Webrwanda Backend

Blog

  • Igitaramo cyasubitswe kubera P Fla yimwe ibiryo #rwanda #RwOT

    Umuraperi nyarwanda, P Fla yanze gutaramira abaturage b’i Rusizi kubera ko yimwe ibiryo bituma igitaramo cyose gihagarikwa.

    Mu mpera z’icyumweru gishize tariki ya 11 Ukuboza abahanzi batandukanye mu Rwanda barimo Javanix, Fireman, MC Tino, P Fla, Fax Rapper na Nessa bari bataramiye i Rusizi kuri Motel Rubavu.

    Bukeye bwaho tariki ya 12 Ukuboza aba bahanzi bakomereje igitaramo mu Bugarama muri Prince House Motel.

    Iki gitaramo cyagombaga gutangira saa 18h cyaje gusubikwa ku munota wa nyuma, ni nyuma y’uko umuraperi P Fla yivumbuye ngo ntaririmba nyuma y’uko yivumbuye kubera ko yimwe ibiryo.

    Uyu muraperi amakuru avuga ko yahise anigendera, abahanzi bagenzi be bakamubura, abateguye iki gitaramo bakaba bahisemo guhita bahagarika iki gitaramo kubera kubura k’uyu muhanzi.

    P Fla yabuze mu gitaramo kubera ibiryo

    Source : http://isimbi.rw/imyidagaduro/article/igitaramo-cyasubitswe-kubera-p-fla-yimwe-ibiryo

  • Icyemezo cya Rharb Youssef cyibajijweho byinshi #rwanda #RwOT

    Ibyo rutahizamu wa Rayon Sports ukomoka muri Maroc, Rharb Youssef yakoze mu mpera z’icyumweru gishize, byashimangiye ko koko uyu musore yaba atishimye muri iyi kipe, ndetse bikavugwa ko yasabye gusubira iwabo.

    Rharb Youssef yinjiye muri rayon Sports mu mpera za Nzeri 2021 nk’intizanyo ya Raja Casablanca y’iwabo muri Maroc.

    Uyu musore mu mezi make amaze muri iyi kipe, amakuru avuga ko yaba yarasabye ikipe ye kumukura muri Rayon Sports, bivugwa ko atishimiye imitoreze n’uburyo iyi kipe iyobowe.

    Ibi bikaba byaratijwe umurindi n’igikorwa yakoze mu mpera z’icyumweru ishize tariki ya 11 Ukuboza 2021 ubwo Rayon Sports yakinaga na Gorilla FC, umukino warangiye 1-1.

    Uyu musore yabanje mu kibuga aza gusimburwa mu gice cya kabiri ku munota wa 68 yaje gusimburwa na Manace Mutatu Mbedi.

    Uyu mukinnyi ntabwo yishimiye gusimbuzwa, yahise afata icyemezo cyo kujya mu rwambariro aho kwicara ku ntebe y’abasimbura nk’abandi nk’uko bisanzwe.

    Iki gikorwa cyakozwe n’uyu mukinnyi ntabwo cyemeranyijwe na benshi aho cyafashwe nko gusuzugura abatoza bamukuyemo, aho bamwe bavuze ko n’iyo yari kuba atishimiye gusimbuzwa yari kwicarana n’abandi ku ntebe y’abasimbura nk’uko bisanzwe aho kubata akajya mu rwambariro.

    Rharb Youssef yari yabanje mu kibuga aza gusimburwa mu gice cya kabiri ariko ntiyabyishimira

    Yahise yikomereza ajya mu rwambariro, aha yarimo afata agafunguzo

    Source : http://isimbi.rw/siporo/article/icyemezo-cya-rharb-youssef-cyibajijweho-byinshi

  • “AS Kigali siyo ifite abakinnyi beza yonyine”-Umutoza Nshimiyimana #rwanda #RwOT

    Umutoza wa AS Kigali,Eric Nshimiyimana,yabwiye abanyamakuru ko aribo bafite ikibazo cyo kumva ko ikipe ye igomba gutsinda buri wese kandi ngo nta kipe iratwara igikombe idatsinzwe cyangwa ngo inganye.

    Nyuma yo kunganya na Etincelles FC 1-1 ku munsi w'ejo hashize bisabye ko umusifuzi yongeye ku mukino iminota 10 nayo ikarenga, umutoza Eric Nshimiyimana yikomye itangazamakuru avuga ko ari ryo kibazo kuba rimunenga umusaruro muke.

