Blog

Iyi kipe yitegura kwakira Rayon Sports muri shampiyona kuri uyu wa gatandatu tariki ya 12 Gashyantare, guhera kuri uyu wa gatanu yateguye ibirori bitandukanye bijyanye no gusubukura imikino yo kwishyura ndetse no kongera kwakira abafana kuri Stade Huye nyuma y' iminsi yari ishize batemerewe kureba imikino kubera Covid-19.

Ku mugoroba wo kuri uyu wa Gatanu tariki ya 11 Gashyantare, abakunzi b'iyi kipe n'abandi bose bazareba uyu mukino baratangirana n'igitaramo kizwi nka Silent Disco kiza kubera muri Hotel Credo, aho baza kuba bacurangirwa n'aba DJs bane batandukanye.

Kuri uyu wa Gatandatu kandi abakunzi b'ikipe ya Mukura barazindukira mu nama y'Inteko rusange, aho ku murongo w'ibyigwa harimo amatora yo kuzuza Komite Nyobozi, by'umwihariko gutora Perezida usimbura Nizeyimana Mugabo Olivier watorewe kuyobora FERWAFA.

Mbere y'uko yiyamamariza kuyobora FERWAFA, Nizeyimana Mugabo Olivier yeguye ku mwanya wa Perezida wa Mukura VS, bituma inshingano yari afite zisigarana uwari Visi Perezida we Sakindi Eugène, mu gihe Umunyamabanga Mukuru yakomeje kuba Théodate Siboyintore naho umubitsi aba Mutemberezi Paulin.

Nyuma y'Inteko rusange kuri Stade Huye hazakurikiraho umukino wa shampiyona w'umunsi wa 16 uzahuza Mukura na Rayon Sports guhera saa cyenda zuzuye.

Mukura Victory Sport igiye gutora perezida w’ikipe mushya usimbura Nizeyimana watorewe kuyobora FERWAFA

Mukura yateguye ibirori mbere yo kwakira Rayon Sports

Shampiyona y’icyiciro cya mbere iragaruka Mukura icakirana na Rayon Sports i Huye

Imodoka y’ikipe ya Kiyovu Sports isanzwe itwara abakinnyi b’iyi kipe yishe umumotari, ni mu gihe umushoferi wayo yahise atabwa muri yombi.

Ibi byabaye ku munsi w’ejo hashize ku wa Kane tariki ya 10 Gashyantare 2022 bibera kuri Station ya Essance Agaseke urenze gato Gatsata.

Amakuru avuga ko uyu mumotari yishe yari azanye umukanishi aje kuyikora kugira ngo isubire mu muhanda, uyu mumotari akaba yarahise afasha akazi uyu mumotari kugira ngo basubirane aho yari amukuye birangira imwishe, ni mu gihe umukanishi we yakomeretse.

Mu kiganiro umuyobozi wa Kiyovu Sports, Mvukiyehe Juvenal yahaye ikinyamakuru ISIMBI, yemeje aya makuru ko koko iyi modoka yahitanye umuntu, bakaba barimo bayikora ku kibazo cy’imyuka.

Ati 'Yego ni ukuri. Impanuka yabaye ejo, ibera ahantu yari yagiye kunywa amavuta, hanyuma bashaka no kuyikora ku bijyanye n’umwuka, noneho igihe barimo kuyikora bazamura imyuka bayimanura, umuntu wari munsi y’imodoka iramutsikamira, ni uko byagenze.'

Yakomeje avuga koko uwo yishe ari umumotari warimo afasha umukanishi yazanye, gusa uyu mukanishi we yaje kurokoka ndetse akaba yahise ajya kwa muganga ameze neza.

Ati 'yego ni umumotari nyine wari utwaye umukanishi wagombaga kujya gukora iyo modoka, noneho urumva hari utwo yamufashaga bose bari munsi y’imodoka, hanyuma uko bamanuraga imyuka bayizamura rero yo ihita imanuka imusanga hasi iramutsikamira ahita yitaba Imana.'

