaha rwashyiriweho u Rwanda.

    Yagize ati “Colonel Bagosora Théoneste ni we ubwo yari mu rukiko Arusha, yanze kuvuga Jenoside avuga ubwicanyi ndengakamere. Ati ‘ntabwo nakoze Jenoside, icyabaye ni ubwicanyi ndengakamere’. Bagosora na Védrine ni bamwe, ni abantu bakina n’amagambo bashaka kwerekana ukuri kw’ibintu bitigeze bibaho.”

    Raporo ya Duclert yamuritswe nyuma y’imyaka itsinda ry’abanyamateka 13 riri gucukumbura ibikubiye mu nyandiko zitari zigeze zishyirwa ahagaragara zigaragaza amateka y’u Rwanda n’u Bufaransa hagati ya 1990 na 1994.

    Ni raporo ya paji 1222 yitiriwe Komisiyo “Duclert” kuko uwari uyikuriye ari Prof Vincent Duclert.

    Mu mwanzuro wayo, isobanura ko u Bufaransa bwari buyobowe na François Mitterrand bwananiwe kugira icyo bukora mu guhagarika Jenoside yakorewe Abatutsi.

    Ntabwo inyandiko zose zireba u Rwanda n’u Bufaransa hagati ya 1990 – 1994 aba bashakashatsi babashije kuzinyuzamo amaso kuko muri raporo yabo basobanura ko hari zimwe babuze, bishoboka ko zaba zarimuriwe mu bubiko rusange, cyo kimwe n’uko hari izindi batabashije kubona kuko bishoboka ko zitashyizwe mu bubiko.

    Hubert Védrine ntakozwa ibyo gushinja u Bufaransa uruhare muri Jenoside yakorewe Abatutsi

    Guillaume Ancel yakunze kuvuga ko uruhare rwa Hubert Védrine muri Jenoside yakorewe Abatutsi rukwiriye kugaragazwa

    source : https://ift.tt/3lAuUQ1

  • Icyo mu nda cyashatse icyo mu nkono! Urukundo rw’ibanga rwa Padiri Munyeshyaka n’umugore babyaranye umuhungu – #rwanda #RwOT

    Padiri Munyeshyaka Wenceslas ni Umupadiri wahoze akuriye Paruwasi ya Sainte Famille mu gihe cya Jenoside yakorewe Abatutsi. Abamuzi bibuka ko mu 1994 yagendanaga imbunda yo mu bwoko bwa ‘Masotela’ ku itako.

    Yavuzweho gufata abagore ku ngufu ndetse bamwe ameze nk’uwabagize abagore be. Hari umwana w’umukobwa yasambanyije ku gahato waje no kubitangaho ubuhamya.

    Yashinjwe kwica Abatutsi bari barahungiye kuri Sainte-Famille, muri Saint-Paul no kuri Cela. Ibyo si yo ngingo y’uyu munsi, tuzabigarukaho nyuma.

    Yahungiye mu Bufaransa mu 1994, akingirwa ikibaba ariko kera kabaye ababikoze nawe ubwe batamajwe n’urukundo rw’ibanga yagiranye n’umugore babyaranye umuhungu.

    Hari ibiganiro by’ibanga byafashwe humvirijwe telefoni ye, bishyirwa hanze mu 2017. Ubibonye ntiwakeka ko ari umushumba uba uganira n’intama ye, dore ko bageza aho bemeranya gusubirayo kuko nta mahwa. Imfura yabo ubu ifite imyaka 11.

    Umupadiri asezerana kuba umusiribateri. Ni umuhamagaro ushobora umugabo ugasiba undi kuko hari aho bigera agatima kakarehareha, wa mugani icyo mu nda kikumva gishaka icyo mu nkono!

    Padiri Munyeshyaka nawe ni uko byamugendekeye maze ahundagaza imitoma kuri Mukakarara Claudine birangira babyaranye.

    Uko bateranaga imitoma, bitana Chouchou na Cherie, ni ko Jandarumori y’u Bufaransa yabumvirizaga, biza kurangira ibyabo bigiye hanze.

