Blog

Itangazo ry’Ibiro by’Umukuru w’Igihugu ryasohotse ku mugoroba wo kuri uyu wa Gatatu tariki 08 Ukuboza 2021, rivuga ko Perezida Paul Kagame yageze i Dar es Salaam muri Tanzania.

Iri tangazo rivuga ko Perezida Paul yitabiriye ibirori byo kwizihiza isabukuru y’Ubwigenge bwa Tanzania y’imyaka 60 bizaba kuri uyu wa Kane tariki 09 Ukuboza 2021.

Perezida Kagame Paul ubwo yageraga ku Kibuga cy’Indege i Dar es Salaam yakiriwe na Prof Palamagamba John Kabudi, Minisitiri ushinzwe Itegeko Nshinga n’andi mategeko muri Tanzania.

Tariki 09 Ukuboza, ni umunsi ukomeye muri Tanzania kuko ari bwo bizihizaho ubwigenge bw’iki Gihugu.

Perezida Kagame Paul agiye muri Tanzania nyuma y’amezi ane mugenzi we Madamu Samia Suluhu Hassan agiriye uruzinduko mu Rwanda ubwo yari agiriye urugendo rw’akazi rwa mbere mu Rwanda kuva yatangira kuyobora iki Gihugu.

Kuva Madamu Samia Suluhu Hassan yatangira kuyobora Tanzania, ni ubwa mbere Perezida Kagame Paul agiriye uruzinduko muri iki Gihugu giherereye mu Burasirazuba bw’u Rwanda.

Tanzania ni Igihugu cyakunze kubanira neza u Rwanda aho byanashimangiwe na Perezida Kagame muri Komite nyobozi yaguye y’Umuryango FPR Inkotanyi yabaye mu ntangiro za Gicurasi 2021 ubwo yagarukaga ku mubano w’u Rwanda n’Ibihugu by’ibituranyi.

Perezida Kagame icyo gihe yavuze ko Tanzani ari Igihugu kitigeze kigirana ibibazo by’imibanire n’u Rwanda kuva mu bihe byatambutse.

Kuva ku wa mbere w'iki Cyumweru, abakobwa bahatanye mu irushanwa rya Miss East Africa ari naryo Umunyana Shanitah ahagarariyemo u Rwanda bagiranye ikiganiro cyihariye n'itangazamakuru Wasafi Tv cy'umuhanzi Diamond.

Buri mukobwa yahawe umwanya wo kwivugaho birambuye, ibumuraje ishinga n'ibindi. Umunyana Shanitah wabaye igisonga cya mbere cya Miss Rwanda 2019 yagiranye ikiganiro n'Umunyamakuru ukoresha izina rya iamcalypsoo kuri Instagram.

Umunyana uherutse gusoza amasomo ye ya Kaminuza, atangira avuga ko yanogewe n'ibihe ari kugirira muri Tanzania n'uburyo yakiriwe n'ukuntu buri wese muri iki gihugu yubaka ubushuti.

Akavuga ko yagize umwanya wo gutembera, kandi ko yishimiye aho yageze ho. Umunyana avuga ko afite imyaka 22 y’amavuko, kandi inzozi ze ni ukuba Rwiyemezamirimo no kwigira ku bandi.

Umunyamakuru yamubajije ku woroherwa n'ubuzima hagati y'umukobwa n'umuhungu. Mu gusubiza, uyu mukobwa yavuze ko ashingiye ku byo abona, umukobwa ari we uri guhindurirwa ubuzima cyane, ashingiye kuri politike z'ibihugu.

Atanga urugero rw'ukuntu u Rwanda rwateje imbere umugore, ku buryo mu Inteko Ishinga Amategeko y’u Rwanda harimo 60% by'abagore. Uyu mukobwa anavuga ko bimwe mu bigo bikomeye n'indi myanya ikomeye iyobowe n'abagore.

Ati “60% ni abagore bari mu Inteko Ishinga Amategeko. Kandi imyanya myinshi y’ubuyobozi iyobowe n’abagore.' Uyu mukobwa ashima Leta ishyigikiye umugore, kuko bituma nawe [Umugore] agaragaza icyo atekereza ku cyakorwa mu kubaka Igihugu.'

