Webrwanda Backend

Blog

  • Kigali : Umugabo ukekwaho kwica umugore we amukase ijosi yisobanuye avuga ko ari Satani yabimuteye #rwanda #RwOT

    Uyu mugabo witwa Kanyamibare Bizimungu w’imyaka 27, arakekwaho gukora ubu bugizi bwa nabi mu gitondo cyo kuri uyu wa Mbere tariki 06 Ukuboza 2021 aho akekwaho kwica umugore we Murebe Evelyne.

    Bamwe mu babonye ubu bwicanyi bukimara kuba bavuga ko iki gikorwa cyabakuye umutima kubera ubunyamaswa cyakoranywe.

    Minani Frodouard uri mu bahageze mbere ubwo uyu mugore yari akimara kwicwa, avuga ko yasanze imitsi y’ijosi rya nyakwigendera yari irimo kuvamo amaraso menshi, akagerageza gutabara akoresheje igitambaro ariko ko ntacyo yari kuramira kuko imitsi yose yari yacitse.

    Ati 'Nafatiyeho mbona umuntu arimo aramanuka ndamufasha ahita yicara ahita yirambura aba arapfuye.'

    Avuga ko uyu mugabo yiciye umugore we ahantu abantu batarebaga kuko yabanje kumwihugikana hirya y’umuhanda.

    Minani Frodouard avuga ko yahise ahamagara inzego zinyuranye zikihutira kuhagera ari na bwo bahise batangira gushakisha uyu mugabo ukekwaho kwica umugore we, bakaza kumufatira mu gishanga aho yari arimo kwihisha.

    Ati 'Twamubajije tuti 'biriya bintu ni wowe ubikoze ?’ ati 'ni njyewe’ tuti 'ubitewe niki ?’ ngo 'ni satani’.'

    Gusa hari andi makuru yavugaga ko nyakwigendera n’umugabo we bari bamaze iminsi bafitanye ibibazo kuko ngo umugore yari yarashatse undi mugabo ndetse ngo akaza kwiba uyu ibihumbi 500 Frw akabishyira undi yari yarashatse.

    IKIGANIRO N’ABATURAGE BABIBONYE

    UKWEZI.RW

    Source : http://www.ukwezi.rw/1-1/Amakuru-anyuranye/article/Kigali-Umugabo-ukekwaho-kwica-umugore-we-amukase-ijosi-yisobanuye-avuga-ko-ari-Satani-yabimuteye

  • Nyagatare : Polisi yafashe batatu bari gukwirakwiza ibihumbi 205Frw bigizwe n’iza 5.000 z’amiganano #rwanda #RwOT

    Abafashwe ni Maniranzi Elissa w’imyaka 21 y’amavuko, Kwizera Jean Marie Sabrina w’imyaka 20 na Niyokwizerwa Viateur w’imyaka 28, bakaba bafatiwe mu Mudugudu wa Kaduha mu Kagari ka Kaduha muri uyu Murenge wa Nyakigando.

    Bafashwe nyuma y’uko bari bishyuye amafaranga y’amiganano angana n’ibihumbi 50, umukozi ubitsa akanabikuza amafaranga kuri telephone ngendanwa (mobile money agent) wari umaze kuyababikiriza kuri konti.

    Umuvugizi wa Polisi mu ntara y’Iburasirazuba, Chief Inspector of Police (CIP) Hamduni Twizeyimana yavuze ko aba bombi kugira ngo bafatwe byaturutse ku makuru yatanzwe n’uyu mukozi ubwo yagenzuraga agasanga bamwishyuye amafaranga y’amiganano.

    Yagize ati 'Twahawe amakuru tariki ya 5 Ukuboza, ahagana saa tatu z’ijoro, ubwo Maniranzi yagiye ku mukozi wa mobile money, akamusaba kumubikiriza amafaranga ibihumbi 50 kuri konti ye. Nyuma yo kumwishyura uyu mukozi yitegereje neza inoti z’ibihumbi bitanu yari amwishyuye asanga ni amiganano niko guhita abimenyesha Polisi.'

    CIP Twizeyimana yavuze ko bakimara guhabwa amakuru abapolisi bahise bihutira kugera aho byabereye, basanga Maniranzi wari yaherekejwe n’uwitwa Kwizera bakiri muri ako gasanteri niko guhita batabwa muri yombi.

