Blog

Ku gicamunsi cyo kuri uyu wa mbere tariki ya 14 Gashyantare 2022, nibwo ubuyobozi bw'ikipe ya Etoile de l'Est yo mu ntara y'i Burasirazuba mu karere ka Ngoma yatangaje ko yasinyishije umutoza mushya mukuru Addy Bukaraba

Ni nyuma yaho iyi kipe yari imaze gukina igice kibanza cya shampiyona y'u Rwanda ntamutoza mukuru bafite, bakaba baratozwaga na Banamwana Camarade waje kwandikirwa n'ishyirahamwe ry'umupira w'amaguru mu Rwanda, FERWAFA, ribababwira ko bagomba gushaka umutoza mukuru wujuje ibisabwa.

Addy Bukaraba aje muri iyi kipe iri gukina umwaka wayo wa mbere mu kiciro cya mbere nyuma yaho yazamutse ivuye mu kiciro cya kabiri mu mwaka ushize.

Mbere yo kwemeza uyu mutoza, ubuyobozi bwa Etoile de l'Est bwari bwagiranye ibiganiro n'abatoza batandukanye barimo Munyankindi Jean Paul, Ruremesha Emmanuel ndetse na Ndayiragije Etienne wahise yerekeza muri Bugesera FC.

Akimara gutangazwa nk'umutoza mukuru, Addy Bukaraba yahise akoresha imyitozo ikipe ya Etoile de l'Est yitegura kwakira ikipe ya Gicumbi FC mu mukino w'umunsi wa 17 wa shampiyona y'u Rwanda uzakinwa kuri uyu wa gatatu.

Umutoza Addy Bukaraba ukomoka muri Repubulika Iharanira Demokarasi ya Kongo, ari mu murimo wo gutoza yanyuze mu makipe atandukanye yo mu gihuhu cye arimo nka AS Nyuki, DC Virunga na Bukavu Dawa.

Addy wahawe amasezerano yo kurangizanya n'iyi kipe uyu mwaka w'imikino wa 2021-2022 afite inshingano zo gufasha iyi kipe kuguma mu makipe azakina ikiciro cya mbere umwaka utaha wa 2022-2023.

The post Nyuma yo gutangaza Addy Bukaraba nk'umutoza mushya wa Etoile de l'Est, yahise akoresha imyitozo bitegura kwakira Gicumbi FC appeared first on RUSHYASHYA.

Source : https://rushyashya.net/nyuma-yo-gutangaza-addy-bukaraba-nkumutoza-mushya-wa-etoile-de-lest-yahise-akoresha-imyitozo-bitegura-kwakira-gicumbi-fc/?utm_source=rss&utm_medium=rss&utm_campaign=nyuma-yo-gutangaza-addy-bukaraba-nkumutoza-mushya-wa-etoile-de-lest-yahise-akoresha-imyitozo-bitegura-kwakira-gicumbi-fc

Source : https://www.kigalitoday.com/imikino-11/basketball/article/bal-2022-mukama-victor-axel-mpoyo-na-pitchou-mu-bakinnyi-bashya-reg-izifashisha

Source : https://agakiza.org/????-LIVE-AMASENGESHO-Day-4-Kwifatanya-na-Yabesi-mu-isengesho-rye-Pst-Jean-8527-8527-8527.html

Umuherwekazi w'umugande uba muri Afurika y'Epfo, Zari Hassan uherutse guhakana amakuru avuga ko ari mu rukundo n'umunyemari ukomeye King G.K uzwi ku izina rya G.K Choppa , bwa mbere Zari yeruye aca amarenga y'uko hari ibirenze ubushuti aho yavuze ko ibyabo nibirangira mu marira ariwe bireba.

Kuva mu mpera za Mutarama 2022 byatangiye kuvugwa ko Zari ari mu rukundo n'uyu mugabo, mu ntangiriro z'uku kwezi Zari bwa mbere yavuze ku mubano wabo aho yavuze ko ari inshuti zisanzwe.

