Webrwanda Backend

Blog

  • Da Promota yashyize hanze indirimbo nshya ‘IS… – #rwanda #RwOT

    Mu kiganiro na InyaRwanda.com, Da Promota yavuze uko yagize igitekerezo cyo gukora iki gihangano. Ati “ISENGESHO ni umushinga nagize hari kuwa Gatandatu ndi mu rugo ubwo natangiraga gusenga ngira ibihe byiza, nza gutekereza kuba nahita nkoramo indirimbo ariko kandi nkabikora mu buryo butamenyerewe kuko akenshi njye nkunda guhimba ikintu gishya abantu batarumva cyane mu matwi. Ni bwo naje kuyandika nza kumva ko haburamo irindi jwi ryiza riryoshye kugira ngo ISENGESHO ryanjye ryumvikane neza ari na bwo naje kwifashisha umwe mu basore b’abahanga mu Rwanda uzwi ku mazina ya Sean Brizz”. 

    Yavuze ko afite indirimbo nyinshi cyane yamaze gutunganya, ubu igisigaye akaba ari ugufata amashusho yazo, akagenda azishyira hanze. Ati “Muri Gahunda mfite gusohora indirimbo nyinshi cyane aho zimwe zarangiye hasigaye kugenda nkora amashusho yazo nkanazishyira hanze indirimbo ku buryo bw’amajwi”. Yakomeje ati “Yakozwe n’umusore umfasha hano witwa Big Boy ndetse ikorwaho na Sean Brizz ari na we wanayiririmbyemo, ku bijyanwe n’amashusho, yafashwe n’umusore uzwi nka Kavoma hamwe na BJC official”.

    Da Promota yageneye impano ya Noheli abakunzi b’ibihangano bye

    Da Promota yashimiye cyane ab basore bamufashije gutunganya iyi ndirimbo, ati “Ni abantu nshimira cyane kuko nababonyeho ubuhanga ndetse na Discipline cyane mu byo bakora kuko ntibigeze bandushya”. Yagize icyo asaba abakunzi b’umuziki we n’abandi bose, ati: “Nkaba nsaba abantu kuntega amatwi kuko ngiye kubaha ibintu byiza byinshi bakanakora ‘Subscribe’ kuri channel yanjye nshya ariho nzajya nyuza ibihangano byanjye”.

    Da Promota, ni izina ryamenyekanye kuva mu myaka yashize ubwo uyu musore yari agituye mu Rwanda, ubu akaba atuye muri Leta Zunze Ubumwe za Amerika. Da Promota wanabayeho umunyamakuru, yagize uruhare mu kuzamura impano z’abahanzi banyuranye barimo Mandela n’abandi benshi. Indirimbo yakoze zikanyemekana cyane harimo ‘Ndagushima’ Ft Mandela yatumbagije izina rye, ‘Ingabire’ Ft All Starss, ‘Ucyakora Mana’ yakoranye na Mandela & Yvan, ‘Ngerina’ Ft Mandela & Kamikazi, n’izindi.

    Sean Brizz ari mu bahanzi batanga icyizere mu muziki nyarwanda

    Indirimbo ‘Isengesho’ ya Da Promota na Sean Brizz iri ku mbuga zikomeye ku Isi mu zicuruza umuziki

    REBA HANO ‘ISENGESHO’ YA DA PROMOTA FT SEAN BRIZZ

    Source : https://inyarwanda.com/inkuru/112523/da-promota-yashyize-hanze-indirimbo-nshya-isengesho-yakoranye-na-sean-brizz-video-112523.html

  • Inyungu zo gushira Uwiteka imbere mu buzima bwawe bwa buri munsi/Ibanga ryo kudahuzagurika mu buzima || Ev. Claudine U. #rwanda #RwOT

    Source : https://agakiza.org/Inyungu-zo-gushira-Uwiteka-imbere-mu-buzima-bwawe-bwa-buri-munsi-Ibanga-ryo.html

  • Koffi Olomide uherutse kuzamura impaka mu Rwanda yagizwe umwere ku byo gufata ku ngufu #rwanda #RwOT

    Urukiko rw’ubujurire rw’i Paris mu Bufaransa rwamugize umwere ku cyaha cyo gufata ku ngufu, rumuhamya icyaha cyo kubuza ubwinyagamburo ababyinnyi be.

