Webrwanda Backend

Blog

  • Karongi: Umusore arakekwaho kwicisha umukobwa wamwishyuye kugira ngo amubere umugore – #rwanda #RwOT

    Ku itariki 30 Ugushyingo 2021, nibwo Muhawenimana Valentine w’imyaka 22 yaburiwe irengero, umurambo we uboneka kuri uyu wa 5 Ukuboza 2021, mu Ishyamba riherereye mu mudugudu wa Kabuga, Akagari ka Karambo mu Murenge wa Rugabano.

    Amakuru IGIHE yamenye avuga ko uyu nyakwigendera akimenya ko atwite, yegereye umusore wamuteye inda amubwira ko amukunda, kandi ko abimwemereye yiteguye kubana nawe akamubera umugore.

    Nyamusore akibyumva yaramushwishurije, amubwira ko ikibazo cy’ubushobozi bucye afite kitatuma arongora mu buryo bwemewe n’amategeko.

    Izi mpungenge zatumye Muhawenimana ajya gukubita inzu ibipfunsi agarukana ibihumbi 300 Frw, ayashyikiriza umusore wamuteye inda yizeye ko ari yo bazaheraho bubaka ubuzima, kuko imbogamizi y’amikoro yari itangiye kubonerwa igisubizo.

    Amakuru avuga ko uyu musore yemeye kwakira amafaranga y’umukobwa kuko yari akennye, ariko akomeza kugira umugambi wo kutazamushaka.

    Umukobwa yakomeje kubaza umusore aho gahunda zigeze, undi nawe mu kumwikiza ahitamo gucura umugambi wo kumwicisha, nk’uko bikekwa n’abaturage bazi iby’iki kibazo.

    Uyu musore ngo yahaye akazi abandi basore babiri, abasaba kwica Muhawenimana ubundi akazabahemba ibihumbi 80 Frw, bikavugwa ko aya mafaranga yari kubahemba yari kuyakura mu mafaranga wa mukobwa yamuhaye.

    Kugeza ubu abasore babiri bikekwa ko bahawe akazi ko kwica Muhawenimana bamaze gutabwa muri yombi. Amakuru avuga ko nyuma y’urupfu rwa Muhawenimana, umuryango we wegereye uyu musore bari basanzwe bakundana bamubaza niba azi irengero rye, maze uyu musore ababwira ko yagiye i Gisenyi gushaka umugabo.

    Umunyabanga Nshingwabikorwa w’Umurenge wa Rugabano, Nsabimana Cyriaque, yavuze ko amakuru y’uko uyu mukobwa yari yarahaye amafaranga ku musore bakundana nabo bayumvise, ariko avuga ko nta byinshi yatangaza kuko iperereza rigikomeje.

    Uyu muyobozi yasabye abaturage bafitanye amakimbirane kwiga umuco wo kwegera inzego z’ubuyobozi zishobora kubafasha kuyahashya ataragera aho ashobora gutwara ubuzima bw’umuntu.

    Umurambo wa nyakwigendera wajyanywe mu Bitaro bya Kibuye kugira ngo ukorerwe isuzuma mbere yo gushyingurwa.

    source : https://ift.tt/3Evjwwh

  • Mu myaka iri imbere hari ibihugu bishobora kuzamirwa n'inyanja burundu #rwanda #RwOT

    Tekereza akanya gato ku nzu yanyu, ku hantu ukunda kurusha ahandi ku isi. N'uburyo bigoye gutekereza ko aho hantu hashobora kuva ku butaka bw'isi burundu. Bisa n'ibidashoboka.

    Gusa ku baturage benshi mu birwa bimwe na bimwe, ubwo bwoba ni impamo.

    Kuzamuka kw'urugero rw'inyanja kubera ihindagurika ry'ikirere riri gutuma ubutaka burengerwa bakanabura amazi meza.

    BBC Mundo yarebye uko bimeze ku gihugu gito kiri mu nyanja ya Pasifika, Tuvalu, gishaka ko ibyo biryozwa ibihugu bihumanya ikirere kurusha ibindi ku isi.

    Iki gihugu buhoro buhoro kiri kwitegura ibintu bibi cyane: Kurengerwa burundu k'ubutaka bwacyo bwose.

    Minisitiri w'ubutabera, itumanaho n'ububanyi n'amahanga wa Tuvalu, Simon Kofe, yatanze ubutumwa bukomeye mu nama ku ihindagurika ry'ikirere ya COP26 iheruka kubera i Glasgow muri Ecosse.

    Yagize ati: 'Turi kurohama, ariko n'isi yose niko birimo kugenda'.

    Ahagaze mu mazi amugera ku mavi ahantu mu myaka micye ishize hari ubutaka bwumutse, Kofe yavuze ko akaga Tuvalu irimo uyu munsi ari ikimenyetso cy'ingaruka z'ihindagurika ry'ikirere zizaba mbi kurushaho.

    Urugero rw'inyanja, icyago kiri kuza

    Tuvalu igizwe n'ibirwa icyenda bitoya biri muri 4,000Km uvuye muri Australia. Ibihugu bituranyi cya hafi ni Kiribati, Samoa na Fidji,

    Minisitiri Kofe yabwiye BBC Mundo ati: 'Ni igihugu gishashe gifite ubutumburuke buto. Ahantu hari hejuru ni kuri metero enye hejuru y'urugero rw'inyanja.'