    Bamaze gufatwa, Maniranzi yiyemereye ko yari yishyuye umukozi wa mobile money amafaranga y’amahimbano avuga ko ayo yari asigaranye yayabikije ku mucuruzi ucururiza muri ako gasanteri ka Kavumu witwa Niyokwizerwa nawe wahise afatwa bamusangana amafaranga y’amiganano angana n’ibihumbi 155,000 yose ahuje nimero n’ayo bari bahaye umucuruzi wa mobile money cyakora birinze gusobanura aho bakuye ayo mafaranga.

    Umuvugizi wa Polisi mu Ntara y’Iburasirazuba yakomeje ashimira umuturage wihutiye gutanga amakuru akangurira n’abandi kujya batangira amakuru ku gihe.

    Yibukije abakora bakanakwirakwiza bene ariya mafaranga ko ibyo bakora ari icyaha gihanwa n’amategeko iyo kibahamye.

    Ati' Abaturage cyane cyane abacuruzi tubakangurira kujya bashishoza ku noti bahawe cyane cyane inoti nshya, ikindi ziriya noti usanga zihuje nimero. Ababikora nabo tubagira inama yo kubireka bagashaka indi mirimo yemewe n’amategeko bakora kuko bazafatwa bahanwe n’amategeko.'

    Abafashwe uko ari batatu bahise bashyikirizwa Urwego rushinzwe ubugenzacyaha (RIB) rukorera kuri sitasiyo ya Polisi ya Katabagemu kugira ngo hatangire iperereza.

    Itegeko nº68/2018 ryo ku wa 30/08/2018 riteganya ibyaha n’ibihano muri rusange ingingo ya 269 ivuga ko Umuntu wese, ku bw’uburiganya wigana, uhindura amafaranga y’ibiceri cyangwa inoti akoreshwa mu Rwanda cyangwa mu mahanga, ibyakwitiranywa nayo, impapuro zifite agaciro k’amafaranga y’igihugu zashyizweho umukono n’inzego zibifitiye ububasha, ziriho tembure yayo cyangwa ikirango cyayo, cyangwa izindi mpapuro zikoreshwa mu Rwanda cyangwa mu mahanga, uzana cyangwa ukwiza mu Rwanda izo mpapuro n’izo noti azi ko ziganywe cyangwa ko zahinduwe, aba akoze icyaha.
    Iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7).

    Source : http://www.ukwezi.rw/1-1/Amakuru-anyuranye/article/Nyagatare-Polisi-yafashe-batatu-bari-gukwirakwiza-ibihumbi-205Frw-bigizwe-n-iza-5-000-z-amiganano

  • #COVID19: Mu Rwanda habonetse abanduye bashya 15 mu bipimo 11,988 #Rwanda #RwOT via @kigalitoday #rwanda #RwOT

    Nta muntu wishwe n’icyo cyorezo kuri uwo munsi, abamaze kwitaba Imana bose hamwe mu Rwanda bazize icyo cyorezo ni 1,343.

    source : https://ift.tt/3ExbFOW

  • Kenya: Kompanyi ya Leta irashinjwa ivangura mu mitangire y'akazi #rwanda #RwOT

    Ikompanyi ya leta mu gihugu cya Kenya irashinjwa ivangura igakoresha 58% by'abakozi bava mu bwoko bumwe kandi binyuranye n'itegeko nshinga ry'igihugu.

    Ikinyamakuru Business Daily cyanditse ko iyi kompanyi  Kenya Seed Company  abakozi bayo benshi bava mu bwoko bw'aba Kalenjine kandi bitemewe.

    Raporo y'umugenzuzi mukuru w'imari ya leta, ivuga ko iyi kompanyi ifite abakozi 351 muri aba, abakalenjine bakaba ari 202.

    Ubwoko bw'abakalenjine bukomokamo William Ruto visi perezida, usanzwe udacana uwaka na Perezida Uhuru Kenyatta wo mu bwoko bw'aba Kikuyu.

    Itegeko ryo muri 2008 muri Kenya rivuga ko nta bwoko bumwe bugomba kwiharira imyanya mu kigo cya leta, ku kigero kirenze kimwe cya gatatu.

    Iri tegeko ribuza ko ibyiza by'igihugu biva mu musoro wa rubanda byiharirwa n'ubwoko bumwe, ariko iki kigo ngo n'imiyoborere yacyo aba Kalenjine bariganje.

