Blog

Muhizi yahozaga ibitekerezo bye ku gutanga umusanzu ku burezi, maze atekereza gushinga ikigo cy'amashuri kizamufasha kwesa imihigo ye, akarerera u Rwanda.

Igitekerezo cya Muhizi Elie cyo gushinga ishuri gifite aho gihuriye n'amateka ye nk'uko abigarukaho, kuko yigeze kuba umwarimu, ariko kubera ibibazo ikigo yakoragaho cyahuye na byo birimo amadeni kikaza gufunga, yabuze akazi yakundaga.

Reba iyi video, umenye inkuru itangaje ya Muhizi

Amakuru y'urupfu rw'uyu mwana witwaga watoraguye mu mugende urimo amazi mu Mudugudu wa Muyenzi, Akagari ka Katarara, Umurenge wa Ntyazo, yamenyekanye bitewe n'umuturage wamubonye yapfuye ari mu gishanga cy'Akanyaru, abimenyesha abaturage bari mu nteko rusange ku wa 15 Nyakanga 2025.

Ibi byahise bikurikirwa n'iperereza ku bufatanye n'abaturage, maze kubera ko uwo mwana yari amaze kuba mukuru basanga uri uw'umugore w'imyaka 27, wakomokaga mu Karere ka Gisagara, ariko acumbitse mu Mudugudu wa Kamabuye, Akagari ka Katarara, mu Mudugudu wa Kamabuye.

Umunyamabanga Nshingwabikorwa w'Umurenge wa Ntyazo, Muhoza Alphonse, yabwiye IGIHE ko uyu mugore yahise ashakishwa, akabonwa mu Murenge wa Kibirizi, aho yari yatorokeye, akimara gufatwa akemera uruhare rwe muri uru rupfu.

Yasobanura ko yabonaga umwana we agiye kwicwa n'inzara, kuko umugabo babanaga mbere muri Gisagara banamubyaranye yabanze.

Ati 'Uyu mubyeyi yatawe muri yombi n'Urwego rw'Ubugenzacyaha, RIB, ishami ryayo riherereye mu Murenge wa Muyira, naho umurambo w'umwana wo wajyanywe ku Bitaro bya Nyanza kugira ngo ukorerwe isuzuma.'

Gitifu Muhoza, yaboneyeho gusaba ababyeyi kwiyemeza kubyara igihe babona biyemeje n'inshingano zo kurera neza kandi bakanagira igenamigambi rihamye mu gushaka ibizabatunga.

Yanasabye abaturage kutajya bihererana ibibazo byose bagize, kuko ubuyobozi buberaho kubashakira ibisubizo.

Umugore yishe umwana amujugunya mu gishanga cy’Akanyaru

Uyu musore uvuka mu Karere ka Rubavu ahazwi nka Mahoko, mu muziki ho yamenyekanye nka Bolingo Paccy.

Bolingo wavutse mu muryango w'abanyamuziki byamukuriyemo, ndetse amenya gucuranga akiri muto.

Mu 2017 Bolingo yagannye ishuri ry'umuziki rya Nyundo, bimufasha kuvumbura ubushobozi yifitemo. Mu 2018 yatangiye gukora ibihangano bye no kubyereka Abanyarwanda, mu 2021 yinjira mu muziki byeruye.

Kurikira ikiganiro twagiranye na Bolingo

Ubu bukangurangamba bwiswe TengaPromo, bwatangijwe ku wa 17 Kanama 2025. Buzakorwa ku nsanganyamatsiko igira iti 'Tengamara: Earn Back More / Ejo Baguhe Menshi.'

Ubu bukangurambaga buje kunganira ubumaze iminsi bwiswe Tengamara Na TVA, bugamije gushishikariza abaguzi kurushaho gusaba inyemezabuguzi za EBM, bakagira ishimwe ribagarukira. Umuguzi asabwa kubanza kwiyandikisha anyuze ku rubuga rwa myrra.rra.go.rw cyangwa gukanda *800#.

Ubu buryo bushobora no gukoreshwa wiyandikisha kuri TengaPromo ku bushake, ndetse ushobora no guca kuri *562# ugakurikiza amabwiriza ndetse ukaba uhise winjira no muri gahunda ya Tengamara Na TVA.