    Iki gihugu cyose hamwe cy'ubuso bwa 26 km2 gusa gituwe n'abaturage 12,000.

    Kimwe na Kiribati na Maldives, Tuvalu nayo ni igihugu kigeramiwe by'umwihariko n'ingaruka zo gushyuha kw'isi.

    Ibice bimwe by'ibi bihugu biri ku butaka bufite ishusho y'impeta ifunze cyangwa y'igice y'ubutaka bukikije ikizenga cy'amazi.

    Minisitiri Kofe ati: 'Tuba ku duce dutoya tw'ubutaka ahantu hamwe na hamwe hakurya ubona inyanja hakuno ikizenga cy'amazi.

    'Ibyo twabonye mu myaka ishize, ni uko uko inyanja izamuka, tubona isuri nini ku bice bimwe by'ikirwa.'

    Tuvalu yagiye kandi yugarizwa n'inkubi z'imiyaga ikaze mu bihe by'ubushyuhe, nk'uko Kofe abivuga. Ubushyuhe bwangije ubworozi bw'amafi muri iki kirwa.

    Ariko hari ikindi kibazo gikomeye: ingaruka z'amazi y'inyanja ku mazi meza.

    Kofe ati: "Tuba ku duce dutoya tw'ubutaka ahantu hamwe na hamwe hakurya ubona inyanja hakuno ikizenga cy'amazi"

    Mu bice bimwe, amazi y'inyanja yinjiye mu masoko nk'uko minisitiri Kofe w'imyaka 37 abivuga.

    Ati: 'Muri rusange tubona amazi meza ava ku mvura, ariko ku birwa bimwe na bimwe, baracukuraga bakabona amasoko y'amazi afutse.

    'Ubu, ntabwo bigishoboka kubera kwinjira cyane kw'amazi y'inyanja, none ubu tubeshwaho gusa n'amazi y'imvura.'

    Kwinjira cyane kw'aya mazi y'umunyu byatumye n'ubutaka buhingwa butacyera.

    Leta ya Taiwan ubu itera inkunga ikanagenzura umushinga wo guhinga ibiribwa mu buryo budasanzwe muri Tuvalu.

    Kofe ati: 'Urwunyunyu mu mucanga rwatumye ubuhinzi bugorana none ubu dutunzwe ahanini n'ibintu biva hanze.

    'Umushinga wa leta ya Taiwan byabaye ngombwa ko uzana ubutaka n'ifumbire bivuye hanze.'

    Arthur Webb umushakashatsi muri kaminuza ya Wollongong muri Australia ukora mu mushinga wo gusigasira imbibi za Tuvalu avuga ko ibihingwa bitihanganira urugero rw'umunyu rw'amazi y'inyanja.

    Intambara ibi bihugu birwana

    Ibihugu by'ibirwa nka Tuvalu bimaze imyaka irenga 30 bisaba ko ku isi hafatwa ingamba zihamye mu kurwanya kwangiza ikirere.

    Mu 1990, ibi bihugu biri mu nyanja ya Pasifika hamwe n'ibindi birwa bya Karayibe n'ibyo mu nyanja y'Ubuhinde nka Maldives, byakoze ihuriro ngo bigire ingufu z'ijambo mu kurwanya ihindagurika ry'ikirere.

    Ihuriro ry'ibi bihugu bitoya ryiswe AOSIS, ubu ririmo ibihugu 39 kandi ryagize uruhare mu kwereka isi n'ibihugu bikize ingaruka z'ihindagurika ry'ikirere.

    Ibi bihugu bisaba ko byishyurwa 'ibyangiritse', ndetse byasabye ko iyo ngingo ishyirwa mu masezerano ya Paris yo mu 2015.

    Mu nama ya COP26 iheruka, umukuru wa AOSIS, Gaston Browne, minisitiri w'intebe w'ibirwa bya Antigua-na-Barbuda, yibukije ko 'ibi bihugu bitoya by'ibirwa bitanga munsi ya 1% gusa ku byuka bihumanya ikirere.'

    Yagize ati: 'Ibihugu byacu nibyo bifite uruhare ruto cyane mu kwangirika kw'ikirere ku isi, ariko nibyo byishyura ikiguzi kinini.'

    Icyo kiguzi cyagiye kiboneka buhoro buhoro kubera ubushakashatsi bw'abahanga.

    Icyo abahanga muri science bavuga

    Itsinda mpuzabihugu ry'abahanga mu by'ikirere rya ONU/UN ryiswe GIEC muri raporo yaryo yasohotse mu kwezi kwa munani rivuga ko urugero rw'inyanja rwazamutse inshuro eshatu ku rwego rw'isi hagati ya 1901 na 2018, ni urugero rwa 3,7mm ku mwaka.

    'Ariko ibintu ni bibi cyane ku birwa bya Pasifika', nk'uko Morgan Wairiu inzobere yari iyoboye abanditse iyo raporo yabibwiye BBC.

    Ati: 'Muri Pasifika y'epfo, icyigereranyo cyo kuzamuka kw'inyanja kiri hagati ya 5 na 11mm ku mwaka hagati ya 1900 na 2018.'

    Nubwo nta mibare yihariye iriho kuri Tuvalu, 'kuzamuka kw'urugero rw'inyanja ku isi kuri Tuvalu yo ni icyago gikomeye' nk'uko Webb abivuga.