    Ubushinjacyaha bwamuregaga icyaha cyo gusambanya umwe mu babyinnyi be bane igihe yari afite imyaka 15 y’amavuko, yaregwaga kandi kubuza uburenganzira ababyinnyi be harimo kubabuza gusohoka aho bari bacumbitse.

    Urukiko rumaze kumva impande zombie, Koffi Olomidé yahise agirwa umwere ku cyaha cyo gufata ku ngufu n’urukiko rw’ubujurire rwo mu Bufaransa, maze rumuhamya icyaha cyo kubangamira uburenganzira bw’ababyinnyi be.

    Icyaha cyo gufata ku ngufu yashinjwaga byavugwaga ko yagikoze mu mwaka wa 2019, gusa icyo kubuza ubwisanzure ababyinnyi be ari nacyo yahamijwe n’urukiko yagikoze mu mwaka wa 2002 na 2006 abikorera i Paris mu Bufaransa.

    Nyuma yo guhamya icyaha cyo kubuza ubwisanzure ababyinnyi be, Koffi Olomidé, yakatiwe n’urukiko gufungwa igifungo gisubitse cy’amezi 18 ndetse ategekwa no kwishyura indishyi kuri aba babyinnyi be, aho yategetswe ku ishyura ibihumbi 11$ by’amadorari ku buri mubyinnyi nk’indishyi.

    Umunyamategeko wunganiraga batatu muri aba bakobwa, David Desgranges, mu rukiko yavugaga Koffi Olomidé, yagiye abafata ku ngufu aho babaga bari muri hoteli, mu modoka ndetse no muri sitidiyo. Gusa ibi birego byaburiwe ibimenyetso.

    Gusa icyaha cyo kubuza ubwisanzure ababyinnyi be, urukiko rwasanze aba bakobwa babiri muri bo yarabafungiranye mu cyumba ababuza gusohoka.

    Source : http://www.ukwezi.rw/Imyidagaduro/article/Koffi-Olomide-uherutse-kuzamura-impaka-mu-Rwanda-yagizwe-umwere-ku-byo-gufata-ku-ngufu

  • Umutoza Lomami Marcel yavuze impamvu yasimbuje Youssef wahise wivumbura #rwanda #RwOT

    Umutoza wa Rayon Sports w’agateganyo, Lomami Marcel yavuze ko impamvu yasimbuje umunya-Maroc ku mukino banganyijemo na Gorilla FC ari uko yakinaga ashaka gushimisha abafana mu gihe bo bari bakeneye intsinzi.

    Wari umukino w’umunsi wa 8 wa shampiyona y’icyiciro cya mbere umwaka w’imikino 2021-22, wabaye tariki ya 11 Ukuboza 2021.

    Uyu mukino ubwo wari ugeze ku munota wa 68, Lomami Marcel yafashe umwanzuro akuramo rutahizamu w’umunya-Maroc wakinaga asatira anyura ku mpande, Rharb Youssef yinjizamo Manace Mutatu.

    Uku gusimbuzwa nta kibazo cyarimo ariko uburyo uyu rutahizamu yitwaye nyuma yo kugera hanze, ni byo byatumye itangazamakuru ribaza umutoza Lomami Marcel impamvu yamukuyemo cyane ko n’umukinnyi atabyishimiye.

    Lomami Marcel yavuze ko impamvu yakuyemo uyu mukinnyi ari uko yakinaga ashaka gushimisha abafana kandi bo bakeneye gutsinda ikindi gitego.

    Ati 'Twifuzaga ko tubona igitego, we yakinaga akina kugira ngo ashimishe umufana, twe ntabwo twakinaga kugira ngo dushimishe abafana, twakinaga kuko dushaka kujya imbere dusatire tubone igitego, niyo mpamvu twamusimbuje dushyiramo Mutatu kuko afite umuvuduko.'

