Blog

Tombola ya 1/8 cya UEAFA Champions Leagues yasubiwemo, yasize ikipe ya Paris Saint Germain igomba guhura na Real Madrid ni mu gihe Manchester United yatomboye Atletico Madrid.

Tombola yari yabanje, yari yahuje Manchester United ya Cristiano Ronaldo na Paris Saint Germain ya Lionel Messi, UEFA yaje gutangaza ko bayisheshe kubera amakosa ya 'Software’ bakoresheje yakoze.

Kwibeshya kwa mbere kwabayeho ni uko Villareal yo muri Espagne yatomboye Manchester United yo mu Bwongereza byari kumwe mu itsinda F, byateshejwe agaciro maze Villareal tombola Manchester City n’aho Manchester United itombola PSG.

Irindi kosa ni uko ubwo Atlético Madrid yatomboraga, Manchester United yakuwe mu makipe bishobora guhura, birangira itomboye Bayern Munich mu gihe iyi kipe yo mu Bwongereza yisanze izahura na Paris Saint-Germain.

Iyi tombola yabaye saa 16h zo kuri uyu wa Mbere n’ubundi ibera i Nyon mu Busuwisi, yasize Manchester United noneho itomboye Atletico Madrid ni mu gihe Paris Saint Germain.

Imikino ya 1/8 iteganyijwe tariki ya 14&15 na 22&23 Gashyantare mu gihe iyo kwishyura iza tariki ya 8&9, 15&16 Werurwe 2022.

Uko tombola yose yagenze

FC Salzburg vs FC Bayern Munichen
SC Portugal vs Manchester City
SL Benefic ava AFC Ajax
Chelsea vs Lille
Atletico Madrid vs Manchester United
Villareal vs Juventus
Inter Milan vs Liverpool
Paris Saint Germain vs Real Madrid

Perezida Paul Kagame yabivuze kuri uyu wa Mbere tariki 13 Ukuboza 2021 ubwo yakiraga indahiro za Gasana Alfred uherutse kugirwa Minisitiri w’Umutekano w’imbere mu Gihugu.

Mu ijambo rye, Umukuru w’u Rwanda yavuze ko yifuza kwifuriza Abaturarwanda gusoza neza uyu mwaka wa 2021 no kuzatangira neza utaha wa 2022.

Ati 'Twizere ko umwaka uza uzaba mwiza kuruta uwo turangije n’uwo twarangije mbere yawo ubwo ndavuga izi ngorane zose Isi igenda ihura na zo za COVID-19.'

Perezida Kagame avuga ko nubwo u Rwanda rugeze ahashimishije mu ngamba zo kwirinda iki cyorezo nko gukingira abaturage benshi ariko iki cyorezo kigikomeje guhangayikisha.

Ati 'Ku isi hose bigenda bigaruka, bisa n’ibijya kujya mu buryo bikongera bikazamuka. Ubwo rero ntabwo twakwirara nubwo twari twifashe neza twarushaho ingamba zo kwirinda tukajya mu minsi mikuru neza nubwo kujya mu minsi mikuru turangiza umwaka ubwabyo byongera bikazamura umubare w’abandura.'

Perezida Kagame yaboneyeho gushimira Minisitiri Mushya amwifuriza imirimo myiza kandi ko mu nshingano ze harimo no kwirinda ku bijyanye n’umutekano ariko n’ubuzima bihuriza hamwe inzego zitandukanye.

Avuga ko Minsitiri w’Umutekano mushya asanzwe ari mu nzego z’umutekano ariko ko inshingano ziyongereye.

Ati 'Byasumbyeho uko byari bimeze mbere ariko birubakira ku byo asanzwe azi asanzwe akora ubwo uzarushaho gukora kandi gukora neza twese Igihugu kubyungukiramo.'

Perezida Kagame yizeje Minsitiri mushya ubufatanye bw’abagize Guverinoma ndetse n’izindi nzego kugira ngo azabashe kuzuza inshingano ze.

Kuri uyu wa Mbere tariki ya 13 Ukuboza 2021, i Nyon mu Busuwisi habereye tombola ya 1/8 muri UEFA Europa League yasize umushyitsi muri iri rushanwa, FC Barcelona itomboye Napoli yo mu Butaliyani mu mukino uvuze byinshi ku makipe yombi.

Nyuma yo kwandagazwa mu mikino y'amatsinda muri Champions League, bikarangira ikipe ibaye iya gatatu mu itsinda ndetse ntibone amahirwe yo gukomeza muri iryo rushanwa, ahubwo ikerekeza muri Europa League, intego ya FC Barcelona ni ukwegukana iki gikombe gikomeye i Burayi.

Umukino ubanza uzabera I Camp Nou muri Espagne tariki ya 17 Gashyantare 2022, mu gihe uwo kwishyura uzabera mu Butaliyani tariki ya 24 Ukuboza 2022.

Indi mikino ikomeye izaba muri iri rushanwa harimo uzahuza RB Leipzig na Real Sociedad, Porto na Lazio, Atalanta na Olympiacos ndetse na Dortmund na Rangers.

Ikipe izegukana igikombe cya Europa League izamenyekana tariki ya 18 Gicurasi 2022, uyu mukino ukazabera muri Espagne ku kibuga cya Sevilla cya Ramón Sánchez Pizjuán.

FC Barcelona na Napoli mu mukino utoroshye wo gushaka itike ya 1/4 cya Europa League

Uko tombola ya Europa League yagenze

Impuzamashyirahamwe y’umupira w’amaguru ku mugabane w’u Burayi 'UEFA’ yamaze gutangaza ko tombola ya 1/8 ya UEFA Champions League yasheshwe kubera amakosa y’ikoranabuhanga yabaheyo.

