Blog

Nyuma y’uko perezida wa Kiyovu Sports, Mvukiyehe Juvenal atangaje ko aba yarajuririye ibihano byahawe perezida wa Gasogi United, Kakooza Nkuriza Charles [KNC] kubera kumusebya ariko akabireka kubera ko KNC yamusabye imbabazi, undi yabiteye utwatsi avuga ko nta n’izo ateze kumusaba.

Inama ya Komisiyo ishinzwe imyitwarire muri FERWAFA yateranye ku wa Gatatu tariki ya 19 Mutarama 2022 yasanze Perezida wa Gasogi United bwana Kakooza Nkuriza Charles yarakoze amakosa yo gusebya Perezida wa Kiyovu SC bwana Mvukiyehe Juvenal nyuma y’umukino wahuje Ikipe ya Gasogi United na Gorilla FC.

Komisiyo yamuhanishije gusiba imikino ine (4) n’ihazabu y’ibihumbi ijana (100.000 FRW).

Uyu mukino wabaye tariki ya 17 Ukuboza 2021 ubwo wari urangiye Gasogi United itsinzwe na Gorilla FC, perezida wa Gasogi United yabajijwe niba ataba yagurishije umukino nk’uko bivugwa ko hari abayobozi b’amakipe bagurisha imikino, yasubije ko ibyo byabazwa perezida wa Kiyovu Sports kuko ari we bivugwa ko ubikora.

Mu kiganiro Programme Umufana gitambuka kuri Radio Flash, perezida wa Kiyovu Sports, Mvukiyehe Juvenal yavuze ko aba yarajuririye ibihano byahawe KNC ariko nyuma yo gutanga ikirego KNC yamusabye imbabazi ndetse bakicara bakabiganiraho bagasanga ibyiza ari uko babana mu mahoro.

Aganira n’itangazamakuru ku munsi w’ejo hashize, KNC yavuze ko nta mbabazi yasabye Juneval ndetse ko nta n’izo ateze kumusaba.

Ati “Nabivuze reka nongere mbisubiremo, nta mbabazi nigeze nsaba Juvenal, nta n’izo nanamusaba ku byo yaregeye kuko ni amahomvu.”

Mvukiyehe Juvenal ngo yaretse kujurira kubera ko yiyunze na KNC

KNC avuga ko nta mbabazi yamusabye ndetse ko n’izo azigera amusaba

Umukuru w'Igihugu yatangije uyu mushinga ku wa Gatanu, tariki ya 11 Gashyantare 2022. Yari aherekejwe na Madamu Jeannette Kagame.

Uyu muhango wanitabiriwe n'abanyacyubahiro batandukanye barimo abayobozi mu nzego za Leta, amabanki, abadipolomate bahagarariye ibihugu byabo mu Rwanda n'abo mu nzego z'abikorera by'umwihariko abo mu bwubatsi.

'Bwiza Riverside Homes' ni umushinga uhuriweho n'Ikigo cy'Abanyamerika kizobereye mu by'Ubwubatsi cya ADHI Corporate Group na Guverinoma y'u Rwanda.

Mu Ugushyingo 2020, ni bwo u Rwanda rwasinyanye amasezerano n'Ikigo ADHI Rwanda Ltd, yo gushyira mu bikorwa uyu mushinga uzakorwa mu byiciro bitanu.

Icyiciro cya mbere cyawo cyaratangiye ndetse inzu zirindwi zamaze kuzura. Ni zo zatangirijweho ku mugaragaro uyu mushinga witezweho guhindura imiturire mu Mujyi wa Kigali.

ADHI Rwanda Ltd ni ishami ry'ikigo cyatangijwe na Soleman Idd, uzobereye mu bijyanye n'ubwubatsi bukoresha ikoranabuhanga rigezweho kandi rihendutse.

Perezida Kagame yavuze ko yamenyanye na Soleman Idd amubwira ku ikoranabuhanga rikoreshwa mu myubakire ariko amwereka ko akeneye igihe cyo kumenya ibyo akora.

