Blog

Mu ijoro ry'uyu wa Kane tariki 23 Ukuboza 2021, ni bwo Nkusi Arthur yanditse ku mbuga nkoranyambaga ze, avuga ko 'guhera kuri uyu wa Gatanu tariki 24 Ukuboza 2021 uzaba ari wo munsi wa nyuma ijwi ryanjye ryumvikanye ku ndangururamajwi za Kiss Fm'.

Yakomeje avuga ko igihe kigeze cyo gufata ikiruhuko ku gukora kuri Radio. Avuga ko imyaka 10 amaze mu itangazamakuru 'yari agatangaza'.

Arthur ni umukinnyi wa filime, umubyinnyi, umunyarwenya akaba n'umunyamakuru kuri Radio. Yatangiye gukina ikinamico mu 2004 binyuze mu mikino y'iserukiramuco Mashariki yabereye mu Bwongereza muri Amerika n'ahandi.

Uyu mugabo uherutse kurushinga na Miss Fiona Ntaringwa, yakinny muri filime yamenyekanye izwi nka 'Shooting Dogs' na 'Shake Hands with the Devil'.

Mu 2014, yitabiriye irushanwa rya Big Brother Africa 2014.

Arthur yavuze ko imyaka 10 ishize ari mu itangazamakuru yamubereye iy'urwibutso

Nkusi Arthur yatangaje ko yasezeye kuri Kiss Fm 

Umwaka wa 2021 ni umwe muyahiriye abakobwa banyuze mu irushanwa rya Miss Rwanda, yaba ababashije kwegukana ikamba n'abigaragaje muriryo mu buryo bwo ku rwego rwo hejuru, bagasigara mu mitima ya benshi. Muri abo harimo Miss Grace Bahati, Miss Bagwire Keza Joannah, Miss Gasana Edna Darlene na Miss Fiona Muthoni Naringwa.

INYARWANDA ikaba yabateguriye bimwe mu bihe byaranze ibirori byabo byaciye ibintu, n'incamake y'ubuzima bw'abo bakobwa bahiriwe n'umwaka wa 2021 ukaba ubasize bihuje n'abo baremewe by'akaramata nk'umugore n'umugabo.

1. Miss Grace Bahati

Grace Bahati yarushinze na Murekezi Pacifique kuwa 04 Nzeri 2021, mu birori byitabiriwe n’abantu b’ingeri zinyuranye, abazungu n'abirabura. Ni ubukwe buri mu bwari butegerejwe na benshi, kubera amateka maremare Grace afite mu myidagaduro nyarwanda, wanitabiriye Miss Rwanda 2009 akabasha no kuyegukana. Ubukwe bwe bwitabiriwe n’ibyamamare binyuranye birimo abahanzi, abanyamakuru, ba nyampinga n’abandi banyuranye bazwi mu ruganda rw’imyidagaduro.

Mu bitabiriye harimo Meddy wari wambaye ikote ry’umutuku, n’umugore we Mimi wari wambaye ikanzu ya shokola, The Ben, Ally Soudy wari wambaye ikote ry’umukara, Ernesto Ugeziwe wari wambaye irijya gusa nk’icyatsi cyerurutse;Bahati Grace niwe wambaye ikamba rya Nyampinga wa 2009 ahigitse abandi 13 bari bahanganye

Kimwe na ba nyampinga bahagarariye abandi aribo Miss Nimwiza Meghan, Miss Iradukunda Elsa na Miss Kayibanda Aurore n'abandi banyuranye barimo abakinnyi bamamaye n'abanyamideli batandukanye.

2. Miss Bagwire Keza JoannahKuwa 17 Ugushyigo 2021, Joannah wabaye Nyampinga w'Umuco muri Miss Rwanda 2015 (Miss Hertage), nibwo yiyemeje kubana akaramata na Murinzi Michael, ubukwe bwabo bukaba bwarabereye ku Gisozi muri Romantic Garden. Bwitabiriwe na bamwe mu byamamare mu Rwanda barimo abanyamakuru bakorana kuri Kiss FM, igisonga cya mbere cya Nyampinga w'u Rwanda 2015 Miss Uwase Raissa Vanessa n'abandi.