    Umushinjacyaha Gerald Patrick wo mu gace ka Rosny-sous-Bois ni we washyize hanze ibiganiro Padiri Munyeshyaka yagiranye n’umugore babyaranye.

    Ni ibiganiro byo kuri telefoni by’iminsi myinshi. Inyandiko IGIHE ifitiye kopi igaragaza ibyo ku wa 27 Nzeri 2014 hagati ya Padiri Munyeshyaka na Mukakarara.

    Icyo gihe hari mu masaha ya saa tanu n’iminota 20. Padiri atangira abwira Mukakarara ko amaze kuvugana na Louise uba mu Rwanda ndetse ko yamuboneye umutangabuhamya umushinjura witwa Hakizimana.

    Uwo Hakizimana ngo yari afite imyaka 19 mu 1994. Mu biganiro byabo ntibabitinzeho, ahubwo babivuzeho umurongo umwe nyuma bakomeza ibyabo.

    Padiri Munyeshyaka ati “Mimi Cherie, Louise amaze kumpamagara mu kanya ndanezerewe cyane. Yanyijeje ko ku wa Kabiri azampa igisubizo.”

    “Yanampaye umuhungu we turavugana anyizeza ko ku wa kabiri nzabona igisubizo, ko rwose bitazarenga ku wa kabiri. Niwe ubwe uzakurikirana dosiye yanjye. Ubu afite imyaka 39 bivuze ko mu gihe cy’ubwicanyi yari afite imyaka 19.”

    Claudine ahita abaza umukunzi we ati “Muraziranye?”, Munyeshyaka agasubiza ati “Ndamuzi neza Hakizimana”. Claudine ati “Njye nari mfite ubwoba ko ibyo mutabivugana kuri telefoni kuko batinya ko mu Rwanda bumviriza telefoni z’abantu”.

    Padiri Munyeshyaka ati “Ni akazi kabo ntacyo bitubwiye. Nta kibi dukora turi kwirwanaho.” Claudine ati ” Ubusanzwe ibi bintu ntibivugwa kuri telefoni.”

    Padiri Munyeshyaka ati ” Oya, oya nta politiki dukora. Rwose byanejeje cyane. Ndagushimiye cyane Claudine.”

    Nyuma yo kumuha ayo makuru, Padiri Munyeshyaka yahise aboneraho kubwira Mukakarara Claudine, ko naramuka adafunzwe, azamubyarira umwana wa kabiri.

    Ati “ Nindamuka ntafunzwe tuzabyara umwana wacu wa kabiri (aseka). Ni wowe wanyeretse iyo nzira yo kubyara, ariko noneho ndifuza umukobwa”.

    Claudine ati “Wowe ubyara abahungu”. Padiri Munyeshyaka ati “Oya ndifuza umukobwa”.

    Barakomeje baterana imitoma, babwirana n’utundi tugambo tw’urukundo, bibukiranya n’ibihe byiza bagiranye ubwo muri Nyakanga 2010 babyaraga umuhungu wabo.

    Claudine ati “Imana izagukorera ibitangaza ubyare umukobwa.”

    Ku wa Gatanu tariki 3 Ukuboza 2021, Musenyeri wa Diyoseze ya Évreux, Christian Nourrichard, yasohoye itangazo rihagarika Padiri Munyeshyaka nyuma y’uko yemeye ko afite umwana.

    Padiri Munyeshyaka w’imyaka 63 yakoreraga umurimo we muri Paruwasi ya Mutagatifu Saint-Martin de la Risle i Brionne mu Bufaransa. Yemereye uwari umushumba we koko ko yabyaye kandi ko yifuza n’undi mwana.

    Ubu yatangiye ubuzima bushya nk’umuturage aho kuba uwihaye Imana. Abarizwa muri Komine ya Gisors mu Bufaransa. Umwana wa Padiri Munyeshyaka yavutse muri Nyakanga 2010, aba muri iyo Komine se abamo.

    Musenyeri Christian Nourrichard yafashe umwanzuro wo kumuhagarika, kuko ibyo yakoze bihabanye n’amahame ya Kiliziya agenga Abasaseridoti.

    Padiri Munyeshyaka yahagarikiwe kandi amasakaramentu yose, bivuze ko agiye kubaho nk’Umulayiki, nashaka kongera kuyahabwa bizasaba ko aba Umugarukiramana.

