Blog

Bamwe muri uwo rubyiruko bahawe ibikoresho, bahamya ko bigiye kubafasha gushyira mu bikorwa ibyo bize kandi bagiye guhindura amateka baharanira kwiteza imbere n'imiryango yabo.

Mukamugisha Olive wo mu Murenge wa Kisaro, ni umwe muri bo wize umwuga w'ubudozi akaba yahawe imashini idoda.

Yavuze ko yakiriye neza ibikoresho yahawe, agashimira abayobozi bahora batekereza ku iterambere ry'abaturage ntawe uhejwe.

Yagize ati”Aya mahirwe mbonye ngiye kuyabyaza umusaruro kuko twari dukennye cyane ariko ngiye kujya ndoda kuko nabyize mbikore neza niteze imbere. Ndateganya kugura inka no kubakira iwacu kandi nzabigeraho mu myaka ibiri.”

Gahamanyi Protais we yafashijwe kwiga ubwubatsi muri TVET ya Kisaro. Yavuze ko ari amahirwe adasanzwe yagize yo kwiga umwuga ku buntu, ibintu we atiyumvishaga kuko umuryango akomokamo utari ufite amikoro yo kuba yamurihira ishuri ry'imyuga ariko akaba yarawize agahabwa n'ibikoresho agiye gutangiriraho akoresha.

Yagize ati 'Nk'urubyiruko rwari ruri mu cyiciro cya mbere cy'ubudehe nafashijwe kwiga ubwubatsi ndarangiza none mpawe n'ibikoresho, ngiye kujya ngerageza kwizigamira kuyo nzajya nkorera yose kuko iri ni itangiriro ry'ubuzima. Ndateganya gukura umuryango wanjye mu cyiciro cya mbere cy'ubudehe tukajya mu cya gatatu.”

Umuyobozi w'Akarere ka Rulindo wungirije ushinzwe imari, ubukungu n'iterambere, Mutsinzi Antoine, yasabye urubyiruko rwahawe ibikoresho kwirinda kubigurisha cyangwa kubibika, ahubwo bakabikoresha imyuga bize bityo bikabafasha kwiteza imbere no guteza imbere imiryango yabo.

Yagize ati 'Ibi bikoresho mwahawe mugomba kubirinda mukabifata neza, mwirinde kubigurisha ahubwo mubikoreshe mubibyaze umusaruro mubihuze n'ubumenyi mwahawe bibafashe kwiteza imbere n'imiryango yanyu.'

' Ibyo mwize muzabikore kinyamwuga mwirinda ingeso mbi zo guhemuka zagiye ziranga abafundi n'abadozi kuko zabateranya n'ababagana bityo mugatakaza abakiliya ku mpamvu zibaturutseho.”

Urubyiruko 221 rwahawe ibikoresho, ni abo mu miryango yo mu cyiciro cya mbere cy'ubudehe rwafashijwe kwiga imyuga yo guteka, gutunganya imisatsi, kubaka no kudoda byatwaye ingengo y'imari isaga miliyoni 30, hatabariwemo amafaranga yagiye mu kubigisha imyuga itandukanye bize, harimo 56 bize ubwubatsi, 3 bize gutunganya imisatsi, 3 bize guteka na 159 bize ubudozi.

Abize ubwubatsi bahawe ibikoresho by'ibanze birimo imbaho y'amazi, umwiko, inyundo y'imisumari n'iy'amabuye, metero, dekametero, urukero, umukotezo n'ibindi.

Abize gutunganya imisatsi bahawe imashini zogosha, ingofero zumutsa imisatsi, ibikoresho byifashishwa mu gusokoza imisatsi y'abagore n'abakobwa, ibikoresho byo gutunganya inzara, utubati n'intebe byo gushyira aho bazakorera n'ibindi bijyanye no gutunganya imisatsi.

Abize guteka bashyikirijwe gazi n'amashyiga yayo, amasafuriya, ipanu, amasahani, ibiyiko n'amakanya, ibikombe, ameza, intebe zo kwicazaho abakiriya n'ibindi bikoresho byo muri resitora mu gihe abize ubudozi bo bashyikirijwe imashini idoda, ipasi, imakasi, intebe yo kwicaraho badoda n'ibindi.