Buririmbamo Intore Masamba waririmbyemo indirimbo isohora umugeni. Ubukwe bwabo bwabaye nyuma y'uko muri Nzeri 2021, Murinzi Michael yari yamwambitse impeta ya fiançailles amusaba kuzamubera umugore, undi akabyemera.Keza Joannah ni umwe mu banyamakurukazi bahagaze neza mu gihugu cy’u Rwanda

Tariki ya 30 Ukwakira, Miss Bagwire Keza Joannah nibwo kandi yakorewe ibirori byo gusezera ku bukumi bizwi nka 'Bridal Shower' mu rurimi rw'amahanga, byitabiriwe na bamwe mu byamamare birimo Kate Bashabe, na Umutoniwase Flora bari kumwe mu irushanwa rya Miss Rwanda mu 2015.

Bagwire Uretse ikamba rya Miss Heritage yegukanye muri Miss Rwanda 2015, uyu mukobwa mu Ugushyingo 2015 yabaye igisonga cya kane cya Miss Heritage Global 2014, mu irushanwa ry'ubwiza ryabereye muri Afurika y'Epfo mu mujyi wa Johanesburg.

Ni umunyamakuru kuri Kiss FM kuva 2019 aho akora mu kiganiro 'Girls Talk' , kiba kuva ku wa Mbere kugeza ku wa Gatanu.

3. Miss Mushambokazi JordanJordan ni umwe mu bakobwa bitabiriye irushanwa rya Nyampinga w'u Rwanda 2018. Yasezeranye n'umukunzi we Mbonyumuvunyi Karim mu idini ya Islam, ku munsi wa Gatandatu w'itariki ya 30 Mutarama 2021.

Gusa ntibyavuzwe cyane kuko n'ubukwe butari bwemewe kwitabirwa cyane kubera ingamba zo kwirinda icyorezo cya Coronavirus, aba bombi bakaba barasezeranyijwe na Sheikh Ashrif Ndayisenga ari na we washyize hanze amakuru y'uko aba bombi basezeranye.

Abinyujije ku rukuta rwe rwa Instagram, yashyizeho ifoto yicaye mu ntebe muri Salon iherekezwa n'amagambo avuga ko ariko bari bameze ubwo Mushambokazi Jordan na Mbonyumuvunyi Karim basezeraga ku busiribateri.

Ati“Uko niko twari twahabaye ku wa Gatandatu tariki 30 Mutarama 2021, ubwo umuvandimwe Karim na Mushambokazi basezeraga ku buseribateri.' Akaba yaranabifurije kuzagira urugo ruhire ndetse bagahirwa muri byose bayobowe n'Imana.

N'ubwo basezeranye muri Mutarama ariko, ibirori byabo byabaye kuwa 05 Kamena 2021 byaririmbyemo Yvan Buravan

Mushambokazi akaba nawe yarashimiye Sheikh kuba yarabanye nabo. Ati 'Sheikh mwarakoze cyane kubana natwe mu gikorwa cyacu cya Nikkah.' Mushambokazi Jordan wari usanzwe usengera mu itorero rya Christian Life Assembly, muri 2020 ubwo yari amaze imyaka 2 amenyanye na Karim yemeye guhindura idini ndetse bafata n'irembo.

Miss Uwicyeza Pamella ni umwe mu bakobwa bagaragiye  Miss Mushambokazi Jordan 

4. Miss Gasana Edna Darlène

Darlene yasezeranye na Ngeze Christian mu birori byabaye kuwa Gatanu tariki 26 Ugushyingo 2021. Umuhango wo gusaba no gukwa wabereye kuri Heaven Garden i Rebero, naho gusezerana imbere y'Imana byabereye muri Chapelle Lycée Notre Dame de Citeaux.

Kuwa 3 Ukwakira 2021, Gasana nibwo yakorewe ibirori byo gusezera ku rungano. Muri Mata 2021, Gasana yari yambitswe impeta n'uyu musore nyuma yo kumusaba ko yazamubera umugore undi nawe akabyemera.

Gasana Edna Darlène ni umwe mu bakobwa bahataniye ikamba rya Miss Rwanda 2015 ryegukanywe na Miss Kundwa Doriane, we yegukana irya Miss Congeniality. Nyuma yo kubura ikamba rya Miss Rwanda 2015, ntiyacitse intege kuko yahise anitabira amarushanwa ya Miss CBE, ndetse aza kuryegukana. Urukundo rwa Gasana ntirwamenyekanye mu itangazamakuru kabone n'ubwo bamaranye igihe kinini. Gasana yarushinze nyuma y'aho we n'umunyamakuru Carine Umutoni batowe muri komite y'Inama y'Igihugu y'Abagore ku rwego rw'Umujyi wa Kigali.