'Umukanishi we yakomeretse ariko n’ubu twanavuganaga nta kibazo gikomeye yari afite, yagombaga kujya kwa muganga bakareba ariko yambwiyeko nta kibazo afite kuko we bahise bamukuramo, ni ukubabara bisanzwe nta kindi kibazo.'

Yakomeje avuga ko umushoferi w’iyi modoka polisi yahise imufunga ubu bakaba barimo bamukurikirana. Polisi nayo ikaba yahise itangira iperereza ku cyaba cyateye iyi mpanuka bahera ku kureba niba iyi modoka yaba yari ifite ubwishingizi bwose n’ibyangombwa biyemerera kujya mu muhanda.

Si ubwa mbere iyi modoka ikoze impanuka kuko na tariki ya 10 Ukuboza 2021 yakoze impanuka i Nyamirambo ahazwi nka Cosmos igonga umuntu wagendaga n’amaguru ahita ajyanwa kwa muganga.

Imodoka ya Kiyovu Sports yakoze impanuka yica umuntu

Kakooza Nkuriza Charles (KNC)

Mu kiganiro yagiranye n’itangazamakuru kuri uyu wa Gatanu tariki 11 Gashyantare 2022, KNC yatangaje ko Juvenal wamureze muri FERWAFA adateze kumusaba imbabazi kuko ibyo yamureze we abifata nk’amahomvu.

KNC ubwo yabazwaga amakuru Mvukiyehe Juvenal uyobora Kiyovu yari yatangaje ko KNC yamusabye imbabazi, yahise abyamagana agira ati “Nta mbabazi nigeze nsaba Juvenal, nta n’izo nzamusaba kuko ibyo yandeze ni amahomvu”.

KNC kandi yakomeje avuga ko abona mu ishami rishinzwe imisifurire muri FERWAFA asanga umuyobozi w’iyo komisiyo ndetse n’umukozi ushinzwe imisifurire ngo bakwiye kwegura.

Aya mabuye y’agaciro ya magendu apima Toni isaga yatahuwe apakiye mu modoka nyirayo ahita atabwa muri yombi

Polisi y’u Rwanda yamenye amakuru iyakesha abaturage babonye iyo modoka, yari iturutse mu gihugu cya Uganda, yinjira mu Rwanda mu buryo butemewe n’amategeko, bakeka ko ipakiye magendu ya caguwa nk’uko byemejwe na SP Alex Ndayisenga, Umuhuzabikorwa w’ibikorwa bya Polisi n’Abaturage mu Ntara y’Amajyaruguru.

Yagize ati: 'Uwo mugabo yafashwe mu rukerera rw’itariki 9 Gashyantare 2022, nyuma y’amakuru polisi yamenye, iyabwiwe n’abaturage bari babonye imodoka ebyiri zari kumwe, ziturutse muri Uganda harimo iyari ipakiye ibyo baketse ko ari magendu ya caguwa. Ubwo izo modoka zageraga mu Murenge wa Kagogo, zageze aho Polisi yari iri, mu guhagarika ivatiri yari imbere, uwari utwaye imodoka ya Daihatsu byari bishoreranye, ari na yo yari ipakiyemo ayo mabuye y’agaciro, yavuyemo ariruka, hafatwa uwari mu modoka y’ivatiri, uniyemerera ko amabuye yari aye, ayajyanye kuyacuruza'.

Izi modoka zombi, zafatiwe mu Mudugudu wa Nyarugina Akagari ka Nyamabuye. Polisi y’u Rwanda ikaba ifata ibikorwa byo gutunda amabuye y’agaciro mu buryo butemewe, nk’ibigamije guhombya Igihugu no kuvangira abasanzwe bakora umwuga w’ubucukuzi bw’amabuye y’agaciro mu buryo bwemewe n’amategeko. Aha ni ho SP Alex Ndayisenga ahera asaba abakibyijandikamo kubireka hakiri kare, bataragerwaho n’ingaruka.