Bamwe mu bafashijwe bahawe imashini

Biyemeje kubyaza umusaruro ibikoresho bahawe, biteza imbere

Kuri uyu wa gatandatu tariki 5 Mutarama, nibwo Majyambere Alype yasezeranye kubana akaramata na Ineza Alice. Majyambere Alype w’imyaka 27 ni umwe mu bakinnyi banyuze mu irerero rya FERWAFA, ndetse akaba yarageze muri Rayon Sports mu 2013 ariko ntiyabona umwanya uhagije wo gukinira iyi kipe. Mu 2017, Majyambere Alype yagiye muri Musanze FC ayivamo mu 2019.

Nyuma yaho, Majyambere Alype yasezeye ku mupira w’amaguru atangira kwikorera ku giti cye, aho kuri ubu ari umucuruzi mu Karere ka Kicukiro.

Majyambere Alype yari yasezeranye imbere y'amategeko, umwaka ushize mu Ugushyingo.

Ikoreshwa rya Tik Tok ry’imfura ya Kanye West na Kim Kardashian ryazamuye umwuka mubi hagati yabo, nyuma y'aho uyu muraperi atangarije ko atishimiye kubona umwana we akoresha urubuga rwa Tik Tok atamuhaye uburenganzira. Ibi byatumye hagati ya Kim Kardashian, umunyamideli kabuhariwe na Kanye West Ye hazamo umwuka mubi wabyaye intambara y’amagambo ku mbuga nkoranyambaga, aho bose bari kubwirana amagambo akakaye biturutse ku kuba imfura yabo ikoresha Tik Tok.

Umwuka mubi wongeye kuza hagati ya Kim Kardashian n’uwahoze ari umugabo we Kanye West, ubwo uyu muraperi yandikaga kuri Instagram agira ati”Kuva iyi ari gatanya yanjye ya mbere, nkeneye kumenya icyo nakora ku mukobwa wanjye uri kuri Tik Tok ntabishaka”. Kanye West akimara kwandika ibi, byatumye Kim Kardashian nawe amusubiza avuga ko adakwiye guhangayikishwa n’imfura yabo North West uri kuri Tik Tok, ahubwo ko we yagahangayikijijwe n’ibindi.

Mu magambo menshi maremare Kim Kardashian yanditse asubiza Kanye West umushinja gushyira imfura yabo kuri Tik Tok atamusabye uburenganzira, yagize ati”Kanye unyibasira mu biganiro agirana n’itangazamakuru no ku mbuga nkoranyambaga, nibyo bibabaje cyane kurusha North ukoresha Tik Tok. Nk’umubyeyi wita ku bana bane bacu, nkora ibishoboka nkarinda umukobwa wacu mu gihe mwemereye gukora ibyo ashaka kuko bimushimisha. Gatanya irakomeye ubwayo wongeyeho na Kanye ushaka kunsebya, no kwerekana ko ntari umubyeyi mwiza. Kuva twatandukana nifuzaga ko twatandukana mu buryo bwiza, gusa Kanye akomeje kubigira ibidashoboka”.

Ikinyamakuru Hollywood Life cyatangaje ko nyuma y'aho Kim Kardashian asubirije Kanye West byatumye uyu muraperi ahita atangaza ko ibyo Kim avuze atari we ubivuze cyangwa ngo abyitekerereze, ahubwo ko ari umwavoka we Tracy Romulus ubimwandikiye. Kanye West kandi yakomeje agira ati”Njyewe icyo nshaka kumenya ni kubera iki umwana wanjye w’imyaka 8 akoresha Tik Tok kandi atarageza igihe?”. Yakomeje agira ati”Urasobanura iki uvuga ko ari wowe wita kubana? Amerika yakubonye ugerageza gushimuta umwana wanjye ukanambuza kuza kwizihiza isabukuru ye. Washyizeho abarinzi ubwo nazaga gukina n’umuhungu wanjye, urangije umbeshyera kwiba no gukoresha ibiyobyabwenge”.

Ibi kandi byakurikiwe no kwerekana amabwiriza ya Tik Tok aho Kanye West yayasangije abamukurikira kuri Instagram, akabereka ko nta mwana wemerewe gukoresha uru rubuga.

