Webrwanda Backend

Blog

  • Umulisa Charlotte uvukana na Miss Tina arahat… – #rwanda #RwOT

    Mu mpera z'icyumweru twasoje, abakobwa 200 bitabiriye ijonjora ryo guserukira Umujyi wa Warsaw mu irushanwa rya Miss Poland 2021.

    Mu bakobwa 200 bitabiriye havuyemo 18 bageze mu cyiciro cya nyuma barimo n'Umunyarwandakazi Umulisa Charlotte, umuvandimwe na Miss Tina.

    Umulisa asanzwe ari umunyeshuri muri Kaminuza ya WSG mu ishami ry'Ubukerarugendo Mpuzamahanga n'amahoteli [International Tourism and Hospitality Management]. Ndetse asanzwe ari umunyamakuru kuri TV Bet.

    Umulisa Charlotte avuga ko yishimiye kuboneka mu bakobwa 18 bazavamo Miss Warszawy 2022 uzahatana muri Miss Poland 2022.

    Tina avuga ko afite icyizere cy'uko murumuna we azitwara neza. Ati 'Uyu agomba gutsinda Miss Poland niyo gahunda.'

    Aba bakobwa 18 batoranyijwe bazongera guhatana, hanyuma uzatsinda ni we uzahagararira Umujyi wa Warsaw muri Mis Poland.

    Tina yegukanye ikamba rya Miss Supranational Rwanda 2018, aba igisonga cya mbere cya Miss Elite 2020. Uyu mukobwa areshya na 1.70m.

    Umukobwa wegukana ikamba rya Miss Poland abasha kwitabira Miss World, Miss Grand International, Miss Intercontinental na Miss Charm pageants.


    Umulisa Charlotte yabonetse mu bakobwa 18 bazavamo uzahagararira Umujyi wa Warsaw muri Poland


    Umulisa avukana na Tina wegukanye ikamba rya Miss Supranational Rwanda 2018


    Umulisa yiga muri Kaminuza ya WSG muri 'International Tourism and Hospitality Management'


    Tina yavuze ko afite icyizere cy'uko murumuna we azegukana ikamba rya Mis Poland


    Irushanwa rya Miss Poland uyu mukobwa ashaka kwitabira ryatangiye gutegurwa kuva mu 1972


    Uwase Clementine [Tina] wabaye igisonga cya mbere cya Miss Elite 2020

    Source : https://inyarwanda.com/inkuru/112522/umulisa-charlotte-uvukana-na-miss-tina-arahatanira-kujya-muri-miss-poland-112522.html

  • Etincelles FC yatanze ikirego cyumusifuzi wa… – #rwanda #RwOT

    Kuri iki gicamunsi binyuze mu buryo bw’inyandiko, ubuyobozi bwa Etincelles bandikiye ishyirahamwe ry’umupira w’amaguru mu Rwanda ribasaba kumva akarengane bahuye Nako ku kibuga cyabo ubwo bakiraga ikipe ya As Kigali. Ni umukino waranzwe no kutavuga rumwe by'umwihariko ku misifurire, aho Etincelles FC yavuze ko yasifuriwe nabi bigendeye ku minota y’inyongera bahawe, ndetse n’amakarita yatanzwe kuri uyu mukino.

    Etincelles FC ivuga ko abasifuzi bayoboye uyu mukino, batanga ubusobanuro mu nyandiko ku buryo batanze amakarita agera kuri 11 ku ikipe ya Etincelles FC, ndetse bakanatanga impamvu ku minota isanzwe y'umukino bongeyeho iminota 10 byanabaye intandaro yo gutsindwa igitego.

    Uyu mukino, iminota 90 yari yarangiye Etincelles ifite igitego kimwe ku busa, gusa bongeyeho iminota 10 As Kigali yaje kubona igitego cyo kwishyura gitsinzwe na Sugira Ernest ku munota wa 102.


