Blog

Ibi biganiro azajya abinyuza ku muyoboro wa Youtube yise ‘Alpha Tour Channel’ ndetse kuri uyu wa Gatatu tariki 08 Ukuboza 2021 ni bwo ikiganiro cye cya mbere cyageze hanze. Ni agashya ahanze kuko benshi mu bakoresha urubuga rwa Youtube usanga banyuzaho ibiganiro bivuga ku bintu bitandukanye, ariko abakora ku bijyanye n’ubukerarugendo gusa ni hafi ya ntabo. Avuga ko yafashe umwihariko w’ubukerarugendo mu rwego rwo kubika amateka no gusangiza abantu ahantu nyaburanga bashobora gutemberera no kuruhukira.

Mu kiganiro na InyaRwanda.com, Alpha Nshuti yavuze ko ari we uri gukora ibi biganiro akaba abifashwamo na Sandrine Uwase utunganya amashusho. Yavuze ko azajya asura agace runaka kabitse amateka, agasura n’ahantu hashobora kuba hari amahirwe y’imirimo bityo bikaba igisubizo ku bantu b’abashomeri batari bafite amakuru y’uko mu gace runaka hari kubonekayo akazi. Yavuze ko ibi bizagerwaho binyuze ahanini mu bashoramari bazajya bafata umwanzuro wo gushora imari mu gace runaka azajya aba yasuye.

Nshuti yagize ati “Yego cyane kuko abashoramari nibamara kumenya ko bishoboka ko ahantu runaka ko hashorwa imari bazajyayo kandi si bo bazabyikorera bazaha akazi abatuye muri ako gace badafite imirimo”. Alpha avuga ko yiteze umusaruro mwinshi muri ibi biganiro afata nk’ububiko bw’amateka y’igihugu cy’u Rwanda. Ati “Umusaruro urahari pe, kuko icya mbere ni uburyo bwo kugumana amateka yacu nk’abanyarwanda yaba mu mvugo n’amashusho”.

Yunzemo ati “Ikindi hari aho abantu benshi bifuzaga kubona ariko ntibibakundire kandi babyifuza, ni yo mpamvu tuzabagererayo, aho nshatse kuvuga ko umusaruro azaba ari ugusubiza ibyifuzo by’ababyifuzaga kuko hazabaho na gahunda yiswe ‘Tujyane’ mu gihe wifuza ko twajyana aho hantu tugakorana yo ikiganiro. Iki Kiganiro kizajya gitambuka kuri YouTube channel yitwa ALPHA TOUR CHANNEL gusa habayeho Televiziyo yabikunda twakorana”.

Nshuti Alpha yatangije umuyoboro w’ubukerarugendo

Mu Rwanda, hari uduce tw’ubukerarugendo tunyuranye usanga tuzwi cyane ndetse tumaze gusurwa na benshi. Twabajije Alpha niba ari two bazibandaho cyangwa niba bazajya basura n’utundi tutazwi cyane mu itangazamakuru, asubiza ko iki kibazo tumubajije ari cyiza cyane. Ati “Ni ikibazo cyiza cyane kandi ahanini ni cyo kigambiriwe, koko hari uduce tuzwi ariko umubare mwinshi utuzi mu mvugo gusa, ni yo mpamvu twifuje ko n’amashusho yaho yagaragara nk’urugero n’ikiganiro kivuga ku mateka y’aho bita ‘Ijuru rya Kamonyi’, aha twerekana aho Umwami bamuzaniraga amaturo, ibimenyetso yasize n’aho yatangiye”. 

Nshuti Alpha yakomeje agira ati “Kandi na none hari uduce tutazwi nk’aho bita mu ‘Izingiro ry’igihugu’ cyangwa mu ‘Rwanda rwagati ku biti bitanu’, abantu bakeneye kuhabona bakamenya n’impamvu yabyo. Tuzerekana uduce twinshi rwose”. Abajijwe niba banateganya kujya basura uduce nyaburanga two hanze y’u Rwanda, yagize ati “Hanze y’u Rwanda sinahita mbyemeza ariko habayeho abo dufatanya byaba byiza cyane ko hari abo natangiye kuvugana na bo, gusa ndifuza gushyira imbaraga hano iwacu kuko dufite byinshi natwe tutazi kandi biri iwacu”.