Inteko Ishinga Amategeko y'u Rwanda igizwe n'Imitwe ibiri; umutwe w'Abadepite n’umutwe wa Sena. Umutwe w'Abadepite ugizwe n'Abadepite 80 barimo abadepite 53 batowe ku rwego rw'Igihugu; 

24 b'abagore batorwa n'inzego zihariye, abadepite 2 batowe n'Inama y'Igihugu y'urubyiruko n’umudepite 1 watowe n'impuzamashyirahamwe y'abantu bafite ubumuga.

Iru rushanwa rya Miss East Africa ryagombaga gusozwa tariki 18 Ukuboza 2021, ariko ejo ku wa kabiri abaritegura bakoze impinduka bavuga ko rizasozwa tariki 24 Ukuboza 2021 mu borori bizabera ahitwa Mlimani guhera saa kumi n'ebyiri z'umugoroba.

Rihatanyemo abakobwa bo mu bihugu 16 barimo Tanzania, Kenya, Rwanda, Uganda, Burundi, Malawai, Somalia, Mauritious, Ethiopia, Sudani y'Epfo, Comoros, Reunion, Seychelles, Djibouti, Madagascar na Eritrea.

Umunyana Shanitah yavuze ko Leta yashyizeho imirongo migari ifasha mu iterambere ry'Umunyarwandakazi

Shanitah uri kubarizwa muri Tanzania, yavuze ko yanyuzwe n'uburyo yakiriwe muri Tanzania

Abakobwa barimo Umunyana Shanitah batemberejwe mu bwato mu gihe irushanwa ririmbanyije

Abakobwa bahatanye muri Miss East Africa 2021 babyukira muri siporo n'ibindi bikorwa byateguwe muri iri rushanwa

Shanitah wabaye igisonga cya mbere cya Miss Rwanda 2019 ahagarariye u Rwanda muri Miss East Africa

Umuhango wo gusaba no gukwa wabaye mu gitondo cyo ku wa Kabiri tariki ya 7 Ukuboza, ubera muri Luxury Garden, Norvege nyuma aba bombi basezeraniye mu itorero rya Philadelphia Rhema Church, Kimironko.

Byabaye ngombwa ko uyu mukinnyi asubika ubu bukwe bwari butegnyijwe mu cyumweru gishize kugira ngo abanze gukinira APR FC muri Confederations Cup, umukino yatsinzwe na RS Berkane ibitego 2-1.

Lague akaba yari ashagawe n'abakinnyi bagenzi be bakinana muri APR FC, barimo Buteera Andrew wari wabaye Parrain we banakinanye muri APR FC ubu akaba ari muri AS Kigali.

Ubukwe bwa Kelia Uwase na Lague bwaranzwe na byinshi birimo amarira y'ibyishimo kuri aba bombi bagiye gutangira urugendo rushya rw'ubuzima nk'umugabo n'umugore.

Mu mafoto 30 twabahitiyemo, hakubiyemo ibyaranze ubukwe bwa Lague na Kelia.

Lague Byiringiro n’abasore bamwambariye mu bukwe bwe

Butera Andrew niwe wari Parrain wa Lague

Uko Lague yagiye gusaba yambaye

Mugunga Yves bakinana muri APR FC

Nshuti Innocent mu bari bambariye Lague

Nsabimana Aimable

Buregeya Prince bamaranye igihe muri APR FC

Ruboneka Bosco mu bambariye Lague

Lague akikijwe na Butera na Mugunga

Nyina wa Uwase Kelia

Se w’umugore wa Byiringiro Lague

Nyina wa Lague, Mushiki we na Nyirasenge mu birori bya Lague Byiringiro

Byari ibyishimo bivanze n’amarira ku mpande zombi

Lague na Kelia bari bizihiwe mu bukwe bwabo

Lague yambitse impeta umukunzi we Kelia

Umubyeyi wa Kelia yagenewe impano n’urugo rushya rwa Lague

Habayeho igihe cyo gucinya akadiho muri ibi birori

Lague yarushinze na Kelia bari bamaze imyaka ine bakundana

Lague na Kelia bafatanya gukata Cake

Abakinnyi ba APR FC bageneye impano urugo rushya rwa Lague na Kelia

Gen James Kabarebe ahobera Lague na Kelia

Gen James Kabarebe yemeye kubakira Byiringiro Lague

Byiringiro Lague na Kelia basezeranye imbere y’Imana

Lague na Kelia bacinye akadiho

Umutoza Adil wa APR FC yari yitabiriye ubukwe bw’umukinnyi we Lague

Gen James Kabarebe yari yitabiriye ubukwe bwa Lague anamwemerera kumwubakira

Abantu benshi hano ku isi bakunda kuvuga ngo ibihe birihuta, ariko ibaze ugize amahirwe yo kugera ku mubumbe witwa GJ 367b aho ushobora kuryama amasaha umunani ugakanguka umwaka urangiye uri mu buriri.