    Iki kigo cya leta kandi uretse kuba kiganjemo ubwoko bumwe, ngo n'ihame ry'uburinganire ntikibukozwa kuko nta bagore bayoboye.

    The post Kenya: Kompanyi ya Leta irashinjwa ivangura mu mitangire y'akazi appeared first on FLASH RADIO&TV.

    Source : https://flash.rw/2021/12/06/kenya-kompanyi-ya-leta-irashinjwa-ivangura-mu-mitangire-yakazi/?utm_source=rss&utm_medium=rss&utm_campaign=kenya-kompanyi-ya-leta-irashinjwa-ivangura-mu-mitangire-yakazi

  • Tanzania: Nta muntu uragaragaraho ubwandu bwa Omicron-Ubutegetsi #rwanda #RwOT

    Abategetsi barahiye barirenga bavuga ko nta muntu n'umwe rudori, wari wagaragaraho ubwandu bwa covid-19 yihinduranya bwa Omicron, nubwo hari amakuru yakwiriye ku Isi avuga ko umuhinde wajyaga New Delhi avuye Dar Salaam yahageze bakamusangana ubu bwandu.

    Ikinyamakuru The East African cyanditse ko umunyamabanga uhoraho muri ministeri y'ubuzima bwana Abel Makubi, yavuze ko aya makuru atari impamo.

    Prof Makubi yavuze ko bari kuganira na Ambasade ya Tanzania mu Buhinde ariko ko bahagenzuye hose, bagasanga nta muntu n'umwe wageze mu gihugu ufite Omicron.

    Iki gihugu mu minsi yabanje ya mbere ya Covid-19, cyashinjwe guhisha amakuru arebana nayo kugera ubwo cyamagana inkingo.

    Abategetsi muri ministeri y'ubuzima mu Buhinde bavuze ko umurwayi wa mbere ufite ubu bwandu yakubutse muri Tanzania ariko iyi Leta yabyamaganye.

    Ministeri y'ubuzima y'iki gihugu yavuze ko bari muri Laburatwari bareba ko nta bwandu bwaba bwarabinjiranye kandi ko buhagaragaye bazabitangaza.

    The post Tanzania: Nta muntu uragaragaraho ubwandu bwa Omicron-Ubutegetsi appeared first on FLASH RADIO&TV.

    Source : https://flash.rw/2021/12/06/tanzania-nta-muntu-uragaragaraho-ubwandu-bwa-omicron-ubutegetsi/?utm_source=rss&utm_medium=rss&utm_campaign=tanzania-nta-muntu-uragaragaraho-ubwandu-bwa-omicron-ubutegetsi

  • Uwakoze urukingo rwa AstraZeneca avuga ko hari icyorezo gishobora kuza cyica kurusha Covid-19 #rwanda #RwOT

    Ibyorezo by'ahazaza bishobora kuzaba bibi cyane kurusha Covid iriho ubu, nk'uko bivugwa n'umwe mu bantu bakoze urukingo rwa AstraZeneca aburira.

    Prof Dame Sarah Gilbert, yavuze ko hakenewe gushyirwa imari mu kwitegura ibyorezo no kwirinda ko intambwe yatewe itakara. Yaburiye kandi ko inkingo ziriho ubu zishobora kutagira kinini zikora ku bwoko bwa Omicron.

    Dame (izina ry'icyubahiro) Sarah yongeyeho ko abantu bakwiye kwirinda kugeza byinshi bimenyekanye kuri ubu bwoko.

    Yagize ati: 'Iyi ntabwo ari inshuro ya nyuma virus yibasiye ubuzima n'imibereho yacu. Ukuri ni uko, izakurikiraho ishobora kuba mbi kurushaho. Ishobora kuba yandura kurushaho, cyangwa yica kurushaho, cyangwa byombi.'

    Avuga kuri Omicron, Sarah yavuze ko imiterere yayo yerekana ko ifite ubushobozi bwo kwandura vuba, aburira abantu kwirinda mu gihe hari ibitarasobanuka neza kuri yo. Yavuze ko gukora inkingo vuba n'imiti byagezweho muri iki cyorezo bikwiye guhinduka ibintu bisanzwe.

    Omicron nkuko BBC dukesha iyi nkuru ibitangaza, ikomeje kugenda igaragara mu bihugu bitandukanye ku isi. Kugeza kuwa gatanu Omicron yari imaze kuboneka mu bihugu 38, kandi OMS/WHO ikavuga ko hari ibimenyetso ko yandura vuba kurusha ubwoko bwa Delta.