5. Miss Fiona Muthoni NaringwaUbu bukwe bwa Fiona bwabaye tariki 14 Kanama 2021, ku mucanga wa Rushel Kivu Lodge Hotel. Ni ubukwe bwatashywe n'abantu bake b'inshuti z'aba bombi ndetse nta muntu n'umwe mu bari baburimo wari wemerewe gusakaza amafoto, n'ubwo byaje kurangira agiye hanze.

Bwabaye nyuma y'aho ku wa Gatatu tariki 11 Kanama 2021, Rutura na Miss Muthoni Fiona bari basezeranye imbere y'amategeko. Uyu muhango wo gusezerana imbere y'amategeko nawo wari wagizwe ibanga rikomeye, ndetse amafoto n'amashusho yafashwe n'ababyishyuriwe bari bafite amabwiriza yo kutagira n'imwe ibacika.

Uretse aba, abari batumiwe muri uyu muhango nabo bari basabwe kudafata amafoto cyangwa amashusho ngo bayasakaze ku mbuga nkoranyambaga. Muri Mutarama uyu mwaka, nibwo umunyarwenya Nkusi Arthur yemeye ko akundana n'umunyamakuru wa CNBC Africa, Fiona Muthoni Naringwa.

Fiona yabaye Igisonga cya Gatatu cya Nyampinga w'u Rwanda 2015, aba n'Igisonga cya Mbere cya Miss Africa Calabar 2017,. Urukundo rw'aba bombi rwari rumaze igihe, ariko baragerageje kurugira ibanga rikomeye.Ubukwe bwa Fiona na Arthur bwabereye ku mazi

Bwa mbere abanyarwanda bumva ijambo irushanwa rya Nyampinga w'u Rwanda, hari mu mwaka wa 1993. Icyo gihe ikamba rikaba ryaregukanwe na Dalila Uwera. Imyaka yaje kunyuraho ari myinshi kubera impamvu nyinshi, zirimo na Jenoside yakorewe abatutsi mu 1994.

Ubwo ryongeraga gusubukurwa hari mu mwaka wa 2009, nibwo ubuzima bw'ibijyanye n'imyidagaduro ariko n'ibintu by'uruzungu byari bitangiye kuzamuka cyane, maze nyuma y'imyiyereko no guhatana kuwa 19 Ukuboza 2009, ryegukanwa na Bahati Grace.

Ibirori byabereye i Gikondo ahabera imurikagurisha, aho irushanwa ryitabiriwe n'abakobwa 13 barimo Michele Iradukunda usigaye ari Umunyamakuru w'Ikigo cy'Igihugu cy'Itangazamakuru, akaba n'Umuyobozi wa Magic FM;

Harimo kandi Winnie Uwanyuze, Carine Rusaro Utamuliza, Winnie Ngamije, Ritah Uwera, Vanessa Liliane Umuhoza, Géraldine Umutoni Karanganwa, Peace Umugwaneza, Fiona Ruboneka, Alice Kayumba Uwambaye, Annuarite Uwera, Cynthia Rupari na Grace Bahati ari nawe waryegukanye.

Uretse Grace Bahati wegukanye ikamba rya Miss Rwanda 2009,  Carine Rusaro ni we wabaye igisonga cya mbere na Winnie Ngamije wabaye igisonga cya kabiri. Akanama Nkemurampaka ka Miss Rwanda 2009 kari kagizwe n'abantu batanu barimo Sonia Rolland Uwitonze, wabaye Miss France mu mwaka wa 2000.

Ibirori bisoza iryo rushanwa byasusurukijwe na Meddy na The Ben, abahanzi bari bagezweho icyo gihe mu Rwanda n'ubu kandi bari mu bayoboye, ndetse na Liza Kamikazi usigaye aririmba muri Gospel.