Yagize ati: 'Bisanzwe bizwi ko ibikorwa bya magendu, aho biva bikagera bitemewe, bitewe n’uruhare rukomeye bigira mu kudindiza iterambere ry’igihugu. By’umwihariko nk’abo binjiza ayo mabuye mu gihugu, muri ubwo buryo, ntibaba batanze imisoro. Ikindi ni uko n’ubuziranenge bwayo, buba butizewe, bitewe n’uko nta rwego na rumwe mu zizwi ruba rwafashe umwanya ngo ruyasuzume, nibura rwemeze ko yujuje ubuziranenge koko'.

Yakomeje agira ati 'Ikindi kinakomeye ni uko abantu bakwiye kumenya ko, ubucuruzi nk’ubu, bunabangamira ubucukuzi n’ubucuruzi bw’amabuye y’agaciro bukorwa mu buryo bwemewe no kubaca intege; akaba ari yo mpamvu nka Polisi, tubwira abakibikora ko tutazigera na rimwe tubihanganira, tugahamagarira abaturage kujya bakomeza kuduha amakuru y’abakora ibikorwa nk’ibyo, ariko by’umwihariko dusaba n’abakibikora kubihagarika amazi atararenga inkombe'.

Polisi y’u Rwada yibutsa abishora mu bucukuzi n’ubucuruzi bw’amabuye y’agaciro mu buryo butemewe, ko ari icyaha gihanwa n’amategeko.

Itegeko N° 58/2018 ryo ku wa 13/08/2018 ingingo ya 54, rivuga ko umuntu wese ushakashaka, ucukura, utunganya, ucuruza amabuye y’agaciro cyangwa kariyeri nta ruhushya abifitiye, aba akoze icyaha.

Mu gihe urukiko rumuhamije iki cyaha, ahanishwa igifungo kitari munsi y’amezi abiri ariko kitarenze amezi atandatu, agatanga ihazabu y’amafaranga y’u Rwanda atari munsi ya miliyoni 1, ariko atarenze miliyoni 5, cyangwa kimwe gusa muri ibyo bihano.

Mu gihe ayo mabuye afatiwe mu bubiko, acuruzwa cyangwa atunganywa, nyirayo atabifitiye uruhushya; bitegetswe ko ayanyagwa. Mu gihe imodoka ifashwe itwaye amabuye y’agaciro mu buryo butemewe, yo itezwa cyamunara, ufashwe ayitwaye, agacibwa amande y’amadolari ibihumbi bitanu.

Uwo mugabo akimara gufatwa, yahise ashyikirizwa RIB Station ya Cyanika hamwe n’ibyo yafatanywe, iperereza rikaba rikomeje.

Myugariro wa AS Kigali, Rugwiro Herve avuga ko ibihe bigoye mu rugendo rwe rwa ruhago yabigize ubwo yari mu ikipe ya Rayon Sports kuko yamaze igihe kinini adahembwa kandi yari afite umuryango wo kwitaho.

Uyu mukinnyi ukina mu mutima w’ubwugarizi, yinjiye muri Rayon Sports mu mpeshyi ya 2019 maze muri Werurwe 2020 shampiyona irahagarara kubera icyorezo cya Coronavirus cyari cyageze mu Rwanda, ibintu byongeye gusa n’ibisubira ku murongo muri 2021.

Aganira n’ikinyamakuru ISIMBI, Avuga ko ibihe bidasanzwe yagize mu rugendo rwe rwa ruhago yabigiriye muri APR FC kuko ari ho yatwariye ibikombe byose afite.

Ati 'ni muri APR FC kuko niho natwariye ibikombe byose bikinirwa hano mu Rwanda, byinshi nka 7 ngira ngo mfite, urebye ni aho ahandi ntabwo ndabasha kugira icyo nkora.'