Yagize ati 'Ni uko yatangije ubu buryo mu kutwereka igishoboka. Mu gukomeza kumwizera, twageze aho dufite ikintu gifatika twaheraho ngo ikibazo tumaranye igihe gikemuka. Iyi ni intangiriro, haracyari akazi kenshi.''

Umukuru w'Igihugu yavuze ko hagikenewe guhugurwa abantu, gutunganya ibikoresho n'ibindi bituma iyo mikorere ikomeza.

Ati 'Kubona inzu zihendutse, zirambye ndetse zubatswe hakoreshejwe ibikoresho gakondo, ntekereza ko ari kimwe mu bikeneye guhurizwa hamwe.''

Yijeje uyu mushoramari ko Leta y'u Rwanda izaba umufatanyabikorwa w'imena.

Ati 'Intego ni ukwihutisha ibikorwa, nka Guverinoma tuzakora ibishoboka byose twifashishije ubushobozi dufite mu gufasha abaturage bacu kubona inzu ziciriritse, zikenewe na benshi. Uyu munsi twabonye igishoboka, tuzakomeza kukigumaho.''

'Dufite abafatanyabikorwa benshi bashaka gufasha Leta gutuza abaturage bacu. Ntekereza ko babonye igishoboka muri ubu buryo [bw'imyubakire], muri iyi mikoranire ntekereza ko twagera kuri byinshi.''

Perezida Kagame yatangije umushinga wa miliyari 100 Frw wo kubaka inzu ziciriritse i Karama mu Karere ka Nyarugenge

Ku Isi hose hakenewe nibura inzu miliyoni 300 bitarenze 2030 mu kugabanya icyuho cy'abazikeneye biganje mu bihugu birimo ibyo Munsi y'Ubutayu bwa Sahara na Aziya y'Amajyepfo. Ni isoko ryose rifite agaciro ka miliyari 17.000$.

Umuyobozi Mukuru akaba n'uwashinze ADHI, Soleman Idd, yavuze ko bashimye kwinjirira mu Rwanda mu gushaka umuti w'icyo kibazo.

Yakomeje ati 'Bizakenera kubaka inzu zihendutse, zitekanye kandi zishobora kubonwa na benshi, zitangiza ibidukikije kandi zubatse ku butaka bwiza.''

Yavuze ko bafite ibisubizo byahangiwe imbere ku Mugabane wa Afurika kandi bikeneye kubyazwa umusaruro.

Ati 'Twiteguye gukora kuko Guverinoma y'u Rwanda yagennye ibikenewe byose ngo dukore neza. Turabona ibikorwa, si amagambo. Twabonye ubufasha bw'ibikoresho n'ubujyanama.''

Umujyi wa Kigali ukomeje kwaguka no kumenyekana mu bwiza bitewe n'isuku iwurangwamo haba mu biwukikije n'inyubako zizamurwa buri munsi.

Binyuze muri uyu mushinga, umwaka wa 2023 uzarangira izigera kuri 245 zimaze kubakwa mu cyiciro cyawo cya mbere.

Nyuma y'ibyiciro bitanu, uzubakwamo inzu 2.270. Ibiciro byazo biri hagati ya miliyoni 16 Frw na miliyoni 35 Frw bitewe n'ingano yazo.

  Umushinga washowemo miliyari 100 Frw

Umuyobozi wa AHDI, Hassan Hassan, yavuze ko 'umushinga wose washowemo miliyoni 100$', ni ukuvuga akabakaba miliyari 100 Frw.

Yakomeje ati 'Leta yaduhaye ubutaka, ndetse idufasha mu kutwegereza ibikorwaremezo birimo imihanda, amazi n'amashanyarazi.''

Inzu ziri muri uyu mushinga zizamurwa hifashishijwe ikoranabuhanga rituma zibungabunga ibidukikije, ntizangize ikirere, zifite uburyo bwo kubyaza umusaruro ibikoresho byakoreshejwe n'ibindi.