    Ati “Ikibazo ni mwebwe banyamakuru, ibyari byitezwe ni ibiki? AS Kigali ni iya kangahe?(umunyamakuru yahise umusubiza ko ari iya 2), yamaze iminsi ingahe ari iya mbere? Mbwira ahantu shampiyoma iba ngo ikipe itware igikombe itanganyije cyangwa ngo itsindwe, mwebwe banyamakuru reka mbabwire mureke kuba abafana mukore akazi kanyu.”

    Yakomeje avuga ko AS Kigali atari yo ifite abakinnyi beza gusa n'abandi babafite kuko ngo bibaye ari AS Kigali gusa ibafite bazayihe igikombe idakinnye.

    Ati “Niba mutekereza gutya ngo AS Kigali ifite abakinnyi beza, ifite ubuyobozi bwiza, muzane igikombe mukiyihe idakinnye shampiyoma, n'abandi bafite abakinnyi beza n'ubuyobozi bwiza, ni uguhatana.”

    AS Kigali yahabwaga amahirwe yo kwegukana shampiyona y'uyu mwaka,ikomeje kwereka abayita ikipe ikomeye ko bibeshye kuko ikomeje kunganya kenshi ndetse mu buryo butavugwaho rumwe.

    Yanganyije imikino irimo uwa Marines FC na Etincelles FC byari byitezwe ko izatsinda byoroshye ariko yatakaje amanota.

    AS Kigali ubu iri ku mwanya 2 ku rutonde rwa shampiyoma n'amanota 16 inganya na Police FC ni mu gihe shampiyoma iyobowe na Kiyovu Sports ifite 17.

    Nyuma y'umunsi wa 8 iyi kipe igenda igaragaza umusaruro utari mwiza kuko mu mikino 8 imaze gutsinda 4, inganya 4.

    Source : https://umuryango.rw/imyidagaduro/imikino/article/as-kigali-siyo-ifite-abakinnyi-beza-yonyine-umutoza-nshimiyimana

  • Perezida Museveni yashyizeho Ambasade mushya wa Uganda mu Rwanda #rwanda #RwOT

    Perezida wa Uganda,Yoweri Kaguta Museveni yashyizeho ba ambasaderi bashya ba Uganda mu bihugu bitandukanye barimo na Maj Gen Robert Rusoke watangajwe nk'uhagarariye iki gihugu mu Rwanda.

    Itangazo rishyiraho aba ba ambasaderi ryashyizweho umukono kuri iki Cyumweru, tariki ya 12 Ukuboza 2021.

    Perezida Museveni yavuze ko aba ba ambasaderi boherejwe mu bihugu bisanzwe by'ibivandimwe na Uganda.

    Maj Gen (Rtd) Robert Rusoke yagizwe ambasaderi wa Uganda mu Rwanda asimbuye Oliver Wonekha woherejwe guhagararira igihugu cye mu Bushinwa.

    Oliver Wonekha yari Ambasaderi wa Uganda mu Rwanda kuva mu 2017, umwanya yagezeho avuye guhagarira igihugu cye muri Leta Zunze Ubumwe za Amerika hagati ya 2013 na 2017.

    Maj Gen Robert Rusoke yagizwe Ambasaderi wa Uganda nyuma y'uko muri Kanama yagaragaye mu basirikare bakuru 14 bafite ipeti rya Jenerali bashyizwe mu kiruhuko cy'izabukuru mu Ngabo za Uganda (UPDF).

    Uyu mugabo n'abandi 37 ni bo bagizwe ba ambasaderi mu gihe abandi bane bagizwe abungirije ambasaderi.

    Uganda yahinduye Ambasaderi wayo mu Rwanda nyuma y'uko ku wa 6 Gicurasi 2021, Ambasaderi w'u Rwanda muri Uganda, Rtd Col Joseph Rutabana, yashyikirije Perezida Yoweri Museveni, inyandiko zimwemerera guhagararirayo igihugu.

    Imyaka ine irashize umubano w'u Rwanda na Uganda urimo agatotsi. Byatangiye mu 2017 ubwo Abanyarwanda batangiraga gutotezwa muri Uganda bikozwe n'inzego z'umutekano, bamwe bagafungwa cyangwa bagatoteza binyuranyije n'amategeko.