    Source : https://inyarwanda.com/inkuru/112525/etincelles-fc-yatanze-ikirego-cyumusifuzi-wabakinishije-iminota-irenga-100-112525.html

  • “Ngira ngo buriya ikibazo si nikanzu – Mini… – #rwanda #RwOT

    N’ubwo ikanzu Miss Ingabire Grace yari yambaye ihenze cyane dore ko igura 530,000 Frw, benshi mu bakoresha imbuga nkoranyambaga cyane cyane Twitter bagaragaje ko uwamwambitse iyi kanzu yamuhemukiye cyane. Hari n’abifashishije inkuru ya InyaRwanda.com yakozwe mu bihe bishize kuri Mashami Vincent utoza Amavubi yavugaga iti “Mashami Vincent, Abanyarwanda baramubonye ntababonye“, maze na bo batangaza ko uwambitse Miss Ingabire Grace iyi kanzu, abanyarwanda bamubonye atababonye.

    Minisitiri Edouard Bamporiki udakunze kuripfana dore ko inshuro nyinshi akunze kugaragaza ukuri kwe ku ngingo zitandukanye zirimo n’izifite aho zihuriye n’umuco ndetse n’urubyiruko, yavuze ko ikibazo atari ikanzu Miss Grace Ingabire yari yambaye, kuko aramutse abonye ikamba, abantu bakwibagirwa ko bigeze kumubona yambaye nabi. Icyakora yanakebuye abambika ba Nyampinga abasaba kujya babambika neza kurushaho.

    Ubwo yaganiraga na Kigali Today ducyesha iyi nkuru, Minisitiri Edouard Bamporiki yagize ati '(Aseka), Ngira ngo buriya ikibazo si n'ikanzu, aramutse abonye ikamba byakwibagiza abantu ko yambaye nabi cyangwa ko atambaye neza. (…) Ngira ngo ni ukubwira ababambika bakajya babambika neza kurushaho, ariko kandi ibyo ni ibintu abantu babona mu buryo butandukanye, abategura ni bategure neza byimazeyo'.

    Minisitiri Bamporiki yageneye ubutumwa abambika ba Nyampinga

    Irushanwa rya Miss World 2021 rimaze iminsi riri kubera muri Teritwari ya Puerto Rico ya Leta Zunze Ubumwe za Amerika. Miss World yo muri uyu mwaka, ni ku nshuro ya 70 iri kuba, ikaba yaritabiriwe n’abakobwa 116 barimo n’umunyarwandakazi Ingabire Grace. Icyiciro cya nyuma cy’iri rushanwa (Final) kizaba mu mpera z’iki cyumweru turimo tariki 16 Ukuboza 2021. Umukobwa uzegukana ikamba, azaba asimbuye Toni-Ann Singh w’imyaka 25 wo muri Jamaica wabaye Miss World 2019 akaba asanzw ari n’umuririmbyi.

    INKURU WASOMA: Ikanzu irengeje ibihumbi 500 Frw yaserukanywe na Ingabire Grace yabaye igitaramo ku mbuga nkoranyambaga-AMAFOTO

    Tariki 18 Ugushyingo 2021 ni bwo Minisitiri Edouard Bamporiki yahaye Miss Ingabire Grace ibendera n’impanuro ubwo yiteguraga kujya muri Miss World. Minisitiri Bamporiki yabwiye Misss Grace ko akiri muto, akaba umusaruro w'urugamba rwari ngombwa, ko ari ikimenyetso cy'imiyoborere myiza. Yabwiye Miss Ingabire Grace kuzabwira abategura Miss World kumuha ikamba, kuko ari ukwiha agaciro ubwabo.

    Ibikubiye mu mpanuro Minisitiri Bamporiki yahaye Miss Grace Ingabire

    Minisitiri Bamporiki yagize ati 'Namubwiye ko akwiye kubabwira ko kumuha ikamba, ari bo byungura cyane kurusha we. Kubera ko u Rwanda rwari Igihugu umuntu wese adashaka kumenya. U Rwanda rwari Igihugu kitabarwa, ariko ubu u Rwanda ni Igihugu gitabara, u Rwanda ni Igihugu cyishimiwe, u Rwanda ni Igihugu gisurwa, u Rwanda ni Igihugu gifite imiyoborere myiza ducyesha umukuru w'u Rwanda.'