Hifashishwa ibikoresho bitandukanye birimo ibikoze mu biti, ibyuma na sima. Muri byo 70% bikorerwa imbere mu gihugu.

Inzu zubatswe ziri mu cyiciro cy’iziciriritse

Umuyobozi Mukuru w'Urwego rw'Igihugu rw'Iterambere, RDB, Akamanzi Clare, yavuze ko u Rwanda rwishimiye ikoranabuhanga rishya rituma inyubako zihendutse ziyongera.

Ati 'Bakoresha ibikoresho birimo isima nke iri mu bituma kubaka bihenda. Bakabikora vuba. Iyo ugabanyije igihe, unagabanya umushahara utanga ku bakozi kuko bubaka mu gihe gito bigatuma zidahenda. Ni n'igisubizo ku kubungabunga ibidukikije.''

Akamanzi yavuze ko bizeye ko muri uyu mushinga bizakemura ikibazo cy'imiturire, ikarushaho kunoga birushijeho.

Ati 'Twabikozeho by'igihe kirekire, mu kugabanya igiciro cy'inzu zubakwa ku buryo n'uhembwa 350.000 Frw yagura iye.''

Uyu mushinga uzoroshya uburyo bwo gukorana n'amabanki ku buryo uhembwa hagati ya 200.000 Frw na miliyoni 1.2 Frw yagura inzu ye.

Banki izaba ishobora gutanga inguzanyo izishyurwa ku nyungu itarenga 12% [mu gihe isanzwe itangirwa kuri 18%], ishobora kwishyurwa kugeza mu myaka 20.

'Bwiza Riverside Homes' ni umwe mu mishinga migari igamije gukemura ikibazo cy'imiturire muri Kigali n'imijyi iyunganira.

Guverinoma yagennye hegitari 1.100 mu gihugu hose zirimo hegitari 890 ziri muri Kigali zizashyirwaho inzu ziciriritse. Kuri ubu hubatswe inzu 1692 mu mishinga itandatu muri Kigali n'imijyi iyigwa mu ntege. Indi mishinga 13 izatanga inzu 9000 irarimbanyije.

Mu kugera kuri iyi ntego, abashoramari barorohejwe binyuze mu kwegerezwa ibikorwaremezo, kugabanyirizwa umusoro kuri 15%, gufashwa kubona ubutaka no koroherezwa gukorera mu gihugu ibikoresho.

Inyigo yakozwe mu 2019 yerekanye ko Umujyi wa Kigali ukeneye inzu 310.000 zizatuzwamo ingo 373.000 mu 2017-2032. U Rwanda rushaka kubaka inzu nibura 150.000 ngo rugere ku ntego yarwo yo kugira izigera kuri miliyoni 5.5 mu 2050.

'Bwiza Riverside Homes' ni umushinga biteganyijwe ko bitarenze 2026 uzaba urimo inzu zisaga 8.000, naho mu 2033 zikagera ku 40.000; muri zo 70% ni izihendutse.

ADHI Rwanda Ltd iwushyira mu bikorwa, ifite ADHI Academy ihugura Abanyarwanda mu kubaka inzu, abarangije bakifashishwa mu kubaka, bakanashishikarizwa guhanga imirimo yabo bakoresheje iryo koranabuhanga.

Perezida Paul Kagame na Madamu Jeannette Kagame bitabiriye umuhango wo gutangiza umushinga wo kubaka amacumbi aciriritse kandi atangiza ibidukikije

Perezida Kagame ubwo yatambagizwaga inzu zubatswe muri uyu mushinga wa 'Bwiza Riverside Homes'

Umuyobozi Mukuru akaba n'uwashinze ADHI, Soleman Idd, yereka Perezida Kagame bimwe mu bikoresho byifashishwa mu kubaka izi nzu

Izi nzu ziba ziteye muri ubu buryo

Umuyobozi wa AHDI, Hassan Hassan, yagendaga asobanurira Perezida Kagame ibyerekeye uyu mushinga