    Source : https://umuryango.rw/amakuru/mu-mahanga/politiki/article/perezida-museveni-yashyizeho-ambasade-mushya-wa-uganda-mu-rwanda

  • Ivumburamatsiko ku ibanga ryihishe mu gushyingirana kabiri k’umuryango wa Habyarimana n’uwa Kabuga – #rwanda #RwOT

    Nubwo bidakunze kubaho, ibi byagaragaye mu muryango wa Juvénal Habyarimana wari Perezida w’u Rwanda n’uw’umunyemari, Félicien Kabuga ukurikiranyweho uruhare muri Jenoside yakorewe Abatutsi.

    Umuhungu wa Habyarimana witwa Jean‐Pierre Habyarimana yarongoye umukobwa w’uyu munyemari witwa Bernadette Uwamariya, nyuma y’aho undi mukobwa wa Kabuga witwa Françoise Mukanziza arongorwa n’umuhungu wa Habyarimana witwa Léon Habyarimana.

    Hari abakeka ko kuba iyi miryango ibiri yarashyingiranye ubugira kabiri byaba byaraturutse ku bucuti busanzwe, ariko si ko bimeze kuko uhereye no mu bwana bw’aba bagabo bombi ntaho bari baziranye.

    Kugira ngo wumve neza umubano w’aba bagabo bombi birasaba ko duca mu mateka avunaguye ya buri umwe. Juvénal Habyarimana yabonye izuba ku wa 8 Werurwe 1937, avukira muri komine Rambura ho muri Gisenyi. Se yari Jean‐Baptiste Ntibazirikana, umuyoboke ukomeye wa Kiliziya Gatolika nyina akaba Suzanne Nyirazuba.

    Ku rundi ruhande Kabuga we yavukiye mu yahoze ari Komine Mukarange, Perefegitura ya Byumba. Ubu ni mu Karere ka Gicumbi Intara y’Amajyaruguru mu 1935.

    Nyuma y’aya mateka igirukiraho ni ukwibaza uburyo aba bagabo bavukiye mu bice bitandukanye baje kuba inshuti magara kugeza n’aho Kabuga ashyigikira umugambi wa Jenoside wateguwe na Leta ya Habyarimana wari waramushyingiye abakobwa babiri.

    Kabuga yateye inkunga politiki mbi y’ubwicanyi bwakorerwaga Abatutsi. Yabaye Perezida wa Komite y’agateganyo yiswe Fonds de Défense Nationale (FDN), anaba Perezida wa Komite yatangije Radiyo RTLM yamamaje umugambi wo kurimbura abatutsi mu 1994.

    Zimwe mu ngero zibigaragaza ni uko, Kabuga, ari umwe bantu, bashyizeho Ikigega cyo kurengera igihugu hagamijwe gukusanya amafaranga yo gushyigikira mu rwego rw’imari n’ibikoresho ibikorwa by’Interahamwe byo kwica no kugirira nabi Abatutsi.

    Byagizwemo uruhare n’umugore wa Habyarimana

    Abakurikiraniye hafi ubutegetsi bwa Habyarimana bavuga ko ibyakorwaga byose byagirwagamo uruhare n’umugore we, Agathe Kanziga Habyarimana.

    Agathe Kanziga yarushijeho kwigaragaza cyane muri Repubulika ya kabiri ubwo umugabo we yari amaze guhirika Kayibanda, umuryango we awinjiza mu nda y’ingoma bashinga ‘Akazu’ kaje kuba inzira yo kwigwizaho ubutunzi bw’igihugu, kwikiza abashakaga kwitambika imigambi y’ubutegetsi no gutegura umugambi wa Jenoside.

    Muri uku gushinga akazu, Agathe Kanziga yari akeneye abantu bafite amafaranga bazajya batera inkunga ubucuruzi bwabo. Uku niko Agathe Kanziga yaje guhura na Kabuga. Amakuru yizewe IGIHE ifite ni uko aba bombi bahujwe na Joseph Nzirorera wa Minisitiri w’Ibikorwaremezo.

    Umwe mu bazi neza amateka y’umuryango wa Habyarimana n’uwa Kabuga waganiriye na IGIHE, yavuze ko umugore wa Habyarimana yahuye na Kabuga ataraba umucuruzi ukomeye cyane.

    Ati “Kabuga yari umucuruzi usanzwe nk’abandi bose ariko biza kugaragara ko Agathe Habyarimana ari kubaka akazu, agakenera rero abantu b’abacuruzi bazajya babona amasoko ya Leta. Kabuga yari aziranye na Nzirorera wari Minisitiri w’Ibikorwaremezo, niwe wamugejeje ku mugore wa Habyarimana.”