Hamaze iminsi havugwa urukundo hagati y'umuherwekazi w'umugande, Zari Hassan n'umunyemari GK Choppa
Amafoto y'aba bombi bari kumwe, bahuje urugwiro yakomeje kwatsa umuriro ku mbuga nkoranyambaga, hari n'ababavugiyeho ko ibyabo bizarangira mu marira.

Abinyujije kuri Snap Chat mu mashusho yashyizeho ku munsi w'ejo hashize ku Cyumweru tariki ya 13 Gashyantare 2022, yasabye abantu kwifuriza abandi ibyiza, anongeraho ko abavuga ko bizarangira mu marira azaba ari ayabo nta n'umwe bireba.

Ati 'mwaramutse abankunda n'abanyanga. Mwige kwifuriza abantu ibyiza. Nibirangira mu marira, ntabwo ari ayanyu. Mwige kwifuriza abantu ibyiza.'

Si ubwa mbere Zari avuze amagambo nk'aya kuko ubwo yari mu rukundo n'umusore witwa Dark Stallion nabwo yabwiwe ko bizarangira mu marira, yabasubije ko abizi.

Zari Hasaan ni umwe mu bantu batahiriwe n'urukundo nubwo mu buzima busanzwe agaragara nk'umuntu utagize icyo abuze.

Yashakanye na Ivan Ssemwanga 2001 batandukana 2013 bamaze kubyarana abana 3 b'abahungu, muri 2017 yaje kwitaba Imana, nyuma y'aho nibwo yavuzwe mu rukundo na Diamond Platnumz baje kubana nk'umugore n'umugabo ariko na we baje gutandukana bamaze kubyarana umuhungu n'umukobwa.

Ntibyagarukiye aho gusa kuko na nyuma yavuzwe mu rukundo n'abandi bagabo batandukanye barimo uwo yari yarise King Bae ariko nabo ntibarambanye.

Zari uri mu rukundo n'uyu mugabo, mu ntangiriro z'uku kwezi bwa mbere yavuze ku mubano wabo aho yavuze ko ari inshuti zisanzwe.

Source : https://umuryango.rw/imyidagaduro/article/bwa-mbere-zari-yavuze-ku-muherwe-bari-mu-rukundo-anasubiza-abakomeje

Source : https://www.kigalitoday.com/ubuzima/indwara/article/covid19-abantu-2-bitabye-imana-abanduye-bashya-ni-13

Kuva ku wa Gatandatu tariki ya 12 Gashyantare 2022, umukinnyi wa Youvia WFC, Tuyishimire Angelique ari muri Koma kubera kunanirwa kwakira ko ikipe itabashije kuzamuka mu cyiciro cya mbere.

Youvia WFC, yasoje imikino yo mu itsinda A mu cyiciro cya kabiri cy’abagore iri ku mwanya wa mbere, byari bivuze ko igomba guhura n’iya kabiri mu itsinda B, isezerera indi ikazamuka mu cyiciro cya mbere.

Yahuye n’ikipe ya Kayonza WFC, umukino ubanza Kayonza WFC yayitsinze 4-0, bivuze ko umukino wo kwishyura yasabwaga gutsinda Kayonza WFC ku kinyuranyo cy’ibitego biri hejuru ya 4.

Siko byaje kugenda kuko umukino wabaye ku wa Gatandatu, wabereye mu karere ka Rulindo, warangiye Youvia WFC itsinze 4-2, ihita ibura amahirwe yo kuzamuka mu cyiciro cya mbere.

Abakinnyi ba Youvia kubyakira byarabananiye bitewe n’uko bari bitwaye mu mwaka w’imikino, biviramo Angelique kujya muri koma aho arwariye CHUK.

Mu kiganiro umuyobozi w’iyi kipe, Ndarama Mark yahaye ISIMBI, yavuze ko uyu mukobwa w’imyaka 22 yakangutse ariko nta kintu na kimwe arabasha kuvuga.

Ati “ashobora kumera neza kuko ibintu byose ubu bimeze neza, yakangutse ariko ntarabasha kuvuga, arakoresha amarenga. Yabonye amafoto y’ikipe ubona ko yishimye mu maso. “

Abandi bakinnyi bari bagize ikibazo barimo Dukuzumuremyi Marie Claire umaze gutsindira iyi kipe ibitego byinshi, Muhayimpundu Ratif ukina hagati ndetse na myugariro wabo w’ibumoso Umutoniwase Denise.