Umuyobozi Mukuru akaba n'uwashinze ADHI, Soleman Idd, yashimye uko yakiriwe mu Rwanda

Perezida Kagame yashimye ubufatanye bwatumye uyu mushinga utangira gushyirwa mu bikorwa

Perezida Kagame yavuze ko hari ibigikeneye gukorwa mu kuzamura urwego rw’ubwubatsi mu gihugu

Yijeje uyu mushoramari ko Leta y'u Rwanda izaba umufatanyabikorwa we w'imena

Minisitiri w’Ibidukikije, Dr Mujawamariya Jeanne d’Arc, aganira n’umwe mu bitabiriye iki gikorwa

Iki gikorwa cyitabiriwe n’abantu banyuranye

Minisitiri w’Ububanyi n’Amahanga n’Ubutwererane w’u Rwanda, Dr Vincent Biruta

Umuyobozi Mukuru wa Banki ya Kigali, Dr Diane Karusisi

Imiterere y'inzu za Bwiza Riverside Homes

Inzu zubatswe mu buryo butangiza ibidukikije

Hari aho usanga hari ibitanda bigerekeranyije mu gukoresha neza umwanya

Izi nzu ziri i Karama mu Karere ka Nyarugenge

Ibikoresho birimo biratandukanye kandi bigezweho

Inzu ishobora kujyamo ibitanga bibiri

Inzu zirindwi zamaze kuzura, zashyizwemo ibikoresho by’ibanze

Mu bwogero bw’izi nzu ni uko hameze

Mu ruganiriro rw’imwe mu nzu yuzuye hateye amabengeza

Ahazubakwa izi nzu mu cyiciro cya mbere haratunganyijwe

Uyu mushinga numara kuzura ni uku uzaba umeze

Kanda hano urebe andi mafoto menshi

Amafoto: Igirubuntu Darcy

Ni filime asohoye mu gihe irushanwa rya Miss Rwanda riri kuba muri iki gihe, kugira ngo abakibuza abana babo kwitabira iri rushanwa bahindure imyumvire.

Ati 'Nyishyize hanze muri iki gihe kubera ko amarushanwa ya Miss Rwanda ari kuba, ngira ngo niba hari umubyeyi ugifite imyumvire nk'iyo ihinduke ntababaze umwana we.'

Akomeza ati 'Ni filime twifuza ko ihindura imyumvire muri sosiyete Nyarwanda, cyane cyane ababyeyi bagaha uburenganzira umwana w'umukobwa ntibamubuze amahitamo ye kuko bituma yica inzozi ze, kandi agakomeza kwitinya akabona ko hari ibyo atemerewe muri sosiyete.'

Fleury yabwiye INYARWANDA ko iyi filime yayikoze nyuma y'uko umukobwa amuganirije agahinda yagize, nyuma y'uko umuryango umubujije amahirwe yo kwitabira Miss Rwanda.

Uyu muyobozi wa BahAfrica Entertainment ati 'Ni inkuru mpamo yabayeho y'umwana wifuzaga kujya muri Miss Rwanda, ariko kubera umuryango we wari ufite imyumvire itandukanye bakamwangira kuko babifata nko kwiyandarika no gushakisha abagabo.'

Iyi filime yayikoze mu 2018. Akimara kuyitunganya, yahise ayishyira mu marushanwa atandukanye mu bihugu byo hanze.

Umwali Bella, ni we mukinnyi w'imena muri iyi filime. Uyu mukobwa uba ashaka kugera ku nzozi ze, akora ibishoboka byose kugira ngo yumvishe umuryango we ko ashaka kwitabira Miss Rwanda ariko bikanga.

Bigera n'aho ashaka gutoroka ava iwabo, ariko bakamufata. Umusangiza w'amagambo (MC) abwira abari bitabiriye igikorwa cyo gutora Miss Rwanda ko Umwali Bella [Akina yitwa Solange] atabashije kubonaek, akavuga ko atari inkuru nziza ku bafana be.