    Bakimara kumenyana, umugore wa Habyarimana ngo yatangiye kujya aha Kabuga amasoko yose ya Leta. Ibi yabikoraga afatanyije na Colonel Elie Sagatwa wari musaza we.

    Ati “Kabuga yazamutse kuko bamuhaga amasoko yose, urumva ko ufite amasoko ya Leta ntabwo uriha imisoro na we rero yamenya ko umugore wa Habyarimana akeneye amafaranga yihutirwa, akabwira Kabuga akayamuha.”

    Mu masoko Kabuga yagiye ahabwa harimo ajyanye no kugemurira abasirikare ibyo kurya, kuva ku cyayi cya mu gitondo kugeze ku ifunguro rya nijoro. Kabuga kandi yahawe isoko ryo kugurira abasirikare imyambaro n’inkweto.

    Uretse aya masoko mu bijyanye n’igisirikare, Kabuga abifashijwemo n’umugore wa Habyarimana yagiye ahabwa n’andi masoko arimo ayo kugura ibyuma byakoreshwaga na Electrogaz mu kugeza amazi n’amashanyarazi ku baturage.

    Imvano yo gushyingirana ubugira kabiri

    Nyuma yo kubona ko Kabuga ari kugenda arushaho gutera imbere, umugore wa Habyarimana yashatse uburyo yarushaho kumwiyegereza kugira ngo azanabafashe gusohoza umugambi wa jenoside wari urimo utegurwa na Akazu.

    Agathe Habyarimana abigiriwemo inama na basaza be, yeretswe ko nta buryo ibi yabigeraho atari ugushyingira abahungu be abakobwa ba Kabuga.

    Uyu mutangamakuru yakomeje agira ati “Kabuga yabaye umukire ukomeye cyane, kugira ngo Agathe Habyarimana amwiyegereze, abahungu ba Kabuga barongora abakobwa ba Habyarimana.”

    Ubukwe bwa Jean‐Pierre Habyarimana na Bernadette Uwamariya, ababubonye bavuga ko ari bumwe mu bw’igitangaza bwigeze buba mu Rwanda. Bwabereye mu Mujyi wa Kigali bwitabirwa n’abantu bakomeye barimo n’umuryango w’uwari Perezida w’u Bufaransa, François Mitterrand, n’uwa Zaïre, Mobutu Sese Seko.

    Boniface Rucagu yigeze kuvuga ko mbere y’uko umuhungu wa Habyarimana arongora umukobwa wa Kabuga, uyu mugabo yari umucuruzi usanzwe.

    Ati “Mbere umuhungu wa Habyarimana ataraza gusaba umukobwa wa Kabuga, muri iki gihugu abantu beza abantu bavugaga b’intama z’Imana bavugaga Kabuga. Yari umucuruzi ufite amafaranga ucisha make kandi wiyoroshya. Ibintu byahindutse aho ashyingiriye kwa Habyarimana, nibwo yatangiye kujya mu mabanga y’Akazu, aninjira muri politike.”

    Yavuze ko uku gushyingirana kwatumye imiryango yombi irushaho gushyigikirana ndetse Kabuga yinjizwa mu mugambi wa Jenoside atangira no kwerekwa uko azawutera inkunga.

    Ati “Igihe bakeneye gutera inkunga Interahamwe Kabuga niwe watanze amafaranga, bashatse gushinga RTLM Kabuga niwe watanze amafaranga.”

    Yamaze umwaka acumbikiye Agathe

    Nyuma ya Jenoside yakorewe Abatutsi, Agathe Habyarimana yahungiye mu Bufaransa, ariko amakuru yizewe IGIHE ifite ni uko yagiye akomeza kugirira ingendo mu bihugu bitandukanye birimo Gabon na Repubulika Iharanira Demokarasi ya Congo.

    Ubwo hatangiraga intambara yo guhirika Mobutu ku butegetsi, Agathe Habyarimana wari muri Congo yahise ahungira muri Kenya, aho bivugwa ko Kabuga yabaye igihe kinini.

    Avuga kuri ibi, uyu mutangamakuru yagize ati “Kiriya gihe cya Kabila atera Congo yagize ubwoba ajya kuba muri Kenya, Kabuga niwe wamwakiriye amuha inzu yo kubamo. Ni we wamuhaye ibikenewe byose amutunga umwaka wose, kandi bari bafitanye icyo gihango cyo kuba abana bararongoranye, Kabuga yari azi ko uriya mugore ariwe wamukijije.”