    Ati: 'Ni ubutaka bunini bwakoreshwa bumaze kurengerwa n'inyanja. No kuzamuka kwa 3.7mm zonyine ku mwaka ni akaga kuri ibi bihugu.'

    Raporo ya GIEC iteganya ko inyanja izazamuka ku isi ku rugero rusangerwo hejuru ya metero imwe kuva ubu kugeza mu 2100, mu gihe ibyuka bihumanya ikirere bikomeje koherezwa.

    Raporo yabo igira iti: 'Kuzamuka kuri hafi ya 2m kugeza mu 2100 no kuri 5m kugeza mu 2150 igihe imyuka ihumanya ikomeje koherezwa ni ibintu bishoboka cyane ukurikije gushonga k'urubura ku mpera za Groenland na Antarctique.'

    Ubushakashatsi bwakozwe mu 2018 n'abahanga bo muri Amerika no mu Buholandi buvuga ko 'igice kinini cy'ibi birwa ntikizaba kigiturwa hagati muri iki kinyejena'.

    Impamvu ni 'ukwiyongera kw'inyanja kuzatera kurengerwa kw'ubutaka.'

    Icyo bifuza ku mategeko mpuzamanga

    Imbere y'ihindagurika ry'ikirere riteye inkeke no kubura kw'ingamba zikomeye ku rwego rw'isi, Tuvalu irashaka indi nzira y'ahazaza.

    Minisitiri Kofe ati: 'Ikibi kurusha ibindi ni uko bizaba ngombwa ko tuva hano kuko ibirwa byacu bizaba byarengewe n'inyanja.

    'Kandi kuri iyi saha ku bw'itegeko mpuzamahanga igihugu ntigishobora kugira imbibi mu nyanja kidafite ubutaka gishushanywaho.'

    Yongeraho ati: 'Amategeko mpuzamahanga ubu ntabwo ari ku ruhande rwacu mu gihe twarengerwa, kuko ni ikintu kitabayeho mbere, nta na rimwe twigeze tubona igihugu kizimira kubera ihindagurika ry'ikirere.'

    Tuvalu ubu irashaka inzira z'amategeko kugira ngo yemerwe nk'igihugu ku isi nubwo bwose cyaba kitagifite ubutaka, igakomeza kugira uburenganzira ku mutungo kamere mu gace k'inyanja kayo, nk'uko Kofe abisobanura.

    Ati: 'Muri politiki yacu mpuzamahanga, ubu igihugu iyo gishaka kugirana umubano na Tuvalu tugisaba kwemera ko Tuvalu ari igihugu iteka ryose kandi cyaharanira ibiri mu gice cy'inyanja cyayo buri gihe.'

    Bitandukanye na Kilibati, Tuvalu ntabwo yaguze ubutaka kuri Fidji, nubwo Kofe avuga ko iki gihugu 'cyatangaje ko cyagurisha ubutaka kuri Tuvalu nikomeza kurengerwa.'

    Uyu mutegetsi yirinda gukomeza gutinda cyane ku kwimukira ahandi biboneka ko gushoboka, akavuga ko iyo ariyo nzira ya nyuma y'izindi.

    Mu 2009, ibihugu bikize byemeye gutanga miliyari 100$ guhera mu 2020 kugira ngo afashe ibihugu guhindura imikorere bigatangira gukoresha ingufu zitangiza ikirere.

    Ariko mu nama ya COP26 leta y'Ubwongereza n'intumwa ya Amerika John Kerry batangaje ko iyo ntego ishobora kutagerwaho mbere ya 2023.Pourquoi la politique climatique de la Chine nous concerne tous

    Ku baturage ba Tuvalu, amaherezo yo guhinduka impunzi z'ihinduka ry'ikirere ariyongera buri mwaka wo kutagira igikorwa ku isi.

    Simon Kofe ati: 'Biteye umubabaro ukomeye kuri buri wese wumva ko inzu ye izarengerwa mu myaka iri imbere. Ko abana be n'abuzukuru bashobora kutazagira igihugu.

    'Birababaje, kandi iyo wumvise abatuye Tuvalu benshi, bafite amateka akomeye ku butaka bwabo n'umuco hano kuri ibi birwa. Birakomeye cyane gutekereza kubura Tuvalu ahazaza.'

    SRC:BBC

    The post Mu myaka iri imbere hari ibihugu bishobora kuzamirwa n'inyanja burundu appeared first on IRIBA NEWS.

    Source : https://iribanews.rw/2021/12/06/mu-myaka-iri-imbere-hari-ibihugu-bishobora-kuzamirwa-ninyanja-burundu/

  • Kenya: Umukobwa ufite akaboko kamwe nawe ari… – #rwanda #RwOT

    Slyvia Masibo ufite imyaka 23 uri mu rubyiruko rwasoje amasomo y'imyitozo ya gisirikare, yavuze ko mbere yo kwinjira mu kigo cy'urubyiruko gitanga amahugurwa ku by'umutekano w'igihugu yari afite akazi ko mu rugo nyuma yo kurangiza amashuri ye  yisumbuye, gusa kuva kera akaba yarakundaga igisirakare ariko akajya agira ipfunwe kubera ko afite akaboko kamwe, yumva ko ntacyo yazashobora. Gusa nyuma Slyvia avuga ko yirengagije iby'uko afite ubumuga, akiyemeza kugira ngo akomeze inzozi ze.