Nyuma yo kwiyandikisha, mu gihe umuguzi yatse inyemezabuguzi ya EBM ndetse agashyiraho nimero ya telefoni yakoresheje yiyandikisha, azajya ahabwa amanota afite n'igihembo cy'amafaranga ashobora gukinira.

Umuyobozi Mukuru wa Ambi Tech Ltd, Ndahiro Patrick yasobanuye ko umuguzi azaba asabwa gukinira cya gihembo kijyanye n'amanota agize, kandi nta kiguzi bisaba.

Ati 'Uwo muguzi azajya akanda kuri ya mibare arebe amanota agize noneho amwemerere gukina kugira ngo yinjire mu banyamahirwe begukana ibihembo. Azajya ahitamo ahanditse gukina noneho bitewe n'amanota afite yemererwe gukina kuva ku 5000 Fw kugeza kuri miliyoni 1 Frw.'

'Uko gukina hashingiwe ku manota afite ni nko kuvuga ngo niba ufite amanota menshi wemerewe kujya mu banyamahirwe begukana amafaranga menshi ariko niba ari make ni mu ba makeya. Urugero umuguzi niba akanze ku gukina ah'ibihumbi 100 Frw agasanga amanota afite arabimwerera ubwo azajya ahita abyemeza abe yinjiye mu banyamahirwe bazatoranywamo abatsindira ayo mafaranga.'

Ibihembo byose hamwe bizaba bishobora kugera kuri miliyoni 50 Frw mu kwezi.

Ndahiro yasobanuye ko nyuma yo kwemeza gukina nta mafaranga cyangwa ikindi umuguzi azaba asabwa uretse gutegereza ko amahirwe amusekera. Abatsinze bazajya batangazwa kabiri mu cyumweru kuri Televiziyo y'Igihugu.

Ibihembo bya mbere bizatangwa ku itariki 30 Nyakanga 2025. Buri kwezi hazajya hatangwa miliyoni 50 Frw ku bantu babarirwa mu 1.250.

Komiseri Mukuru wa RRA, Niwenshuti Ronald yavuze ko iyi gahunda igamije gufasha abaguzi bose baka inyemezabuguzi kubona ibihembo kandi bishyitse, byiyongera ku byo babona muri Tengamara Na TVA kandi nta kindi basabwe uretse kwaka inyemezabuguzi byonyine.

Kuva gahunda y'Ishimwe kuri TVA yatangira muri Werurwe 2024, yagize uruhare rukomeye mu kuzamura imisoro ikusanywa.

Nk'umusoro ku nyongeragaciro (TVA) ari na wo utangwaho ishimwe, mu 2023/2024, RRA yakusanyije miliyari 792.0 Frw, mu mwaka ushize wa 2024/2025 zigera kuri miliyari 925.8 Frw, bingana n'izamuka rya 21.3%. Ni mu gihe mu 2023/24 TVA yazamutse kuri 14.6% ugereranyije n'umwaka wabanje.

Imibare igaragaza ko kugeza tariki 13 Nyakanga 2025, abaguzi ba nyuma bari bamaze kwiyandikisha muri gahunda y'ishimwe kuri TVA bagera kuri 120,000.

Muri rusange, abaguzi ba nyuma basabye fagitire miliyoni 2.7, zifite agaciro ka miliyari 153.6 Frw, n'umusoro wa TVA wa miliyari 23.4 Frw. Ishimwe rya 10% rijyanye n'uyu musoro wa TVA ringana na miliyari 2.3 Frw.

Niwenshuti yakomeje ati 'Imibare y'ubwitabire bw'Ishimwe kuri TVA n'umusaruro uvamo irivugira, ariko amahirwe atarabyazwa umusaruro ni menshi kurushaho. Mu rwego rwo kuzamura umubare wa fagitire zisabwa, n'abaguzi bazaka, twagiranye amasezerano na Ambi Tech Ltd kugira ngo ba baguzi ba nyuma bagire izindi nyungu ziyongera kuri rya shimwe rya 10%.'