    Kugeza ku cyumweru mu Bwongereza hari kuboneka abantu bagera kuri 246 bayanduye. Muri Africa y'Epfo ikigo gishinzwe indwara zitandura cyatangaje ko abanduye Covid bikubye kane mu minsi ine, ahanini kubera Omicron.

    Dame Sarah, wahawe izina ry'icyubahiro n'Umwamikazi w'Ubwongereza muri uyu mwaka, yatangiye gukora urukingo rwa coronavirus mu ntangiriro za 2020 ubwo Covid yari imaze gutangazwa bwa mbere mu Bushinwa.

    AstraZeneca ubu nirwo rukingo rwatanzwe henshi ku isi, aho doze zarwo zoherejwe mu bihugu birenga 170.

    intyoza

    Source : https://www.intyoza.com/uwakoze-urukingo-rwa-astrazeneca-avuga-ko-hari-icyorezo-gishobora-kuza-cyica-kurusha-covid-19/

  • Source : https://agakiza.org/????-LIVE-IGITARAMO-41-Ni-gute-UMUKRISTO-yanesha-yatsinda-ibishuko-biva-kuri-8519-8519-8519-8519-8519.html

  • Bakero wabaye kapiteni wa Espagne na Barcelon… – #rwanda #RwOT

    Bakero wafashije FC Barcelona kwegukana ibikombe 13 mu myaka 8 yayikiniye mbere yo kwerekeza muri Veracruz, yitezwe i Kigali guhugura abatoza b'Abanyarwanda mu ntangiriro za 2022.

    Nizeyimana Olivier uyobora Ishyirahamwe ry'Umupira w'amaguru mu Rwanda 'FERWAFA', yashimangiye aya makuru ubwo yashyiraga ifoto ku rukuta rwe rwa Twitter ari kumwe na José María Bakero, ayikurikiza amagambo amuha ikaze i Kigali.

    Yagize ati'Murakoze cyane Kapiteni wacu José María Bakero, tuzahurire i Kigali'.

    Asoza ubu butumwa, uyu muyobozi yashyizemo n'izina rya Jon Bakero, umuhungu wa José María Bakero, na we wakiniye FC Barcelone igihe kitari gito.

    Mu Ukwakira uyu mwaka, Nizeyimana Mugabo Olivier usanzwe ari umufana w'imena wa FC Barcelone, yari yavuze ko José María Bakero azaza mu Rwanda mu Ukuboza muri gahunda yo guhugura abatoza, ariko uyu muyobozi yatangaje ko nyuma habayemo impinduka ku buryo Bakero ashobora kugera i Kigali muri Gashyantare 2022.

    José María Bakero Escudero w'imyaka 58 y'amavuko yakiniye amakipe akomeye muri Espagne, arimo FC Barcelona na Real Sociedad zombi buri imwe yagiye ayikinira imyaka umunani.

    Uyu munyabigwi yakiniye ikipe y'igihugu ya Espagne imyaka irindwi, hagati ya 1987 na 1994, ayitsindira ibitego birindwi mu mikino 30.

    Kuva mu 1999, Bakero yinjiye mu mwuga w'ubutoza aho yatoje amakipe atandatu arimo Real Sociedad yanakiniye, aho yayimazemo imyaka itatu mbere yo kwerekeza muri Polonia Warsaw.

    Bakero yabaye kapiteni wa Barcelona igihe kirekire

    Bakero yagombaga kuba ari mu Rwanda muri uku kwezi ariko habaye impinduka ku ruzinduko rwe mu Rwanda

    Source : https://inyarwanda.com/inkuru/112286/bakero-wabaye-kapiteni-wa-espagne-na-barcelona-agiye-guhugura-abatoza-bo-mu-rwanda-112286.html

  • Rwanda Influencer Awards: Pamela Mudakikwa, S… – #rwanda #RwOT

    Kuva ku wa 18 Ugushyingo 2021, abahatanye bari guhatana mu cyiciro cy'amatora gifite amajwi 60%, azarangira mbere y'amasaha macye ngo ibihembo bitangwe. Akanama Nkemurampaka gafite amajwi 40%.