    Yakomeje avuga ko no mu gihe Agatha Habyarimana yari amaze kujya i Burayi yakomeje kujya yohererezwa amafaranga na Kabuga.

    Nubwo umugambi wo kongera gushyingirana nawo wari waratangiye gutegurwa mbere ya 1994 waje kugerwaho mu 1995 maze Françoise Mukanziza, undi mukobwa wa Kabuga arongorwa na Léon Habyarimana. Ubukwe bwabo bubera muri Kenya.

    Bernadette Uwamariya, umukobwa wa Kabuga ubwo yasohokaga mu rubanza rwa se i Paris

    Umuhungu wa Habyarimana witwa Léon Habyarimana yashyingiranywe na Françoise Mukanziza, umukobwa wa Kabuga

    Abana babiri ba Habyarimana bashatse mu muryango wa Kabuga

    Kabuga yari yarubatse ubushuti bukomeye hagati ye n’umuryango wa Habyarimana kubera amafaranga yari umukire

    source : https://ift.tt/31ZDqB6

  • Hon Bamporiki yasabye ikintu gikomeye urubyiruko ruri mu Itorero #rwanda #RwOT

    Hon Bamporiki Edouard yabitangaje ubwo yatangizaga iri Torere ry’Inkomezamihigo ryitabiriwe n’Urubyiruko 550 ruteraniye i Nkumba mu Karee ka Burera.

    Bamporiki yagaragarije uru rubyiruko icyo Igihugu cyabo kibakeneyemo, abibutsa ko inyigisho bazahabwa muri iri Torero zizabafasha kuzasohoza ibyo u Rwanda rubategerejemo.

    Ati 'Iyo mugeze igihe cyo gutumwa icyo ukora ni ukwitaba kare, kandi mwitabye kare u Rwanda rwemerewe kubatuma kure, mureke babatoze kandi mureke babatoranye kandi mureke babatume.'

    Bamporiki yavuze ko ibyo bazakora bizatuma u Rwanda rwabo rugira ejo hafite icyizere bikazatuma imbuto zabyo zizagera no ku bazabakomokaho.

    Yababwiye ko ibyo bakora byose bigomba kubakira ku ndangagaciro Nyarwanda zinabumbatiye izina ry’iri torero ryabo ry’Inkomezamihigo.

    Yagize ati 'Kuba Inkomezamihigo harimo amagambo abiri akomeye. Irya mbere ni ugukomeza, irya kabiri ni imihigo, iyo wamaze gusobanukirwa imihigo wiyemeza ko ugiye gukomeza, wihanganira ingorane uhuriramo na zo muri urwo rugendo kuko ntizibura'.

    Bamporiki yeretse uru rubyiruko ibintu bine rukwiye guharanira ari byo 'Gutozwa, gutora, gutoranwa no gutumwa. Ntawitoza umuntu baramutoza, ntawitoranya umuntu baramutoranya.'

    Yababwiye ko iyo umuntu yamaze gutozwa haba hasigaye akazi k’uwatojwe kandi ko na we aba agiye mu ngamba agashyira mu bikorwa ibyo yatojwe.

    Ati 'Twemere kuba abahizi, twemere gukorera u Rwanda. Twemere u Rwanda rudutume kugira ngo abo mubereye bakuru bazasange u Rwanda rutaragwingiye, abatozwa none ni abatoza b’ejo, iyo utojwe, ntabwo utozwa nk’upfuba ngo bongere bagutoze. Mwaje mwitwa abatozwa muzataha mwitwa abatoza, mukwiye kwibaza ngo natoye iki nzatoza iki, iyo utatoye ntacyo utoza.'

    Iri Torere ry’Inkomezamihigo ryitabiriwe n’urubyiruko 550 rurimo abakobwa bagera ku 120, ryatangiye tariki 11 Ukuboza rikazasozwa tariki 18 Ukuboza 2021.

    Source : http://www.ukwezi.rw/1-1/3/article/Hon-Bamporiki-yasabye-ikintu-gikomeye-urubyiruko-ruri-mu-Itorero

  • Bugesera: Ingimbi n'Abangavu barata amashuri bakajya gushakana #rwanda #RwOT

    Hari  abana b'ingimbi n'abangavu bata ishuri bakajya gushakana nk'abagore n'abagabo, mu karere ka Bugesera, mu Murenge wa Mayange mu Kagari ka Mbyo, muri Santere ya Kopera.

    Bamwe muri bo bavuga ko biterwa n'ubuzima bubi, ababyeyi bakabashinja kunanirana.