    Padiri Munyeshyaka yageze mu Bufaransa mu 1994, yari avuye muri Arikidiyosezi ya Kigali kuko yari Umusaseridoti muri Paruwasi ya Sainte Famille.

    Ageze mu Bufaransa yatse ubuhungiro, yakirwa muri Diyosezi ya Évreux na Musenyeri Jacques David mu 1996 nyuma aza koherezwa muri Paruwasi ya Gaillard-sur-Seine mu 2001. Yabaye kandi muri Paruwasi ya Gisors Vallée d’Epte n’iya Plateau d’Étrépagny.

    Ku wa 30 Nyakanga 2021, Ibiro bishinzwe impunzi n’abatagira ubwenegihugu mu Bufaransa, OFPRA, byamuhaye ubuhungiro.

    Padiri Munyeshyaka yandikiranye n’umugore babyaranye, amubwira ko yifuza ko amubyarira umwana wa kabiri ariko noneho w’umukobwa

    Padiri Munyeshyaka ubu yahawe ubuhungiro bw’u Bufaransa, iminsi mike mbere y’uko ahagarikwa

    Ni Umupadiri washinjwe kugira uruhare mu bwicanyi bwakorewe Abatutsi mu 1994, ndetse bivugwa ko we ubwe hari abo yishe

    Mu gihe cya Jenoside yakorewe Abatutsi, Padiri Munyeshyaka yagendanaga imbunda

    source : https://ift.tt/3lwh6pF

  • Ibyo wamenya ku biciro fatizo bishya by’ubutaka mu gihugu – #rwanda #RwOT

    Ibiciro fatizo by’ubutaka bifatwa nk’igikoresho giha umugenagaciro ikigereranyo cy’ibiciro biri ku isoko. Ibishya byatangajwe mu igazeti ya leta ku wa 1 Ukuboza 2021.

    Ibiciro byo mu 2021 byateguwe hakoreshejwe ikoranabuhanga ryitaye ku by’ingenzi bigira ingaruka ku gaciro k’ubutaka bitandukanye n’ibyatangajwe mbere byagiye bigaragaza ibyuho ndetse hamwe na hamwe ntibyumvikanweho.

    Inyandiko isobanura iby’ibi biciro igaragaza ko mu kubibara hashingiwe ku makuru ku mapariseri yose yo mu gihugu ari mu bubiko-shingiro bw’Ikigo cy’Igihugu gishinze Imicungire n’Imikoreshereze by’Ubutaka (RLMUA).

    Hifashishijwe ikoranabuhanga rya Geographic Information System (GIS) buri pariseri ihabwa amakuru y’ibintu byose by’ingenzi bigira ingaruka ku gaciro k’ubutaka.

    Harimo abo ubutaka buherereye, uburyo bugerwaho n’ibikorwaremezo birimo imihanda, amashuri, amavuriro, amasoko, amazi n’umuriro; icyo bukoreshwa n’icyo buteganyirijwe; uburyo bwegereye imigezi n’ibiyaga n’ibindi.

    Ibiciro fatizo kandi byagenwe hakurikijwe inzego z’imiyoborere (Intara, Akarere, Umurenge, Akagari n’Umudugudu) bikaba bifite agaciro mu mezi atandatu uhereye igihe byatangarijwe mu igazeti ya Leta.

    Buri gace kaba gafite igiciro gito gishoboka, icyerekana ikigereranyo cy’igiciro fatizo cy’amapariseri yose ari muri icyo kiciro (Weighted Average Value) n’icyo hejuru.

    Abagenagaciro n’abandi bagenerwabikorwa bagirwa inama yo gushingira cyane ku giciro fatizo kuko ari bwo buryo bwiza bugaragaza uko isoko rihagaze muri rusange ahantu runaka no mu cyiciro runaka umutungo bari kugenera agaciro ubarizwamo.

    Nko mu Karere ka Gasabo mu Mujyi wa Kigali, Umurenge wa Bumbogo ahari ubutaka buhendutse metero kare yaho ihagaze ku mafaranga y’u Rwanda 467 ubariye ku giciro gito gishoboka; 9671 Fw ku giciro kigereranyije na 36.746 Frw ku cyo hejuru.

