Blog

Mu gihe habura iminsi 26 ngo imikino y'igikombe cya Afurika CAN2022 itangire mu gihugu cya Cameroon, kugeza ubu ibihugu bibiri muri 16 byabonye itike yo gukina iyi mikino byamaze gutangaza ko bizakorera umwiherero mu rw'imisozi igihumbi.

 

Ikipe y'igihugu ya Senegal niyo yabanje gutangaza ko izakorera umwiherero hano mu Rwanda bitangajwe n'umutoza wayo Aliou Cisse, nyuma yaho kuri uyu wa mbere nibwo umutoza mushya wa Guinée Conakry Kaba Diawara nawe yemeje ko nabo bazakorera umwiherero mu Rwanda.

 

Nk'uko ibinyamakuru bitandukanye byabyanditse birimo na Depeche Afrique, yatangaje ko impamvu ikipe ya Senegal izaza gukorera umwiherero mu Rwanda baje gusanga imiterere y'umujyi wa Bafoussam bazakiniramo imikino y'amatsinda ijya kumera nk'iyo mu Rwanda. Ni Intara y'imisozi miremire n'ubutumburuke nk'ubwo mu Rwanda.

 

Muri iyi nkuru bagize bati 'Witegereje umujyi wa Bafoussam umujyi Senegal izakiniramo imikino y'igikombe cya Afurika uteye kimwe n'igihugu cy'u Rwanda harimo imisozi nk'iyaho, bityo umutoza Aliou Cissé ndetse n'abo bafatanya bahisemo gukorera umwiherero mu gihugu kimeze nk'umujyi bazakiniramo.'

Ku rundi ruhande rw'ikipe y'igihugu ya Guinée Conakry, ku mugoroba wo kuri uyu wa mbere ubwo umutoza mukuru w'iyi kipe y'igihugu Kaba Diawara yari mu Kiganiro Talents d'Afrique kinyura kuri Canal+ yemeje ko nabo bazaza mu Rwanda kuhakorera umwiherero bitegura igikombe cya Afurika kizaba muri Mutarama 2022.

Aya makipe yombi agiye kuza gukorera umwiherero mu Rwanda mu gihe yitegura iki gikombe cya Afurika kizakinwa guhera tariki ya 9 Mutarama 2022 kugeza ku ya 6 Gashyantare 2022.

Aya makipe kandi aherereye mu itsinda rimwe rya B aho Senegal, Guinée Conakry barikumwe n'andi makipe abiri ariyo Malawi na Zimbabwe.

Ku bijyanye niba aya makipe azakina imikino n'ikipe y'igihugu y'u Rwanda, twagerageje kubaza mu buyobozi bw'ishyirahamwe ry'umupira w'amaguru FERWAFA ntibatwitaba ku murongo wa telefone ngendanwa.

Gusa hari amakuru avuga ko ikipe y'igihugu ya Guinée Conakry ishobora kuzakina n'Amavubi imikino ibiri mbere yo kwerekeza muri Cameroon.

Kugeza ubu kandi ntuharamenyakana itariki nyayo aya makipe azagerera mu Rwanda, gusa bitewe n'igihe irushanwa rizatangirira aya makipe azagera mu gihugu hakiri kare kugirango itariki ya 9 Mutarama 2022 izasange yaramaze kugera muri icyo gihugu.

The post Mu rwego rwo kwitegura igikombe cya Afurika 2022, ikipe y'igihugu ya Senegal na Guinée Conakry bazakorera umwiherero mu Rwanda appeared first on RUSHYASHYA.

Source : https://rushyashya.net/mu-rwego-rwo-kwitegura-igikombe-cya-afurika-2022-ikipe-yigihugu-ya-senegal-na-guinee-conakry-bazakorera-umwiherero-mu-rwanda/?utm_source=rss&utm_medium=rss&utm_campaign=mu-rwego-rwo-kwitegura-igikombe-cya-afurika-2022-ikipe-yigihugu-ya-senegal-na-guinee-conakry-bazakorera-umwiherero-mu-rwanda

Mu rubanza rukomeje kubera i Paris mu Gihugu cy'Ubufaransa, ruregwamo Umunyarwanda Muhayimana Claude w'imyaka 62, ukurikiranyweho ibyaha bifitanye isano na Jenoside yakorewe Abatutsi mu 1994, Umunyamategeko Gisagara Richard, akurikije ibyavuzwe na Padiri Niyonsaba Canisius na Padiri Jean Francois Kayiranga bashinjura uregwa, asanga bombi bagoreka nkana amateka kuri Jenoside yakorewe Abatutsi. Avuga ko Kiliziya gatolika igifite urugendo rurerure mu kugenzura abayikorera.