 Kuva iri rushanwa rya Nyampinga ryakongera gusubukurwa, hagiye habaho ba Nyampinga banyuranye barimo Bahati Grace, Kayibanda Aurore (2012), Colombe Akiwacu (2014), Kundwa Doriane (2015), Mutesi Jolly (2016), Iradukunda Elsa (2017), Iradukunda Liliane (2018), Nimwiza Meghan (2019), Nishimwe Naomie (2020) na Grace Ingabire (2021) ari nawe wambaye ikamba ubungubu.Miss Grace Bahati ari kumwe na Miss Sonia RollandIgisonga cya Miss Rwanda 2009, WinnieAbakobwa b’uburanga bitabiriye bahataniye ikamba rya Nyampinga w’u Rwanda 2009Baserutse mu myambaro igaragaza imiterere yaboMichelle Iradukunda usigaye ari mu banyamakurukazi bakomeye akaba n’Umuyobozi wa Magic FM, ni umwe mu bitabiriye irushanwa rya Miss Rwanda 2009Abari bagize Akanama Nkempurampaka ka Miss Rwanda 2009The Ben ku rubyiniro rwa Miss Rwanda 2009MeddyAbashyushyarugambaga Byari ibirori byitabiriwe cyaneLisa Kamikazi n’ababyinnyi be bari mu basusurukije ibirori bya Miss Rwanda 2009

  

Ni igikorwa cyabaye ku gicamunsi cyo kuri uyu wa kane taliki ya 23 Ukuboza 2021, aho ababyeyi n'abana bashyikirijwe ifu y'igikoma mu rwego rwo gusangira Noheli nk'uko Gatsinzi Gloria umuyobozi wa Care and Help Child Organization wateguye iki gikorwa yabitangarije InyaRwanda.com. 

Gatsinzi yavuze ko bafasha abana 500 ariko icyifuzo cyabo aba ari ugufasha abarenze kuri abo ndetse no mu bindi bihugu byo muri Afurika bakagerayo.

Yagize ati “Igikorwa cyaduhurije hano, tuje guhereza abana imwe muri Product za Africa Improved foods, twazanye na Africa improved foods nyine hamwe n'abakozi babo hamwe na Miss Rwanda 2019, Nimwiza Meghan twaje kureba abana dusanzwe dufasha.

Hashize imyaka itatu mbafasha, nanjye natangiye nkiri muto natangije ibihumbi 19, 500. Mu rugo bampaye amafaranga yo gusukisha noneho njya muri salon barawuringaniza gusa ahubwo ayongayo abariyo ntangirana kubafasha.''

Grolia yakomeje avuga ko iki ari kimwe mu bikorwa amaze imyaka itatu akora kandi hari impinduka zigaragara; nk'imvugo ahuriza hamwe n'ababyeyi b'aba bana bagiye bafashwa kugira ngo abana babo bige nta kiguzi.

Miss Nimwiza Meghan umuvugizi wa Miss Rwanda akaba ari nawe wari uyihagarariye, yabwiye InyaRwanda.com ko nka Miss Rwanda ndetse na Rwanda ‘Improved Foods’ batekereje gufatanya na Gloria kubera ko babonye ibikorwa akora ari iby'ubumuntu.

Gusa Miss Meghan yirinze kugira byinshi avuga kubijyanye n'inkuga cyangwa imikoranire bafitanye na Care and Help Child Organization, ariko avuga ko biteguye kubafasha no gufatanya n'abandi bafite ibikorwa nk'ibi kandi bifite icyo bimariye sosiyete nyarwanda.

Ifu ya Africa Improved Foods (AIF) yatanzwe ku bana 500 n’uruganda rukomeye rwanegukanye igihembo cy'indashyikirwa mu gukora ishoramari ryagize akamaro mu 2017, iyi fu ikaba yanatanzwe mu rwego rwo kwifatanya n'aba bana kwizihiza Noheli.

Gatsinzi Grolia umuyobozi wa Care and Help Child Organizarion

Ifu yatanzwe ni iyo muri Rwanda improved foods

Uyu mubyeyi abana be bamaze imyaka itatu bishyurirwa amashuri

Miss Nimwiza Meghan na Gatsinzi Gloria bashyikiriza umubyeyi w’abana ifu y’igikoma

Umunyamakuru akaba n’umunyarwenya, Nkusi Arthur yasezeye kuri Kiss FM yandikiyeho izina mu itangazamakuru.

Uyu mugabo wakoraga mu kiganiro cya mu gitondo ari kumwe na Sandrine Isheja cyitwa “Breakfast With Stars”, yavuze ko umunsi w’ejo ari wo wa nyuma.