Muri iri rushanwa Akanama Nkemurampaka kaba kagizwe na Issa Dusingizimana, Salua Uwimana na Muhozi J. Paul.

Iyi filime igaragaramo kandi Rosine Bazongere, Jeannette, Diane Umuhoza, Umutoniwase Rose, Queen Uwase, Winnie Kirabo, Eric Mutuyimana, Sandrine Keza, Guy Xaver Nsengiyumva, Arthur Banshayeko n’abandi.

Yakinnyemo Bella Umwali [Solange], Cyprien Bruno [Danny], Longin Ilunga [Paul], Nyirabagesera Lea [Immaculée], Ngenzi Reyne [Pascal], Hakizimana Shabani [Bosco], Ingabire Divine [Nadia] na Floris Uwayo [Coach, ni we uba utoza abakobwa intambuko].

Irushanwa rya Miss Rwanda rirakomeza kuri uyu wa Gatandatu tariki 12 Gashyantare 2022, aho hamenyekana abakobwa bahagararira Umujyi wa Kigali. 

Fleury yavuze ko yakoze iyi filime mu rwego rwo gucyebura ababyeyi bakibuza abana babo kwitabira Miss Rwanda 

Umwali Bella, umukinnyi w’imena muri filime ‘Ndi Nyampinga’

KANDA HANO UREBE FILIME 'NDI NYAMPINGA' YUBAKIYE KU MUKOBWA WABUJIJWE AMAHIRWE YO KWITABIRA MISS RWANDA

“>

Ni nyuma y'uko iserukiramuro ryiswe 'Amahoro Festival' yari guhuriramo n'abahanzi bakomeye barimo Kidum ritabaye.

Iri serukiramuco ryateguwe na MIA ifatanyije na Angaza Africa ryagombaga kuba ku wa 26 Ugushyingo 2021, rikabera mu Mujyi wa Nairobi muri Kenya.

Edouce yabwiye INYARWANDA ko habura iminsi itatu ngo yerekeze muri Kenya, yamenyeshejwe ko hari ibyangombwa bitaraboneka byemerera abategura iri serukiramuro kurikorera muri Kenya.

Ati 'Igihe cyegereje twabonaga ntacyo ari kutubwira [Umunyarwandakazi uba muri Kenya wateguye iri serukiramuco], haburaho nk'iminsi itatu ndamubaza none se bimeze gute ko igiye wari waraduhaye cyo kuza muri Kenya cyageze cyanarenze habaye iki? Ni bwo yatangiye kumbwira ngo hari ibyangombwa batahawe bibemerera gukora 'festival' mu gihugu ngo nibyo bakiri gushaka'.

Uyu muhanzi yavuze ko iri serukiramuco ryasubitswe mu gihe bari batangiye kuryamamaza muri Kenya, ndetse ko hari n'abantu baho bari batangiye kumwandikira bamubwiye ko biteguye kumwakira.

Edouce yavuze ko album yagombaga gusohora mu Ukuboza 2021 yayirangije, ariko ko atarabona igihe cyiza cyo kuyishyira ahagaragara.

Avuga ko imwe mu ndirimbo ziri kuri iyi album ariyo yagiye gukorera amashusho mu Mujyi wa Goma. Ni indirimbo avuga ko ari iy'ubuzima busanzwe.

Edouce yagiye i Goma aho ari gufatira amashusho y'indirimbo ye agiye gusohora 

Edouce avuga ko iserukiramuco yari kuririmbamo muri Kenya ritabaye ku mpamvu z'uko hari ibyangombwa abaritegura batarabona 

Edouce uzwi mu ndirimbo nka 'My Love', 'Ni wowe' na 'Nyaranja', avuga ko muri uyu mwaka azasohora album ye

EDOUCE AHERUTSE GUSOHORA AMASHUSHO Y'INDIRIMBO YISE 'RASTA'

“>