    Akomeza ati '…Namubwiye ko akwiye kuzabwira n'abatanga iryo kamba ko kuriha u Rwanda, kurimuha nk'Umunyarwandakazi ari ukwiha agaciro bo ubwabo. Kubera ko igihugu cy'u Rwanda gifite abana beza, bafite umuco, bafite ubumenyi, bafite ubwiza mu by'ukuri nasoje mubwira ko ni mwiza uvuye mu beza. Abanyarwanda ni beza agiye kubahagararira…'

    Minisitiri Bamporiki yakomeje asaba Miss Ingabire Grace kuzakoresha neza igihe azamara muri Miss World, akiga kandi akamenya impamvu ari muri Miss World. Akomeza ati '…Gutata ukamenya aho ugiye niyo ntsinzi. Iyo hajeho uwo mutsindo noneho ni nk'umutemeri uba ushyize kuri kwa kwimana u Rwanda.'

    'Ariko ibyo abandi bajyamo twe tutajyamo, ibirangaza abandi twe tutarangariramo, iyo akomeje guhagarara ku muco w'u Rwanda, aba arwimana. Ariko kandi nanone amarushanwa agiyemo akamenya ko ari amarushanwa y'ubwiza. Ntabwo ari amarushanwa yo kujya guhisha ubwiza, ni amarushanwa y'ubwiza. Kandi arabufite, afite umuco, afite n'ubuhanga n'ubumenyi.'

    Ikanzu Miss Grace Ingabire yaserukanye yavugishije benshi

    Minisitiri Bamporiki ubwo yashyikirizaga Miss Grace ibendera akamuha n’impanuro

    ABANDITSI: Yvonne Mukundwa & Mupende N. Gideon

    Source : https://inyarwanda.com/inkuru/112512/ngira-ngo-buriya-ikibazo-si-nikanzu-minisitiri-bamporiki-yavuze-ku-ikanzu-miss-ingabire-gr-112512.html

  • P-Fla yakoreye amateka mabi mu gitaramo cy’i… – #rwanda #RwOT

    Tariki 11 Ukuboza 2021 ni bwo abahanzi batandukanye barimo P-Fla, Fireman, Javanix, Mc Tino, Nessa na Fax Rapper bataramiye i Rusizi ahazwi nka Motel Rubavu. Kuri uwo munsi abahanzi bose bitwaye neza cyane aho batanze ibyishimo ku bafana benshi bari baje kwihera ijisho. Cyari igitaramo cy’amateka mu karere ka Rusizi.

    P-Fla yarishimiwe bikomeye muri Rusizi ahazwi nka Motel Rubavu nubwo yaje kubabaza abafana be muri Bugarama yitwaje ko ibiryo byatinze kuboneka

    Bukeye bwaho tariki 12 Ukuboza 2021, aba bahanzi bakomereje mu murenge wa Bugarama gukorera igitaramo ahazwi nko kwa Ncogoza mu nyubako ya Prince House Motel, gusa ntabwo Fireman we yari ku rutonde rw’abahanzi bagombaga kuririmbira kwa Ncogoza.

    Igitaramo cyari giteganijwe gutangira saa Kumi n’ebyiri z’umugoroba. Abahanzi bari biteguye baza, gutenguhwa na mugenzi wabo P-Fla wanze kuririmba. Umunyamakuru wa InyaRwanda.com wari mu Karere Rusizi muri iki gitaramo, yakurikiranye aya makuru, yegera P-Fla amubaza impamvu yatengushye abafana, maze uyu muraperi amusubiza ko batamugaburiye. Iki kibazo cyamubujije kuririmba, abandi bahanzi nta cyo bari bafite.

    Mc Tino na Javanix bashimishije abafana mu gitaramo cya mbere muri Motel Rubavu

    P-Fla wananiwe no kwihangana gutegereza ibiryo, yahisemo guhita yigendera asiga abahanzi bagenzi be. Kubura kwa P-Fla byatumye igitaramo gisubikwa. Abafana bari baguze amatike yabo barababaye cyane kubera isubikwa ry’iki gitaramo, gusa ku bijyanye n’amafaranga bari bishyuye habayeho ubwumvikane babavunjiramo icyo kunywa.