    Umwe yagize ati 'Njye ni ubushobozi bucye, navuye mu ishuri ngeze mu mwaka wa Gatatu w'amashuri abanza. Ku myaka 14 bantera inda mbyarira mu rugo nabwo igihe kitageze kubera ubushobozi bucye n'ubukene. Mu rugo baranyanga barambwira ngo genda nta bagore babiri mu rugo.'

    Mariya izina ryahawe  umwe mu bana baganiriye n'itangazamakuru bya  Flash, yatangaje ko ' kuba yaravuye mu ishuri akanatwara inda ku myaka 14 yonyine byamuteye kubihirwa n'ubuzima .

    Ati 'Bitewe n'imibereho mibi ubwo mva mu ishuri  nshakisha ubundi buzima bwambera bwiza ariko nabwo narahebye.'

    Nubwo kandi abo bana bahitamo gushakana ntibamarana kabiri bari kumwe  nk'uko bitangazwa na bamwe mu babyeyi.

    Umwe ati  'Niba akoze imibonano mpuzabitsina n'agasore kagenzi ke ntasubira mu ishuri kuko ni ipfunwe. Kudasubira mu ishuri kubera iryo pfunwe rero niho bigeraho umwe akabeshya undi ngo dushakane, ukumva bagiye gutyo, ejo bundi muri uyu mudugudu wacu, hari umwana washatse afite imyaka 15 ashakana n'undi ufite imyaka 17. '

    Undi mubyeyi nawe ati 'Iyo bashakanye ari abana igihe kitageze nta n'igituma badashwana.'

    Adeline umubyeyi  w'umwe mu batwaye inda, we avuga ko kuba abana bava mu ishuri bagahitamo gutwara inda ari ukunanirana.

    Ati 'Nk'ubu mfite nk'umwana ufite imyaka 18  afite umwana w'umwaka, ndamufie yigagaga hano ku Kagoma agenda yagera hariya wowe umuhannye  kanaka agakanda telephone baziranye agahita acaho,umwana rero naramuhanaga ahubwo agashaka kunkubita na Se yavuga ntagire ijambo avuga, ubu yafashe umugabo w'umushumba ubu niwe bari kumwe. Abana b'abakobwa rero bafite ubushyuhe.'

    Nubwo ibi byose byabaye kuri uyu mwana twahaye izina rya  Mariya ngo haricyo asaba ubuyobozi.

    Mariya ati 'Icyo nasaba ubuyobozi, , ubu kujya mu ishuri ntabwo byakunda  ariko umuntu abonye  nubwo bushobozi wenda bakamufasha yakongera n'igishoro nuwo mwana akabasha no kubaho.'

    Umuyobozi w'Akarere ka Bugesera Bwana Richard Mutabazi yatangaje ko ari ikibazo bagomba guhagurukira bose, akaba asaba abatwaye inda ko basubira mu nzira y'ubuzima bari baratangiye, bagasubira mu ishuri bagafashwa.

    Ati 'Ni ikibazo tugomba guhagurukira twese, icya mbere navuga nti ni ukongera kwibutsa umwana uburenganzira bwe no kumwigisha, abahuye nicyo kibazo ni uko basubira mu nzira y'ubuzima bari baratangiye, ni ugusubira mu ishuri bagafashwa.'

    Ikibazo cy'abana bata ishuri si umwihariko mu karere ka Bugesera, nubwo leta ihora ikangurira ababyeyi kubagarura mu mashuri.

    Umwihariko muri aka karere ni uko bo barita, bakajya gushaka ingo zitamara kabili.

     Ibi biraza bisanga ikibazo cy'abangavu baterwa inda kigihangayikishije Igihugu.

    Ali Gilbert Dunia

    The post Bugesera: Ingimbi n'Abangavu barata amashuri bakajya gushakana appeared first on FLASH RADIO&TV.

    Source : https://flash.rw/2021/12/13/bugesera-ingimbi-nabangavu-barata-amashuri-bakajya-gushakana/?utm_source=rss&utm_medium=rss&utm_campaign=bugesera-ingimbi-nabangavu-barata-amashuri-bakajya-gushakana

  • #COVID19: Abanduye bashya 50 babonetse mu bipimo 22,514 #Rwanda #RwOT via @kigalitoday #rwanda #RwOT

    source : https://ift.tt/3IIFRZS

  • Nyagatare: Abafite ubumuga bishimira ko batagisabiriza ibiribwa ahubwo basaba amajwi #Rwanda #RwOT via @kigalitoday #rwanda #RwOT

    Abafite ubumuga ntibagisabiriza ibiribwa ahubwo basigaye basaba amajwi n
    Abafite ubumuga ntibagisabiriza ibiribwa ahubwo basigaye basaba amajwi n’akazi

    Akarere ka Nyagatare gatuwe n’abaturage 643,108, abafite ubumuga bakaba ari 18,983 bangana na 3% by’abaturage bose b’akarere.