Mu nteguza y’ibi biganiro yasohotse kuwa Kabiri tariki 07 Ukuboza, Nshuti yavuze ko ‘Alpha Tour Channel’ izibanda ku bintu bibiri, ati “Hazazamo ibintu by’ubukerarugendo. Abantu bakunda gutembera cyangwa abantu bakunda amateka, birashobora hari igihe kigera ukumva ushaka kuruhuka, ukeneye kumenya ahantu heza kandi ntushobore kuhagera cyangwa ntushobore kujyayo, rero tuzagufasha kumenya aho hantu kugira ngo uharebe uhamenye, nujya no gutemberayo uzabe uhazi, uzamenye ko Alpha yakugereyeyo. (…) Nizera ko bizafasha benshi kugira ngo amateka yacu tuyagumane nk’abanyarwanda”. 

Ikiganiro Alpha Nshuti yatangiriyeho ni icyerekana ‘Ijuru rya Kamonyi’ ho mu Karere ka Kamonyi. Yahasuye aganira n’abasaza bahatuye bamubwira amateka yaho nk’abantu bahatuye. Abasaza yaganiriye nabo ni Pascal Gashara wavuze ko afite imyaka 150 (hari amakuru avuga ko afite imyaka 110) ndetse na Ntamuhwe Joseph (Yozefu) wavuze ko yavutse mu 1934 ibisobanuye ko afite imyaka 87 y’amavuko. Muri aka gace niho Umwami Yuhi III Mazimpaka yari atuye, ni na ho yakiriraga amaturo y’i bwami. 

Uyu mwami wari umusizi w’umuhanga cyane nk’uko biri mu nyandiko y’Ikigo cy’Igihugu gishinzwe Iterambere (RDB), yayoboye u Rwanda hagati ya 1642-1675. Alpha n’abo bari kumwe basuye aho Yuhi III Mazimpaka yabaga atekanye (yicaye) abuguriza (gukina ikibuguzo), banasura urutare yatangiyeho ubwo yari yumvise inkuru mbi ko urugo rwe rwatewe n’umwe mu bahungu be bo ku mugore we mukuru. Acyumva iyo nkuru mu matwi ye, yanze kuzenguruka kuko yagombaga gutabara byihuse urugo rwe, ni ko gufata icyemezo cyo gukoresha imbaraga zidasanzwe asimbuka ava ku musozi wo ku cy’i Rwanda yerekera ku musozi w’Ijuru rya Kamonyi, yikubita hasi ahita atanga.

Alpha Nshuti yavuze ko ibiganiro yatangije bizigisha abantu amateka y’igihugu bikanabafasha kumenya ahantu batemberera

Sandrine Uwase ni we ufata amashusho y’ikiganiro ‘Alpha Tour Channel’

Sandrine Uwase yiteguye gufatanya na Alpha mu kugeza ku batuye Isi amashusho y’ahantu nyaburanga mu Rwanda n’aho batemberera. Icyakora uyu mukobwa ntabwo azagaragara muri ibi buganiro ahubwo ni we ufata akanatunganya amashusho yabyo

REBA HANO IKIGANIRO CYA MBERE CYA NSHUTI ALPHA KIGARUKA KU BUKERARUGENDO

REBA HANO INTEGUZA Y’IBIGANIRO ‘BY’UBUKERARUGENDO’ NSHUTI ALPHA YATANGIJE

VIDEO: Sandrine Uwase – Alpha Tour Channel

N'icyo gitaramo cya mbere uyu muhanzi wubatse amateka akomeye mu buhanzi bwo mu Rwanda agiye gukora cyamwitiriwe. Kuko ibindi ibitaramo bigari yagiye aririmbamo mu Rwanda no mu bindi bihugu bitandukanye yabaga yatumiwe.

Ni inkuru y'umunezero n'ibyishimo ku bakunzi ba gakondo n'abandi bakunda inganzo ibaye ibukombe y'uyu muhanzi biteguye kuzataramana nawe tariki 30 Ukuboza 2021 kuri kuri Crown Conference Hall i Nyarutarama muri Kigali.

Iki gitaramo cyiswe 'Muyango n'Imitari mu nganzo iganje'. Uyu muhanzi yizeza Abanyarwanda ko bazasoza umwaka banezerewe 'yabakumbuje ku nganzo y'umwimerere yabataramiye indirimbo ze zoze zakunzwe na benshi'.

Muyango avuga ko iki gitaramo yagiteguye mu mujyo wo gutarama u Rwanda, kunezeza Abanyarwanda no gukundisha abato injyana gakondo.