    Source : https://inyarwanda.com/inkuru/112503/p-fla-yakoreye-amateka-mabi-mu-gitaramo-cyi-rusizi-nyuma-yuko-bamwimye-ibiryo-112503.html

  • Seraphim Day 2021: Korali Seraphim Melodies y… – #rwanda #RwOT

    Seraphim Day yo muri uyu mwaka izaba tariki 24 Ukuboza 2021. Saa Tatu za mu gitondo hazaba igikorwa cyo gutanga amaraso, Saa Munani z’amanywa bajye gusura abarwayi mu bitaro bya CHUK, hanyuma saa Kumi n’imwe z’umugoroba habe igitaramo cya Noheli cyo kwizihiza Ivuka rya Yesu Kristo no kwinjiza abantu mu mwaka mushya wa 2022. Muri iki gitaramo cya Noheli kizabera kuri AEBR Kacyiru, hazaririmba Seraphim Melodies choir na Narada Worship Team nayo yo muri iri torero.

    Seraphim Day, Buri mwaka! Ni indamukanyo y’abaririmbyi n’inshuti za Korali Seraphim Melodies ikorera umurimo w’Imana muri AEBR Kacyiru. Jean Claude BAKURIKIZA Umuhuzabikorwa wa Seraphim Day, yabwiye InyaRwanda.com byinshi kuri iyi ndamukanyo yabo. Ati “Kwikiriza ngo buri mwaka bisobanuye intego yagutse yacu y’uko uko umwaka utashye tugomba gushima Imana kubyo tuba twaragezeho, kandi tukabikora twifatanya n’abababaye”. Yasobanuye ibikorwa by’ingenzi bizanga Seraphim Day 2021. Ati:

    Kuri iyi nshuro rero ya 8 dukora umunsi wa Seraphim Day, ibikorwa bitatu by’ingenzi biwuranga kandi bigeze imbumbe y’amashimwe yacu aribyo 1. Gutanga amaraso ahabwa indembe 2. Gusura abarwayi mu bitaro tukabashyira ubufasha tukabahumuriza 3. Gutaramira Imana ku itorero ryacu; ibi byose tuzabikora le 24/12/2021 nk’uko bisanzwe. Nubwo Covid-19 itarashira burundu ariko ntitwigeze dusiba na rimwe, n’ubu  twiteguye gukurikiza ingamba zose zo kuyirinda tukizihiza umunsi mukuru wacu wa Seraphim Day. 

    Yavuze ko bifuza ko “buri wese ufite umutima wo gufasha yakwifatanya natwe tukaba twizeye ko bikingije ngo batazarata ayo mahirwe. Amaraso ahabwa indembe ni impano idasanzwe kandi impano y’ubuzima kuko nta handi twayakura mu gihe hari indembe, imbagwa, abazahajwe na Malaria ndetse n’inkomere ziba ziyakeneye. By’umwihariko iyo utanze impano irengera ubuzima uba ukoze umurimo w’Imana nyawo kuko ari ibintu ukora udategereje igihembo”. 

    BAKURIKIZA yavuze yasabye abantu bafite umutima wo gufasha kuzifatanya nabo mu gikorwa cyo gutanga amaraso kizabera kuri AEBR Kacyiru kuwa Gatanu tariki 24/12/2021. Yagize ati “Mu ngaruka za Covid-19 rero harimo no kuba abatanga amaraso bagabanuka kuko hari ubwo n’abayatanga bamwe iba yarabagizeho ingaruka. Kuri iriya taliki ya 24 saa Tatu RBC izaba iri kuri AEBR Kacyiru muzaze dufatanye, nyuma tuzerekeza CHUK saa 13:00 naho saa 17:00 tugaruke ku rusengero dutarame, dushime Imana”.

    Yavuze ko mu gitaramo cya Noheli bazaba basengera igihugu, itorero n’imiryango yabo. Yongeyeho ati “Ni igitaramo twaherukaka haciye imyaka 2 yose kubera Covid-19. Seraphim Day si umunsi w’abashumba bacu n’abakirisitu ba AEBR Kacyiru gusa, ni ibikorwa turarikira buri wese ufite umutima wo gufasha kandi nk’uko iyi myaka yose ishize benshi bagiye bitabira turabasaba ko n’utwumva cyangwa usomye ubutumwa bwacu abugeza ku bandi. Cyane cyane abatuye mu mujyi wa Kigali ntimuzabure”.