Muri gahunda y'Ishimwe kuri TVA, umuguzi wa nyuma uhashye ibintu byo gukoresha, bitagiye mu bucuruzi, ahabwa ishimwe ringana na 10% rya TVA iri kuri fagitire yasabye, ndetse umucuruzi yakwinangira, umuguzi agahabwa 50% ku bihano umucuruzi acibwa. Atanga amakuru kuri 0739008010 (WhatsApp).

Umuyobozi Mukuru wa Ambitec, Ndahiro Patrick yasobanuye ko umuguzi muri Tenga Promo azaba asabwa ari ugukina muri iyo tombora agahita ajya mu banyamahirwe nta mafaranga yandi asabwe

Niwenshuti Ronald yasabye Abanyarwanda gushishikarira kwaka inyemezabwishyu EBM kuko ari bwo umusanzu wabo ugera mu isanduku y'Igihugu kandi ko iyo batazatse ayo mafaranga ahera mu biganza by'umucuruzi

Abasaba inyemezabuguzi za EBM bazajya bahabwa amahirwe yo gutombola amafaranga

Abo bantu batawe muri yombi mu minsi itatu kuva ku wa 14 kugeza ku wa 16 Nyakanga 2025 mu mirenge itandukanye yo muri Nyarugenge.

Iyo mirenge ni Gitega, Nyakabanda, Nyamirambo, Muhima na Mageragere mu Karere ka Nyarugenge. Yari imaze igihe ivugwamo ikibazo cy'abajura biba abaturage babasanze mu ngo abandi bakabategera mu nzira bakabambura ibyabo bakanabakomeretsa.

Muri iyo mirenge kandi abaturage bagiye bagaragaza kenshi ko ibyo biterwa n'abanywa ibiyobyabwenge bituma Polisi ibahagurukira ifatanyije n'inzego z'umutekano, inzego z'ibanze ndetse n'abaturage, ikora umukwabu wo gufata abakekwaho ubwo bujura n'urugomo.

Mu Murenge wa Muhima n'uwa Gitega honyine hafashwe abantu 24 bakekwaho ubujura no gukoresha ibiyobyabwenge, naho mu Murenge wa Nyakabanda hafatwa bane bakekwaho ubujura.

Mu Murenge wa Nyakabanda na ho hafashwe abantu bane, mu gihe mu Murenge ya Nyamirambo hafashwe batanu naho muri Mageragere hafatwa bane bakekwaho ubujura by'umwihariko ubwa mubazi z'amashanyarazi no gucukura inzu z'abaturage.

Umuvugizi wa Polisi mu Mujyi wa Kigali, CIP Gahonzire Wellars yavuze ko kuba abo bose barafashwe biturutse ku makuru yatanzwe n'abaturage ari ikimenyetso cy'imikoranire myiza.

Ati 'Polisi y' u Rwanda by'umwihariko mu Mujyi wa Kigali yavuze ko itazihanganira umuntu wese uhungabanya umutekano n'umudendezo by'abaturage. Abantu bose bafite imyumvire yo kwiba no guhungabanya umutekano w'abaturage turabasaba kubireka kuko batazihanganirwa'

Abafashwe bafungiye kuri sitasiyo za Polisi zitandukanye zo mu Karere ka Nyarugenge mu gihe batagereje gukorerwa amadosiye.

Aba bafatiwe mu Murenge wa Nyamyumba, Akagari ka Rubona, mu rukerera rwo kuwa gatatu rushyira kuwa kane, tariki 17 Nyakanga 2025.

Umunyamabanga Nshingwabikorwa w'Umurenge wa Nyamyumba, Ufitabe Jean d'Amour, yabwiye IGIHE ko bafatiwe mu Midugudu inyuranye y'Akagari ka Rubona, hamaze iminsi havugwa ikibazo cy'iyangizwa ry'insinga z'amashanyarazi n'ibindi bikorwaremezo.

Ati 'Nyuma yo kugaragarwaho no kwangiza ibikorwaremezo, aho bacaga insinga z'amashanyarazi kuri transformateuer bakajya kuzigurisha, n'uwo bazigurishaga bamutubwiye arafatwa.''

Yaboneyeho gutanga imbuzi ku baturage bagitekereza kwishora mu bikorwa bigamije kwangiriza ibikorwaremezo abibutsa ko inzego zishinzwe umutekano ziri maso, kandi ko ababifatiwemo babibazwa n'amategeko.