    Perezida wa Kenya ubwo yari ari muri ibi birori byo gusoza aya masomo ya Gisirikare 

    Aya masomo arasanzwe ku rubyiruko rwa Kenya, gusa kuri ubu ni umwahariko kuko habonetsemo abafite ubumuga butandukanye kuko hari n'abandi 15 babashije gusoza kandi bafite ubumuga. Mu basoje aya masomo 500 bitwaye neza bakagaragaza ubuhanga budasanzwe, uyu mukobwa yabonetsemo.

    Perezida ubwo yinjiraga

    Src https//nation.Africa 


    Source : https://inyarwanda.com/inkuru/112279/muri-kenya-umukobwa-ufite-akaboko-kamwe-nawe-ari-mu-rubyiruko-rwasoje-amasomo-yigisirikare-112279.html

  • Leta izi ikibazo cy'izamuka ry'igiciro cya Gaz #rwanda #RwOT

    Guverinoma y'u Rwanda yijeje abanyarwanda ko ikibazo cy'izamuka ry'igiciro cya gaz kirimo kuvugutirwa umuti, ni nyuma y'aho bamwe mu bayikoresha basabye ko ibiciro bigabanywa.

    Kugeza ubu igihugu gifite ububiko bufite ubushobozi bwo kubika gaz yakoreshwa mu gihe cy'iminsi 5 gusa, ku buryo hari abasanga hakenewe ububiko bwabika gaz yakoreshwa byibuze mu gihe cy'amezi 4 kugeza kuri 6.

    RBA yatangaje ko Umuyobozi Mukuru w'Urwego ngenzuramikorere RURA, Dr. Ernest Nsabimana avuga ko i Rusororo mu karere ka Gasabo hatangiye gutunganywa ahantu hazubakwa ibigega bifite ubushobozi bwo kubika ibiro bya gaz biri hatati ya Miliyoni 8-9, yakoreshwa mu gihe kiri hagati y'amezi 2 na 3.

    Abagize ishyirahamwe ry'abatumiza ibikomoka kuri peteroli, bavuga ko biteguye kwigomwa kugira ngo abaguzi ba Gaz biyongere kuko ari naho bungukira.

    Hashize iminsi itatu, Minisitiri w'Intebe Dr. Edouard Ngirente abwiye abagize Inteko Ishinga Amategeko ko mu minsi 10, iki kibazo cy'ibiciro bya Gaz kizaba cyabonewe igisubizo.

    Imibare ya Banki Nkuru y'u Rwanda yo mu kwezi gushize yerekana ko mu mwaka w'ingengo y'imari wa 2020/2021, umuvuduko w'izamuka ry'ibiciro by'ibikomoka ku ngufu wagabanutse bitewe n'igabanuka ry'umuvuduko mu izamuka ry'ibiciro ry'ibicanwa bikomeye nk'amakara n'inkwi, wageze kuri 3.8% mu mwaka wa 2020/21 uvuye kuri 6% mu mwaka wa 2019/20

    Ibi bikaba byaratewe n'uko ibiciro by'ibicanwa bikomeye byari hejuru cyane mu mezi 6 ya mbere y'umwaka wa 2020 biturutse ku ngaruka za COVID-19.

    SRC:RBA

     

    The post Leta izi ikibazo cy'izamuka ry'igiciro cya Gaz appeared first on IRIBA NEWS.

    Source : https://iribanews.rw/2021/12/06/leta-izi-ikibazo-cyizamuka-ryigiciro-cya-gaz/

  • 'Kuri Kiliziya Gatolika, kubyara ni icyaha kurusha kwica. – Tom Ndahiro #rwanda #RwOT

    Nyuma y'aho mu mpera z'icyumweru gishize, Kiliziya Gatolika ifatiye icyemezo cyo guhana Padiri Wenceslas Munyeshyaka imuziza kuba yarabyaye umwana w'umuhungu, kandi ari'umusaserdoti' wasezeranye 'ubudahemuka', Umushakashatsi ku mateka ya Jenoside yakorewe Abatutsi, Tom Ndahiro, abinyujije ku rubuga rwe rwa Twitter, yibajije niba iryo dini rifata kubyara nk'icyaha kurusha kwica.

    Ibi uyu mushakashatsi udaha agahenge abajenosideri n'ababashyigikiye, arabihera ku bimenyetso simusimuga bihamya uyu Wenceslas Munyeshyaka uruhare rutaziguye muri Jenoside yakorewe Abatutsi, by'umwihariko kuri Paruwasi ya Sainte Famille yari abereye Padiri Mukuru mbere no mu guihe cya Jenoside yakorewe Abatutsi.

    Uretse abo yahaye Interahamwe zikabica, abatangabuhamya banyuranye banamushije gusambanya abagore ku ngufu, yarangiza akabashumuriza abicanyi be. Nyamara Kiliziya Gatolika ntiyigeze iha agaciro ibyaha ndengakamere bya Padiri Munyeshyaka, akomeza 'kwamamaza ivanjiri ntagatifu' mu Bufaransa, nk'aho nta cyabaye.