    Seraphim Melodies choir yateguye ku nshuro ya 8 igikorwa yise ‘Seraphim Day’

    Seraphim Melodies choir ibitse igikombe cya Sifa Reward yahawe mu 2017 mu kuyishimira igikorwa cy’urukundo ‘Seraphim Day’ ikora buri mwaka 

    Source : https://inyarwanda.com/inkuru/112500/seraphim-day-2021-korali-seraphim-melodies-yateguye-ku-nshuro-ya-8-igikorwa-cyo-gutanga-am-112500.html

  • Paris: Urukiko rwagize umwere Koffi Olomide(Grand  Mopao) ku byaha byo gufata ku ngufu #rwanda #RwOT

    Urukiko rw'ubujurire rwa Versailles mu Gihugu cy'Ubufaransa, kuri uyu wa 13 Ukuboza 2021 rwagize umwere umuririmbyi w'Umunyekongo-DRC, Antoine Christophe Agbepa Mumba, uzwi cyane nka Koffi Olomide, bamwe bita Grand Mopao nkuko nawe abyivugira kenshi mu ndirimbo ze. Rwamugize umwere ku byaha byo gufata ku ngufu ababyinnyikazi be bane, ariko rumuhamya icyaha cyo kubuza uburenganzira abakobwa be mu kwidegembya, abafungirana.

    Urukiko, zimwe mu mpamvu rwatanze mu guhanagura ho Koffi Olomide ibyaha byo gufata ku ngufu abakobwa 4 bamubyiniraga, ni uko mu batangabuhamya bari mu rukiko bamushinja byagaragaye ko ubwabo bavuguruzanyaga, bituma urukiko nta kuri rubabonamo.

    Nubwo Koffi Olomide ubu w'imyaka 65 y'amavuko urukiko rwamugize umwere ku byaha byo gufata ku ngufu bariya babyinnyikazi be, rwamuhamije icyaha cyo kubuza ababyinnyikazi be kwidegembya akabafunga mu buryo butemewe n'amategeko mu myaka ya 2000. Kuri iki cyaha, urukiko rwamuhanishije igihano cy'igifungo cy'imyaka itatu isubitse.

    Uru rubanza nkuko BBC dukesha iyi nkuru ibitangaza, rwibanze kubyo yashinjwaga ko hagati y'imyaka ya 2002 na 2006 mu gihe yarimo gukoresha ibitaramo mu Gihugu cy'Ubufaransa, yafungiranye ababyinnyi be bane mu inzu i Paris, hanyuma ngo rimwe na rimwe akajya anabategeka kuryamana nawe, ibyo urukiko rwasoje rumugizeho umwere.

    Mu rubanza yaherukaga kuburana mu myaka ibiri ishize, Koffi Olomide yashinjwaga gusambanya umwe mu babyinnyi be bivugwa ko atari bwageze imyaka 18 y'amavuko. Icyo gihe, urukiko rwamukatiye gufungwa imyaka ibiri isubitse.

    Uru rukiko, rwategetse ko Koffi Olomide aha buri muririmbyi muri bariya 4 yahamijwe ko yababujije uburenganzira bwo kwidegembya, akabafungira mu nzu ko buri umwe amuha ibihumbi birindwi by'ama Euro, asaga Miliyoni zirindwi uyabaze mu mafaranga y'u Rwanda.

    intyoza

    Source : https://www.intyoza.com/paris-urukiko-rwagize-umwere-koffi-olomidegrand-mopao-ku-byaha-byo-gufata-ku-ngufu/

  • Ibyihariye ku ikipe ya Youvia yazanye ubusirimu igatangira kwibazwaho na benshi #rwanda #RwOT

    Ikipe y’abagore ikina mu cyiciro cya kabiri ya Youvia WFC, ni imwe mu makipe atangiye kwigarurira imitima y’abantu benshi bitewe n’uburyo ikoramo ibintu byayo neza kurusha n’amwe mu makipe y’abagabo yo mu cyiciro cya mbere mu bagabo, ubuyobozi bwayo buvuga ko intego ari ukuba abanyamwuga.

    Burya ngo ibihe bigenda n’ibyabyo, ubu tugeze mu Isi ya murandasi, ubu abantu basigaye bamenya amakuru binyuze ku mbuga nkoranyambaga, Youvia WFC abantu benshi bamaze kuyibonamo bitewe n’uburyo irimo gukoramo ibintu byayo.