    Ubwo hizihizwaga umunsi mpuzamahanga w’abafite ubumuga mu Karere ka Nyagatare, Badege yavuze ko hari ibyo kwishimira byinshi.

    Avuga ko utangira kwizihizwa mu Rwanda bwa mbere mu mwaka wa 1997, batigeze bahabwa umwanya ahubwo habaye icyo agereranya n’inama yo kubigaho.

    Ashima ko ubu bahabwa uruhare runini mu kwizihiza umunsi wabo kandi hakaba hari byinshi Leta imaze kubakorera kuko batagihezwa muri byose, umusaruro ukaba ari imibereho myiza batangiye kugira.

    Ati “Mutekereze ba bantu nababwiye bari mu Kiyovu hizihizwa umunsi mpuzamahanga w’abafite ubumuga 1997, basaba ibiceri, basaba ibyo kurya, bakaba bavuyemo abantu basaba amajwi ku rwego rw’Igihugu, bakaba bavuyemo abayobozi.”

    Akomeza agira ati “Kera nka 80% cyangwa 100% abantu bafite ubumuga bari batunzwe n’imiryango yabo ariko uyu munsi Meya araparika imodoka n’umuhuzabikorwa agaparika indi. Ni ikintu dukwiriye gushimira ubuyobozi bwacu burangajwe imbere na Perezida Kagame.”

    Avuga ko ubu kugira ubumuga bitakiri ikibazo kandi ko batagitewe ikibazo n’inyito bamwe mu bantu babita ahubwo igisigaye ari uko abafite ubumuga babona amafaranga ubwabo badategereje gutungwa n’abandi.

    Abana bafite ubumuga barifuza ko ababita amazina abatesha agaciro bakwiye guhanwa
    Abana bafite ubumuga barifuza ko ababita amazina abatesha agaciro bakwiye guhanwa

    Urwunge rw’amashuri rwa Rwisirabo rufite uburezi budaheza ni ho kwizihiza umunsi mpuzamahanga wahariwe abafite ubumuga wabereye ku rwego rw’akarere.

    Mugisha Steven, umunyeshuri mu mwaka wa gatanu w’amashuri yisumbuye mu ishami ry’Amateka, Ubukungu n’Ubumenyi bw’Isi, akaba afite ubumuga bw’uruhu n’ubwo kutabona neza, avuga ko akiga mu mashuri abanza yagorwaga no kureba ku kibaho ndetse n’akato yahabwaga na bagenzi be kuko yicaraga ku ntebe wenyine.

    Kuri ubu ngo yiga neza kandi ntagihabwa akato na bagenzi kuburyo ubu buri wese yifuza kwicarana nawe.

    Yasabye abafite ubumuga bagenzi be kwigirira ikizere, ubunyangamugayo no kwihangana ariko na none yifuza ko abakibita amazina abatesha agaciro bahanwa kuko bagihari.

    Yagize ati “Ndasaba bagenzi banjye kwigirira ikizere, bakaba inyangamugayo ariko by’umwihariko bakihangana kuko hari abantu hanze aha bakitwita amazina adutesha agaciro ariko nkasaba ko bakwiye kujya bahanwa kuko amategeko ahari.”

    Umuhuzabikorwa w’Inama y’Igihugu y’abafite ubumuga mu Karere ka Nyagatare, Ngoboka James, yavuze ko n’ubwo bamaze kuzamuka mu iterambere ariko na none hari abagifite ikibazo cy’inyunganirangingo n’insimburangingo, kujya bahabwa inguzanyo zishyurwa ku nyungu nto, gutizwa ubutaka cyane ubw’ibishanga bagakorera imishinga ibateza imbere n’ibindi.

    Badege Sam avuga ko mu bafite ubumuga hamaze kwiga benshi ku buryo bagabanyiriza umutwaro imiryango yabo na Leta
    Badege Sam avuga ko mu bafite ubumuga hamaze kwiga benshi ku buryo bagabanyiriza umutwaro imiryango yabo na Leta

    Umuyobozi w’Akarere ka Nyagatare wungirije ushinzwe imibereho myiza, Murekatete Juliet, avuga ko inyunganirangingo n’insimburangingo ziri hafi kubageraho kuko hari umufatanyabikorwa wemeye kuzibaha.