Aganira n'umunyamakuru uri i Paris, Saro Francine Andrew woherejwe n'umuryango w'Abanyamakuru baharanira Amahoro-Pax Press gukurikirana uru rubanza, Me Gisagara Richard uhagarariye inyungu z'abaregera indishyi muri uru rubanza, yagaragaje impungenge yatewe n'ibyo aba bapadiri bavuga, aho kuri we abona ko birimo gupfobya Jenoside yakorewe Abatutsi no kugoreka amateka yayo.

Me Gisagara, avuga ko isano aba ba Padiri bafitanye n'urubanza ari uko bose bageze aho ibyaha biregwa Muhayimana Claude byakorewe (Kibuye), ko umwe ariwe Padiri Niyonsaba Canisius yahamagajwe ku bushake mu rukiko na Perezida w'iburanisha, mu gihe undi ariwe Padiri Jean Francois Kayiranga yahamagajwe biturutse ku busabe bw'abunganira uregwa ngo aze gutanga ubuhamya.

Me Gisagara, agaruka cyane kuri Padiri Jean Francois Kayiranga n'ubuhamya yatanze, aho avuga ko kuri we atari inshuro ya mbere ahamagawe mu rukiko kugira ngo aze gushinjura abantu baba bakurikiranyweho Jenoside. Avuga ko yigeze anahamagarwa n'urukiko mpuzamahanga mpanabyaha rwashyiriweho u Rwanda I Arusha mu rubanza rwa Padiri Seromba waburanye agahamwa n'ibyaha ndetse akanakatirwa n'uru rukiko.

Avuga ko uyu Padiri Jean Francois Kayiranga, I Paris mu rukiko rwa Rubanda yabwiye urukiko ko rukwiye kwitondera abantu baza gutanga ubuhamya baturutse mu Rwanda, ko kandi kubwe asanga Muhayimana Claude arengana, ko rero akwiye kurenganurwa akarekurwa.

Amakenga ya Me Gisagara, ashingiye ahanini ku magambo y'ubuhamya bw'uyu Padiri Jean Francois Kayiranga, aho asanga ngo yaritandukanije no kuvuga ukuri ku byo azi, yabonye bikorwa cyane ko ngo yari ku Kibuye igihe Jenoside yakorewe Abatutsi yabaga. Avuga ko arenga ku kugaragaza ukuri azi kandi yabonye ubwe, ahubwo ngo agahita imbere y'urukiko yanzura asaba ko uregwa arengana, ko yarenganurwa. Me Gisagara ashimangira ko ibi bihita byerekana uruhande ahagazeho.

Mu rukiko, kimwe mu bisubizo Me Gisagara Richard yahawe na Padiri Jean Francois Kayiranga ku kibazo yari amubajije ku rwandiko Abapadiri (nawe arimo) bandikiye Cardinal Echigaray waje mu Rwanda mu Gihe cya Jenoside, avuga ko iki gisubizo atari icyo kwihanganirwa, kuko ngo kimwe muri ibyo babwiye Cardinal Echigaray ni uko ngo kuva Perezida Habyalimana yapfa, abantu bahungiye mu ma Eglises( insengero) ngo ariko kubera ko bamwe mu ba Padiri harimo abari ibyitso bya FPR ngo bari bafite n'intwaro n'inzandiko zigaragaza yuko ari ibyitso, byateye uburakari abaturage bituma bica abantu bose bari barimo batitaye k'uwari icyitso cya FPR cyangwa utari cyo'.

Me Gisagara Richard, avuga ko aya ari amagambo yakoreshejwe cyane mu gihe cya Jenoside yakorewe Abatutsi hagamijwe kumvisha abantu ko iyo ari impamvu yo kwica abo bamaze kwita ibyitso bya FPR. Ashimangira ko iyi ari imvugo yakoreshejwe hategurwa Jenoside, kandi yanatumye ibyakozwe bishoboka, bikitabirwa. Ibi ngo n'imbere y'urukiko, Padiri Jean Francois Kayiranga yarongeye arabishimangira.