Uyu muhanzi uzwi mu ndirimbo zirimo 'Sabizeze', azataramira Abanyarwanda mu bihangano bye n'Imitari bakunze n'ubu bagikunda.

Muri iki gitaramo Muyango azashimirwa 'nk'umuhanzi watanze umusanzu ufatika mu bihangano bye harimo indirimbo zikundwa cyane'.

Kuri uyu wa Gatatu, uyu muhanzi yatangiye imyiteguro y'iki gitaramo, aho azaba afatanyije n'ababyeyi barimo Julienne, Faina n'abandi. Kugeza ubu ntiharatangazwa ibiciro byo kwinjira muri iki gitaramo.

Muyango Jean Marie ni mutoza Mukuru w'itorero ry'igihugu 'Urukerereza'. Akomora inganzo kuri Sekuru witwaga Butera, akagira indirimbo nyinshi zikora ku mutima ya benshi zigasubiza intekerezo mu bihe byashize.

Yakoze indirimbo nka 'Sabizeze' icurangwa henshi, 'Karame nanone', 'Utari gito', 'Karame uwangabiye' n'izindi nyinshi zuje umuco Nyarwanda.

Muyango ari mu bahanzi bagize uruhare mu kumenyekanisha umuco Nyarwanda abinyujije mu bihangano bye. Yavukiye mu Burundi aza mu Rwanda 1986.

Muyango Jean Marie agiye gukora igitaramo cye cya mbere nyuma yo gutarama mu byo yabaga yatumiwemo

Muyango uzwi mu ndirimbo nka 'Sabizeze' avuga ko azatarama u Rwanda muri iki gitaramo agafasha Abanyarwanda kurangiza neza umwaka

Bitewe n’uburyo abantu benshi bamaze kumenya Rocky Entertainment n’ikipe ye, hari abatarahamya ko Papa Cyangwa na Rocky Kirabiranya batandukanye byeruye nk’uko byemezwa n’ibaruwa yasohotse kuri mu ijoro ryo kuwa Gatatu tariki 08 Ukuboza 2021.

Hashize icyumweru ku mbuga nkoranyambaga zitandukanye havugwa ko Papa cyangwe na Rocky Kirabiranya baba batandukanye ndetse bagatandukana nabi bitewe n’ibyo batumvikanyeho birimo n’amafaranga, ariko bikaba urujijo.

Mu gushaka kumenya ayo makuru InyaRwanda.com yagerageje kuvugisha impande bireba kugira ngo bagire icyo bavuga ku biri kubavugwaho ariko umwanya wose n’ikiganiro twagiranye na Papa Cyangwe ntiyigeze yemera ibimuvugwaho.

Mu kiganiro InyaRwanda yagiranye na Papa Cyangwe mu cyumweru gishize ibyo biri kuvugwa, uyu muhanzi ntiyigeze yemera na gato ko yatandukanye na Rocky Kirabiranya ndetse yakomezaga gutsimbarara avuga ko atari byo, ko ayo makuru ari ibinyoma.

Papa Cyangwe yagize ati”Oya sibyo ayo makuru ntabwo ari ukuri, sinatandukana n’umuryango wanjye. Rocky Kirabiranya ni umuryango, rero wata umuryango ugiye he?. Gusa hari amakuru ya nyayo nzayaguha mu cyumweru gitaha.”

N’ubwo byari bimeze gutyo, twategereje ayo makuru turaheba kugeza ubwo mu masaha macye ashize hasohokaga ibaruwa ya Rocky ihamya ko batandukanye ndetse ko Papa Cyangwe ariwe wasezeye. Binyuze mu butumwa bwa WhatsApp, Rocky yahaye umunyamakuru wacu ubutumwa bukubiyemo ibaruwa imenyesha itandukana rya Rocky Entertainment na Papa Cyangwe.

Rocky yatandukanye na Papa Cyangwe

Mu gushaka kumenya aya makuru Rocky Entertainment yaduhaye niba ari ukuri koko n’impamvu ubu ari bwo asohoye iyi baruwa, twamuhamagaye kuri telefone ye ariko inshuro zose twamuhamagaye ntabwo yafashe telefone ye ngendanwa.

Nyuma y’uko Rocky Kirabiranya tumubuze kuri Terefone twagerageje gushaka Papa Cyangwe kugira ngo tumubaze ibijyanye n’iyi baruwa ndetse n’impamvu yayo cyane ko yasobanuraga byimbitse ibirimo ariko ahanini tugamije kumubaza ku byo aherutse gutangariza InyaRwanda, ariko nawe terefone yacagamo arimo akayikupa.