Ikinyamakuru People Magazine cyatangaje ko kugeza ubu Tik Tok yabaye ihagaritse account ya Kim Kardashian yakoreshwaga na North West, nyuma y'aho Kanye West agaragarije ko kuba umwana we akoresha uru rubuga bihabanye n’amabwiriza yabo. Iyi ntambara y’amagambo yavutse hagati ya Kanye na Kim, ibaye nyuma y'uko bari baherutse kugira ikibazo aho Kanye yangiwe kwitabira isabukuru y’umukobwa we nabyo byavuyemo umwuka mubi.

Abo ni Robert Pires w’imyaka 47 wakiniye Arsenal kuva mu 2000 kugera muri 2006, Ray Parlour w’imyaka 48 wakiniye Arsenal hagati ya 1992 na 2004, n’umunyezamu David Seaman wakiniye Arsenal hagati ya 1990—2003.

Ray Parlour

Aba bose bari mu ruzinduko rw’iminsi itanu aho bazasura ibice bitandukanye bigize u Rwanda birimo pariki ya Nyungwe ndetse n’iy’ibirunga, bikaba biri muri gahunda y’amasezerano u Rwanda rufitanye n’ikipe ya Arsenal muri Gahunda ya Visit Rwanda.

Ray Parlour na Robert Pires

Robert Emmanuel Pires yatsindiye Arsenal ibitego 62 mu mikino 189 yayikiniye

Senegal na Misiri bagiye guhura mu gikombe cya Afurika ku nshuro ya gatanu (5), iyi iraba ari inshuro ya mbere bongeye guhura kuva bahurira muri ½ cy’igikombe cya Afurika mu 2006, Misiri yanagitwaye icyo gihe itsinda Senegal ibitego 2-1.

Mu nshuro enye (4) amakipe yombi aheruka guhura, buri kipe yatsinzemo imikino ibiri (2) mu gihe kandi muri izo nshuro enye(4) eshatu zose zagiye zirangira intsinzi ari igitego 1-0 ku ruhande rwatsinze (mu 2000 Misiri yatsinze Senegal 1-0, Senegal itsinda Misiri 1-0 mu mwaka wa 1986 na 2002).

Misiri igiye gukina umukino wa nyuma w’igikombe cya Afurika ku nshuro ya cyenda (9), aho iheruka kuwutsindirwaho na Cameroon mu 2017 ibitego 2-1, nta yindi kipe yari yakina inshuro nyinshi umukino wa nyuma kurusha Misiri, kuri ubu inganya n’ikipe y’igihugu ya Ghana nayo imaze gukina umukino wa nyuma inshuro icyenda (9).

Senegal igiye gukina umukino wa nyuma w’igikombe cya Afurika ku nshuro ya gatatu (3), aho muri 2002 na 2019 ihaheruka yahatsindiwe, mu gihe kandi Senegal ariyo kipe ya mbere igiye gukina umukino wa nyuma ku nshuro ya kabiri (2), yikurikiranya kuva mu 2010. Misiri bagiye gukina yabikoze mu 2006, 2008 na 2010, ariko yo itwara n’igikombe.

Senegal ishaka gutwara igikombe cya Afurika ku nshuro ya mbere (1) mu nshuro 16 bamaze gukina iri rushanwa, nta yindi kipe yari yakina igikombe cya Afurika inshuro nyinshi itari yatwara igikombe uretse Senagal.

Ikipe y’igihugu ya Misiri mu gikombe cya Afurika 2021, igeze ku mukino wa nyuma mu mikino itatu (3) yikurikiranya kuva mu mikino ya 1/8 kugera muri ½, yarasozaga umukino ikinnye iminota 120 (90 isanzwe na 30 y’inyongera), amakipe yombi yasoje iminota isanzwe anganya.

Ikipe ya Tunisia niyo yonyine yakinnye imikino 4 yikurikiranya yo gukuranwamo ikina iminota 120 hagati ya 2006 na 2015, ariko yose yo ikarangira itsindiwe muri ¼, aho inshuro eshatu (3) yatsindiwe mu minota 30 y’inyomgera, mu gihe batsindiwe kuri penaliti inshuro imwe (1).

Senegal imaze gutsinda imikino 11 mu bikombe bya Afurika bitatu (3), 2017, 2019 na 2021, niyo kipe yonyine yatsinze imikino myinshi kurusha izindi muri ibyo bikombe, mu gihe kandi barangije imikino 12 batinjijwe igitego muri icyo gihe.