Kubwa Me Gisagara Richard, asanga ibi bikorwa na Padiri Jean Francois Kayiranga ari ibintu bibabaje kandi bikomeje kugaragara, akavuga ko ' Urwishe yanka ruracyayirimo'. Avuga ko Kiliziya Gatolika ikwiye kwikorera ubushakashatsi ku bantu bayo ikoresha, ikareba mu bantu ikoresha niba ntabakomeza kuvanga ibintu no gutoba Amateka, bayagoreka ku bushake. Aha niho kuri we ahera ahamya ko hakiri byinshi Kiliziya ikwiye gukosora.

Muhayimana Claude yavutse mu 1961, urubanza rwe ruraburanishirizwa mu rukiko rwa rubanda I Paris mu Gihugu cy'u Bufaransa kuva kuwa 22 Ugushyingo kugeza ku wa 17 Ukuboza 2021. Akurikiranyweho ubufatanyacyaha nk'icyitso muri Jenoside yakorewe Abatutsi hamwe n'ibyaha byibasiye inyokomuntu kubera ko yafashije abigambiriye abasirikare n'interahamwe inshuro nyinshi aho yabatwaraga mu modoka akabageza aho bajyaga kwica Abatutsi mu cyahoze ari Perefegitura ya Kibuye ku misozi ya Karongi, Gitwa ndetse na Bisesero. Aha Kibuye, ni hamwe mu bice byiswe zone Turquoise, habaga ingabo z'u Bufaransa mu gihe cya Jenoside yakorewe Abatutsi.

Munyaneza Theogene / intyoza. com

Source : https://www.intyoza.com/paris-ubuhamya-bwabapadiri-mu-rubanza-rwa-muhayimana-claude-bwanenzwe-na-me-gisagara/

Umugore ukomoka muri Australia w'imyaka 52, Stephenie Rodriguez, yavuze uburyo yaciwe amaguru yombi nyuma y'uburwayi yamaranye amezi 18,bwaturutse kuri malariya idasanzwe yatewe n'umubu igihe yasuraga Lagos, muri Nijeriya.

Muri raporo ya Sydney Morning Herald, uyu mubyeyi usanzwe ari rwiyemezamirimo yavuze ko yagiye i Lagos mu 2019 kugira ngo atange ijambo mu nama y'ubucuruzi.

Yavuze ko muri iyo nama, we n'abandi bashyitsi batumiwe guteranira hanze kugira ngo bafatwe ifoto y'urwibutso gusa ngo hari iruhand rw'ikidendezi kirimo amazi mabi.

Yavuze ko akiri aho ariho yarumwe n'imibu inshuro eshatu ku kaguru k'ibumoso.

Rodriguez wai witwaje imiti yica udukoko, yavuze ko yahise yitera umuti wirukana imibu ariko ko atigeze afata imiti ya malariya bitewe n'uko yamuguye nabi ubwo yigeze kuyifata.

Ati: 'Abateguye amahugurwa bansabye gusohoka ngo badufotore hamwe n'abandi bashyitsi. Bari bafite drone.Hafashwe amashusho turi iruhande rw'amazi mabi. Hari izuba ryari rirenze. Ntekereza ko muri uwo mwanya aribwo narumwe inshuro eshatu n'umubu ku kaguru k'ibumoso.”

Hashize iminsi, nyuma yo guhaguruka yerekeza mu Buhinde, Rodriguez yavuze ko yatangiye kumva ananiwe kandi atamerewe neza, ariko agabanya kwiheba. Nyuma yo kugera i Boston ni bwo byabaye ngombwa ko ajyanwa mu bitaro nyuma yo kurwarira ku kibuga cy'indege no kugira ikibazo cyo kunanirwa kurya no kunywa.

Yahise ajyanwa mu bitaro bikuru bya Massachusetts aho inzobere mu ndwara zandura yemeje ko Rodriguez afite malariya yo mu bwonko. Icyo gihe yahise ajya muri koma. Abaganga bavuze ko Rodriguez yari afite amahirwe yo kubaho 2% gusa nyuma yuko ahawe Artesunate – imiti ikoreshwa mu kuvura malariya ikabije – yatumye arwara mu mitsi no kunanirwa kw'ingingo.

Mu gikorwa cya nyuma cyo kurokora ubuzima bwe, abaganga bakoresheje imiti ya vasopressor kugirango bohereze amaraso mu bice by'umubiri atageragamo.