Nyuma yo kuburira aho hose twanyarukiye ku mbuga nkoranyambaga zabo bose ariko dusanga kuri konti ya Papa Cyangwe iyi baruwa iriho ndetse yayigeretseho amagambo amwe n’amwe yagiye avugwa muri iki cyumweru. Hari aho yavuze ko “gutwika bitinjiza” nta mumaro, ibi ubwabyo bikaba bigaragaza ko atabanye neza na Rocky.

Papa Cyangwe atangiye kariyeri ye

Ni ubutumwa bwagiraga buti: ”Mbere na mbere mbanje gushimira @rocky_kimomo na Gang ye yose n’abakunzi bayo bose uko mwamfashije mukanshyigikira nzahora mbizirikana kandi mbibashimira, ariko sinzi impamvu abantu gukunda kwigira beza tukabeshya gusa. Njyewe sinigeze nsezera. 24.12.2021 nzashyira hanze EP yanjye #SITAKI nzabaha ukuri kose. Murakoze cyane Imana ikomeze kubana namwe.”

Inyuma y’ubwo butumwa yagiye arenzaho amagambo agira ati: ”Ntukizere uwo ariwe wese, igihe kizababwira. Gutwika bitinjiza nta mumaro, Imana iruta byose, cuma Ganga”. Si Papa Cyangwe gusa washyizeho ubwo butumwa kuko na Rocky nyuma yo kubuha umunyamakuru nawe yabushyize ku mbuga nkoranyambaga ze maze abimenyesha ingeri zose n’abamukurikira kuri konti ye ya instagram.

Rocky Kirabiranya aratangaza umuhanzi mushya

Rocky yanditse ati” Mukomere cyane nashakaga gukuraho urujijo umuhanzi Papa Cyangwe ntabeo twamwirukanye niwe wadusabye kujya kwikorana natwe turamushyigikira mukomeze gushyigikira inganzo ye ni umuhanzi mwiza muzamufashe uko mushoboye natwe tuzagerageza uko tuzashobozwa. Natwe tuzakomeza kubagezaho nk’ibisanzwe indi miziki n’abandi bahanzi turi gukorana.”

Ushingiye ku kuba batari guhuza mu mvugo n’ibyagiye bibaranga mu minsi ishize, birashoboka ko batatandukanye nk’uko na Papa Cyangwe yabigarutseho. Ntabwo byaba ari bishya mu matwi y’abanyarwanda cyane ko Papa Cyangwe na Rocky bameze nk’abavandimwe nk’uko Papa Cyangwe abyivugira, bityo birashoboka ko baba bakiri kumwe bakaba ahubwo bari kugira ngo EP y’uyu muhanzi igere kure cyane.

Si ubwa mbere kandi byaba byumvikanye ko “bari gutwika” kuko ubwo bakoraga ubukwe bwo mu ndirimbo ‘Bambe’ abantu benshi bahamyaga ko ari ubukwe bwa nyabwo nyamara nabwo byari ari ukugira ngo indirimbo yabo irebwe cyane kandi intego zagezweho.

Ibaruwa y’itandukana rya Rocky Entertainment na Papa Cyangwe

Abakurikiranira hafi muzika basanga bibaye ari byo Rocky na Papa Cyangwe bakaba bakiri kumwe, baba ari abahanga cyane ndetse ari bamwe mu bazi gucuruza no kujyana n’ibivugwa cyane cyane iyo bafite ikintu bari gukora kandi cyabahenze. Wakwibaza impamvu ibi bije ari uko uyu muhanzi asa n’ugiye gusohora iyi EP nabyo bikakuyobera, gusa ariko bikaba byiza ku bantu nka ba Rocky bazi gutekereza cyane ibyatuma bavugwa cyane mu myidagaduro.

Ntawe utaragize icyo avuga kuri aya mafoto

KANDA HANO UREBE INDIRIMBO NYONGA YA PAPA CYANGWE

Ikigo cya Alexa cyo muri Leta Zunze Ubumwe za Amerika, kigiye gufunga imiryango mu gihe kifashishwaga na benshi ku Isi. Abazi iby’ikoreshwa ry’imbuga za internet bari bamaze kumenyera ko ari ho barebera imbuga cyangwa website zikoreshwa cyane mu gihugu runaka cyangwa mu gace runaka.