    Ubu amakuru yayo yose y’umunsi k’umunsi bayanyuza ku mbuga nkoranyambaga zayo Twitter na Instagram.

    Uburyo iyi kipe yo mu cyiciro cya kabiri mu bagore ikoramo, irusha amakipe menshi yo mu cyiciro cya mbere mu bagabo aho kugira ngo umenye amakuru yayo bigusaba kwiyuha akuya.

    Aganira n’ikinyamakuru ISIMBI, umuyobozi w’iyi kipe, Ndarama yavuze ko ubu intego yabo ari ukuzamuka mu cyiciro cya mbere kandi bakazamuka begukanye igikombe cya shampiyona, iyi kipe bashaka kuyihindura inyamwuga.

    Ati 'Intego nyamukuru ni ukuzamuka mu cyiciro cya mbere no gutwara igikombe Imana idufashije, kuko urumva tugeze ku mukino wa nyuma twahatana ku buryo tugitwara, ikindi ni uko tugomba guhindura ikipe ikaba iy’ababigize umwuga nubwo bitoroshye kubivuga kuko turi muri shampiyona y’abatarabigize umwuga.'

    'Birashoboka ko mu mibereho y’ikipe imbere babikora nk’akazi nk’ababigize umwuga. Turimo kubikoraho ku buryo umukinnyi wa Youvia yaba atunzwe no gukina umupira gusa, akora ahembwa buri kwezi, afite amasezerano ku buryo yajya anasaba konji.'

    Akurikije uko shampiyona ihagaze uyu munsi, bizera ko intego bafite yo kuzamuka mu cyiciro cya mbere cy’abagore bazabigeraho.

    Ati 'Icyari cyarabuze, uko umuntu aba mu kintu kenshi agenda abona ibyo yakosora, intego twari dufite mbere twazigezeho twiha iza kabiri, nta kintu cyabuze kidasanzwe ni uko twahinduye intego, ni ukuvuga ngo nkanjye nk’umuyobozi wa Youvia ndi no muri komisiyo y’iterambere ry’umupira w’abagore mu Rwanda.'

    'Twaricaye turavuga ngo niba hari impinduka dushaka mu iterambere ry’umupira w’abagore bigomba guhera kuri twebwe tukaba intangarugero, dufata icyemezo, dushaka abatekenisiye batandukanye, tugisha inama tureba uburyo ikipe yahindura imibereho yayo.'

    Bavuze ko bahereye ku kuba bashaka ikibuga kiri ahantu heza kandi gifite ibyangombwa byafasha umwana w’umukobwa ushobora kubona ibyo yifuza byose, baje kubona ikibuga Rulindo i Masoro, ubu gahunda bagezeho ni ugushaka abaterankunga bazajya bafasha ikipe aho avuga ko ku makipe y’abagore bigoye ariko bafite icyizere aho hari na bamwe bamaze kubona n’ubwo abatanga amafaranga bataraboneka ariko ababafasha mu buryo bw’ibikoresho bababonye.

    Youvia (Young Victory Athletics) ni ikipe yatangiye muri 2012 ikaba imaze imyaka 9, yatangiye ari abahungu n’abakobwa. Muri 2014 nibwo ikipe y’abakobwa yatangiye kwitabira shampiyona y’igihugu, icyo gihe nta cyiciro cya kabiri cyari cyakabayeho mu bagore, muri 2017 nibwo yamanutse mu cyiciro cya kabiri, ubu ikaba yifuza kugaruka mu cyicro cya mbere.

    Youvia WFC imaze gukundwa na benshi, aha bakinnyi bari kumwe n’umutoza (ufite igitabo), Ndarama perezida wayo(wa kabiri uturutse iburyo) na Mazimpaka Jean Pierre, umuyobozi wa Vifostock umwe mu baterankunga b’iyi kipe

    Intego ni ukuzamuka mu cyiciro cya mbere

    Imaze kugira abakunzi benshi

    Buri kantu kose kabaye bakamenyesha abakunzi babo

    Source : http://isimbi.rw/siporo/ibyihariye-ku-ikipe-ya-youvia-yazanye-ubusirimu-itangira-kwibazwaho-na-benshi

  • Muhanga: Umukobwa arashinjwa kwikuramo inda uruhinja akaruta mu musarani #rwanda #RwOT

    Umukobwa w'imyaka 25 y'amavuko wo mu Kagari ka Remera, Umurenge wa Kiyumba, Akarere ka Muhanga, ukurikiranyweho gukuramo inda agata uruhinja mu musarani, yisobanura avuga ko yagiye mu musarani yakwikanira akumva umwana yituyemo.