Mu butumwa yanyujije ku rukuta rwe rwa Twitter, yavuze ko imyaka 10 yari amaze mu itangazamakuru ihagije kugira ngo abe yafata akaruhuko.

Ati “sinigeze ntekereza ko uyu munsi nabasingiza aya makuru. Ejo tariki ya 24 Ukuboza uzaba ari wo munsi wa nyuma numvikana kuri Kiss FM. Ngiye gufata ikiruhuko cyo gukora kuri Radio. Imyaka 10 itambutse yari agatangaza.”

Uyu mugabo uheruka gukora ubukwe n’igisonga cya 3 cya Nyampinga w’u Rwanda 2015, Muthoni Fiona, yanakoreye Royal TV.

Muri 2004 yagiye mu iserukiramuco rya Mashiriki ryabereye mu Bwongereza aho yari umukinnyi w’ikinamico, yitabiriye Big Brother Africa 2014, uretse ibi kandi ni umukinnyi wa filime aho yakinnye nk’iyitwa “Shooting Dogs” na “Shake Hands with the Devil”.

Hey guys,
I never thought today would be the day I share this news.
Tomorrow 24th Dec will be my last day on air at Kiss Fm. I am taking a break from radio.
The past 10 years have been amazing.

Cheers pic.twitter.com/hsAj0n21Jq

— Arthur (@ArthurNkusi) December 23, 2021

Mu itangazo rigenewe abanyamakuru bashyize ku mbuga nkoranyambaga, bavuze ko Nyampinga w'Isi azamenyakana mu birori bizaba tariki 16 Werurwe mu muhango uzabera ahitwa José Miguel Agrelot Coliseum, muri Puerto Rico.

Iri rushanwa ryasubitswe habura amasaha macye ngo hatangazwe umukobwa wegukanye ikamba rya Miss World 2021. Abakobwa uko ari 116 bari bamaze guhatana mu duce twose tw'iri rushanwa, turimo nka 'Head to head challenge' n'utundi.

Ubwo ryasubikwaga, Umuyobozi wa Miss World Organisations, Julia Morley yavuze ko abakobwa bagaragaweho Covid-19 'batabasha kwitabira uyu muhango, Akanama Nkemurampaka kifashisha amashusho y'ukuntu yagiye yitwara mu duce yahatanyemo.'

Mu itangazo ryasohotse, abategura iri rushanwa ntibigeze bavuga niba abakobwa bazasubira mu bihugu byabo hanyuma muri Werurwe 2022 bagasubira guhatanira ikamba.

Abategura Miss Rwanda babwiye INYARWANDA, ko Miss Ingabire Grace agomba kugaruka mu Rwanda mu minsi iri imbere, hanyuma muri Werurwe akitegura akongera gusubira muri Teritwari ya Puerto Rico guhatanira ikamba rya Miss World.

Ni ku nshuro ya 70 iri rushanwa rigiye kuba. Kuri iyi nshuro, umukobwa uzatorwa azasimbura umunya-Jamaica Toni-Ann Singh waciye agahigo ko kuba Nyampinga w'Isi igihe kirekire, kuko agiye kumara imyaka ibiri abitse iri kamba.

Uyu mukobwa ni umwe mu bahase ibibazo ba Nyampinga bahataniye ikamba rya Miss World, kandi mu bihe bitandukanye yagiranye nabo ibiganiro.

Miss Ingabire Grace agomba kugaruka mu Rwanda, akazasubira muri Puerto Rico guhatanira ikamba rya Miss World

Miss Ingabire Grace ari kumwe na Karolina Vidales wabaye Nyampinga wa México 2021

Imyitwarire ya Ariel Wayz iri muyibazwaho na benshi bitewe nuko uburyo akora umuziki biba binyuranye cyane n'ibisanzwe bikorwa n'abandi Banyarwanda, aho kenshi yifashisha umubiri we mu kureshya abafana.

Mu kiganiro INYARWANDA yagiranye na Ariel Wayz, yatangaje uko ababyeyi bafata imikorerwe y'umuziki we.

Ati:'Ababyeyi banjye barashyigikira cyane, baranyumva, njyewe kuva natangira umuziki nibo bantera imbaraga ba mbere, nibo batuma mbyuka nkavuga nti ‘mvuye muri  iki, ngiye gukora iki, kandi nkareba ibifitiye akamaro umuryango wanjye kandi ndabakunda cyane.'