Alexa ni urubuga rwari rumaze imyaka myinshi rukorera hafi ku isi hose. Kuri iyi nshuro iki kigo cyatangiye kwandikira abakiriya bacyo kibashimira imikoranire yabo nacyo ndetse kinabibutsa igihe kizaba cyafungiye imiryango. Alexa yatangaje ko nta gikorwa na kimwe kijyanye no kwerekana imikoresherezwe n’imisurirwe y’imbuga zitandukanye ku Isi hirya no hino kizongera kwerekana.  

Mu itangazo iki kigo cyashyize ku rubuga rwacyo ndetse n’iryo kiri guhereza abakiriya bacyo, kiri kuvuga ko kizafunga burundu kuwa 01 Werurwe 2022. Ucyigera ku rubuga rw’iki kigo uhita ubona itangazo ndetse bakanagusaba ko niba hari ikibazo ufite wababaza cyangwa niba ushaka kumanura amakuru yawe wabikora.

                        

Itangazo rya Alexa rishimira abakiriya bayo ndetse rinavuga ibijyanye n’ifunga 

Perezida w’ikipe ya Kiyovu Sports, Mvukiyehe Juvenal avuga ko ibyamuvuzeho byo kugurisha imikino bizwi nka 'Betting’ mu rurimi rw’amahanga ari ibinyoma kuko atarabikoraho mu buzima bwe ndetse atazi n’uburyo bikorwamo.

Ikintu kijyanye no kugurisha imikino ku makipe yo mu Rwanda kimaze iminsi kivugwa uretse ko nta gihamya kiraboneka.

Ni kenshi kuva uyu mwaka w’imikino watangira wa 2021-22, byagiye bivugwa ko bamwe mu bayobozi b’amakipe bagurishije imikino muri kampuni zo gutega (betting companies) amakipe yabo akitsindisha bo bakabona amafaranga.

Gusa nubwo bivugwa gutyo nta kizibiti kiragaragaza koko ko hari umuyobozi w’ikipe wagurishije umukino nk’uko biba bivugwa.

Umwe mu bayobozi b’amakipe bagiye bashyirwa mu majwi ni perezida w’ikipe ya Kiyovu Sports, Mvukiyehe Juvenal, uyu mugabo bivigwa ko hari imikino yagurishije kugira ngo abone n’amafaranga azamufasha gutunga iyi kipe.

Umukino AS Kigali yatsinzemo 4-0 Kiyovu Sports ufungura shampiyona ya 2021-22, ni umwe mu mikino byavuzwe ko uyu mugabo yagurishije.

Aganira n’ikinyamakuru ISIMBI, Mvukiyehe Juvenal yavuze ko yabyumvise ariko akaba abeshyerwa, gusa ngo nta mwanya abiha kuko agiye kubyinjiramo byatuma n’ibyo arimo abivamo.

Ati 'Uretse nibyo kuvugwa ngo nanjye byavuzweho cyangwa iki, haba hanavugwa n’ibintu byinshi ariko ugiye kubikurikira, uyu munsi ubanza n’ibyo umuntu arimo yanabihagarika, narabyumvise n’igihe dutsindwa umukino wa AS Kigali ibitego 4-0 ngo perezida yagurishije umukino (betting), ibyo byose urabyumva ukibaza impamvu yabyo kandi ntaho bihuriye n’ukuri.'

Yakomeje avuga ko mu buzima bwe ataratega ku mikino ndetse ko atazi uko bikorwa n’aho bikorerwa, ngo ajya atungurwa n’abantu bavuga ibintu babizi ko ari ikinyoma.

Ati 'Uretse n’ibyo byo kubetinga (betting) byaba ari n’ubwa mbere naba mbikoze, ntabwo nzi n’aho babikorera sinzi uko bikorwa, ibyo bamvugaho ariko ngiye kubiha umwanya byatumwa kwa gushyira umutima ku kazi ngo gakorwe bitaba, naje gusanga abantu bavuga ibyo bashaka bidafite aho bihuriye n’ukuri.'

Ubusanzwe gutega ku mikino uri umuyobozi cyangwa umukinnyi ntabwo biba byemewe ni nayo mpamvu hari abakinnyi benshi bagiye bafatirwa ibihano kubera betting, gusa mu Rwanda bisa n’aho mu mategeko y’umupira w’amaguru nta tegeko ririmo rirebana n’iki kibazo.

Mvukiyehe avuga ko ibyo gutega ku mikino atabizi atanigeze abikoraho

Umukino AS Kigali yatsizemo Kiyovu Sports byavuzwe ko wari wagurishijwe