Uyu mubumbe wavumbuwe n'abashakashatsi mu by'isanzure witwa GJ 367b uri mu bwoko bw'imibumbe izwi nka exoplanet, iyi ikaba imibumbe izenguruka inyenyeri aho kuzenguruka izuba nk'iyindi mibumbe isanzwe iri mu itsinda ry'imibumbe n'isi dutuye irimo.

Abavumbuye uyu mubumbe bavuze ko uherereye ku ntera ya (31 light years) uvuye ku isi. Light year, ibi bikaba ibipimo bikoreshwa mu gupima intera iri mu isanzure. Kugira ngo ubyumve neza 1 light year ingana na kilometero trillion 9.46 (9.6 x10¹² km).

GJ 367b ni umubumbe abashakashatsi bavuze ko ugizwe n'ibitare ndetse ukaba ujya kungana n'umubumwe wa Mars, ukaba ujya kugira imiterere imeze nkuyu mubumbe wa Mercury uri mu itsinda ry'imibumbe izenguruka izuba.

Ubushyuhe kuri uyu mubumbe bugera kuri 1500 degrees Celcius, ubu bushyuhe bukaba buhagije ngo ibyuma bishonge-ibi bikaba byerekana ko ikiremwamuntu bitashoboka ko cyahatura.

Kuri GJ 367b umwaka umara amasaha 8 gusa

Ikigo cy'Abadage gikora ubushakashatsi mu by'isanzure cyatangaje ko uyu mubumbe wavumbuwe mu mwaka 2019 bahereye ku makuru bahawe n'ikigo cy'Abanyamerika (NASA). Ikindi wamenya kuri uyu mubumbe nuko ufite cyimwe cya kabiri cy'uburemere bw'umubumbe wacu, ibi bigatuma uyu mubumbe wa GJ 367b uba uwambere ufite uburemere bucye mu mibumbe yo mu bwoko bwa exoplanet 5,000 imaze kuvumburwa.     

Kristine Lam umwe muri aba bashakashatsi bo mu kigo cy'abadage gikora ubushakashatsi mu by'isanzure yavuze ko kuvumbura uyu mubumbe ari ntambwe ya mbere itewe mu gushakisha indi si ya kabiri.

Mu mwaka 2015, ikigo cy'Abanyamerika gikora ubushakashatsi mu by'isanzure (NASA) giherutse gutangaza ko cyavumbuye umubumbe ufite imiterere ijya kumera nkuy'umubumbe wacu. Uyu mubumbe wiswe Kepler-452b, NASA yavuze ko ahantu uherereye hashobora guturwa. Aho uyu mubumbe uherereye icyogajuru kigendera ku muvuduko wa 59,000 km/h byasaba nibura imyaka miliyoni 30 kuhagera.

 

Ubuyobozi bw’ikipe ya Kiyovu Sports buvuga ko ibivugwa ko muri iyi kipe harimo ikibazo gishingiye ku mishahara n’uduhimbazamusyi bafite uko babivuganye kandi nta kibazo abakinnyi babifiteho.

Muri Kiyovu Sports biravugwa ko abakinnyi batishimye bitewe n’ikirarane cy’umushahara cy’ukwezi kwa 11 bafitiwe n’ikipe ndetse n’uduhimbazamusyi tw’imikino 4 batarahabwa.

Amakuru avuga ko abakinnyi batishimye kubera ko batarishyurwa ukwezi kwa 11 ndetse n’utu duhimbazamushyi aho buri mukinnyi afitiwe ibihumbi 120 by’uduhimbazamusyi kuko umukino ari ibihumbi 30 kandi bakaba bishyuza imikino 4.