Senegal yatsinze ibitego icyenda (9) mu mashoti 81 bateye mu gikombe cya Afurika 2021, Cameroon niyo gusa yatsinze ibitego byinshi aho yatsinze ibitego 11 mu mashoti 91, ikaba ariyo gusa irusha ikipe y’igihugu ya Senegal mu irushanwa ry’uyu mwaka, mu gihe ikipe y’igihugu ya Misiri yatsinze ibitego bine (4) mu mashoti 76.

Kuva mu gikombe cya Afurika 2017, Mohamed Salah yagize uruhare mu mashoti 68 ya Misiri imbere y’izamu, aho yateyemo 41 akarema uburyo 27, Wahbi Khazri ukomoka muri Tunisia niwe wenyine umurusha, aho yagize uruhare mu mashoti 70 atera 40 akarema uburyo 30.

Sadio Mane wa Senegal na Mohamed Salah wa Misiri basanzwe bakinira Liverpool, uyu mugoroba baraba bahanganye

Sadio Mané amaze kugira uruhare mu bitego icyenda muri 14 Senegal iheruka gutsinda mu gikombe cya Afurika, atsindamo ibitego bitandatu (6), atanga n’imipira itatu (3) yavuyemo ibitego ku kigero cya 64% mu gihe kandi mu mikino itatu (3) iheruka muri iki gikombe cya Afurika 2021, yatsinzemo ibitego (2) atangamo imipira ibiri (2) yavuyemo ibitego.

Ibyo bivuze ko mu gihe yaramuka agize uruhare mu gitego muri uyu mukino wa nyuma, agatsinda cyangwa agatanga umupira uvamo igitego, yahita aba umukinnyi wa mbere mu gikombe cya Afurika, ugize uruhare mu gitego mu mikino ine (4) yikurikiranya mu gikombe cya Afurika.

Ikipe y’igihu ya Misiri igeze kuri final nyuma yo gusezerera Cameroon, yakiriye irushanwa muri ½ iyitsinze kuri penaliti 3-1, nyuma y’uko umukino urangiye amakipe yombi anganyije 0-0. Senegal yo igeze aha, mu gihe muri ½ yarasezereye ikipe y’igihugu ya Burkina Faso iyitsinze ibitego 3-1.

Abafite abana bagaragayeho imirire mibi bahawe inkoko

Ni gahunda yatangiriye mu Murenge wa Mbogo tariki 03 Gashyantare 2022, ikazagera hose mu mirenge igize ako karere, aho ababyeyi bose bafite abana bari mu mutuku bahabwa inkoko.

Umuyobozi w’akarere ushinzwe imibereho myiza y’abaturage, Mutaganda Théophile, arasaba abahabwa ayo matungo kuyitaho akazabafasha muri gahunda yo gukemura ikibazo cy’abana bagaragayeho ikibazo cy’imirire mibi.

Izi nkoko ni izizabafasha mu kugaburira abana indyo yuzuye

Muri icyo gikorwa cyo gushyikiriza iyo miryango inkoko, abaturage barafatanya n’abayobozi gukora umuganda bubaka uturima tw’igikoni, aho batunganya imirima yegereye urugo bagateramo imboga, bakanubaka n’udutanda tugenewe kwanikaho ibikoresho byo mu gikoni, banigishwa gutegura indyo yuzuye.

Mu bushakashatsi bwakozwe n’Ikigo cy’igihugu cy’ibarurishamibare mu Rwanda (NISR), ku mibereho y’abaturage mu mwaka wa 2020-2021, bwagaragaje ko Intara y’Amajyaruguru iza ku isonga, mu kugira umubare munini w’abana bari munsi y’imyaka itanu bagaragayeho ikibazo cy’igwingira, aho bari kuri 41%.

Bafashijwe gutunganya uturima tw’igikoni

Mu turere dutandatu mu gihugu twagaragayemo igwingira rikabije, Intara y’Amajyaruguru ifitemo dutatu, aritwo Musanze, Burera na Gicumbi.

Ni ikibazo gihangayikishije ubuyobozi bw’iyo Ntara, nk’uko babigaragaje mu kiganiro bagiranye n’itangazamakuru rikorera muri iyo ntara, ku itariki 30 Ukuboza 2021, aho Ubuyobozi bw’intara bwasabye ubw’uturere guhagurukira icyo kibazo, ku buryo mu mwaka wa 2024 nk’uko biri muri gahunda y’igihugu, ikibazo cy’igwingira kizaba cyamanutse kikagera kuri 19%.