Abafashwe, bafungiye kuri sitasiyo ya RIB ya Gisenyi. REG imaze iminsi yihanangiriza abantu biba ibikorwaremezo by'amashanyarazi ibereka ko ari icyaha ariko binagira ingaruka ku bukungu bw'igihugu kuko aho umuriro ubuze amavuriro atabasha kuvura, inganda zidakora, ndetse n'abakoresha amashanyarazi mu ngo bakabihomberamo.

Abajura bajyaga gukata insinga bahereye kuri transformateur

Muri uyu muhango u Rwanda rwari ruhagarariwe na Ambasaderi warwo mu Muryango w'Abibumbye, Martin Ngonga, mu gihe Antigua and Barbuda yari ihagarariwe na mugenzi we, Amb. Walton Webson.

Mu masezerano yasinywe harimo agena ko ibihugu byombi bikuyeho Visa ku baturage babyo bakoresha Pasiporo z'ubwoko butandukanye.

Ibi bivuze ko umuturage w'u Rwanda ushaka kugirira uruzinduko muri Antigua and Barbuda nta Visa azajya asabwa. Ni nako bizajya bigenda ku muturage w'ibi birwa ushaka gusura u Rwanda.

Antigua and Barbuda ni igihugu kigizwe n'ibirwa byinshi birimo Antigua na Barbuda. Cyabonye ubwigenge mu 1981, gusa Umwami w'u Bwongereza aracyafatwa nk'Umuyobozi w'icyo gihugu, aho aba ahagarariwe na Guverineri, naho Minisitiri w'Intebe akayobora Guverinoma afatanyije n'Inteko Ishinga Amategeko.

Uretse amasezerano y'ibijyanye no gukuraho Visa, u Rwanda na Antigua and Barbuda byashyize umukono kandi ku masezerano y'ubufatanye mu by'ubuzima, ndetse n'agena ubufatanye mu by'ubukerarugendo.

Iyi ntambwe mu mubano w'ibihugu byombi itewe nyuma y'iminsi mike Minisitiri w'Ubukerarugendo n'Ubwikorezi bwo mu Kirere muri Antigua and Barbuda, Charles 'Max' Fernandez, atangaje ko RwandAir, ishobora gutangiza ingendo zigana mu gihugu cye.

Uyu mugabo yanavuze ko ibiganiro biramutse bigenze neza, RwandAir ishobora gutangira ingendo zigana mu Birwa bya Caraïbes mu mwaka utaha, aho yazagira uruhare mu gutwara abashyitsi bazitabira Inama y'Abakuru b'Ibihugu bigize Umuryango wa Commonwealth, izakirwa na Antigua and Barbuda mu 2026.

U Rwanda rukomeje gushimangira umubano n'ibihugu byo mu birwa bya Caraïbe nyuma y'uruzinduko Perezida Paul Kagame yahagiriye mu bihe bitandukanye.

Mu 2022 ubwo yagiriraga uruzinduko muri Jamaica, Perezida Kagame yavuze ko Afrika na Caraïbe bihuriye kuri byinshi bitakurwaho no kuba ibice byombi bitegeranye ku ikarita y'Isi.

Yagize ati 'Icya mbere tugomba gukora ni ugushyiraho ubwo buryo no gushoboza abatuye muri Caraïbe gutembera bakajya mu Rwanda cyangwa se ibindi bice bya Afurika n'Abanyafurika bakaza ino, ubwo rero tugomba kureba ikibazo cya Visa hagakurwaho iyi ntambamyi, tugashobora kubaka uru rujya n'uruza twumva ko twese dukenerana, twagirirana akamaro, hari byinshi twakora nk'ubucuruzi n'ibindi….ariko dukeneye gushyira mu bikorwa duhereye ku by'ibanze, mbere ya byose harimo gushyira abantu ubutumwa tuti, kuki bitashoboka ko twarushaho gukorana bya hafi!”

Ambasaderi Martin Ngonga ashyira umukono kuri aya masezerano

Aya masezerano azemerera Abanyarwanda kujya muri Antigua and Barbuda nta Visa