Mu kiganiro ISIMBI yagiranye na perezida wa Kiyiovu Sports, Mvukiyehe Juvenal yavuze ko ntawabuza abavuga kuvuga ariko bo muri Kiyovu Sports bameze neza nta kibazo kirimo.

Ati 'ikipe iyo irimo kwitwara neza, ibica intege biba ari byinshi, amagambo aba ari menshi, uretse no muri Kiyovu Sports no mu yandi makipe ubaye utarahemba ukwezi kwa 11 ntabwo waba waciye inka amabere, kuba uduhimbazamusyi tubaye tutaratangwa nabyo dufite uko tuba twaravuganye n’abakinnyi tuzayabaha kandi dufite ubutumwa tuba twabahaye n’uburyo tuba twavuganye nabo, ibyo byose rero biba bivugwa tubyima amatwi kuko ntaho bihuriye n’ukuri, nitwe tuzi ibyo tuba twavuaganye n’abakinnyi.'

Uduhimbazamusyi ikipe ya Kiyovu Sports itaraha abakinnyi ari utw’imikino 4 batsinze Gicumbi FC, Musanze FC, Etincelles na Rayon Sports.

Abakinnyi ba Kiyovu Sports barishyuza ibirarane bafitiwe

Juvenal avuga ko ibintu byose biri mu murongo nta kibazo kirimo

Uyu muhanzi asanzwe akora ibijyanye n'amashanyarazi mu Bufaransa. Ku mugoroba w'uyu wa Kabiri tariki 7 Ukuboza 2021, habaye umuhango wo gutangiza iri rushanwa wabereye mu nyubako y'imyidagaduro yitwa Paris La Défense Arena.

Iyi nyubako ni yo ya mbere mu Bufaransa yakira ibikorwa bikomeye. Mu mpera z'uyu mwaka izaberamo igitaramo cy'umuhanzi w'icyamamare Celine Dion, Vitaa&Slimane n'abandi.

Iyi nyubako ni yo yakiriye iri rushanwa kuva ritangiye, ndetse ni na ho rizasorezwa. Abahatanye basabwa gukora ibikorwa birimo gukangurira abantu, abakoresha ibinyabiziga, abakozi, abanyeshuri n'abandi kurengera ibidukikije akaba ari na yo ntego y'iri rushanwa.

Rihuje ibigo by'amashuri, urubyiruko, sosiyete zitandukanye, kompanyi n'abandi bifashisha umuriro mu buzima bwa buri munsi. Akanama Nkemurampaka kazahitamo muri aba bose baryitabira uwakoresheje ingufu z'amashanyarazi nke arengera ibudukijije.

Ben Kayiranga avuga ko ari mu bitegura iri rushanwa aho ahagarariye ishuri akoraho ryitwa Lycée Blaise Pascal d’Orsay naryo rihatanye muri iri rushanwa.

Ni irushanwa avuga ko rizamara umwaka. Ati 'Tugomba gutangira kugabanya ingufu z'amashanyarazi dukoresha. Ibikoresho bitandukanye turateganya kubigira 'automatique' ku buryo bizajya bikoresha umuriro mucye, rimwe na rimwe bikizimya.'

Ben Kayiranga yabwiye INYARWANDA ko mu gihe cyose yari amaze afatanya umuziki n'imirimo yo gukora mu mashanyarazi atari azi ko igihe kimwe kizagera byombi bikamubyarira inyungu.

Avuga ko ubu yasobanukiwe neza guha umwanya impano ye. Uyu muhanzi yavuze ko mu kiganiro cyabaye ku mugoroba w'uyu wa kabiri yari yatumiwe gusobanura birambuye ibikorwa akorera mu mashuri ya Leta yo muri iki gihugu.

Avuga ko ari ibintu byamukomeza ku mutima, akavuga ko Imana yaciye inzira n'ubwo yari amaze igihe yiyumvisha ko yibagiranye mu muziki. Ati 'Akazi nkora uyu munsi ntabwo ntigeze nibwira ko nako gashobora kunzamura kuri iyi ntera ya 'Salle' ya mbere nini mu Bufaransa yitwa Paris Défense Arena yakira abantu ibihumbi 40.'