    Uyu mukinnyi yagaragaje imyitwarire itarashimwe na benshi, yageze ku ntebe y’abasimbura (bench) ahita ahaguruka yerekeza mu rwambariro, aroga arangije agaruka kureba umukino nk’abandi.

    Youssef yarasimbujwe ntiyabyumva kimwe n’umutoza

    Lomami Marcel avuga ko Youssef yakinaga ashaka gushimisha abafana kandi bo bakeneye intsinzi

    Source : http://isimbi.rw/siporo/article/umutoza-lomami-marcel-yavuze-impamvu-yasimbuje-youssef-wahise-wivumbura

  • ITANGAZO RYA CYAMUNARA Y'UMUTUNGO UTIMUKANWA IGIZWE N'UBUTAKA BUNINI BURIMO N'INZU BIHEREREYE KICUKIRO #rwanda #RwOT

    UMUHESHA W'INKIKO W'UMWUGA ARAMENYESHA ABANTU BOSE KO AZATEZA MURI CYAMUNARA UMUTUNGO UTIMUKANWA UGIZWE N'UBUTAKA BUNINI BURIMO N'INZU BIHEREREYE KICUKIRO-MASAKA-CYOMO-URUGWIRO.

    PINGANWA MUBURYO BW'IKORANABUHANGA KURUBUGA RWABO RWA (www.cyamunara.gov.rw) RIZATANGIRA TARIKI YA 15/12/2021 SAYINE ZA MUGITONDO (10H00) KUGEZA TARIKI YA 22 /12/2021 SAYINE ZA MUGITONDO (10H00).

    UWIFUZA IBINDI BISOBANURO YASOMA ITANGAZO RIRI HANO HASI CYANGWA SE AGAHAMAGARA KURI:0788478006

    Source : https://umuryango.rw/amatangazo/article/itangazo-rya-cyamunara-y-umutungo-utimukanwa-igizwe-n-ubutaka-bunini-burimo-n

  • Perezida Kagame yasabye Abanyarwanda kwizihiza iminsi mikuru bazirikana na Covid-19 #rwanda #RwOT

    Kuri uyu wa 13 Ukuboza 2021 nibwo Perezida Kagame yakiriye indahiro ya Minisitiri w'Umutekano mu Gihugu Alfred Gasana wahawe izo nshingano mu mpera z'icyumweru gishize.

    Perezida Kagame yifurije abanyarwanda gusoza neza uyu mwaka ndetse abibutsa ko bagomba kwizihiza iminsi mikuru bazirikana ko Covid-19 igihari.

    Ati “Reka abe aribyo ntangiriraho aho kubisorezaho,kubifuriza gusoza neza uyu mwaka tugiye gusoza ari nako dutangira umushya tugiyemo wa 2022.Twizera ko umwaka uza uzarushaho kuba mwiza kurusha uwo turangije n'uwo twarangije mbere y'aho.Ubwo ndavuga ingorane isi yagiye ihura nazo za Covid-19.

    Nubwo tumaze kugera ku byiza mu buryo bwo kuyirwanya ari ugukingira umubare w'abantu benshi no kugabanya umubare w'abagiye barwara.Ubona ko ku isi yose niko bigenda bimera,bijya kumera neza bikagaruka.Ubwo rero ntabwo twakwirara nubwo twari twifashe neza ahubwo twarushaho ingamba zo kwirinda.

    Yakomeje agira ati “Tukajya mu minsi mikuru neza nubwo kujya mu minsi mikuru turangiza umwaka ubwabyo byongera bikazamura umubare w'abandura birumvikana.Abantu iyo bahuye ari benshi bakanezerwa hari ubwo bivamo kwbagirwa kwirinda uko bikwiriye. “

    Perezida Kagame yabwiye Minisitiri mushya w'Umutekano ko “tumwishimiye” kandi tumwifuriza imirimo myiza ndetse ko mu by'umutekano wo mu gihugu agomba kwita nibyo byo kwirinda yaba ku buzima bwacu aho yamusabye kuzuzanya n'izindi nzego.