Ntabwo gusezererwa batazamutse mu cyiciro cya mbere Youvia WFC yabyakiriye

Angelique yahise ajya muri koma

Source : http://isimbi.rw/siporo/article/iminsi-3-umukinnyi-w-umunyarwanda-ari-muri-koma-kubera-gutsindwa

Ikipe ya Apr Fc yongereye amasezerano umuzamu wayo Ishimwe Jean Pierre ndetse anahabwa akayabo k'amafaranga atatangajwe

Ubuyobozi bw'ikipe y'ingabo z'igihugu APR F.C bwongereye amasezerano uyu umunyezamu wayo Ishimwe Pierre wazamukiye mu ishuli ry'umupira w'amaguru ry'iyi kipe.

Ishimwe Jean Pierre wanyuze mu Ntare za Apr Fc yangereye amasezerano mu gihe cy'imyaka ine.

Ni igikorwa cyabaye kuri uyu wa Mbere cyari kiyobowe na Chairman wa APR F.C Lt Gen Mubarakh Muganga, ndetse n'abandi bakozi b'ikipe y'ingabo z'igihugu.

Reba Amafoto Ishimwe Jean Pierre ari gusinya

Source : https://yegob.rw/breaking-news-ikipe-ya-apr-fc-yongereye-undi-mukinnyi-amasezerano-amafoto/

Umuhanzi ukomeye muri Afurika Diamond Platinmuz agiye guhurira muri filime imwe n'uwahoze ari umugore we 'Zari The Boss Lady' ndetse n'ibindi byamamare bikomeye muri Afurika.

Iyo filime yitwa 'Young, Famous & African'. Iyo Filime izaba ivuga ku buzima bw'ibyamamare hano muri Afurika aho kandi iyo filime igaragaramo ibyamamare bikomeye ku mugabane w'Afurika.

Iyo Filime izasohokana ibice bigera kuri birindwi (7), ndetse kandi izagaragaramo bimwe mu byamamare bikurikira: Diamond Platinmuz kuva muri Tanzania, Zari The Boss Lady, Khanyi Mbau, Umuraperi Nadia Nakia, Annie Macaulay Idibiya, 2Baba, Dj Naked, Swanky Jerry, Andile Ncube na Kayleigh Schwark.

Iyo Filime izagaragaramo bumwe mu buzima bw'urukundo mu byamamare by'Afuruka ndetse n'ubuzima butangaje bwo mu mugi wiswe uwa zahabu ( Joburg muri Afrika yepfo)

Ni filime yakozwe na Stidiyo ya Urban Brew ifatanyije n'abandi bagabo bakomeye mu gutunganya sinema muri Afurika. Abo bagabo ni: Martin Asare Amankwa ndetse na Peace Hyde.

Intego yiyo filime ngo ni ukwerekana ubuzima bwa bamwe mu byamamare muri Afurika nk'uko byatangajwe n'abateguye iyo filime.

Young, Famous & African ni filime yakorewe mu murwa mukuru w'igihugu cya South Africa 'Jorburg'.

Iyo filime izasohokera ku rubuga rwamamaye gucuruza sinema 'Netflix' ku itariki ya 18 Werurwe 2022.

Reba interamatsiko yiyo filime

View this post on Instagram

A post shared by SIMBA..!🦁 (@diamondplatnumz)

Source : https://yegob.rw/bwa-mbere-diamond-platinmuz-yahuriye-muri-filime-imwe-nuwahoze-ari-umugore-zari-the-boss-lady-videwo/

Rumwe mu Rubyiruko rwahawe akazi ko gukora imihanda mu karere ka Nyamagabe, aho bakorera kompanyi ya Big Heaven contractor, baravuga ko amezi agiye kuba 5 batarahabwa n'iripfumuye(ifaranga). Basaba ko amahirwe bahawe akwiye kujyana no guhabwa ibyo bakoreye. Bamwe mu bayobozi bavuga ko hari amezi 2 baherutse kubahemba nubwo bo bakavuga ko ibyo babyumva mu magambo. Hari n'abananirwa kwihangana ngo bakishora mu busambanyi bashaka uko bakemura ibibazo.