Akomeza ati 'Natumiwe gusobanura ibikorwa nkorera mu mashuri ya Leta aho nkorera nk'umutekinisiye nkigisha n’abanyeshuri uburyo bashobora gukoresha umuriro muke aho bigira n’aho batuye bakoresheje ikoranabuhanga rigezweho bita 'Domotique' mu rwego rwo kuganya gucana amatara ahantu hose hadakenewe.'

Ben Kayiranga washinze kompanyi ye mu Rwanda yise 'One Control', yatubwiye ko agiye gutangira gutanga amahugurwa ku batekinisiye bashyira umuriro w'amashyanyarazi mu mazu asanzwe cyangwa yakiri abantu banyuranye.

Aya mahugurwa azajya abera mu Rwanda. Ati 'Nzajya nza mu bihe bitandukanye mpugure abatekinisiye hanyuma nsubire mu Bufaransa nabo basubire mu kazi. Nzajya nzana ibyuma nzifashisha.'

Ben Kayiranga aritegura kugaruka mu Rwanda tariki 16 Ukuboza 2021, ndetse avuga ko kimwe mu bizaba bimuzanye mu Rwanda harimo indirimbo azakora ku rugendo rw'ubuzima bwe.

Irushanwa ryiswe 'Championnat de France des économies d’énergie (CUBE)' rigiye kubera mu Mujyi wa Paris mu Bufaransa

Ben Kayiranga yavuze ko iri rushanwa rigiye kumara umwaka ribera mu nyubako yitwa Paris La Défense Arena yakira abantu barenga ibihumbi 40

Ben uzwi mu ndirimbo zirimo 'Freedom' avuga ko yishimiye gufatanya na bagenzi be kurengera ibidukikije

Ben Kayiranga yatanze ikiganiro ku bijyanye n'uko bakoresha neza ingufu z'amashanyarazi mu buryo butangiza ibidukikije

Uyu mukinnyi umaze kwigarurira imitima y'abarayon biravugwa ko mu ibanga rikomeye yandikiye ubuyobozi bwe abusaba kumukura muri Rayon Sports kuko abona nta cyerekezo.

Biravugwa ko impamvu uyu mukinnyi yahaye Raja ayisaba kumukura muri Rayon Sports ari uko abona kuguma muri Rayon Sports bitamuzamurira urwego ndetse nta cyerecyezo byamuha kuko abona imitoreze iri mu ikipe iri ku rwego rwo hasi, bityo ahera ko abasaba kumushakira indi kipe yatizwamo cyangwa bakamuha uburenganzira akayishakira.

Youssef uzwiho amacenga menshi ni umwe mu bafatiye runini Rayon Sports kuko ari nawe wayitsindiye igitego cyafunguye shampiyona y'u Rwanda ndetse kinahesha amanota atatu Rayon Sports imbere ya Mukura Victory Sports.

Amakuru Inyarwanda.com yamenye mu minsi ishize ni uko bamwe mu bakinnyi ba Rayon Sports barimo na Youssef banenze cyane urwego rw'imitoreze iri muri iyi kipe, bavuga ko ikipe ikomeye nka Rayon Sports itatwara igikombe cya shampiyona ikomeje gutozwa mu buryo itozwamo.

Rharb Youssef yageze mu Rwanda tariki ya 27 Nzeri 2021 azanye na mugenzi we Ait Lahssaine Ayoub bose batijwe na Raja Cassablanca muri Rayon Sports mu gihe cy'umwaka umwe.

Ibi bikubiye mu masezerano y'ubufatanye iyi kipe yo muri Maroc yagiranye na Rayon Sports, akubiyemo ibikorwa bitandukanye bigamije iterambere ry'umupira w'amaguru mu mpande zose, hakaba hakubiyemo no gutizanya abakinnyi.

Aba bakinnyi bombi batangiye imyitozo muri Rayon Sports tariki ya 08 Nzeri 2021, aho bari baje gufasha Rayon Sports kwegukana igikombe cya shampiyona inyotewe.

Youssef biravugwa ko yandikiye ubuyobozi bwa Raja abusaba kuva muri Rayon Sports

Youssef ni umwe mu bakinnyi bafatiye runini Rayon Sports

Rharb Youssef na Ayoub bari muri Rayon Sports nk’intizanyo za Raja yo muri Maroc