    Dosiye y'Ikirego cy'uyu mukobwa ukurikiranyweho icyaha cyo kwikuramo inda, yashyikirijwe Ubushinjacyaha Urwego Rwisumbuye rwa Muhanga mu cyumweru gishize tariki 08 Ukuboza 2021.

    Iki cyaha akekwaho, cyabaye tariki 04 Ukuboza 2021, bigakekwa ko cyaba cyarabereye mu Mudugudu wa Nyanza Akagali ka Remera, Umurenge wa Kiyumba, Akarere ka Muhanga.

    Uyu mukobwa ukekwaho gukora iki cyaha, yari yaratashye iwabo muri aka gace nyuma yo gutererwa inda mu Mujyi wa Kigali aho yari asigaye aba.

    Inkuru dukesha urubuga rw'Ubushinjacyaha Bukuru bw'u Rwanda, ivuga ko uko umunyeyi w'ukekwaho kwivanamo inda yari avuye kuguza amafaranga ngo azabone uko umufasha agiye kubyara, yageze mu rugo asanga ukekwa ntari mu cyumba cye, asohotse asanga ahagaze iruhande rw'umusarani ari gutitira.

    Umubyeyi yarebye umukobwa we abona inda yabaye nto kandi yarabonaga ikuze, ahita akeka ko yaba yayivanyemo, ahita atabaza abaturanyi baraza babona uruhinja mu musarani.

    Ukekwa we avuga ko yashatse kujya mu musarani agaruka mu nzu, yumva mu nda hari kumurya asubirayo arikanira yumva umwana yituyemo.

    Bivugwa ko uyu mukobwa yari yaranze kujya kujya kwipimisha, akaba kandi avuga ko inda ye yari imaze amezi 4, ariko abamubonaga bakaba barabonaga ko ikuze yaba yari yaragejeje igihe cyo kubyara.

    Ukekwa aramutse ahamwe n'icyaha cyo kwikuramo inda ku bushake, yahanishwa igifungo cy'imyaka 3 n'ihazabu ingana n'ibihumbi magana abiri y'u Rwanda, nk'uko biteganywa n'ingingo y' 123 y'Itegeko N°68/2018 ryo ku wa 30/08/2018 riteganya ibyaha n'ibihano muri rusange.

    RADIO&TV10

    Source : https://umuryango.rw/amakuru/mu-rwanda/umutekano/article/muhanga-umukobwa-arashinjwa-kwikuramo-inda-uruhinja-akaruta-mu-musarani

  • Koffi  Olomidé yabaye umwere #rwanda #RwOT

    Umuhanzi w'icyamamare Antoine Christophe Agbepa Mumba uzwi ku mazina ya Koffi  Olomidé , ukomoka muri Repuburika ya Demukarasi ya Congo, yagizwe umwere ku byaha byo gusambanya ababyinnyi be bane.

    Koffi Olomidé waherukaga kwitaba urukiko ku itariki ya 25 Ukwakira, icyo gihe ubushinjacyaha bwari bwamusabiye imyaka umunani y'igifungo nyuma yo kumuhamya ibyaha byo gusambanya ababyinnyi be ku ngufu.

    RFI dukesha iyi nkuru yatangaje ko mu rubanza rwasomwe kuri uyu wa mbere tariki 13/12/2021 mu Rukiko rwa Versailles mu Bufaransa, Umucamanza yavuze ko kubera ko ubuhamya bw'abashinja Koffi kubasambanya bwagaragayemo kwivuguruza, Urukiko rwafashe umwanzuro wo kumugira umwere.

    Nubwo Koffi  yabaye umwere ku cyaha cyo gufata ku ngufu, Urukiko rwamuhamije  ibyaha byo kubuza ababyinnyi be uburenganzira no kubafungirana, akatirwa gufungwa imyaka itatu isubitse, ategekwa no kuriha indishyi  y'akababaro y'ibihumbi birindwi by'ama euro kuri buri umwe muri abo babyinnyi be bane.