Iyi tombola ikaba yashyizwe saa 16h zo kuri uyu wa Mbere n’ubundi ikabera i Nyon mu Busuwisi.

UEFA ibinyujije kuri Twitter yagize ati 'Habayeho amakosa bitewe na 'software’ yifashishwa muri tombola. Tombola yabaye yateshejwe agaciro, irasubirwamo saa 15:00 CET (saa Kumi z’i Kigali)'.

Tombola ya mbere yari yayobowe n’Umunyamabanga Mukuru wungirije wa UEFA, Giorgio Marchetti wakoraga mu gakangara k’amakipe yabaye aya kabiri mu matsinda, yari kumwe n’Umurusiya Andrey Arshavin nka Ambasaderi w’irushanwa ry’uyu mwaka w’imikino wa 2021/22 rizasorezwa i St Petersburg wakoraga mu gakangara k’amakipe yabaye aya mbere mu matsinda.

Kwibeshya kwa mbere kwabayeho ni uko Villareal yo muri Espagne yatomboye Manchester United yo mu Bwongereza byari kumwe mu itsinda F, byateshejwe agaciro maze Villareal tombola Manchester City n’aho Manchester United itombola PSG.

Irindi kosa ni uko ubwo Atlético Madrid yatomboraga, Manchester United yakuwe mu makipe bishobora guhura, birangira itomboye Bayern Munich mu gihe iyi kipe yo mu Bwongereza yisanze izahura na Paris Saint-Germain.

Ibi byatumye amwe mu makipe asaba ko tombola yasubirwamo kuko byafashwe n’ubujura.

Tombola ya mbere yateshejwe agaciro

Mu cyumweru gishize, ku mbuga nkoranyambaga hakwirakwijwe amashusho n’amafoto ya Miss Ingabire Grace ubwo yaserukaga mu birori byo kumurika imideli gakondo mu irushanwa rya Miss World 2021 riri kubera muri Puerto Rico.

Benshi mu bagarutse kuri iyi kanzu, barimo uzwi cyane ari we Mbabazi Shaddia wamamaye nka Shaddyboo yifashishije konti ye ya Twitter maze yibaza umuntu uri kwambika Miss Grace, ati 'Umuntu uri kwambika Miss wacu, yivuge hakiri kare, narangiza adusabe imbabazi twese.'

Mu kiganiro yagiranye na Kigali Today, Umunyamabanga wa Leta muri Minisiteri y’Uruyiruko n’umuco, Bamporiki Edouard, yavuze ko igikwiye kwibandwaho atari uriya mwambaro wambawe na Miss Ingabire Grace.

Bamporiki yagize ati 'Ngira ngo buriya ikibazo si n’ikanzu, aramutse abonye ikamba byakwibagiza abantu ko yambaye nabi cyangwa ko atambaye neza.'

Bamporiki yavuze ko abambika abantu bakwiye kubikora neza gusa akavuga ko hari abashobora kuba barabonye iriya kanzu itanogeye ijisho mu gihe hashobora kuba hari n’abayishima.

Ibinyamakuru bikomeye birimo Daily Mail byagarutse ku busabe bw’umwe mu bagize Inteko Ishinga Amategeko y’u Bwongerezam Chris Bryant wavuze ko Guverinoma y’Igihugu cye idakwiye kwemera ko Johnston Busingye ahagarararira u Rwanda muri kiriya Gihugu ngo kubera uruhare yagize mu ishimutwa ryakorewe Rusesabagina Paul.

Ibyatangajwe n’iyi Ntumwa ya Rubanda, byuririweho n’Ibinyamakuru nka Dail Mali na The Times, byongeye gushinja Guverinoma y’u Rwanda ibinyoma byo kuba yarashimuse Paul Rusesabagina ukurikiranyweho ibyaha by’iterabwoba.

Daily Mail yatangaje ko kuba yari Minisitiri w’Ubutabera yakurwa kuri uyu mwanya akagirwa Ambasaderi, ari ukumumanura mu nteta kubera kuba yaremeye ko Leta y’u Rwanda ari yo yishyuye Indenge yagejeje Paul Rusesabagina.

Umuvugizi wa Guverinoma y’u Rwanda, Yolande Makolo yanyujije kuri Twitter ubutumwa bwamagana ibi byatangajwe n’ibi binyamakuru.

Yagize ati 'Daily Mail na The Times birayobya rubanda mu gihe byoroshye kugenzura bikamemya ukuri. Johnston Busingye wagenwe nka Ambasaderi w’u Rwanda mu Bwongereza yitwaye neza mu kazi ubwo yari Minisitiri w’Ubutabera n’Intumwa Nkuru ya Leta kuva muri 2013.'

Yolande Makolo yagarutse ku ifatwa rya Rusesabagina, avuga ko ryanyuze mu mucyo ndetse ko byagizwemo uruhare n’Urwego rw’Igihugu rw’Ubugenzacyaha RIB rwari rukurikiranye Paul Rusesabagina nk’umuntu wari ukurikiranyweho ibyaha by’iterabwoba.

Ati 'Guverinoma y’u Rwanda yabitanzeho umucyo inshuro nyinshi kuva muri Nzeri 2020 uko n’impamvu Paul Rusesabagina yanyurishijwe mu nzira zihishe kugira ngo agezwe mu Rwanda.'

Yolande Makoro yasoje ubutumwa bwe avuga ko Paul Rusesabagina yaciriwe urubanza runyuze mu mucyo we n’abandi bantu 20 baburanaga hamwe mu rubanza ruregwamo ibifitanye isano n’umutwe wa FLN.