    Rwanda Influencer Awards ni byo bihembo rukumbi bizaba bigaragaramo ibyamamare mu ngeri zitandukanye mu Rwanda, aho bizatangwa ku wa 18 Ukuboza 2021.

    Mu gihe habura iminsi 12 ngo ibi bihembo bitangwe, hari abayoboye abandi bamaze gutorwa cyane kurusha abandi.

    Pamela Mudakikwa ayoboye abandi mu cyiciro ‘Social Media Influencers’ aho afite amajwi 2, 867; agakurikirwa na Kubwimana Dominique ufite amajwi 1, 848.

    Sam Karenzi ni we uri imbere mu majwi mu cyiciro cya ‘Journalist Influencers’ aho afite amajwi 855 agakurikirwa na Ingabire Egidie Bibio aho afite amajwi 114.

    Niyitegeka Gratien uzwi nka Seburikoko mu cyiciro ‘Art and Creative Influencers’ ni we wa mbere aho afite amajwi 327, Butera Knowless ufite amajwi 34.

    Mu cyiciro cya ‘Content Creator Influencers’, Rose Nishimwe ni we uyoboye abandi aho afite amajwi 323, agakurikirwa na Irene Murindahabi ufite amawi 10.

    Uwamahoro Joyce mu cyiciro cya ‘Lifestyle Influencers’ ni we uri imbere n’amajwi 737, agakurikirwa na Nishimwe Naomie wabaye Miss Rwanda 2020 ufite 149.

    Ibi bihembo bizahuriza hamwe ibyamamare mu gukoresha imbuga nkoranyambaga (Social media influencers), ibyamamare mu itangazamakuru (Journalist influencers), ibyamamare mu muziki, sinema, mu gutegura ibiganiro, mu myambarire ndetse no mu bwiza.

    Mu Rwanda hagiye hagaragara ibihembo mu muziki, sinema n'ibindi ariko ni bwo hagiye gutangwa ibihembo bigaragaramo abantu bo muri ibyo byiciro icyarimwe.

    Ibyiciro bihatanye muri Rwanda Influencer Awards 2021:

    1. Ibyamamare mu gukoresha imbuga nkoranyambaga [Social media influencers]
     Mbabazi Shadia (Shaddyboo), Bugingo Bonny (Junior Giti), Rukundo Patrick (Patycope), Uwase Claudine Muyango, Kubwimana Dominique, Pamela Mudakikwa, Richard Kwizera na Ishimwe Claude.
     

    2. Ibyamamare mu itangazamakuru [Journalist influencers]

    Luckman Nzeyimana, Angelbert Mutabaruka, Anita Pendo, Phill Peter na Ingabire Egidie Bibio, Oswakim Mutuyeyezu, Butera Sandrine Isheja, Aissa Cyiza, Anne Nimwiza na Sam Karenzi.

    3. Ibyamamare muri muzika, urwenya na cinema [Art and Creative Influencers]

    Mugisha Emmanuel [Clapton], Kamirindi Joshua, Nkusi Arthur, Rusine Patrick, Japhet&Etienne bazwi muri Bigomba Guhinduka.

    Clarisse Karasira, Mico the Best, Butera Knowless, Aline Gahongayire na Bruce Melody, Niyitegeka Gratien [Papa Sava], Benimana Ramadhan [Bamenya], Usanase Bahavu Jannet, Bazongere Rosine na Ndayizeye Emmanuel [Nick dimpoz].

    4.Ibyamamare mu gutegura ibiganiro [Content Producer Influencers]

    Murungi Sabin [Isimbi], Nyarwaya [Yago], Rose Nishimwe, Dashim [Dash Dash] na Irene Murindahabi.
     

    5.Ibyamamare mu myambarire ndetse no mu bwiza [Lifestyle Models]
    Turahirwa Moses [Moshions], Niyitanga Olivier [Tanga Design], Izere Laurien, The Mackenzie [Zoë], Joyce Designer, Miss Mutesi Jolly, Vanessa Raïssa Uwase [Hermajesty_vanessa], Miss Nishimwe Naomie, Umukundwa Clemence na Ishimwe Winnie Nicole.

    Muri ibi bihembo hazabamo ibirori byiswe 'We share party' aho byitezwe ko abazabyitabira bazabanza gutambuka ku itapi itukura (Rea Carpet) bagafata ifoto cyangwa bakabanza kuganira n'itangazamakuru. 