Mu gihe Tariki ya 22 Gashyantare uyu mwaka wa 2022 amezi atanu azaba yihiritse nta faranga babonye kandi byitwa ko bakora, uru rubyiruko rwemeza ko aya mafaranga bategereza igihe kingana gutya bigoye kuba yaza ngo agire icyo abamarira.

Umwe muri aba mu mvugo ahuza na bagenzi be ati' Biratubabaza kubona tugiye kumara amezi 5 yose tutarabona kuri aya mafaranga twitwa ko twakoreye kuko kuva mu kwezi kwa Nzeli 2021 ntiturahabwa n'iripfumuye. N'abakoresha bacu ntubabaza ngo bakubwire ngo wenda azanaboneka vuba'.

Undi muri uru rubyiruko twirinze gutangaza amazina, avuga ko hari bagenzi be bakorana bigora kwihanganira itinda ry'aya mafaranga n'ibibazo baba bafite, bakishora mu busambanyi kugirango babashe kubona ibyo bagakwiye kwibonera ubwabo mu gihe bahembwe. Asaba ko bene izi kompanyi zibakoresha n'abazihaye amasoko bakwiye kubikemura hakiri kare kuko bishobora kuzateza ikibazo gikomeye abakozi babo.

Umuyobozi wa Kompanyi ya Big Heaven Contractors ikoresha aba bakozi, Mateso Ferdinand, yabwiye intyoza.com ko amafaranga koko yatinze, ariko akemeza ko hari amezi 2 bahawe ku wa Gatanu w'icyumweru gishize ndetse ko andi mezi 2 asigaye bazayahabwa vuba kuko ngo bamaze gutanga ibisabwa byose kugira ngo bahembwe.

Ati' Nibyo birashoboka ko twatinze guhemba abakozi bacu ariko natwe si twebwe. Ikosa ni abagomba kuduha amafaranga tukishyura kuko twebwe turebana n'ikigo gishinzwe ubwikorezi no gucunga imihanda (RTDA) ndetse na RMF, nibo bagomba kujya baduha amafaranga y'ibimaze gukorwa ari nabyo duhemberwa bityo tugahemba abakozi bacu'.

Akomeza ati' Kutabahembera igihe bitera ikindi kibazo cyo kudakorana umwete ibyo bashinzwe kuko baba batahembewe ku gihe, bityo no kubaha icyizere cy'uko azaza vuba kiba kigoranye kucyemera'.

Umuyobozi w'Akarere ka Nyamagabe, Ku murongo wa Telefoni yavuze ko yavuganye n'ubuyobozi bwa Kompanyi ya Big Heaven Contractors, ko abakozi bayo bose bahembwe nta kibazo kirimo cy'imihemberwe, ariko kandi ku rundi ruhande akavuga ko hari Kompanyi imwe itaruzuza ibyangombwa ngo isinye amasezerano, ko nayo niyuzuza ibyangombwa izahembwa vuba.

Akimana Jean de Dieu

Source : https://www.intyoza.com/nyamagabe-amezi-agiye-kuba-5-abakora-imihanda-yahawe-kompanyi-zurubyiruko-badahemwa/

Uyu munsi uba umunsi w'abakundana; umunsi wizihizwa cyane aho abantu bagaragariza urukundo no kwita ku bakunzi babo kwisi yose. Kuri uyu munsi rero umukobwa yateye bagenzi be ishyari ubwo yababwiraga ko kuri saint valentin umukobwa atagifite amabere ashinze nk'imitemeri ntacyo aba avuze.

Uyu mukobwa wagaragaye kuri Facebook ko yateye isoni abagore bagenzi be nyuma yo kuvuga ko kwizihiza umunsi w'abakundana ari iby'abagore bafite amabere meza; niyo mpamvu abadamu bafite bafite amabere yaguye bagomba gutegereza umunsi w'abamama.

Source : https://yegob.rw/saint-valentin-ni-iyabakobwa-bafite-amabere-yimitemeriumukobwa-yeteye-ishyari-bagenzi-be/