    Perezida Kagame yavuze ko nta gishya kuri Minisitiri Gasana kuko yari asanzwe akora mu by'umutekano ndetse arubakira ku bunararibonye abiftemo igihugu kibyungukiremo.Yamwijeje ubufatanye ati “Natwe tuzakunganira ushobore gukora imirimo yawe natwe iyacu ibintu birusheho kugenda neza.”


    Minisitiri mushya w'Umutekano mu Gihugu, Alfred Gasana yarahiye

    Source : https://umuryango.rw/amakuru/mu-rwanda/politiki/article/perezida-kagame-yasabye-abanyarwanda-kwizihiza-iminsi-mikuru-bazirikana-na

  • UCL: Ronaldo Vs Messi ? UEFA igiye gusubiramo… – #rwanda #RwOT

    Amategeko avuga ko mu mikino ya 1/8 nta kipe ziva mu gihugu kimwe zitomborana, cyangwa se ngo amakipe yari mu itsinda rimwe yongere ahure. Ubwo tombora yabaga Ikipe ya Villarreal yatomboye ikipe ya Manchester United kandi zari mu itsinda rimwe bivuze ko zari zashyizwe mu dukangara dutandukanye.

    Nyuma yaho babonye bitakunda, agapapuro ka Manchester United ntabwo kongeye gusubizwamo, ubundi Manchester United ihita itombora Atletico Madrid kuko ariyo yahise ifatwa bwa kabiri. Giorgio Marchetti wari uyoboye tombora ubwo Atletico Madrid yajyaga gutombora, yavuze ko itemerewe gutombora Liverpool kuko bari mu itsinda rimwe ndetse na Manchester United kuko yo yatombowe.

    Amakuru ducyesha The Mirror avuga ko ubuyobozi bwa UEFA bwamaze gusabwa ibisobanuro ku mitegurire mibi yaranze iyi tombora. UEFA yamaze gutangaza ko iyi tombora igiye gusubirwamo kubera ikibazo cya tekinike cyabaye muri tombora ya mbere.


    Iyi tombora igiye gusubirwamo

    Source : https://inyarwanda.com/inkuru/112520/ucl-ronaldo-vs-messi-tombora-ishobora-gusubirwamo-112520.html

  • Ikibumbano cyashyizwe ku cyicaro cya UN, bamw… – #rwanda #RwOT

    Abakoresha imbuga nkoranyambaga batari bacye hirya no hino ku isi batangariye ikibumbano cyiswe 'A Guardian for International peace and security' giherutse gushyirwa ku nyubako iri ku cyicaro cy'Umuryango w'Abibumbye mu mujyi wa New York, aho bamwe bavuga ko gifite ishusho y'inyamaswa ivugwa muri Bibiliya mu gitabo cy'ibyahishuwe.Iki kibumbano gikozwe mu ishusho y'inyamaswa ebyiri harimo imwe izwi nka Jaguar ndetse n'igisiga cyo mu bwoko bwa kagoma.

    Mu butumwa buherutse gushyirwa ku rukuta rwa Twitter rwa UN harekanwa ifoto y'iki kibumbano hariho amagambo agira ati: 'Umurinzi w'amahoro ndetse n'umutekano ku rwego mpuzamahanga ari ku nyubako y’abasura icyicaro cy'Umuryango w'Abibumbye. Uyu murinzi yakozwe mu ishusho y'inyamaswa ya Jaguar n'igisiga cyo mu bwoko bwa kagoma akaba yaratanzwe ku nkunga y'ubuyobozi bw'umujyi wa Oaxaca muri Mexique. Yakozwe n'abanyabugeni Jacobo na Maria Angeles.'

    Ubwo ubu butumwa bwageraga ku rukuta rwa Twitter, abantu batandukanye batangiye gutanga ibitekerezo aho bamwe bavugaga ko ishusho y'iki kibumbano isa nk’iy'inyamaswa yanditswe n'umuhanuzi Daniyeli mu isezerano rya kera ndetse bikongera kwandikwa n'intumwa Yohani/Yohana mu gitabo cy'Ibyahishuwe, mu isezerano rishya mu gitabo cya Bibiliya.