    KANDA HANO UBASHE GUTORA UWO USHYIGIKIYE

    Mbabazi Shadia [Shaddy Boo]

    Fiona Rutagengwa Kamikazi


    Bugingo Bonny [Junior Giti]

    Rukundo Patrick [Patycope]


    Uwase Claudine Muyango


    Kubwimana Dominique

    Pamela Mudakikwa

    Richard Kwizera


    Ishimwe Claude

    Bayingana David


    Luckman Nzeyimana


    Angelbert Mutabaruka


    Anita Pendo

    Phill Peter


    Ingabire Egidie Bibio

    Oswakim Mutuyeyezu

    Butera Sandrine Isheja


    Aissa Cyiza

    Anne Nimwiza


    Sam Karenzi

    Mugisha Emmanuel [Clapton]

    Kamirindi Joshua


    Nkusi Arthur


    Rusine Patrick


    Japhet&Etienne [Bigomba Guhinduka]


    Clarisse Karasira


    Mico the Best


    Butera Knowless

    Aline Gahongayire

    Bruce Melody

    Niyitegeka Gratien [Papa Sava]

    Benimana Ramadhan [Bamenya]

    Usanase Bahavu Jannet


    Bazongere Rosine

    Ndayizeye Emmanuel [Nick dimpoz]


    Murungi Sabin [Isimbi]

    Nyarwaya [Yago]


    Rose Nishimwe


    Dushimana JD Dashim [Dash Dash]

    Irene Murindahabi

    Turahirwa Moses [Moshions]


    Niyitanga Olivier [Tanga Design]


    Izere Laurien

    The Mackenzie [Zoë]

    Joyce Designer


    Miss Mutesi Jolly

    Vanessa Raïssa Uwase [Hermajesty_vanessa]


    Miss Nishimwe Naomie


    Umukundwa Clemence

    Ishimwe Winnie Nicole

    Ibyamamare 50 bahatanye mu bihembo ‘Rwanda Influencer Awards 2021’

    Ushobora kunyura aho hose ugatora uwo ushyigikiye; ibihembo bizatangwa tariki 18 Ukuboza 2021

    Source : https://inyarwanda.com/inkuru/112280/rwanda-influencer-awards-pamela-mudakikwa-sam-karenzi-na-seburikoko-bayoboye-abandi-mu-mat-112280.html

  • Abaturage baremerewe n’amafaranga bishyura ku marimbi #Rwanda #RwOT via @kigalitoday #rwanda #RwOT

    Kuba urupfu rutungurana bigahurirana no kuba umubare utari muke w’Abanyarwanda amikoro yabo agereranyije ngo bigora benshi mu gihe cyo guherekeza uwabo mu gihe yitabye Imana kuko ibimugendaho kugeza ashyinguwe bisaba ubushobozi burenze amikoro yabo.

    Uretse kuba hari aho usanga mu mirenge cyangwa utugari nta marimbi rusange ahari ku buryo bisaba abahatuye kujya gushyingura mu mirenge cyangwa utugari begeranye, ngo usanga n’aho ari ibiciro by’amarimbi birenze ubushobozi bwa bw’abatari bake ku buryo hari abahitamo gushyingura mu masambu yabo.

    Mu irimbi rya Rusororo hari imyanya yateganyirijwe ibyiciro byose
    Mu irimbi rya Rusororo hari imyanya yateganyirijwe ibyiciro byose

    Bamwe mu baturage bo mu mirenge by’umwihariko iyo mu turere tw’icyaro nka Burera, Nyamagabe, Nyabihu na Nyagatare baganiriye n’umuryango w’abanyamakuru baharanira amahoro (Pax Press), bagaragaje ko hari abadashobora kwigondera amafaranga yishyurwa kuri ba nyiri amarimbi kuko bibasaba kugurisha amatungo yabo kandi n’ubundi bagasigara bafite amadeni batarishyura.

    Umwe mu baturage bo mu Murenge wa Cyanika mu Karere ka Burera, avuga ko mu Murenge wabo nta rimbi rusange ririmo ku buryo iyo bashatse gushyingura bibasaba kujya mu Karere ka Musanze kandi na ho bakaba batoroherwa n’ibiciro by’amarimbi yaho.