    Wenceslas Munyeshyaka siwe mupadiri wenyine wagize uruhare muri Jenoside yakorewe Abatutsi, kandi Kiliziya igaterera agati mu ryinyo. Twavuga abandi bajenosideri nka Padiri Emmanuel Rukundo, Padiri Seromba Athanase, aba bombi bakaba barakatiwe n'Urukiko Mpuzamahanga Mpanabyaha rwashyiriweho uRwanda, naho Padiri Hormisidas Nsengimana ararekura, nubwo hari ibimenyetso byamuhamyaga ubwicanyi.

    Hari kandi Padiri Edouard Nturiye na mugenzi we Joseph Ndagijimana , bombi bakatiwe n'Inkiko Gacaca, n'abandi. Aba bose Kiliziya iracyabafata nk'abakozi b'Imana, dore ko no mu magereza bagitanga amasakaramentu, bagendeye ku ihame ry'abahabwa ubupadiri, ivuga ngo'ndi umusaserdoti iteka'.

    Umushakashatsi Tom Ndahiro

    Ntabwo ari Tom Ndahiro gusa wibajije niba i Roma kwa Nyirubutungane kubyara ari icyaha kurusha kwica. Abantu banyuranye bagaye cyane uburyo Kiliziya Gatolika idaha agaciro Jenoside yakorewe Abatutsi, aho usanga ikingira ikibaba abayoboke bayo, cyane cyane abapadiri n'ababikira. Abagize icyo bavuga kuri iyi ngingo, baributsa ko n'ubundi Kiliziya Gatolika yahembereye amacakubiri mu Banyarwanda, buaje kuvamo ingengabitekerezo ya jenoside.

    Hatanzwe urugero rwa Musenyeri Andreya Perraudin wari umuparimehutu kabombo, atari n'Umunyarwanda. Kiliziya Gatolika ishishikariza abandi gusaba penetensiya, ariko yo ibyo gusaba imbabazi Abanyarwanda kubera amabi yabakoreye, Ntibikozwa.

    The post 'Kuri Kiliziya Gatolika, kubyara ni icyaha kurusha kwica. — Tom Ndahiro appeared first on RUSHYASHYA.

    Source : https://rushyashya.net/kuri-kiliziya-gatolika-kubyara-ni-icyaha-kurusha-kwica-tom-ndahiro/?utm_source=rss&utm_medium=rss&utm_campaign=kuri-kiliziya-gatolika-kubyara-ni-icyaha-kurusha-kwica-tom-ndahiro

  • Suarez yahishuye impamvu ikomeye iri gutuma Messi atitwara neza muri PSG #rwanda #RwOT

    Rutahizamu wa Atletico Madrid,Luis Suarez yatangaje ko impamvu iri gutuma Lionel Messi atitwara neza muri Paris Saint-Germain ari ukubera ikirere gikonje cyo mu mujyi wa Paris.

    Aba bakinnyi bombi bo muri Amerika y'epfo bakinanye muri Barcelona ndetse bagirana ubucuti bukomeye bugikomeza kugeza na n'ubu.

    Nyuma y'umwaka umwe Suarez yemerewe kuva muri Atletico Madrid ku buntu, Messi nawe yavuye I Nou Camp yerekeza mu ikipe ya PSG.

    Uyu mukinyi w'imyaka 34 yahatiwe kuva i Nou Camp kubera ibibazo by'ubukungu byashegeshe FC Barcelona bituma yemera umushahara w'ibihumbi 650.000 by'amapawundi buri cyumweru muri PSG.

    Ibyo byatumye kandi yongera guhura n'indi nshuti ye bahoze bakinana muri FC Barcelona,Neymar, biyunga nanone kuri Kylian Mbappe.

    Nubwo bayoboye LIgue 1, Messi uzwiho gutsinda ibitego byinshi amaze gutsinze ibitego bine gusa ndetse nta buhanga buhambaye aragaragaza.

    Suarez w'imyaka 34, ubu yahishuye impamvu itangaje ishobora kuba yaratumye Messi agorwa i Paris.

    Uyu munya Uruguay yabwiye TNT Sports ati: 'Yambwiye ko iyo akina mu bukonje, agorwa cyane by'umwihariko mu rubura.

    Uba ugomba kumenyera ibihe by'ubukonje bya hariya, byanze bikunze.”

    Messi na bagenzi be ba PSG barifuza gutwara UEFA Champions League ariko ibyo batanga mu kibuga ntibibaha amahirwe yo guhangamura ibihangange bahanganye.

    Source : https://umuryango.rw/imyidagaduro/imikino/article/suarez-yahishuye-impamvu-ikomeye-iri-gutuma-messi-atitwara-neza-muri-psg

  • WHO says no deaths reported from Omicron yet as Covid variant spreads #Rwanda #RwOT

     US and Australia become latest countries to confirm locally transmitted cases

    A passenger administers a self-collected Covid test at Los Angeles airport amid the continuing spread of the new Omicron variant around the world.

    A passenger administers a self-collected Covid test at Los Angeles airport amid the continuing spread of the new Omicron variant around the world. Photograph: Mario Tama/Getty Images

    The Omicron variant has been detected in at least 38 countries but no deaths have yet been reported, the World Health Organization has said, amid warnings that it could damage the global economic recovery.

    The United States and Australia became the latest countries to confirm locally transmitted cases of the variant, as Omicron infections pushed South Africa’s total cases past 3 million.

    The WHO has warned it could take weeks to determine how infectious the variant is, whether it causes more severe illness and how effective treatments and vaccines are against it.