Nyuma y'aho uyu mugore yagiye acibwa ingingo zirimo amano kugeza ubwo hafashwe umwanzuro wo kumuca amaguru kubera uburwayi bukomeye yari afite.

Source : https://umuryango.rw/ubuzima-115/udushya/article/umunya-australia-yemeje-ko-yaciwe-amaguru-yombi-nyuma-yo-kurumwa-n-umubu-ari

Ayanna Davis, ufite imyaka 20,wari wasimbuye umwarimu w'icyongereza mu ishuri ryisumbuye rya Lakeland muri Floride, muri Amerika, yashyize kuri Snapchat amashusho ari gusambana n'umwana muto wo mu mashuri yisumbuye.

Nyuma yo kumuhata ibibazo ku wa gatanu, abapolisi bashinjaga uyu mugore icyaha cyo gusambana n'umuzamu w'ikigo ndetse n'ibyaha byibasiye abanyeshuri bato.

Ikinyamakuru New York Post cyatangaje ko Davis yemeye ko yaryamanye n'uyu munyeshuri inshuro enye zitandukanye – kabiri iwe na kabiri iwabo w'uwo mwana w'umuhungu.

Gushidikanya byatangiye kwiyongera ubwo amashusho yatangiraga gukwirakwira aturutse mu ikipe y'ikigo y'umukino wa Football Americain , bituma hatangira iperereza.

Abayobozi b'ikigo bavuze ko Davis atari umukozi wabo, ahubwo yigishije mu ishuri ryisumbuye rya Lakeland nk'umwarimu usimbura ku masezerano na Kelly Education Services.

Abashinzwe uburezi bijeje ababyeyi ko uyu mwarimukazi yabujijwe kuzongera kwigisha mashuri yose yo muri ako karere.

Source : https://umuryango.rw/ubuzima-115/udushya/article/umwarimukazi-yatamajwe-n-amashusho-ye-y-urukozasoni-n-umwana-muto-yigisha

Umuyobozi mukuru wa RURA, Dr Nsabimana Ernest yaraherutse ruherutse gutangaza ko izamuka rya Gaz rishingiye ku kuba ikenerwa na benshi hirya no hino ku isi, bitewe n'ibihe kandi ngo mu Rwanda naho abayikenera bagenda biyongera:

Yagize ati ''Uko ibihugu bigenda biva muri Guma mu rugo, uko ubukungu bugenda busubirana ibikomoka kuri peteroli na gaz bigenda bikenerwa kurushaho. Ikindi ni uko mu bihugu byinshi by'i Burayi muri aya mezi biba byatangiye kujya mu bukonje bukabije bigakenera gaz mu gushyushya aho batuye. Ikindi ni uko ubwitabire mu gukoresha gaz gihugu cyacu bwagiye bwiyongera.''

Mu ntangiriro z'Ukuboza Minisitiri w'Intebe, Dr Edouard Ngirente, yatangaje ko leta iri gukurikirana ikibazo cy'izamuka rikabije ry'ibiciro bya gaz, ndetse yizeza ko mu minsi 10 igisubizo kizaba cyabonetse.

Kuri uyu wa Kabiri tariki 13 Ukuboza 2021, hatangajwe ibiciro bishya bizajya bikoreshwa mu bucuruzi bwa gaz.

Guhera ku wa Gatatu tariki 14 Ukuboza 2021, icupa rya gaz rya 3Kg rizajya rigurishwa 3 780Frw, irya 6Kg rigurishwe 7 560 Frw, irya 12Kg ryo rizajya rigurishwa 15 120 Frw, irya 15Kg ryashyizwe kuri 18 900 Frw, irya 20Kg rishyirwa ku 25 200 Frw, mu gihe irya 50Kg rizajya rigurishwa 63 000 Frw.

Ibi biciro bishya byagenwe hashingiwe ku giciro fatizo cya 1 260 Frw ku kilo. Iki giciro gishya kizajya gikurikizwa mu gihugu hose.

Umuyobozi Mukuru wa RURA, Ernest Nsabimana yabwiye RBA ko uyu mwanzuro wafashwe mu gihe hari hashize iminsi igiciro cya gaz kizamutse.