    Umurenge wa Gahanga mu Karere ka Kicukiro uri mu ifite ubutaka bufite igiciro fatizo gito aho metero kare yagenewe 4004 Frw ubariye ku giciro cyo hasi, 19045 Frw ku giciro kigereranyije na 66.627Frw ku giciro cyo hejuru.

    Muri aka karere hari aho usanga hagenewe ibihumbi bisaga 82 by’amafaranga y’u Rwanda kuri metero kare imwe nko mu Murenge wa Gatenga mu gihe i Kanombe hageza mu bihumbi 134 Frw kuri metero kare ubariye ku giciro cyo hejuru.

    Ibi biciro kandi biri hejuru mu Mijyi yunganira Kigali ugereranyije n’ahandi mu cyaro.

    Mu Karere ka Muhanga ibiciro biri hejuru biboneka mu Mirenge ya Cyeza, Nyamabuye, Shyogwe na Muhanga kuko biri hagati ya 43.407 Frw na 44.129 Frw naho igiciro gito gishoboka kiri hagari ya 272 Frw na 703 Frw.

    I Musanze ahenshi igiciro cyo hejuru ni 24.484 Frw keretse mu Murenge wa Cyuve (41.340Frw), Kimonyi (41.946 Frw), Muhoza (40.196 Frw).

    I Nyagatare igiciro gito ni 911 Frw kuri metero kare. Mu mirenge ya Rwimiyaga, Rukomo, Tabagwe n’ahandi henshi igiciro kiri hejuru ni 12.720 Frw, igihanitse kiri kuri 31.692 Frw mu Mirenge irimo Nyagatare.

    Muri Rubavu igiciro kinini kiboneka mu Murenge wa Gisenyi kikaba kiri kuri 83.645 Frw kuri metero kare, igito gishoboka ni 2.306 Frw; ikiri hagati ni 22.387 Frw.

    Muri Rusizi Umurenge wa Giheke mu tugari twa Kigenge, Rwega, Turambi ni ho hahenze. Igiciro cyo hejuru ni 56.565 Frw mu gihe i Huye igiciro gito gishoboka ari 1886 Frw; igiciriritse ni 4.188 Frw naho icyo hejuru ni 26.781 ariko mu Murenge wa Mbazi hari mu duce dufite ubutaka buhenze aho metero kare ihagaze kuri 46.021Frw.

    Mu turere two mu byaro igiciro fatizo kiri hasi. Nko mu Karere ka Rutsiro mu Murenge wa Boneza, usanga hari aho metero kare imwe yagenewe amafaranga y’u Rwanda 297 Frw ubariye ku giciro cyo hasi; 3.124 Frw ku giciro kigereranyije na 8640 Frw.

    Mu Murenge wa Busanze mu Karere ka Nyaruguru igiciro cyo hasi ni 196 Frw, icyo hagati ni 1310 Frw naho icyo hejuru ni 6.784 Frw.

    Ukeneye kumenya igiciro fatizo cy’ubutaka mu Mudugudu runaka kanda
    hano

    I Musanze ahenshi igiciro cyo hejuru ni 24.484 Frw keretse mu Murenge wa Cyuve, Kimonyi na Muhoza

    I Rubavu igiciro kinini kiboneka mu Murenge wa Gisenyi kiri kuri 83.645 Frw kuri metero kare

    Ushaka kumenya igiciro fatizo cy’ubutaka muri buri Karere, Umurenge, Akagari n’Umudugudu urabibona

    Umuhanda ugana kuri Stade Nyagatare, umwe mu Mijyi yunganira Kigali

    Uyu muhanda wubatswe mu Karere ka Rusizi , uva ku Karere ka Rusizi, ukanyura kuri stade, ugakomereza kuri Centre Pastorale Inshuti werekeza ku Mupaka wa Rusizi uhuza u Rwanda na RDC

    Mu Murenge wa Gahanga hari uduce dufite ubutaka buhenze bitewe n’ibikorwaremezo bihari

    source : https://ift.tt/3dmTsrg