Umukino u Rwanda rwanganyijemo mna Ghana 1-1 muri Ghana 2016 mu gushaka itike y’igikombe cy’Afurika, ni wo mukino afata nk’uw’ibihe byose kuri we.

Yavuze ko kandi ubwo yari muri Rayon Sports yamaze amezi hafi 8 adahembwa kandi afite umuryango wo kwitaho, bikaba ari byo bihe byamugoye cyane.

Ati 'Ibihe byankomereye ni ibihe byo muri Coronavirus, ndi muri Rayon Sports usibye ko ari ku Isi hose ibibazo byari biriho, urumva iyo umaze amezi nk’umunani, umuntu adakora, adahembwa ni ibindi bindi.'

Yakomeje avuga ko kandi uretse ibi, n’ibihe birukanwaga muri APR FC nabwo byari ibintu bitoroshye cyane kuko byaje bisa n’ibibatunguye.

Ati 'ikindi gihe ni igihe twahinduraga amakipe batwirukana muri APR FC ariko ibyo ni ibisanzwe mu buzima bw’umuntu ariko byo naje kubyumva.'

Abajijwe niba abona ko koko bari bakwiye kwirukanwa, yagize ati 'Umubare munini uba utunguranye rimwe na rimwe uba ubona ko umuntu aba agishoboye ariko ni politiki y’ikipe, buri muntu, buri muyobozi na buri kipe igira ibyo igenderaho, ntekereza ko cyari cyo gihe cyiza cyabo kuko banakomeje banitwara neza ngira ngo rero cyari cyo gihe.'

Kubera umuasaruro utari mwiza muri 2019, APR FC yafashe umwanzuro wo gusezerera abakinnyi 16 barimo na Rugwiro Herve wahise yerekeza muri Rayon Sports, ubu ari muri AS Kigali avuga ko ashaka gufasha akaba yagira igikombe ayihereza.

Ibihe bikomeye yahuye nabyo muri Rayon Sports

Rugwiro Herve avuga ko muri APR FC ari ho yagiriye ibihe byiza

Montagnier na Françoise Barre-Sinoussi basangiye igihembo cya ‘Nobel’ mu mwaka wa 2008, kubera akazi bakoze mu kigo cya Pasteur i Paris mu guhashya SIDA, ubwo bavumburaga Virus itera SIDA.

Ubuvumbuzi bwabo bwakanguriye abantu kwipimisha virusi itera sida ndetse no gukora igabanya ubukana bwayo.

SIDA yamenyekanye bwa mbere mu 1981, igihe abaganga bo muri Amerika babonaga urupfu rudasanzwe rw'abantu babiri bakundanaga i Californiya, bagasanga urupfu rwarakomotse ku mibonano mpuzabitsina.

Montagnier n’umunyamerica Robert Galo bari mu bafashe iya mbere mu kuvumbura inkomoko ya SIDA, ndetse na Virusi iyitera ari nako bageragezaga gukora imiti.

Montagnier

Bombi biyongereyeho Françoise Barre-Sinoussi bafatanya mu bushakashatsi biza  gutanga umusaruro mu mwaka w’1983, ubwo Robert Galo yari yaramaze kuva mu itsinda.

Montagnier yavutse ku ya 8 Kanama 1932, i Chabris mu karere ka Indre mu Bufaransa.

Nyuma yo kuyobora ishami rishinzwe kurwanya Sida hagati ya 1991 na 1997, yigishije muri kaminuza ya Queens i New York ari nako yakomeje gukora ubushakashatsi butandukanye ku ndwara n’imiti.

Mu myaka ya nyuma y’ubuzima bwe, Nyakwigendera yumvikanye ahanganisha ibitekerezo bye n’iby'abagize amahuriro y’abavumbizi mu by’indwara, nk’aho atemeranyaga na benshi ku buryo bwo kwirinda Coronavirus.

Montagnier na Siannoussi bahawe igihembo cyitiriwe Nobel