    A man receives a Covid-19 booster jab
    More than half Omicron cases in England are in the double jabbed
    Read more

    “We’re going to get the answers that everybody out there needs,” the WHO emergencies director, Michael Ryan, said.

    The WHO said on Friday it had still not seen any reports of deaths related to Omicron, but the new variant’s spread has led to warnings that it could cause more than half of Europe’s Covid cases in the next few months.

    The new variant could also slow global economic recovery, just as the Delta strain did, the International Monetary Fund chief, Kristalina Georgieva, said on Friday.

    “Even before the arrival of this new variant, we were concerned that the recovery, while it continues, is losing somewhat momentum,” she said. “A new variant that may spread very rapidly can dent confidence.”

    A preliminary study by researchers in South Africa, where the variant was first reported on 24 November, suggests it is three times more likely to cause reinfections compared with the Delta or Beta strains.

    Read more here :

    https://www.theguardian.com/world/2021/dec/04/who-says-no-deaths-reported-from-omicron-yet-as-covid-variant-spreads

  • Aba Perezida ba Amerika bateshejwe ikuzo nir… – #rwanda #RwOT

    Kubona inkuru zivuga ku byerecyeranye n'ubuzima bw'aba Perezida n'amahabara yabo biragoye kugeza ubu, ariko muri Leta Zunze Ubumwe za Amerika imyaka ishize ari myinshi ayo makuru avugwa yanagiye akwirakwira hose.

    Iby'irari byahereye kuri Bill Clinton wateshejwe ikuzo n'irari ry'umubiri agasambana  n'umusitajiyeri (intern) mu ngoro ya White House witwa Monica Lewinsky w'imyaka 22 nk'uko byagiye bitangazwa nyamara Bill Clinton agakomeza kugenda abihakana.

    Ibi byavuzwe umwarimu wa kaminuza ya Shippensburg Alison Dagnes, yemeza ko bitari bisanzwe mu bayobozi ati:'Kugeza kuri Bill Clinton ntibyari byarigeze bitangazwa mu itangamakuru iby'aba Perezida n'amahabara yabo.'

    Akomeza agira ati:'Mbere rero abanyamakuru ntibashoboraga kuba batangaza iby'umubano wihariye n'abagore cyangwa abakobwa w'aba Perezida kuko batabibonagamo inkuru'.

    N'ubwo bwose umubano wabo wabaga uzwi n'inshuti, abo bakorana n'abanyamakuru, Dagnes yagize rubanda ntibari barigeze bumva inkuru z'ibara nk'iryo ku mukuru w'igihugu ukiri ku butegetsi.

    Agira ati: 'Inkuru nk'izi zajyaga zivugwa ari uko umukuru w'igihugu yavuye mu biro cyangwa se nyuma y'igihe kirekire apfuye.'Bill Clinton wavuzwe mu busambanyi n’umusitajeri w’imyaka 22 

    Nyuma y'urupfu rwa Perezida Warren G wayoboye igihe gito akaza kwicwa n'umutima mu mwaka wa 1923, Nan Britton wabaye umunyamabanga muri White House ariko akajya anaryamana nawe yaje gushyira igitabo hanze  kigaruka ku buzima  bwose bwa Warren G.

    Britton yavuze ko yahuye na Warren G ubwo yari akiri umwangavu uyu mugabo nawe ataraba Perezida ahubwo ari kwiyamamariza kuba Senateri. Yemeza ko umubano we na Warren waje gukomera ukavamo umwana w'umukobwa witwa Elizabeth.

    Ibyanditswe na Britton ariko ntibyafatwaga nk'ukuri kugeza mu mwaka wa 2015 ubwo hakorwaga isuzuma rya DNA,  rigahuza neza Warren G n'umukobwa we Elizabeth.

    Nan Britton ariko siwe wavuzwe mu bijyanye n'umubano ushingiye ku mibonano mpuzabitsina na Warren kuko na Carrie Fulton Phillips yagiye ashyirwa mu majwi hagatangwa n'ibimyetso bifatika.Warren G Harding wagize amahabara atandukanye mu mwaka wa 2015 bikemezwa ko yabyaranye n’umunyamabanga we umwana w’umukobwa 

    Kimwe na Warren, Perezida Franklin D.Roosevelt yari afite ihabara bari bamaranye igihe kirekire ariko ritigeze rivugwaho kugeza apfuye. Franklin yatangiye kugirana umubano wihariye na Lucy Mercer mu ibanga ikinyacumi mbere y'uko Franklin aba.

    Ubwo umugore we Eleanor yabonaga inyandiko bagiranye muri nzeri 1918, byabaye ibintu birebire abaza Franklin ikibimutera. Eleanor na Franklin bakomeje kugumana kubw'izina ryabo n'ahazaza h'umuryango ariko byakomerekeje umutima wa Eleanor.

    Umunyamateka Doris Kearns Goodwin yanditse avuga ku gikomere byateye Eleanor umufasha wa Franklin agira ati:'Byari bigoye kwibagirwa umugabo we, byari binagoye gushakisha aho yerecyeza amaso ngo ahozwe amarira.'