    Koffi Olomide

    Mu 2019, Urukiko rwa Nanterre mu Bufaransa rwamukatiye imyaka ibiri isubitse kubera gusambanya umwana w'imyaka 15. Nyuma yaje kugirwa umwere ku bindi byaha yaregwaga birimo gusambanya abandi bagore batatu.

    Uyu muhanzi yaregwaga ibyaha birimo ibyo kwinjiza aba babyinnyi mu Mujyi wa Paris mu buryo butemewe, gufatira imishahara yabo no kubasambanya ku gahato.

    Iri hohoterwa ababyinnyi ba Koffi Olomidé bavugaga ko ryabaye ubwo uyu muhanzi yari ari mu rugendo rw'ibitaramo mu Bufaransa kuva mu 2002 kugeza mu 2006, icyo gihe ngo impapuro zabo z'urugendo na telefoni zabo byari yarabifatiriye.

    Aba babyinnyi bavugaga ko bategetswe gusambana n'uyu mugabo wabakubitaga mu buryo bukomeye iyo bagerageza kumwereka ko batabishaka. Bavugaga ko yabasambanyaga bari mu rugo, mu bwogero bw'iguriro ndetse hari n'igihe yabasambanyaga bajyanye kuri studio gutunganya indirimbo.

    Igihe cyarageze ababyinnyi bane batoroka Koffi Olomidé muri Kamena 2006, ariko batinya gusubira iwabo kubera ko nta byangombwa bari bafite.

    Tariki ya 4 Ukuboza 2021, uyu muhanzi w'imyaka 65 y'amavuko yakoreye igitaramo mu Rwanda, ariko mbere yacyo abatari bacye bari bacyamaganye bivuye inyuma ariko biba iby'ubusa. Nyuma yo kuva mu Rwanda yagombaga kujya kuririmbira i Nairobi muri Kenya, ariko ntibyakunze kuko Leta y'iki gihugu yaburijemo igitaramo yari ahafite.

    iriba.news@gmail.com

     

    The post Koffi  Olomidé yabaye umwere appeared first on IRIBA NEWS.

    Source : https://iribanews.rw/2021/12/13/koffi-olomide-yabaye-umwere/

  • Etincelles FC yasabiye ibihano abasifuzi bayisifuriye na AS Kigali bongeye iminota 10 kuri 90 #rwanda #RwOT

    Etincelles yasabye FERWAFA gufatira ibihano abasifuzi bayisufuriye mu mukino baraye bakinnye na AS Kigali bakanganya igitego 1-1 ariko abafana b'iyi kipe bagashaka guhohotera umusifuzi.

    Muri iyi baruwa,Etincelles FC yashinje abasifuzi kubogama cyane bakayiha amakarita 11 yita ko adasobanutse arimo n'ayahawe n'abatoza.

    Yakomeje iti “Nyakubahwa igitangaje nuko iminota isanzwe y'umukino 90 umusifuzi wo hagati agasaba uwa 4 kongeraho iminota 10…Nyakubahwa iyo minota 10 nayo yongeweho iminota 2 ari nabwo AS Kigali yabonyemo igitego cyishyura icyo twari twayitsinze hanyuma umusifuzi agahita asoza umukino.”

    Etincelles FC yasabye ibisobanuro byimbitse by'amakarita 11 yahawe abakinnyi bayo n'umutoza ndetse n'iyi minota 12 idasanzwe yongerewe ku mukino nta kintu kidasanzwe cyabaye.

    Amakuru avuga ko uyu musifuzi yavugaga ko yongeyeho iyo minota yose kubera ko abakinnyi ba Etincelles batindije cyane umukino.

    Nyuma y'umukino,abapolisi bahise bajya gutabara umusifuzi washoboraga gusagarirwa n'abafana bari binjiye mu kibuga ndetse anyuzwa mu nzira yihariye cyane ko yari yatezwe n'abafana ngo bamwihimureho.


    Source : https://umuryango.rw/imyidagaduro/imikino/article/etincelles-fc-yasabiye-ibihano-abasifuzi-bayisifuriye-na-as-kigali-bongeye