Ni ikibazo kigarukwaho kenshi na Perezida wa Repubulika, Paul Kagame iyo yahuye n’abayobozi mu nzego zitandukanye, ndetse anakigarukaho ubwo yasozaga amahugurwa yagenewe abagize Njyanama na Komite Nyobozi z’uturere n’umujyi wa Kigali, ku itariki 29 Ugushyingo 2021, aho yabasabye guhagurukira icyo kibazo cya bwaki n’igwingira mu bana.

Hatanzwe n’ihene ku muryango warangwaga n’amakimbirane nyuma abawugize bisubiraho

Yagize ati 'Abana bagwingira, abana barwaye bwaki, abana bavuka bafite icyo kibazo, ari n’ababyeyi babo ubona batameze neza, nabo bakwiye gufashwa, noneho ukibaza ugasanga buri karere usangamo ibyo bibazo'.

Arongera ati 'Usanga mubeshya abantu babatora, murababeshya bamara kubatora mukabagwingiza. Iyo abana bacu bagwingira n’igihugu kiragwingira, ese murifuza ko tuba igihugu kigwingiye?.'

Ni ikibazo gishyizwemo imbaraga na Minisiteri y’Ubutegetsi bw’igihugu (MINALOC), aho no ku itariki ya 03 Gashyantare 2022, iyo Minisiteri yakoze inama yatumiwemo ba Minisitiri n’Abanyamabanga ba Leta bafite mu nshingano icyo kibazo, itegura igenamigambi ry’ibikorwa na gahunda zo kurwanya imirire mibi mu gihugu.

Mohamed Salah arimo gushaka gufasha igihugu cye cyo muri Afurika y’amajyaruguru kongera umuhigo gisanganywe wo kuba cyaratwaye iki gikombe inshuro nyinshi – inshuro zirindwi – ukagera ku nshuro umunani, mu gihe Sadio Mané, mugenzi we bakinana muri Liverpool, yizeye guhesha ikipe ye ya Senegal yo muri Afurika y’uburengerazuba igikombe cyayo cya mbere cya CAN.

‘Les Lions de la Teranga’, nkuko ikipe y’igihugu ya Sénégal yitwa, imaze gutsindwa ku mukino wa nyuma w’iki gikombe ku nshuro ebyiri zombi yawugezeho, mu 2002 no mu 2019, mu gihe ‘Les Pharaons’, ikipe y’igihugu ya Misiri, irimo gushaka kwegukana iki gikombe ku nshuro ya mbere kuva mu mwaka wa 2010.

Nubwo abahanzwe amaso ari aba bakinnyi babiri bakomeye bakina muri shampiyona ya Premier League mu Bwongereza, aya makipe yanyuze mu nzira zitandukanye mu kwerekeza kuri uyu mukino wa nyuma, ukinirwa mu murwa mukuru Yaoundé wa Cameroun.

Ni umukino utangira saa tatu z’ijoro (21h) ku isaha yo mu Rwanda no mu Burundi.

Aba barutahizamu bombi buri umwe muri bo w’imyaka 29 ndetse buri umwe muri bo wamaze gutsinda ibitego birenga 100 muri Premier League – bafashije Liverpool kwegukana igikombe cy’Uburayi cya Champions League cy’umwaka w’imikino wa 2018-2019, nuko umwaka umwe nyuma yaho iyi kipe yegukana igikombe cya shampiyona y’Ubwongereza yari imaze igihe cy’imyaka 30 idatwara.

Amakipe ya Misiri na Sénégal asanzwe azahura mu mukino wo kwisobanura – urimo ubanza n’uwo kwishyura – wo mu kwezi kwa gatatu, wo guhatanira itike yo kwitabira igikombe cy’isi cy’umupira w’amaguru cyo muri Qatar uyu mwaka, ariko ubu habanje guhatanira iki gikombe cy’Afurika.

Mané amaze gutsinda ibitego bitatu ndetse atanga imipira yavuyemo ibindi bitego bibiri bya Senegal muri iri rushanwa, nubwo yagize ikibazo cyo kujegera (guhungabana) mu mutwe mu mukino wa kimwe cy’umunani wayihuje na Cap-Vert (Cape Verde), mu gihe Salah amaze gutsinda ibitego bibiri ndetse agatanga n’umupira wavuyemo ikindi gitego.