    Umubano wa Franklin n'ihabara rye Mercer wakomeje kubaho kugeza ubwo yitabaga Imana mu mwaka wa 1945. Naho umufasha we Eleanator akomeza kubana nicyo gikomere, yanga igitsinagore uretse umujyanama we, Loren Hickok wakomeje kumuba hafi.Franklin we yarinze yitaba Imana agikururana n’ihabara rye ibintu byashegeshe umutima w’umufasha we

    Lyndon B Johnson ni umwe mu ba Perezida bagaragaza kutumva ko ibyo bishoyemo byo guca inyuma umugore hari ikibazo kibirimo. Akumva kuba afite ihabara rye Alice Glass ari ibisanzwe, umufasha wa Johnson yari azi Glass kimwe n'andi mahabara y'umugabo we.

    Nk'uko byagarutsweho n'ikinyamakuru cya The Guadian nyuma y'uko uyu mugore yitabye Imana mu mwaka wa 2007 bavuga ari bimwe mubyashegeshe umutima we mu bihe by'ubuzima bwe.Lyndon B Johnson we yumvaga ngo kugirana ihabara ntacyo bitwaye

    Perezida John F Kennedy we yaciye ibintu kuko n'abaturage bari bazi uburaya bukorwa n'uyu mugabo ariko abanyamakuru nabo ari uko nyamara bakamugirira ibanga, abandi ntibabibonagamo inkuru.

    Ariko na none hari n'abaterwaga ubwoba n'abashinzwe umutekano w'umukuru w'igihugu; urugero ni Marvin Kalb wa CBS wari warihanangirijwe abwirwa ko  atazigera atangaza iby'amahabara ya John F Kennedy.

    Nyamara n'ubwo bwose yari yatewe ubwoba kenshi, Kalb yaje kugeraho yandika agira ati:'Ntayindi nshuro yo gukomeza kubika ibyo nagatangaje niboneye kandi mpora mbona.'

    Maze arabikora ashyira hanze inkuru harimo n'ibyaje kuvugwa ko yaryamanaga n'umuhanzikazi, Marilyn Monroe wari waramuririmbiye indirimbo y'umunsi w'amavuko we ariko kugeza n'ubu nta bimenyetso bifatika biraboneka.

    Hemejwe kandi ko yanasambanije umusitajeri w'imyaka 19 Mimi Beardsley, Mary Panchot Meyer kimwe na Judith Campbell Exner.John F Kennedy we yagiye avugwa mu busambanyi inshuro nyinshi, yararaga aho abonye ibintu byari binazwi n’abaturage na mbere y'uko bigera mu itangazamakuru

    Mu myaka ya vuba kandi muri Amerika havuzwe iby'irari rya Donald Trump mu bihe byo kwiyamamaza kwe, aho yagiye akabakaba abagore babarirwa mu barenga 16.Donald Trump nawe ni umwe mubagiye bagaragaza ko bagira irari riri hejuru akabakaba abagore banyuranye

    Source : https://inyarwanda.com/inkuru/112276/aba-perezida-ba-amerika-bateshejwe-ikuzo-nirari-ryumubiri-112276.html

  • Tonzi ukubutse i Gisenyi mu biruhuko n’umurya… – #rwanda #RwOT

    Mu gitondo cy’uyu wa Mbere tariki 06 Ukuboza 2021 nibwo Tonzi yashyize hanze indirimbo ‘Akira’ iri kuri Album ya 7. Iri mu Kinyarwanda n’Igifaransa. Amajwi yayo yakozwe na David pro naho amashusho afatwa ndetse atunganywa na Eliel Filmz. Yanaboneyeho gutangaza ko ageze kure atunganya Album ye ya 8 azamurika mu mpera z’uyu mwaka tariki 27 Ukuboza 2021. Ati “Akira ni indirimbo yo gushima, nshima Imana muri iki gihe cya Thanksgiving. Ni indirimbo yo gushima Imana uburyo inyitaho ndetse n’umukristo wese muri rusange”.

    Uwitonze Clementine ari we Tonzi yakomeje ati “Kuko iyo ndebye uburyo Imana inyitaho, uburyo indinda numva ikwiye amashimwe kuko ni cyo nahamagariwe kuvuga gukomera kwayo, ni cyo yandemeye kuvuga urukundo rwayo noneho by’umwihariko ku buzima bwanjye nk’uko buri muntu wese agira ubusabanae n’Imana. Iyi ni indirimbo y’umuntu uwo ari we wese uzi ko Imana ariyo soko y’ubuzima bwe n’ibyo afite byose”.

    INKURU WASOMA: Hari igihe Imana imbuza amahoro: Tonzi yasohoye indirimbo ‘Umugisha’ anavuga impamvu ashyira hanze ibihangano nshya ubutitsa

    Mu kiganiro na InyaRwanda.com, Tonzi ukunzwe cyane muri iyi minsi mu ndirimbo ‘Ushimwe’, yavuze ko ‘Akira’ ari indiirmbo yakoze abwira Imana ko yamubereye byose, bityo ko ayituye iyi ndirimbo. Ati “Ni ukuri Imana niyo byose byanjye, niyo byose byacu, utayifite nta buzima. Ni indirimbo iri kuri Album yanjye ya 7, nuko video yayo ari bwo isohotse. Ndayitura abantu bose bashima Imana ku bw’ibyibakorera mu buzima bwa buri munsi. Ikindi nkaba ndimo ndanategura Album yanjye ya 8 izasohoka ku itariki 27 z’uku kwezi”.