Ati 'Igiciro kimaze igihe kizamuka cyane ku buryo iyo urebye kugeza uyu munsi mu gihugu hose wasangaga n'ibiciro bigiye bitandukanye cyane, urebye wasangaga ikilo kiri ku mafaranga 1500 Frw hari aho ushobora kugera nka Nyagatare ugasanga kiri ku mafaranga 1600Frw cyangwa wajya Rusizi ugasanga kiri ku mafaranga 1650Frw. Urumva hari n'aho byageraga umuntu akishyiriraho igiciro yishakiye.'

Yakomeje avuga ko iki giciro gishya cyagenwe nyuma y'ibiganiro by'inzego zitandukanye ndetse n'ubushakashatsi bwakozwe ku isoko.

Hashingiwe ku mpuzandego y'igiciro cya 1500 Frw iyi gaz yari isanzwe igurishwaho mu gihugu, izi mpinduka mu giciro zivuze ko gaz ya 3 Kg yagabanutseho 720 Frw, kuri 6Kg havuyeho 1 440 Frw, ku icupa rya 12kg havuyeho 2280 Frw, kuri 15 Kg havaho 3 600 Frw, ku bilo 20 havaho 4800 Frw.

Source : https://umuryango.rw/amakuru/article/hashyizweho-ibiciro-bishya-bya-gaz

Miss Muyango Claudine yashyize ifoto kuri Instagram ye igaragaza uyu mwana w’Umuhungu bise Kimenyi Miguel Yanis no mu maso mu gihe amafoto yagaagaje bwa mbere atamugaragazaga mu maso.

Aya mafoto abiri, Miss Muyango yashyizeho ubutumwa agira ati 'Akarangabyiyumviro byanjye nkunda cyane.'

Ni ifoto yatanzweho ibitekerezo n’ibyamamare binyuranye birimo abasanzwe bakora mu itangazamakuru nka Tijala Kabendera wahise agira ati 'Kokoooo twakuje Mana weeeeee ndagaruka niruka peeeee.”

Kimenyi Yves na Miss Muyango Claudine bibarutse tariki 29 Kanama 2021 nyuma y’igihe bari bamaze bitegura kwakira iyi mpfura yabo.

Source : http://www.ukwezi.rw/Imyidagaduro/article/Bwa-mbere-Miss-Muyango-yagaragaje-mu-maso-h-umugungu-we-na-Kimenyi

Umahango wo kumurika izi modoka wabaye kuri uyu wa Mbere tariki 13 Ukuboza 2021, ubimburirwa no gusuzuma imikorere y’izi modoka nshya mu rugugendo rwazo rwa mbere  rwavaga i Rmera kuri MTN Innovation Center rwerekeza ku cyicaro gikuru cya MTN Rwanda i Nyarutarama mu mujyi wa Kigali. 

Umuyobozi Mukuru za MTN Rwanda, Mitwa Kaemba Ng’ambi wari muri izi modoka zikoreshwa n’amashanyarazi mu rugendo rwo kuzisuzuma, yavuze ko ashimishijwe cyane n’imikorere yazo ashimangira ko uko zigenda ari nta makemwa.

Umuyobozi Mukuru wa MTN Rwanda ubwo yaganiraga n’itangazamakuru 

Mu kiganiro yagiranye n’itangazamakuru, uyu muyobozi yagaragaje ko bahisemo gukoresha ibi binyabiziga bikoresha umuriro w’amashanyarazi mu rwego rwo gutanga umusanzu mu gufatanya na Leta muri gahunda yihaye yo kugera ku ntego yo kurwanya ibihumanya ikirere muri 2050. Yagize ati: 

Uyu munsi twamuritse ku mugaragaro “MTN Project Zero” ikaba igiye gutanga umusanzu mu buryo bwagutse muri gahunda itari iya Leta gusa hamwe na MTN twese hamwe dufatanyije turifuza kugera ku ntego ya leta yo kubungabunga ikirere muri 2050.

Yakomeje avuga ko ubu nibura bagize mirongo itanu ku ijana by’imodoka zidahumanya ikirere ndetse akaba ari intamwe bishimiye kandi igomba gukomeza mu rwego rwo gushyigikira gahunda ya leta yo kurwanya ibihumanya ikirere. Yagaragaje ko bafite ingamba zo kurushaho gukoresha ibidahumanya ikirere nka moteri zikoresha imirasire y’izuba n’ibindi. Yashimiye byimazeyo umufanyabikorwa wabo, Greenleaf Autofast Rwanda Ltd kompanyi yabagurishije izi modoka.