Izina Wayz ryatangiye kumvikana cyane muri Nyakanga 2021 ubwo yagaragaraga mu mashusho mato ari kumwe na Juno Kizigenza, ababonye aya mashusho bakamwibasira bavuga ko  ibere rye ryabaye imishumi nawe agahamya ko atari byo ahubwo ari irya Bigogwe.

Mu minsi micye ishize ubwo yiteguraga gushyira hanze indirimbo zihuriye hamwe kuri EP yise 'Love&Lust' yashyize ku karubanda amabere yombi na bimwe mu bice by'umubiri we, mu nteguza y’iyi EP, abantu bongera kumwamaganira kure.

Avuga ko impamvu yabikoze ari uko adatewe isoni n’amabere ye nkuko bamwe bavugaga ko yabaye imishumi  ndetse ko no munda he ngo habaye hanini.

Mu mashusho mato yashyize hanze ateguza indirimbo yakoranye n'umuhanzikazi Babo, ntabwo yongeye kwifashisha umuvuno w'umubiri aho agaragara ari kumwe n'abakobwa bazunguza umubiri kakahava by'umwihariko ikibuno.

Kuri ubu, Ariel Wayz akomeje kugenda ashyira amashusho y'indirimbo ziri kuri EP ye yitwa 'Love&Lust' aho iyo aheruka gushyiririra amashusho hanze hari kuwa 18 Ukuboza 2021 ari iyitwa 'Chamber'.

Ariel Way amabere ye yayashyize ku karubanda ubwo yamamazaga EP ye Wayz ibere rye yemeje ko ari irya bigogweAriel Wayz ahamya ko ibyo akora ari ku bw’inyungu z’umuryango we kandi umwumva ukanamushyigikira muri byose

Umunsi wa 10 wa shampiyona y’icyiciro cya mbere mu Rwanda umwaka w’imikino 2021-22 usize Kiyovu Sports ikiyoboye urutonde rwa shampiyona, ni mu gihe AS Kigali na Jimmy Mulisa amanota 3 yabuze.

Kuri uyu wa Gatanu nibwo hakinwaga imikino ya nyuma y’umunsi wa 10 aho yabimburiwe n’uwo AS Kigali yakiriyemo Gasogi United.

Wari umukino wa mbere w’umutoza Jimmy Mulisa nyuma y’uko Eric Nshimiyimana yirukanywe ku mirimo yo gutoza AS Kigali kubera umusaruro muke.

Jimmy Mulisa ntabwo yatangiye neza kuko atabonye amanota 3 yuzuye kuko yanganyije na Gasogi United.

Ni umukino amakipe yombi yanganyije 1-1. AS Kigali niyo yabanje gufungura amazamu ku munota wa 22 gitsinzwe na Shabani Hussein ku mupira yari ahawe Biramahire Abeddy. Cyaje kwishyurwa na Heron ku munota wa 30 kuri penaliti.

Hahise hakurikiraho umukino wahuje Kiyovu Sports na Rutsiro FC warangiye Kiyovu Sports itsinze 1-0.

Ni igitego cyatsinzwe na Bigirimana Abedi ku munota wa 10 ku mupira mwiza yari ahawe na Muzamir Mutyaba.

Abedi aba yatsindiye Kiyovu Sports igitego cya kabiri ariko ntiyabasha kwinjiza penaliti yo ku munota wa 15 ku ikosa ryari rimukorewe.

Rutsiro FC yashatse uburyo yishyura iki gitego biranga ni mu gihe na Kiyovu Sports yagiye ibona andi mahirwe ariko ntiyayabyaza umusaruro umukino urangira ari 1-0.

Undi mukino ni uwo Bugesera FC yatsindiwe na Espoir FC i Rusizi ibitego 3-1, ndetse amakuru avuga ko n’umutoza Mbarushimana Abdou yahise asezererwa.

Indi mikino yabaye ejo APR FC yanganyirije i Ngoma na Etoile del’Est 2-2, Mukura VS yatsinze Gorilla FC 1-0, Musanze FC yatsinze Marines 5-1 ni mu gihe Etincelles yatsinze Gicumbi FC 2-0.

Kugeza ubu Kiyovu Sports niyo iyoboye urutonde n’amanota 23, Rayon Sports ifite 18 AS Kigali na APR FC zifite 17.