    Ati “Kuyabona biratugora nyine kuko iyo udafite ihene cyangwa inka ntabwo uyabona, urumva n’ukuguza nko mu ngobyi cyangwa mu yandi matsinda, ni uko Leta yaturwanaho ikavugana n’uwo rwiyemezamirimo ushinzwe iby’amarimbi bakavugana bakatugabanyiriza igiciro, wenda bakatugenera nk’ibihumbi 15, wenda umuntu akajya yigora akayashaka, kuko urumva n’iyo ufite ihene imwe ntabwo ayo mafaranga abonekera rimwe, ugasigaramo ideni, ugasigara urimo kugorwa no kwishyura kandi wabuze n’umuntu”.

    Mugenzi we na we yagize ati “Niba wapfushije umuntu uremera ukikokora, kugira ngo ubone amafaranga yo kugura irimbi, ukemera niba ufite agasambu ukagatanga, niba ufite agatungo ukagatanga, gushyingura ni ukurwana nyine n’amafaranga yo kugira ngo ugure aho umushyingura”.

    Umuyobozi ushinzwe ibikorwa byo gushyingura mu irimbi rya Rusororo, Anselme Nkusi, ntiyemeranya n’abavuga ko gushyingura bihenda kuko mu irimbi ryabo bagira ibyiciro ku buryo buri wese ashobora kwibonamo.

    Ati “Ni ukuvuga ngo umuturage uje afite urupapuro yemerewe n’akagari n’umurenge batwereka ko uyu muntu atishoboye, tumushyingurira ubuntu, araza agasanga twateguye ahantu agomba gushyingurwa tukamushyingura akitahira, iyo tugeze mu cyiciro cyo gushyingura mu bitaka, turacukura, umuntu akaza tukamushyingura twarangiza tukagaruraho igitaka. Iyo dukoze iyo serivise nta bindi asabye ni 7500, hakaza abo mu masima, aho dufata imva ukayicukura tukubaka twamara kubaka, tugakora igipande na sima, umuntu akaza tukamushyingura bagatanga amafaranga ibihumbi 180”.

    Ngo hari n’icyiciro cy’abifite cyitwa mu makaro aho bacukura. Bakubaka bakoresheje amatafari barangiza bagashyiramo amakaro imbere ndetse barangiza gushyingura bakazashyira amakaro inyuma aho igiciro cy’umukuru ari amafaranga ibihumbi 490 mu gihe umwana ari ibihumbi 340.

    Umuyobozi ushinzwe ibijyanye no gushyingura mu irimbi rya Rusororo avuga ko utishoboye akaba afite urwandiko yahawe n
    Umuyobozi ushinzwe ibijyanye no gushyingura mu irimbi rya Rusororo avuga ko utishoboye akaba afite urwandiko yahawe n’ubuyobozi ashyingura uwe nta kiguzi atanze

    Umuyobozi Mukuru ushinzwe iterambere rusange n’imibereho myiza y’abaturage muri Minisiteri y’Ubutegetsi bw’Igihugu (MINALOC), Husi Monique, avuga ko itegeko riteganya ko inama njyanama y’Akarere ari yo iteganya ibijyanye n’imicungire n’imikoreshereze n’ibiciro by’amarimbi, agasinyana na rwiyemezamirimo.

    Ati “Nka MINALOC turongera gusubira muri ibyo bijyanye n’ibiciro ahagiye hagaragazwa ibyo bibazo, kugira ngo ijisho ry’ubuyobozi rikomeze kureberera abaturage, aho ibyo biciro bihanitse turebere hamwe na rwiyemezamirimo, turebe ubushobozi bw’abaturage tugene, cyangwa se uturere tugene ibiciro bigendanye n’ubushobozi bw’abaturage bo muri ako gace”.

    Mu bushakashatsi umuryango w’abanyamakuru baharanira amahoro (Pax Press) wakoze ufatanyije n’imwe mu miryango igera kuri 16 itari iya Leta muri uyu mwaka, basanze igiciro cy’amarimbi rusange kiri hagati y’amafaranga ibihumbi 70 na 300.

    Gahunda ya Leta ivuga ko umuturage wese akwiye kuba yashyingura mu marimbi rusange kuko ari ho honyine hagenewe kuba hashyingurwa uwitabye Imana. Mu Rwanda habarirwa amarimbi 1439 angana na 66.9%, mu gihe mu mirenge 416 iri mu gihugu, imirenge igera kuri 91 ingana na ¼ nta rimbi rusange igira.


    source : https://ift.tt/3ovBVDU