Muri ibi birori Umuyobozi Mukuru wa MTN yagaragaje ko yishimiye gukata Cake yakozwe mu ishusho y’izi modoka bamuritse. Iyi Cake yakozwe na Bakers Nation.

Juliette Kabera Umuyobozi Mukuru w’Ikigo cy’Igihugu cyo kubungabunga Ibidukikije (REMA) witabiriye uyu muhango, yagaragaje ko intambwe MTN yateye yerekana ko bishoboka kugira imodoka zikoreshwa n’amashanyarazi mu rwego rwo kwirinda ibihumanya ikirere. Yagize ati”:

Uyu mushinga wo ubwawo ntabwo wadufasha kugera aho twifuza ariko biratwereka ko bishoboka ko dushobora gukoresha imodoka zidakoresha ibikomoka kuri peterori. Kubera iki, kubera ko ibinyabiziga bikoresha izo ngufu za peterori bizana imyuka myinshi, bihumanya ikirere, bituma habaho ubuhamane mu kirere bwinshi ibi bikaba bifite ingaruka nyinshi.

Juliette Kabera Umuyobozi Mukuru wa REMA 

Yakomeje agira ati: “Iyo ibinyabiziga bikoresha peterori bibaye byinshi harahumana noneho bikatuviramo indwara zitandukanye z’ubuhumekero, noneho abafite indwara za asima n’izindi bo bakamererwa nabi cyane kurushaho. Ubu rero uyu mushinga uje kwerekana ko bishoboka ko bikwiye kuba twava ku modoka zisanzwe tukajya kuri izi ngizi z’amashanyarazi”. Yavuze ko ubushakashatsi bwagaragaje ko umwuka mwiza wangizwa ahanini n’ibinyabiziga. N’ubwo yagaragaje ko izi modoka z’amashanyarazi zikiri nkeya, yashishikarije abantu kuba ari zo bakoresha.

Izi modoka Leta yazikuriyeho umusoro wa VUT na Imput tax mu rwego rwo gushishikariza abantu kuzigura  no kuborohereza, ubu zikaba zitangiye kwiyongera. 

Michela Kiza uri mu bayobozi ba Greenleaf Autofast Rwanda Ltd  yagurishije MTN Rwanda izi modoka ziri kwirahirwa na benshi barimo Ikigo cy’Igihugu cyo kubungabunga Ibidukikije, yasobanuye imikorere yazo ijyanye n’uko zikoresha amashanyarazi. Yavuze ko izi modoka zo mu bwoko bwa Mitsubishi zikoranye batiri ari na yo itanga umuriro uzifasha kugenda. 

Micheal Kiza

Yongeyeho ko izi modoka zamuritswe zifite moteri itanga umuriro igasharija bateri mu gihe ishizemo umuriro ku buryo nta kibazo wagirira mu nzira. Izi modoka zifite sharigeri ebyiri, iyo ushobora kurazaho imodoka n’iyindi yagufasha kuzuza bateri mu mu minota 20 gusa, ubundi ugafata urugendo. Izi sharijeri biteganyije ko zizashyirwa ahantu henshi ku buryo bizajya byorohereza abagura izi modoka.

Iyi Cake y’agatangaza ikozwe mu ishusho y’izi modoka yakozwe na Bakers Nation (yahoze yitwa PetersBakers), bakaba bakorera i Remera iruhande rwa Zigama CSS. Ukeneye ko nawe bagukorera cake yose ushaka, wabahamagara kuri izi nimero 0786048392 ku batuye muri Kigali cyangwa se ukabahamagara kuri 0789944444 mu gihe uri i Rubavu.

MTN Rwanda yamuritse imodoka zikoreshwa namashanyarazi

Source : https://inyarwanda.com/inkuru/112540/mtn-yamuritse-imodoka-10-zikoreshwa-namashanyarazi-muri-mtn-project-zero-ijyanye-na-gahund-112540.html

Source : http://www.ukwezi.rw/1-1/Amakuru-anyuranye/article/Muhanga-Abashinzwe-irondo-baratungwa-agatoki-ku-rupfu-rw-umugabo-basanze-yapfuye

FERWAFA ibinyuijije muri Komisiyo y'imisifurire, yahagaritse abasifuzi bane nyuma y'inama yabaye kuri uyu wa Mbere, bagasanga mu minsi umunani ya shampiyona itambutse yaragaragayemo amakosa y'abasifuzi cyane ndetse rimwe na rimwe bikanateza imvururu ku kibuga.