    By’umwihariko ariko yizeje ubuvugizi ku kubakira icumbi abana bafite ubumuga kugira ngo abataha kure bagere ku ishuri bitabagoye ndetse n’abaturuka mu mirenge ya kure babuze uko bakwiga babone uburyo bwaborohereza.

    Ati “Ikifuzo natwe dufite ni uko aba bana icyaborohera ni uko bakwiga baba hano mu kigo, nibura hakubakwa uburyamo bakitabwaho nk’uko baba bari mu ngo iwabo kuko barakora ingendo kandi kubona ugusunika mu kagare ni ikibazo ndetse hari n’uwo mu kandi karere wakwifuza kuza kwiga hano akabona ayo mahirwe.”


    source : https://ift.tt/3IMfceQ

  • Burera : Umusore yafatanywe Ibilo 1.200 by’amabuye y’agaciro ya magendu yakuye muri Uganda #rwanda #RwOT

    Uyu musore witwa Masengesho Isaac w’imyaka 20 y’amavuko, yafatiwe mu Kagari ka Kiringa mu Murenge wa Kagogo mu Karere ka Burera ku wa Gatandatu tariki ya 11 Ukuboza.

    Umuyobozi wa Polisi mu Karere ka Burera, Superintendent of Police (SP) Aphrodis Nkundineza yavuze ko Masengesho yafashwe biturutse ku makuru yatanzwe n’abaturage bari babizi ko ayo mabuye ayakura mu gihugu cya Uganda.

    Yagize ati 'Abaturage bari bafite amakuru ko Masengesho ajya mu gihugu cya Uganda agakurayo amabuye y’agaciro mu buryo bwa magendu. Baje guha amakuru Polisi ijya iwe mu rugo aho atuye mu Mudugudu wa Kigote mu birometero 3 uvuye ku mupaka w’u Rwanda na Uganda. Abapolisi basatse mu nzu ye basangamo umufuka urimo ariya mabuye yari yawuhishe mu mwobo muremure yari yaracukuye mu nzu yo mu gikari.'

    Masengesho amaze gufatwa yavuze ko ayo mabuye ari ay’umuntu witwa Christophe utuye mu Karere ka Rubavu, yemera ko yayamukuriye mu gihugu cya Uganda ayazenye mu buryo bwa magendu.

    Umuyobozi wa Polisi mu Karere ka Burera yibukije abaturage ko ibikorwa byose bijyanye n’ubucukuzi ndetse n’ubucuruzi bw’amabuye y’agaciro bigomba kuba bifitiwe ibyagombwa bitangwa n’inzego z’Igihugu zibishinzwe. Yaburiye abantu bishora mu bikorwa bitemewe n’amategeko ababwira ko abazajya bafatwa bazajya babihanirwa.

    SP Nkundineza yashimiye abaturage batanze amakuru yatumye Masengesho afatwa asaba n’abandi kudahishira abakora ibinyuranijwe n’amategeko.

    Masengesho n’amabuye yafatanwe yahise ashyikirizwa Urwego rushinzwe ubugenzacyaha(RIB) rukorera muri sitasiyo ya Polisi ya Cyanika kugira ngo hakorwe iperereza ku bandi bafatanije ubwo bucuruzi bwa magendu.

    Itegeko N° 58/2018 ryo ku wa 13/08/2018 rigenga ubucukuzi bw’amabuye y’agaciro na kariyeri Ingingo ya 54 ivuga ko Umuntu wese ushakashaka, ucukura, utunganya,ucuruza amabuye y’agaciro cyangwa kariyeri nta ruhushya, aba akoze icyaha.

    Iyo abihamijwe n’urukiko, ahanishwa igifungo kitari munsi y’amezi abiri (2) ariko kitarenze amezi atandatu (6) n’ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni eshanu (5.000.000 FRW) cyangwa kimwe gusa muri ibyo bihano. Urukiko rutegeka kandi ubunyagwe bw’amabuye y’agaciro cyangwa kariyeri byafatiriwe biri mu bubiko, bicuruzwa cyangwa bitunganywa nta ruhushya.

    Source : http://www.ukwezi.rw/1-1/Amakuru-anyuranye/article/Burera-Umusore-yafatanywe-Ibilo-1-200-by-amabuye-y-agaciro-ya-magendu-yakuye-muri-Uganda