    Muri Daniyeli 7: 3-4 haragira hati: 'Muri iyo Nyanja havamo inyamaswa nini enye, zidasangiye ubwoko. Iya mbere yasaga n'intare, ifite amababa nk'ay'ikizu. Nyihanga amaso kugeza aho amababa yayo ashikurijwe igahagarikwa ku isi, ihagarika amaguru yemye nk'umuntu kandi ihabwa umutima nk’uw'umuntu”. Mu Ibyahishuwe 13: 2 naho hagira hati: 'Iyo nyamaswa nabonye yasaga n'ingwe, amajanja yayo yasaga n’aya Aruko, akanwa kayo kasaga n'ak'intare. Cya kiyoka kiyiha imbaraga zacyo n'intebe yacyo y'ubwami, n'ubutware bukomeye.'




    Ikibumbano cyiswe “A Guardian for International Peace and Security ”

    Source : https://inyarwanda.com/inkuru/112517/ikibumbano-cyashyizwe-ku-cyicaro-cya-un-bamwe-baravuga-ko-gifite-ishusho-nkiyinyamaswa-ivu-112517.html

  • Perezida Paul Kagame yakiriye indahiro ya Min… – #rwanda #RwOT

    Nyuma y'uko kuwa 10 Ukuboza 2021 Perezida Paul Kagame asubijeho Minisiteri y’Umutekano agashyiraho Bwana Alfred Gasana kuyiyobora, nk'uko kandi biteganwa n’Itegeko Nshinga ryo mu 2003 ryavuguruwe muwa 2015 mu ngingo yaryo 118 ivuga irahira ryabagize guverinoma;

    Perezida Paul Kagame yakiriye indahiro ya Minisitiri mushya, Alfred Gasana mu muhango uri kubera mu Ngoro y’Umukuru w’Igihugu Village Urugwiro.

    Gasana warahiriye kuba Minisitiri w’Umutekano ni umwe mu bagabo b’inararibonye mu bijyanye n’umutekano, umwanya ashyizweho avuye mu Rwego rw’Igihugu Rushinzwe Umutekano (NISS), aho akaba yari akuriye Agashami Gashinzwe Iperereza ry’imbere mu gihugu, umwanya yari amazeho imyaka isaga icumi kuko yawuhawe mu mwaka wa 2011 nyuma kandi y'uko yari mu bagize Inteko ishingamategeko.

    Si iyo mirimo yonyine yakoze kuko yagiye akora no mu zindi nzego zinyuranye z’igihugu mu bihe bitandukanye.

    Bwana Alfred Gasana yarahiriye inshingano zo kuba Minisitiri muri Minisiteri y’Umutekano, Indahiro yakiriwe na Perezida Paul Kagame nk'uko bigenwa n’Itegeko Nshinga rya Repubulika y’u Rwanda

    Itangazo ryo kuwa 10 Ukuboza 2021 rishyiraho Minisitiri mushya w’Umutekano, Bwana Alfred Gana

    Source : https://inyarwanda.com/inkuru/112530/perezida-paul-kagame-ari-kwakira-indahiro-ya-minisitiri-mushya-wa-minisiteri-yumutekano-al-112530.html

  • Tombora ivuguruye, Real Madrid izahura na PSG… – #rwanda #RwOT

    Messi agiye gusubira muri Espagne nyuma yaho PSG itomboye Real Madrid. RB Salzburg yatomboye Bayern Munich, Sporting CP itombora Manchester City, Benfica itombora Alax, Chelsea itombora Lille, Atletico Madrid itombora Manchester United, Villarreal itombora Juventus naho Inter Milan itombora Liverpool.

    Imikino ibanza izaba hagati ya tariki 15/16 na 22/23 Gashyantare 2022 naho imikino yo kwishyura izabe hagati ya tariki 8/9 ndetse na tariki 15/16 Werurwe 2022.

    Tombora uko yari yagenze mbere y’uko ivugururwa

    Source : https://inyarwanda.com/inkuru/112528/tombora-ivuguruye-real-madrid-izahura-na-psg-ronaldo-na-we-asubire-muri-espagne-112528.html