Ugirashebuja Ibrahim wayoboye umukino Etincelles yanganyije na AS Kigali tariki ya 12 Ukuboza 2021, wanagaragayemo amakosa menshi y'imisifurire, yahagaritswe gusifura mu gihe cy'amezi ane, nyuma yuko muri uyu mukino yari ayoboye wabereye kuri Stade Umuganda hongeweho iminota 10 ariko igitego kigatsindwa ku munota wa 12 w'inyongera, bigatuma Etincelles itakaza amanota atatu yari yizeye mu buryo budasobanutse.

Uyu mukino wakurikiwe n'imvururu z'uburakari bw'abafana ba Etincelles FC bashaka gukubita abasifuzi, byanatumye iyi kipe y'i Rubavu yandikira FERWAFA ku wa Mbere, isaba kurenganurwa.

Simba Honoré usanzwe ari umusifuzi mpuzamahanga wo ku ruhande, yahagaritswe gusifura mu gihe cy'amezi atatu. Yazize ko tariki 10 Ukuboza 2021 yanze igitego cya Hakizimana Muhadjiri ubwo Police FC yatsindaga Musanze FC 2-1 mu mukino wabereye kuri Stade Ubworoherane y'i Musanze.

Uyu musifuzi wari umwungiriza wa mbere, yagaragaje ko habayeho kurarira ubwo Muhadjiri yatsindaga igitego cyo ku munota wa 90+1', nyamara yari anyuze hagati ya ba myugariro ba Musanze FC nyuma y'umupira muremure wari utewe mu rubuga rw'amahina na Nduwayo Valeur.

Gakire Patrick uzwi nka Mazembe yahagaritswe gusifura mu gihe cy'amezi atatu. Yazize ko tariki 8 Ukuboza 2021 mu mukino Marines FC yanganyije na Mukura VS 0-0, yanze igitego cya William Opoku Mensah ku ruhande rw'iyi kipe y'i Huye, avuga ko habayeho kurarira.

Umusifuzi wa Kane wahagaritswe ni Kwizera Fils usifura mu Cyiciro cya Kabiri. Yahagaritswe gusifura mu gihe cy'amezi ane, aho yazize amakosa yakoreye mu mukino wahuje Intare FA na The Winners FC tariki 12 Ukuboza 2021 muri IPRC-Kigali.

Aba bose baje biyongera ku bandi barindwi baherutse guhagarikwa gusifura barimo Mulindangabo Moïse, Nsabimana Célestin na Muneza Vagne n'abandi nabo bagaragaweho amakosa mu mikino basifuye mu bihe bitandukanye bikinubirwa na benshi bakurikiye iyo mikino.

FERWAFA n'inzego bishinzwe bahagurukiye iki kibazo kigaragara mu basifuzi kuko bisubiza inyuma urwego rw'umupira w'amaguru mu Rwanda, aho biyemeje kujya bacisha akanyafu ku wagaragaweho amakosa mu mukino.

Ugirashebuja Patrick yahagaritswe amezi ane adasifura kubera amakosa yakoze ku mukino Etincelles yanganyije na AS Kigali 1-1

Simba Honore wanze igitego cya Muhadjiri i Musanze yahagaritswe amezi atatu adasifura

Source : https://inyarwanda.com/inkuru/112547/ferwafa-yakubise-akanyafu-abasifuzi-4-bamaze-iminsi-banduza-ruhago-nyarwanda-112547.html

Kugira ngo harangizwe urubanza rw'ubutane, Umuhesha w'Inkinko w'Umwuga aramenyesha abantu bose ko hateganyijwe cyamurana y'umutungo utimukanwa ugizwe n'isambu uherereye mu Karere ka Bugesera Umurenge wa Ngeruka Akagari ka Kibungo umudugudu wa Nyakayenzi.

Gupiganwa bizatangira tariki ya 15/12/2021 saa Tanu zamanywa(11h00) binyuze kurubuga rwa www.cyamunara.gov.rw risozwe tariki ya 22/12/2021 saa Tanu zamanywa(11h00).

Uwifuza ibindi bisobanuro yasoma Itangazo riri hano hasi cyangwa se agahamagara kuri : 0788420923.

Source : https://umuryango.rw/amatangazo/article/itangazo-rya-cyamura-y-umutungo-utimukanwa-uherereye-mu-karere-ka-bugesera