Salah yagize ati : “Ni byiza cyane gukina na Senegal nk’ikipe ndetse no gukina na Sadio”.

“Turaba duhanganye ariko nyuma yaho tuzongera dukinane mu ikipe imwe”.

Umutoza wabo muri Liverpool Jurgen Klopp yavuze ko ari “igikorwa gikomeye” kuri aba bakinnyi bombi kuba bageze ku mukino wa nyuma.

Uyu Mudage yongeyeho ati : “Umwe araza kuba yishimye cyane nyuma yaho, undi we atishimye cyane”.

“Biba bigoye kugera ahantu kure nka hariya mu irushanwa. Ni abakinnyi bakomeye cyane kandi igitutu cyari kibariho cyari cyinshi cyane. Bombi bafite amahirwe yo kugera ku kintu gikomeye cyane”.

Mané yari ari mu ikipe ya Senegal yatsinzwe na Algeria igitego 1-0 ku mukino wa nyuma w’iki gikombe mu 2019. Avuga ko ubunararibonye bwa Senegal bwo kuri uwo mukino, buba “ikintu cyiza cy’inyongera” kuri uyu mukino uyihuza na Misiri.

Yagize ati : “Hari abayobozi benshi muri iyi kipe kuko dufite abakinnyi beza cyane benshi ndetse n’abakinnyi benshi bamenyereye. Buri muntu wese arimo gutanga umusanzu”.

Kuri iyi nshuro ya gatatu Cissé biramuhira mu gihe Queiroz adahari ?

Aliou Cissé wahoze ari umukinnyi mpuzamahanga wa Senegal, yatumye iyi kipe iba ku mwanya wa mbere muri Afurika ku rutonde rw’ishyirahamwe ry’umupira w’amaguru ku isi (FIFA) muri iyi myaka itatu ishize, ariko ubu haje ikizamini kuri we cyo gutuma uru rwego yayigejejeho arubyazamo igikombe.

Cissé yabaye mu mikino ya nyuma yombi Senegal imaze gutsindwa, ahusha penaliti y’ingenzi ku mukino wa nyuma na Cameroun mu 2002, ndetse no mu myaka itatu ishize yari kumwe na yo nk’umutoza ubwo yatsindwaga ku mukino wa nyuma mu Misiri.

Uyu mugabo w’imyaka 45 yatangiye gutoza ‘Les Lions de la Teranga’ mu 2015, kandi yemeza ko ikipe ye ifite imitekerereze ikomeye yatuma itsinda uyu mukino ubera kuri Stade Olembé.

Cissé yagize ati : “Nta na rimwe twigeze twegera cyane iki gikombe nkuko bimeze ubu kandi biraba ari urugamba rukomeye”.

“Uyu murimo ushobora kugera gusa ku musozo ari uko uru rungano rutsindiye igikombe, kandi kuva mu 1960 twakomeje gushakisha iki gikombe. Abakinnyi beza cyane babayeho ntibigeze bashobora kucyegukana ariko dufite ukwizera, kandi turahatana”.

Umutoza wa Misiri Carlos Queiroz afite ubunararibonye bwinshi mu kazi k’ubutoza yanatojemo Real Madrid, Portugal na Iran, ndetse mu gihe cy’imyaka itanu akaba yarabaye n’umutoza wungirije Sir Alex Ferguson muri Manchester United.

Ariko uyu mugabo w’imyaka 68 ntatoza uyu mukino, nyuma yuko yeretswe ikarita itukura ku mukino w’iyi kipe na Cameroun muri kimwe cya kabiri – igihano yavuze ko “kirimo gukabya cyane [kurengera cyane] kandi kidashyize mu gaciro”.

Umwungiriza we Wael Gomaa na we yarahagaritswe, mu gihe umunyezamu Mohamed El Shenawy (wagize ikibazo cyo guhinyagara kw’imitsi), myugariro Ahmed Hegazi (wagize ikibazo cyo guhinyagara kw’imitsi) ndetse na myugariro Omar Kamal (wahagaritswe umukino umwe), na bo bataza gukina uyu mukino wa nyuma.

Ivomo:BBC