    Tonzi hamwe n’umuryango we ubwo bari mu biruhuko ku Gisenyi

    Tonzi ashyize hanze iyi ndirimbo nshya nyuma y’ikiruhuko akubutsemo we n’umuryango we i Gisenyi mu Karere ka Rubavu ku mazi y’Ikiyaga cya Kivu. Yavuze ko icyo kiruhuko cyahuriranye n’ibirori by’isabukuru y’umwana wabo wari wujuje imyaka 8. Iyi ndirimbo ye nshya ‘Akira’ ije ikorera mu ngata ‘Umugisha’ imaze ukwezi kumwe iri hanze. Bimaze kuba nk’ihame ko buri kwezi Tonzi ashyira hanze indirimbo nshya kereka gusa iyo yagize indi mpamvu yihariye. Asobanura iyi ngingo ko iyo ashatse kumara igihe kinini adakora, Imana imubuza amahoro, ikamusaba gukora mu nganzo akayikorera.

    Muri iyi ndirimbo ‘Akira’ aterura agira ati “Sinjya menyera ubuntu ungirira, unyitaho bikandenga, nzagushima. Nshaka kwigumira mu buntu bwawe, nshyira kure y’ibibi byose Mwami, nibere uwawe ngumane nawe. Wambereye byose. Iyo ataba wowe, ubu mba ndi he, iyo ntagira wowe ubu mba ndi he. Wambereye byose Mwami ndagushimiye, uri byose Mwami ndagushimiye. Akira indirimbo ikunezeze wowe byose byanjye Mwami. Ntacyo mfite ntahawe nawe, n’uwo ndi we mbikesha wowe”. Mu mashusho y’iyi ndirimbo, Tonzi hari n’aho agaragara ari koga muri Piscine.

    Tonzi afite umwihariko wo gukora umuziki ushoye imizi mu gushima Imana 

    Tonzi hamwe n’umugabo we Alpha ku mucanga wo ku Gisenyi

    Tonzi ati “Iyo ataba wowe Mana mba ndi he?”

    Tonzi hamwe n’abakobwa we ubwo bari kumwe mu biruhuko

    Tonzi yashyize hanze indirimbo nshya yise ‘Akira’

    Umutima wa Tonzi wuzuye amashimwe menshi ku Mana

    REBA HANO INDIRIMBO NSHYA ‘AKIRA’ Y’UMUHANZIKAZI TONZI

    Source : https://inyarwanda.com/inkuru/112270/tonzi-ukubutse-i-gisenyi-mu-biruhuko-numuryango-we-yashyize-hanze-indirimbo-nshya-yishimwe-112270.html

  • Kamonyi: Hatangijwe imikino mu mashuri, basabwa ko Siporo iba umuco, banahabwa umukoro #rwanda #RwOT

    Kuri iki cyumweru tariki 05 Ukuboza 2021 mu karere ka Kamonyi hatangijwe imikino mu mashuri ku rwego rw'Intara y'Amajyepfo. Abayitabiriye by'umwihariko abanyeshuri,  basabwe kuyigira umuco. Bakanguriwe kandi kwamagana inda ziterwa abangavu n'ihohoterwa iryo ariryo ryose.

    Mu butumwa bw'Umuyobozi w'Intara y'amajyepfo bwatanzwe na Meya w'Akarere ka Kamonyi kuko Guverineri atari ahari, yasabye abazitabira aya marushanwa guhatana bashaka intsinzi, ariko kandi abasaba ko siporo ikwiye kuba umuco ndetse kandi abantu bakibuka ko bagomba kwamagana abatera abangavu inda n'ihohoterwa ryose aho riva rikagera.

    Yagize ati' Ndagirango mbibutse ko abazitabira aya marushanwa bose bagomba guhatana bagashaka intsinzi, ariko tukanabigira umuco ndetse tugafatanya n'inzego tukanamagana abatera inda abangavu, tukabarinda ihohoterwa ryose bakorerwa kuko rituma batagera ku ntego zabo'.

    Dr Nahayo Sylvere, Umuyobozi w'Akarere ka Kamonyi, avuga ko gukora siporo aribwo buryo bwiza bwo kubungabunga ubuzima, ko bityo buri wese asabwa gukomeza kuzirikana ko imyitozo ngororamubiri ari ingirakamaro ku mibereho ya buri muntu.

    Yagize ati' Nibyo, gukora siporo nibwo buryo bwiza bwo kubungabunga ubuzima. Twese turasabwa ko twakomeza kuzirikana ko imyitozo ngororamubiri ari ingirakamaro ku mibereho ya buri muntu kuko hari indwara zitandura turwara kubera kudakora siporo'.

    Akomeza avuga ko imikino y'amashuri izafasha kuzamura impano z'abanyeshuri bazaba bigaragaje bakazamura urwego bakaba 'baduhesha ishema biturutse kuko bazaba bitwaye. Turabatuma guhangana mushaka intsinzi mukaduhesha ishema'.

    Iyi mikino y'amashuri yatangijwe mu ntara y'amajyefo ikubiyemo; umupira w'amaguru n'imikino y'amaboko n'imikino Ngororamubiri yose izakinwa mu gihembwe cya 2.

    Akimana Jean de Dieu

    Source : https://www.intyoza.com/kamonyi-hatangijwe-imikino-mu-mashuri-basabwa-ko-siporo-iba-umuco-banahabwa-umukoro/